BOLANING PSIXOLOGIK EHTIYOJI 💪

➡️ Shaxsiy kuch
Ushbu psixologik ehtiyojni quyidagi so‘zlar bilan ifodalash mumkin: «Men borligimni bilishlarini va muhim his qilishlarini xohlayman. Men fikrimni tinglashlarini xohlayman. Menga tanlash huquqi berilishini xohlayman».

Ota-onalar nima qilishlari kerak? Bolaga allaqachon o‘z fikri, istaklari va his-tuyg‘ulariga ega bo‘lgan kichkina odam sifatida munosabatda bo‘ling. Iloji bo‘lsa, bolangizga tanlov bering: kichik bolalar uchun ikkita variant yetarli. Bolaning fikrini biling, undan maslahat so‘rang. Bu uning uchun juda yoqimli va uning qadri, ahamiyatini oshiradi. Bola gapirayotganda uning gapini bo‘lmang. Uning qo‘lidan hech narsani tortib olmang, balki uni qaytarib berishini so‘rang (agar bu xavfli narsa bo‘lmasa).

➡️ Ruhiy quvvat
Psixologlarning aytishicha, shunchaki yashash uchun bolani kuniga 4 marta quchish kerak; uning sog‘lom bo‘lishi uchun 8, o‘sishi uchun 12 martagacha qattiq quchish kerak ekan.

Muvaffaqiyatli, baxtli va o‘ziga ishongan bolani tarbiyalash uchun HAR oqshom:

✅ yotishdan oldin HAR BIR bolani o‘pishni va quchoqlashni unutmang;

✅ bu ishni avtomatik (hissiz) harakatga aylantirmang, televizorni o‘chiring, telefonni va boshqa narsalarni olib qo‘ying;

✅ farzandlaringizga yaqinlik lahzalarini bag‘ishlang, asosiysi miqdor emas, muloqot sifati;

✅ hikoya o‘qib bering, suhbatlashing yoki shunchaki birga bo‘ling. Shunda bola kunduzgi mashg‘ulotdan tungi dam olishga juda oson o‘tadi. Bundan tashqari, yotishdan oldin tinch va osoyishta muhitdagi suhbat bolalar va ota-onalar o‘rtasida ishonchni mustahkamlashga yordam beradi;

✅ chiroqni o‘chirishdan oldin farzandingizni o‘ping. Har bir bola uchun, yoshidan qat’i nazar, ota va onaning o‘pishi ular uni yaxshi ko‘rishlarini, qadrlashlarini va doimo himoya qilishlarini anglatadi!

🖇 «Bolamni yaxshi koʻraman» kitobidan #iqtibos

Xarid qilish

@Hubbuna — oila qurish, oilaviy muhabbat, baxt va farzand tarbiyasi haqida

BAXTLI OILA O‘LCHOVI NIMADA? 🌷
Oilaning baxtlilik darajasini unda muammolar yuzaga kelishi yoki kelmasligi bilan emas, bu muammolarni qanday hal qilayotganlari bilan o‘lchash mumkin. Chunki muammosiz, urish-janjalsiz hech bir oila yo‘q. Lekin baxtli, farovon hayot kechirayotgan oilalar ko‘p.

OILAVIY TOTUVLIK UCHUN 🌷
Oilaviy totuvlik uchun bir yaxshi gap o‘qib qoldim: “Tinch bo‘laman, baxtli bo‘laman desangiz, pashshadan fil emas, fildan pashsha yasang”. Yaxshi gap ekan! Ya’ni oradagi muammo va kelishmovchiliklarni kattartirib yubormang, qaytaga, katta kelishmovchiliklarni kichraytiring.

🌷 «Asal oyi emas, asal hayot» kitobidan #iqtibos

Xarid qilish

@Hubbuna — oila qurish, oilaviy muhabbat, baxt va farzand tarbiyasi haqida

Audiokitob tinglash 🎧

🌷 Ma’lumki, suhbatdоshni tinglash оdоbi bоr: uning gapini bo‘lmaslik, u gapirganda bоshqa narsalarga chalg‘imaslik va shu kabilar. Lekin bizda bu оdоblar yo‘qоlib ketmоqda.

Birоvning gapini оxirigacha eshitishga sabrimiz yetmaydi, nima demоqchi ekanini tushunganimiz zahоti gapini bo‘lamiz. Balki uning gapining davоmida bоshqa ma’nо bоrdir deb o‘ylamaymiz.

Audiоkitоblar tinglash bizga suhbatdоshni tinglashni ham o‘rgatadi. Uzоq vaqt gapirmasdan ham tinglash mumkinligiga ko‘nikma hоsil qilsak, suhbatdоshimizni ham tinglay оlamiz.

🌷 «Men ham kitob o‘qiyman» kitobidan #iqtibos

Kitobni xarid qilish

@Hubbuna — oila qurish, oilaviy muhabbat, baxt va farzand tarbiyasi haqida