هاي القدمت شبان قربان
لحسين الذبيح المات عطشان
......
١؛؛؛؛؛؛؛؛؛؛؛

امن اول اليوم الأجت بي فاطمه
كَـالتلهم جَيتي ألكم خادمه
عشر اصابيعي الكم اشعلهه شمع
اشكر الله اعليكم ابكَـد السمه

من  خلا إليه يمكم امجان
........
٢؛؛؛؛؛؛؛؛؛؛؛

قبل لا تدخل البيت ام الحسن
من علي طلبت طلب غالي الثمن
ياعلي كَـلتله غيرلي الإسم
إسمي اشوفه يلجم حسين وحسن

إسمي امن المسه صار بخبر كان
......
٣؛؛؛؛؛؛؛؛؛؛؛

كل وقتهه كرست ام الوفه
الخدمت اهل الشرف واهل المعرفه
ابد ما حسو عليهه مرت ابو
ملت بيت ام الحسن بالعاطفه

رَوّتهم حنان وطيبه واحسان
.......
٤؛؛؛؛؛؛؛؛؛؛؛؛؛؛

يا مره تضحي بكَـمر عالمشرعه
لبن ضرتهه وتعيش الفاجعه
لا قبلها ولا بعدهه تنذكر
وحده سوتهه تثوب بربعه

ما عزت على ابن الزهره خوان
......
٥؛؛؛؛؛؛؛؛؛؛؛؛؛؛

قصة ام عباس يرويهه القدر
اترجمت بعظم عبارات وصور
مدرسه للتضحيه ابكل مفخره
يا ثلثت انعام منهه ام الكَـمر

صارت للشرف والغيره عنوان
......
✍️🏻 كلمات موسى الخادم




@HxzEU1

#قناه_نشر_القصائد_المنبريه

من كربله جاي ... زاير الج زاير الج
الماشارب الماي ... زاير الج زاير الج
الجبتي العمر تجريله الدموع
هاليوم اجاج ابكلب مفجوع
......
فتحيهه عينج يم الابنين
عباس اجاج وجايب حسين
رغم الجروح النازفه البي
ماعافج الوحدج تموتين

من كربله اتعناج هاي المسية
يحضر دفنتج راد يوم المنية

ما هم بالالام ... يمج اجه يمج اجه
وبصدره الاسهام ... يمج اجه يمج اجه
شابع بواجي وحيل موجوع
.......

اتعنالج ابدمعات العيون
حاضر حسين اوية اليشيعون
بس عنده غصه بصدره يا حيف
شيل الجنازة رايد امتون

وبحسينج اتعرفين مثلو تمثيل
ضلوعه اصبحت ميدان لِحوافر الخيل
 
كاصد للمصاب .. من كربله من كربله
مسلوب الثياب ... من كربله من كربله
ماعافج المتكسَّر اضلوع


........
يالعمرج اكضيتيه معانات
عل مات من كثر الجراحات
وانذرتي لجله ادموع العيون
وبحركَه تحجيهه بعطش مات

انذرتي ابثوابه الماي لاخر حياتج
واليوم اجه ايجازيج عن تضحياتج

جايبلج اوياه .... دمعه اليصب دمعه اليصب
والأكثر اذَّاه ... دمعه اليصب دمعه اليصب
طفه ابرحيلج كل الشموع

........
قصة حسين وذبحه الاذاج
عاشت لحد الموت وياج
ليل ونهار امكابله النوح
مهدوده حيل الوكت خلاج

من بعد ابو الاحرار بيتج هجرتي
سويتي بيت احزان واشكد كبرتي

عمرج خلص نوح .... يم الكمر يم الكمر
عالراح مذبوح .... يم الكمر يم الكمر
حزنج واونج صار موضوع
.......

ولدج رخصتي لغله معشوك
تضحيتج بعين العرش فوك
ابماي الذهب مخطوطه عالوح
لحسين غيرج ام فلا اتلوك

حنيتج اعله حسين جن ام أبيهه
وبالمحشر الزهراء اتشكرج عليهه

يا ام الابنين ... شكرا الج شكرا الج
وافيتي لحسين ... شكرا الج شكرا الج
بيج الوفه ظل راسه مرفوع
......
كلمات : موسى الخادم



@HxzEU1

#قناه_نشر_القصائد_المنبريه

گبل لتدفنوني
زوروني كربـله
طوفونـــي اعلى الگمر
والحسين اخذوني اله
ــــــــــــــــــــــــــــــــــــ
گبل لا اموتن اوصيكم وصـــيه
گبل لتدفنونني بتراب المــــنيه
اجنازتي ودوها لرض الغاضريه
يم الاحسين وابو فاضل اخـيه

عالترب خـــلوني
يم ابن عقد الوله
طــوفوني اعلى الگمر
والحسين اخذوني اله
ــــــــــــــــــــــــــــــــــــ
علگ من احسين شدولي اعلى زندي
وتربه جيبولـــي وخلوها اعلى خدي
اترد عليه وحشتي لو صرت وحــدي
حتـــــى ليليه اشمها بــــــذاك لحدي

ومن افتش عيوني
اتضل دموعي سايله
طوفوني اعلى الگمر
والحسين اخذوني اله
ــــــــــــــــــــــــــــــــــــ
اجـنازتي ودوها يم حامي الشريعه
يم چبير اولادي ابو الجثه الصريعه
ارد انوحن وابچي لچفوفه الگطيعه
الحلت ابگلبي على اعيونه الفجيعه

ادموعي من بطن النعش
عالحـــــــــــــبايب هامله
طوفوني اعلى الگمر
والحسين اخذوني اله
ــــــــــــــــــــــــــــــــــــ
امنيــــه ابــالي بعد سووها اليه
اجنازتي طوفوها تـــل الزينبيه
وفوگ تل الزينبي نصبو العزيه
عالمشت للشام مچتوفه وسبيه

وبالحـــرم ذَكروني
الهامت بذيچ الفله
طوفوني اعلى الگمر
والحسين اخذوني اله
ــــــــــــــــــــــــــــــــــــ
الما خذوني ساعة الحمل ضعنهم
اشگد تمنيت اندفن اولادي يمهم
كون اصيرن طير واتعنه الوطنهم
امهم وليش الزمن حارمني منهم

من الاغياب انحنه
ظهري مثل السنبله
طوفوني اعله الكمر
والحسين اخذوني اله
ــــــــــــــــــــــــــــــــــــ
حيدر بشار الدراجي



@HxzEU1

#قناه_نشر_القصائد_المنبريه

( قصيدة السيدة زينب وأهل الشام )
-----------------------------------

كافي غربه ،، كافي وحدي ،، شامهم ما بيه أمان
ها يخوتي ،، سمعو صوتي ،، هذا حالي بكل زمان
كافي غربه ،،، كافي غربه


------------------------------------


منهد حرگ خيامي وآني لهسه مكسورة گلب
الناس كلهه بعيني غربه وحتى گبري بنص غرب
حيل مختنگه بضريحي وبارد اهنانه الترب
الشام ظل ايعيد اليه الموقف الكلش صعب


رجعو وطبو ضريحي
مثل طبت خيمتي
محد اليسمعني اصيحن
وينكم وين اخوتي

يابو فاضل ،، ها يخويه ،، هوسو يم الضريح
آنه ميته ،، شلون اموتن ؟ ،، ثاني مره واستريح
كافي غربه ،، كافي غربه


------------------------------------------


شباقي مو ذَبًحتو اخوتي شنهي رجعتكم آلي ؟
خاف عدكم رمح زايد أني خلصو كل هلي
لهسه عبد الله بونينه شابگ حسين الولي
شعدكم هنانه بضريحي والله ما يقبل علي

راح اصيحن يا كفيلي
الهاشميه بلا كفيل
ذوله اهل القصر ذوله
الما سلم منهم عليل

ايزيد نفسه ،، بوجه ثاني ،، راجع لهاي الديار
ما يريد ،، حسين واسمه ،، ولا مجالس لا مزار

كافي غربه ،، كافي غربه


---------------------------------------


ناس تمدح قاتل أمي گبال شباچ الونين
وبلوجوه الصفره كلمه انتي لازم ترحلين
حسين منريده بارضنه وانتي مشروع الحسين
الارض مالتنه عجيبه وننحسب عل لاجئين !!!


احنه جدنه الماله ثاني
وانتم احفاد الرَجيم
الدنيا كلهه بچف ادينه
وين ما نرغب نقيم

وسفه تالي ،، ذيول مرحب ،، تدخل بهذا المقام
لا حميه ،، وناصبيه ،، ولا زياره ولا سلام

كافي غربه ،، كافي غربه

---------------------------------------


رجع بيه الضيم والله السالفه الما تنحمل
من بقينه بغير حامي ومن هجم سوط وحبل
هالزمن بس التغير هسه اصعب من قَبّل
هسه تاذيني الشماته لو صحت يابا الفضل

ما يجيچ الصوت اسمعه
تنسبين وتنسبين
زينب وبعدچ اسيره
واحنه هسه الحاكمين


والله بلوى ،، يا كفيلي ،، بالحرم طب الغريب
سمعت واحد ،، شمت بيه ،، صاح الحسين السليب

كافي غربه ،، كافي غربه

---------------------------------------


احنه باب الله الگصدنه ما نسد بوجهه باب
كلنه واحد من محمد شُبه الهم مو تراب
دنيا خلتني ابلدكم آنه المحجبه الحجاب
العدهه والد اسمه حيدر تگدر تنزل العذاب


بالارض محد عرفنه
خارج حدود العقول
بفاطمه السر الالهي
وياهو يفهم ما البتول ؟


من محمد ،، والمحمد ،، نبتدي وننهي الجدال
احنه ناس ،، يحبنه ربنه ،، وهوه رازقنا الكمال
كافي غربه ،،، كافي غربه


كلمات الخادم / رعد الفريجي
12 /جمادي الاخرة / 1446
ثوابها الى روح والدتي

يبن حذلم تحاجيني
سألتك مو على ابنيني
على حسيني سؤالي * فديته بكلشي غالي
__
راح وبقيت بحسرتي وهسه انه اعيش بلا گلب
ودعته گلبي وي الظعن وليومك انطر عالدرب
بفراك ابو اليمة تره كل عمري لا ما ينحسب
وشما يمر بيه العطش بالماي احس ما ينشرب

عشت ميته بگلب ذايب
منهد هجره .. العمر غايب
وتعذبني الليالي * فديته كلشي غالي
___
كلشي برحيله بلا طعم الكلشي والماكو سوه
جان بحياتي أكبر حلم اشتمه وي هذا الهوه
راح وطفت حتى الشمس راح الي ينطيها الضوه
وهسه اظلم بعيني الكمر ضل طايح وماظن روه

شمس ظلمة وگمر طافي
وعلى عيوني النهر غافي
والجربة تلالي * فديته كلشي غالي
____
يا بِشر ارحم حالتي واحجيلي كل الينحجن
باقي بحياتي شوي امل ومطرز بخنگة وحزن
حين السمعت بصيحتك رجليه حيل اتبريدن
بشرني مارد يوسفي لو خالي من عنده الظعن

عمت عيني واريدنه
ولو نسمه وتمر منه
ودمع عيني حلالي * فديته كلشي غالي
_
ماريدك تخبرني عن جثة وجفوف مگطعة
ولا ريدك تگلي الگمر خافت ضواه عالمشرعة
فدوه اربعتهم يا بشر للي بحزنها مگبعة
خبرني عن نور البصر شمس الحقيقة الساطعة

ردت كون اليخبروني
على حسيني ضوه عيوني
ملك عالم خيالي * فديته كلشي غالي
_
يا بشر عيد شما گلت خليني اسمعنك عدل
بلجن سمعتك بالغلط وما اسمع بكلمة(قُتل)
(يا اهل يثرب) ما تصح ما ضلو ليثرب أهل
راح الحبيب الانتظر جيته وبقيت بلايه خل

رحل عني آ يا ويلي
وعلى افراگه نهدم حيلي
مشه ومحد بقالي * فديته كلشي غالي
____

عباس حسن السوداني

الى ام البنين ع


مو بعيد الموت عني ساعه ويچفنوني
نلتقي يم الزچيه يالعميت عيوني
واحسيناه واحسيناه
****
راح اموت وعيني حمره نعمه هاي امن الإلاه
انه مبخوته وبچيتك يبني هذا اعظم بلاء
الزهره من تسالني عينچ ليش متروسه دماء
بكل فخر اوگف وگلها عمت عيني كربلاء

كون حمره دموعي تبقه وابد ميغسلوني
نلتقي يم الزچيه يالعميت عيوني
واحسيناه واحسيناه
****
بكل وكت يحسين انته حچايتي وموضوعي
اي لطمت اهواي بعدك وما هجعلك روعي
لا تظن لجلك يغالي تشفي صدري دموعي
هوه لو جائز وحگك كسريت اضلوعي

انه من اسنين ميته بس بقه يدفنوني
نلتقي يم الزچيه يالعميت عيوني
واحسيناه واحسيناه
****
يبني ما مر ليل بيه اله وانه اعله الترب
خذت من البيت كلشي چا بعد المن اطب
الديره انته الماهو بيها مايها ما ينشرب
لا هواها اليطب ريه ولا يدگ بيها الگلب

سلني حيل افراگك انته إخفيفه لو شيعوني
نلتقي يم الزچيه يالعميت عيوني
واحسيناه واحسيناه
****
حيل اخاف الباب اسده وابد ما سديته
حتى عطرك من يسبگك ما يتيه بيته
اگبال بابي دموعي كلها وچم اثر خليته
ورمش عيني الشاب كله عالارض طشيته

ايست تاليها وادري خيبيت اضنوني
نلتقي يم الزچيه يالعميت عيوني
واحسيناه واحسيناه
****
اهنانه لو بالجنه يبني ابچي الك متعلمه
كلمن بجرحه يسولف انه وامك فاطمه
انه راح الزم قميصك إلبعده يتگاطر دمه
وامك بچفين تلطم عله ضلوع امهشمه

ذني چفين ابو فاضل ابني بي فجعوني
نلتقي يم الزچيه يالعميت عيوني
واحسيناه واحسيناه
****
للخلگ ماكو خفايه اهناكه كلشي يتضح
نلتقي وادري اشوفك توه چنك منذبح
بالحشر كلشي يغالي بيك حتماً ينجرح
شنهو يبني بصدرك الگه سهم لو نابت رمح

بدالك انته يبو اليمه وسف ما ذبحوني
نلتقي يم الزچيه يالعميت عيوني
واحسيناه واحسيناه
****

الشاعر اياد الديراوي

#أم_البنين صلوات الله عليها

أمُ البنين .. حاء الحنين .. ونبع الوفاء
نورٌ بنور .. أمُ ألبدور .. سرها أصطفاء
شرع الغرام... لا والهيام... في كربلاء
يدركها يگدر يا عقل .. وهيه أبنها أبو الفضل
صعبه يوصفها الحچي.. والكل عليها ينتكل
بوب الله چثيرة وخاصلچ باب
بين الله ودعائچ ما مش أحجاب
كلشي أنطيتي لله والله جازاچ
بكل مجلس فخر طاريچ ينجاب

.................................................
ماكو مثيل .. لأم الكفيل.. كهف الوقار
بيها المديح.. شعبي وفصيح.. يمها القرار
لبوة عرين ..حصنٌ حصين .. للمستجار
أنخاها يم كل مشكله.. أتلين الصعب وتسهله
جبتي زلم بس يا زلم.. شاهد فعلهم كربله
جبتي للمراجل خوش عنوان
غيرچ ياهي تنجب گمر عدنان
بنت أحزام جابت ظهر لحسين
ياحرمه التخلف هيچ خوان
............ً.....................................

حرز القلوب .. غيث المنوب .. عش الحنان
ذكرچ عظيم.. وأهل الرقيم.. ناموا بأمان
أمُ العطاء.. روح الدعاء.. و المستعان
سابق فضلها بكل زمن.. ومفصله رايات الظعن
تهب نسمه بگلوب الخدم.. وتلگاها للضايع وطن
أحروف أسمچ تصير أربع منارات
وبعد قرأن غيرة وولدچ آيات
فضلچ لا أبد ماينحصي بيوم
من غير المعاجز والكرامات
........................................

لـ أم البنين.. ماكو قرين .. بين النساء
فيها البهاء.. فيها الولاء.. فيها االسناء
شرعاََ ودين .. عين اليقين.. خير الأماء
هم چان اسمها فاطمه..وهم عارفه وهم عالمه
علويه مو بدويه أبد... نزلت لطف من االسمه
التدخل بيت حيدر عالمه أتصير
و سر مكنونها ميفسرة تفسير
عدها أولاد ذبو للأخو أچفوف
ماعدها اليذب الأخو بالبير
...............................................
جابت كفيل.. رايه وثگيل.. عنهُ يُقال
أعظم شجاع.. سيفاََ يُطاع.. وقت النزال
بدراََ منير.. أبن الأمير.. زين الخصال
وكت الحرب ما ينهزم... من كل جهه تشوفه الزلم
باليمنة شايل صارمه.... والرايه باليسرة يزم
صعبه أگبال سيفه يصير سياف
ماظل راس واگف فوگ الچتاف
قسم مثل الگطه تتطاير الروس
ثگيل وگام يسحگ روس الأخفاف

.................................................
حسين حمدان الدلفي✍🏻

ننخاج ... ننخاج ... يم البنين الطاهره
بحماج ... بحماج ... بحماج دنيه واخره
.....
اليوم اجينه المجلسج يم الوفه
نطلب الحاجات منج والشفه
لاتردينه عليج المنذبح
النحره حزوه ال اميه من كفه

نلكاج ... نلكاج ... كل شده يمنه حاضره
......
سفرتج سفرت شفاء الكل علل
بيهه جم واحد مشه بعد الشلل
ما يهمنه اليشكل اعلينه وحجه
بيج ثابت معتقدنه شما حصل

نهواج ... نهواج .... شاهدنه سبع الكنطره

.....
انتي باب الله الوسيعه الماترد
الحاجه يمج تنقضي بسورة حمد
جفوف كل سائل توزنيهه بذهب
للكرم انت الأصل يم الولد

شفناج .... شفناج ... اصل الكرم والمفخره

........
للكرم عنوان انتي مسجله
والشهود اهواي تحجي بكربله
عزبيتي اولادج الخامس اخو
وكلتي فدوه اولادي لحسين وهله

معناج ... معناج ... رب الجلاله ايفسره
......
ما يخيب الصار الج خادم صدك
وكلبه دوم اعله الشعائر محترك
ربح دنيه واخره اوياج الخدم
وخسر ذاك العن طريقج مفترك

وياج ... وياج ... كل الخدم مستبشرة


......
الج مرفوعه الايادي فاطمه
ابجاهج انحصلهه حُسن الخاتمه
الله ميردلج دعاء ابكل وكت
دعوتج توصل مباشر للسمه

علَّاج ... علَّاج ... علَّاج ربنه بمحضره
......

كلمات
موسى الخادم

لسان حال أم البنين تروي لأمها تلك الرؤيا العظيمة التي رأتها في المنام ! فتقول لها?
===========================

چِنْت بمنامي او صافْنَه بهذا الكون
وِبحجري لَنْ طاح الگمر مدري اشلون

وِثْلَث نِجُوم اِتشِع ضِوَه
وَيه الگمر طاحن سِوَه !! ..نُورٌ على نُورْ
____

يايمه فَسرِي رؤيتي      بتفسيرچ الإيماني
چَنِّي بخَضَار اوجالِسَه   وطاح الگمر بحضاني
وِثلَث نِجُوم اتساقطَن    اوضَيْ نورهن أَغْشَاني
بشريني خليني أطمئِن   ظلّ بقلق وجداني

جيت بشعوري اوسلفتلج رؤياي
گالت: عقيل لوالدچ يخطب جاي

وْراد إيدچ لحامي الحمه?  مِن حلگچ لباب السمه
ياربي مشكور        نورٌ على نور
___

يُمه وبعد شِفْت العَجَب    هاتف هتف وِاسمعته
(بُشْراكي بالساده الغُرَر)    صاح اِسمي بس ماشفته
وفزّيت مرعوبه اوگِلِت     خير ، او يجيني بوكته
وِاليتِّصِلْ بآل النبي         يكبر شَرَف مَنْزِلته

والعارف بحق فاطمه ايشوف الخير
تِلتقطه باچر مِثِل... حبَّات الطير !!

عنها اسمعِت هذا الخبر     وبگلبي حب فاطم كُبَر

نَص عنها مذكور       نورٌ على نور
___

گالتلي اِبشرِي ابرؤْيتِچ    مُستقبلچ بي شاهِد
عندچ يصيرون أربعه      والگمر أوَّل واحِد
وِتصير بعده اِثلَث وِلِد     ساعِد يِعاوِن ساعِد
وبيهم تگر عينج إذا        كبروا اِبظِلّ الوالِد

گلتلها ، هنيالي بهذوله الشُبَّان
لَحسين وِلزينب يصيرون اِخوان

بهاي البشاره استبشَرِت     بس رايِدَه لزينب إخِت

وي وِلْدي اِلِبْدور      نورٌ على نور
__

وِتحقَّق ابّالي الحلم     وطبِّيت دار الزهره
وَأوّل طلب گِلْت لعلِي   غَيْر اِسمي يابو العتره
كلما صحتلي فاطِمَه   بحسين أشوف الكسره
آنه اَرد اصيرن أمّ إلَه   ماريد أصيرن عثره !!

ومن باب خوفي اعله اِخته زينب بالدار
ماريد بيها ايظل يحيدر بسمار !!

امن الباب لوما ينشلِع     لَبنيتي هَمْ يكسِر ضلع

گلبي إلها ناطور      نورٌ على نور
___

من خيمتي لدار الوحي      يافاطمه اشهلْ نعمه
أُم صِرِت لَحفاد النبي         اوزوجة أمير العصمه
كلما حِزَن وَجه الحسن       لشفافه اَصيرن بَسمه
وِبصدره لوضاگ النفَس      من صدري ياخذ نسمه

كلمه او گلتها اوگلبي أبد مامرتاب
أحيا او أموت بحب علي داحي الباب

سِلمٌ لِمَن سالَمَهُمْ      حَربٌ لِمَن حارَبَهُمْ

واليهوى معذور        نور على نور
_

وصاروا أَولادي الأربعه    اوحيدر تِنُومَس بيهم
وِب(قُل أعوذُ) امن الحسد    من خوفه يقرأ اعليهم
قبَّـلهم بثغره النَدِي    وِبفرحته ايناغيهم
وِاسمَعته بَشَّر فاطِمَه  يالزهره شِنْسمِّيهم

گالتله من وحي الخيال ابأحساس
سمِّي البقيه وآنه أسمِّي العباس


هذا إبني واَعرف غيرته    بالدم يوَفِّي لخوِّته

اويشهدله عاشور      نورٌ على نور
__

خادم الحسين ع
مرتجى الحَسَّاني



@HxzEU1

#قناه_نشر_القصائد_المنبريه

هذا يوم البي تلم احبابهه
والقضاء الحاجه تفتح بابهه
...
هذا يوم الاسمه توزيع الفخر
يختلف عن باقي ايام الدهر
من ضوه الشمعه لحد نور القمر
مستعده اتقدم الطَلّابهه
...
هذا يوم ام البنين المخلصه
العالي اسمهه بالنجوم ومانصه
للأمور الهامه متخصصه
وحاسبه الكل القضايه احسابهه
...
مجلس أم الضحت بأربع زلم
المجلس الروحاني والكلش مهم
بالكرم فائض بحر هذا الاسم
والعقول اتحيرت ألبابهه
...
جرب وانخه الوفيه الطاهره
فورا اتحققلك امنيتك تره
موخرافه والكلام انسطره
أقره شتكول السيَر كتّابهه
...
طائعه ابدرب الامامه وصالحه
اوياهه تاجر بالتجاره الرابحه
بس مجرد لوقريت الفاتحه
اتيسر الشدّه وتحل اسبابهه
....
الحَبت آل البيت طبعاً تعتلي
ومايموت الشايل بكلبه علي
اتصيح غير احسين بالدنيه شلي
والزمن طول سفر غيّابهه
..
بالحشر باجر يناس بكل يقين
فاطمه الزهره تجازي ام البنين
عن مدامعهه وألم ذيج السنين
جائزه اتقدملهه عن اتعابهه
...
واحنه من ام البنين الفاضله
انريد اسمنه بالشفاعه اتسجله
وكون ترزقنه زيارة كربله
بكل خميس انشم نسيم اترابهه
....
محمد الجماسي
اللهم عجل لوليك الفرج



لسان حال أم البنين تروي لأمها تلك الرؤيا العظيمة التي رأتها في المنام ! فتقول لها?
===========================

چِنْت بمنامي او صافْنَه بهذا الكون
وِبحجري لَنْ طاح الگمر مدري اشلون

وِثْلَث نِجُوم اِتشِع ضِوَه
وَيه الگمر طاحن سِوَه !! ..نُورٌ على نُورْ
____

يايمه فَسرِي رؤيتي      بتفسيرچ الإيماني
چَنِّي بخَضَار اوجالِسَه   وطاح الگمر بحضاني
وِثلَث نِجُوم اتساقطَن    اوضَيْ نورهن أَغْشَاني
بشريني خليني أطمئِن   ظلّ بقلق وجداني

جيت بشعوري اوسلفتلج رؤياي
گالت: عقيل لوالدچ يخطب جاي

وْراد إيدچ لحامي الحمه?  مِن حلگچ لباب السمه
ياربي مشكور        نورٌ على نور
___

يُمه وبعد شِفْت العَجَب    هاتف هتف وِاسمعته
(بُشْراكي بالساده الغُرَر)    صاح اِسمي بس ماشفته
وفزّيت مرعوبه اوگِلِت     خير ، او يجيني بوكته
وِاليتِّصِلْ بآل النبي         يكبر شَرَف مَنْزِلته

والعارف بحق فاطمه ايشوف الخير
تِلتقطه باچر مِثِل... حبَّات الطير !!

عنها اسمعِت هذا الخبر     وبگلبي حب فاطم كُبَر

نَص عنها مذكور       نورٌ على نور
___

گالتلي اِبشرِي ابرؤْيتِچ    مُستقبلچ بي شاهِد
عندچ يصيرون أربعه      والگمر أوَّل واحِد
وِتصير بعده اِثلَث وِلِد     ساعِد يِعاوِن ساعِد
وبيهم تگر عينج إذا        كبروا اِبظِلّ الوالِد

گلتلها ، هنيالي بهذوله الشُبَّان
لَحسين وِلزينب يصيرون اِخوان

بهاي البشاره استبشَرِت     بس رايِدَه لزينب إخِت

وي وِلْدي اِلِبْدور      نورٌ على نور
__

وِتحقَّق ابّالي الحلم     وطبِّيت دار الزهره
وَأوّل طلب گِلْت لعلِي   غَيْر اِسمي يابو العتره
كلما صحتلي فاطِمَه   بحسين أشوف الكسره
آنه اَرد اصيرن أمّ إلَه   ماريد أصيرن عثره !!

ومن باب خوفي اعله اِخته زينب بالدار
ماريد بيها ايظل يحيدر بسمار !!

امن الباب لوما ينشلِع     لَبنيتي هَمْ يكسِر ضلع

گلبي إلها ناطور      نورٌ على نور
___

من خيمتي لدار الوحي      يافاطمه اشهلْ نعمه
أُم صِرِت لَحفاد النبي         اوزوجة أمير العصمه
كلما حِزَن وَجه الحسن       لشفافه اَصيرن بَسمه
وِبصدره لوضاگ النفَس      من صدري ياخذ نسمه

كلمه او گلتها اوگلبي أبد مامرتاب
أحيا او أموت بحب علي داحي الباب

سِلمٌ لِمَن سالَمَهُمْ      حَربٌ لِمَن حارَبَهُمْ

واليهوى معذور        نور على نور
_

وصاروا أَولادي الأربعه    اوحيدر تِنُومَس بيهم
وِب(قُل أعوذُ) امن الحسد    من خوفه يقرأ اعليهم
قبَّـلهم بثغره النَدِي    وِبفرحته ايناغيهم
وِاسمَعته بَشَّر فاطِمَه  يالزهره شِنْسمِّيهم

گالتله من وحي الخيال ابأحساس
سمِّي البقيه وآنه أسمِّي العباس


هذا إبني واَعرف غيرته    بالدم يوَفِّي لخوِّته

اويشهدله عاشور      نورٌ على نور
__

خادم الحسين ع
مرتجى الحَسَّاني



@HxzEU1

#قناه_نشر_القصائد_المنبريه

ام البنين ع




عاجل امن الطف صدر
اكتاب بسم ام الـــگمر

يحمل اشواگ وتحيات ومضامين
شُكراً وتَقدير الـچ يا أُم الـ ابــنين

..................................

الليله اجه امن الطف كتاب وجابه فارس
امعمم اعله اهل المواكب والـــــــمجالس
محتواه واضح مثل لون الـــــــــــنوارس
شُكراً امن احسين للـــــــــــ ربت أشاوس

شُكراً الــــ من كربله
تسوه كون ابــــأكمله
وياها بوسة راس الچ يلـ تستحقين
شُكراً وتَقدير الــــــــچ يا أُم البــنين


..................................

يَـــم البْـــــنين امنَريد اوصف عطائِـــچ
نجمه احس روحي واضيع ابنص سمائـچ
الكتبو التاريخ من وصلو وفــــائـچ
ذبّو الأقــــلام والتمسو دُعائـــــــچ

گــالو : ام الاربعه
رحمة الله الواسعه
يا أصيله وما يصح من عندچ اثنين
شُكراً وتَقدير الچ يا أُم البْـــــــــنين

..................................

اي وحگّــچ كل وَصف عنّچ اگــــــــوله
بي احس تقصير يا بنت الــــــــــحَموله
اي نعم مرأه لَـــــــچِـن كـلّـچ رُجــــــوله
ومنّـچ الـــــــعباس ماخذها الـــــبُطوله

ربنه صاغچ جوهره
واصطفاچ لحيدره
علـــــ بُطولات ابـــــــولد حيدر تربّين
شُكراً وتَقدير الچ يا أُم البْــــــــنين

..................................

بالــــقُـصَصْ تابعنا التفارگ بنيـــــــــها
توگع ارموش الجفن من گد بَچيـــــها
وانتي فارگتي ٤ ونسمع نَعيـــــــــها
بس على احسين وعلى الحره وسبيها

ليلچ ايخلص قهر
علسبيه وعلـ نحر
يبني آ يحسين ومصــــــابه تونّين
شُكراً وتَقدير الچ يا أُم البْـــــــنين

..................................

من زغر علمتي عباس واخــــــــــــــوته
الموته لجل احسين لو ما تسوه موته
يبني صوتك ما ردت يعله اعله صوته
وبالكلام اتطيعه واتطيعه ابــــــسكوته

يبني ما دامك عدل
خويه لا اتگله وتزل
الله خالقنه عبيد الهُم توصــــــــــين
شُكراً وتَقدير الچ يا أُم البْــــــــنين

..................................

ربنه من فاضل تراب الزهره سـواچ
والاسم نفس الإسم يا فاطمه انطاچ
للــــــــبشر باب الحوائج رحمه خلاچ
انتي يلــــــــ ما صاير العبّاس لولاچ

قمه صرتي اعله القمم
وابنـــــچ النار ابـــ علم
بالــــمهد بـــــسم العقيله اعليه تلولين
شُكراً وتَقدير الچ يا أُم البْــــــنين

..................................

من طلع عباس گلتي ابــــــ أبتسامه
يبني روح ولا ترد لـَــيّه ابــــسلامه
اچفوفك التوگع للـــــحسين وخيامه
فاطمه الترفعهن ابيوم الــــــــــقيامه

وبــــوگعتك يلـ گمر
تفدي محزوز النحر
مو على الكافل على احسينچ تخافـین
شُكراً وتَقدير الچ يا أُم البْــــــــنين

..................................
سيد علي عبدالزهره الناجي



@HxzEU1

#قناه_نشر_القصائد_المنبريه

هاي ام عباس هيبه ونوماس
مذخوره لـــقالع خيبر
زمزم وُ ابِّيت الـكوثر
هيبه ونوماس
ـــــــــــــــــــــــ

بحر الوفه وشاطي الڪرم ( ياسائلاً ) عن منبعه
( عِنْدِيْ جَوَابٌ فَاستَمِعْ ) بحر الوفه ام الأربعه
عرش المجد والتضحيه هيّه العليه متربعه
تتبرع ابـ مال البشر هيّه ابـولد متبرعه

تاج اعله الهام يابت احـــزام
الله استنگاها لــحيدر
زمزم وُ ابِّيت الـكوثر
هيبه ونوماس
ـــــــــــــــــــــــ

من طبت لدار الوَصي فرحتها گد أرض وسمه
حازت شرف واعظم شرف للعتره صارت خادمه
من تعطش ابوجه الحسن تتروّه لو مَسها الضمه
وابزينب اتشم كل وكت چي بيها ريحة فاطمه

اتگول ابني احسين اغله امن الـــعين
من عطر الجنه امعطر
زمزم وُ ابِّيت الـكوثر
هيبه ونوماس
ـــــــــــــــــــــــ

من داحي خيبر خلُّفت أربعه وكل واحد عَلَم
بالقِيَم تنقاس البشر بس هُمَّه مقياس القِيَم
انتم وانه لـــ فاطمه چانت تگللهم خَدَم
همَّه العلينه اهل الفضل لولاهم احنه امن العَدَم

همّه الأَڪْـــرام واحنه الـخِدام
واني ابخدمتهم افخر
زمزم وُ ابِّيت الـكوثر
هيبه ونوماس
ـــــــــــــــــــــــ

غذت ولدها الاربعه غيره وشهامه ومرجله
الزينات وايبيضن وجه تگدارهم متفصّله
ايجازونها ابوكت الكُبر ما حسّبت هلـ مسأله
لـحسين ربتهم ذُخر لو وَحده ظل ابـڪربله

تفدي الشبان لجل العطشان
تفديهم مــــــا تتحسر
زمزم وُ ابِّيت الـكوثر
هيبه ونوماس
ـــــــــــــــــــــــ

وصّت گمرها ابـكربله زينب اذا مسها الـ عَطش
يبني اذبحـلها العلگمي جيبه الها مشيول ابنَعش
بالك تضوگ امن العذب مو صافي هلـ ماي وُ دَغش
اعميها عينك لا تصد علـ يحصل ابـ ليل ١١

بـچفوف اثنين ڪحلّـي العين
لـحسين ايطيحن انسر
زمزم وُ ابِّيت الـكوثر
هيبه ونوماس
ـــــــــــــــــــــــ

موقفها شامخ من رجع ضعن العقيله امن اليسر
بـحسين خبرني اشجره ركضت تناشد من ( بشر )
ما ناحت اعله الاربعه بس ناحت احسين اشكثر
ولم الخدر حين اعتنت خجلانه منها وتعتذر

عاشت آلآم للطف والشام
دمعه اعله الخد تتحدَّر
زمزم وُ ابِّيت الـكوثر
هيبه ونوماس
ـــــــــــــــــــــــ
سيد علي عبدالزهره الناجي



@HxzEU1

#قناه_نشر_القصائد_المنبريه

من گـلب ذايب غرام
للــــــبقيع ابعث سلام

ياسلام الله اعله گبرچ يم الــ ابنين








اي وحگ الأقسم ابليل وضحه
للــبقيع الليله روحي امفرفحه
مُـنـيتي اتوفّـق وازور الصالحه
البلــ شدد چنت اقره الها الفاتحه

اي وحگ چف الڪفل
تنطي وتشافي العلل
دُرّه ما خالق مثلها الخالق اثنين
ياسلام الله اعله گبرچ يم الــ ابنين





الليله يم گبر الـــــيضم ام الـوفاء
تنزل وتتبرك امـــــــــلاك الـــــسماء
يمها واحد رتـّـل ابـــ قُـصْـةِ الكساء
ثاني جابلها عطر من كــــــــــربلاء

علـــ تُراب العلـ گـبُـر
سجدت املاك اشكثر
ابصوته جبرائيل ناداچ وتسمعين
ياسلام الله اعله گبرچ يم الــ ابنين







الليله مرقدها يشع من عنده نور
والسبب ام الحسن تحظر تزور
اتسلم وفوگ الترب تكتب سطور
هذا گبر الــــ بيها تسهيل الأمور

ألها بـــدموع التـدُر
فاطمه اتقدم شـكُـر
اتگلها وفيتي وأنه المطلوبه الچ دَين
ياسلام الله اعله گبرچ يم الــ ابنين








الليله ابو الأڪبر يزور الـــــــفاضله
ومن تشوفه اتنادي : يامـية هــله
جاني محبوبي الچنت مشتــاگه اله
لنفض اترابي وا گـوم اسـتـقـبـله

بالنحر من باسته
جاوباها ابـــعبرته
للطفوف انتي الملح يـا يمه تبقين
ياسلام الله اعله گبرچ يم الــ ابنين








ساعه لن مَحْمَل اجه وفارس حضر
لنّه محمل زينب وجابه الــــــــــگـمر
نادته ابجيتڪم اگليبي انجبر
أبني وبياض الوجه يَم النهر

والتقن شوگ ورثاء
زينب واُم الوفاء
گـــرّة العين التقت وي گـرّة العين
ياسلام الله اعله گبرچ يم الــ ابنين






للأمِن گبرچ محطه وللــــــــــــسلام
هذا فسّر ليش يهواچ الــــــــــحمام
نبني الچ فوگ الأرض مرقد حرام
ڪون الچ فوگ النجم نبني الـمقام

والمناير أربعه
للسماء السابعه
وراية الكافل ترف علــ گبّه كل حين
ياسلام الله اعله گبرچ يم الــ ابنين








مثلچ ابهـــــــــلــــكون ما صحت مره
بربعه اتضحي وتگـــــــول امقصّــــره
اوياچ يا زينب يريت امـــــــــيسّره
ضلوعي دون احسين ريت امكـسّره

هلـ معاني وهلـ جُـمَـل
انتي بس الهن أهل
بحقچ اشما گالت امقصره الـدواوين
ياسلام الله اعله گبرچ يم الــ ابنين

ــــــــــــــــــــــــــــ
سيد علي عبدالزهره الناجي



@HxzEU1

#قناه_نشر_القصائد_المنبريه

عندما كان الوفاء يتكلم في محضر اهل الوفاء وإذا أم البنين أقبلت الى ذلك المجلس
فقالو إلى الوفاء ...

تكتر يا وفه خل تدخل ام عباس
گدام البحر لاتحچي بالگطره

لتگلي بلال الصخره والله تهون
بس افراگها ايعادل الف صخره

الخادم لو يطب يتشيم المخدوم
ولو تتلاگه ام عباس والزهره

اطلع شيبهه بکل شیبه تلگه حسین
گضه شوفي على وليداتج بحسره

اهومش والصبر واكفلي چنه الموت
كله عيوني الصبر ماحصلت نضره

خلص حاجبي چه چفي احطه اعليهّ
گلت فتره وأرد وطالت الفتره

قصرت وعلي مارحت ويه حسين
اسمع بالصطر ماضايگه الصطره

چان أفرشت روحي من تمر الخيل
وگللهم قليله الخيل بس عشره

الف وتسعميه بروحك ادري شضال
علي السجاد گلي الطبره عالطبره

زينب مابچت من حرگو الصيوان
تبچي اعله السوالف بالخيم ذكره

سولفلي الحسن عالعصره والنيران
وزينب بالطفوف بكل شبر عصره

ضليتي بعبر كل جيل يحچي الجيل
بصلاتي الفاتحه هم ألچ من اقره

طلعتي الوفه حد ماترستي الگاع
هاي اربعه وهيچ شلون لو عشره


عبد زينب
محمد الابراهيمي



@HxzEU1

#قناه_نشر_القصائد_المنبريه

وصلت منيتي
ساعة وصيتي عباس اريده

يحفرلي لحدي
يوسدلي خدي ينزلني بيده

ياهو اليجيبه
لمه الغريبه ظلت وحيده

گبل لا اغمض عيوني اريد وليدي اشوفنه
احط عيوني بعيونه واريد بلهفه اشمنه
كل تعبي التعبته اعليه هذا اليوم اريدنه
يدفني ويهيل تراب لحدي ويسجب الونه

عباس
يمه اريدنك يتعب متوني
عباس
تغمض عيوني يبعد عيوني
عباس
انت واخوانك تجي تشيعوني
عباس
تنزلوني الگبري وادفنوني

ام البنين مولاتي ام البنين مولاتي
…………………

تعبي التعبته
وليل السهرته من كبريتك

تذكر دلالي
يبني وحلالي من دلليتك

هسه انه اطلبك
تدريني احبك تحضرني ريتك

ظل آخر نفس بالروح لا تتأخر اعليه
احلفك بالعزيزه اعليك ماسميهه مسبيه
اريدك كون بالتشييع متحزم بجفيه
من تهيل فوگي اتراب تقره اعليه لطميه

يرباي
يمه لا تبطي علي گصر الدرب
يرباي
امك تريدك يسباح الكلب
يرباي
ترضه التشيعني يوليدي غرب
يرباي
كونك تحبني صدگ هيل الترب

ام البنين مولاتي ام البنين مولاتي
…………

حبكم كتلني
لو تدري يبني شكد انه اعزكم

الگصرلي عمري
يمه انت تدري حسين اغله منكم

كل تعبي يسوه
لحسيني فدوه من رحتو كلكم

ثاري الموت موش الروح يمه من الجسم تطلع
الياخذ روحك اغله انسان ميت كون بي تسمع
وينه اوينه نفس اليوم ضل بكربله امكطع
هيه المشكله من يروح غالي وادري مايرجع

مليت
حرم گلبي الجان گلبي يريده
مليت
هيه مقسومه انه اظل وحيده
مليت
الماي من يتبده ياهو يعيده
مليت
كلت اموت وهل عمر ماريده

ام البنين مولاتي ام البنين مولاتي
…………..

منعوني ابجي
منعوني احجي منعوني اهتم

هيه الهضيمه
عدهم جريمه لو سوي مأتم

كله اعله مودك
انت واخوتك سموني بالسم

حلاة الموت من يصير كون بحرگه ع الغالي
بنيت كبوركم ع الكاع بلكت ترجع آمالي
ازورن بيكم شما ضوج عدلين يتراوالي
حالي يبجي سابع عين حقك ماشفت حالي

تدرون
امكم تسوي المناحا بروحهه
تدرون
محد وياهه ويهيد نوحهه
تدرون
ماتت بكثر البجي المذبوحهه
تدرون
ماتت وما طابت من جروحهه

ام البنين مولاتي ام البنين مولاتي
…………
الخادم موسى البطلي



@HxzEU1

#قناه_نشر_القصائد_المنبريه

ام البنين ع


ما اجتني بشاره من اطفوفك
يمه طاحن لو بعدها چفوفك
انتظر منك خبر شصار گلي اعله النهر
يابو فاضل
1
يبني شگد تمنيت اسمع بهايه
عالشاطي البطل عباس دگ ثايه
ونهر العلگمي بالدم خبط مايه
وصار الجيش كله بسيفك احچايه

يمه عل باب انتظر بحزاني
خلصن ادموعي وخبر ماجاني
راح اتاني لو دهر شصار گلي اعله النهر
يابوفاضل
2
من عطشت ييمه زينب اشسويت
اريدن يبني اختك تعرف اشربيت
كونك للنهر متبختر اتعنيت
وذبيت الزلم فوگ الزلم ومشيت

يبني يم زينب اريد اتباها
رايده اسمع تبتسم خلاها
طمن امك يالگمر شصار گلي اعله النهر
يابوفاضل
3
كون الرايه يبني اترف عله اچتافك
النهر بجروفه يلبد كون لو شافك
عسن دنيت يبني مايه لشفافك
ورديته اعله جرفه وظحكت اوصافك

خله يفهم ما يمر بوريدك
ما تشربه ونته ضامي اعضيدك
من درت عنه النظر شصار گلي اعله النهر
يابوفاضل
4
كونك للمخيم يبني ردت اتعود
شلت العلگمي كله وترست الجود
وصوب اخيام زينب سرفنت لزنود
وتخيل تسبجلك ييمه جنود

انا ادري بالزلم تفنيها
والهوه اتمنعه يمر اعليها
انا منتظره القدر شصار گلي اعله النهر
يابوفاضل
5
القدر لمن تعنه الجودك بلهفه
اسمع كون ابني للخدر وفه
گبل لا طاح جوده ابنچ گطع چفه
ومن ادمومه عباسچ غرگ طفه

كونك ابدمك كتبت الغايه
طايح انته وفوگك ترف رايه
من كتب دمك فخر شصار گلي اعله النهر
يابوفاضل
6
كونك يبني طايح والسهم بالعين
ويم الشاطي كون امگطعه الچفين
ولونه بدمعته تعنالك ابني حسين
ويه الزهره معناها وفيت الدين

هل وفه للزهره يوصل ريته
لبنچ حسين الكفيل انطيته
ياللي قدمت النحر شصار گلي اعله النهر
يابوفاضل
****

الشاعر اياد الديراوي

مولاتي العقيله عليها السلام تنقل لمولاتي ام البنين عليها السلام...
مواقف من اخوي حسين لامه
تمناچ اشكثر من طاح دمه
لمن هوى الحسين
گال اه ياام البنين
____
تدرين البشر لو مره طاح ابضيج
اول ماتجي أمه على باله
يضل مشدوه فِكره ابين الاسيوف
اذا يدخل حرب مو أمه تبراله
تذكر لچ رباچ وعازته لهل يوم
من زينب بقت وحدها لعياله

تمناچ اشكثر بالخيمه يمي
اشوفچ من احس ابعازت امي
گلت يايمه من حين
گال اه ياام البنين
____
منْ اول ماطلعنا وهوه كله جروح
كل ماخطوه نمشي ماعليه راحه
ضل كلبه يباري ابنته ويباريج
بس روحه مشت متعنيه ذباحه
اول مايطيح ابضرف الانسان
يركض لأمه وهيه تطيب اجراحه

اول مانشف ماي الي بعيونه
عين الچن رسم والاخرى لضعونه
لمن غارت العين
كال اه ياام البنين
____
تّذكر فگدچ ونوحچ عليه زين
من رد امن الاكبر يعثر اجدامه
ولكن مثل حاله ماشفت اي حال
طاح اعله الولد هوه والعمامه
رد منه جسد بس روحه ماهي وياه
مايندل يرد حته عله خيامه

بس هذا الفگد مرتين اعيده
عبدالله انذبح وهوه اعله ايده
حاله هنانه تدرين
گال اه ياام البنين
____
بعد ذاك العطش مر حرب الطفوف
خذت من عنده مأخذ كلش هوايه
اجه العبدالله موت وجعفر وعثمان
ولكن كلشي هان ابطيحة الرايه
وكف فوگ الكفيل وكلشي بيه مهدود
وغير ال خويه گله ما أكو أحجايه

تمناچ اشكثر أبذاكَ طفه
لمن شاف اخوه مكطوعه جفه
من ماشاف چفين
گال اه يام البنين
____
هنا حسيت انه ابعازتچ وحسين
من طب للحرب وجروحه مكشوفه
التمن فوگه بيض اسيوف وسهام
وحجار وعصي اشتشكف اجفوفه
بعد ذني الخيول التمن ولرماح
ابهذا الحال يا أم تكدر اتعوفه

من ابعيد اجت محنيه حرمه
وتحاول تشكف الذباح امه
اجته الزهره الحسين
كال اه ياام البنين
_
الزهره اتعنت من اقصى كسر لهنا
واتلاگه الضلع وي كسرت اضلوعه
حنان الأم وكف متحير اعله حسين
اثار الحوافر فوگه مطبوعه
رد بيها العمر من چان بعده زغير
واصعب شي عليها تمسح ادموعه

تضلل عن ابنها ابهل عبايه
وعفناهم واجينه احنه سبايه
من شافانه ماشين
كال اه ياام البنين
_
اللـهم عـجـل لـوليـك الفـرج

✍️محسن الحمداني

@HxzEU1