مو مثل باقي النساء
بيهه تحجي ارض وسماء
ضحت الأجل الحسين
كمر ضاوي بكربلاء ...

......١
خذت بالتضحيه دور البطوله
وهدت اربع ولد كلهم رجوله
واحدهم يسد الشمس طوله
كل هذا وتكول انه خجوله

يمه حسين اعذرني هواي... منك خجلانه اتعذر
كل الاملك ذوله اضناي  .... ما ادري بعازه  الاكثر

لون ادري يا امير
ابعازت الخوه تصير
مثل عباس الكفيل
عشره اخلفلك يخير


.....٢
كبل ام الوفه مسويتهه يا هي
تضحي اربع ولد وادكله ألهي
ابجاه الزهره احلفك موش جاهي
تردلي حسين ابني الطوله راهي

اخذ أبنيني وشوفي ارجاك... ياربي واخذ اسنيني
ولا تفجعني بموته اهناك ... موته اهواي ايأذيني

حسين نبضات الدليل
ابدونه اعيشن مستحيل
ونفترض لو ردت اعيش
حسبت ايام واشيل
......٣

الولد الزهره انطت ألافضليه
على حساب الابدور الهاشميه
جانت كل وكت دعوتهه هيه
كبل حسين تاخذهه المنيه

عمري ابدونه اكضي بالاه ... واكضي بالحسره ولوعه
شيصبر كلبي اليهواه ... ويدري بسحكات اضلوعه

ما أريد اسمع ذبيح
بموت ابو الاكبر اطيح
كون ما تبقالي روح
من ابن حذلم يصيح




......٤
بم الاربعه العالم  تباهه
كفوئه ام الكمر حيدر خذاهه
حوت بيت الزجيه واحتواهه
مضرب كل مثل صارت تراهه

مو مرت اب عاشت يا ناس... خدامه ابيت العتره
جانت جلمتهه ام عباس ... وين انه اوين الزهره

قدمت درس السنين
الكل نساء العالمين
بيومهه الاول عروس
وبالهه يم  الحسين

.......٥
الله اختارهه ورحمه اختياره
باب الحاجه صارت  وبجداره
المهدي بطلعته باجر شعاره
يبني الجدته  حضره  ومناره

ما بين الكافل وحسين ... والزوار ايزوروهه
كل حاجه اويه ادموع العين ..مقضيه امن ايكصدوهه

عدهه اجابه الكل سؤال
الفاتحه سرهه يُقال
القراهه الهه ابخشوع
تكضي حاجاته الثكال
........

كلمات
موسى الخادم

سؤال سؤال ... ياهو الدفن ام الكمر
سؤال سؤال ... ياهو الكبر بيده حفر
سؤال سؤال ... ابحاجة الاجابه يابشر

........١

من النفس منهه انكطع  ... ياهو الجنازتهه رفع
   واعليهه بدموعه وكع  ... ام البنين الاربعه

من عدهه باكت كربله ... اهل المضايف والهله
محد بقى التشكي اله ... بعد المشه للمشرعه

عاشت ابحسرة فكد الاحباب
كضت عمرهه ابلوعه وامصاب
طشت حلمهه فوك الاتراب
والعين ما شالت من الباب

تشوف تشوف ... رادت ولدهه بلا دمه
تشوف تشوف ... كل التحبهم فاطمه
تشوف تشوف ... حسين ما محني الظهر

.......٢
ذبلهه يا ناس السهر .... ام البنين ام الكمر
ماتت بواجي اعله النحر ... ذاك التكطع بالذبح

ليل وصبح تجري الدمع ... لحسين مسحوك الضلع ... صرخة بجيهه تنسمع ... عالعلكو راسه برمح

علتهه جانت ذبحت حسين
موش الجفوف وفكد الابنين
جانت ابهمه تحجي كل حين
فدوه الولد لبن الميامين

حسين حسين ... صيحتهه جانت كل وكت
حسين حسين ... فدوه النظر عينك رحت
حسين حسين .. كل ولدي يفدونك نحر 

.....٣
كبور الولدهه شيَّدت .... ورجعتهم أله ما رجت
بس تنطر حسين اكعدت ...  وتدري أله ما يرجع بعد
يمهم تروح امن الصبح ... تكعد تون ونت ذبح
وتسولف اسوالف جرح ... عل بلسهم جبده انمرد

اترش الاكبور بطاسة الماي
وادكلهم اترو يعيناي
يايمه كومو كومو وياي
زينب بعدكم فكدت الراي

حرام حرام ... ما واحد المنكم يرد
حرام حرام  .... اوجوهم ضمهه اللحد
حرام حرام .... ام الخدر شبعت قهر

........٤
ابعازت ولدهه  الاربعه .. ماتت الجانت مشرعه
بيد الغرب متودعه ... هاي المصيبه ياخلك

الكمر مصيوب بسهم.... معذور من رفع العلم
جفه انكطع راسه انهشم  ... وكلبه على الماي احترك

ما حاضر ابدفنتهه عباس
جفينه مكطوعات يا ناس
وبغدر صابه العمد بالراس 
عالمشرعه مخنوكه الانفاس

وكع وكع .... من مهره هوه وجربته
وكع وكع .... ابعيده عنه يمنته
وكع وكع .... والرايه ضلت عالنهر

......٥

زين الاعباد ابلوعته ...  شيعهه تجري دمعته
ما تسر ناظر حالته .... جانت امشاركته الحزن

بالكوه نزلهه الكبر .... شاهد علي ذاك الظهر ...
لو بيده ينطيهه العمر .... يمهه كعد يبجي ويون

اتذكر سوالفهه اعله الاحنان
وصيحتهه مات حسين عطشان
تتمنى جانت كمر عدنان
ايشيعهه ويصيرلهه دفان

نعش نعش .... ام البنين الطاهره 
نعش نعش ....  اعليهه السماء امكدره
نعش نعش .... ما شالته اجفوف الكمر
.......
كلمات
موسى الخادم



@HxzEU1

#قناه_نشر_القصائد_المنبريه

ماتت أمي ،، وصار كل عمري جحيم
ماتت امي ،، وهسه گلولي اليتيم
الله وياچ ييمه الله وياچ
يمه بالله امودعه


،،،،،،،،،،،،،،،،،،،،،،،،،،،،،،،،،،،،،،،،،،

العشت فوگ متونهه ،، ما تفتح عيونهه ؟
واني يمهه وانتظر اسمع حچيهه

التعبت بتربيتي ،،، أمي يا عافيتي
ساكته ودمعي النزل بلل أديهه

يمه شو ماكو الهلا
والچفوف مسبله
هسه المعاتب حلا
يمه يمه

عايفتني الدنيا موت
آه يا جرح السكوت
الجنه نظره وياهه صوت
يمه يمه


راح كلشي من گلت يمه وبجيت
راح كلشي هسه والله انه انتهيت

العمر صعبه نشيعه
يمه بالله مودعه

،،،،،،،،،،،،،،،،،،،،،،،،،،،،،،،،،

ساكته ويمج انوح ،، انتي روحي وين اروح
لو بعد ما ننجمع يمه سويه

العايشه بألله كريم ،، الجوه رجليهه النعيم
الذبلاهه الموت راحت هاي هيه

يا حظن بعدچ دفى
ويا گلب ميت صفى
يمه اخذتي العاطفه
يمه يمه

احچي خل اشتم هوى
الظلمه تحلم بالضوى
گلبي بعدچ ما روى
يمه يمه

بس ثواني اغفه بعيونچ وانام
بس ثواني گبل ليموت الحمام

گلبي يم گلبچ نعى
يمه بالله مودعه

،،،،،،،،،،،،،،،،،،،،،،،،،،،،،،

فاهيه الدنيا وراچ ،، كون ياخذني الخذاچ
ريت ياخذني الگبر ويعوفج انتي

الدافيه ام گلب الحنين ،، الدمعه تحلى وي الونين
من اشبگچ حيل واصرخ وين رحتي


ميته وايدج كلهه امان
شابگتني بكل حنان
وين وداچ الزمان

يمه يمه

يا طبيب بلا طبيب
يمه من بعدچ غريب
راح اعيش بلا حبيب

يمه يمه

رجعي لحظه يا وطن تحت التراب
رجعي لحظه فرگة عيونچ عذاب

صوتچ ولا نسمعه
يمه بالله امودعه

،،،،،،،،،،،،،،،،،،،،،،،،،،،،،،،،،،،،،،،،،

يمچ وانحب عليچ ،،،، ميته واتغطيني اديچ
رايحه ودارچ تظل وحشه اوخليه

بارد البيت وغطاه ،، والله فگدچ يتماه
آه يا جرحچ بعد شيسوي بيه

رجعي صاحولي الوحيد
يمه بس صوتچ اريد
العيد اجانه وماكو عيد

يمه يمه

العافيه التعبت حرام
جوه التراب وتنام
يمه احبچ والسلام
يمه يمه

اعذريني ،، هواي تعبتچ يشمعه
اعذريني ،، والله صاير كلي دمعه

هسه عشت الفاجعه
يمه بالله امودعه

،،،،،،،،،،،،،،،،،،،،،،،،،،

راح اعيش بلايه روح ،، وضحكة گليبي تروح
راح كلشي بعمري يتحول جنازه

تارك اعيوني وراي ،، صدري مخنوگ وهواي
والحظن محتاج للملگه وتوازه

نندفن شوگ وعتاب
وبيتنا الحدر التراب
والمگابر كلهه باب

يمه يمه

المي ورد چلمة تعال
سوي لوليدچ مجال
يمه يلكلچ حلال
يمه يمه

ونتلاگه ،،، مثل غيمه تلاگي غيمه
ونتلاگه ،،، وتنتهي جروحي القديمه

والچفوف أمشرعه
يمه بالله امودعه


كلمات خادم الحسين
رعد الفريجي




@HxzEU1

#قناه_نشر_القصائد_المنبريه

الچ مديت چفين  حلفتچ بالحسين
خل عينچ عليه
تندبچ ظلت الناس   عليچ ابنچ العباس
نظره بهالمسيه
&&&&
مديت ايدي لترديني يا ام عباس الوفاي
وانه اعرف خيرچ مولاتي اكثر من جريان الماي
هاي الوادم كلها شويه بس ام عباس انتي هواي
وانه الليله بعتبة بابچ يمچ فاطم رايح جاي
يا ام اربع اقمار   يمج انه خطار
وتكرمين ضيفچ
عليچ ابنچ المذبوح  يمچ دمعي مفضوح
عليچ امه الزجيه
&&&&
يا باب الله الواسعه رحمه ياهو مثلچ يمك جاه
ولما يبچي لمصاب ابنچ باچر ما تنفع عيناه
واليخدمكم نعرف هايه وگفتکم باچر وياه
يحسين نصيح بكل دمعه اه يحسين وما ننساه
لما يبچيلچ ادموع   باچر يظل موجوع
محد يوگف وياه
دنيه واخره وياچ  ابد ما يوم ننساچ
وعلي حامي الحميه
&&&&
طارق بابچ هاي الليله حلفتچ بحسين اليوم
كل معلول يطيب بذكرچ والليله المشلول يگوم
باب الحاجه انتي المعروفه هذا الشي اصلا معلوم
اكبر نعمه انه بخدمتكم شيگول اعليها المحروم
المريض بأسمچ يطيب   ابد ما مثلچ اجيب
هاي الدنيا ابد لا
ياهي تعزب اولاد   ميته وتنطي المراد
بس انتي الابيه
&&& 
لما يملك ذريه بعمره يگعد ليراجع دکتور
بس انخه ام عباس الليله كم يوم واخذ الناضور
مترجع واحد ينخاها واضح ومسجل دستور
بالسفره وسجل يله اسمك وذكرها بذاك المنحور
گلها اعلچ الحسين   قسم وتحسبه چن دين
هاي ام الكرامات
برمشة عين تنطيك   كريمه وهم تجازيك
حلفها برقيه
&&&&
يمسجله التاريخ بأسمچ ما كفاچ وشنهي يگول
گدامچ كلشي يظل صافن ويدنگ يبقه ومذهول
ماكو نسوان ابدن مثلچ وحدچ خلفتي انتي فحول
يم غيرچ يصعب معروفه يمچ اکبر شي محلول
تگضين المهمات  اسمچ ينطي حاجات
خيرچ زايد هواي
اسألچ وانه حيران  كلشي بجسمي ذبلان
يمچ هاي هيه
&&&
علي جبار الكعبي
الفاتحه لوالدي



@HxzEU1

#قناه_نشر_القصائد_المنبريه

ام البنين ع

بنتظارك بنتظارك يبني عذبني انتظارك
كبّرت واصرخ تعال جرحي اذن مو بلال
****
واگفه ومحنيه يالغالي اعله بابك
اشهدُ انّ الكسر ظهري غيابك
چم شمس طلعت وتاني ايمر سحابك
بس يجيني الليل اشتم بترابك

ما تجيني ما تجيني يمته يالغالي تجيني
شوفتك صارت محال جرحي اذن مو بلال
****
رحمة الله اتجمعت كلها بنظرتك
وانا محتاجه يبو اليمه الرحمتك
بين اموتن بين اناطر يبني جيتك
شوف طبع اخدودي يوليدي بعتبتك

شگد اتاني شگد اتاني موتي خطوه وانا اتاني
دمعة عيوني سؤال جرحي اذن مو بلال
****
مراقبه دروبك وتاني وعلْتي عله
لا نفس لا دمعه هجرك بيه خله
قابض الارواح لا ما ينطي مهله
من يجيني الموت يوليدي اشأگله

هسه يرجع هسه يرجع ابني ما ينساني يرجع
يمه هجرك چنه طال جرحي اذن مو بلال
****
بصيغة الام اعتب اعليك او اكلمك
گبل حيدر الله لختارني امك
يبني اشتاگ وعله الحيطان ارسمك
انتبه والگه الرسم بي فيض دمك

چنه واقع چنه واقع خاف موتك يبني واقع
شنهو حل بيك النزال جرحي اذن مو بلال
****
مستجابه الدعوه مني وحيره امري
گبل لا ادعي تردلي يضيگ صدري
چفوفي من وحدها تلتف اعله نحري
وچني اسمع يمه ابنچ كسر ظهري

ابو فاضل ابو فاضل گطعو چفوف ابو فاضل
ونترس جسمه نبال جرحي اذن مو بلال
****
لا نطرت ولا حسبت اترد بنيني
ما يهموني المهم انته تجيني
ان ما كفوك امحظرتلك كل سنيني
يبني بس ارجع وانه الانطيك عيني

اخذ مني اخذ مني عيني چفي اخذ مني
انا اناطر لا ازال جرحي اذن مو بلال
****

الشاعر اياد الديراوي




@HxzEU1

#قناه_نشر_القصائد_المنبريه

طلع للحومه خيال . عله خشوم الزلم صال
علي الأكبر دخيله
ثگيل وجفه مبخوت . صنع للحومه تابوت
ابوالصطره الثگيله
شحلات وليد الحسين . جماله ودورت العين
يشع فوگ الأصيله

شبيه الشال  خيبر  وبصفاته
الشعر لو سال بمتونه شحلاته
بياض العين غيمه وخضره عينه
غلات حسين يم الله غلاته
علي الأكبر دخيلك
،،،،،،،،،،،،،،،،،،،،،،،،،،،،،،،،،،،،،،،،
جبل ماهزته الريح . سهم يوگف اذا يطيح
مثل ثوبه المراجل
عليهم صاعد يحوم . خنگهم جنه جيثوم
وبد ماهمه عايل
شجاع وعالم يكون . وگفله الشاطي ممنون
فحل فوگ الأصايل

تذوب الروح لو شفناله صوره
تموت الحور من يوصلها نوره
دخيل الشال كل هاي الوسامه
الشمس تندار لو وجها يدوره
علي الأكبر دخيلك
،،،،،،،،،،،،،،،،،،،،،،،،،،،،،،،،،،،،،،،،
الضياء ابوجها طوفان . شعاع عيونه مرجان
علي الأكبر شهامه
قمر خيمات الحسان . جبير وعالي الشان
وسيم وبي وسامه
بحسن وجناته نحتار . عطارد منهن ايغار
صراط اهل القيامه

الجمال البيه خارق للطبيعه
يمحلا النور والعين الوسيعه
يهابه الموت ماهاب ابحروبه
ابيمنته ادروب گاطعهن گطيعه
علي الأكبر دخيلك
،،،،،،،،،،،،،،،،،،،،،،،،،،،،،،،،،،،،،،،،
يهد وترجع الخيل . يرد شمس الله لليل
ابن حيدر محارب
يصير العمته خيمات . بضحكته شگد كرامات
يمحلاها الشوارب
ولا يبرد ولا هاد  .  نثرهم مثل الرماد
تره يعجب العجايب

طلع والموت مرسوم بخياله
بعد عباس مرهونه الكفاله
تهابه الگوم وتقدس يمينه
زلم موخوف شردت من جماله
علي الأكبر دخيلك
،،،،،،،،،،،،،،،،،،،،،،،،،،،،،،،،،،،،،
يرد اعليهم اردود . صدگ يتسمه حاصود
حصد روس الأعادي
نضرته تبرد النار  . رغم ما بالحرب حار
نا الأكبر ينادي
يصول ويگطع الروس . عليهم نازل يدرس
ترس بالقاده وادي

عطر مبثوق من خيمة رقيه
طلع والروس خلاهن سويه
نعم من گال حيدر طب عليهم
تهابه الناس ماهاب المنيه
علي الأكبر دخيلك
العبد ابوفايز الرافضي



@HxzEU1

#قناه_نشر_القصائد_المنبريه

ملا عباس الحسيني

بيش اوصف الجابت العباس
ام الوفه وتنشال عل راس


****

عيون الكمر يا زود الحسين
شيمت بل الطف الميادين
تاريخچ يضل طول الاسنين
ام الابطال ونعم تبقين


ربيتي ارجال صلبه وكفو من ربيتي
ضحيتي فدوه الولد لحسين من ضحيتي
انطيتي جفوف الكمر قربان من انطيتي

وصت ولدهه ألاخر انفاس
بيش اوصف الجابت العباس


***

يا باب اليكصده ياخذ مراد
خلفتي ولد يا نعمه لولاد
يا رمز الشجاعه وذيچ الامجاد
لبسنه اليوم الاسود والحزن زاد


حزنانه اليوم اجت هاي الخدم حزنانه
ويانه فاطمه حضرت للعزه ويانه
اخوانه نعزي الكمر عباس وي اخوانه


كلهه محنه ام الحساس
بيش اوصف الجابت العباس


***

طف كربلاء والمشرعه شهود
خليتي ولدچ كلهم جنود
وزود الكمر من عندچ الزود
زلمه اليجيهم والله ميعود


بدويه يا مضرب امثال ونعم بدويه
علويه رجفت حتى المشرعه العلويه
طاريه اسمچ شجاعه من يمر طاريه


كلهه بطوله وكلهه نوماس
بيش اوصف الجابت العباس

***


عل الراس هاي ام الكمر هاي
انطت ولدهه الجانو هواي
ام الوفه وخلفت وفاي
بهداي خلي الدمع بهداي

ادموعنه خل تنزل بحركه وحزن ادموعنه
متعوفنه بيوم القيامه ام الكمر متعوفنه
شموعنه نشعلهه هل ليله حزن شموعنه

تراب الكبر هل ليله ينباس
بيش اوصف الجابت العباس


***

طيحو العگل خل يحزن الكون
لم الوفه خل تعمه العيون
ما قصرت من واست ام عون
كون احنه هسه انطيح الامتون



معروفه باب الحوائج للخلگ معروفه
انطوفه شتاگينه كبرچ يل حنينه انطوفه
انشوفه يومچ جرح ما ينسي انشوفه


ياهو مثلهه بين هل ناس
بيش اوصف الجابت العباس


الخادم/ حيدر ناجي الدراجي




@HxzEU1

#قناه_نشر_القصائد_المنبريه

((وفاء السيدة أم البنين ع))

عين وجود وچفين   بالحشر بيد أم حسين
وتصيح يم العباس   مشكوره وفيتي الدين
**
مشكوره يم العباس ،،    كفيتي و وفيتي
طاهر حليبچ حياچ ،،من عنده ما ضميتي
غار الملح منه وگال ،، وي درچ شخليتي
چنهم بدور امضوين ،، أربع شباب انطيتي
عندچ ولِد ،،كل اليهد
مثل الاسد بالميدان
حلگ الحرب،، يشرب شرب
ومحد طرف جفنه ولان
گالوا لبو اليمه ارتاح ،، نرخصلك اليوم ارواح
من حاصروهم صوبين ،، مشكوره وفيتي الدين
***
ياجامعه ووسعه ابواب ،، طيبه و حليمه وحره
حتى الوفه ابابچ كون ،، ياخذ درس كل عمره
ومن دمعچ يخط آيات ،، ويحفظ معاني ويقره
عمرچ نذرتيه أسنين  ،، وداريتي ولد الزهره
صافي اللبن ،، لام الحسن
مابيه دغش قدمتيه
خادم تضل ،، لهل الفضل
بزغره الگمر علمتيه
ما يصح مثلچ وفاي ،، صينيه چن بيها الماي
مثل الرمش فوگ العين ،، مشكوره وفيتي الدين
****
لبطن العرش ونچ غاص ،، واملاكه غارت منچ
واتصدعت منه جبال ،،  ولان الحديد لونچ
الحادي بضعنهم من شال،، مابات ضاحك سنچ
عجّب ونينچ يعقوب ،،  وبالجنه سولف عنچ
ريج الصبر ،، عطب جمر
ما عنده لجروحچ حيل
حتى الألم،، منها انلچم
صاح وترسها اذن الليل
حسين بصلاتچ تسبيح،، وسبحت وياچ الريح
الزيتون ردد والتين ،، مشكوره وفيتي الدين
***
اتمنيتي مثل العباس  ،،   عندچ الف من عنده
وكلما يهد دون حسين ،،  ينطيها عينه وزنده
تمنيتي دمعچ نهران  ،،  ويوصل يبرد چبده
تمنيتي ميته ولاكون ،، عالغبره نايم خده
كون العمر ،، كله اليمر
انحاكت أيامه  قماش
وآنه وهلي ،، حدر الولي
لمن وگع طحنا فراش
مذبوح نحرك ياحيف،، گبلك ذبح نحري السيف
صوتچ وصل عليين ،، مشكوره وفيتي الدين
***
تمطر جمر عينچ ما ،، شافوها ابد متصحيه
وشلون أصابر وحسين ،من دمه حمره اللحيه
وبخيلهم صدره انداس،، ابن الكتاب و وحيه
وما برد دلالي بيوم ،، انطيت اربعه ومستحيه
انطيت الگمر ،، ذخر العمر
واخوانه كلهم قربان
للي انذبح ،، وبالدم سبح
بالطف غريب وعطشان
أقمار ضاوين انطيت،، يالزهره اضن ما وفيت
لو عندچ اكثر تنطين ،، مشكوره وفيتي الدين
***
اختارچ علي ليوم حسين ،، دره وثمينه تلالي
واسيتي زينب وانطاچ ،،  ربچ مقام العالي
ما گلتي وين الأولاد ،، من رد ضعنهم خالي
وكلتي العمر بعد حسين ،، هيهات ما يحلالي
يم الخدر ،، ارجو العذر
من صدر الحسين انداس
وراعي العلم ،، خاف السهم
أخره وما ردها الناس
بشر بخبرهم من ذاع ،، گلبچ عليهم ما لاع
گلتيله سولف بحسين ،، مشكوره وفيتي الدين
_
محمد المشايخي




@HxzEU1

#قناه_نشر_القصائد_المنبريه

مـتاكـد بـمجلـسنه من نقـره
الليله بعزائج حاضره الزهره
يم البنين يم البنين
*****
لمن نودعج والدمع هامـل
وام الحسن ويانه والكافـل
كلنه انجمعنه وصاح ابو فاضل

يايمه رحتي وبيه الف عبره
الليله بعزائج حاضره الزهره
يم البنين يم البنين
** ︎
كل الوفه مدفون هالليله
والدمعه بيه وحزني شد حيله
والعنده حاجه هي تدعيله

ردنه بعزائج بس فقط نظره
الليله بعزائج حاضره الزهره
يم البنين يم البنين
*****
يامن الاله الكون علاها
حلفها بالعباس ونخاها
حاشه تردك والله حاشاها

تلكه الفرج يالهمك شكبره
الليله بعزائج حاضره الزهره
يم البنين يم البنين
***
روحي وحياتي وناذر سنيني
كظيته عمري بخدمة حسيني
قبليني خادم فدوه قبليني

يمج اريدن عمري اختصره
الليله بعزائج حاضره الزهره
يم البنين يم البنين
***
ام الــبـنـين وهــي انفاسـي
عمري وكياني وروحي واحساسي
كلما اخدمج يرتفع راسي

كلمن يخدمج يرتفع قدره
الليله بعزائج حاضره الزهره
يم البنين يم البنين
****
والفاتحه بسمج قريناها
تسهيل امرنه لو نويناها
كل الحوائج هي ترعاها

اطلبها مره وتسمع البشره
الليله بعزائج حاضره الزهره
يم البنين يم البنين
****
احفظها يمك هاي واكتبها
لو حاجه عندك هسه جربها
ادعي إلهي بحقها وطلبها

ام البنين التجبر بكسره
الليله بعزائج حاضره الزهره
يم البنين يم البنين
*****
الشاعر مؤمل هاني القريشي




@HxzEU1

#قناه_نشر_القصائد_المنبريه

(السيدة ام البنين)

مرسال بدمعات عيوني _ كاتبته ويشرح حالي
وي طير النورس وديته... من جنحه لچف الغالي

حط يم چف الوفاي.... يلمگعادك جرف الماي

* *  *
بهاي الدمعات_ اكتب مرسال_ من اعيوني لماي اعيوني
عنوانه يكول... من ام العباس... عنكم يعزازي اتطمنوني
باول سطرين _ شخبار حسين _ ياحيلي وعافيتي ولوني
بس كونه ابخير_ شيخ اهل البيت _ ولاتسال عن حالي شلوني

مشتاگه هواي لشوفتكم... وصوركم مرسومه بعيني
و من روحتكم ادعي لهسه....  يمه وما نزلن چفيني

ادعي وتهمل هاي وهاي ....  يلمگعادك جرف الماي
*
كلهم ضليت _ شمعه بنص بيت _ يشعلها الشوگ ويطفيها
ذبلانه العين _ سهرانه الليل _  ولا طيف الكم مر اعليها
الراحلها اولاد _ بس الحسبات _ وحزن الليل يخيم بيها
امكم ضلت _ذابحها الشوك _وجمر الهجران يجويها

يالنورس بالي يضل يمك .... لاتتاخر عني برجعه
وحرورت دمعات عيوني ...مثل حرورت دمع الشمعه

ولا تتأخر عني هواي... يلمگعادك جرف الماي
*
جرحي الما طاب_ گلهم يا طير_ كلما اهيد تلچمه الذكره
شضل بيها الدار_الفارگها حسين _محبس ضاعت منه الشذره
وصي أولادي_ وگل للعباس_ بعيونه ايحط ابن الزهره
انه وياهم_ فدوات نروح_لحسين ومن عمري لعمره

ارجع يانورس حاچيني.... شگالولك عني اشگتلهم
ماگلولك يمته الرجعه... بحالي شصاير وضحتلهم

مشتاگه لشوفت مولاي...  يلمگعادك جرف الماي
* * *   *
اهلا بالجاي _مرسال الخير _ مابين العباس وبيني
جايبلي اخبار؟ _منهم وياك_تشفي الدلال وترويني؟
شو ساكت ليش_ماتحجي وياي _كبرت بهل لحظة سنيني
شو مامرتاح_چنك متعوب _صاير شي بيهم حاچيني

اطيني المكتوب ارد اقره__ وَيّاك اشودولي اخبار
شو مكتوبك بالدم ناگع __ يانورس حاچيني شصار

حاچيني وطيب بلواي___ يلمگعادك جرف الماي
* * * *
بلون الدم ليش _لونك شو صار_النورس لون الدم مو طبعه
مبين العنوان _ماجايب خير _ وما متطمنه لهاي الرجعه
يعني العباس _ ماعنده چفوف _وابني حسين سيوف اتگطعه
مگطوع الراس _ ومسلبينه _هدومه وخنصر چفه ودرعه


وخدر الله الوادم سابينه _ ذاك المحد شاف خياله
وحسين ابلا دَفنِ اموذر.... فوك الرمله ومحد شاله

سوي بجنحك فوگه فياي _ يلمگعادك جرف الماي

محمد صادق




@HxzEU1

#قناه_نشر_القصائد_المنبريه

ميمر

ام الوفه .... والعاطفه
ام الشرف والمعرفه
يعجز يوصفهه انسان ... ام البنين الحره

........١
انطت ولدهه الاربعه ابلا منه
وجيت ابن حيدر بقت تتمنه
ما فاركت داره وسبتهه الونه

ليل وصبح .... تنزف جرح
لحسين ابنهه المنذبح
ما فاركت دمع العين .... والكلب يسعر جمره

........٢
عاشت عمرهه خادمه ادكول اني
وحسين امامي ومرجعي وسلطاني
بيه اكتمل ديني وكمل أيماني

اخدم اله .... والكل هله
لية الشرف وابكربله
باجر اضحيله ازلام ... واحدهم ابجم عشره

.........٣
كرمهه ربنه وبفخر علاهه
بعد الزجيه بمرتبه خلاهه
كلشي انخلق بالدنية بيهه اتباهه

الجابت كمر ... كلهه فخر
تتمنه مرضاهه البشر
ترفع الراس ام عباس ... بيهه ام حسن مبتشره

.........٤
كل النساء اتسولف ابهيبتهه
من فاطمه وزينب خذت عفتهه
معنى الشرف متجسد بشيلتهه

كل الشرف ... بيهه انوصف
حيدر علي بهذا اعترف
ام الحسن وام عباس ... اعظم نساء العتره

.........٥
باب الحوائج صارت ام الكافل
ما ترد طالب حاجه يمهه وسائل
دعوتهه توصل للسمه ابلا فاصل

بالفاتحه ... الكل رابحه
هاذي الحقيقه الواضحه
كلمن قراهه ابأخلاص ... ام الوفه تحل عسره

.........٦
ندعي الله من نضرتهه ما يحرمنه
ومن الخدمهه بكل وكت يحسبنه
التشفعله ام الاربعه بالجنه

كلمن خدم ... الهه حسم
امره بجنان اهل الشيم
ما تنظر اعيونه النار ... كلمن خدمهه بعمره
.......

كلمات
موسى الخادم



@HxzEU1

#قناه_نشر_القصائد_المنبريه

لو يرجع الزمن ... مو مره مرتين
ما يحصل العلي .... مثل ام البنين
زوجه مطيعه وطاهره
وبيهه الزجيه امفاخره
؛؛؛؛.....؛؛؛؛؛؛...؛؛؛؛؛.....؛؛؛؛

١؛؛؛؛؛
بعد الزهره ماكو اي حرمه
                    توصل مرتبة ام عباس
إنطت أربع ولد العدهه
                  وما همت شدكَـول الناس
كل الدنيه اتسولف بيهه
                        أم الكافل رفعت راس
لحسين انطت كل ما تملك
                    والهه الضلت بس انفاس

هاي ام الاربعه .... مدرسة الاحرار
العنهه ما سمع .... ميطالع اخبار
طاريهه الله ذاكره
بيهه الزجيه امفاخره

.....
٢؛؛؛؛؛؛؛

جانت ليل انهار تسولف
               لبني حسين الكل يرحون
شنهو اربع أولاد افديله
           بحقه امقصره اشما يحجون
لو بيدي امخلفتله العشره
                  مثل الكافل حلو اعيون
ازرعهم عالشاطي ابئيدي
               ولا يوصل واحد لام عون

على ولد ام حسن .... من الهوه تخاف
ربت ابو الفضل .... وزينب متنشاف
تنشاف بس بالاخره
بيهه الزجيه امفاخره
......
٣؛؛؛؛؛؛؛؛؛؛؛؛؛؛
عاشت عمر ابدار الزهره
               ما سمعتهم كلمه بيوم
مثل المي البلصينه
                  دارتهم أسياد الكوم
جانت للعباس اتوصي
       اكَـبال حسينك محني اتكَـوم
انت ابن البدويه اوهوه
                 أبن الزهراء والمعصوم

كَـدامه كَـعدِتك .... مثل العبد كون
هذا امه فاطمه ... واحنه منو انكون
خدامهم يا جوهره
بيهه الزجيه امفاخره
.......
٤؛؛؛؛؛؛؛؛؛؛

من سمعت جايين امن الطف
               ضعن حسين اويه السجاد
طلعت تسأل مو عالكافل
                   عن حسين اوياهم راد
بشر ايكَـلهه حسينج ذبحو
                    واولادج ما واحد عاد
عن حسين اتكَـله احجيلي
                    ما سَألتك عل الاولاد

ريحانة النبي .... بس كونه ما مات
هذا نذر علي .... افدي سماوات
لحسين ابني ناطره
بيهه الزجيه امفاخره
......
٥؛؛؛؛؛؛؛؛؛؛؛
يا حرمه التكَـدر لو ساعه
                     تاخذ دور ام الأقمار
ضحت اربع ولد واخر 
              واحد صاحب راس الحار
لو تنعاد سنين الماضي
            ويرجع عايش حامي الجار
غير ام عباس المهيوبه
                       ما يختار ولا يختار

خالقهه ما خلق .... من عدهه للناس
بس وحده فاطمه ... وجابت العباس
هاي الحقيقه الظاهره
بيهه الزجيه امفاخره

......؛؛؛؛؛؛؛.....؛؛؛؛؛؛؛؛؛......
✍️🏻 كلمات موسى الخادم



@HxzEU1

#قناه_نشر_القصائد_المنبريه

تعبانه كلش ياخلگ تعبانه
زينب وحيده تحشم العوانه
خلصو هلي وضليت هم عطشانه
ويانه ريت حسين هسه ويانه

بالسبي ومشتاكه
زينبك ع الناكه
خويه باوع لينه
بعد ما نتلاكه

##################

من ديره اطلع ودخل انه بديره
عالهزله زينب خويه هاي جبيره
الموت احسلي ولاهل حيره
غيره بكصصهم ماشفتها الغيره

حضرو تابوتي
هسه اريدن موتي
وينكم ياروحي
ماوصلكم صوتي

#################

الشام غربه وبالضحك موتوني
لو تدري يحسين شكثر غثوني
بالسوط ياخويه وعلي طكوني
شافوني ابجي ترضا هم شافوني

محد الباراني
غيركم يخواني
كلهم يشتموني
والشتم اذاني

##################

دخلوني انه ع القصر ترضاها
يحسيني اختك والشمر سباها
صاحالي وين اخوانج ويتباها
جدام راسك زينبك طكاها

والله يابوسكينه
كلها تنضر لينه
اتمنه تطلع روحي
بالقصر طبينه

###################

مابيه اعيشن انه ما مرتاحه
كلبي نكسر من البجي ونياحه
يخواني هاي الجلمه هم جراحه
ضل يشتم بوجهي الشمر بصياحه

مين اجيب الوالي
محترك دلالي
بعينه خله يناضر
شلون صاير حالي

#################
وداد البخاتري

هذا نعش امك يعباس الحنين
گوم شيعها وحيـــده ام البنين
----------------------------------------
گوم ياشيخ الزلم لأم الزلـــــــــم
اليوم بيت المرتضى بكبره انهدم
گوم ديــــــــر انگاب لمك ياشهم
عليـــك تتلفت يمگطوع اليميـن
-----------------------------------------
هذا نعش امك يبو فاضل وحيد
والنعش جناز مـــــن بيتـــه يريد
شلون عـن امك يروح امك بعيد
مـن الأبن محلاه لو صار الونين
------------------------------------------
شلون ماجيتـو يبـو فاضل شلون
عنها ماضـــــــــن يألگمر تتعطلون
گوم حشم اخوانك وخلهم يجون
وبالچفافي الخضر كون محزمين
------------------------------------------
اليوم يومك يالچفيـــــل وساعتك
اليـــــــــوم نعش ام البنين بعازتك
طيحت امــك مثل طيحت رايتك
لچمه وتضل بالگلب طول السنين
-------------------------------------------
گومــــــــو لمكم يالنشامه الأربعه
هـــل نعش رايــــــد متون تشيعه
وين صرتو وين عـن هـــل فاجعه
اليوم هاشـــــم بالمصاب مكدرين
--------------------------------------------
مصطفئ الصالحي

هايه ام الأربعه الوفايه
تحضر ابكل تعزيه وقرايه
تحجي عن طف كربلاء
......
١؛؛؛؛؛؛؛؛؛؛؛؛

يا خادمهه ... اخلص يمهه
هاي الوفيه الطاهره الخادمهه متعوف

كلشي انطيهه ... الروح اهديهه
تستاهل ام الاربعه المنحر والاجفوف

تستاهل ام الأربعه
تهديهه كَـد المشرعه
دمعات عين اموزعه
ودم منحر اليصب

لحسينهه امضحيه كَـمر
ياهو المثلهه ابهل بشر
وثوبث للماي بنهر
هذا الأمر صعب 

سوت الما وحده المسويته
خادمه ادكَـول العلي وذريته
لوحه رسمت بالولاء
..........
٢؛؛؛؛؛؛؛؛؛؛؛؛؛؛؛

أم الأربع .... تنطي امربع
لليكَـصدلهه بحاجه عنده وكلبه مهموم

روح اتكَـله .... ما اتخله
الحاجه يمي تنكَـضي بالساعه مو يوم

تشهد عليهه كربله
كلمن ندبهه ابمسأله
تكَـضيهه باللحضه اله
ما ينتظر شهر

معروفه توكَـف بالشدد
للي كَـصد والما كَـصد
بالفاتحه اتحل العكَـد
ام الكمر فخر

إقره الهه الفاتحه وانخاها
حاضره اتحل شدتك تلكَـاها
اي وحق راعي اللواء
.....
٣؛؛؛،،،،،،،،،،،،

ام الكافل .... مترد سائل
ليل وصبح باب الهه من الجنه مفتوح

ترفع قدره .... الحَب الزهره
متعوفه وحده بحيرته اويه الدمعه والنوح

كل البشر بيهه اتحلف
بالغيرة رايتهه ترف
الغربه تشهد والعرف
أعظم مره العلي

بعد الزجيه فاطمه
اتحبهه ملائكة السمه
أي وحق حماي الحمه
هالصيحه تعتلي

جان اسمهه فاطمه البدويه
وهسه صارت فاطمة العلويه
بيهه تحجي ارض وسماء

......
٤؛؛؛؛؛،،،،،،،،،

البدويه .... ابكل لطميه
تلكاهه تلطم عالصدر  واعله الضلع حيل

يم المنبر ... تحضر تحضر
تبجي لبنهه المنسحك بحوافر  الخيل

لحسين حبهه من صدكَـ
بي سولفو اهل العشكَـ
ميته وكلبهه محتركَـ
سلطانة الوفه

مابيهه كل ذرة عتب
تاريخهه انخط ابذهب
شايل عجب يابو عجب 
خاتمته عاطفه

حارت اشتكتب عليهه اقلامنا
بيهه تحجي الهسه هاي ايامنا
فاطمه ام الوفاء

..............
٥؛؛؛؛؛؛؛،؛؛؛؛؛؛

بيهه اتباهه ... من سواهه
باب الحوائج تكَـصدلهه سائر الناس

أعظم نعمه .... الهاي الأُمه
أم البنين الخلفت عباس عباس

كل خير من عدهه نَعم
الله جعلها افضل نِعم
بوجودهه الكون ابتسم
وتناثر الضوه

عنوان مدرسة الصبر
ترتيل قرآن الفجر
مفتاح تسهيل الامر
أم حامل اللوه

الله رازقهه بجميع الطافه
ابذكر اسمهه كل علل تتشافه
احروف اسمهه اعظم دواء
.......

✍️🏻 كلمات موسى الخادم

سيدي يمتى الفرج يابوصالح
                  ـ-----ـ

بالدعاء يبن الزچيه اچفــــــوفنه شلناها
ننـدب اللهم عجل فزعتـــــــــــك ردناها
جارت اعلينه النواصب گوم گص يمناها
ابشـــع انواع الجرائم ســيدي شفـــناها

    سيدي يمتى الفرج يابوصالح
                 ـ-----ـ

رد ابن سـفيان يحكم وانته تعرف جـــوره
صــحن زينب گال ينسد منـع حتى انزوره
يمتى برض الشام اشـوفن رايتك منشوره
وتفشل الثوره الخبيثه وثورتك منصـــوره

    سيدي يمتى الفرج يابوصالح
                ـ-----ـ

يم مقام الحــــره زينب رد ابن مرجانه
وهيه وحــدها وغريبه العجل يا مولانه
اگلوبهم مابيها رحمه ابلا ضمير اعدانه
ولي گال اهدم گبرها گوم گص السانه

   سيدي يمتى الفرج يابوصالح
                ـ----ـ

حاير بأاهل السـقيفه ذوله مــــن ياطيـــنه
بالدنانير وطمعهم دينـــــــــهم شــــــــارينه
حكم قتل الشيعي جائزه عدهم مشرعينه
ودينــه بدعه وخــرافه سيــــدي امسـمينه

     سيدي يمتى الفرج يابوصالح
                 ـ----ـ

يابوصالح شنهي ذنب الشيعي اليذبحونه
الان ماضي ابنهج حيــدر ضلو يبغضـــونه
لچن رغــــم الظلم نبـــقه اجبال ميهزونه
بحب علي نحيه ونمـــــوت وابد ميهمونه

    سيدي يمتى الفرج يابوصالح
                  ـ----ـ

    ✍الخادم
   كامل السعيدي