BEFARQ BO‘LMANG 🌷

Ayollar, jufti halolingiz sizdan biror mavzuda maslahat so‘rasa, o‘z bilim va tajribangiz, fikringizdan kelib chiqqan holda javob bering. Xato qilib qo‘yishdan qo‘rqsangiz, “Bu mening fikrim” deb eslatib qo‘ying, ammo “O‘zingiz bilasiz” deya javob qilmang. Agar u o‘zi bilganda sizga maslahat solmagan bo‘lardi.

Juftingiz biror narsasini topa olmay qolganda “Falon narsa qayerda?” desa, “Qayerga qo‘ygan edingiz?” demang. U qayerga qo‘yganini bilganida sizdan so‘ramas edi yoki qo‘ygan joyidan topa olmay, keyin sizdan so‘ragan bo‘lishi ham mumkin.

🌷 «Asal oyi emas, asal hayot» kitobidan #iqtibos

Xarid qilish

@Hubbuna — oila qurish, oilaviy muhabbat, baxt va farzand tarbiyasi haqida

Ota-onaning dardi... ⬇️

❗️Ota-onaning dardi dunyo bo‘lsa, farzandlarning ham dardi dunyo bo‘ladi.

⭐️Bolani qandaydir o‘quv markazlariga berib, oilada yo‘q narsani boladan kutish aqlga sig‘maydi. Bu xuddi yerga urug‘ ekmay, mo‘jiza kutishday gap!

⭐️Tasavvur qiling, ota-ona kechayu kunduz tele­fon­dan boshini ko‘tarmasa, televizor orqali be­korchi narsalar ko‘rib, vaqtini behuda o‘tkazsa, o‘zi namuna bo‘lmay turib boladan olim yasab olmoqchi bo‘lsa, qattiq adashadi. Chunki bunday muhitda o‘sgan bola, ota-onasidan ortib boshqacha bo‘lolmaydi.

📖 «Tarbiya-chi?» kitobidan #iqtibos

@Hubbuna — oila qurish, oilaviy muhabbat, baxt va farzand tarbiyasi haqida

FAROSATLI BEKA 🌷

Ayollar, kirlarni yuvganda sochiq, kiyim kabi narsalardan foydalanishga hech narsa qoldirmasligingiz to‘g‘ri emas. Bittadan bo‘lsa ham qoldirib, navbat bilan yuving.

Idish-tovoqlarni esa yuviqsiz holda ertangi kunga qoldirmasligingiz kerak. Uyni tartibga solish, tozalash ishlariga ham e’tiborli bo‘ling. Unutmang, bu kabi ishlar tozalik talabi va juftingizni xushnud qiluvchi bir vositadir. Erning muhabbatini jalb qilish faqat shu bilangina bo‘lib qolmaydi, ammo bularsiz ham qiyin.

🌷 «Asal oyi emas, asal hayot» kitobidan #iqtibos

Xarid qilish

@Hubbuna — oila qurish, oilaviy muhabbat, baxt va farzand tarbiyasi haqida

BOLANING PSIXOLOGIK EHTIYOJI 💪

➡️ Shaxsiy kuch
Ushbu psixologik ehtiyojni quyidagi so‘zlar bilan ifodalash mumkin: «Men borligimni bilishlarini va muhim his qilishlarini xohlayman. Men fikrimni tinglashlarini xohlayman. Menga tanlash huquqi berilishini xohlayman».

Ota-onalar nima qilishlari kerak? Bolaga allaqachon o‘z fikri, istaklari va his-tuyg‘ulariga ega bo‘lgan kichkina odam sifatida munosabatda bo‘ling. Iloji bo‘lsa, bolangizga tanlov bering: kichik bolalar uchun ikkita variant yetarli. Bolaning fikrini biling, undan maslahat so‘rang. Bu uning uchun juda yoqimli va uning qadri, ahamiyatini oshiradi. Bola gapirayotganda uning gapini bo‘lmang. Uning qo‘lidan hech narsani tortib olmang, balki uni qaytarib berishini so‘rang (agar bu xavfli narsa bo‘lmasa).

➡️ Ruhiy quvvat
Psixologlarning aytishicha, shunchaki yashash uchun bolani kuniga 4 marta quchish kerak; uning sog‘lom bo‘lishi uchun 8, o‘sishi uchun 12 martagacha qattiq quchish kerak ekan.

Muvaffaqiyatli, baxtli va o‘ziga ishongan bolani tarbiyalash uchun HAR oqshom:

✅ yotishdan oldin HAR BIR bolani o‘pishni va quchoqlashni unutmang;

✅ bu ishni avtomatik (hissiz) harakatga aylantirmang, televizorni o‘chiring, telefonni va boshqa narsalarni olib qo‘ying;

✅ farzandlaringizga yaqinlik lahzalarini bag‘ishlang, asosiysi miqdor emas, muloqot sifati;

✅ hikoya o‘qib bering, suhbatlashing yoki shunchaki birga bo‘ling. Shunda bola kunduzgi mashg‘ulotdan tungi dam olishga juda oson o‘tadi. Bundan tashqari, yotishdan oldin tinch va osoyishta muhitdagi suhbat bolalar va ota-onalar o‘rtasida ishonchni mustahkamlashga yordam beradi;

✅ chiroqni o‘chirishdan oldin farzandingizni o‘ping. Har bir bola uchun, yoshidan qat’i nazar, ota va onaning o‘pishi ular uni yaxshi ko‘rishlarini, qadrlashlarini va doimo himoya qilishlarini anglatadi!

🖇 «Bolamni yaxshi koʻraman» kitobidan #iqtibos

Xarid qilish

@Hubbuna — oila qurish, oilaviy muhabbat, baxt va farzand tarbiyasi haqida