كل الحوائج تنقضي بدعائج
يا أم البنين .... يا أم البنين
.....1 .....
انتي باب الله الوسيعه الما يرد خطاره
كل شخص يمج تعنه ايحصل احله ابشاره

مكظية ..... حاجاته ..... الخلاها وراج
معروفه .... بكل شده ... اتحضرين النخاج
هالعالم  .... خيراته .... كله من دعاج

يا ام البنين

.....2.....
مــا تخيبن اليندبج بالشدد مـــوجودة
كل وكت سفرت عطائك للخلك ممدودة

تشهدلج ...  هالوادم  ... يا نبع العطاء
كل سائل ... دك بابج ...  نال امن السخاء
يالوحه .... مرسومه .... بنــــور الانبياء

يا ام البنين
......3.....
اسمج الاول نشوفه  بدفتر الـــوفاية
يا مرة مثلج تضحي بكمر شايل راية

افضالج ... ما تنعد ... يا ام البنين
عزبتي ... كل ولدج ... لعيون الحسين
وفيتي ...  وكفيتي ... كتبت هالسنين
......4 ......
كربله اتسلوف على العباس راعي الغيرة
لومه تربيتج صحيحه ما وصل هالسيرة

راضعته ... الحنية .... والشاهــــد ابوه
لومه انتي ... ما ضحى ... بجفينه الاخوه
تربيتج ... قــــدسية .... العباس الكفوه

يا ام البنين
....5....
الليله كل هاي الايادي الحضرتج مرفوعه
لا تردينه نحلفج بالكسيرة اظلوعه

للخدمه .... وفقـــينه .... يا ام البدور
لحسينج ... مانترك .... حد كطع النحور
كل خادم ... بالعالم .... منتظر الظهور

يا ام البنين
.......

الحمدالله رب العالمين
اللهم صل على محمد وال محمد
موسى الخادم



@HxzEU1

#قناه_نشر_القصائد_المنبريه

((اصدق خدمه))


اصــــدق خدمه هــيه دمعةّ العين
واذا چــــــانت ثــــوآب الأم البنين
تصير الدمعه بيها عشگـ وأحساس
أتوسل بيها لَمن تخـــدم حــــسين

ام البنين ..
من طَبت البيت الوصي
الحـــــيدر تگله اتكــلمه
من هســه يــاحيدر علي
جيت العيـــــالك خادمه

مثل سائل واجيت آنه اعله بابك
مــــــولايّ الحسن فدوه الشبابك
يـــــمّ عتبةّ اسامــيكم يـبو الخير
أنام أعله العشگ واشــــتم ترابك

ام البنين .. ام الخَدَمّ

"""""""""""""""""""""""""""""""""""''''''''''

وبعدهي أتسولف وماطبت البيت
تحــــــــاچي حسين وتگله تمنيت
تمنيت أعله طولك أغدي فدوات
المثــــــلي مقصره تقــبلني ياريت

ام البنين ..
يايـــمه أذا تقــبل عبــد
مو زوجه آنـــــه الجاريه
خَدامه اجيت الحضرتك
وأعطش وأضلن ضـاميه

طلعت من أهلي وانتم كلشي أليه
اجـــــــيت بدعوه من ذيچ الزجيه
من بين النسه اختارتني يحــسـين
وحــيدر وقـــع بهــــــاي القـــضيه

ام البنين .. ام الخَدَمّ

"""""""""""""""""""""""""""""""""""''''''''''

ودمــــع العين بَلَلّ حتى العّـــــتاب
اذا ماتـــــرضا زينب حَــــدي للباب
ها يمّ هـــاشم تقبليني بــــــــالبيت
خدمتي بكيف زينب اخت الاطياب

ام البنين ..
من عندچ استأذن أنــه
تلميذه علميني الـــوفه
علميني لو بس هالسنه
خليني اصيــرن عاطفه

زينـــــب مــــــا أطـــــبن ألا بأمرچ
جبــــل من الـــــــوفاء وآنه حدرچ
بخيت اليغسل أمداسات الحـسين
وعمري يروح فدوه الطاري عمرچ

ام البنين .. ام الخَدَمّ

"""""""""""""""""""""""""""""""""""''''''''''

طَبتّ والخجل خــــلاها نبراس
بدويه وأصـــــيله وقمةّ احساس
گلها حسين اهلاً وأختنگ ليـش
چه گلها انتضرنه يصير عـــباس

ام البنين ..
ضمينه بحشائچ گمــر
يايمه ويهل مـــــدمعه
ضمـــــــينه للغيره نهر
باچر يضل عالمـشرعه

ضمينه الكفيل بروحچ اعــــوام
لحد ماهسه گربت بيــــنه الايام
ونفخ من روحه حيدر يمّ البنين
وراح يصير منــــــچ رمز الاسلام

ام البنين .. ام الخَدَمّ

"""""""""""""""""""""""""""""""""""''''''''''

النسب بدويه بس علويه عنوان
وصارت بالكرم للـــــدنيا نيشان
أم الاربــــــعه الضلو بـــلا روس
وما ذكرتهم وندبتها عطـــــشان

ام البنين ..
للدمعه عنوان الجـــــرح
صارت غريبه ابــلا وطن
كل لحضه صارت تنذبح
لمن مشه ورد الضــــعن

رد ضعن الغوالب بس سبايه
ضعن مابي كفاله ولا حمايه
يزينب يمه صاحت وين الحسين
چا شو خـــــالي ضعنچ دون رايه

ام البنين .. ام الخَدَمّ


عبد زينب
محمد الابراهيمي



@HxzEU1

#قناه_نشر_القصائد_المنبريه

لحن(اصدق خدمه)
بصوت
سيد هاشم الموسوي
ديوانيه

((يمريم))

ام البنين ((ع)) تبعث رساله الى مريم العذراء



تعالي   يـمـريـم شـوفـي حالي
تعالي   انصلب كلشـي بخيالي
تعالي   الـجـره الـعيسى جرالي

يـمـريـم       ..      يـمـريـم


*-----------------------*---------------------*

يـمـريـم حـالـتـي مـامـنـهـه حاله
مـحـالـه انـوب تـتـكـرر مـحـالـه
گـبـلـي يـابـشـر صـلـبـوا خـيـاله
بحنيني ودمعتي ابـعـث رسـالـه

أكابر   واسولف عن جروحي
أكابر   وأصـبـر گـوه روحـي
أكابر   لـچـن مايـهـده نوحي

يـمـريـم              يـمـريـم

*------------------------*---------------------*
شبـيـه العيسى ودموعچ جراهه
أذكـري الـراحوا بالحظـه ربـاهـه
خبرهم جـرّح الـعـيـن وعـمـاهـه
وتـتـاني الأربـعـه ومحد اجـاهـه

اصحين   ييمه وصوتي يـرجع
أصيحن   حنيني يـمتـه يهجع
أصيحن   وزماني بـيّه يـفـجع

يـمـريـم             يـمـريـم

*---------------------*-----------------*
تعالي ابحسرتج لـرض الـمـدينه
نـسكـت والـدمـع يـشـرح حچينه
تـذكـريني بـألـم عيسى وحـنـيـنه
وأذكـرچ بالـگـمـر وأدمـوم عـيـنـه

أسولف   واعـد يـمـچ نـوايـب
أسولف   جـرح فـگـد الحبايب
اسولف   وحيده وگـلبـي ذايب

يـمـريـم            يـمـريـم

*-------------------------*-------------------*

يـمـريـم حـالـتـه عـنـدچ خـبـرهه
ودمـعـتـچ بالـجـفـن تركت اثرهه
تـعـالي لـلـبـقـت مـحـني ظـهـرهه
وزمـنـهـه بأربـعـه جـار وكـسـرهه

اريدچ    ابـدمـع عينچ تجيني
أريدچ   عَـلّـي زايـد حـنـينـي
أريدچ   قـبـل لاتـعـمـه عـيـني

يـمـريـم             يـمـريـم

*------------------------*---------------------*
أتـانـي الـفـاگـده والـعـدهـه عَـبـره
يجينـي ألـلـيل والـخـاطـر أكسـره
أداوي بـالـدمـع گـلبـي وأصبـره
واحـنـن للمشـوا وبـروحي جمـره

رسالـه     ألـچ أخـر حـيـاتـي
رسالـه    قبـل ساعت وفـاتي
رسالـه     بـقـت بس ذكرياتي

يـمـريـم              يـمـريـم

*-----------------------*------------------*

✍خادم ام البنين ع
الشاعر رعد الجريخي



@HxzEU1

#قناه_نشر_القصائد_المنبريه

ام البنين انطت صور
           متعجب ابسرها القدر
   هيه الوفه والعاطفه
                  اول شمس جابت گمر

 ***

لو صادفك موقف صعب

                  زحمة افكارك سارحه

تسهل عليك المعضله

                  بس تقره يمها الفاتحه

البيبان كلها امفتحه

                  مسدودة جان البارحه

هيه الدوه هيه الامل

                     يمها همومك رايحه

 
            وياك ماتخلف وعد
             تدعيها متردك ابد

 
عدها كرامات اشكثر
                    والاعـمه ردتله النظر

 

**

 بيبانها بيها الفرج
                  حقه الگلب ليها يدگ
اختارها مولانه علي
                  شمعة صبر ماتحترگ
ام للحسين وللحسن
                   والزينب انهار العشگ
علويه گالو بالبخت
                     والله گلت انه صدگ

 

حــلفـــها دوم بفاطمه
مد چفك الباب السمه

 
مر بيها لامترجعك
                     لوعاندك يوم الدهر

 **

جنتها دوم امفتحه
                 من ااااااالبقيع الكربله
سفرتها خط بين الدول
                    مليانه من كلمة هله
ارزاق من كل النعم
                 واليندعيها اااالها ادلله
مجلسها خير وعافيه
                    بس ااالحضر يتامله

 

 انصب مجالس للدمع
خلي البواچي تنسمع

تستاهل ام الاربعه
                      من الدمع ثوّب نهر

        *

 اتوجه بنيه خالصه
                 خل عينك تصد نينوى
ختسجل اسمك بالسجل
                     وي البقو يمها سوى
ارسمها لوحه ابعالمك
                 معروفه هاي ام الضوه
من تختنگ من دنيتك
                    تلگاها نسمات الهوى

 
      اشـمــا تبـتــعـــد ترجع ترد
      اشلون الندى ايعوف الورد

 
     اخـتــم جــــــوازك للابد
     بس يمها مضمون السفر

 *

الحمد لله والشكر
رحيم الوائلي
2024



@HxzEU1

#قناه_نشر_القصائد_المنبريه

نعي بحق ام البنين عليها السلام
كأني بلسان حال اولاد ام البنين عليها السلام عندما حظرتها الوفاة

اجت ليچ المنية ومحد وياچ
ها يم المحنة اتهمل عيناچ
عليچ أبعاد يمة وما اجيناچ
ما واحد حظر عنچ بعيدين
==================
اليريد ايموت عينة أدير لهلة
ملتمين كلها اتنوح لجلة
هذا ايسبل ايديه ويجبلة
وهذا ايحبة ذاك ايغمض العين
=================
لا عباس اجاچ ولا حظر عون
لاعبدالله لا جعفر يحظرون
يمين شمال گام أدير العيون
تدورين العزيز وماهو الحسين
==================
بالدنيا صدكَ ما شلنا همچ
وبالتشييع ما شلناه جسمچ
حظرنا أرواح يمة اندور يمچ
نلتم من جديد و يانة تمشين
==================
متانينچ تعاي بساع لينة
بلهفة حسين ينطر يالحنينة
كلة ايروح حزنچ يالحزينة
تعاي بساع لينة وموش تبطين
==================
أسألكم الدعاء رائد الاسدي



@HxzEU1

#قناه_نشر_القصائد_المنبريه

نعي بحق ام البنين عليها السلام
___
يا نبع الوفة ونبع المحنة
يم كَلب الحنين الماكو منة
ياحرة دليليچ ما تهنة
شالوا كل هلچ حكَچ تونين
____
عليچ الدار وحشة ابلاية والي
بدار حسين دمعچ ظل يلالي
تصيح احاه اه يبني يغالي
بعد روحي تنادي يبني يحسين
__
دنت ليها المنية ام كَلب محزون
تتمنى الولد يمها يحظرون
على فراش المنية ادير العيون
تنادي الموت اجاني ها يطيبين
___
هاي ام البنين اتعالج الموت
چا وين الولد ما سمعوا الصوت
خل عباس يمشي اليوم زاتوت
عزيزة الوالدة تستاهل ونين
____
يشيلون النعش تتمنى الاولاد
لچن يا حيف عنها شالوا ابعاد
يفكَد الوالدة للچبد مراد
وحيدة والولد عنچ بعيدين
____
يهيلون التراب عليچ ولدچ
تمنيتي يجون ابيوم لحدچ
تلكَاچ الحسين وموش وحدچ
واجوچ امه وابوه الكل محزنين
__

أسالكم الدعاء رائد الاسدي



@HxzEU1

#قناه_نشر_القصائد_المنبريه

قصيدة بحق ام البنين
__
شكَد تمنيت  تخلص ايام العـــمر وياكم
شكَد تمنيت  بالمنية اكَبال عيني الكَاكم
بس ادير بعيني     محد ايباريني
------------------------------------------------
يمه تاذيــــني من اعــيد الذكريات
شوفتي الكم يمه تعنيلي الحــــياة
تخــــــطر ابالي تحــظرون المـــمات
انــــــــــــه أم وعندي ذني الامــنيات
بعلتي كون  اربعة اولادي يجــون اكَبالي
بعلتي كون   كل ولد ينشدني عن احوالي
اشتكي الياذيني      محد ايباريني
------------------------------------------------
يمه وافــتــــــــني المنــيه ما تجــــون
اعلى باب الــــدار اديــــــرن بالعيــون
شكد چنت مرات تاخذني الضنون
بالمنيه عــــــــيوني يــمه اتغمــــــــضون
آه يالولاد   من صحت ماضنكم تسمعوني
آه يالولاد   مافزع واحد يغـــمض عيوني
لكبري ايوديني       محد ايباريني
------------------------------------------------
يــــــــــمي العـباس كَاعد حسبـيت
بالمنــــــــيه وهــسه ادور ما لكَـيت
يمسح ابيده اعلى راسي اتصوريت
وايدي يــــسبلها اذا انه اتـشاهديت
يكَعد وياي   ابني كل ساعة يحبني براسي
يكَعد وياي   ونشبع وداع وتروح انفاسي
حسرتي تچويني     محد ايباريني
------------------------------------------------
يــــمه حاچيــــــــني يكَلي وبعــويل
(جعفر) ودمعه اعلى خدينة يسيل
يصــــــيح يايمه فطــرتــــيلي الدليل
هــــــذا حلمي وما تحـــقق مستحل
چانت احلام   انه أم وحكَي من ارويها
چانت احلام   امنية عدي اعــيشن بيها
شوفتك تحييني   محد ايباريني
------------------------------------------------
اسمع صياح وبواچي والنحـــيب
لنه(عون)يصيح يا فكَد الحــــبيب
صورة ابني الصــــورتها ماتغــــيب
خابت آمالي وبعد ضني يخيب
هاي الضنون  چنت احسبها وضنن بيكم
هاي الضنون   خابت وما ينسمع طاريكم
وحدي مخليني   محد ايباريني
------------------------------------------------
ينكَط الماي ويحاچيني الحنـــين
ينوح (عبدالله) ويكَلي ترحلــــين
كون هذا يصير وبعــين الــــــيقين
موش بس احلام يا كَلبي الحزين
قصتي هاي  كلشي سولفته جرة بأحلامي
قصتي هاي   راح امـــوت ولا ولد جدامي
دمعتي تواسيني    محد ايباريني
*
أسالكم الدعاء رائد الاسدي



@HxzEU1

#قناه_نشر_القصائد_المنبريه

قصيدة بحق ام البنين عليها السلام


تانيتكم ... يهل المحنة يالعميتوا عيوني
تانيتكم ... ام البنين ام الوفة اتعرفوني
لمن جفوني احبابي   بس الهوة ايدكَ بابي
====================
محلاه چان البيت من تلتم الاحباب
لا اسمع بطاري الهجر لا اسمع غياب
الدنيا دارت وانچفوا ماي اعله التراب
مجروح گلبي ومن مشوا خزن ولا طاب
ناديتكم ... موحش البيت وبلكت اتسمعوني
ناديتكم.... بنص الگلب يا سلوتي صبتوني
ما اضن يبرة صوابي   بس الهوة ايدكَ بابي
=======================
چندوب اگل للروح كافيچ تنوحين
باچر يجون من السفر بيهم تفرحين
طالت المدة وما رجع محبوبي الحسين
منتظرة لا هوة الرجع لا من نسواين
محتارة ... شنهي الخبر يهل الوفة خبروني
محتارة ... چم يوم سفرتكم تضل علموني
محد يردلي جوابي   بس الهوة ايدكَ بابي
=======================
انشد عليكم يا هلي واتنطر اخبار
لاطارش المنكم رجع لا جيتوا للدار
ميتين لو عدلين مدري اشصار ما صار
يا يمة گلب امكم يضل ملتهبة بي نار
باحلامي ... گامت تخوفني من اشوف اطيوفكم
باحلامي ... ما ادري شنهي يالمشيتوا ظروفكم
من نومي افز لعتابي   بس الهوة يدكَ بابي
========================
بالديرة عفتوني جسد من يوم الوداع
امشي وحگكم بس رسم ينشاف عالگاع
ما حسبت شمل الاهل يطشر بساع
روحي لجل روحك فدة يحسين تنباع
يوليدي ... من يوم روحتكم متت بدياري
يوليدي ... من حزني ليلي متصل بنهاري
حسبت خاب حسابي   بس الهوك ايدكَ بابي
===========================
حسبات تاخذني و ترد يا يمة حسبات
يومية اودي اويالهوة الكم سلامات
حرمة وچبيرة لوحدي وشبعانة لوعات
محد يباريني ومشن عني العزيزات
تمنيتكم ... يمي وتطيب اجروحي ويرد لوني
تمنيتكم ... شلونچ ييمة اسمع اتنشدوني
شيبت حتى اهدابي   بس الهوة ايدكَ بابي
==========================

أسألكم الدعاء رائد الاسدي



@HxzEU1

#قناه_نشر_القصائد_المنبريه

قصيدة بحق ام البنين عليها السلام


يارحمه الله الواسـعة يم البنـــين الاربعة
باب الفرج للمحتار عدها يصير الماصار
ام البنين الاربعة
--------------------------------------------------
ام البنـين اتميـزت بيها العقول اتحيرت
انخاها لوحاجة اكلفت كل حاجة تطلبها كَظت

انخاها وانته ملهوف ومشي عليها الحسين
تطي الحوائج بالايد تكَظيلك برمشه عين

هاي العفيفة الطاهرة خل يدري بيها الما درة
هايه خزانة الاسرار عدها يصير الماصار
------------------------------------ ----------
بالدنيا لو صابك عسر انخاها يتحول يسر
بالشدة اقره من تـــمر الفاتحة تسهيل امر

أسأل عليها التاريخ من فاطمة ماكو اثنين
نحسبها بعد الزهراء باب الله للمحتاجين

معروفة ساعات الشدد فاز الندبها وانسعد
منقولة عنها الأخبار عدها يصير الماصار
------------------------------------------------
حيدر ترة ايعرفچ عدل واختارچ بحكمةوعقل
ياهي الي مثلچ تحتمل تطي الولد لجل الكتل

اطت ولدها قربـان والباري كلشي اطاها
صارت مَثل بالايــثار باب الفـرج خلاها

بيها دعـُـائك ينسمع والهم بسـمها يرتفع
هيبتها من الكرار عدها يصير الماصار
--------------------------------------------------
ام البـنين ام الوفه بالحاجة تدري وعارفه
علمها حيدر كل صفه عدها الفرج عدها الشفه

اطلبها دوم بأخلاص الـشدة تنحل بساع
ما تعتذر ام عـباس تشـفي جميع الاوجاع

بالــشدة دايم تنذكر ماتـسد باب وتعتذر
يرضى لرضاها الجبار عدها يصـير الماصار
------------------------------------------------
صارت مثل بالمرحمة وعن فاطمة هم فاطمة
المخلص الله ايكرمة كل طلب منها ايتممة

عدها الوفه ماله حدود وي النبي واحبابة
خلاها للـعالم بـــاب الباري ماسد بابة

اذكرها من تدعي العلي لاشك همومك تنجلي
اذكرها عند الاسفار عدها يصير الماصار
------------------------------------------------
اقسم عليچ ابحيدرة وابنچ الكَطعوا منحرة
والبطل سبع الكَنطرة وزينب الحرة الصابرة

قبلـينا عـدچ خدام وسجلينة من خدامچ
نطلب شفاعة من حسين فدوة لتراب اجدامچ

بسمچ طلبنه نرفعة وانتي شفيعة مشفعة
ياحرة عدچ خطار عدها يصير الماصار


أسالكم الدعاء رائد الاسدي



@HxzEU1

#قناه_نشر_القصائد_المنبريه

قصيدة جديدة بحق ام البنين عليها السلام



ماتت وهية تنحب ما نشفت العين
طول العمر تنادي آيبــني يحسين
اتنوح اعله ابنها اويلاه يوليدي
اتريـــدة بدفنها اويلاه يوليدي
=====================
ما گطعت النوح من فگد الاولاد
لا تهــــنة بالماي لا تهـــنة بالزاد
من الحزن يوم مدمعها ما هاد
لا صحة لا لون حتى الجسم باد

بعد الولد علـــيلة ماريدن الروح
شلي بحياتي وانة دلالي مجروح
زايد حزنها اويلاه يوليدي
اتريدة بدفنها اويلاه يوليدي
======================
كبرت على النوح حسرة بدليلي
ما ادري بـــــنهار ما اعرفة ليلي
من أيدي وتــــروح يا يمة ويلي
مشتاگة الك موت يادمعة سيلي

تدري شكثر حنينة يا اغلة مني
عني رحــت يغالي والهم كتلني
روحي أغلى منها اويلاه يوليدي
اتريــــدة بدفنها اويلاه يوليدي
====================
من راح الحسين دنيتها دارت
وابحر الشموس گعدتها صارت
ما يرجع المات شتسوي حارت
من صب الدموع عيناها غازت

عافيتي كلها راحت يبني بغيابك
شيب دليلي اشتم ريحت ثيابك
شيب جفنها اويلاه يوليدي
اتريدة بدفنها اويلاه يوليدي
====================
گبور امن التراب سوتهن الكم
عنــــي يالولاد شو رحتوا كلكم
من غبتوا لليوم موحش نزلكم
ايزود اعله يعگوب حزني لجلكم

گبرك رسم رسمتة كل ساعة ازورة
والماي ارشة يبني وأشعل بخورة
مو هذا ظنها اويلاه يوليدي
اتريدة بدفنها اويلاه يوليدي
====≠==================
وكت المنية رادت يمها الاطايب
عن يمنتي وشمالي محبوبي غايب
اه يا دهر ليش خذت الحبايب
ما تسوة العتاب دهري واعاتب

بالدنيا ماهو يمي ابساعة مماتي
يلتم شملنة ثاني وتبدي حياتي
يخلص حزنها اويلاه يوليدي
اتريدة بدفنها اويلاه يوليدي
===================
أسألكم الدعاء رائد الاسدي



@HxzEU1

#قناه_نشر_القصائد_المنبريه

قصيدة بدوية بحق ام البنين في وداع الحسبن عليهما السلام


ياحادي النوكَي صد لحالها
هاي امَ البنيني بعدك مَن لها
****
ها يولدي الغالي بسيفك محتزم
ومطوكَه عيالك بحــزام الـــــــزلم
يا ناحــره البيدة لاويــــــن العزم
ماهگوتي الديرة وحشة اتخلها
____
هونك على گليبي يمخلي الوطن
عازم تــــخلـــــيني وتهجرني زمن
خبرني يوليدي بنسوانَ المشن
انت الترد بيها لو هي لحالها
--------------------------------------
ياسايجه النوگي هونك بالحدي
يمخلي گليبي يرجف يولدي
تنادي يويلادي انتم مگصدي
وكته الشدد دومن انتم حلها
------------------------------------------
بالعون يوليدي انته روحيتي
افديلك عيالي وروحي ورکبتي
غيرك فلا ودي كلشي بدنيتي
بعد الهجر روحي حزن اينولها
____
يمعگره الخيلي يچبير اخوتك
يا هزبره البيدة براسك ريشتك
انته چفيل او هي زينب رادتك
يا ابا الفضل بيدك عدل احمالها
_
هاذي مظاربكم وديار النبي
فيها الحزن بادي صبح ومغربي
تهجرني ما ودي بس چنك تبي
تطفيها نيرانك حدر دلالها
--------------------------------------


أسالكم الدعاء رائد الاسدي



@HxzEU1

#قناه_نشر_القصائد_المنبريه

ثگيل
ام البنين والوفاء عليها السلام..

مالي لذه بدنيتي ولا أمنيات
حسين يرجع يلا ترجعلي الحياة
ننتظر جيتك.. انا وابنيتك
___
اصبر ونظر درب اضعونه بالكت يرجع ليه ابخير
اول مره يمشي عني واخر مره هاي تصير

اذكر عشرتي وياه ورد اتئمل النوب
المغرب جيته ظيم عل متاني محبوب
تعيش الناس وتروح وانه مگابله البوب
متعوبه اعل فرگاه وهوه حسين متعوب

تجري ادموعي الحزن كل السنين
حسين تارسها وبعد ماعدي عين
يمه تانيتك.. انه وبنيتك
____
مو بس انه انطر ضعنه عده ابنيه بس اعليله
تكسر كلبي شما كالتلي يرجع يمته ضعن العيله

أشيخلي الجرحه ويطيب المفارك حسين
فوك المرض والليل ضعن الاهل ماشين
هوه الدوه الحسين بس ماهوه الحسين
تنوح وتبجي جندوب مابين الحياطين

مره ترسم بيت رد حسين ليه
مره عبدالله ترسمه تلولي بيه
ياحزن بيتك.. انه وبنيتك
____
ردت زينب وانه انضرها من مشيتها تتمايل
ردت لاكن شو وحدها ماهو وياها رد الكافل

ابعبايه امتربه واه متروسه مصايب
چن هاي العبيات طبوهن خرايب
القبل جانن أميرات شو جنهن غرايب
ارتاحي اهنا يم عون من كثر النوايب

اجت مهضومه زينب تحجي بالكوه
متت كالتلي لمن ماتت الخوه
أبروحي ونيتك.. انه وابنيتك
____
زينب بالله كولي اوليدي خاف امقصر لا عباس
كالت وسفه شلون يقصر الحدبني رافعلج راس

هواي اجروح الحسين كالتلي الاصعب
لمن طاح عباس ضهر حسين حدب
من الخيم للماي شعر راسه شيب
رد مكسور ويكول عينيني زينب

طاح وسفه العلم من جفه والجود
وكع ذاك الطول لمن طكه عامود
ماطحت ريتك.. انه وبنيتك
____
بس كتلها حسين شلونه وشلون عيونه الحلوات
خو ما ضل عطشان وليدي لاكن كالت هل جلمات

منين احجيلج منين من ياهيه اكابر
صاير صدر الحسين معبار الحوافر
خيل وجيش وسهام تل احجار صاير
و ردينه غريبات مكسورات خاطر

جروح اهواي رد الضعن متعوب
عفنا احسين فوك الكاع مسلوب
ننتضر جيتك .. وانه ابنيتك
____
محسن الحمداني

اللـهم عـجـل لـوليـك الفـرج
@HxzEU1

لحن القصيدة

اه يالغريبه
اه يالغريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هازينــــب شلونـــــه الشام وياچ
منــــــــچ نعتذر چـــي مااجيناچ
صارت والدرب ســـدوه يم عون
مـن فوگ السطوح الفشله زرناچ
،،
عمت عيني عليچ ام عون
عدلــه وميته مكســـــوره
هضيمه بنيــــــــت الزهره
وضريحــچ محــــد يزوره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خايــــف لاطويله السالفه تصير
ونتأخر وبـــــــــد مو مال تأخير
الگاعـد لربعينچ يحسب احساب
حگه ينهضم يــــم عـون ويحير
،،
اذا رحنــــــــــــه ولگينها
الحدود اعلينه مسدوده
اذا لا حـــــــــل ولاچاره
نرد بوجوهنــــه السوده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا خدمــه بعــد لاصـــــــوت خدام
ضلمه الحضره چنها غروب الخيام
يم حسين كونـــــچ يخت الحسين
مـــــــو بالشام مايستاهــــل الشام
،،
شحلات الحضـره يازينب
من تتوســـــــــط اخوانچ
شحلات الخوه مــن تلتم
يزينب موش عدوانـــــچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منا وانتهـت ماصـــــــــــدگ بهاي
يگلولي بعــــــــــد ماتمشي مشاي
لزينــــــــب مااروح شلون ياناس
خاف تگلي زينـــــب ليش ماجاي
،،
التعـــود عليها شلــــــون
يگطـــــع بيها ماترهـــــم
ينضــــــــم العشگ مرات
وعشگ ام عون ماينضم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده
،،، غربة زينب،،،


@HxzEU1

#قناه_نشر_القصائد_المنبريه

نَنعاكِ بالأنين. يااُمَ البنين
_
اليــــــومَ جِئنا بقلوبٍ دامـــيه.
مكسورةٍ وبـــــــالعَويلِ ناعيه
هذي الدموعُ مُن دِماءٍ جاريه
فالكُلُ يَفنى والمواقِفُ باقيـه

بالدمعِ نستعين. يااُمَ البنين
__
اليومَ نقرأُ للوفاءِ الفاتـــــــــحه
طاهرةٌ امُ البـنـيـــــنِ صالحــــه
دمعاتُ عيني للخُدودِ جــــارحه
وفي البيوتِ حانَ وقتُ النائِحه

تبكيكِ كُلُ عين. يــــاامَ البنين
___
معَ الزمانِ لـــي عِتابٌ ياتُرى
أيُدفَنُ الحنانُ ماتحتَ الثَرى
لكِنَـــــــما كَفُ الوَفا لَن يُقبَرا
اصبَحتِ باباً لحوائِجِ الوَرى

نَأتيهِ كُلُ حين يااُمَ البنين
__
فـــــــــاطمةٌ أُمُ الليوثِ الاربعه
بالغُربِ ماتت يالَها مِن فاجِعه
وابـنُها العباسُ سيدُ المشرعــه
الارضُ تبكي والسماءُ السابعه

ويومُنا حزين. يااُمَ البنين
__
مِن بعدِ فاطمَ هيَ أوفى فاطمه
بــــحُبِ أبـــناءِ البتولِ هائِمـــه
وللحُسينِ هيَ كانت خــــــادمه
وعن يـــــقينٍ بـــالإمامِ عالمه

نُرثيكِ بالحنين. يااُمَ البنين
___
امُ البــنينِ قُــــــطِعَت احـــــــشاؤها
لَن يَشَفَ مِن يومِ الطفوفِ جـرحها
فَقدُ الحـــــــسينِ هالَها وهَـدَهـــــــا
مِن بعدِ عيـنيـهِ تَـمَنت موتَـــــــــها

مازِلتِ تنحبين. يااُمَ البنين
~
حيدر بشار الدراجي



@HxzEU1

#قناه_نشر_القصائد_المنبريه

گبل بس انت عندي وكلشي ما عندي
احبك تدري اكثر حتى من ولدي
يا حسين
:::::
انه ام البنين وبالي مو يمهم
انه امك مثل ما انه هم امهم
سالم انت خل يرحون الك كلهم
غيرك تدري بيهم كلشي ما عدهم

من تراب جدمك طينت خدي
:::::
انه اول مره تختلف عن النسوان
زلم عزبت انه بساحة الميدان
طلعو مثل حيدر ولدي هم شجعان
ما نشرب الماي حسين اذا عطشان

دونك انذبح هيچ انه كل ودي
::::
حگي اتباهه وانه افتخر بين الناس
ياهي مثلي طلگت جابت العباس
ادرس بالولد حسين تاج الرأس
تنقاس الارض وحسين ما ينقاس

گدام الاخو انه التزم حدي
:::::
قبل عباس ابني من الوليله
گماطه يگطعه ما اعرف شسويله
شبيه ابني حرت يا ربي اشكيله
يرتاح الگمر من بسمك احچيله

يم حسين يا روحي بعد ردي
:::::
هي الدنيا يبني شتسوه من دونك
نحيه نموت احنه بنظرة عيونك
امير حسين گتلهم يسمونك
دنگو رؤوسكم لمن يحاچونك

تره فراگك جرح بعده الجرح يدي
:::::
علي جبار الكعبي
الفاتحه لوالدي



@HxzEU1

#قناه_نشر_القصائد_المنبريه

دلال الساده كلها الليله مجفيه
ماتت فاطمه الحره الكلابيه
،،،،،،،،،،،،،،،،،،،،،،،،،،،،،
الليله الساده ذبت كل خواجيها
والعنان السمه واصل بواجيها
راحت منهم الينشد ضهر بيها

ام الأربعه التتسمه بدويه
،،،،،،،،،،،،،،،،،،،،،،،،،،،،،،،،،
يحضر امه عباس الگمر وينه
نفرض لو اجاها بسهمه البعينه
شلون يشيع امه ابلايه جفينه

وعينه من السهم عالشاطي مدميه
،،،،،،،،،،،،،،،،،،،،،،،،،،،،،،،،،،،
تريد حسين ابنها ابساعت الشده
ايغسلها وعليها ادموعه تتبده
شلون وهوه بالطف رگبه ماعنده

شيحضر والجروح الف وتسعميه
،،،،،،،،،،،،،،،،،،،،،،،،،،،،،،،،،،،،،
صيحو زينب الأم الگمر تحضر
بس جيتها زينب تصعب اتصور
ماذيها التعب من اليسر والحر

بعده الهسه اسم زينب المسبيه
،،،،،،،،،،،،،،،،،،،،،،،،،،،،،،،،،،،،،،
بدجت المغتسل وبلحضت العازه
صوت امن السمه واصل للجنازه
جاب حسين اخوته الليله جنازه

يشيعج بيده ابوالأكبر يعلويه
،،،،،،،،،،،،،،،،،،،،،،،،،،،،،،،،،،،،،،
جاب حسين اخوته وفاطمه وياهم
رسول الله وعلي امحزم تلگاهم
حال ام البنين اهوايه بجاهم

ضلوع الحره عالطف كلها محنيه

العبد ابوفايز الرافضي
الفاتحه على روح والدي



@HxzEU1

#قناه_نشر_القصائد_المنبريه

مو مرت ابو ام جانت
بيت الزجية صانت
اعظم مره بعد ام حسن 
للعشره ابد ما خانت
........
اشنسولف ما نوفيها ....
عظيمه بكلشي نلكيها ...
ذهب حاضرها ماضيها .... ام عباس المشكر

مدرسة الوفه الكبرى
ضحت كلشي للعتره
بيها امباركه الزهرة .... ام عباس المشكر

ما صح مثلها ولا يصح بالدنية ابد
يامره اتضحي الاجل ضرتها بولد
وياريت واحد اربعه جان العدد

يامره الي أتسويها
الضرتها تنطي ابنيها
وفوكاها تتعذر تظل
الف السلام اعليها
.......
اول موقف انذكره
اسمها غيرته الحره
اكرام الفاطمه الزهره ... اتخلت عن  اسميها

خاف حسين يتذكر
أمه وكلبه يتفطر
موقفها السمه حير .... اتخلت عن اساميها

ماطبت الدار الا اسمها مختلف
شافت حُسين وعينهه كامت ترف
ركضت عليه وشبكته شبكت عرف

حبت اعيونه وجفه
جن من زمان اتعرفه
منا بدت قصتهم
وكظت عمرها بصفه
......
خلفت اربع ابدورة
وكل واحد حجت دورة
رسمت الهم الصورة .... حسين وكاعد بعرشه

يعني اكبال ابو اليمه
انتم خدم يا يمه
امكم موش مثل امه ... حسين وكاعد بعرشه
 
صح هو اخوكم لكن اعظم منزله
اشجاب الثرية اعله الثرى ما نوصله
عباس اريد  حسين اخوك ادلله

لبني نذرتك يبني
بالك تخيب ضني
من روحك حسين اغله
وجهي تبيضه افهمني
......


ثلثت انعام من عدها
ما واحد وصل ودها
نطت لحسين ما عدها .... تشهد فاطمه الزهره

ضحت بالولد كلهم
ماهمت ابموتتهم
عدها حسين اعز منهم .... تشهد فاطمه الزهره

اربع بنين انطت لبو اليمه بعزم
واتعذرت خافن امقصره وبي تهم
وكفته ما واحد وكفها امن الزلم

لو عشره عندي افديهم
كلهم فده الواليهم
كلمتها كالتها بثقه
لحسين اثوب بيهم
.......
من جاها بشر ناعي
صاحت ولدي مو داعي
حسين الهيج اوجاعي .... عن حسين خبرني

كاللاها البكه براسج
راح اعضيد عباسج
كعدي وجري انفاسج .... عن حسين خبرني

عادتله نفس الجلمه جنها مسمعت
مات الحسين وخيل صدرة رضرضت
حكه الخبر مو هين وحكهه انحنت

شيبها بشر بكوله
حسينج بقى بالجوله
وابراسه فرو كربله
وبجسمه لعبو جوله
.......
الحمدالله رب العالمين
اللهم صل على محمد وآل محمد
موسى الخادم



@HxzEU1

#قناه_نشر_القصائد_المنبريه