محتاج اشوفك الحضات
يابــــــو الرسوم الحلوات دليني وين انته

لياحــــــــــد اضل متانيك
ياهـــــــــو اليدليني عليك دليني وين انته
ــــــــــــــــــــــــــــــــــــــــــــــــــــــــــــــــــــــ

متانيك ودمعتي تشرح كل غذابي
يامهدي انه احبك كاتبها على بابي
ساعي دموعي ماجاك ماوصل كتابي


يمته الكاك وحجيلك
من فراكك اشكيلك
كل مصباح ابجيلك

غيابك حيل تعبني
ودمع الشوك فاضحني
بهجرك هاذ جارحني

انه الكتل كلبه الشوك
وبحبل بعدك مخنوك
يل كلبي عذبته

جايمته الملاكه يصير
همي اشتكى اليابير
ظل كلبي عذبته

ــــــــــــــــــــــــــــــــــــــــــــــــــــــــــــــــــــــ

ياهو امشيله مولاي ويكربني منك
ادور ونشد عليك ماكو أخبار عنك
كالو ماسكت يوم عل مسبيه ونك

ابجي وياك خليني
واللخيمات وديني
وعلى حسين بجيني

يالمتعوب من طفك
امسح راسي ابجفك
وشمل كلبي بعطفك

اذكرني بدعائك كل يوم
يالدمعتك تجري ادموم
للهشمو جثته
مدلي ايدك وخذني وياك
وبجيني فدوه المبجاك
للهشمو جثته

ــــــــــــــــــــــــــــــــــــــــــــــــــــــــــــــــــــــ

ماحب طاري الفراك يخنك روحي احسه
يمهدي وأنه اهواك لتضن مره انسه
جرحك بيه ماطاب ضل بكلبي نفسه

نار الشوك تجويني
الفركه هواي تاذيني
وين الكاك ياعيني

يمته وين نتلاكه
روحي هواي مستاكه
فاضت كلبي اشواكه


جا يمته اشوفنك جاي
طول غيابك مولاي
يالجيتك جيت ماي
العقلي جننته

وديتلك جم مرسال
بلياك مو زين الحال
طال البعد كلش طال
العقلي جننته

ــــــــــــــــــــــــــــــــــــــــــــــــــــــــــــــــــــــ

كل جمعه انه متانيك متانه الشجره للماي
مر العيوني لو طيف ورحم كلبي مولاي
يمته اسمعها وارتاح الحبيته صدك جاي

لآخر اخ تانيتك
وسئل دوم عن بيتك
محتاج الحنيتك

غربه الناس بعيوني
انه اهواك يدروني
بحسنك جن جنوني

غيرك فلا ريد انسان
انت السكنة الوجدان
والروحي عاشكته
من حكي اتغزل بيك
انه اليهيم بطاريك
والروحي عاشكته

ــــــــــــــــــــــــــــــــــــــــــــــــــــــــــــــــــــــ

هنيالي انه مولاي جي طحت بغرامك
غيري ويالخلك عاش مامجوي بخيامك
المر يومه بلياك مانال اهتمامك

الدوم انت على باله
يامولاي هنياله
البسمه اتكوم تحلاله

يم حسين ادعيلك
ومنانيه تعحيلك
يالمهدوم كل حيلك

بكل جمعه ارفعها اليد
عجل ضهورك يالحيد
وجرى الدمع سكته

يالعذبتني بفراكاك
حلمي اكعد اسويعه وياك
وجرى الدمع سكته

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

ام البنين
١
الجابت العباس شتضن يامره
الله خالقها أعلى مودك حيدره
خوش زلمه شافك وهيج اكرماك
ولذالك طلع سبع الكنطره
طلع هيبة حيدر
حكهه بي من تفخر
ام البنين
......
٢
الله ماضن طين خالقها العلي
وفه وغيره وفصلاها أعلى الولي
العنده هم بصدره ينخه ام البنين
تقضي حاجاته وشكو هم ينجلي
فاتح الله الها الباب
بجفها تختار احباب
ام البنين
.....
٣
بكلشي نندبها وحشى ترد واحد
وابسط الأمثال زينب شاهد
دوم ابو الحسنين اذا طب للقتال
يصيح باسم البنين يجاهد
عزم تنطي واصرار
احزام ضهر الكرار
ام البنين
......
٤
غير تربات البداوه والقيم
والاصيله مبينه من نكل الجدم
الشرف والعفه هذني طالبات
بمدرستهه وقدوه صارت للامم
يشهد لها التاريخ
عكال هي الكل شيخ
ام البنين
.....
٥
انتي اول مره تضحي باربعه
فدوه كلتي للحسين ومرضعه
انتي ام المامدنك راسه يوم
ورفع راسج من وكف عالمشرعه
وكفو من ام العباس
دوم مرفوعة راس
ام البنين
.....
٦
والله كفيتي وصدك وفيتي
اعز شي عندج حسين اطيتي
جازي فضلج واحنه كلما مرنه ضيج
نكول يم عباس رئسا جيتي
فضلج بهذا الكون
اتنومسن بي لعيون
ام البنين
خادم أهل البيت ع الشاعر محمد العمري

من كربله جاي ... زاير الج زاير الج
الماشارب الماي ... زاير الج زاير الج
الجبتي العمر تجريله الدموع
هاليوم اجاج ابكلب مفجوع
......
فتحيهه عينج يم الابنين
عباس اجاج وجايب حسين
رغم الجروح النازفه البي
ماعافج الوحدج تموتين

من كربله اتعناج هاي المسية
يحضر دفنتج راد يوم المنية

ما هم بالالام ... يمج اجه يمج اجه
وبصدره الاسهام ... يمج اجه يمج اجه
شابع بواجي وحيل موجوع
.......

اتعنالج ابدمعات العيون
حاضر حسين اوية اليشيعون
بس عنده غصه بصدره يا حيف
شيل الجنازة رايد امتون

وبحسينج اتعرفين مثلو تمثيل
ضلوعه اصبحت ميدان لِحوافر الخيل
 
كاصد للمصاب .. من كربله من كربله
مسلوب الثياب ... من كربله من كربله
ماعافج المتكسَّر اضلوع


........
يالعمرج اكضيتيه معانات
عل مات من كثر الجراحات
وانذرتي لجله ادموع العيون
وبحركَه تحجيهه بعطش مات

انذرتي ابثوابه الماي لاخر حياتج
واليوم اجه ايجازيج عن تضحياتج

جايبلج اوياه .... دمعه اليصب دمعه اليصب
والأكثر اذَّاه ... دمعه اليصب دمعه اليصب
طفه ابرحيلج كل الشموع

........
قصة حسين وذبحه الاذاج
عاشت لحد الموت وياج
ليل ونهار امكابله النوح
مهدوده حيل الوكت خلاج

من بعد ابو الاحرار بيتج هجرتي
سويتي بيت احزان واشكد كبرتي

عمرج خلص نوح .... يم الكمر يم الكمر
عالراح مذبوح .... يم الكمر يم الكمر
حزنج واونج صار موضوع
.......

ولدج رخصتي لغله معشوك
تضحيتج بعين العرش فوك
ابماي الذهب مخطوطه عالوح
لحسين غيرج ام فلا اتلوك

حنيتج اعله حسين جن ام أبيهه
وبالمحشر الزهراء اتشكرج عليهه

يا ام الابنين ... شكرا الج شكرا الج
وافيتي لحسين ... شكرا الج شكرا الج
بيج الوفه ظل راسه مرفوع
......
كلمات : موسى الخادم




@HxzEU1

#قناه_نشر_القصائد_المنبريه

اتمنيتي كبرج يم الابنين
ينبني وتزورة الملايين
بس الله جازاج اكثر اهواي
عوضج مو حضره حضرتين
حضرةالكافل حضرة حسين

..........؛؛
مابينه واحد يدخل ايزور ..لحسين والعباس اخيه
بعده اعله باب الحضره ويصيح ... الف السلام اعله الوفيه

وابلا شعور ولا وعي نرفع ادينه
انسلم عليج الحضرتج نحسب اجينه
مو بالمدينه مرقدج مو بالمدينه
بكلب اليحب حسين واعليه تبجي عينه

يالجنتي لجل حسين تبجين
عطشان راح اوليدي تحجين
جم غصه شلتي بشربت الماي
لحسين عشتي ومتي لحسين

......
اكتاب الزيارة ما يفارك ... صحن الحسين وابو فاضل
تتلاكفه اجفوف اليزورون ... ابلايه استراحه ابلا فاصل

ليل ونهار احبابج اتأدي الزياره
يم الحسين اسمج ربح واعظم تجاره
باجر ضريحج ينبي وتعله المناره
ومن كربله تطلع مشي ليج الغياره

باجر الج مو كبه كبتين
تنبني وتزورج ملايين
وأربع مناير تبهر الجاي
كلهن ذهب بسم الميامين
.........

للناس باب الحاجه انتي .... خصصج ربنه ابهل كرامه
كلمن يندبج عنده حاجه ... تنقضي حاجاته ابسلامه

جم واحد ابواحد اخذ حاجاته منج
سر الاجابه الحمد تقره انيابه  عنج
اخت ام الحسين وحسن والله جنج
طيبتج  طيبت   فاطمه اونتهه ونج

كلش عظيمه يم الابنين
مو نعمه وحده انتي نعمتين
ما يبقى يمج تايه الراي
باب الحوائج للمحبين

.....
يل جنديتي الخدمة حسين ... اربع بنينج وانتي خامس
مايوم قصرتي بخدمته ...   جبتيهه واهس على واهس

خَّدامه كلتيهه ابفرح لبن الزجية
وعلمتي عباسج على اطباع الوفية
وما رجف جفنج على اولادج يل أبية
لحسين جانت دمعتج صبح ومسيه

خلصت حياتج دمعة بالعين
ما فرحه شفتي بعد الحسين
رد ساعه كحًّل بيهه عيناي
عاشت اوياج الاخر الاسنين

.......
مثلج مره يا أم الاطهار ... ابهذا الزمن هيهات نلكَه
بالمرتبه بعد ام الحسين ... حكه اليفاخر بيج حكَه

يا كبره حضج الله خصج بالكرامه
زوجه العلي خلاج وام لأعظم يتامه
اسمج يجي بعد ام حسن يوم القيامه
اربع نساء العالم وانتي الختامه

هنيالج وصارالج اسمين
ام ابو فاضل وام الحسين
يامره مثلج حصلَّت هاي
هاي الكرامه للمضحين

.......
كلمات
موسى الخادم



@HxzEU1

#قناه_نشر_القصائد_المنبريه

في يوم شهادة مولاتي زينب ع كأني بمولاي العباس ع يخاطب ابنه الفضل قائلاً //


خافن اتكول ابو فاضل ما اجاني
يلفضل صيرلها دفان بمجاني
زينب بگلبي اشكبرها
احفر بدالي گبرها
خافن اتكول ابو فاضل ما اجاني
..................................................
اعتذر لدموعك الطاحن ومني لاتضل زعلان
ما اخذتك الطف احسين جي ردتك الغير امجان
لهذا اليوم ضميتك تصير لعمتك دفان

بيدك غمض العيون
تحبك عمتك ام عون
تحبك عمتك ام عون
بيدك غمض العيون

اهواي سلملي اعله زينب بلمكابر
يبني ما شايفها من ليلة العاشر
البيه عاشت من زغرها
احفر بدالي گبرها
خافن اتكول ابو فاضل ما اجاني
..................................................
فضل يوليدي ما اوصيك اريدك يم گبرها تنام
انته بكلشي تشبهني وكلها من تطب للشام
عباسج احسبيني واجالج بس بدون اسهام

وارگض الها ملهوف
ويمها ضم الاجفوف
ويمها ضم الاجفوف
اركض الها ملهوف

رايد اتكلك...هله بجية الكافل
ورايد اسمع منها مامات ابو فاضل
بس دمع وآه بعمرها
احفر بدالي كبرها
خافن اتكول ابو فاضل ما اجاني
..................................................
ابجي لعينك وعيني واعميهن الهاي وهاي
واعطش يلا تدفنها تحب المايريد الماي
وگبرها كون گد كلبي متعوده اعله كلبي اهواي

هيه اعيوني الاثنين
وروحي وروح الحسين
وروحي وروح الاحسين
هيه عيوني الاثنين

ام ابوك اتصير زينب وامنياتي
بيدك اتنزلها وتلفها بعباتي
السبي كاسر ظهرها
احفر بدالي كبرها
خافن اتكول ابو فاضل ما اجاني
..................................................
واذا حنت لأبنها بليل كوم وطيحلها اعيون
لتحسسها ميت عون اريدنها تشوفك عون
واذا كالتلك امتوني بهذيج الساعه صير امتون

وابد ماريدها اتحير
شتطلب منك اتصير
شتطلب منك اتصير
ابد ما أريدها اتحير

ويبني بالك اسمع امبطل المدامع
منخلق لعيونها المن ظهري طالع
زينب اشمكثر قهرها
احفر بدالي كبرها
خافن اتكول ابو فاضل ما اجاني
..................................................
تره اتحب البجي اعله احسين عزه سويلها ابكل ليل
وأدعي اجم ملك لطام والشادود جبرائيل
وبمجلسها لا تذكر اشسوت بالحسين الخيل

الروايه اذكرها بسكوت
تره بترابها اتموت
تره بترابها اتموت
الروايه اذكرها بسكوت

وابقى أشكر الله كل صبح ومسيه
بكربله وفقني كطعتلها أديه
الأختنك واشتم عطرها
احفر بدالي كبرها

احمد ماجد الكلابي



@HxzEU1

#قناه_نشر_القصائد_المنبريه

عوف الرمح والماي طايح
حدايهم للقصر رايح
عباس بالخوه والخيام
اگعد گبل لا نوصل الشام
حدايهم للقصر رايح
............................................
طايحلك الحر والعطش يلسگاي
بس عوف رمحك وانزل وگاودني
تعبني ياعباس هذا الحداي
وشهرين راح يصيرلك عايفني

وين الشمس... بايام أمس... صار... يجوي دربي
اهواي العده.... وبينه الحده... حيل... شلع گلبي
ابكيفه الحجي... والنه البجي... وليك.... عيني تربي

بالدرب جم عايل بعايل
بالضيم زينب يا ابو فاضل
ويامن يردني لذيج الايام
اگعد گبل لا نوصل الشام
حدايهم للقصر رايح
...........................................
صَفَن اوياهم بالسبي حتى النوگ
وماسمعن احجايه لبنات الهادي
گوه خلصنه خويه من ذاك السوگ
بالكوفه مشانه اعله كيفه الحادي

بسوك مزدحم... نسوه وزلم.... الكيت...النهبنه
شارط شرط.... سعر القرط... كون....گد تعبنه
وصار الحجر.... مثل المطر... حيف... فوگ اهلنه

وبالوجع والدم والبواجي
سديت موضوع التراجي
ياكافلي لعيون الايتام
اگعد گبل لا نوصل الشام
حدايهم للقصر رايح
...........................................
امن الكوفه توني اطلعت يابو الكلفات
وعالشام يابن والدي ما بيه
اگعد گبل لا نصل باب الساعات
سوگين اطبلهن اهواي اعليه

يا ابو اللوه... ضاگ الهوه...وبيك...ريحة امي
من أغلى اسم... لاصعب اسم... صار... مسبي اسمي
هاك خويه أديّ.. كافي عليّ... ذيج.... باب امي

الحداي يشرب ماي گاعد
وللشام ناوي بگلب بارد
والضحك ذاك اگبالنه اسهام
اگعد گبل لا نوصل الشام
حدايهم للقصر رايح
.............................................
بيا وكت ضعن الحب يضل بيد افلان
الما يعرف الله ولا يقدر شاني
جا اطلع امن السوگ اطب بديوان؟؟
عباس واحد أمر من الثاني

بديرة عدو.... محتاجه اخو.... بين... العشاير
المَشَه الضعن... بجَه أم حسن... وعيد.... بالعساكر
من الرگض..... گوه الفرض.... ونار.... وآنه اكابر

تاخذها ديره تردها ديره
تعبانه بت شيخ العشيره
الحگ لزينب لو بالاحلام
اگعد گبل لا نوصل الشام
حدايهم للقصر رايح
.............................................

مو وكتك اعله الرمح عباس تنام
وبأي طريقه اضماد الگه لجرحك
جزيني خويه اجم سطح من الشام
وابراحتك ارجع اردود لرمحك


يا ابا الفضل... فك الحبل...وگوم... للحبايب
ما أريد اطب.. وحدي لغرب... لشام....النوايب
والمعذره...سكنه تره... تنام... بالخرايب

ماجيتني والدنيه دارت
وطبت القصر ياحيف صارت
شگد گتلك اني وكلي الآلام
اگعد گبل لا نوصل الشام
حدايهم للقصر رايح

احمد ماجد الكلابي



@HxzEU1

#قناه_نشر_القصائد_المنبريه

يهل الامروه ياهلي بالشام ماكو امروه
ويّه الجمر صف الهوى شما جر نفس اتجوه
يامن يردني لكربله واشبع دلال وخوه

لحگو اعله الامتون
الما ادري يا لون.... حيره... حيره
بين الغرب ليش
زينبكم اتعيش.... حيره.. حيره

من ذاك احترامي
وتقديري بخيامي
ومن اسم العقيله
لأشكال الاسامي

ويلاه يزينب ويلاه
ويلاه يزينب ويلاه
//////////////////////////////////////
ذاك الگبل ميضله آثر عالگاع لو خلّيته
ما ادري يلساده الجدم يدخل قصر تاليته
تمسحون بله يا أثر وبكل درب مشيّته

من الوكت خان
اتمنيت اكو احنان... وابجي.. ابجي
بكل خطوه اندار
موجوده الآثار.... وابجي... ابجي

وروحي بمستحاها
وجم موت الخذاها
واثاري تدوّر
جف يمسح وراها

ويلاه يزينب ويلاه
ويلاه يزينب ويلاه
//////////////////////////////////////
ياهو التغرّب وأنسبه واشيوخ كل اخوانه
وبالشام تردون الصدك بتكم تره تعبانه
ولو يمي ابو فاضل يجي لو يمه ارجع آنه

أَتعب الناس
ومحتاجه عباس.... وينه... وينه
ودوله مرسال
خيفك الاحبال... وينه... وينه

طوّل عالشريعه
ابو الجف الگطيعه
محتاجتلي ليله
امن اعيونه الوسيعه

ويلاه يزينب ويلاه
ويلاه يزينب ويلاه
//////////////////////////////////////

حاشا اعترض بس ياهلي الشام موش امجاني
لابيها اليقدر علي ولا اكو اليقدر شاني
مارايده غير اندفن يلساده بين اخواني

اشهالغربه التعيل
بيها الصبح ليل...... شامت... شامت
بشام اهل الاسطوح
عد يمن انروح.... شامت... شامت

مابيهم غياره
واتراعي الحياره
يمهم ضلتي ألمن
اهل ذيج الجساره

ويلاه يزينب ويلاه
ويلاه يزينب ويلاه


احمد ماجد الكلابي




@HxzEU1

#قناه_نشر_القصائد_المنبريه

عن لسان حال شريكة الحزن والدمعه والغربه مولاتي ام كلثوم ع مع مولاتي زينب ع

غريبات...... اشهالتالي البلا كافل
غريبات........ واحنه اعيون ابو فاضل؟
انه وياج يختي اشعدنه بالشام
ماكو اوجوه بيها أمن أهل الاخيام
...........................................
يختي وين أهل المحنه
جنه وين أوين صرنه
الدللونه اهواي جانو شو هنا ماكو كلف
أنتيهه احنه أبيت اهلنه
امنين هاي الغربه اجتنه
زينب الغربه اشكبرها وبيها ماعدنه عرف

ماكو العباس ابهالگوم
ايدلل زينب وأم كلثوم
طولي وروحج شابع نوم...... يزينب

عزيزات...... بس دار الوكت بينه
عزيزات....... وامضيعات اهالينه
بهاي الغربه ضاعت كل الأحلام
ماكو اوجوه بيها أمن أهل الاخيام
...........................................
وين راحو زلم هاشم
وعافو ابنيات فاطم
نريد بس عمامه خضره من عمايم مال أمس
هلبت يرحمون بينه
أمن البجي نگعن عبينه
عشنه فيي اعله العشاير ليش جازونه بشمس

احنه اثنين وهمه اهواي
وماصارت عد واحد هاي
ايدور فيي الاهله افياي..... يزينب

اسيرات........ ونتلفت ع الأصمله
اسيرات...... شلون واحنه أهل الله
اعله ذيج اعيونهم هينه اعله إلاسهام
ماكو اوجوه بيها أمن أهل الاخيام
............................................
ماكو واحد منتظرنه
كلها شمات بدربنه
ولا مضيف الهله بينه كلها وادم مو هله
اجدامنه من التعب طاحن
شرايه نشري الاستراحن
وآخ ياذاكه ضحكهم ضحك خولي بكربله

مالاگين ابن الاجواد
يفزع ويصيرلنه اضماد
ماغزر ملح ولا زاد....... يزينب

سبيات....... واحنه امدللات أمنه
سبيات...... بهالدنيه انوكل حقنه
آه يالغربه بيها أشكال الآلام
ماكو اوجوه بيها أمن أهل الاخيام
............................................
يكسر الخاطر وضعنه
انترست الشام بدمعنه
ومالگينه اجفوف تمسح ألطاح من ذاك الدمع
جان الحسين شحلاته
فوگنه أمن ايحط عباته
خيلهم كاضيته ادري جان احلفه بلضلع

ضل يبجي اهواي لفرگاج
وآخر نظراته بمگفاج
جنه ايكول اخذيني وياج.....
...يزينب

اميرات.....ومو ألنه طريق البر
أميرات..... بس ناقصنه ابو الأكبر
ياراحه التمرنه ونكدر انام
ماكو اوجوه بيها أمن أهل الاخيام
............................................
اشجابنه لشام النوايب
اوجوه مابي للحبايب
وين ذيج اوجوه اهلنه بكل كتر نلگه گمر
بعينه ضل كلشي يزغر
عكب جاسم عكب الأكبر
اوين اكو مثل ابو فاضل أعليه هنيال النهر

شنعاشر من هاي الناس
واحنه العاشرنه العباس
ذاك الخاطرنه انطه الراس

وحيدات....... وما ضل من عشيرتنه
وحيدات....... ومشتاگات لأخوتنه
مشتاگات والله لذيج الإعلام
ماكو اوجوه بيها أمن أهل الاخيام

أحمد ماجد الكلابي



@HxzEU1

#قناه_نشر_القصائد_المنبريه

آنه ام الغريبه بگلب لهفان
ادور عزه ابنيتي وين ما جان
هيه اعيوني.... وسالفتي
فاتحة ام عون... فاتحتي
وين ما جان..... وين ماجان
...........................................
تلجمني مثل البسمار وتعصرني احس غربتها
شمضيعه زينب بالشام وبيا گلب طبتها
التآمر وتنهي العباس المهيوبه بين اخوتها
بالغربه ما سمعت صار وانكسرت احجايتها

أمن العاشر لحدما طبت الشام
زينب يا خلگ ما گدرت اتنام
علماغمضن.... نايحتي
فاتحة ام عون... فاتحتي
وين ماجان..... وين ماجان
............................................
أويه التستحي شعنده السوگ أمن اسوايته كل وني
الياما تلگاها احسين تلگاها واحد سبني
اليوجعني باب الساعات مو بابنه اليوجعني
اعليها اوگفت بالنص يوم وتصيح أماه متني

حبيبة گلبي زينب وينها أوين
تطب ديوان مو ديوان الاحسين
وجم اه طلعت... من بنتي
فاتحة ام عون.... فاتحتي
وين ما جان...... وين ما جان
..............................................
عبالها الناس احنان وعالطف تجي تواسيها
تالي العشاير بالشام شمرو أحجار اعليها
وكلما سمع دگ طبول ايوگف الضعن حاديها
يتعمد ايعطل النوگ ايسمعها ويبجيها

سكتت بس گلبها شابع اصياح
أمن التمو ضحك يم ذيج الارماح
ومحد گاللها.... شردتي
فاتحة ام عون... فاتحتي
وين ما جان...... وين ما جان
...............................................
صبرَت لجن ذاك الشوك اعله اعزازها كاتلها
واستشهدت من النوح وتانت أخو ايمرلها
ضلت ابعازة جفين اجبلها وتغسلها
امنين اجيب العباس وبالمگبره اينزلها

اجنازتها غريبه ابلاية وليان
واندفنت بعيده عن الاخوان
تعله وماتبرد..... ونتي
فاتحة ام عون... فاتحتي
وين ماجان
..........................................
..
افتر وأدور عزيات مهضومه مثل امضيعه
بلجن اكو ناعي الگاه اعله ابنيتي كاعد ينعه
تستاهل ام عون ادموع وشرايه أشري الدمعه
الباقي بحسينيته اينوح نحتار وين انرفعه

يلسديت باب العزه ورديت
ضال ابيتك وعايف أهل البيت؟
اليلطم جن يبني... بگبتي
فاتحة ام عون.... فاتحتي
وين ما جان


احمد ماجد الكلابي



@HxzEU1

#قناه_نشر_القصائد_المنبريه

عن لسان حال مولاي قمر بني هاشم واشتياقه لمولاتي العقيله ع
.............................
ياهوه ينطيني اجفوف
ومن عنده ينطيني اعيون
بس بيهن اوصل للشام
واحضر دفن اختي ام عون
امعطلتني اديه وعيني... وزينب تره اتانيني
اختي ام عون..... اختي ام عون
...............................................
اريد احضر دفن اختي التعشگ اسمي واحروفي
ما متعود اتأخر والمأخراتني اجفوفي

ياهو اليفزع ايحققلي الأحلام
اريد اعيون بس ما بيهن إسهام
واردهن والله بس ارجع أمن الشام

امقصر بحقها انه اهواي
وبس رايد اوصل ياناس
ما اروح لأم عون شلون
وبلأسم طلبت عباس
شلون اكسرلها الخاطر...... وما فاك دين العاشر
اختي ام عون........اختي ام عون
..............................................
هيج وكون عندي اجفوف وعالقبله اجبلها
الما رويتها بعاشور منيتي بجفي اغسلها

وگلت احفر گبرها وصاح الاونين
يادفان هذا ابلايه جفين
وكتلني المستحه من اخت الحسين

ما ضل كتر ما مهضوم
من زينب شكد خجلان
لا اني جبلتها الماي
ولا اني صاير دفان
ماجيتها وعطشانه........ وكل مره ابجيها آنه
اختي ام عون.......... اختي ام عون
..............................................
منو المثلي ويحس بيه ومنو العايش
جرح حاير
ومنو الكله يريد يروح بس ما يكدر يسافر

منو الكلبه قوي بس ضعفه الافراك
منو بنص الحرب بس لأخته يشتاك
ومنو مثلي اعله شوف العين وانباگ

العايش مثل هالاحساس
يركضلي عين وجفين
سالفتي خافنها اتطول
والخبر يوصل لحسين
المكسور ضهره اعليه... مو مال أكله شبيه
اختي ام عون.......اختي ام عون
..............................................
أنه المو جدمه ما عانه الماعانني جفيني
أنه الضلت بنفسه ايصيح زينب يابعد عيني

گلبي اعليها من كل صوب محروگ
ولسه بروحي تاكل طبت السوگ
بنص شمات گالو وگفت النوگ

ما ماشيه اختي ابلياي
ومن دوني طبت للشام
بالشمس تمشي وبالضيم
البيدي نصبتلها اخيام
الحطتني بين اعيونها...... غيرو لون امتونها
اختي ام عون........ اختي ام عون
...............................................
آنه اول اخو يرتاح أمن اخته اتگله يوليدي
وأنه الرادتني ادفنها بس يا وادم شبيدي

الحرگ كلبي اديه وذني العيون
تعذرني ادري بس ما اروحن شلون
دنيا وآخره مطلوب لأم عون

البيه الحجي ما ينگال
وما ضامي هيج بعاشور
وادريها تعذرني ام عون
بس آنه أضل ما معذور
وابقى مديون لأختي..... أم گلبي واحبيبتي
اختي ام عون....... اختي ام عون

احمد ماجد الكلابي



@HxzEU1

#قناه_نشر_القصائد_المنبريه

بماي النهر غسلوني
بس هوه دوه امتوني
يمسح كل أثر
بي عطر الكمر
دوه امتوني......دوه امتوني
...............................................
غسلوني من مي جربته لو ردتوا لجروحي اضماد
بلمغتسل ماي اشكثر بس ردت ماي ابن اجواد
حلفوا بزينب خل يجي طالبته قبل الاولاد
العباس جان بكربله مثل الملح فوك الزاد

وينه الكلبه يم اخته
ادري بروحي سالفته
هنيال النهر
بي عطر الكمر
دوه امتوني..........دوه امتوني
......... . ...................................
ربيته من زغره اعله أدي كضه العمر كله وياي
وكت البرد يركض دفو وكت الشمس جنه افياي
وجي مره بلطف اعطشت غيمه انكلب جن فوكاي
وماهمه جوده من انجفه بنص عينه ضم ليه الماي

طمنوا والله لو اشوفه
ما اسئله عله اجفوفه
منتظره خبر
بي عطر الكمر
دوه امتوني........دوه امتوني
..............................................
كلوله ما ضل كل عطش لاجن الطوله اشتاكيت
بس هوه يوكع علجرح لسوالفه اشكد حنيت
وعذرني جي ماغمضت منتظره عامود البيت
طابت عباتي من الحرك ما اكله بعد اتجويت

فدوه شويه تانوني
أريده يغمض اعيوني
مشتاكه لنحر
بي عطر الكمر
دوه امتوني........دوه امتوني
.............................................
بكد سكنه ارجع لو اجه فاكدته من ذاك اليوم
لو يدري بالشيب الطلع جا ما حله بعينه النوم
صح كلي اصوم اعله النهر بس مني ما كال ايصوم
كسره الجنازه ابلا اخو مثل الوحيد ابنص كوم

متت من لحظة افراكه
هواي لطوله مشتاكه
كون ألي حضر
بي عطر الكمر
دوه امتوني.........دوه امتوني
........... ................................
ما اجه مراية فاطمه؟ بشروني مو مات الصوت
يامحلى الجنازه اذا العباس بيها الزاتوت
راعي العلم بلطف نعم بس هسه راعي التابوت
أمعلم يجيني ومن وكت ماضن يصل قبله الموت

عشت كل عمري بعيونه
كمر زينب يسمونه
وكل ذاك السهر
بي عطر الكمر
دوه امتوني........دوه امتوني

احمد ماجد الكلابي



@HxzEU1

#قناه_نشر_القصائد_المنبريه

عباس خلينه أنترايه ابينه
للشام لازم نمشي خويه اثنينه
زينب راح اتموت هناك
وگالو طلبتنه آنه اوياك.... اثنينه
//////////////////////////////////////
ياعطش زينب يابو الخيام
الموت ماهل زينب أيام
والها سنه ونص تنتظرنه
وشمرة گلب عباس عالشام

بالأسم طلبتنه يوفاي
ولا تستحي يلمستحي اهواي
كل دين ماكو اعليك يمها
وللحيطه اترس جربتك ماي

يبو الخوه ///گوم خلنسيها الاحبال البديها
يبو الخوه///بلكت انحلگ ولو ليله عليها
يبو الخوه//الخوه بالضيج

بدرب السبي آخر لقاء اويانه
وجانت وكتها تفّزع وتعبانه
وتبجي اعله الهزله ابلياك
وگالو طلبتنه آنه اوياك...... اثنينه
//////////////////////////////////////
عباس ليل الشام ذباح
وحط ايده گالو بيد الارماح
ولو مو قوي وتضم دمعتك
ايخليك سكته تشبع اصياح

ايفحط الگلب وايفحط الاعيون
ويخلي وجهك مدري يالون
گالولي مثل السوط يوجع
وگاضيها يركض بس وره ام عون

ياهضيمه//الليل شاخ اعله الوقار وعالمهابه
ياهضيمه//أَتَعرّف أعله اعيون زينب بالخرابه
ياهضيمه//الهيبه تحتار

الليل بالشام اثگل امن الحافر
وتنهار روحك من تريد اتكابر
هيجي الحره أبين اعداك
وگالو طلبتنه آنه اوياك.... اثنينه
//////////////////////////////////////

امدللتنه البيدها الراي
طلعت اويه الموخوش حداي
من الدلال وفيي خيمنه
لكل ديره مامر بيها الافياي

العاشت بگلبك طول الاسنين
تالي الوكت طبت دواوين
لا والتكتلك يابو فاضل
اتغير اسم عِلوِية أبو حسين

بيها مالت... واحترام ام عون جان امن احترامي
بيها مالت... وعالعقيله انگالت اشكال الاسامي
بيها مالت// الدنيا والشام


امن الشوج للديوان ذيج اجدامها
ويا دوسه منهن يعباس اولامها؟؟
اباب الديوان وتنخاك!!
وگالو طلبتنه آنه اوياك.... اثنينه
//////////////////////////////////////

لسه إمن الاسطوح الگلب نار
حسبالها يحسبوها خطار
مشكوله ذمتها العشاير
بگد ما عليها شمرو احجار

وليليه نفس الضيم ينعاد
وتقره نعاوي لعلي السجاد
(جا وين اخوتي الدللوني)
الشام هذا ماله رداد!!!

الموت اجاها //وزينب بعازة اجتاف الدللوها
الموت اجاها //وخافن ايشعونها نفس الحدوها
الموت اجاها //وكلها شمات

ينعاد خاف العيد ذاك بموتها
وتفرح الوادم من يمر تابوتها
وضلت محتاره البحماك
وگالو طلبتنه آنه اوياك.... اثنينه
//////////////////////////////////////
عطشان بس عل المالها اخوان
حسيت روحي اهواي عطشان
خافنه يتأخر دفنها
واسألني عن قيمة الدفان

عباس دوّر أجفوف واعيون
وخل نمشي ندفن بيدنه ام عون
خاف اليوسدها يكافل
يلجم بدي ذنيج الامتون

بجه العباس //وضل عليّ يتلفت الأخ المواسي
بجه العباس //وأشر اعله الشام شفته وأعله راسي
بجه العباس //راسي مگطوع

ومن ماگدرنه انروح ونواسيها
اثنيناتنه ضلينه نبجي اعليها
وللكافل گتله الله انطاك
وگالو طلبتنه آنه اوياك.... اثنينه

أحمد ماجد الكلابي

اللهم عجل لوليك المنتقم الفرج
بحق غربة مولاتي زينب صلوات الله عليها



@HxzEU1

#قناه_نشر_القصائد_المنبريه

انا لله... ماتت زينب
انا لله.... وينه الينحب
هاي المحد بالشام الها
خل نمشي نگل للكافلها
باب الساعات الكاتلها.... انا لله
//////////////////////////////////////

اعز مخلوقة أعله الله وينها اوين الخرابه
لبيت أبوها ودو طارش كعدوها أعله الترابه
امن اول احجاره اشمروها وضاعت اخبار المهابه

حسبالنه امن الكوفه ترتاح
بس مادرينه الشام ذباح

مالان گلب الشام ما لان
اسباب هاي الميته ديوان

انا لله.... عالعلويه
انا لله... عالمسبيه
هاي التعبت من غربتها
بت الزهره وسبعه اخوتها
أجّوت ضيم وسومر ضلها... انا لله
/////////////////////////////////////

بياذنب عمة اسكينه تنضرب من آل اميه
امحرگات اثنين اديها وگاعده اداوي برقيه
اهدوم اخوها اتقاسموها وماحجت لو جلمه هيه

بالسنه ونص والحال ياحال
ما رايحه آثار الاحبال

محروگ گلب الزهره محروگ
امن السوگ مدري وادم السوگ

انا لله... عالمهضومه
انا لله... عالمضيومه
لا من عاشت شافت راحه
ولا ماتت زينب مرتاحه
هاي الحنت للدللها.... انا لله
//////////////////////////////////////
كل سطح بالشام نبله ومدري جم عبدالله عدها
اهنا بده شوط البواجي امسابگ ايطيح اعله خدها
بشامها العيّاله كثرت وماكو نغّار اليردها

يتشمتون الفوگ الاسطوح
وشبعو بواجي الجوّه الاسطوح

هاي العشيرتها مجاتيل
سمعت حجي اثگل امن الخيل

انا لله... علتعبانه
انا لله... علعطشانه
محد قدرها امن الوادم
ويعرفوها عزيزة هاشم
شو بالفرحه اتعاين كلها... انا لله
////////////////////////////////////

كافي شبعت دهر غربه وندري بيها اشگد حنينه
لاهي ماتت يم ابوها ولاهي ماتت بالمدينه
الشام يادفان يذبح جيبها يم ابو سكينه

جم دوب هاي الغربه جم دوب
كافي اشبعت من كيفها اغروب

مو ناسها اهل الشام ياناس
تدروها ترتاح اويه عباس

انا لله.... عالمتغربه
انا لله... عالمتعذبه
المن بالشام امخليها
كون لعباس نوديها
شهذا الشام الما لاگلها... انا لله
/////////////////////////////////////
ام عون يا اول اجنازة مامش اصياح بوراها
اهنا ولا شامي تنگب من اجه الموت وخذاها
اهنا ولا واحد معمم طيّح اعمامه بگفاها

ومادام هيجي الشام مادام
خلها البواجي اتغرگ الشام...

والموت كون ايلوحنه الموت
تطلب صوايح عله التابوت...


انا لله... لبت الزهره
انا لله... ماتت حسره
يمتى ايدلينه اعله اصوابه
عدنه اويه اهل الشام طلابه
والمالت هوه اليعدلها... انا لله


اللهم عجل لوليك الفرج
اللهم عجل لوليك الفرج
اللهم عجل لوليك الفرج

احمد ماجد الكلابي



@HxzEU1

#قناه_نشر_القصائد_المنبريه

وا خَجلَتاه سَيِّدَتي قَصَّرْتُ في وَفائِها
وا خَجلَتاه ما مَرَّني ما مرَّ في ابنائِها
اذا لم اكُن سبيَّـه
عذراً منَ الزّڪيَّه
وا خَجلَتاه

ــــــــــــــــــــــــــــــــــــــــ

انه المقصِّره وي فاطم تره
اطلب المعذره ودمعتي اهملها
موتي اشعر وصل واعتنالي الاجل
امن البتوله الخجل ما وفيت الها

كسر اضلوع وصطرة حاقد
وحرگة باب وصوط وعصره
ذن ما مرن بيّه وصارن
بس كلهن مرن علزهره

وآ أسفاه على التي منْ بعدِ طه ظُلِمَتْ
وآ أسفاه وڪلَّما تَنفست تألمتْ
إن جاءتِ المَنيَّه
عذراً منَ الزّڪيَّه
وا خَجلَتاه

ــــــــــــــــــــــــــــــــــــــــ

ابنچ امن الوطن من طلع بالضعن
ذنبي يَـم الحسن عدله بفراگه
ضعنه سار وبعد وانه گلبي انمرد
روحي حسّت بعد مامش املاگه

مارافگتِ احسين وزينب
متحسفه لهاي ومحتامه
چانت امنيتي ابسفرتهم
وياهم اطلع خدامه

وآ لوعَتاه فالدارُ يَحكي في جَفاهم غُربتي
وآ لوعَتاه طال النوى ياكُربتي ياحسرتي
ساروا لـغاضريّه
عذراً منَ الزّڪيَّه
وا خَجلَتاه

ــــــــــــــــــــــــــــــــــــــــ

ابنچ امن المهر من وگع يَـــ الطهر
داسته اعله الصدر عشره خيّاله
منسلب خاتَمه شيبه ناگع دمه
وبالدليل انرمه نبله چتاله

عطشان ايذبحونه اوليدچ
ماضاگ امن الماي اشويه
يَزهره اشگد چنت اتمنه
بچفوفي اسگي احسين اميه

ياليتني كَـ اُمِ وَهْبٍ افتدي خيرَ الورى
ياليتني ضللّتُ عن أشلائهِ حرَ الثرى
عن هذهِ الرزيّه
عذراً منَ الزّڪيَّه
وا خَجلَتاه

ــــــــــــــــــــــــــــــــــــــــ

زينب امِ الخدر تسحگ اعله الجمر
يحدي بيها الشمر بالضرب والسب
امچتفه اعله الهزل گص اديها الحبل
يحدي بيها النذل ياصبر زينب

طلعت مسبيه وعافتهم
اجنازه ومرميه اعله اجنازه
غير اخوة زينب ماشفنه
ميتين ومامش جنّازه

ذِي غُصَّتي زينَبُـكُم تُسبى جِهاراً للدعي
ذِي غُصَّتي والصوطُ في اضلاعها لا اضلعي
بالـــعبرةِ الشجيّه
عذراً منَ الزّڪيَّه
وا خَجلَتاه

ــــــــــــــــــــــــــــــــــــــــ

ارقيه التيتمت بالابو اتحلمت
فزَّت وما لگت يمها ابو اليمه
الوالد الرادته بالطشت شافته
باسـته وحضنته وماتت اتشمّه

فوگ الراس اتنوحِ وماتت
والمدمع علخد يتجاره
وبالتغسيل الاكثر يهظم
ازرگ خله الصوط آثاره

أَرُقَيَّتي ياليتني قد مِتُ شوقاً مِثلَكِ
أُرُقَيَّتي هلّا تقاسمتي معي أحزانكِ
لَمْ تُـبْـقِ لي بَقـيَّـه
عذراً منَ الزّڪيَّه
وا خَجلَتاه

ــــــــــــــــــــــــــــــــــــــــ

باچر ولو متت لحفرتي اتشيعت
بالثرى اتوسدت والگبر ظاهر
وانتي شانچ علي وشيّعاچ الولي
اخفه گبرچ علي وما الچ زاير

گبرچ مخفي ايظل وصّيتي
حكمه اتبين ثگل امصابچ
زعلانه اعليهم معناها
گوم الشبّو نار ابّابچ

اسمائُهُم مذكورةٌ ونالها تبيانُ
اسمائُهُم الكفرُ والفسوقُ والعصيانُ
واختِمُ الـــقَضيه
عذراً منَ الزّڪيَّه
وا خَجلَتاه
ــــــــــــــــــــــــــــــــــــــــ
سيد علي عبدالزهره الناجي




@HxzEU1

#قناه_نشر_القصائد_المنبريه

شيِّعو الوفية  ... بدمعت الرزية
......
شيعوها ... بالبواجي  ... الضحت ابشبانها
لجل ابنها .. حسين نذرت ... هالولد  قربانها

ضحت ولدتها الاربعه لجل الاخِّوا
ماهمه ذبحتهم ابد الحسين يسوا
جانت تكلهم كل وكت انتو اله فدوا

كتبت الوصيه .... بدمعت الرزية
.......
الليله ماتت .. واعله خدها ... دمعه كلش صافيه
لابو فاضل ... يمها حاضر ... لا حسين العافيه

وحدها بديار الغرب والموت اقدم
لا يمها بنت ولا ولد لا أحد مهتم
مكسورة الخاطر بقت تتجرع الهم

شافت المنية ... بدمعت الرزية
......
ماكو اماني ... عدها جانت ... وحده بس ابالها
لو دنت ... منها المنيه ... حسين كون اكبالها

جانت تحَّسب ياخلك يحضر دفنها
وابيده ذيج الطاهره ايغمض جفنها
يا وسفه حسبات الزمن ما انصفنها

جرعت الاذية .... بدمعت الرزيه
.......
يم كبرها ... حسين حاضر ... شي اكيد ابروحه
اعليها يبجي ... اعليها يلطم  ... رغم كثر اجروحه

ام البنين الطاهره الحرة النقية
عند الحُسين ام ثانية بعد الزجيه
حاضر دفنها اجزم ابهاي المسية

حاضر  الابية .... ابدمعت الرزيه
.....

انه المهدي .... دمعي جاري ... عالوفيه الغاليه
كل عزيه .... بيها حاضر .... وأن كانت خالية

كل مجلس الام البنين ابنوحي احضره
وياي تحضر فاطمه المجلس تنظره
بثوب المصيبه امحزمه وتسجب العبره

غاركه الزجيه .... ابدمعت الرزيه
.....

الحمدالله رب العالمين
اللهم صل على محمد وال محمد
موسى الخادم

حان القاء يم البنين
..................
انه حيدر انه ..البالگلب مجانه
يم البنين
ميت واجيتج ... عالنعش بجيتج
صبت العين

انه  الثگيل  التنخسف   گدامه  الحروب
بس يمج اضعف ياعشگ وحساسي يذوب
اليسئلني من ياهن علي  بالدنيه متعوب
موت  الزجيه  وفرگتج  خلني  منهوب
هاذ العزاء  يم البنين
حان القاء   يم البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،
خل نرد سويه ... يالله يالوفيه
واجتمع بيج
اعرف ابونينج ... غمضيتي عينج
فاطمه ادريج

جامعنه حب الله تره  وفارگنه هل موت
خنگتني ضلمت فرگتج  موضلمت الحوت
تفارگنه بالطبره ورجع   يجمعنه  تابوت
حبيتج وهاذ العشگ  من الله مبخوت
انتي الوفاء  يم البنين
حان القاء  يم البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،
خلص ابقهرنه ... وبالوجع عمرنه
وذيج الايام
ماخلص وفائج ... بالگبر لقائج
بعد العوام

تلاگينه والملگه جمر  بي ينجوي الصيف
لاگيتج شلون الحسن  لمن يجي ضيف
متغيره اشوفج فاطمه  وكبرانه ياحيف
حيرتي واحد ماتهم    بي حدت السيف
يعلو النداء  يم البنين
حان القاء   يم البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،
جيتج بحناني ... ودمعي ذوبلاني
ينزل جروح
عايش المصيبه ... والله يالحبيبه
مابقت روح

لاشفتي راحه بدنيتج  لامن جرح هان
ميته عله الضعنه نسبه  ومالاگي امجان
متفرهد وجوه الشمس  بالغربه عريان
حسين اول الموته البقه  يدوروله دفان
سالت دماء  يم البنين
حان القاء  يم البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،
ميت واريدج ... بس اشمن ايدج
اهده ورتاح
والله مانسيتج ... بيدي شيعيتج
والگلب صاح

شينساها وگفاتج الي   كل  ذيج  السنين
ترفضين اصيحج فاطمه  خاف اجرح حسين
البدويه  والمثلج  بعد    تتحصل  امنين
ياحاجب وماتعله ابد   فوگا صدگ عين
عطر السماء  يم البنين
حان القاء  يم البنين
العبد ابوفايز الرافضي
الفاتحه على روح والدي




@HxzEU1

#قناه_نشر_القصائد_المنبريه

مولاتي زينب


يلمحد اويـاچ اشلون الـسـنـه يلمحد اويـاچ

لـو مـا اجـيـنـاچ يم الـخـدر لـو مـا اجـيـنـاچ

چا ياهو احذاچ يجري الدمع چا ياهو احذاچ

سهليهه نـنـخـاچ ازيــارتـچ سهليهه نـنـخـاچ

حتى انتعناچ الأرض الـغـرب حـتـى انتعناچ

مايوم نـنـسـاچ بـهـذا الوضع مايوم نـنـسـاچ

وبوليت اعـداچ وسـط الگبر وبوليت اعـداچ

بالـشـام خلاچ حـيـف الـدهـر بالـشـام خلاچ

*-------------------------*----------------------*

✍خادم العـقيلة زينب ع
الشاعر رعد الجريخي

خايف ٠٠هاي السنه يمنعون الزياره
خايف ٠٠وبروحي شوفتها المناره

منيتي جانت شوفت الحظره
انه الغريب الماجبر كسره
ابجي عله بابچ هاي أمنيتي
بگلبي ظلت تاكل الحسره

احسب ايام واعد ليالي
ازورچ بهاي السنه حسبالي
كتبوا عله الباب ممنوع اليزور
حساب ابد ماحسبيته ابالي

گلبي ٠٠ماينجبر للموت انكساره
خايف٠٠ هاي السنه يمنعون الزياره
٠٠٠٠ ٠٠ ٠٠٠٠
شلونج يزينب أنشد شلونج
صار الصحن بيد اليكرهونچ
نفس الحدو بنوك ذاك اليوم
ردو عليچ اليوم يسبونچ

عيونچ من الضيم يازينب بچن
الشام ماترحم غريبه بلاوطن
العام بالزوار متروس الضريح
ولسنه الشمات تفتر بالصحن

زينب ٠٠شوفت ضريحچ للمحب تجاره
خايف ٠٠هاي السنه يمنعون الزياره
٠٠٠٠ ٠٠ ٠٠٠٠
العام يم بابچ تعاهدنه
بس المنيه صحنه تبعدنه
من الله ومنچ العذر يم عون
غصبن علينه من تفارگنه

هل السنه تظلين مابين الغرب
ماكو ناعي ولا دمع عالخد يصوب
ايسي منه بعد مازاير يجيچ
كافي عينچ لاتصد عله الدرب

يمچ٠٠  هاي السنه ماتبچي الغياره
خايف٠٠ هاي السنه يمنعون الزياره
٠٠٠٠ ٠٠ ٠٠٠٠
هاي السنه ماتوصل احبابچ
ماكو مواكب تلطم ابابچ
انتي الغريبه المالچ اخوان
يفجع گلبنه زينب مصابچ

ماكو لاتشييع لاوادم تطوف
ماكو عالشباك تتزاحم چفوف
ياهضيمتنه الجبير مانزور
ام عون بس شمات بالحضره تشوف

الزاير٠٠ من العام شوگه ونتضاره
خايف ٠٠ هاي السنه يمنعون الزياره

خادم اهل البيت ع
فلاح طالب الماجدي