ليا وكت خلف السحاب انوارك
شنهي ما مل الصبر فقّـارك
كربله ناسيها حاشه
يلگضو اهلك عطاشه

ــــــــــــــــــــــــــــــــــــــــ

ليت شعري انـت ويـنـك
لياهي منهن حمره عينك

يلــــــ جروحك خضره لا زالت بعدها
تنزف وگد الوگع بالـــــطف عددها
واحد امن اجروحك الماظن تطيب
لــمَّك الشال الرجس ايده اعله خدها


والرجيم الطگها چفه امسمـمه
والجفن صار ازرگ وينزف دمه
موتو اعـذب فَراشه
يلگضو اهلك عطاشه

ــــــــــــــــــــــــــــــــــــــــ

يگضي ليلك بس مناحه
الـ ليل عاشِر ولـصُبـاحه

اگبالك الطف كل وكت وانت التنظره
طــايح احسينك ولا واحد ينصره
علتُرب وعيونه تشبح للـــــــخيام
وتسحگ الخياله والخيل اعله صدره

تنزف اجروحه وُ ولا يحصل طبيب
هم غريب وهم خضيب وهم سليب
والتُراب اصبح فراشه
يلگضو اهلك عطاشه

ــــــــــــــــــــــــــــــــــــــــ

يمته بيدك رايه تنشُر
بيها ريحة عمك الدُّر

عمك البـطف قره اعله الشاطي آيه
يانفس هوني وشمر مايه اعله مايه
ابطيحته احسين انحسب من الضحايه
ابــــطيحته لزينب بدت قصة سبايه

والله لوما طاحت ايمينه وشمال
عمتك ما شدو ابچفها الحبال
ولا شمر بيها ايتماشه
يلگضو اهلك عطاشه

ــــــــــــــــــــــــــــــــــــــــ

دمعك ايدر ليله ليله
للــــــــعليله وللـــعقيله

هايه ودّعها الفرح بوداع ابوها
وزينب ايفت الگلب توديع اخوها
وحده ابوچ ايگلها ابن حذلم ذبيح
و وحده مچتوفه وعلى الهزل خذوها

زينب لمحنتها ما يوصل حزن
فاگده ومسبيه مسودّة متن

الها احس صبرك تلاشه
يلگضو اهلك عطاشه

ــــــــــــــــــــــــــــــــــــــــ

ابصدرك اترض اعــــوَجيه
لطفل الحســ يـن ورقيه

ارقية احسين وفگد عبد الله كسره
ارقيه حضنت راسه عبد الله اعله صدره
ارقيه ماتت والسبب هجر الحبيب
وحرمله ابسهمه انگطع عبدالله نحره

يابو صالح يمته چا ثارك يحل
لشوغة ارقيه وسهم نحر الطفل
اشظلت ابگلبك حُشاشه
يلگضو اهلك عطاشه

ــــــــــــــــــــــــــــــــــــــــ

هذا حزنك والـمشاعر
بينا محد بيها شاعر

بينا فكرك واحنه محد فكره يمك
وبالذنب صبح ومسه ابگلبك نلچمك
يابو صالح منك انريد الـــــــسماح
ونلتمس منك دعاء ابداعت امك

بمك الزهره وضلعها المنكسر
خلنه خدام الكم ونحيي الامر
گلبك انصير انتعاشه
يلگضو اهلك عطاشه

ــــــــــــــــــــــــــــــــــــــــ
سيد علي عبدالزهره الناجي



@HxzEU1

#قناه_نشر_القصائد_المنبريه

لسان حال مولاتي ام البنين
—————
المستهل
—
ونيت - لام عون- ما ونيت لمصابي لمصابي
ترتاح- يايوم- من الضيم احبابي احبابي

مهموم كلبي الزينب- مهضوم كلبي الزينب

———
يمه شصاير بيج — امج وابجي اعليج
كليلي شحالج — كليلي شحالج

شمسويه ويردون — يسبونج يأم عون
مامش كفالج — مامش كفالج

ما مرتاحه — ما مش راحه
خلص عمرج — بس انياحه

تبجين- تردين - كون اخوان يحمونج
يحمونج
يحموج - يمسحون- دمعاتج بعيونج بعيونج

الشام موش امجانج- المفروض يم اخوانج
—————
وانه بكبري انعاج - محد يمه وياج
بس غربه وانجاس- بس غربه وانجاس

اول تالي ام عون- تبجي وتطلب عون
جاوين العباس - جاوين العباس

صعبه الحرمه - تمر بهضمه
اكبال الغربه — كلش زحمه

تمنيت- وياج- لو جل ليل يا يمه يايمه
بالشام- شمات- مايرعون للحرمه للحرمه

متعوب كلبج زينب- كد ما يبجي وينحب
—————
شكد يمه تمنيت- من فاركتي البيت
للطف امشي وياج- للطف امشي وياج

بس عباس الگال — ابقي وشاف الحال
يتكفل بحماج - يتكفل بحماج

جانت نيتي — اترك بيتي
وامشي وياجن — هاي امنيتي

عباس - محشوم - ينسه ام عون بالخدمه بالخدمه
هل گال — وياي - ما ترحين يا يمه يايمه

ترحين حقج واجب — وام عون خاف تعاتب
————
الطف خلص عود — لاجن عاد اردود
بس بغير اسلوب — بس بغير اسلوب

بالطف تشردين — بالشام تشيلين
ع الحايط مكتوب - ع حايط مكتوب

الطف صعبه - شامج غربه
حسين شذنبه - كلهه اطلبه

يسبوج - ع نوگ - هم رادوج ع الهزله
ع الهزله
مرتين - للشام — هم ترحين مو عدله مو عدله

لا موت فكج منهم — شيردون منج كلهم
——-
الخادم موسى البطلي



@HxzEU1

#قناه_نشر_القصائد_المنبريه

لو طاري الخدر
يمك ينذكر
يندار الفكر على زينب

لو معنى الشرف
مايوم انعرف
تلكاه انوصف على زينب

بيبان الخدر سدهن
زينب هيه ختمتهن
ومن باب العلم نحجي
زينب عالمه بكلهن


اريد المايدري ايعرف معلومه
الحجو عنهه وكالو مشت مهضومه
جذب كلمن سولف روايه انشافت
مثل ايه بسوره مشت محشومه

—————-

مرجع للعلم
زينب والنعم
وبكثر النجم مناقبهه

طبت للقصر
فارس منتصر
متگبعه بخدر مناقبهه

انطت للستر قيمه
شرحت خطبة الشيمه
مابين طرف ظلهه
خيمه امگبعه بخيمه

شرف الله وعرشه تجسد بيهه
حجاب من الكعبه التشوفه اعليهه
كمر هاشم يمهه وسترهه من الله
منو اليكدر زينب يجي يحاجيهه

————-
من حسين اسمعت
گال اتنومست
صارت ام وأخت الي زينب

صح راسي انگطع
بس بيهه انرفع
صيت الطف طلع الي زينب

قرآن العلي المُنزل
بصوت الحره يترتل
جا صوت الاذان انزاح
لو ما صعدت اعله التل

اذان الله وبيته وسمع قرانه
وكف كله بزينب ثبت عنوانه
مثل حيدر طبت قصر طاغيهم
يزيد من الهيبه انخلس ديوانه

—————

جم سوره انقرت
وآيه اترتلت
بيهه اتفسرت معانيهه

ايه التنذكر
من سورة حجر
معنى أم الخدر معانيهه

آيت تسعه نقراهه
بسوره حجر تلكاهه
فسر مقصد الآيه
بزينب تلگه معناهه

( إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ ٩

وحي مرسل نازل بأمر الله الهه
حفظ من الوادم تباوع ظلهه
بنت حيدر زينب جربيه اعله الله
اذن صارت حجه على الناس كلهه
————-
الخادم موسى البطلي



@HxzEU1

#قناه_نشر_القصائد_المنبريه

لم الشمل ... يامصدر الحنان
طال الوصل ... وين انته يامكان
صرخت گلب .. من عاشگ وأسير
لمته تهل  ... ياصاحب الزمان

يالعايش حزن عاشور  يومك يخلص امحير
الوادم كلها عدها بيوت  وانته الوحدك بلبر
الله حط سبات الليل  وليلك تندب تفتر
هنا عمتي مشت عالنوگ  هنا مذبوح ابوالأكبر

يا أخر ايه رتلوها كل الحجج
مجروحه روحي وبقه بنتضار الفرج
،،،،،،،،،،،،،،،،،،،،،،،،،،،،،،،،،،،،
عايش ألم ... عن الخلگ بعيد
دمعك خيم ... لا تطفه لا تهيد
حيلك خلص ... عالضامي والغريب
لجمة سهم  ... من توصل الوريد

گواك  الله  يامولاي  الوادم تعبت گلبك
ماكو الينحني بطاريك  ويقدر جهد تعبك
يامهدي العمر خلصان  لازم نلتزم دربك
واحد من اهلنه انته  كون الوادم تحسبك

اعمه البصيره انه وانته نورك وهج
مجروحه روحي وبقه بنتضار الفرج
،،،،،،،،،،،،،،،،،،،،،،،،،،،،،،،،،،،،
وينك صحت ... يالمبعد وقريب
بعدك تهت  ... مولايه يالحبيب
راح المضه ... يامهدي ردني ليك
يمك ردت  ... محبوبي يالغريب

ياعازت هوه المخنوگ  الدربك فدوه دلينه
جن ردت زليخه انريد  اترد الضاعت اسنينه
يبقه اقرب مثل للحر   نادم گابل احسينه
ولهسه ابوجه مولا    ابعينه مايحط عينه

ابدرب المحنه ياحبيبي عقلي نضج
مجروحه روحي وبقه بنتضار الفرج
،،،،،،،،،،،،،،،،،،،،،،،،،،،،،،،،،،،،
اخر حجي ... مو اخر الجروح
لمته تجي ... مابيه حته روح
ابقه انتضر ... لو بالگبر اصير
ابقه ارتجي ... وياك اريد انوح

محد ياحبيبي اوياك  يبجي الغربت العاشر
تطلع  وحشت الفاگد   من يتهدم  الجادر
منگب بالعزاء مولاي  حالك يكسر الخاطر
حگك كل بني هاشم  كلها نسحگت ابحافر

وي دمعت اليتامه دمعك انته نمزج
مجروحه روحي وبقه بنتضار الفرج
العبد ابوفايز الرافضي
الفاتحه على روح والدي



@HxzEU1

#قناه_نشر_القصائد_المنبريه

عباس اگعد طفي الخيمه

*****

طبو علخيم عباس گوم النه
وينك يا بو فاضل خويه تسمعنه
هاي النار وصلت گام تتدنى

كلهه اتهد مامش حمايه


***

وين اهل الحميه وأهل الملاگه
اجتنه الناس يهلي النار حراگه
آنه الونيت ونه وبچت الناگه

چا وينك شيال الرايه

****

شبت نار بخيامي وتمنيتك
يتامى وياي چا جيت وتعنيتك
طلعنه گبالهم يا خويه ناخيتك

من عين الشامت دارينه

****

چفوفك ما تصح حاچيني يلكافل
عالو علحرم تسمع يبو فاضل
أگلهم ما يموت ويرجع يقاتل

گوم افزع جتنه الغزايه

****


يبو فاضل دگوم وشيل ذرعانك
يمخلي الاثر بوجوه عدوانك
تركض بالحرب چا ليش نسوانك ؟

عباس اختك عالو بيهه

**

هاي اخيامكم يا حيد وصلوهه
العاشت بالدلال بالسوط ضربوهه
وين اخوان زينب چلمه گالوهه

خل يلحگ زينب شتموهه


كلمات الخادم / رعد الفريجي
محرم الحرام 1445

عباس اگعد طفي الخيمه

*****

طبو علخيم عباس گوم النه
وينك يا بو فاضل خويه تسمعنه
هاي النار وصلت گام تتدنى

كلهه اتهد مامش حمايه


***

وين اهل الحميه وأهل الملاگه
اجتنه الناس يهلي النار حراگه
آنه الونيت ونه وبچت الناگه

چا وينك شيال الرايه

****

شبت نار بخيامي وتمنيتك
يتامى وياي چا جيت وتعنيتك
طلعنه گبالهم يا خويه ناخيتك

من عين الشامت دارينه

****

چفوفك ما تصح حاچيني يلكافل
عالو علحرم تسمع يبو فاضل
أگلهم ما يموت ويرجع يقاتل

گوم افزع جتنه الغزايه

****


يبو فاضل دگوم وشيل ذرعانك
يمخلي الاثر بوجوه عدوانك
تركض بالحرب چا ليش نسوانك ؟

عباس اختك عالو بيهه

**

هاي اخيامكم يا حيد وصلوهه
العاشت بالدلال بالسوط ضربوهه
وين اخوان زينب چلمه گالوهه

خل يلحگ زينب شتموهه


كلمات الخادم / رعد الفريجي



@HxzEU1

#قناه_نشر_القصائد_المنبريه

زينب سبوهه وين وين العباس

**

گلوله وصلت نارهم لخيامي
گلوله مذبوح الاخو گدامي
الله اكبر يلذبيح الضامي

عباس وين الذرعان
گدامي بس العدوان
يمك تريد النسوان

ما ترضى اعرفك شيل ذرعانك گوم

**

عباس وحدي بنص حرب ترضاهه
اخت الكفيل اليوم ياهو وياهه
من النار للسوط الدهر وداهه

بالحومه طاح الخيال
والحال مو هوه الحال
عباس گدامي ارجال

گالو سبيه الجابهه الكافل هاي

****


نسوان محتاره وبعيد حماهن
غير البچي والنوح ياهو اوياهن
ركضن عليك وچم رمح اذاهن

وحبالهم شنهي تريد
رادت تشد أيد بأيد
گوم اعله حيلك يلحيد

خويه انولينه وصحنه ها يلعباس

*

وسفه واخيتك تركض وشافوهه
توصل الك عباس ما خلوهه
عينوهه اختكم يلكفل عينوهه

تعبانه واتريد چفوف
بالحرب شتريد اتشوف
شتشيل منك شتعوف


يم الشريعه يموت حامي الخيمات

*


صعدني بيدك لا تطول النومه
هاي الهزل جابوهه هاي الحومه
انه البقيت من الاهل محرومه

عباس يلطولك ماي
وياي ياهو الوياي
ونيتلك خويه هواي

تاليهه اسيره تصير بت حامي الجار

*


مو كافلي الحداي شامت گدام
يم النهر يبني امي عطشان تنام
ودعتك الله ورايحه لضيم الشام

من نار متجهه النار
من الطف لحد سابع ثار
يا دار ما بعدج دار

ظلت خليه ديار خوان ام عون


كلمات الخادم / رعد الفريجي



@HxzEU1

#قناه_نشر_القصائد_المنبريه

قصيدة ( اعتذر منچ يزينب ) وكأن ام البنين تعتذر لأنها كانت تتمنى أن لها بنت ذهب اسيره بدل السيده زينب عليها السلام



اعتذر منــچ يزينــب
يمه مــا عندي بنات
دونچ يشدون اديهن
عالهزيله امسلبات
قدمت أربع ولد ظني ابو اليمه يرد
يمه مــا عندي بنات

*-----*-----*-----*-----*

دمعي أسيله يــالعقيلـه بـأعتــذاري
حسره عمري ناري تسري أه ينــــاري

ريت كــل هاي المصيبه المرت بطف كربله
عندي كــون ابنيه دونــچ بالمصايب معوله
وتنظــر إخــوتهـا ضحــايا اربعتهــم بالفــلا
وســالم حسين وبنينه وكــل بناته وكل هله

ولدي كون الطـف ذبحهم
عالرمــال امگطعــين
وسالم ابن الزهره يرجع
والله يمه تگرلي عين
ابــد ما همني البعد ظنـي ابو اليمه يـرد

*-----*-----*-----*-----*


لا كفيلـچ وحشــه ليلـچ يمـــه زينب
والظلامه بس يتــامــه كلها تنحب

اخ مــن ليــل الفجيعــه مــن بعـد حــرگ الخيّـم
بنتي كــون بحيــره دونچ تجمــع أطفـال وحـرم
وكــون مــو أنتـي الصرختي وينــه شيال العلم
بنتي كــون الي تنادي وجــدها ريته ألي أنشتم

يعينج الله أعلى الفجيعه
شطولـه ياليل اهدعش
حــرم مذهــوله ويتـامه
وخوف وهموم وعطش
المــن ايتامچ تصـد ظني ابو اليمه يـرد

*-----*-----*-----*-----*

والله حيره يـالامــيــره بهل الرزيه
بلا عشيره أنتي أسيره من ال اميه

كون مــو أنتي السبيه بنتـي راحـت للسبي
وشمر ريته يشد أديها يگلها عالناگه اركبي
وسـوط البمتنچ عليها وسالمـه بنـت النـبي
وريت مو أنتـي أسيـره يا أبــه و قبلة عبي

كون مــو چفــچ يـزينب
والله ينشـد بحبال
ريت عندي ابنيه دونچ
والله يربات الدلال
وفاگده إخوان أولد ظني ابو اليمه يرد

*-----*-----*-----*-----*

اه يوسفه والله كلـفــه والله بـلــوه
يــا ألمها شكبره همها الفگدت أخوه

حيرت السوگ ومصابه كون مــو بيـچ اليمـر
والله يــا يمــه يزينــب الــچ ميلـوگ اليسـر
ريت عندي ابنيه دونـچ واگفــه بحــر الظهـر
وريت مو أنتي الدخلتي بنتي دخلـت للقصر

والشماته تصد عليها
والـچ مــا واحـد نظـر
فــدوه انه وكل بنيني
وما يمــر عينـچ سهر
ومحد لچفـچ يشـد ظني أبو اليمه يــرد

*-----*-----*-----*-----*

يا مصابه بالخرابه شكبره صبرچ
والرزيه من رقيه حسره عمرچ

والله صعبه بت محمد بالخـرايب مــن تبات
يساعــدچ الله يــزينب يــا عظمـها النايبات
كــون بنتي بحيره ظلت تجمـع أيتام وبنات
وتگعــد بدمعتها تنعه يســاعد الله الفاگدات

تصـبــر بدمعــه رقيـــه
تگلها ما مات الحسين
بس ابو فاضل وإخوته
عالــرمال مگــطعيــن
فدوه طعنات الچبد ظني أبو اليمه يـرد

*-----*-----*-----*-----*

الشاعر
موسى البديري



@HxzEU1

#قناه_نشر_القصائد_المنبريه

#قصيدة_الطيبة_ال

#قصيدة_الطيبة_الوفية

تگعد ابدربهم
تنتضر ضعنهم
فاگده شمسهه
ترتجي خبرهم

ام البنين *اتنادي يحسين
---------------------------------------
گاعده ام عباس وتعاين دربهم
اهمومهه ابگد السمه تنطر ضعنهم
اتنادي يالرديت يوسف رد خبرهم

اهناك لن ناعي نعه*بالفاجعه*بصوته دعه *ينادي المدينه
اهناك جابلهم خبر*سولف صور*ذبح النحر*ومگطعينه


سمعته وفجعهه
وختلف وضعهه
كصدته تسأله
من دمه دمعهه
-----------------------------
اتگله ياناعي ارد انشدك عن الحسين
گلهه عباس انجتل وصوابه بالعين
وعبدالله وخوانه گضو ها يم البنين

ياناعي وذرت الگلب*حجيك صعب*دمعي يصب* احجيلي عنه
سولفلي بحسين اشجره *وشأخره *انطر تره*اخبار منه


گلهه وشتنطرين
كلشي يم بالحسين
راسه شالته ارماح
مااضن تصبرين
------------------------
گلهه يم عباس سمعي وحضري الدموع
اعله الثره ممدود عاري وراسه مگطوع
وخيل صعدت فوگ صدره اترك الضلوع


گاللهه دمه منسفح*من الذبح*راسه برمح*ياوسفه ابنج
مگطوع منه خنصره*ودم منحره*مجره جره*مايكفي صبرج


احجي كل خبرهم
الوكت غدرهم
ولجره عجيبه
ياصبر صبرهم
-------------------------
گلهه يم الاربعه سمعي النوايب
من بعد ذبح الزلم تبدي الماصيب
اهل ابو السجاد شوفوهم عجايب

ول اسمهه مخدره*متحيره*صعب المره*اطر العساكر
ضلت وحيده ابكربله*ولعايله*ابنص الفله*ابوجه المخاطر

هالحجي بدايه
اخذي هالروايه
للسبي سوالف
اتهيج الرزايه
----------------------------
گال يالحره اسمعي عن سبيهن
مخدرات الكون الغربه اتحديهن
الرافجن عباس وي غربه مشيهن


مكشفه النوك ومشن*سار الضعن*موللوطن*للشام اسره
عاملوهن بالضرب*اسرت حرب*بيهن يطب*ديوان قصره

فرجه للعواذل
ركبن المهازل
وبحبل حدوهن
ونت الثواجل
--------------------------------
علي سليم الحسناوي



@HxzEU1

#قناه_نشر_القصائد_المنبريه

#قصيدة_الطيبة_ال

#قصيدة_الطيبة_الوفية



لمي دمعات العيون
نوحي سكته مايجون
كافي يم گلب الحنون
مايرجعون
----------------------------------------
كفي دمعج بطلي نوحج بم البنين
ولله لو تبجين عينج مايجي حسين
انتضارج هذه يكتل حده لاوين
الرجعه للمذبوح صعبه بطلي الونين

كافي مو حدب گفاج
بطلي هلنوح ونعاج
اشگد بجيتي ومااجاج
مايرجعون
----------------------------------------
كفي هالنوح الشجي بطلي يحره
مايردلج ولمصايب هنه كثره
حسين من قبل الذبح داسوله صدره
اثجيله دوستهه الخيول وهنه عشره

امن السحگ جسمه خذم
ولحوافر كلهه دم
اتربع ابگلبه السهم
مايرجعون
----------------------------------------
قنعي گلبج مايردلج لو ميقنع
حسين لموو ابحصيره اشلون يرجع
انتي ماشفتي جروحه ولله تفجع
حسين تارس كربلا جسمه توزع

قطعه قطعه لملموه
وخنصره لا مالگوه
عاري ضل وسلبوه
مايرجعون
----------------------------------------
نوحي سكته وذبحي كلشي اسمه باجر
طفي امالج وعگديهه النواضر
حسين مايرجع خذت جسمه البواتر
صدره ميدان اصبح الذيج الحوافر


لو فرضنه يعتنيج
بضلعه لو نحره يجيج
بعد ميرده بجيج
مايرجعون
-----------------------------------------------
ام الولاد وصفيتي ابونه وحدج
وين ترباتج يحره اوين ولدج
وين ذخر الشيب جان وكل فرحتج
شو جنيتي الغربه ولحسره ودمعتج

گضو اولادج ذبح
وجرح اصعب من جرح
ابعينج اضلم كل صبح
مايرجعون
----------------------------------------
علي سليم الحسناوي



@HxzEU1

#قناه_نشر_القصائد_المنبريه

موتج**وچان حلمج

موتج**وچان حلمج بالنعش ولدج يشيعون
مِوتج **خلصت اسنينچ دمع هلبت يردون

بس جسد باقي الحسين
ولكفيل ابلايه ادين
--------------------------------
خلصن ايامج صبر----- وياعذاب الينتضر
انتضرتي بگد سؤالج عن الحسين
اشگد نطرتي ع الدرب----- بحسرت الماشت غرب
وشلت عينج نضرهه مامش ابنين
اشگد عگدتي ابشيلتج------ تالي متي ابحسرتج
حتى من تابوت نعشيج يطلع اونين
الليله وافاج الاجل------ عيونج ادور اهل
يااهل كلهم گضو ع الغبره ميتين


ابچي**امن النعش طلعي الصده اولادي چاوين
ابچي**باخر انفاس اوتونين اعله الحسين

اعله الارض دامي الحنين
ولكفيل ابلايه ادين
-----------------------
انتي عمرج بس حزن-----ابراسج النحر ومتن
انتي ميته من لفالج ضعن الايتام
من ابن حذلم لفه----- وسولف اسرار الجفه
من روالج ركض زينب حرگ الخيام
من روه قصة طفل----- اتروه من نحره النبل
كل عضو ابجسمج توفه من حجه الشام
طحتي من گلج گمر ----غازل اجفوفه النهر
ولشمس مطروح عاري ابلايه هندام

صعبه**ام إلبنين وصفت وحشه الجنازه
صعبه**ع اليفارگ دنيته وماهم اعزازه


اعزازج انتي امذبحين
ولكفيل ابلايه ادين
-------------------------------
صح الج حگ الربه---- اه يم النايبه
عذري ولدج بالمدامع ذبحي الامال
لاتحمليهم عتب ----- دنيا شبعتهم تعب
شافوو النار بخيمهم تركض اعيال
انتي حصلتي نعش----- هوه بالخيل انفرش
جسمه كله وبالحوافر صاير اوصال
ولكفل ينرف خدر----- خنگته جلمت شمر
لسه لوعه ابصدره تسعر ذيج الحبال


نوحي**ابكربله ضلت جثثهم بس بلا روس
نوحي**  گالوو اعليهم حوافر گامت ادوس

اتوكحت خيل اعله دين
ولكفيل ابلايه ادين

---------------------------
نفترض ليج اعتنوو----- ابياوضع لمن اجوو
اشلون مگطوعه جفوفه ايگود مذبوح
اعليج يم النايحه------ اشلون يقره الفاتحه
هوه ماموجود راسه وكله مجروح
ولنعش من يحمله---- اجفوفه غاد ابكربله
ابلايه جفه وجرح راسه لسه مفتوح
رغم بيهم فاجعه------ جوج يم الاربعه
ولنحر شابگ عضيده وشاركه النوح



ردلج**ولحسين اعله النعش يبجي النحر گام
ردلج**وعين ابو فاضل على امه تنزف اسهام

يبجي دامي الودجين
ولكفيل ابلايه ادين

----------------------------
موتتج هسه قضه---- عمرج إنتي إنگضه
من سمعتي اخبار طف وطحن الاجساد
كتلتج قصة مره---- جان اسمهه امخدره
رگضت امن الخيل يرهب جان إلشراد
ولخيم اخ الخيم ----- خلت بگلج سهم
اخيام ال الله صدگ تتحول ارماد
انتي يادين الوفه---- جرح گلبج ماشفه
ولزمان الراح صعبه ليج ينعاد

رحتي**ولوعه ضلت بالگب حلمج تشوفي
رحتي**من جروحه لو اجالج ماتعرفي

كل جرح يشرح انين
ولكفيل ابلايه ادين
------------------------------
ياباب الحوائج يا ام البنين
علي سليم الحسناوي



@HxzEU1

#قناه_نشر_القصائد_المنبريه

يا ام البنين

يا ام البنين


دمعاتي الك قدسيه
ابچي الك يوميه
ياربي ترجع ليه*انته الحبيب الغالي
من خدمتك عرفوني
الصابره سموني
ابيضت انه اعيوني *انته الحبيب الغالي

اه جرح السنين
اه بدمعي الحنين
بيك صار ارتقاء
ودري الخدمه دين

من نواقع خدمتي يبن الزجيه
ومن دمعتي اعليك كل صبح ومسيه
انه سموني الحزينه والوفيه
وغير حزنك يمه مايرهم عليه
---------------------------
دمعاتي لو محجوبه
ايضيع الزمان ادروبه
بس البچه المحبوبه *انته الحبيب الغالي
اربع شباب اجروحي
بس انته يامذبوحي
مابطلتلك نوحي *انته الحبيب الغالي

بيك صار الوفاء
وين في كربلاء
اشلون تهده الجروح
ونته ابلا خباء

يمه اشوفك بالبصيره مو بالعيون
من تجيك الخيل تصعد صدرك اشلون
انه ام وگلبي يعلم باليموتون
وانه حسيتك ييمه اشلون محزون
-----------------------------
يوليدي يابو الاكبر
جسمك صريع اموذر
بطف كربله متطشر*انته الحبيب الغالي
شنهو الجنيته يمه
والعاديه ملتمه
صدرك تريد اتهشمه*انته الحبيب الغالي

اه اصرخ حسين
اه في كل حين
ليش صار الي صار
دامي الوجديين

صوبو جسمك ييمه بكل الكتار
يمه بسيوف ورماح وحتى بحجار
ماجره بنسان يمه اعليك ولدار
ونته ميت يمه حرگو خيمتك نار
---------------------------
ليش الرماح اترسمك
چاوين اخوك اليمك
وصيته يفدي دمك*انته الحبيب الغالي
يبني الگمر وصيته
الضهرك صدر خليته
اعله النعم ربيته*انته الحبيب الغالي

اه تالي ابرماح
اه دم مستباح
وين برض الطفوف
ديره امن الجراح

ايعز عليه بالفله يايمه عاري
امغيره ارسومك شمس ذيج الصحاري
وثاري حلو الدنيا بيكم يمه ثاري
ومن شملكم يمه صارت ضلمه داري
-----------------------------
علي سليم الحسناوي


@HxzEU1

#قناه_نشر_القصائد_المنبريه

مولاتي ام البنين(ص) بعد رحيل الحسين(ص) ايام الانتضار والحزن على فراق الحسين والضعن..


من عني تأخرت
كمت اسهر مانمت
وذكر بس لونك...

من اعطش كمت احس
چنك حدر الشمس
ذبلانه اعيونك...

وگليبي مااا هده
ضل ينطر موعده
ويتاني اضعونك...


عود مناطره اخبارك...وجتني كلفه الاخبار
بحضنك ماكو عبدلله...ضل كاروكه بلنار
كمت اعثر ورد اعثر...غير متانيه ترد
يگلي جسمك تگطع...بضهريه ورمل حار


التعب دليلي جمالك تطشر
وصدرك ترافه بسحگهم تبعثر
الخيل شثگلها وصرت انته معبر

يا يمة ياحسين..يا يمة ياحسين..
1_______

بعيوني شگد بچي
وبگليبي شكد حچي
ارجع ياروحي...

ما اصبر علهجر
بفراگك ينكسر
نيشان اجروحي...

انذرلك دمعتي
وشعلك شمعتي
وما احچي بنوحي...


شلون اگدر على اغيابك..وانته حرزي بلدار
الچنت متخوفه من عنده..ياويلي وصدگ صار
حلم فگدك على اعيوني..ورسايل صاير النوح
العليلة يمي مشتاگه..وتريدك يمها تندار


يا بوية اريدك وتاني تردلي
تدري بغيابك عتگ حتى ضلي
وحشه الليالي وكبر بوية حملي

يا يمة ياحسين...يايمة ياحسين...
2______

لو ميته؟ ولا هجر
ولا اگعد ونتضر
يا لون احساسي...

خل يذبل كل عشگ
ولا طولك ينسحگ
ياروحي وناسي...

مو انته التنعطش
وما شالك كل نعش
يل ذبحك قاسي...


شنهي گلبه الي يذبحك..ما شاف شحلاتك
يل ماكو مثل روحك...وابد ماكو بغلاتك
حسافه طولك اتبده...وصفه حصت الحوافر
الهضيمه التعبت گلبك..غرايب كل بناتك


تعطش حريمه وتنام بصحاري
زمزم جمالك صفه بنص بضهاري
هاي الهضيمه الي منها انكساري

يايمة ياحسين...يايمة ياحسين...
3_______

للماي شما اشوف
شگد يصبح بية خوف
وما نامن ليلي...


مشتاگه لنضرتك
تبعتني فرگتك
واخذت كل حيلي...

استاحش بلضلام
يل مالك كل خيام
اتعنه وتحچيلي...


كل يوم الحزن يكثر...وتعايش بلالام
شلون انه بوسط بيتي..ورقيه ماكو الاخيام
وزينب ماهي مهيوبه...لا كافل ولا حسين
تسهر والدرب يكتل...وكلها تدري بلشام


زينب غريبه اجت تمشي گوه
راحت اميره واجت ماكو خوه
الوادم شماته ولا بيها نخوه


يايمة ياحسين...يايمة ياحسين...
4_______

گالولي بنص ضهر
ضل گلبك منكسر
وماهنه اهدومك...

والخيل ابلا رحم
ضل صدرك منهشم
يل ماكو بيومك...

يل وجهك بي صبح
مو مالت تنذبح
ذبلانه ارسومك...


حبيبي اعيونك الحلوه...بيهن ضلت اسهام
وجسمك معبر الحافر...راحت كل الاحلام
خيل وناس ملتمه...وانته وحدك شلون
غريب وما الك ناصر...ما صارت بلسلام


ماعنده ناصر ولا من عشيرة
حرز الله تالي تشيله الحصيرة
تباوع عيونه ودمعته كسيرة

يايمة ياحسين...يايمة ياحسين..

5______

✍️محسن الباوي

اللهم عجل لوليك الفرج
_________



@HxzEU1

#قناه_نشر_القصائد_المنبريه

مولاتي ام البنين (ص)وهيه گاعده چانت تتأمل عودت مولاي سيد الشهداء💔😭 وتتخيل ذيچ اعيونه وجمالة واذا بلخبر يجي خبر الفراق فمولاتي تحاچي بشر بعد ما سولف القصه وما جرى في كربلاء وتگله...


چنت اتأمل اعيونه ...ليش تگلي مذبوح
انذبح گلبي وتفاصيله...وكلشي بعده مجروح
حملي الضيم ياروحي..حبيبچ جسمه مطروح

عود امحضره فراشه...وگولن يجي ويرتاح
وغسل بيدي هندامه...اشوفه وعيني ترتاح
لچن خرب مواعيدي...راسه صار برماح


جسمه صبح حدر الشمس لا ولله مو مكانه
وطبع الشمس تحرگ حرگ شگد عذبت حنانه
الف وتسعميت جرح بي ما نصف زمانه


اه اه لضعنكم روحي تشتاگ
اه اه شسوه بروحي الفراگ

1______

بارد ماي حضرته...اگولن خاف عطشان
اصب الماي ودموعي...تگلي باقي ذبلان
شعنده العطش بعيونك...ما يدريك تعبان

تعال ارجع بعد روحي..ونطيك العمر ماي
وخي يعيش العطش بية..شوفك هوه سگاي
شوية باقي من طولك..وخيل الجايه اهواي


بعيونك شسوه الذبح ماعنده كل مخافه
ما يدري من ذبحك ذبح بلدنيه كل ترافه
چا ما قره عيونك عجب حنيه مو صلافه

اه اه لضعنكم روحي تشتاگ
اه اه شسوه بروحي الفراگ

2_______

حچيت اهواي وي روحي...ماقنعت بلوداع
شما اصبر يفز جرحي...لأن جسمك عله الگاع
متاعي جانت ارموشك..وهسه فراگك امتاع

يجيني الليل وسهرلك...ويبدي صبحي بلنوح
غيابك مو سهل تدري...ولله يطلع الروح
عمت عين الحوافر ذيج...چي زادتلك جروح


صدرك ترف بس العدو حضر الك حوافر
منك كسر وسفه الصدر وانة كسرلي خاطر
بلكت اموت اتعذبت ماريدن ابقة باااچر

اه اه لضعنكم روحي تشتاگ
اه اه شسوه بروحي الفراگ

3_______

(اهنا اتاني مولاتي وصول الضعن ولهناك الضعن يجي )


گعدت الفجر وتنطر..وشفت لانة الضعن جاي
وركضت وگلبي يسبگني..وبيدي شايلة الماي
گلت هذا الضعن النة..لچن متغير اهواي


وصل گلبي قبل جدمي...وجاب لروحي الاخبار
الضعن مابيه بس نسوان...وشويه من لزغار
گلبي ماعرف زينب...وضل يرگضلي محتار


لا يا گلب احچي الصدگ زينب مشت اميره
لا تنتحب وحچي بعجل لتگلي اجت اسيره
وين الاهل وين الضعن لا راية لا عشيره

اه اه لضعنكم روحي تشتاگ
اه اه شسوه بروحي الفراگ

4_______

زينب فدوة حاچيني...شو وحدچ بلضعون
وين اخوانچ الراحو...شو بس انتي يم عون
وين اعيون كفالچ...وليش الغربه يحدون

( مولاتي زينب تجاوب مولاتي ام البنين)
يمة الدهر طشرنه...وراحت ذيچه الاخوان
لچنت ادخل علة اعيونة..ادخلت بغيابه ديوان
ضل بس الدمع عندي..وهسه دمعي خجلان

مو چف اخو يُمة الحبل هوه صبح بدية
بديره وغرب عين العده كلهن نضر علية
بحساسي بين چم جرح لمن صرت سبية

اه اه لضعنكم روحي تشتاگ
اه اه شسوه بروحي الفراگ

5______

✍️محسن الباوي

اللهم عجل لوليك الفرج
_________
لحن القصيدة 👇


@HxzEU1

#قناه_نشر_القصائد_المنبريه

#_سدو_الشام_وضيعونه


للشام ردنه هلسنه نروح
انچمل جروح العاشر جروح
يم الغريبه نبچي وانوح
ننعه اعله اخيها المات مذبوح
بالباب الأخضر بلكت الروح
فدوه اتغدي ولزينب تروح



ادموع اخذنه مو ملابس
وشويه من اجنون عابس
واهات من ذيچ المجالس
للنوح غاد يصير واهس
ع المات ضامي وريجه يابس
يم زينب المايمها حارس


وادعنه اهلنه اودعونه
وكلمن عصر وشلت عيونه
دموع منهم حملونه
يوصلن لزينب حلفونه

ناوين تونه واطردونه
الـ بشام كالو لا تجونه
ابعزت حلمنه وفززونه
من الحدود ورجعونه
وسدو الشام وضيعونه



محمد صادق



@HxzEU1

#قناه_نشر_القصائد_المنبريه

قصيــــدة (افتتاحية مجلس)
ويلي عالوفت للزهره
بكل گلب مبنيه الحضره
_.
وفاء الكون ميعادل.. وفه الهه..
بختهه حل الف شِدة... وفلهه..
اضل خادمهه كل عمري. وفي الهه.
اوخدمتهه شرف ياناس اليه
_
الوفيه حاشه انكرهه.. وناسي..
تضل ام البنين اهلي.. وناسي..
خادم وانه بالمحشر.. وناسي.
وگفت فاطم اوفاطم أليه.
_
انه لم البنين احضر.. عزه الهه.
خصه اولعلي ربهه.. عزلهه.
كرامه اومقدره اودايم.. عِز الهه.
ونعم منهه ام كفيل الهاشميه

للشاعر
ابو عبدالله الشمري



@HxzEU1

#قناه_نشر_القصائد_المنبريه

يا نظـــر عــيني .... اوداعت اعيونك
موحشه اسنيني .... يبني من بدونك
فداك أربع بنيني
فداك أربع بنيني

....1....
يالماخذ اوياك الكلب لا تمشي عــن عــيني
عطشانه روحي الشوفتك من شوفك ارويني
طاري غـــيابك من يــــمر بسهامه يرميني
يحسين يا نـــور البصــر بعـــدك يبــــجيني 

لا تجافيني  .... ابطلعت اضعونك
موحشة اسنيني ... يبني من دونك

.....2 ....
كلشي بحياتي ما ردت بس ردتك اكــبالي
مالي امنياتي بهل الزمن بس شوفك امالي
كل غالي كـــدامك اشوفه عــندي مو غالي
وي الـــنفس تصعـــد وتـــنزل انت يالوالي

لا تخليني .... بحسرت اظنونك
موحشة اسنيني ... يبني من دونك
.....3 ....
لو عازم اتريد الهجر وياك اخذ روحي
واتركني ويه دمعي اليصب اتركني وي ونوحي
جرحك اشد واعظم جرح حاسبته بجروحي
نار بــدلـــيلي تستعــر بعـــدك يــمذبـــوحي

دمعي عاميني ... جي يذبحونك
موحشة اسنيني ... يبني من دونك
.....4 .....
كل خطوة تخطيها بسفرتك يا بعد حيلي
من عمري تاخذ جم سنه حاسبه الك ليلي
ادعيلي يمه بالصبر بـــوداعك ادعيلي
دنياتي من دونك عــدم دمعاتي تحجيلي

يمه حاجيني .... منخطف لونك
موحشة اسنيني ... يبني من دونك
......5 .....
اقسملك ابشيبت علي يا سلوتي وعيدي
اولادي كلها بجفه وانت بجفه يوليدي
عباسي واخــوانه الك ناذرهــم اوريدي
من الـــزغر متنازله اعليهم الك بــيدي

اربع بنيني .... فدوه لعيونك
موحشة اسنيني ... يبني من دونك
.........

الحمد الله رب العالمين
اللهم صل على محمد وال محمد
موسى الخادم


@HxzEU1

#قناه_نشر_القصائد_المنبريه