SEVIMLI YOR BO‘LISH UCHUN ☑️

Do‘stim, zavjangizga sevimli yor bo‘lishingiz uchun sizga ba’zi narsalarni tavsiya qilaman:

😃 Tashqi ko‘rinishingizga bee’tibor bo‘lmang. Ko‘rkam ko‘rinish faqat ko‘cha, majlis yoki to‘ylar uchun emas, juftingiz yonida, uyda ekaningizda ham ko‘rinishingizga e’tiborli bo‘ling. Doim soch-soqolingiz tartibli bo‘lishiga ahamiyat qiling. Ayollar uchun bu muhim. Eskirib ketgan kiyimlardan voz kechishga og‘rinmang. Uyda bo‘laveradi deya begonalar yonida kiyishga xijolat bo‘ladigan kiyimlaringizda yuravermang;

😃 Bekorchilik, dangasalikdan chetlaning. O‘z oldingizga buyuk maqsadlar qo‘ying. Bu ayol kishiga yoqadi. U bilan kelajak rejalaringizning ba’zisini baham ko‘rib turing;

😃 Jiddiy bo‘lishning o‘z o‘rni, me’yorini biling. Ayollar qovog‘ini ochmaydigan, doim tund yuzli erkakdan bezib qoladi, shuningdek, biryo‘la hazil-mazaxdan bosh ko‘tarmaydigan erkakni ham hurmat qilishmaydi;

😃 Tilingiz va dilingiz bir bo‘lsin. Rostgo‘y, vafodor, omonatdor bo‘ling. Bir so‘zli, qat’iyatli bo‘lishingiz ham muhim. Hayot sinovlariga duch kelganda dovdirab, o‘zingizni yo‘qotib qo‘ymaslikka harakat qiling. Bu vaziyatdagi holatingizga ayol, albatta, e’tiborli bo‘ladi;

😃 Sergap bo‘lmang. O‘rni kelganda ko‘z qarashlaringiz, yuz ifodangiz munosabatingizni bildirishga yetarli bo‘lsin. Gapirganda so‘z ohangingizdan haqiqiy erkak salobati ufurib tursin;

😃 Hissiyotlaringizni jilovlay oling. Xususan, jahlingizni. Huda-behudaga jahli chiqib, qizishib, “o‘zini ko‘rsatadigan” erkakdan ham ayollar bezor. Ayniqsa, ayol hissiyotga berilganda erkak kishi aql bilan ish qilishi kerak. Xotin jahl qilganda er ham unga shunday javob qaytarsa, oila farovonligi, totuvligi qolmaydi. Hatto bunday oilaning buzilib ketish ehtimoli ham katta. Hazrati Umar bu borada: “Biringiz olov bo‘lsa, biringiz suv bo‘lsin”, – degan ekanlar. Ayol bo‘lsin, erkak bo‘lsin – shu ko‘rsatmaga amal qilishga harakat qilishi lozim;

😃 Oilangizning himoyasi uchun qo‘rqoqlik qilmang. Ayollar dovyurak, shijoatli, mard, jasur erkaklarni hurmat qiladi. Darhaqiqat, bu sifatlar erkak kishining erkakligini namoyon qilib turuvchi sifatlardir;

😃 Tartib-intizomli bo‘ling. Tartib-intizom barcha muvaffaqiyatlarning kalitidir. Ayol kishi turmush o‘rtog‘ining hayotda o‘z o‘rniga ega, ma’lum bir muvaffaqiyatlarga erishgan bo‘lishini istaydi;

😃 Unga bo‘lgan muhabbatingizni so‘z va amallaringiz bilan bildirib turing. Ayollar dil izhorlari eshitishni yaxshi ko‘radi, ba’zi-ba’zida romantikani ham kutadilar.

😀 «Asal oyi emas, asal hayot» kitobidan #iqtibos

Xarid qilish

@Hubbuna — oila qurish, oilaviy muhabbat, baxt va farzand tarbiyasi haqida

Kitoblarni yaxshi asrash haqida 🌷

🤩Savоl:
Kitоb o‘qiganda ularni yaxshi asrash uchun nimalarni maslahat berasiz?
😢Javоb:
Bu bоrada quyidagi tavsiyalarni berish mumkin:

🥸 Barmоqlarni ho‘llab kitоb o‘qishga оdatlanmang. Birinchidan, madaniyatsizlik, bu kitоbxоnga yarashmaydi. Ikkinchidan, kitоbingiz sizdan avval shu tarzda o‘qilgan yoki endi shunday o‘qilishi mumkin… 

🎵 Kitоbni bukmasdan o‘qing – hali bu kitоbni оila a’zоlaringiz ham o‘qishi lоzim.

❤️‍🔥 Оq varоqli kitоb ko‘ngilni ko‘taradi, ammо ko‘zingizni tez charchatadi, imkоn qadar sariq qоg‘оzda chiqarilgan kitоblarni o‘qishga harakat qiling.

💔 Katta, оg‘ir kitоblar tik hоlda saqlansa, kitоb varоqlari muqоvadan ajrab ketadi, bu hоlat katta kitоblar uzоq muddat tik hоlda saqlangandan keyin yuz beradi. Buning оldini оlishning yo‘llaridan biri kitоblar оstiga qalin fоlga sоlib qo‘yish.

💚 Sоtib оlayotgan kitоbingizni qattiq muqоvada bo‘lishiga e’tibоr bering, qattiq muqоvadagi kitоblar uzоq yashaydi.*

😊 Kitоbingizni hech qachоn quyoshda qоldirmang! Quyoshda qоlgan kitоbni suvi qоchadi va yirtiluvchan bo‘lib qоladi. Ustiga ustak yostiqday bo‘lib shishib ketadi. Ishоnmasangiz, vaqtingizni o‘g‘irlagan birоr kitоbda buni sinab ko‘rishingiz mumkin.

*Albatta, sahifalari kam bo‘lgan kitoblar yumshoq muqovada nashr qilinadi. Texnik nuqtayi nazardan 128 bet va undan oshiq hajmdagi kitoblarni qattiq muqovada nashr qilish mumkin. Lekin qattiq muqova ish jarayonining cho‘zilishiga, kitob narxining oshishiga sabab bo‘ladi. Shuning uchun zarur bo‘lmasa, ko‘p kitoblar yumshoq muqovada nashr qilinadi. Yuqoridagi tavsiyaga muvofiq ko‘p o‘qiladigan kitoblarni imkon qadar qattiq muqovada nashr qilgan afzal.

🌷 «Men ham kitob o‘qiyman» kitobidan #iqtibos

✔️ Kitobni xarid qilish

@Hubbuna — oila qurish, oilaviy muhabbat, baxt va farzand tarbiyasi haqida

Ruhiy bosim o‘tkazmang 🤬

✨ Bunday holatlar juda ko‘p bo‘ladi. Ayniqsa, yosh bolalarga nisbatan. Eng yomoni yoshi katta, aqlini tanigan insonlar tomonidan. Afsuski, ularning ko‘p qismi ota-onalar!

⏰ Agar siz farzandingizga shunday ruhiy bosim o‘tkazaversangiz, u sizdan sirlarini yashiradigan, xatolarini aytmaydigan, tushkunlikka tushib qolsa, sizga bildirmaydigan bo‘ladi. Bu esa hammasidan yomon!

🩹 Begona inson tomonidan shunday ruhiy bosim bo‘lsa, unutilishi mumkin. Ammo bolaning yaqinlaridan, ota-ona va oilaning boshqa vakillari, do‘stlari va ishongan insonlari tomonidan bo‘lsa, bu nafaqat bola uchun, balki yoshi katta inson uchun ham og‘irlik qiladi.

🌵 Zarracha umidi bo‘lsa, u ham so‘nadi. Ba’zilarni deyarli yashashga umidi qolmaydi. Shunday ruhiy bosim qilishdan avval, uning o‘rniga o‘zingizni qo‘yib ko‘ring. O‘zingiz qanday ahvolga tushar edingiz?

📚 «Tarbiya-chi?» kitobidan #iqtibos

@Hubbuna — oila qurish, oilaviy muhabbat, baxt va farzand tarbiyasi haqida