#الليالي_الفاطميه
_

مو نعشها عالمتن حياته
مو نعشها شايل امنياته

دافن بالگبر نجم الثريه
دافن فاطمه و روحه سويه
___

بمتنه شايل مو نعش الكون كله حامله
انه عمار اسولف ما جره بالمختصر
علي تشهدله الحرب باب خيبر شايله
عاجز الجيش يحركه و قلعه بچفه و عبر
يا عجيبه هالامر ونته ونت ثاكله
حتى انه استغربت منهو وره الباب انعصر
نهر زمزم مو دمع عين منه هامله
فاطمه كسروا ضلعها شو علي هم انكسر

بالمدامع خطوته ثجيله
بالمدامع حسرته طويله

راجع بس جسد بعد الزجيه
دافن فاطمه و روحه سويه
____

راجع الداره بعذاب راحت ام گلب الحنين
ما ضحك حيدر وراها چنه ميت هم صفه
ينتظر ليله يجن يمشي صوب ام الحسين
بداره ما نايمله ليله للگبر يمها غفه
دافن بچفه عمر يمها تاركها السنين
يا جرح لوعة دليله شگد تغيّر بالجفه
صفه بدنية غرب بمدامع و بونين
من طفت شمعة حياته هوه هم ذاب و طفه

للمگابر يگصد بنحيبه
للمگابر يحچي وي حبيبه

عمره يبتدي بالمغربيه
دافن فاطمه و روحه سويه
_

اليحفر بگلبه گبر هوه و الميت سوه
خيّم اعليه الحزن لمّن مشت ام الحسن
الباب داره من يصد بريته ما يبقى هوه
عنده الها بكل زويه ذكره متموت بزمن
هندس ايام العمر الدافن بچفه الضوه
الكل جرح يرهم دوه إلا الذي ابگلبه انطعن
نار نمرود التشب بگلبه و شينفع دوه
شلون حاله إلي امامه حب حياته اندفن

ذكرياته تبقى بالترايب
ذكرياته يرجعلها ذايب

يا يوم ينتظر تلفي المنيه
دافن فاطمه و روحه سويه
_____

البير صاحب صار اله يحچي ويا ما يلي
شفته مره گاعد و يحچي الم يتبع الم
يسولف البيره غصص و دمعة اعيونه اتهلي
تره يا هالناس حيدر حزنه عالكون انرسم
يا ملامح غربته مو هذاك الأولي
اي نعم عايش حياته لكن العيشه عدم
بعد فاطم يا خلگ علي مو نفسه علي
ايساعده الله من يصد الباب عاين كله دم

كلشي فاگد بقت نايباته
كلشي فاگد فاطمه حياته

ناصب بالگلب ليها عزيه
دافن فاطمه و روحه سويه
_____

كل حياته مظلمه و اليتامه تنشده
والله ما اگدر اصور حالته لمّن يطب
اثر للضلع انهشم و هم دماهه جامده
ويه كل خطوه اشوفه دمعت اعيونه تصب
الحسن و حسين اجوا حنوا اعله الوالده
يا خلگ حيدر مصابه ايگطّع انياط الگلب
زينب اتون ابألم بحجرة امها گاعده
ينظر ابنيته الوحيده تبچي و الملگه صعب

يا رزيه امگابل اليتامه
يا رزيه فگدوا السلامه

بالدار زينب و صارت سبيه
دافن فاطمه و روحه سويه





حسين الأمين

#السيدة_فاطمة_المعصومة_ع
___

فاطمه المعصومه و زينب المهظومه

اتشابهن بالمحنه و دروب السفر
للرضا معصومه زينب للگمر
____

امن المدينه الأرض مشهد گصدت بمدمع يسيل
شوگها اعله الرضا نار و حرگ من عدها الدليل
شابهت بالمحنه زينب امن السبي رجعت تميل
فاطمه للرضا تمشي و تمشي زينب للكفيل

الگلب و اشواگه ثنينهن عالناگه

راحن الصوب الاخو بشوگ و سهر
للرضا معصومه زينب للگمر
__

شابهت عمتها زينب درب اخوها هم بعيد
امنيه اتشوف ابو محمد تحظنه اترد من جديد
لچن زينب موش حظنه تشبگ اترابه تريد
يا حظن و تشبگه زينب منسحگ صدره العضيد

فاطمه لحظانه زينب التربانه

فاطمه لعيونه زينب للنحر
للرضا معصومه زينب للگمر
___

فاطمه چانت اميره من مشت درب السفر
و زينب ابثوب اليساره ردت ابلا مستقر
فاطمه للرضا راحت و منّه واصلها خبر
زينب آخر مره أخوها شافته ابلايه نحر

للاخو اثنيناتهن شگد فرق بيناتهن

سفر مشهد بي فرق عن النهر
للرضا معصومه زينب للگمر
____

الحره نالت مبتغاهه وصلت الحد الترب
لچن معصومه يويلي ماتت بذاك الدرب
ظلت ابحسرة أخوها الشوفته المدمع يصب
و بأرض قم وسدوها و للرضا ايرف الگلب

زينب الحاميها و فاطمه الباريها

وحده ردت وحده ماتت يا قهر
للرضا معصومه زينب للگمر
__

آخر اوجووه التشابه بينهن موت و حزن
كثر ما ناحن يويلي انهدل من عدهن جفن
وحده ماتت على اخوها وحده عالأخ تنسحن
ثنينهن بالغربه ماتن ماكو اخو وكت الدفن

بالغرب مثواهن و لا اخو يبراهن

شافن انواع الرزايا امن الدهر
للرضا معصومه زينب للگمر




حسين الأمين

#الليالي_الفاطميه
____

يمته يا أمر السمه
تبدي ثارك ___ فقارك
يرد حق فاطمه
_

يمته سيفك يمهدي تشهره و تبتهل
كسر ضلع الزجيه بدليلك يشتعل
ناره ما تطفي إلا لمن وجهك يهل
اتحاسب الغدروا امك عله كلمه و فعل

تصلب الناس المجرمه
على بابك ___ حسابك
يرد حق فاطمه
_

انته ابنها و يلچمك چفنها المنسطر
يا عجيبه يمهدي بعد تحمل صبر
صابر شلون ضلعها تكسّر بالعصر
انهض و زلزل الگاع يمهدي الهل أمر

يا كلف بالموزمه
بالحرايب ___ يغايب
يرد حق فاطمه
___

كسر فاطم ميبره و ليطيب الضلع
إلا تحرگهم اترد حثالة هالربع
ما ينام الاسد لو سلب حگه الضبع
انهض و خل سطرتك على خدهم طبع

يبن حماي الحمه
سيف جدك ___ ينشدك
يرد حق فاطمه
_

اسرج الخيل و اسحبه المهند عالفتن
ماهو بس ثار ينطرك تره يبن الحسن
اتلطعش ثار يناشد فقارك كل زمن
اول احگوك تردهن من العبدوا وثن

نطوي هاي المظلمه
لمن تظهر ___ على الشر
يرد حق فاطمه
_

بعد ثارك بدينك گبرها ينصب
و تعله لامك مناره ابد ما تنحجب
و شيعتك كلها وياك يمهدي ترتقب
لا ولي إلا حيدر تخطها من ذهب

رايه خضره خاتمه
الك تهتف ___ ترفرف
يرد حق فاطمه




حسين الأمين

#الليالي_الفاطميه
_

علي مات يهالناس بقت بس الانفاس
دافن الكون و ضواه راجع و ايده بگفاه
علي مات
__

مو نعش شايل تره شايل اثنين
للدفن ماخذ حياته وأم الحسين
لو نظر يعگوب حاله و الونين
چا على حيدر عمت من عنده عين

دموعه جراها بشبابه فداها
للدمع عمره فداه راجع و ايده بگفاه
علي مات
__

دافن الكون و رجع وحده يسير
منهدل مو حيدره چنه أسير
اليعثر بوكت الشدد حمله چبير
شايله اعيونه دمع اتفيضلها بير

الحرب سهله عنده حاير ابأمره وحده
الشيب كل راسه غزاه راجع و ايده بگفاه
علي مات
__

اعيونه من الزهره ما شبعت تشوف
جرحه ينزف ظل و لا واحد يروف
جبل چان الغيم يم راسه يطوف
هسه محني يشبه ارگاب السيوف

يلوعة دليله المصيبه ثجيله
هالكثر يبچي شجاه راجع و ايده بگفاه
علي مات
____

اليفگد إنسان ابكسر يكره الباب
اتظل تعيش اوياه بس لوعه و مصاب
رمش عين المرتضى بالفرگه شاب
يحفر بروحه گبر مو بالتراب

حياته فگدها علي مات بعدها
راح من عنده هواه راجع و ايده بگفاه
علي مات
___

صعب حاله حيدره ايهز الثبات
علي ميت بس على قيد الحياة
فاطمه كهف الحنان البي يبات
راح منه و بقت عنده الذكريات

صفه الدار يهظمه و مصابه يرسمه
الباب كل عمره خذاه راجع و ايده بگفاه
علي مات
____

كهف لليتمه علي اسمه الرحيم
اتبدل الحال و صبح هوه اليتيم
الزهره امه و بنته و الحب العظيم
تالي يدفنها بدمع خده الأليم

الهجر يا عذابه حمل كل مصابه
صاح للموت انتخاه راجع و ايده بگفاه
علي مات




حسين الأمين

#الليالي_الفاطميه ( شور )
____

مكسور ضلعي يمه بس لا تنكسر
حسين يبني جرحي ميطيبه الدمع
إنچان همك عالضلع مني انمرد
امن الخيل باچر ما يضل عندك ضلع

ادموع مفجوع
على السطره ..وضلع كسره ... و تصد ليه و ابچييك
يحسين مرتين
يسحگونك .. يطشرونك ... ولا يسلم ضلع ليك

انكسر بالباب واحد لچن بالطف اشاهد
عشر خياله يمه تسحگك وانته راگد

دمع عيني لجلك ييمه يهل احمر
أخذ صبري طفك جروحك يالموذر

دمعتي على طفك دمعتي
___

يمه دمعك ضمه تعتازه الدمع
آلام باچر تختلف عن هالالم
بسمار بابي شهكته تآذي النفس
و انته من ظهرك تسحبه للسهم

بسمار محتار
يروح امك .. فلا يهظمك ... مصابي و هذا حالي
آلام واسهام
وسط گلبك .. هظم حربك ... ولا فارگ خيالي

سهم گلبك ذبحني
تسحبه و انته محني
و من ظهرك تطلعه
و تطلع روحي مني


محنتي وعذابي ومصابي گلف يمه
لچن انته باچر جروحك أشد هظمه

دمعتي على طفك دمعتي
__

الحيره و الغربه و عطش تلتم عليك
و ينگطع نحرك ييمه بالطفوف
نعشي يمه بس علي ايصلي عليه
انته باچر فوگك اتصلي السيوف

مكسور منحور
برمح راسك .. شمر داسك ... و تنزف منك ادموم
وشلون أم عون
تعرفنك .. و لا منك ... ييمه ظلت اعلوم

مكسوره ابچي مكسور
الليله چنها عاشور
ابعازة خيم يحسين
و زينب اتشم النحور

من ارماد الخيام اخيتك تضيعها
على التل من اتروح يمذبوح تشاهدها

دمعتي على طفك دمعتي
___

محسن عالعتبه ابدفعهم مني طاح
و باچر وسط حظنك رضيعك ينچتل
محسن دفناه ابگبر و بوحده نام
و انته حافر خيل فوگك و الطفل

آلام ايتام
على نحرك .. وسط صدرك ... رضيع و حافر خيول
مهشوم ملموم
يبعد امك .. تحت جسمك ... حصيره بيها مشيول

تموت ابحسرة اضماك
خشبه تبصح اشفاك
عاري امسلب الثوب
و رمل يوليدي چواك

تظل عاري وحدك عالتراب بلهيب الحر
و عالرماح ييمه يظل راسك اليفتر

دمعتي على طفك دمعتي
___

راح اودعك يمه و الموعد يصير
اعتنيك الكربله بليل اهدعش
اگصد السكنه و رقيه و الرباب
و انظر الجسمك عالرمضه انفرش

اهناك انعاك
بلطم خدي .. انمرد چبدي ... اشوفك ضامي مذبوح
والعين يحسين
انه الطمها .. ويهل دمها ... ونهر عالوجنه مسفوح

اگعد وحدي بحذاك
و اظل كل ليله انعاك
السيوف الگطعت بيك
عسن گطعني وياك

نهر دمعي جاري المصابك ولا ينشف
و اصد عالشريعه گطيعه اشاهد چف

دمعتي على طفك دمعتي





حسين الأمين

#الليالي_الفاطميه
______

وقت الظهور انتظاري بس الفرج يطفي ناري

بسيفي اعلن المجزره و ابديها من حبتره
___

انه خلافة رساله اطهر و أشرف سلاله
اصل _ فصل _ عدل
احگوگي باچر اردهن ما اعفو عن الغصبهن
وعد _ أشد _ عهد

بدليلي جمره بعدها حمره عله اعظم مصاب
الكسر ضلوعي وطفه شموعي ودفع لينه باب


كلمن تماده اجيله سطرت اچفوفي ثجيله

الحمزه عمي تره و ابديها من حبتره
___

برض المدينه وعيدي من أوصل وسيفي بيدي
هجم _ ندم _ نقم
أخرجها ذيچ الحثاله الصارت رموز الظلاله
جرن _ فتن _ وثن

ابد متخمد بعدها تشتد وسط روحي نار
الدفعها بابي وبده مصابي اطلبه انه ثار


الثاني و إللي يتبعه انبشله گبره و اطلعه

بس الفرج ناطره و ابديها من حبتره
___

القتلوا الزهره الزچيه باچر اصلبهم بديه
أمر _ ثأر _ نصر
احرگهم و بالسقيفه كلمن تسمه خليفه
كفر _ غدر _ سطر

الهجم عل امي وجفنها مدمي بضربته الحقير
اطلعه باچر ضلوعه كاسر حسابه عسير


يا ويلهم من عذابي كلمن حرگ بيده بابي

و عذبوها للطاهره و ابديها من حبتره
______

البالحرب شيلت امه يلبسها لو صاحوا اسمه
سمع _ هلع _ فزع
لو شاف حيدر ميسلم ايظل ابمنامه ايتحلم
رعب _ يطب _ حرب

يا وسفه هظمه علينه زلمه يصير الجبان
الهتك امانه و فعل خيانه النبي اموصي چان


وكت الحرب والكلايف يشردون بس جدي واكف

يرجفون من حيدره و ابديها من حبتره
____

الكاسر ضلوع أم أبيها أسس ظلامت بنيها
سحگ _ رشگ _ حرگ
الگتل محسن ويه امه عبدالله نفسه يفطمه
سهم _ ألم _ هجم

الأخذ سبيه ضعن نبيه نتيجة فعال
من الاوئل بشر رذائل غصب و احتيال


صارت أساس الزچيه و حسين بالغاضريه

نفس النهج سائره و ابديها من حبتره
____

كلمن تطاول اجره و السانه منه ابتره
شهد _ نكد _ بعد
حتى الي يرضه عليهم وبالوسط باقي حچيهم
عمل _ جهل _ حصل

الرضه الفعلهم تره مثلهم احسبه شريك
الرفض لعنهم أعده منهم بعذابي اجيك


حسام جدي حسامي اوياهم مينفع كلامي

نار الغضب مسعره و ابديها من حبتره





حسين الأمين

#الليالي_الفاطميه
___

آنه علي آنه علي بروج المصايب مبتلي
مشتاگ يا ريحة هلي آنه علي آنه علي
___

گاعد و اسولف عالگبر و الليل ماخذ حيلي
يا فاطمه آنه علي هلبت هله گليلي
بعدچ و لا مرني صبح عايش بظلمة ليلي
افراگچ أخذ مني النظر و ماكو احد ايتچيلي

يا فاطمه يا فاطمه آنه علي شوفه انعمه
فگدچ سهم بيه رمه و الحيره سكنت منزلي
__

يا گلب ما مثله ابد ماخذني بدروبه احدي
يا صوت حنية و دفو غيرچ تره ما عندي
بغيابچ استوطن نهر ساكن ملامح خدي
احلم و ارد من الحلم بصف لحدچ احفر لحدي

اليفگد حبيبه بالكسر ما يهوه شي من هالعمر
يبقه المنيته ينتظر و همومه لا ما تنجلي
__

چم بير ترست دمعتي وفاضت بعد چم صحره
الشاهدني عگبچ ينصدم بوجهي ملامح أسره
اليدفن حياته بالگبر تصبح الدنيه گبره
بسمار ينبت بالصور لمن يرد للعشره

بيت الحزن بيه كبر و الشيب برموشي كثر
منحني بعدچ هالظهر و النوح صاحب صار الي
____

منجل صبح مني الظهر شما ينعدل يتقوس
الشايل ابچف ايده حصن ما يگدر ايفر محبس
دافن شمس بالمگبره شلون الصبح يتنفس
كاشخ الليل ابدمعتي بس ثوب احزاني البس

يم الحسن يم الحسن مثل الغريب ابلا وطن
دولبني مرواح الزمن مو علي ذاك الأولي
___

ابراهيم يالزهره الگلب و النار حاطت بيه
ماگول رديلي عمر رجعيلي بس اشويه
للدار كلما اعتني يفرغ هواهه الريه
وارجع اشم ريح الگبر يا فاطمه ابحنيه

حالي صفه مثل الشمع ماخذ عمر مني الدمع
بريح الله حيدر يندفع وباحزان گلبي منولي




حسين الأمين

#الليالي_الفاطميه ( نزله )
_

لا ولي إلا علي .. على المرقد .. الچ نشهد
بگبتچ ذهب تصير
___

اليوم نتصور و باچر صوره
من ذهب مرقد الچ و نزوره
تظلم الدنيه و يضيع اضواها
و فقط نورچ يضوي هالمعموره

الناس و الاكوان كلها ظلمه بس النضوي احنه
و اليناشدنه نگله هذا نور الزهره امنه

نورها أول ضوه .. بسماواته .. و ملائكته
من نورها تنير
____

قطعه باچر من ذهب مصفوفه
من هنا مرقد الزهره انشوفه
و المناير عابرات السبعه
و الملائك نازلات اتطوفه

انشوف جبرائيل نازل يخدم و مليان فرحه
وفطرس اجناحه يمسحه بگبتچ و يردله جنحه

انتي حجه اعله الحجج .. يمرضيه .. يحوريه
فضلچ فضل چبير
____

امن العراق افواج اجت مشايه
حمزه قائد كربله ملايه
امن النجف عبود لازم موكب
اوياه عبدالرضا يقره ابهايه

باب من اجذوع يقره و دمعته بعيونه حمره
الها السبب گبرچ يزهره ابلايه باب انسوي حضره

بسمار ماكو ولا جذع .. لأن يكسر .. قلب حيدر
لو شاهده الأمير
____

الچ من الناحيه يتعنه
بلهفته سيد شباب الجنه
يجي سالم منحره و لا مجروح
حتى لا گلبچ يلچمه بونه

حسين ويه الكمر جايچ يحچي وي عباس كلمه
شگد چنت مشتاگ لمي اترابها مشتاگ اشمه

امن الغري گاصد علي .. للزياره .. والبشاره
شفه الضلع الكسير
_

مو بعيده هالقضيه اعلينه
هيه چم يوم و يرد مهدينه
يعتني بچفيه خضره ايزورچ
و ينبني اعظم صرح بيدينه

باچر بحيل الله نوصل ويه ابو صالح تمني
خدم تنصبها المواكب خدم ويه المهدي تبني

ينبني أكبر وطن .. الچ فاطم .. وي القائم
من يبتدي المسير




حسين الأمين

#الليالي_الفاطميه ( شور )
_

بيناتنه دار الحچي بيناتنه
ثنيناتنه نسولف بچي ثنيناتنه
___

ضم اعتذارك يا علي و عوف الذي يجرالي
خلينه هالليله سوه غالي يودع غالي
نجمه وسط گلبك انه وانته گمر دلالي
اعذرني خافن قصرت بالعشرة يابو اعيالي

عوف الدمع عوف الحزن ميلوگلك ذابل تون
يا وطن روحي لا تظن الموت فارگ ذاتنه
____

توجع دمعتك يا علي كافي عليك العشره
يا سيد الحب دمعتك تلچمني مثل الكسره
لولايتك يابو الحسن تفداك ميّة زهره
خلينه نتباره الذمم هالهجر كاتب امره

تلچمني حيدر لو نحت مثلك ترف لا ما شفت
اوياك العمر محلا عشت ما تنوصف لحظاتنه
___

خليك عايش فدوه لك كسر الضلع و المحسن
كلشي يهون امروّتك لا تظل من بعدي اتون
عيشتنه چانت چن حلم و فرگتك حيدر تحزن
موطني عينك يا علي بعدك انه ابلا موطن

بشوفتك گلبي ينشرح بفرگتك روحي تنذبح
يا احله من وجه الصبح عرش الله حَب كلماتنه
___

خليني ارجع للمضه يابو الحسن خليني
يالچنت اغفه بمهجتك و بعينك اتغطيني
ما شفت خله بعشرتك وياك محله اسنيني
منك لون اطلب عمر ابلمح البصر تنطيني

كل معركة وحدك اسد رب العرش بيك انعبد
الكون بين ايدك سجد و رتل جميع آياتنه
____

ميموت حبنه الاولي راح انتظر للملگه
فدوه لتتأخر تره گلبي ميحمل فرگه
باچر نرد و ننجمع مثل الغصن و الورگه
و دمعاتنه هم تنمسح وللعاشگ ايرد عشگه

راح انتظر وانته انتظر الموت ما ينهي الأمر
بالجنه باچر ننحشر وترجع سوه گعداتنه




حسين الأمين

#الليالي_الفاطميه
___

گلب ودّع گلب علي ايهيل الترب
تمنه بالچفن بكتر أم الحسن
علي ايهيل الترب
___

راحت ام گلب الحنين و ظلت أحزان السنين
اويه المصيبه
روحه دافنها بتراب و راجع الداره بعذاب
ابلا حبيبه

فگَد _ بعَد _ سنَد علي غريب
هجُر _ عمُر _ كسُر فگِد حبيب

جبل مو چن نعش على امتونه العرش
متونه هدّلن بكتر أم الحسن
علي ايهيل الترب
_____

ظلمه ليل اليفترگ اليدفن ابأيده الخلگ
وكل المحنه
دموعه وحدهن جرن راح من عنده وطن
يعله ونه

غرُب _ گلُب _ صعُب هجُر غوالي
قهَر _ ذكَر _ صوَر عشِگ ليالي

بقه شايل ألم يظل عايش وهم
غريب ابلا وطن بكتر أم الحسن
علي ايهيل الترب
_

ايشيّب افراگ الورد و فاطمه ضمها بلحد
يا عذابه
الما تركها بكل أمر عافته بظيم الهجر
بهم مصابه

يوِن _ حزِن _ يحِن دمِع عيونه
ألَم _ رسَم _ سهَم ذبَح ظنونه

تهد حيله الصور لون مره ذكر
دليله الها ون بكتر أم الحسن
علي ايهيل الترب
___

عالحلوه و المره سوه فاطمه چانت دوه
الكل جروحه
بليل مظلم تركته بوحده عايش خلته
ويه نوحه

مشَه _ بچَه _ حچَه الترُب تسمعه
هلْي _ إلي _ علي أنه يبضعه

انكسر مثل الغصن گعد يمها يون
عيونه دم بچن بكتر أم الحسن
علي ايهيل الترب
__

الما تهده أكبر حرب هسه يعثر من يطب
الداره
الچان من يوگف جبل اوياهه كل حيله انهدل
ابلا چاره

هوَه _ سوَه _ ضوَه قِبْل عمرها
شمِع _ ضلِع _ دمِع لوَن ذكرها

صعب كلش صعب علي دمعه يصب
على الزهره انعمن بكتر أم الحسن
علي ايهيل الترب





حسين الأمين

#الليالي_الفاطميه
__

كون مو هذا الوضع يا حيدره
كون ذوالفقّار بيدك تشهره

بعد شيفيد التمني و زهرتك بالمگبره
__

امجتف بأمر الوصية والصبر بيك امتحن
گاعد و دارك تنظره تحرگه اتباع الوثن
شبوا النار اعله بيتك وگلبك أتحمل محن
عصروا الزهرة يحيدر وانته تعصر بالزمن

صعبه اليبچي الزلم كاعد يون
خيّم بگلبه المواجع و الحزن

من كثر دمع اليذرفه عيونه كلها محومره
بعد شيفيد التمني و زهرتك بالمگبره
___

چان اليفر من أمامك زلمه هذا مو جبان
مو فراغاً حامي جارك جنت لليندب أمان
هسه ياهو الخله دارك مظلمة بلايه حنان
لومه أمرك و الوصيه ياهو يگرب ليك چان

چان بيدك طاحت ارگاب الزلم
وانته ملّاچ الحرايب يا شهم

ثگل جدمك أثر يترك يا علي فوگ الثره
بعد شيفيد التمني و زهرتك بالمگبره
____

كون ما عندك وصيه وللنبي ما چان أمر
عود واحد خلي يگدر يحرگ الدار و يمر
چان ذوالفقار خله بضلع كل واحد كسر
وبعتبتك يجري دمهم يا علي من كل كتر

چان ما مر اعله گلبك كل جرح
وتنظر بعين الزچية وتنشرح

چان خليت المنية تلزم اعليهم سره
بعد شيفيد التمني و زهرتك بالمگبره
__

تودع بزهرة حياتك وانته مكسور الظهر
شلون صابر من شفتها تلوذ والباب انعصر
كل نبي يگلك يحيدر الصبر مثلك ما صبر
شلون متحمل دليلك من شفت خدها انسطر

حسرتك شابت يحيدر بالگلب
حب حياتك دافنه جوه الترب

و انته ما شاهر فقارك فقط دمعك تشهره
بعد شيفيد التمني و زهرتك بالمگبره
_

لسه نوحك عالمصيبة ياعلي وحيلك ثچيل
ذبل جفنك وانته بعدك دمعتك عالخد تسيل
چنت تشبه جبل يمشي بالهوه هسه تميل
الموت الاحمر و الغضنفر هسه صار بلايه حيل

وسفه يا حيدر تنوح من الألم
وسفه والبسمار بالضلع انرسم

وسفه ما خليت دمهم عالارض يا قسورة
بعد شيفيد التمني و زهرتك بالمگبره
____

شحالك بفگد الزجيه بلا گلب چنك صفيت
يالچنت كهف اليتامه بلايه خيمة أنته بقيت
هسه تدفن ذكرياتك بالكبر وياها ريت
شكثر زينب تشبها أمها ومن تباوعها بجيت

شسوت الفرگه بدليلك يا علي
تشوف زينب يبقى نوحك يعتلي

لفاطمة و زينب يحيدر دمعك اعليهن جره
بعد شيفيد التمني و زهرتك بالمگبره





حسين الأمين

#الليالي_الفاطميه ( نزله )
____

هاي كلمه اتعودينه اعليها
لعن الله عمر نحچيها
_

كلمه اعليها اتعود الساني
كلمه اقهر بيها عدواني
كلمه إلهي العن الثاني وكلمن ايتبعه

سنة الله اللعن هذا خل نسولف بالعلم
سورة الأحزاب اقره بالكتاب و افتهم
٦٨ رقم الايه تلعن من كفر
من كتاب الله استنادي هذا واضح مو وهم

وشوف چم آية لعن حاويها
لعن الله عمر نحچيها
_

اصله ما معروف لا اسمه
اصله افهم مني هالكلمه
اصله جده زاني ابأمه وشوف الطهاره

اسكت و خلي الحچي مضموم لا نفتح سجل
شجرة الثاني اتعرفها لو افصلها فصل
امه اخته جده عمه و انته من هاي افتهم
شلون اتبعنه خليفه و هوه ما عنده أصل

ابداره حمره الرايه المعلگيها
لعن الله عمر نحچيها
____

زلمه شلون اتريدنه انعده
زلمه كل تاريخ ما عنده
زلمه كاضي كل حرب شرده ولا سيف شاهر

كضه عمره بالمعارك يشرد ابلايه خبر
السيف ما يعرف يلزمه يعرف ايدير الظهر
بدر تشهد و أحد تشهد من صعد فوگ الجبل
اتلث ليالي فوگ خاتل شهالشجاعه يا بشر

زمره بس حقد و جبن ماضيها
لعن الله عمر نحچيها
_

وسفه البسوح الحرب يرجف
وسفه منه فاطمه تنزف
وسفه بيده حيدره ايچتف ويحرگله داره

كون ما متوصي حيدر للنبي ماكو أمر
چان خله اضلوعهم مو ضلع فاطم تنكسر
علي شراي المنايه و أسد الله بالحرب
لو شهر بيده فقاره چان شردتهم نصر

هاي لو سلمت صدگ رجليها
لعن الله عمر نحچيها
__

ديني أصله فاطمه الزهره
ديني واجب منهم اتبره
ديني ركز وامعن النظره بهاي القضيه

الدين يكمل بالبراءه حتى شيعي تنكتب
ماكو شي حل وسط أسمه بكيفك اتحب ما تحب
انته لو فعلاً امامك حيدره تلعن عمر
الما يدور طائفيه وي علي دينه چذب

لو نريد الفاطمه نرضيها
لعن الله عمر نحچيها
_

حگها امربع يرجع الزهره
حگها الثاني انبشه من كبره
حگها و انصلبه على الشجره ويه ابو صالح

ياچر اويه المهدي گبره انبشه ونطلعه سحل
و على الشجره هم نصلبه و نار چثته تشتعل
لحد ما ترضه الزجيه و تفرح و تنسه الحزن
بحيل الله و ابو صالح ما يظل ألهم نسل

هذا وعد الله النصر تاليها
لعن الله عمر نحچيها




حسين الأمين

#الليالي_الفاطميه
--------------

للمسجد رحت وسطه صحت بعد الكسر
لا ولي إلا علي طول العمر

___

من گصت المسجد و جان الضلع
ينزف أمن اصوابه واهمل بالدمع
بالرمح قنفذ ضربني واندفع
صحت وسط المسجد بون منفجع

عباد الصنم ضلعي انهشم من الغدر
لا ولي. إلا علي. طول العمر
__

التفت خلوني وبلايه معين
واحد بجفه سطرني اعله الجبين
صحت خلو عن أمير المؤمنين
الثاني اجاني وزيد اعليه الونين

بچفه انضرب وسط الغرب و انعصر
لا ولي ألا علي طول العمر
___

من صحت خلو علي يرجع الي
لو أگشّف راسي وانده للعلي
اوصيتك خانوها ومجتف علي
او حرگوا اعليه يلاهي منزلي

مكسورة الضلع فوك الدمع انسطر
لأ ولي ألا علي طول العمر
__

أرجعت للدار محنيه بقهر
حيدر ايتچيلي والضلع انكسر
شفت اولادي دمعهم چن نهر
وزينب من اصوابي عذبها السهر

ونتهم ألم بيه انرسم اصعب امر
لا ولي الا علي طول العمر
__

من گرب ليه الأجل والموت حان
حيدر ايگلي بقيت ابلا حنان
كون مو عمرچ خلص عمر الزمان
ريت يم گبرچ احلصي مكان

يازهرتي يادنيتي موتي انتضر
لا ولي ألا علي طول العمر





حسين الأمين

#الليالي_الفاطميه
_____

يا صبر ظل بيه و ام حسن ماهيه

احسب الموتي وراها شگد بعد
الما فگد ما يفهم احساس الفگد
____

غميچ الشوگ زيّد جرحي و آلامي
و مشتاگ انظرلها و الگلب دامي
ولو مو بالحقيقة اتمرني بحلامي
عگب الزهره يمتى تخلص ايامي

الفگد ما يبرد ناره لتظن تخمد

گلبي من الفرگه الف مره انمرد
الما فگد ما يفهم احساس الفگد
___

ظلام الدنيه ماخذ نورها اليضوي
تركني بنايبه و صوت الهظم يدوي
تره الفاگد حبيبه حسرته تچوي
يظل كل باله يمتى الشوفته ينوي

للگبر كل ليله يگصد و يحچيله

يا گبر ماخذ حياتي و السند
الما فگد ما يفهم احساس الفگد
__

خلصت الصبر و اتبدلت احوالي
و للغالي دمع عيناي مو غالي
فاطم حب حياتي و خابت آمالي
مشت عني و بعدها النوح يبرالي

تنتهي ايامي اصبحت احلامي

اي و حگ القل هو الله احد
الما فگد ما يفهم احساس الفگد
__

انه چنت المدد لليوگع بشده
ما عوفه اليناديني و لا هده
ياهو اليحضر و ظهره إلي يسنده
مثل الماي مني الحيل يتبده

يا عمر ظل ينفع فاطمه ما ترجع

الهجر نار ابدليلي و ما برد
الما فگد ما يفهم احساس الفگد
_____

صعبه من يفز گلبك عليها ايحن
و تركض للگبر عطر الترب تحضن
انه حيدر علي الاسمه يهابه الجن
تغيرت و صرت للنايحه موطن

چفي يلوي عسكر هسه صرت اتعثر

بالحرب كلها تسميني الاسد
الما فگد ما يفهم احساس الفگد
__

حمره لليفارگ دمعته تنزل
يخلص الليل گلبه بالحزن يشتل
مو بس متنه كله امن الفگد يهدل
يظل بس الهظم و النايبه ايحمّل

حگها تهمل عيني راحت احله اسنيني

أم حسن ماكو مثلها و الصمد
الما فگد ما يفهم احساس الفگد




حسين الأمين

#الليالي_الفاطميه
__

يالرايح اتشيعها ادفن نعشها بروحي
يا حيرتي ابلا امي لا ما تهيد اجروحي

و الماتت امها تعيش ابيتمها

____

زينب أنه الما شاهدت فرحه تمر حياتي
هسه شفت نعش العمر مني أخذ غلاتي
وين اتجه وين التفت ما هيّه امنياتي
مو فاطمه انه ردت هذا نعش مماتي

اتمنيت أنه مو امي خلصانه كون ايامي
و لا شوفها الحنيتي اتصير بنعش گدامي

فراكچ لچمها تعيش ابيتمها
__

صعبه الضوه اينام ابگبر فاطمه چانت عشي
ريض إلي بويه علي خليني اودع نعشي
من هالفجر يبدي الهجر وي عمري رايح يمشي
بيتي فرغ من الهوه ويه أمي ميت كلشي

بويه علي تانيني خليني اشم ريحتها
چانت اليه امرايه چانت دفو احچايتها

يذبل جسمها تعيش ابيتمها
___

يا فاطمه بعدچ تره يمّه يتيمه حالي
اعلينه تره طاف الحزن بس الدمع يبرالي
اعله امصيبتچ ناح الحجر غالي يودّع غالي
نامت عُمر بالمگبره ويّاچ كل امالي

بالغربه ظلت زينب و الفگد يمشي اوياها
ياهو بعد يحضنها ياهو بعد يرعاها

و شكبره همها تعيش ابيتمها
____

يالغاليه الملگه بعد بالطف يصير اهناگه
بعد الكفل و الفاجعه نار الخيّم حراگه
بليل اهدعش منتظرتچ يم النحر نتلاگه
محتاجتچ يمّه اشكثر من اصعد اعله الناگه

بالغاضريه انتظرچ اتحضرين و اتواسيني
بعسكر يتامه اتكفل يمّه الشمر يسبيني

هناگه هظمها تعيش ابيتمها
___

لمن يگع من المهر لحسين فوگ الغبره
اوصل إله و اوصيتچ أذكرها هم يالزهره
من ينگطع راسه اجي و لجلچ اقبّل نحره
الكاسر ضلع منچ تره لحسين يسحگ صدره

مو خيل واحد عشره اتهشم ييمّه اعظامه
من الگفه ايحز راسه گدام عين ايتامه

تحير ابألمها تعيش ابيتمها




حسين الأمين

#ليالي_ام_الوفاء_والبنين
__

چانت گبل معروفه بالبدويه
اتحول اسمها فاطمه العلويه

رسولة الوفاء لأرض كربلاء
____

اول مضامين الوفه و أروع قيمها
من وسط بيت المرتضى دخلت قدمها
چانت إسمها فاطمه و غيرت إسمها
خاف زينب تنلچم من تذكر امها

مو صدفه لا الله العلي خصّاها
يمكن رسوله الكربله ودّاها

سيدة الاباء لأرض كربلاء
____

ما كفّه تغيير الاسم من دخلت الدار
الولد الزجيه گالت و كلمتها تذكار
لو تقبلوني خادمه أتشرف و صار
يمها الوفه ساجد بقه و احتار الايثار

سهرانه أول ليله من زفتها
متمرض حسين و تطب غرفتها

فأصبحت دواء لأرض كربلاء
_

مرت اسنين و عايشه بدار الامامه
اربع ولد چابت رمز و اصل الشهامه
ما أعتقد رضعوا لبن رضعوا خدامه
لحسين واحدهم عبد يسجد امامه

ربت زلم تنعد ابمية زلمه
لحسين ما فد يوم صاحوا بسمه

تربية الولاء لأرض كربلاء
____

حل وگت الفراگ او صدح صوت الوفيه
يا ولدي اجه يوم العهد بالغاضريه
لحسين باچر رخصّوا سوگ المنيه
عباس چفين و سهم قدم هديه

خلوني يم الزهره افرح بيكم
گطع المناحر ادري سهله اعليكم

دمائكم فداء لأرض كربلاء
____

ظلت تناطر عن خبر يتعنى ليها
كل همها ابو اليمه يرد سالم عليها
ما ناشدت عن اربعه البطف بنيها
لحسين قدمتهم نذر خاطر يجيها

من جاها ابن حذلم حچتله ابهايه
عوف الولد خبرني عن مولايه

في دمعها نداء لأرض كربلاء





كلمات / حسين الأمين

#ليالي_ام_الوفاء_والبنين ( شوط كربلائي )
_

لحد آخر نفس بيها تصيح حسين يمه حسين
خافن قصرت وياك سامحني يماي العين
____

دنت ليها منيتها ومنتظرة تغمض العين
لحظة و لن يدك الباب ظنت هذا جف البين
لجن بالأمر فزعت لن الجاي ليها حسين

اجه ليها و كعد يمها.
بيمه من يكلمها
الألم ما ظنه يلجمها

طفت نار الكلب هسه و لا تهتم بعد للبين
_

گعد يمها أبو اليمه يلقنها ابمنيتها
و اهيه اتباوع الوجه كتبتله وصيتها
الهوه ظل صاعد ونازل محتاره برزيتها

تكله يا ضوه عيوني
امقصرة لو تشوفوني
بالمحشر اتركوني

امقصره خاف يوليدي و ما وفيت الك بالدين
___

بچه حسين بوصيتها يكلها ماكو أي تقصير
يكلها ولدج البطف. بوفاهم ناس راح اتحير
دره و عادة الدرة. وسط التاج دوم اتصير

يكلها يمه لتحيرين
ولدج بالدمه اموفين
واحدهم إليه امعين

و ابتشري يضي عيناي بعد كافي ولا تبجين
_

ابتشرت من شرح إلها. تكله يمه مشتاگه
حاجيني ينور العين. هم يحسين نتلاگه
بدليلي ناري مستعرة ودمعة عيني سباگة

يكلها نلتقي باجر
و ابويه واكف مناطر
و الكل بالسمه حاضر

لا تتأخرين اهواي و احنه الجيتچ امتانين
__

ماتت و الجنان ابساع فتحت بابها الها
وكف حيدر علي بالباب و الزهره تكللها
مشكوره اعله تربيتج العجبت هالخلك كلها

مثلج ما وفت مرة اب
و تضحيتج شكرها الرب
ابنج بالنحر عزب

انتي مثله لو بالطف بنحرج والله متبخلين





حسين الامين

#ليالي_ام_الوفاء_والبنين
___

بعد الطف بتلث اسنين
انفجعت آيه ... عالوفايه لمن ماتت
شگد مشتاگه اتشوف حسين
آخر مره ... بالليل السفره اهواي اشتاگت

و بهذا الإحساس ماتت ام عباس
___

اعتنه الموت و تشهدت عليمن دمع هلت
عجيبه
چبيره دمعه طاحت الولدها چنها ناحت
مصيبه

هاي ام البنين الضاله من دون البنين
مصيبه و الوحدها من اجه البين
چانت عدها اربع مو زلم چنهم كواكب
نطتهم فدوه راحوا دون الحسين

بلحظه لن وحدها اتصير
و تربايتها ... ما بخلتها لأبن الزهره
حگها ابهاي الساعه اتحير
ام الاربع ... منها المدمع عالخد يجره

و بهذا الإحساس ماتت ام عباس
_

حچت شفتها كلمه و لكن ما أفهمه
بالانفاس
اظن عبدالله گالت الابنها چا اشتاگت
يهالناس

ما تدرون بالطف جسمه متوسد التربان
وگع وبصف اخوته منذبح والراس عالزان
شلون امه تريده تدري أبنها هناك مقتول
يم حسين اخيه مندفن عبدالله عطشان

عبدالله بالطف مذبوح
ياهو صاحت ... المن نادت هاي الحيره
يفهم كلمتها المجروح
شنهو نطقت ... ياهو ندبت ايحل تفسيره

و بهذا الإحساس ماتت ام عباس
_

شفتها ادير العيون يمكن رايده عون
أبنها
لو جعفر تريده يجي ايوسدها بيده
أظنها

يا جعفر يجيها الموت أخذ من عدها الاولاد
و يا عون التريده بكربله بالروح هم جاد
يا وسفه تموت ام البنين ابعازة ابنين
يكفي لو فقط واحد حضر والفاطمه عاد

لا جعفر جاها لا عون
بهاي اللحظه ... آخر نبضه اتريد اموادع
راح اتموت امهم يدرون
چا ما حضروا ... ليش اتأخروا محد سامع

و بهذا الإحساس ماتت ام عباس
____

گرّب كلش الموت حچت بس خافت الصوت
سمعته
حرف واضح يهل الناس اكيد اتصيح عباس
ندهته

يبو فاضل الليله أم البنين اتريدك اتعود
ارجع يالوفي وفيت يم الشاطي العهود
آخر لحظه لمّك ارجعلها اتشوفك اتريد
ارجع يابو فاضل حتى لو من دون الزنود

آخر لحظه إلها اليوم
يابو الغيره ... بهاي الحيره وانته اتشاهد
يا عباس أرجع بدموم
أنظر لمّك ... چا متهظمك ابلايه واحد

و بهذا الإحساس ماتت ام عباس
_

بده يثگل حچيها و ارتفعت اديها
بونيني
گلت شنهو تطلبين گالت رايده حسين
يجيني

لحظه لن شفتها ابتسمت و فتحت الايدين
هلا يبني تگول و ماتت و آخر چلمتين
شكثر مشتاگه گالت لنها منها فاضت الروح
اكيد من الطفوف الها المسيه اتعنى الحسين

نادت يا يمه يحسين
يا أنفاسي ... هجرك قاسي شگد اذاني
مرتاحه بسد الجفنين
لا متبالي ... جاها الغالي كافي أتاني

و بهذا الإحساس ماتت ام عباس





حسين الأمين

#ليالي_ام_الوفاء_والبنين
_

المثلچ اتخلف محال تعجز كل النسه بعدچ
مو زلم جبتي جبال وقدمتيهم نذر ولدچ

گلتي لو الفين فدوه لجل حسين
وقدمتيهم نذر ولدچ
___

لبن رضعتي ولدچ لو وفه صافي
اصل الخوه چان بمنبعچ غافي
الكرم من تضحياتچ حگه گام ايغار
اشما تنطين گلتي هذا مو كافي

لو فرضنا بكربلاء انتي هم چنتي موجوده
چا مثل حامي الخِباء زنودچ گطعتي و زنوده

اچفوفچ اويه العين فدوه لجل حسين
وقدمتيهم نذر ولدچ
_

حكيمه و افتهمتي غاية التفسير
و مثلچ مرت ابو بالدنيه لا متصير
عرفتي و بيها وصيتيهم الاولاد
الميشيل الحسين بگلبه ما بي خير

گلتي لولادچ كلام يخجل كل الحچي يمه
لو اجه حسين الامام مو ايده قبلوا جدمه

بهايه متوصين فدوه لجل حسين
وقدمتيهم نذر ولدچ
____

ولدچ حيرت افكار هاي الناس
ومثل مريم اظنچ عندي هالاحساس
هزت جذع مريم و انولد عيسى
اظن هزيتي خيبر و انولد عباس

لو نساء العالمين من آدم لآخر الوادم
ما يجيبن والحسين واحد يشبه گمر هاشم

ماكو منه اثنين فدوه لجل حسين
وقدمتيهم نذر ولدچ
___

يا دره وسط كل تاج تگعد دوم
منزلتچ رفعها الخالق القيوم
عظيمه انتي زوجة حيدر الكرار
و كذلك أم صبحتي لـ ١١ معصوم

انتي سر من السماء يا أم الغيره و النخوه
منچ انصاغ الولاء بتربيتچ صارت الخوه

بكلشي متبخلين فدوه لجل حسين
وقدمتيهم نذر ولدچ
_

محد يدنه قدرچ محد يفهمه
اذ حسين ابعظمته ايصيحلچ يمه
بعتي ارواح ولدچ و اشتريتي الماي
خاف ابكربله يعطش ابو اليمه

انتي علمتي الكفيل فوگ امتونه يحط جربه
وگلتي يعطش مستحيل إلـ بحسين ارتوه گلبه

كلمتچ للحين فدوه لجل حسين
وقدمتيهم نذر ولدچ
_

رحتي بس رمز ظليتي للوادم
و مدرستچ خرج عن عدها چم خادم
الولد ما همتچ عدلين لو ميتين
كل همچ رضت لو ما رضت فاطم

صرتي رمز التضحيات يا اول رايه للخدمه
حتى من بعد الممات اسمچ ظل مقترن بسمه

رفعه بالدارين فدوه لجل حسين
وقدمتيهم نذر ولدچ
__




حسين الأمين