#Savol: Assalomu alaykum. Mening yoshim 23 da, xo'jayinim o'zimdan 8 yosh katta. Ikkalimizning dunyoqarashimiz bir-birimizga to'g'ri kelmaydi, kundan kunga xo'jayinimdan sovib borayabman. Men xohlagan narsalarni berolmaydi, men bilan qiziqmaydi, biron mavzuda gap boshlasam, gaplashmaydi. Bunday holatda nima qilishni maslahat berasiz, ajrashish to'g'ri yechim bo'loladimi?

G'iyosiddin Yusuf:

— Va alaykum assalom. Bu holatda ajrashish yechim deb bilmayman. Orani isloh qilishga ikki tomondan harakat bo'lishi kerak. Umumiy qiziqishlar, o'zaro hurmat bo'lishi kerak. Istasangiz, ikkalangiz bilan onlayn gaplashib, ikki tomondan muammoni batafsil eshitib, yechim va tavsiyalar beraman.

✍ @Hubbuna — oila qurish, oilaviy muhabbat, baxt va farzand tarbiyasi haqida

Ayol kishi halovat bo'lishi kerak...

#Ayollar

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Assalomu alaykum. Savolim bor edi: oila qurishda juftimizning tashqi koʻrinishi qay darajada muhim? Unashtirilgan yigitim unchalik chiroyli emas, baʼzan undan koʻnglim toʻlmaydi, hayotimni xuddi yomondek his qila boshlayman, unga nisbatan baʼzan hech narsa his qilmayman, bunday holatda nimani maslahat berasiz?

G'iyosiddin Yusuf:

— Va alaykum assalom. Xulqi go'zal va boshqa sifatlari bo'lsa, chiroyi uncha bo'lmasa ham yashasangiz bo'ladi. Kishi o'ziga yaxshi qarasa, chiroyli kiyinsa, chiroyli bo'lib qoladi — yuzi qiyshiq, buzuq bo'lmasa.

Bu haqida oldinroq — unashtiruvdan oldin o'ylash kerak edi. O'shanda ko'nglingiz jiz etsa, rozilik berish kerak edi. Endi shu sababni deb unashtiruvni bekor qilmang.

#Oila_qurish

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Assalomu alekum bir yigit bilan unashilganman lekin unda koʻnglim yoʻq nima qilsam ham unga nisbatan iliqlik bolmayapti unashuvni bekor qilaylik xoxlamayman desam ota onam odamlar nima deydi degan gaplar bilan qoyishmayapti majburiy nikoh harom deb eshitganman buni ota onamga va u yigitga qanday tushuntirsam boladi?javob uchun olindan raxmat! Alloh rozi bolsin!

G'iyosiddin Yusuf:

— Va alaykum assalom. Ko'nglingiz bo'lmasa, boshidan rozilik bermaslik kerak edi-da. Endi ota-onangizga odamlarning gapi sizning hayotingizdan aziz emasligini, ular gapirsa, 3-4 kun gapirishini, odamlarni hech qachon rozi qilib bo'lmasligini, kishi odamlarning gapiga qarab ish qilishi xato ekanini ayting. Keyin hayotingiz o'xshamay ajrashib kelishingiz mumkinligini ayting.

Eslatma: men savolingizga ko'ra javob berdim. Ya'ni unashtiruvni bekor qilishga qaror qilib bo'libsiz, mendan bekor qilaymi deb maslahat so'ramadingiz.

Men yigit-qizlarga unashtiruvdan oldin aniq bir qarorga kelishlarini tavsiya qilaman. Mabodo, unashtiruvdan keyin jiddiy sabab chiqsa, uni bekor qilish mumkin, lekin jiddiy sababsiz bekor qilmagan ma'qul.

#Oila_qurish

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Assalomu alaykum. Siz bir savolim bor: men turmushga chiqmoqchiman. Lekin uning ammalari yurgan ekan. Onamlar sening ham bolalaringga oʻtishi mumkin deyaptilar. Bu qanchalik toʻgri?

G'iyosiddin Yusuf:

— Va alaykum assalom. Juda to'g'ri emas, ko'p narsa tarbiyaga bog'liq. Birinchi navbatda kuyov bo'lmishning xulqi rozi bo'ladigan darajada bo'lishiga e'tibor qilinglar. Hammasi yaxshi bo'lib, faqat shu muammo bo'lsa, turmushga chiqsangiz bo'ladi, biroq uning o'zi ham haminqadar bo'lsa, tavsiya qilmayman. Albatta, bu yerda o'zingizga qay darajada munosib ekaniga ham qarash kerak.

#Oila_qurish

✍️ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Men qizimni unashtirdim, lekin u xohlamayapti. Unashtiruvni bekor qilsam, qizimga isnod bo'ladi deb o'ylayapman.

G'iyosiddin Yusuf:

— Bu kabi savollar juda ko'p berilyapti. Iltimos, unashtiruvdan oldin aniq bir qarorga kelib, keyin harakat qilinglar. Ota-onalar, farzandlaringizning ko'ngliga qarang, iltimos. Yoshlar, ota-onangizning roziligi deb ruxsat berib qo'yib, keyin unashtiruvni bekor qilsam deb yurmanglar. Oila qurasizmi — quring, qurmaysizmi — unashtiruvga ham rozilik bermang! Ota-onangizga uzr aytib, rozilik bermang ular aytgan kishi bilan oila qurmoqchi bo'lmasangiz.

Savolga qaytsak, unashtiruvni bekor qilish qizingiz uchun isnod emas. Bir umr baxtsiz bo'lib o'tganidan ko'ra, bir-ikkita og'ziga kuchi yetmaganlar gapirsa, hech narsa emas. Ular gapi e'tiborga olinmaydigan, sharafsiz kishilardir!

#Oila_qurish

Izoh: unashtiruvni bekor qilish haqida boshqa savol bermaylik endi, uzr. Ko'p yozdik bu haqida.

✍️ @Hubbuna — oila qurish, oilaviy muhabbat, baxt va farzand tarbiyasi haqida

Senga birinchi tavsiyam shuki, jufting haqida yaxshi gumonda bo'l!

#Muammo

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Xo'jayinim ko'p holatlarda pul masalasida menga nisbatan kamxarjroqlar. Yetarli mablag'lari bo'lsa ham, yo'q deyishga odatlanmoqdalar, boshqa yaqinlariga ancha saxiylik qiladilar. Buni bilgan holda u kishidan xafa bo'lishga haqqim bormi yoki indamay rozi bo'laverishim kerakmi?

G'iyosiddin Yusuf:

— Yetarli ta'minotingizni qilib berayotgan bo'lsa, xafa bo'lmang. Kamchilik bo'lsa, so'rashga haqlisiz.

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Assalamu alaykum va rahmatulloh.

Turmush qurishda qiz bola uchun o'zidan bilimsiz odamni xohlamaslik tabiiy holatmi? Men ilm yo'lidan ketgim keladi va shu yo'lda harakatdaman, sovchilarni ilm jihatdan mos bo'lmagani uchun qaytarib kelyapman hozirgacha, lekin uydagilarim buni noto'g'ri tushunishyapti. Maslahat bering, iltimos.

G'iyosiddin Yusuf:

— Va alaykum assalom va rahmatulloh. Kuyov bola eng kamida o'zi uchun zaruriy ilmlarni bilishi kerak. Ilm yo'lida bo'lmasa ham ilmga muhabbatli, ilm o'rganishingiz uchun sizga sharoit qilib beradigan bo'lsin.

✍️ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Moddiy tarafi nol bo'lgan, lekin uylanishi kerak bo'lgan bo'ydoqlarga maslahatingiz.

G'iyosiddin Yusuf:

— Nafsini tiyish uchun barcha imkonni ishga solish bilan birga moddiy holatini yaxshilashga harakat qilsin.

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Erim menga xiyonat qildi, men kechirdim, hozir birgamiz, lekin qalbida o'sha ayolga nisbatan hali ham hislari bor. O'zimni bilmaganga olaman, lekin qalbim og'riydi. Namozlarimda o'zimga sabr va taskin so'rayman, lekn erimga ishonchim so'ngan.

G'iyosiddin Yusuf:

— O'sha ayolga nisbatan hali ham hislari bo'ladigan bo'lsa, ishonish qiyin, albatta. Turmush o'rtog'ingiz qilgan ishiga chindan pushaymon bo'lib, qattiq harakat qilish bilan yana ishonchingizni qozonishi mumkin. Siz esa duolaringizda shuni ham so'rang.

✍ @Hubbuna — oila qurish, oilaviy muhabbat, baxt va farzand tarbiyasi haqida

​​ — Men sizday qurumsoq odam bilan yashamayman. Mana, bergan uzugingiz...
— Qutichasi qani?

#Tabassum

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Assalomu alaykum. Ayol kishini qadrsizlik qiynaydi. Erkak kishiga qanday qilib buni anglashiga koʻmak berish mumkin? Ayol tushungan taqdirda ham u ham banda – mehr berib, unga vaqt ajratilishini, tuygʻulari ostin-ustun qilinmasligini xohlaydi. Bunday holatda qanday maslahat va yechim berasiz? Javob va eʼtibor uchun tashakkur!

G'iyosiddin Yusuf:

— Va alaykum assalom. Erkak qadrlamayotgan bo'lsa, ayolning nimasidir unga yoqmayotgan bo'lishi ham bir sababdir. Shuning uchun ayol o'zi va jufti o'rtasidagi munosabatlarni ko'rib chiqib, xatolari ustida ishlashini, o'zgarishini tavsiya qilaman. Shunday o'zgarsinki, eri qadrlay boshlasin.

Albatta, bu yerda erda ham kamchilik, qilishi kerak bo'lgan ishlar bor. Shuning uchun bu kabi masalalarni ikki tomonni ham eshitib, keyin tavsiya berish bilan hal qilish mumkin.

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Assalomu alaykum. Bir yigitni juda qattiq sevaman. U inson bilan oramizda hamma narsa boʻlgan (yaqinlikdan tashqari). Har qanaqa gap-soʻzlar, haqoratlar ham boʻlgan! Shunga qaramasdan ham u insonni hali ham sevaman. Qilgan ishlarimiz xatoligini tushunib, kelajagimiz uchun oʻqishimiz, ilm olishimiz uchun toʻgʻri yoʻlda yurishga qaror qildik va shu ishni qilyapmiz ham. Lekin oxirgi marta hol-ahvol soʻrab gaplashganimizda oʻtib ketgan voqealarni eslab, sen ham men uchun bir variantsan degan gaplariga rosa oʻylanib qoldim. «Seni sevaman, sensiz men uchun hayot hayot emas» gaplari qayerda qoldi, bergan vaʼdalari qayerda qoldi deb tushkunlikka tushib qoldim. Bolalarga nisbatan nafrat uygʻongandek his qildim oʻzimda. Ularni doim qanday boʻlsalar shunday qabul qilganman. «Sen variantsan» deganlaridan keyin ham "senga uylanaman, uy olaman, mashina olaman deb chet elga ketishdan yoki boshqa orzularingizdan voz kechmang, men sizni doim boringizcha qabul qilganman, meni tushunsangiz boʻldi, rizq Allohdan, hammasi oʻz vaqti bilan boʻladi deb yozsam «oʻlgim kelyapti, hech nima kerak emas», «orzularim yoʻq, xayr» deb yozdilar. Bu gaplaridan keyin qanday qarorga kelishni bilmayapman. Voz kechib boshqa insonni yuziga qanday qarayman deb oʻylanyapman. Voz kechib boshqa inson bilan birga boʻlsam ham uni qoʻmsab qolsam-chi deb oʻylab qolyapman. (mehribonliklarini, gʻamxoʻrliklarini, tabassumlarini). Agar uylansa, Allohga tavakkul qilib shu inson bilan oila quraymi deb oʻylab qolyapman. (Lekin opam shu insonga turmushga chiqsang, sen bilan begona boʻlamiz deganlar) Bunday vaziyatda menga nima maslahat berasiz? Nima qilishim kerak? Qanday qaror qabul qilishni bilmayapman.

G'iyosiddin Yusuf:

— Va alaykum assalom. Afsuski, qadringizni, sha'ningizni poymol qilib bo'libsiz. Endi uni o'ylamang, qilgan ishlarizga pushaymon bo'ling, takrorlamang. Taqdirizga yozilgani bo'ladi, u bilan aloqa qilmang.

✍ @Hubbuna — oila qurish, oilaviy muhabbat, baxt va farzand tarbiyasi haqida