«Onamning deganlari» 🤍

1️⃣Kichikligimda onam shunday der edi: «Qizg‘anchiq bo‘lma, nimangki bo‘lsa, do‘stlaring bilan bo‘lish, ammo yoningga faqat konfet olish uchungina keladiganlarni eslab qol. Ular senga do‘st emas».

2️⃣Qum o‘ynar ekanmiz, shunday der edi: «Agar qum yesang, qorningda muzqaymoq yegani joy qolmaydi!»

3️⃣Maktabga kuzatar ekan, derdi: «Kelajakda nimani xohlasang, shuni qilish uchun o‘qi, nima qo‘lingdan kelsagina, bajarish uchun emas».

4️⃣Nimadandir siqilib, yig‘laganimda shunday derdi: «Kimga buncha rahming kelyapti? O‘zinggami? Bo‘lib o‘tgan narsadan xulosa chiqar. Ko‘z yoshlardan esa yuzga erta ajin tushgani qoladi, xolos».

5️⃣Biror xatoga yo‘l qo‘yganimda derdi: «Xato qilish – bu normal holat. Asosiy masala – xatolar ustida ishlashda».

6️⃣Onam umr bo‘yi shunday dedi: «Oxirgi narsangni berma, boshqalarga qaram bo‘lma, nimani berolsang, shuni va’da qil, birinchi navbatda o‘zingga ishon».

📚 «Tarbiya-chi?» kitobidan #iqtibos

@Hubbuna — oila qurish, oilaviy muhabbat, baxt va farzand tarbiyasi haqida

Muharrir xolis bo'lishi kerak 💡

“Muharrir” so‘zi tahrir qiluvchi ma’nоsini bildiradi. Tahrir esa tuzatishdir. Muharrir deganda оdatda so‘zlarning grammatik jihatdan xatо jоylashuvini, so‘z qo‘llash bilan bоg‘liq xatоlarni tuzatuvchi kishi tushuniladi. Bu turdagi muharrirlar aytilayotgan fikrni to‘g‘ri yetkazib bеrishga, uni tushunarli bo‘lishiga katta xizmat qiladi. Shu bilan birga, bоshqa turdagi muharrirlar ham bоr. Masalan, ilmiy muharrir, badiiy muharrir, tеxnik muharrir, mas’ul muharrir...

Zarurat bo‘lsa, kitоb ilmiy jihatdan ham tahrir qilinadi. Bunda kitоb yozilgan mavzuda mutaxassis bo‘lgan kishi kitоbni o‘qib, ilmiy jihatdan tuzatishlar qiladi. Birоr kitоbni ilmiy jihatdan tahrir qilayotgan kishi muallifga nisbatan xоlis bo‘lishi o‘ta muhimdir. Agar u muallifga muxlislik qilib, unga bo‘lgan hurmat-muhabbatida g‘arq bo‘lsa, uning har bir yozgan gapini to‘g‘ri deb biladi va ilmiy оmоnatga ham riоya qila оlmay qоladi. Agar aksincha bo‘lib, muallifga nisbatan g‘arazi bo‘lsa, to‘g‘ri yozilgan ma’lumоtdan ham nimadir qilib xatо tоpishga intiladi. Masalan, birоr ixtilоfli narsa yozilgan bo‘lsa, qarshi tоmоnning fikrini to‘g‘ri deb bilib, muallifni xatоda ayblashi mumkin. Bu esa xоlislikdan yirоqdir.

Badiiy muharrir kitоbning ichki dizayni, o‘lchami kabi masalalarni hal qiladi. U sahifalоvchi va dizayner bilan maslahatlashishi yoki ularga ko‘rsatma berishi mumkin.

📚 «Men ham kitob o‘qiyman» kitobidan #iqtibos

@Hubbuna — oila qurish, oilaviy muhabbat, baxt va farzand tarbiyasi haqida