Bolalar uchun nafs tarbiyasi 📝

🟡To‘rtinchisi: shirinliklarni haftada 1 kun yeyish.
Shokolad yeb o‘rgangan bolalarni birdaniga shokolad yemaslikka o‘rgatib bo‘lmaydi. Buni sekin-asta, lekin qat’iylik bilan bajaramiz. Farzandimiz bilan bu haqida, uning sog‘lig‘iga yetadigan zarar haqida xotirjam gaplashamiz, tushuntiramiz. So‘ng shokoladni haftada bir kun yeyishga kelishamiz va o‘zimiz ham shunga amal qilamiz.

Haftaning bir kunini faqatgina 1 dona shokolad yeyishga tayin qilamiz va o‘sha kun kelganda farzandimizga, albatta, beramiz, chunki o‘rtada sulh tuzilgan, uni buzishga esa haqqimiz yo‘q!

Yig‘lasa ham, baqirsa ham xotirjam va qat’iy ohangda unga kelishuvni eslatamiz. Aytgan gapimizda qat’iy va davomli turmasak, natija bo‘lmaydi. Shu yo‘l bilan farzandimizni ham nafs tarbiyasiga, ham va’daga vafo qilishga o‘rgatgan bo‘lamiz, inshaalloh.

📚 «Bolamni yaxshi koʻraman» kitobidan #iqtibos

@Hubbuna — oila qurish, oilaviy muhabbat, baxt va farzand tarbiyasi haqida

YAXSHI KO‘RGAN OVQATINI QILING 🥞

Ayollar, oilada er bilan maslahatlashib, ruxsat so‘rab qilinadigan ishlar bor, o‘zingiz hal qiladigan ishlar bor. Bir-birining o‘rnini almashtirib yuborsangiz, erkak kishiga yoqmaydi. Masalan, farzandingizning o‘qishi borasida maslahat qilasiz, lekin nima ovqat qilish haqida hadeb so‘rayverishingiz to‘g‘ri emas.

Siz juftingiz nima ovqatlarni yaxshi ko‘rishini bilib oling, imkon bo‘lsa, o‘sha ovqatlarni qilasiz, bo‘lmasa, masalliqqa qarab qilaverasiz. Shuningdek, u yoqtirmagan ovqatni qilmaslik imkoni bo‘lsa, qilmang.

📚 «Asal oyi emas, asal hayot» kitobidan #iqtibos

Xarid qilish

@Hubbuna — oila qurish, oilaviy muhabbat, baxt va farzand tarbiyasi haqida

UCH TOIFA AYOLLAR 📝

Juftiga munosabatidan kelib chiqib, ayollarni uch toifaga ajratish mumkin:

1⃣ Eshitmaydigan ayollar. Bunday ayolga juftining gapi ahamiyatsiz, uni eshitmaydi, itoat qilmaydi, qisqasi, uning bir tiyinlik qadri yo‘q. Tamomila erining boshiga chiqib olgan. Albatta, bunday ayol bilan yashash azob.

2⃣ Eshitadigan ayollar. Bunday ayol eriga itoat qiladi, uni eshitadi, undan maslahat so‘raydi, ruxsat so‘rab ish qiladi. Tashqaridan qaraganda hammasi risoladagidek, o‘zi ham o‘zidan qoniqadi, eng yaxshi ayolman deb biladi, ammo bunday ayol bilan yashash qiyin. Sababi unga aytmasang, o‘zidan bilib qilishi qiyin. Undan “Ko‘ylagim qayerda?” deb so‘rasang, “Qayerda yechgan edingiz?” deb so‘raydi. Qayerda yechganingni bilsang, undan so‘rashga ne hojat?! Bu vaqtda u qayerdan bo‘lmasin shimni topishga oshiqishi lozim edi.

3⃣ His qiladigan ayollar. Bunday ayol ko‘zlaringdan qalbingni o‘qib oladi. Unga bir og‘iz so‘z ila butun bir voqeani anglatish mumkin. Uning farosati kuchli bo‘ladi. Uning yoniga intilasan, suhbatlashib to‘ymaysan. U senga nima kerakligini har dam anglab, muhayyo qilib turadi. Shuning uchun bunday ayol bilan yashash rohat. Uni sevmoq, unga fido bo‘lmoq sharaf!

🤎 «Asal oyi emas, asal hayot» kitobidan #iqtibos

Xarid qilish

@Hubbuna — oila qurish, oilaviy muhabbat, baxt va farzand tarbiyasi haqida