يمكنكم الآن الاستماع لإصدار
الحاج #باسم_الكربلائي 1444
عبر التطبيق الرسمي
-
IOS Link : https://bkmedia.page.link/qgkft7e2dqPBdYYD9

Android Link : https://bkmedia.page.link/RWDa
-
#محرم_الحرام

صوت الزهراء عليها السلام و سلطان المنبر الحسيني يستمر في نشر مظلومية أهل البيت عليهم السلام بكل الوسائل الإعلامية

#لو_ويه_الزچيه_انصير_لو_وي_آل_اميه

#رجوع_السبايا
_ - _ - _ - _ - _

عاد الظعن هاليوم لارض المدينه
خالي و بلا قرآن نسمع ونينه

مهامس نفوس وين الشموس
نسمع ونينه
_

رجع ظعن السبي هاليوم لارض المصطفه المختار
خالي من ابو اليمه لا حامل لوه الكرار
نشدت گومهم حسره وين الصحبه و الاخيار
ظلت مسألة تفكير و گلب ام البنين احتار

وصلت لعد النوگ تسأل عليهم
وين الگمر عباس وينه وليهم

و الكل عبوس وين الشموس
نسمع ونينه
___

ابتده أول سؤال ايكون وين حسين ابو اليمه
خافن يم گبر جده يزوره و يندعي يمه
حرز أرض المدينة حسين گمر بيها اعله كل نجمه
ما يدرون ابو السجاد خيل اترضرض ابجسمه

واعله الأرض مطروح شيخ العشيره
و رأسه برمح مشيول جسمه بحصيره

و حافر يدوس وين الشموس
نسمع ونينه
_

سأل سائلهم ابحرگه وين الظيغم العباس
معقوله يعوف حسين ولسه بريّته الانفاس
ما سمعوا على الشاطي وگع يمه شديد الباس
سهم العين چفينه وفضخوا بالعمود الراس

يم الجرف مكتوب عذراً يخيتي
عذريني لو بالشام مجلس وگفتي

بين الرؤوس وين الشموس
نسمع ونينه
____

بقت هالناس متحيره جاسم وين و الاكبر
ولد عم چانوا يشبهون خوة طه وي حيدر
اخبرونه اشجره و شصار جاوبهم دمع احمر
جاسم طايح ابدمه و الاكبر جسمه اموذر

ظل الحزن بالروح و الدمعه تنزل
منهم بعد يا موت لا ما نحصل

انطوا دروس وين الشموس
نسمع ونينه
___

سألوا چا بعد طفلين لا عبدالله لا ارقيه
مهد خالي يرد اشلون وغلات حسين ماهيه
صاح الهم بقت يمه اعله راسه وجتها المنيه
وعبدالله اعله صدر حسين نايم جثه مدميه

ارقيه اجاها ابطيف عبدالله باسه
طفله اعله ايده مات بنته اعله راسه

براسه تبوس وين الشموس
نسمع ونينه




كلمات / حسين الأمين

#استشهاد_الرسول_ص ( موشح )
_____

من رحت للجنه يا هاديها
عترتك هالامه غدرت بيها
______

بس سبلت ايديك و اغمضلك چفن
شاهدوا كل المصايب و الحزن
عترتك بعدك تره بغربة وطن

ماكو واحد يالنبي ايراعيها
__

بعده عطرك چان ما رايح تره
و كسّروا ضلع الزچيه الطاهره
و دارها شبوها نار اموجره

الجاهليه رجعت اتحابيها
__

عدت اسنين و اجت ليلة قدر
لن وسط بيت الله مستشري الغدر
و صوت ناعي ينعى حيدر منطبر

طاحت الخيمه و رحل واليها
__

تنهظم يا طه من هذا الكلام
دسوا السم للحسن ثاني امام
گطّعوا چبده بحقدهم هاللئام

بعد ما خانت عهد باريها
___

من بعد ذيچ المصايب و البله
مرت اعله حسين اعظم مقتله
كربله و آه من نوايب كربله

انگطع نحره و چبدته امصوبيها
____

الما تصير ابلا عروبه و لا شرع
اخذوا النسوان بدروب الفزع
وحده من السوط وحده امن الضلع

و كل بناتك للدعي سابيها
___

اثمانيه من عترتك بالسم گضوا
علي و الباقر و جعفر ليك اجو
و الجواد و موسى بغداد اعتنوا

الهادي و ابنه و الرضا ماذيها





كلمات / حسين الأمين

#الحسن_الزكي_العسكري_ع
____

بالسم خلصت انفاسي وانته بخيل اعوجيه
يا جدي ايهون امصابي لمصاب الغاضريه
و الطاري الرمح كل لحظة انذبح
___

آنه يجدي العسكري هاي آخر انفاس
راح اعتنيلك مستحي و اگطرلك احساس
لا حافر ابصدري رفس لا من عظم داس
ولا ميت بكتري اخو باوصاف عباس

موتي من حان عندي دفان
مو متوسّد عالغبره
لا ما عطشان من عندي السان
ضامي و الماي ابكتره

مو وحدي عندي اخوان اتشيعني و العشيره
مو مثلك ينلم جسمك يا جدي بالحصيره
باقي چم صبح كل لحظه انذبح
_

بالسم تگطعلي چبد و اللون مصفر
وانته گطعته للنفس من مات الأكبر
ما يندمل جرحك يظل كل يوم يكبر
اخذت من ادموعي نهر گطعة المنحر

بالسم مقتول وصدرك لخيول
صاير للحافر قبله
ذابحني اعليك قوس اليرميك
شالع من گلبك وصله

ديره من اسهام ابصدرك وانه بالسم انازع
خنصر ما گطعو مني و باقي بتسعت اصابع
يا معنه الجرح كل لحظة انذبح
____

مني الصبر قبل النفس من عندي خلصان
چم مره ميت و الگلب ابطاريك ذبلان
شنهو الألم لمصيبتك منذبح عطشان
و بعد السحگ يا مهجتي خلوك عريان

آه وچم آه يا جد ويلاه
من اگفاگ انحز نحرك
حافر للخيل و طفلك يا ويل
شلون اتوسده نص صدرك

عبدالله و حافر خيل بصدرك ناموا سويه
كل يوم الطف يا جدي چم لحظة ايمر عليه

عالماي اليشح كل لحظة انذبح
_

ميت ولكن بين اهل مو عالترايب
مرتاح غمضت الجفن ما باقي اراقب
ما خايف اختي تنولي بين الاجانب
آ يا مصيبة عمتي خلتني شايب

بغربه تنعاف زينب تنشاف
و الفاجرهم يسبوها
راوتها آلام آه من الشام
بسوط الحشمه ايضربوها

من دم هليت ادموعي من باتت بالخرابه
لوعة زينب لوعتني و گلبي زادت عذابه

حزني يتضح كل لحظة انذبح
_

خلصت جراحات العمر و الباقي جرحك
آيالسبي آيالخدر آه اعله رمحك
كل المصايب هونت يم طاري ذبحك
ما مر علينه كل فجر من غاب صبحك

امصابك يا جد ذبّل كل خد
و يجري الدمعات الحمره
ما سامع يوم ميت مظلوم
و اطفاله اتشاهد نحره

ودعت الدنيه و يمك گاصد هاي المسيه
ميت من نوحي اعليك ومو من سم المنيه

ما يكفي الشرح كل لحظة انذبح




حسين الأمين

#الحسن_الزكي_العسكري_ع (( تجليبه )) 2
_____

واويلاه يالعسكري واويلاه يالعسكري
______

جرح فگدك چبير و ناره ملهوبه
و كل شيعي دمعته اعليك مصبوبه
بس ما منذبح و الجثه مسلوبه
مصاب حسين ما منه جرح اكبر

واويلاه يالعسكري
__

يا مظلوم بالسم آخر انفاسك
و بچف الحقد سهم الغدر جاسك
و بنعشك بواچي شيّعت ناسك
ما ظليت عاري و جسمك اموذر

واويلاه يالعسكري
_____

شيعوك ابمهابه شيعتك حضرت
ويه المهدي عالجثمان هم صلت
مثل الطف مصيبه ما بعد حصلت
حسين ابوحده مگطوع اله منحر

واويلاه يالعسكري
___

يا تاسع امام اتموت من السم
مو صدرك چبتك هوه التخذم
درت عينك على حسين و جرت من دم
المثلث بالگلب گاصدله امگدر

واويلاه يالعسكري
__

كل عين الرزيتك بالدمع تجره
عليك السبعه ناحت و امك الزهره
كل يوم المصابك بالگلب حسره
عليك اشما بچت هالعين ما تخسر

واويلاه يالعسكري
___

بسامره اجينه و ننصب المأتم
على المسموم مو دمعه نهل الدم
ما نترك دربكم و اليضد يعلم
يم گبرك نعزي و نقره عالمنبر

واويلاه يالعسكري
_____

يبو المهدي حاشه اتخيّب اليسئل
اجيناك ابعزائك و الجفن دم هل
اليطلب حاجه منك ما نظن ينذل
تگضي حاجته اليلطم عزه و يحضر

واويلاه يالعسكري
___

أهم حاجه نريد الليله بالزهره
غايب عدنه نطلب عجل ابأمره
كل الشيعه لبنك تدري منتظره
المهدي من مغيبه نرتجي يظهر

واويلاه يالعسكري





حسين الأمين

#الحسن_الزكي_العسكري_ع 3
_

ودعتني وانه ما عندي يبويه غيرك انته
ودعتني عگبك اتراب الگبر بويه حضنته

دمعي بغيابك حفر فوگ خدي چم نهر
ودعتني ودعتني
_

المهدي انه ها يبويه و الحزن وسط الگلب
ما انترست عيني منك ليش نايم بالترب
لسه خمس اسنين عمري فراگك اعليه صعب
مثل عيسى صار گلبي قرب گبرك منصلب

اتركتني للنوايب وانه خمس اسنين عمري
اتركتني و استقرت كل مصيبه وسط صدري

الموت جيته ابلا خبر فوگ خدي چم نهر
ودعتني ودعتني
____

مو الك لازم يبويه الوحشه تتصلى إلي
بروحتك متغرّب انه و مثلك امفارگ هلي
كل مسيه صوت حزني على اوداعك يعتلي
آه يا دنيه الرزايا خذتي مني العسكري

فارگتني والمصيبه عاشت اوياي ابغيابك
فارگتني اشگد اصيح و ما يرد ليه جوابك

يمكن الصوت أعتذر فوگ خدي چم نهر
ودعتني ودعتني
____

الله اليعين ابغيابك وين عگبك استقر
من أرض سامره امشي و ياكل بعمري الهجر
يوم يم جدي الصميده اعتنيله للگبر
و يوم يم فاطم انوحن على السطره و الكسر

يالعفتني شوف حالي و انظر الشدة عذابي
يالعفتني بين الگبور أنتقل انه و مصابي

مشيتي ابلا مستقر فوگ خدي چم نهر
ودعتني ودعتني
_

چم سنه عگبك يبويه ذبّل اعيوني السهر
بالمدينة ما وصلك منها باحوالي خبر
گبر جدي الحسن ماكو صوت ناعي بي حضر
أنهي مجلس يمه وارحل صوب مگطوع النحر

شكبره حزني بكربله من دمه يجرن دموعي
شكبره حزني كون وي جدي الخيول اترض ضلوعي

بفگد محزوز النحر فوگ خدي چم نهر
ودعتني ودعتني
___

بويه رايد هالمسيه تدعوا رب العالمين
ايعجل امري وسيفي اشهره وتعتلي راية الدين
و آخذ بثار الزچيه و أطلب بثار الحسين
النداء ابدربي يصبح العون أمير المؤمنين

ناشدتني الرايه بالطف تنتظر تسأل عليه
ناشدتني يمتى تظهر صاح صوت الرافضيه

الشيعه منتظره الخبر فوگ خدي چم نهر
ودعتني ودعتني





حسين الأمين

اَللّـهُمَّ صَلِّ عَلى مُحَمَّد وَآلِ مُحَمَّد شَجَرَةِ النُّبُوَّةِ وَمَوْضِعِ الرِّسالَةِ وَمُخْتَلَفِ الْمَلائِكَةِ وَمَعْدِنِ الْعِلْمِ وَاَهْلِ بَيْتِ الْوَحْىِ
اَللّـهُمَّ صَلِّ عَلى مُحَمَّد وَآلِ مُحَمَّد الْفُلْكِ الْجارِيَةِ فِي اللُّجَجِ الْغامِرَةِ يَأْمَنُ مَنْ رَكِبَها وَيَغْرَقُ مَنْ تَرَكَهَا الْمُتَقَدِّمُ لَهُمْ مارِقٌ وَالْمُتَاَخِّرُ عَنْهُمْ زاهِقٌ وَاللاّزِمُ لَهُمْ لاحِقٌ
في يوم ما تحولت هذه الليلة الى نهار مشرق بأبهى نور يوصف كأن الشمس فيها رقدت في مكة المكرمة بل هو كذلك لان النور الاول والاكمل والرحمة الكبرى قد تشرفت به العالمين بالولادة الميمونة معلنة ان لا مغيب بعد اليوم لان هذا النور باقٍ الى يوم يبعثون يوم يرث الارض ومن عليها
صلى الله عليك يامولاي يارسول الله

بِـكَ بَـشَّـرَ الـلَهُ السَماءَ فَزُيِّنَت
وَتَـضَـوَّعَـت مِـسكاً بِكَ الغَبراءُ
وَبَـدا مُـحَـيّـاكَ الَّـذي قَسَماتُهُ
حَـقٌّ وَغُـرَّتُـهُ هُـدىً وَحَـيـاءُ



#حسين_الأمين

#الليالي_الفاطميه

بـحـبـكـم آل الـمـصـطفى باچر ثباتي
بيوم ما ينـفعني لا صومي و صلاتي
بـخـدمـتـي اتـقـبـلـون أكـبـر امنياتي
و لـجـل خـدمـتـكـم فقط هذه قناتي

سنبدأ ببركة الزهراء عليها السلام
قصائد الليالي الفاطميه ١٤٤٤ هـ

نسأل الله القبول و التوفيق لجميع خدام أهل البيت عليهم السلام و أن يرفع الغمه عن هذه الأمه بحق الصديقه الطاهره و ابيها و بعلها و بنيها و التسعة المعصومين من ذريتها الطاهره

#حسين_الأمين

#الليالي_الفاطميه ( ميمر )
__

أخلص گلب للزهراء ... خايف عليك اتبدلك

يالتخدم الزهره بضلعها اتحرز
كلشي و لا عد فاطمه اسمك ينچز
باچر تموت و يبقى بس المنجز

للزهره شمقدم گول ... بس هيه باچر ضلك
_

داوم يخادم و استمر بهمه
و راتبك من ام الحسن تستلمه
نعمه المجالس لا تعوف النعمه

من تحضر اتيقن غاد ... باب الجنان ايفكلك
_____

ظل يمها مخلص لا تظن عود اتحير
خدمتها حبلك يلي طايح بالبير
غمضها عينك و بدرب فاطم سير

بس صفي گلبك والروح ... هوه الرضاها ايوصلك
____

لا تهتم بهذا حچه و شگله
كلمن يحاول ينتقص وصله
ابن آدم اشمهما يصوم و صله

ابلا ختم من فاطم عود ... يا رحمه هاي اتشملك
___

هذا المثل مني افهمه و سمعه
البي طبع ما تگدر تغيّر طبعه
طبّع دليلك وي مصاب البضعه

طبعك بچي و مجلس كون ... بجنة عدنها ادخلك
___

نار القيامه تخمد برحمتها
لتأيس امن المغفره و ندبتها
باب الشفاعه باچر ابيمنتها

لمن تواسي ام حسين ... باچر ترى تشفعلك
_____

يا سامعي ترچيه بذنك هايه
عن فاطمه بالك تجرك غايه
درب ام ابيها يشبه السلايّه

بالك تزل بيه اچدام ... خوفي عليك ايسلك





حسين الأمين

#الليالي_الفاطميه
-------------------

جبل حيله هوه علي فارگ هوه
بجروحه محتار دافن ضوه الدار
علي فارگ هوه
_

راجع و دربه طويل من الكبر
مو فقط گلبه بچفاها منكسر
كلشي بي حيدر توفه من الهجر
لا گلب لا حيل عنده لا عمر

صفه بدنية غرب علي ودّع گلب
بعيونه تذكار دافن ضوه الدار
علي فارگ هوه
_

مدري عايش مدري ميت حيدره
شيبه بان اويه الجدم لمن سره
ظل وحيد و خله عافه ابمگبره
ما شهر سيفه فقط دمعه أشهره

بقى شايل ألم يظل عايش وهم
اصواب الگلب حار دافن ضوه الدار
علي فارگ هوه
_

من وصل للباب شاهد كله دم
انعصر گلبه و دمعته كلها ألم
موقف الزهره امامه وانرسم
ينظر البسمار و بعينه سهم

تهد حيله الصور لون مره ذكر
لو يذكر النار دافن ضوه الدار
علي فارگ هوه
___

داخل الداره و ألم بي يشتعل
من وصل كل حيله حيدر منهدل
تعجبت حتى السمه بعده عدل
الدافن أحبابه عجيبه محتمل

انكسر مثل الغصن گعد وحده يون
و دموعه مدرار دافن ضوه الدار
علي فارگ هوه
_

من دخل شاهد يتامه تنتظر
يحاجي روحه ياعلي أتحمل هجر
من نظر للباب ما عانه الصبر
أتخيل الزهره بگفاه و تنعصر

صعب كلش صعب علي دمعه يصب
مرسومه آثار دافن ضوه الدار
علي فارگ هوه





كلمات / حسين الأمين

#الليالي_الفاطميه " گعده "
____

باب الله محروگ و تشب نيرانه
و الزهره مكسورت ضلع حزنانه

ضلع انكسر بيها و خد انسطر ليها
____

اباب فاطم چم روايه من النبي و الله بكتابه
چان يستأذن محمد لمن يوصل على اعتابه
أمر من رب البريه و باب فاطم لله بابه

ليش الغدر و أهل الصنم
هجموا على باب الشيم
و اجنين إلها ما سلم طاح من شدة مصابه

يرضه الله لو فاطم رضت يدروها
تالي بحرگ باب و كسر جازوها

نور الله ماذيها و خد انسطر ليها
______

بيّنت كل الحقائق من دار طه هاجموها
ما رعوا حرمة نبيهم و هم وصيته ما رعوها
الجاهليه رد زمنها من عالزهره اعتنوها

واحد حرگ واحد دفع
واحد شتم واحد صفع
بالسوط قنفذ هم رجع و بالرمح هم يضربوها

عرفوا وره الباب احتمت حرگوها
بلا رحمه گوم الشر اجوا عصروها

ما خافوا اعليها و خد انسطر ليها
____

باب و ثچيله اعله ضلعها الله اليعين الزجيه
دفعوها عالزهره بحقدهم هالايادي الناصبيه
من الكسر ونت بألمها و هزت ملائكة الثريه

باب اندفع ضلع انكسر
محسن وگع خد انسطر
من فاطمه شنهو البدر بت نبي و زوجة وصيه

ما نادت الحيدر علي معناها
تدري الوصيه گيدته من طه

محد يحاميها و خد انسطر ليها
____

نابت البسمار ابصدرها و ما برد بيها وجعها
يجري فوگ العتبه دمها ظل يسيل اويه دمعها
واحد يصيح اضربوها و فوگ خدها رد صفعها

چنها غريبه أم الحسن
يا ويلي خلاها الزمن
مثل السبيه ابلا وطن و انكسر منها ضلعها

احقاد ليهم من علي مدفونه
غصبت فدك هالخائنه الملعونه

و الغدره ناويها و خد انسطر ليها
______

" المصيبه "

هاي القضيه للقيامه انعاهد الباري و نبيه
نبقى نذكرها بدمعنه و ما تفارگنه المنيه
فاطمه و كسرت ضلعها تبقى للشيعه هويه

و انعاهده الحامي الحمه
ما ننسه سطرت فاطمه
و نلعن الناس الظالمه

يا علي اشهد عالولايه للحشر هذا عهدنه





حسين الأمين

#الليالي_الفاطميه
___

شلون الدمع ميفارگ العين
و گدامي ضربوا ام الحسين

شفت العصره و البسمار حرگوا گلبي وداري بنار
____

اندگت الباب و عرفته هذا ياهو الي گصد
حاولت انهض و لكن منطي للهادي وعد
گامت الزهره تفتحه و هوه للدفعه استعد
من عرف لاذت عصرها و الضلع منها انمرد

قرأن اقره و اسمع الصوت
بكسرت ضلعها شهگت الموت

صابر و بچفي الفقار حرگوا گلبي وداري بنار
___

يدفع و بابي اشثگلها و فاطمه بيها عصر
و ظهره عالحايط يسنده و يدفع برجله عمر
من كثر دفعه سمعته الضلع من عدها انكسر
رجعت و بسمار اجاهه من الصدر طب للظهر

عالخد سطرها و عيني اتشوف
توگف متگدر تزحف ازحوف

هدّم حيلي هذا الصار حرگوا گلبي وداري بنار
___

يضرب و صاح اعله ربعه طبوا شمتوا بفاطمه
رجّعت ثارات اهلكم من النبي و حامي الحمه
واحد ايطب ايتشفه و يضحك ابفيض الدمه
اينادي خل نعصرها كلنه حتى مترد سالمه

عالباب ردوا بي يدفعون
اتلثميه بالزهره يعصرون

ساجد ظليت و محتار حرگوا گلبي وداري بنار
____

ساجد ولن صوت اسمعه يبچي عالعتبه طفل
ارفعت راسي و اشاهد الفاطمه طاح الحمل
صبري عفته و سيفي بيدي و ناري بيه تشتعل
لن ملائكة الله تصرخ يا أبو حسين احتمل

يا صبر ينفع و اصبر اشلون
و بچفوف اديهم دم العيون

يا رب اشهد يا جبار حرگوا گلبي وداري بنار
_

يحچي و اسمعها كلمته محسنچ هم نقتله
حيدره ما يفزعلكم بالوصيه انكبله
إلا گدامه نسطرچ و عينچ ابدم سايله
وجهه داره اعليه شامت الزهره صارت ثاكله

انظر و صبري بجمرته ايذوب
اعلينه تمرجل ابن الدروب

صحت و صوتي هز الدار حرگوا گلبي وداري بنار
__

هذا كله و ما كفاهم و لا گلب منهم يحن
چتّفوني و بابي حرگوا و فاطمه خلفه تون
رادت اتگوم و منعها قنفذ بسوط المتن
اختلط كل دم صدرها ويه كل دم الجفن

صار الهوه تشتمه دخان
ابليس يحرگ بيت الايمان

برمحه يضربها و تندار حرگوا گلبي وداري بنار
___

من ضربهم دملج اسود و بزندها منطبع
و الوجه شاحب اشوفه يجري دم ويه الدمع
گصدت المسجد ورايه و صاحت بون منفجع
ردوا حيدر يا ذيابه و بالرمح ردها دفع

المو زلم صارت يمها ازلام
يسطرها واحد ثاني شتّام

صحت بصوتي يالمختار حرگوا گلبي وداري بنار





حسين الأمين

#الليالي_الفاطميه
__

ما نسيتيچ طايح الباب اعله ضلعچ
ما نسيتيچ گاعد و احچي اويه گبرچ
___

گصت المگبره بالليل باشواگي
خلصت العمر ما منه شي باگي
هم مثلچ يفاطم يذبح افراگي

انه حيدر يزهره گعدي حاچيني
بقيت الوحدي ماكو اليواسيني
عله اغيابچ تراهي وشلت عيني

چم ضلع چم مو ضلع يالزهره كسرچ
ما نسيتيچ گاعد و احچي اويه گبرج
__

اجيتچ و الصور ردت اليه اردود
تره الفاگد حبيبه ايعيش ما موجود
انه بفرگاچ باقي بالحزن ممرود

صفت دنياي ظلمه مو فقط بس بيت
ما تفرق بعد عايش علي لو ميت
نايم عالگبر يا فاطمه حنيت

يالحنينه ريت عمري إبدال عمرچ
ما نسيتيچ گاعد و احچي اويه گبرج
__

مشتاگ ارد انظرچ فاطمه اشويه
يا زهرت حياتي الكلها حنيه
تره كسرچ الف كسره ترك بيه

وحكچ ضحكتي عگبچ نسيت اشلون
لون مو مره اموت ألفين هم اتهون
حيات ابدون وجهچ ما اريد اتكون

ميت اوياچ شلون أعيش ابلايه عطرچ
ما نسيتيچ گاعد و احچي اويه گبرج
____

الجدم ما ساعداني و انهدم كل حيل
كثر طيحاتي صرت اتوارد اويه الميل
شيصير بعلي لمن يجن الليل

غميچ الشوگ زيّد جرحي و آلامي
صفت بين المگابر احله أيامي
يا لوني برحيلچ هالگلب دامي

يا حياتي يم حسن حيرني امرچ
ما نسيتيچ گاعد و احچي اويه گبرج
____

راح ارجع و اگلچ ما ترديلي
تره بفرگاچ ناسيهن تفاصيلي
ولو چلمت علي يا فاطمه احچيلي

يم گبرچ دمعتي و حسرتي خليت
الحزن و الشوگ بثنيناتهن ماشيت
نسيت أسمي اعله شفتچ مو علي رديت

نعش راجع و يلهچ الساني اعله ذكرچ
ما نسيتيچ گاعد و احچي اويه گبرج





حسين الأمين

#الليالي_الفاطميه
__

الضلع بنتظارك تشهره فقارك
المصاب الزجيه شوكت يبدي ثارك

يمهدي يلچمك انسطر خدها لامك
شوكت يبدي ثارك
___

يمتى سيفك اتشهره المصاب الباب
تره اصواب الضلع يالمنتظر ما طاب
لليوم الزجيه اتهل دمع سچاب
يلچمها الكسر من دفعة الاجناب

يغايب دفعها وكسر هم ضلعها
على العتبه طاحت تون من وجعها

غيور و نحشمك انسطر خدها لامك
شوكت يبدي ثارك
__

نابت بالصدر بسمار بالعصره
و طاحت و الونين ايفسر الصخره
وصل يم حيدره صوت الضلع كسره
بقت محتاره امك تجذب الحسره

علي ما اجاها وحيده ابأذاها
الوصيه بچفوفه أمر بيها طه

صبر ما يهظمك انسطر خدها لامك
شوكت يبدي ثارك
_

يمهدي جيش حاوط امك الترفه
كلفه ينضرب خد فاطمه كلفه
گوم و نحره اگطعه مو فقط چفه
تعرفه لا شريف و لا ابن عفه

بهذاك التعدي تمادى يمهدي
سطر بيده امك الصبر لا ميجدي

بلا غيره خصمك انسطر خدها لامك
شوكت يبدي ثارك
__

ما رجعوا يمهدي بكسرت الضلعين
لحد ما من دفعهم طاح منها اجنين
وگع محسن غصب من رضت الجبتين
و تالي محسن و امك صفوا ميتين

ميكفي قتلها ميسلم طفلها
عليها دموعك من الدم تهلها

مصايب تألمك انسطر خدها لامك
شوكت يبدي ثارك
___

انهض يالغيور و لا تعوف احگوك
تره الباب اعله صدر الزهره ظل مطبوك
و بيت الله صفه بنار الحقد محروك
من دخانهم محسن وگع مخنوك

ميتوصه مثلك غدر ماتوا اهلك
مته اتسل حسامك جنود احنه لجلك

الحقيقة نِعلمك انسطر خدها لامك
شوكت يبدي ثارك




حسين الأمين

#الليالي_الفاطميه
---------------------

فدوه الضلع يتكسر من عندي لا تتعذر
ما قصرت يا حيدر

__

عمري اعله عمرك سيدي كافي ونينك
تبچي المصابي يا علي الله اليعينك
تدري بدمعتك يالولي محمره عينك
يا صبر ايوب احتمل باقي سنينك

حافر بخدك كوثر ضم الدمع يالقسور
ما قصرت يا حيدر
__

يا حيدره من ونّتك گلبي كسرته
يالولي بسك هالنفس جمره حسرته
صح مختنك چي شاهدت بخدي سطرته
فدوه الضلع وي سطرتي الدمعاتك انته

خوفي الجرح لا يكبر بالگلب ناصب منبر
ما قصرت يا حيدر
_

ادفني ليل ابلا ضوه يابو الحميه
ماريد اصابيع الظلم بنعش الرزيه
نزلني وحدك يا علي بلحد المنيه
و خليلي ثوبك عالگبر ايفيّ عليه

الكاسر ضلع لا يحضر واحسابه يوم المحشر
ما قصرت يا حيدر
_

مرلي يحيدر كل مسه و اقرالي ايات
تسولف شكو بگلبك الم نتشارك الذات
يا حب دليلي الما عشت من غيره هيهات
گلبي بقى يمگ ترى مو بالگبر بات

كلما تجي اتذكر و عشرتنه هم أتصور
ما قصرت يا حيدر
___

أصبر يحيدر و أنتظر لا تظل مكسور
راح ابقى مشتاگه الك كل دمعي ناطور
تقهرني تدري لو عشت بمصابي مقهور
و أعتذر منك لو شفت من عندي اقصور

يفداك حيدر منحر انه اعتذر بالاكثر
ما قصرت يا حيدر
___

تدري بمنيتي گربت يا ناصر الدين
عندي امانه الحضرتك بس انته المعين
زينب و الحسين و حسن يا قره العين
و الأهم گلبك يا علي يهده من الونين

يابو اليتامه اتصبر لا يظل دمعك احمر
ما قصرت يا حيدر




حسين الأمين

#الليالي_الفاطميه
__

ألم زينب حسرتچ
ألم بيه دمعتچ

يا يمه دمعچ لا يصب زينب زينب
_

يمه زينب ضمي دمعچ لا يجرحچ هالجرالي
السطره عالخد ألمتني بس مصابچ شده بالي

هاي السطره الجرحت عيني بالطف تجرح متنچ
و الدمعات إلي تجريها منها يبدي حزنچ

حزن من ضلعي يبدي
حزن بعدي استعدي

ما يلتئم جرح الگلب زينب زينب
_

بدفعة الباب اعله ضلعي نبّت البسمار بيه
لا يلچمچ هذا وضعي كربله اتعيد الرزيه

و البسمار الصوّب ضلعي يكبر بالطف باچر
و ايصيب حسين ابنص گلبه شلون يطلعه حاير

سهم يكبر مصابي
سهم بسمار بابي

و أنتي تنظرينه صعب زينب زينب
_

انكسر مني ضلع واحد و عينچ اتصب دمعه حمره
شلون لو شفتي اخيّچ تسحگ الخيل اعله صدره

يا منظر باچر گدامچ يا دمعه و يا لوعه
اتشوفين حسينچ بعيونچ تطحن خيل اضلوعه

ضلع مني تهشم
ضلع منه ميسلم

بهل الحاله نايم عالترب زينب زينب
_

الباب و الخيمه يزينب اتشابهن حتى بحرگهن
حالچ اصعب باليتامه انتي بس التبقه الهن

يا زينب باچر مو وحدچ من اتشّب الخيمه
ويه ارقيه اويه اسكينه و اتنامين ابهيمه

علي ليه ميحضر
علي عندچ ميگدر

امگيد علي طول الدرب زينب زينب
_

لا تعتبين اعله حيدر گيدته احبال الوصيه
ايصير بيچ بأبو فاضل من يروح ابلايه جيه

من ينده گلبچ عباسچ لكن ما تلگينه
يا ويلي اعله الشاطي باقي سهم امصوب عينه

غرب حالتنه هايه
غرب نفس الروايه

متنچ ييمّه منضرب زينب زينب
_

ارد اوصيچ ابوصيه يمّه اسمعي يالحنينه
حسين من يگرب رحيله وسط نحره قبلينه

قبليي من نحره و گليله من الزهره هايه
ومن يمشي حضريله مهره او ودعي يمّه هوايه

دمع ودعتي الحسين
دمع اعميها للعين

من بعده يسبوچ الغرب زينب زينب





حسين الأمين