Ba'zan bo'ydoqlar oila qurish uchun har jihatdan tayyor bo'lsa-da, ota-onasi uni uylab qo'yish haqida so'z ochmaydi. Shunday vaqtda yoshlar menga savol beradi:

– Oila qurishga tayyorman, ammo uydagilarga ayta olmayapman.

Videoda javob berdim. Bo'ydoqlarga ulashib qo'yarsiz.

#oila_qurish

✍ @Hubbuna — oila qurish, oilaviy muhabbat, baxt va farzand tarbiyasi haqida

Har kech jufti bilan rozilashadigan juftliklarga Allohning barakoti, rahmati bo'lsin!

"Mendan norozi bo'lgan holda uyquga ketmang!" deya juftining roziligini olgan ayollardan Alloh rozi bo'lsin!

"Ko'zlaring kulmasa, ko'zimga uyqu kelmaydi!" degan erlarni Alloh mag'firat qilsin!

#duo

✍ @Hubbuna — oila qurish, oilaviy muhabbat, baxt va farzand tarbiyasi haqida

UNUTMANG!

Maqriziy aytadi:
“Xotinimdan erta ayrildim. U yosh edi. Unga ko‘p istig‘for aytar edim. Bir kuni uni tushimda ko‘rib so‘radim:
– Ey Ummu Muhammad! Men senga yuborayotgan narsalar senga yetib borayaptimi?
Xotinim dedi:
– Ha, menga yuborayotgan hadyangiz har kuni menga yetib kelayapti!
So‘ngra yig‘lab dedi:
– Men esa sizni mukofotlay olmayman!
Men dedim:
– Yig‘lama, zarari yo‘q. Yaqinda uchrashamiz!”.

Ahboblaringiz vafot qilsa, ularni unutmang. Faqatgina jismlari ustidan tuproq soching. Ammo ruhlarini qo‘yib yubormang. Ularni duolarda eslang, sadaqalar qiling ular nomidan, ularga hadyalar yuborib turing.
Qabrlar vahshatlidir. Ularning ahli g‘urbatdadir. Ularga hamdard bo‘lib turing!

Abdulqodir Polvonov

#Ayollar #Erkaklar

✍️ @Hubbuna — oila qurish, oilaviy muhabbat, baxt va farzand tarbiyasi haqida

"Yomonlash va koyishning turli ko’rinishlaridan saqlaning! Ayolingizni o’zingizga yoqadigan yaqin qarindoshlaringizga taqqoslamang. Xotiningiz ham ularga o’xshashi va taqlid qilishi uchun ularni yuksak namuna qilib keltirmang".

Doktor Hasson Shamsiyning "Baxt ulashing" kitobidan #iqtibos

#Erkaklar

✍️ @Hubbuna — oila qurish, oilaviy muhabbat, baxt va farzand tarbiyasi haqida

Urish-janjal vaqtida bolalardan qurol sifatida foydalanmang.

#Muammo

✍️ @Hubbuna — oila qurish, oilaviy muhabbat, baxt va farzand tarbiyasi haqida

Aslida barchasi goʻzal xulq va davomiy duoda

Erkak kishining xulqida biror kamchilik boʻlsa, uni goʻzal holatda yetkazish ayolning vazifasi.

Ayollik iffatini saqlab, kamchiliklarni birga toʻldira olganlar – soliha ayol nomiga toʻlaqonli munosibdir.

#Ayollar

✍ @Hubbuna — oila qurish, oilaviy muhabbat, baxt va farzand tarbiyasi haqida

Oqila ayol qoidalari

3-qoida

📌 Eringiz ishdan kelishi bilanoq uning boshiga savollar, muammolar, topshiriqlarni to’kib tashlamang. Bog'cha puli, issiq suv puli-yu oyog'ingizga sarpangizda kelgan tuflini kiyib yurganingiz bormi, uyda sichqonlar ham ochlikdan qo'shnilarnikiga ketib qolgani bormi – hamma-hammasini keyinroq ayting!

Uyga kirar-kirmas bir dunyo diydiyo unga ranjish ketiradi, erkakda juda ham talabchan ayol bilan yashayotganday, hukmron “onacha” qo’lida qolganday tushuncha uyg’otadi.

📌 Yig'ib qo'ygan ro'yxatingizni erkak qornini to'ydirib, ozgina dam olgandan keyin aytsa ham bo'ladi. Bu qoidani ish zarur bo’lganda o’zgartirish mumkin, masalan, bola bemor bo’lsa.

#Ayollar

✍️ @Hubbuna — oila qurish, oilaviy muhabbat, baxt va farzand tarbiyasi haqida

Ketayotganimda shuni bilki, qolish uchun imkonimdagi barcha ishni qilgan bo‘laman.

Alisher Sultonxo'jayev

#Hijron

✍️ @Hubbuna — oila qurish, oilaviy muhabbat, baxt va farzand tarbiyasi haqida

Agar xotining "Hamma erkaklar ablah bo‘ladi!" degan bo‘lsa, u aynan seni nazarda tutgan, boshqa erkaklarni emas.

Ayman Yog‘iy

#Tabassum

✍ @Hubbuna — oila qurish, oilaviy muhabbat, baxt va farzand tarbiyasi haqida

Biringiz olov boʻlsa, biringiz suv boʻling

Oilada baʼzan kelishmovchiliklar boʻlib turishi tabiiy holat. Shu vaziyatda bir-birining diliga ozor berishdan hayo qilganlar, asli haqiqiy muhabbatlilardir.

Maqsadingiz aynan kimda ayb ekanligini topish emas, vaziyatni yaxshilash uchun zaboningizni nomaqbul soʻzlardan saqlash boʻlsin.

#Muammo

✍️ @Hubbuna — oila qurish, oilaviy muhabbat, baxt va farzand tarbiyasi haqida

Ayolingiz bilan birgaligingizda unga yaqinroq o‘tiring. Hissiyotlaringizni undan yashirmang, xijolatchilikni yengish uchun o‘zingizda kuch toping. Suhbat asnosida qo‘llaridan tuting. Atrofga qarab emas, ko‘zlariga boqib so‘zlashing. Samimiyatingiz, muhabbatingiz, g‘amxo‘rligingiz, e’tiborsiz emasligingizni nigohingizdan o‘qib olsin.

#Erkaklar

@Mubosharat

Rivojlangan davlatlarda eng ko'p ishlatiladigan so'zlardan biri "Uzr" va "Rahmat" soʻzlari ekan. Bu so'zlar oilaviy munosabatlarda ham eng muhim so'zlardan hisoblanadi.

#tavsiya

✍️ @Hubbuna — oila qurish, oilaviy muhabbat, baxt va farzand tarbiyasi haqida

Aytishlaricha, oldingi zamonlarda ona bolasini emizmoqchi boʻlsa "Bismilloh"ni aytgan, soʻng goʻdakni ulgʻayganda katta inson boʻlishini niyat qilib, unga koʻkrak tutgan.

Shijoatli jangchi, yo kuchli olim va yoki mahoratli yoʻlboshchi boʻlishini koʻnglidan oʻtkazgan. Shu tufayli ajdodlarimiz buyuk boʻlishgan.

Bugunda esa ayollarimiz bolalarini uxlatish niyatida emizmoqdalar. Shuning uchun ummatning katta qismi uyquda.

Xulosa oʻzingizdan.

Mubashshir Ahmad

#Ayollar #tarbiya

✍️ @Hubbuna — oila qurish, oilaviy muhabbat, baxt va farzand tarbiyasi haqida

Qachon uylansa boʻladi?

Erkaklar ahli ayollarini moddiy, ma'naviy va jismoniy tomondan taʼminlab qoʼyishi zarur. Albatta, har bir vaziyatda meʼyor va maqsaddan kelib chiqqan holatda.

Ayollar – erkaklarga berilgan omonat. Omonatdan esa bir kun so'ralamiz.

#oila_qurish

✍ @Hubbuna — oila qurish, oilaviy muhabbat, baxt va farzand tarbiyasi haqida

​​Ro'zg'or g'or ekan

U ichiga sizni shunday tortib ketadiki, bu yoqda romantika jamadonini sudrab onasinikiga ketib qoladi. Natijada er pul topib keladigan, ayol kishi esa bola-chaqa, qozon-tovoqqa qaraydigan, ovqat qil, kir yuv, xullas, uy ishlari bilan o'ralashib yuradigan insonga aylanadi.

Ikkovi urishmaydi, chunki unga vaqti ham yo'q. Erkak ham ayol ham birim ikki bo'lsin deb, bola, pampers, kasha, uy, mashina deb, uxlash uchun joyini bazo'r topib oladi.

Bularning hammasi o'z yo'liga, ammo oxirida qoladigani ham mana shu ikkovi, ya'ni er va xotin. Shuning uchun bir-biringizga vaqt ajratish uchun vaqt toping. Qimmat restoranlarga borishingiz shart emas. Ikkingiz borib somsa yeb keling, ko'chada qo'l ushlashib yarim soat aylanib keling. Juda bo'lmasa, bir piyola choy ichib, birga kino ko'ring, birga ovqat pishiring. Ammo bir-biringizni unutib qo'ymang.

Chunki aytganimday bari o'tib ketadi, qoladigan ikkingiz. Ikki vujuddagi bitta odamlar.

#Muhabbat

✍ @Hubbuna — oila qurish, oilaviy muhabbat, baxt va farzand tarbiyasi haqida

Har bir muvaffaqiyatli erkak ortida bir ayol turadi(mi?)

#Ayollar

✍ @Hubbuna — oila qurish, oilaviy muhabbat, baxt va farzand tarbiyasi haqida

Seni go'yo asrlardan beri sevadigandekman – ruhlarimiz "Al-Miysoq"da ko'rishgan bo'lsa kerak...

#Muhabbat

✍ @Hubbuna — oila qurish, oilaviy muhabbat, baxt va farzand tarbiyasi haqida