*#مجزرة عائلتين~《05》*
*#بقلم~محبة~الغموض~🤎*
*♥︎ــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♥︎*‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‏( حصلت لحظة صمت لمدت ثلاثه دقايق بعدها اتكلم الشيخ حسن)
- والله يا ولدي انا ما بقدر اديك بتي اولا لأنها بتي الوحيده وانا داير اعرس ليها اليريحها وما يحوجها لي حاجه ويكون زول مكون نفسو وثانيا زي ما انت شايف حالكم يا ولدي كيف عشان كدا معليش بس ما بقدر اديك ليها
+ والله يا عمي بشيلها في عيوني ديل واريحها وكل حاجه دايرها بسويها ليها بس انت وافق يا عمي
- يا ولد انا ما حا اعيد كلامي وبتي ما بديك ليها عندك حاجه تانيه غير الموضوع دا قول ما عندك اتفضل اطلع من هنا
+ يا عمي والله بسعدها بس وافق عليك الله يا عمي
- تطلع بالتي هي احسن ولا اتصرف تصرف تاني ( وطردو من البيت)
عبدالله رجع البيت وكل حزن الدنيا فيهو ابوهو سالو يا ولد مالك بس هو ما اتكلم وطوالي مشى رقد في سريرو وقبل على الحيطه ونزلت دمعه حاره منو وقال في نفسو ( ياخ الله ياخد العيشه العايشها دي بسبب الفقر العايشين فيهو دا انا الليله اترفضت عشان ما عندي قروش ولا اراضي او مزارع.... ليه الدنيا ظالمه كذا ( وقعد يبكي وبعد ربع ساعه استسلم للنوم ونام)

- يا ساميه ولدك دا مالو تقول ختو ليهو هموم الدنيا دي في راسو
- والله ما عارفه... ما الصباح كان طالع ومعنوياتو مرفوعه ومبسوط ياربي هسي مالو
( وهم في كلامهم الطاهر اتذكر حاجه ما عملها)
- يا ساميه عندي شغله ما تميتها بمشي اتمها واجي
- طيب بالسلامه
( وطلع وهو ماشي على المزرعه سمع الرجال الكانو مع شيخ حسن بتكلمو)
+ هو بدل ما يمشي يتقدم ساي وعارف حالهم كيف ما يكون نفسو وبعدين يجي.. وبعدين كمان جا براهو ابوهو ما حا معاهو كيف يوافق
: بس كمان عبدالله دا راجل والله قبل ما يجي يتقدم انتو شايفنو في القريه ما شاء الله محترم الكبير والصغير.. هو زاتو حسن الله يهديهو ولد زي عبدالله دا الناس كلها بتتمناهو لبناتها وهو يرفضو.... غايتو الحمدلله

(هنا الطاهر عرف لي ولدو رجع البيت وزعلان وعلطول رجع البيت وكلم مرتو بالحاصل)
- سجمي يعني هسي هو مشى اتقدم لي بت الشيخ ورفضوهو
- والله يا ساميه انا الولد دا ما عارف اسوي ليهو شنو مع اني حذرتو وقلت ليهو ما تمشي غير ما تحرج نفسك ما حا تسوي حاجه بس ما سمع الكلام
- ربنا يهونها عليهو
_____

~في بيت شيخ حسن~
( كلم مرتو بالحصل كلو وانو اتقدم عبدالله لي سعاد وهو رفض)
+ والله يا حسن كان تسمع رأي بتك بدل ما ترفضو
- هسي انا ما داير كلام كتير... دايرك تمشي لي سعاد وتكلميها بالحصل وشوفي ردة فعلها شنو
+طيب
_____
~عند سعاد وامها~
+ والله يابتي الليله جا اتقدم ليك زول
- بجد يمه.... طيب منو الإتقدم لي
+ عبدالله ود ساميه
- ( سعاد طوالي صلحت قعدتها وبلهفه ردت على امها) اها وابوي قال شنو
+ والله ابوكي رفضو
- لي يا امي يرفضو ( وقعدت تبكي) يا أمي انا بحبو ومن زمان منتظره اليوم اليجي يتقدم لي فيهو ولمن يجي يرفضو
+ والله يا بتي ابوك هو الرفضو ما انا ( وقبل ما تكمل كلامها جاها صوت حسن وهو بيناديها) دا ابوك بيناديني انا ماشه ليهو ( وخلت سعاد بتبكي ومشت)

- اها قالت شنو البت
+ واله يا حسن قالت هي دايراهو ( وحكت ليهو الحصل)
- دايره بيهو شنو الولد... بس ما تكون غلطت معاهو وعشان ما تقول لينا دايره تغطي غلطها ( وبقى ينادي في سعاد) سعاااااد يا سعاااد
- خير يا ابوي
- يابت ما تكوني غلطتي مع الولد الإسمو عبدالله دا
- كيف تقول عني كدا يا ابوي والله ما غلطت معاهو
- طيب تقولي دايراهو لي
- انا بحبو يا ابوي ( وبقت تبكي) انا ما عايزه غيرو
- مش ولد الطاهر دا ما حا تعرسيهو... وتاني الباب دا ما حا تعتبيهو لحد ما يجيك عريس
- يا ابوي انا دايره عبدالله عليك الله يا ابوي
- يا نجاة اتصرفي مع البت دي قبل ما اتصرف تصرف ما يعحبها
( وساقت نجاة بتها من قدام ابوها)
_____

*بعد اربعه ايام وتحديدا يوم الجمعه*
(اتجهز فتحي وابوهو واعمامو ومشو صلاة الجمعه ورجعو اتغدو )
- يا ابوي بعد كدا نمشي خلاص
- اي يا ولدي.... نادي اعمامك ديل من جوه
- كويس ( ونادر اعمامو واتجهو على بيت شيخ حسن)
_____

~في بيت شيخ حسن~
( كلهم كانوا متجمعين في الحوش عدا سعاد في غرفتها وفي نص ونستهم الباب دق)

+ قومي يا نجاة ادخلي جوه وانت يا يحيى فضل الضيوف الجو الصالون انا هسي بجيهم
(ويحيى فتح الباب وإتفاجأ بالرجال الجو واول مره يشوفهم)
- السلام عليكم ورحمه الله وبركاته يا إبني كيف حالك
- وعليكم السلام ورحمه الله وبركاته بخير الحمدلله يا عمي..... اتفضلوا
- يزيد فضلك... دا هو بيت الشيخ حسن صح
- ايوا دا هو... اتفضلوا ( ودخلو جوه وفضلهم للصالون وشويه كذا الشيخ حسن جا سلم عليهم وقعد)
- والله يا شيخ حسن نحنا جينا من مدينة..... وعندنا اراضي هنا وولدي جا عشان يشوفها وشاف بتك وسأل عنها ونحنا هسي جينا نطلب يد بتك سعاد لولدي فتحي على سنة الله ورسوله
- والله يا...
- محمد.. اسمي محمد
- والله يا حاج محمد انا ما عندي مانع وبتي كمان ما حا يكون عندها وولدك ظاهر عليهو شخص خلقه واخلاق ما شاء الله
- اذا *على بركة الله*

*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★

*#مجزرة عائلتين~《06》*
*#بقلم~محبة~الغموض~🤎*
*♥︎ــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♥︎*‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏~بلسان سعاد~
سامعه ناس ابوي في الحوش بيتونسوا بس ما كان عندي مزاج أقعد معاهم بعدها امي جات داخله عندي وقالت لي انو في ناس جو بس ما بتعرف منو.... مرت زي حكايه ساعه الا ربع بعدها ابوي جا داخل عندنا وامي سألتو
+ ديل منو يا حسن
- ديل ناس جو من المدينه
+ وبتعرفهم من وين قال جايينك
- صح ما بعرفهم بس مع الوقت حا نعرفهم وحا *نبقى اهل*
رفعت راسي طوالي وسألت ابوي قصدو شنو من حا نبقى اهل... وجاني الرد الصادم
- ديل ناس جايين من المدينه وولدهم شافك وقال عاوزك وانا اديتو ليك
- لي يا ابوي تعمل كدا على الاقل تعال اسمع رأيي انا ( وبقت تبكي)
- يا بتي انا بسوي كدا لي مصلحتك وبعدين الولد الجا اتقدم ليك ما شاء الله عندو اراضي هنا وشغال في شركة ابوهو يعني ناس برجوازيين عشان كذا انا اديتك ليهم.... وبعدين انا ما جيت اخد رأيك جيت اوريك بس
+ لي يا حسن تبقى قاسي كدا في النهايه بتك هي الحا تعرسو ما انت... يبقى انت تشوف مصلحتك ولا تشوف سعادة بتك
- هوووي يا مره ما داير معاك محاضره وكلام كتير وانا ما جيت اخد راي اي وحده فيكم ولو كان ما بيهمني امرك يا سعاد ما كان جيت وريتك انو في عريس جاك كان تسمعي بس انك بقيتي مرت راجل

- عليكم الله خلاص كفايه... ممكن تطلعو تخلوني براي
+ هسي كويس يا حسن زعلت بتك
- خليها مش الزعله بتمشي وبعدين لمن تعرسوا وتعيش معاهو حا تعرف انو انا إخترت ليها الراجل الصح ( وطلعو خلو سعاد غارقه في همومها واحزانها)
_____
~بلسان عبدالله~
لمن رفضوني زعلت بس قلت مافي مشكله ما أستسلم واحاول مره تانيه بس انصدمت لمن عرفت انو جو ناس اتقدمو ليها وابوها وافق طوالي والعرس كمان بعد شهر.... بعد الخبر دا حسيت الحياة ما ليها طعم من دون سعاد ومن اليوم الإتقدمت ليها فيهو تاني ما شفتها..... بقيت قاعد في البيت بس وبقيت ما اطلع... اصلا اليطلعني شنو وانا اصلا كنت بطلع بس عشان اشوفها 💔 الله يصبرني على فراقك يا سعاد💔
_____
~بلسان فتحي~
ما مصدق انو ابو سعاد وافق علي.... ياخ والله ما مصدق سعاد كانت حلم جميل بالنسبه لي واتحقق مع انو ما كنت خاتي عيني عليها سنين ولا شهور... اسابيع بس ودخلت قلبي فيها قبول ما طبيعي... حددنا العرس يكون بعد شهر وسبحان الله الناس كلها بتقول شهر قليل بس انا كنت شايف الشهر دا زي القرن..... ومر الشهر بخيرو وشرو والليله انا في العربيه ماشي اجيبها من الكوفير... دخلت عليها وكانت مقبله وجهها على الجهة الثانيه اول ما قبلتها علي وشفتها شكيت انها تكون من سلالة البشر... الشفتها قدامي كانت ملاك ما بشر قربت اديها عين من شدة إنبهاري بي جمالها😂😂 ما شاء الله باركت ليها وهي كانت ساكته ومنزله راسها بس مسكتها من يدها ومشينا القريه لانو ابوها شرط انو يكون حفل الزفاف في القريه عندو🩶
_____

~بلسان سعاد~
حددو العرس بعد شهر... والشهر دا سبحان الله بمشي على مهلو لكن اول ما حددو العرس مرا زي ما بمر اليوم حددو العقد والحفله كلو يكون يوم الجمعه.... بعد ما صلت الناس الجمعه عقدو وجا داير يبارك لي بس انا قلت ما يبارك لي الا بعدين... شياطين الأرض كانت بتنطط حولي يعني لو جا داخل هسي حا انفجر فيهو عشان كذا أجلت... عملو حفلة الزفاف والناس كلها مبسوطه الا انا كنت مقهوره شديد.... بس مع قهري كنت بفتش بعيوني في زول.... زول اشتقت اشوفو واسمع صوتو... بس للأسف لحد ما انتهى الحفل ما شفتو... امي كانت بتوصي فيني وتبكي وانا كنت ببكي معاها ما بكى فراق وبس..... كنت ببكي قهر على الوصلت ليهو💔 ودعتهم ومشينا علطول للفندق

*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#مجزرة عائلتين~《07》*
*#بقلم~محبة~الغموض~🤎*
*♥︎ــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♥︎*‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏*بعد مرور سنه من العرس*

~بلسان فتحي~
(مرت سنه على زواجنا وكنت مبسوط شديد عكس سعاد الكنت حاسيها ما مبسوطه بس بتتظاهر بأنها مبسوطه..... بس ما مقصره معاي في اي حاجه واي حاجه بكون دايرها بلاقيها 🩶)

*صباح يوم جديد*
+ عبدالله قوم صلي الصبح الساعه سبعه جات عبدالله يا راجل قوم
- انتي قصدك عبدالله منو يا سعاد انا فتحي اسمي فتحي..... وعلى فكره دي ما المره الاولى ولا التانيه تناديني عبدالله..... نفسي اعرف سر الإسم دا شنو الخلاك تناديني دائما بيهو مع انو عندي اسم
+ والله يا فتحي ( وكانت متوتره) عبدالله دا بناديهو لي اي زول في القريه يعني بدل ما ننادي الراجل بي اسمو بنقول عبد الله وبدل ما ننادي المره بي اسمها نقول عبدة الله
- طيب من البداية ما تقولي كذا... وانا اقول البت دي مالها بتناديني عبدالله دائما..... يعني دي عادات في قريتكم
+ ايوا ايوا وانا عشان اتعوضتا انادي اي زول عبدالله عشان كذا.... هسي قوم صلي الصبح عشان تطلع على الشغل وانا بمشي لي جارتي فاطمه
- خير ان شاء الله🩶
_____

~بلسان سعاد~
صح اني ما حبيت فتحي ولا بحبو بس كمان ما بقدر اغير حاجه ولمن راجعت حساباتي لقيت انو فتحي ما عندو ذنب وهو جا اتقدم بس وابوي وافق.... بقيت بأدي كل واجباتي اتجاهو كزوجة بس عبدالله ما طلع من بالي ودا هو الشي الوحيد الما قادره اتغلب عليهو كل مره اجي دايره اكلم فتحي بدل ما اناديهو بي اسمو بقول ليهو عبدالله لحد ما سألني ليه بناديهو عبدالله ما عارفه الكذبه دي كيف جاتني بس قلت ليهو انو نحنا في القريه دي عادات عندنا والحمدلله مشت عليهو الكذبه والا لو كان عرف عبدالله دا منو وقال لي ابوي كان ابوي شرب راسي شوربه والله....... شربنا الشاي وفتحي طلع على شغلو وانا مشيت لي جارتي فاطمه اتعرفت عليها بعد ما سكنا في بيتنا بعد اسبوع وكانت ما اكبر مني بي كتير يعني انا ١٨ سنه وهي ٢٢.... فاطمه فيها قبول غير طبيعي ومن اول ما تقعد معاها تحس بي راحه نفسيه ودا هو الشي الخلاني احتك بيها🩷
_____

*في بيت فاطمه*
+ صباح الخير يا فطومه كيف اصبحتي ان شاء الله بخير
- والله تمام الحمدلله وانتي كيف اصبحتي
+ بخير الحمدلله
- والله يا سعاد ربنا عالم بي نيتي كنتا الليله دايره اجيك بس كمان خفت اجيك والقى راجلك ما مشى لسه عشان كذا قلت على الساعه تسعه كدا بجيك بس انتي سبقتني
+ مافي اي مشكله الايام في ولو ربنا حيانا بكره بعد ما راجلك يطلع تعاليني حياك الله في اي وقت ( بعدها سكتو زي دقيقتين بعدها فاطمه اتكلمت)
- يا سعاد يا اختي انا حاسه بيك ما طبيعيه الأيام دي مالك احكي لي
+ مافي اي حاجه يا فاطمه ما تشيلي هم
- ما علي يا سعاد انتي قاعده معاي سنه كامله وانا بعرفك زي نفسي اتكلمي وما تكتمي في نفسك فتحي عمل ليك حاجه
+ مافي حاجه يا فاطمه عليك الله ( وعلى وشك انها تبكي)
- انتي لازم تتكلمي يا سعاد عشان الموضوع لو عندو حلول نفكر في حلول ونحلو ولو ما عندو على الأقل تكوني فضفضتي وطلعتي الفي القلبك ( وهنا علطول سعاد بدت تبكي وفاطمه حضنتها وما قالت ليها اي حاجه وخلتها تبكي لمن براها سكتت)
+ طيب حا احكي ليك بس الموضوع دا حا نفتحو هنا ويتقفل هنا كأنو ما قلت ليك حاجه وعليك الله يا فاطمه مافي زول يعرف بالموضوع
- ان شاء الله..... يلا احكي
+ طيب كل القصه انو (وحكت ليها قصتها مع عبدالله)
- لا حول ولا قوه الا بالله ياخ والله ابوك بالغ يا سعاد في حقك..... صح انتي بتو الوحيده بس كمان قبل ما يعمل كدا كان يشوف سعادتك مع منو اذا هو بالجد بيحبك.... ربنا يربط على قلبك ويصبرك يا سعاد
+ امين يارب..... بس زي ما قلت ليك الموضوع دا مافي زول يعرف بيهو كأنو ما اتكلمت..... يلا بعد دا انا برجع البيت لأنو فتحي بعد دا قرب يجي وانا الليله ما طبخت حاجه
- خلاص تمام يا زوله لي بكره ان شاء الله ( وودعتها سعاد ومشت)
_____

*في مكان بعيد كل البعد كانت هناك محادثه بين شخصين*

- ايوا كل حاجه ماشه تمام يا استاذه
- كويس شدييد..... خلي عينك عشره عليها واي حاجه تحصل قولها لي
- امرك ( وفصل الخط)
- لسه نحنا في بداية اللعبه يا سعاد لانو بي سببك انا محرومه من كل حاجه ولو ما خليتك تعاني من العانيتو ما بيكون اسمي *سهاد*😈
_____

سهاد دي منو والكانت بتتكلم معاهو كمان منو ؟؟ وسعاد حرمتها من شنو؟ وعلاقتها بي سعاد شنو؟؟؟

*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#مجزرة عائلتين~《08》*
*#بقلم~محبة~الغموض~🤎*
*♥︎ــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♥︎*‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‏~عند فاطمه~
+ يا مره مالك الليله متمحنه تقول ختو ليك هموم الدنيا دي في راسك
- والله يا بدر بالي مشغول على سعاد جارتي ربنا يربط على قلبها
+ مالها كمان قالت ليك شنو لمن شيلتك الهم معاها
- اخخ يا بدر بحكي ليك لكن الكلام دا ما يعرف بيهو زول
+ انطقي شوقتيني اعرف الموضوع ( وفاطمه حكت ليهو القصه)
- دي هي قصتها المسكينه ربنا يربط على قلبها يارب
+ انتي هسي الدخلك في مشاكلها شنو وتقولي ليها تحكي ليك لي اذا اهلها ما حسوا بيها انتي منو عشان تحسي بيها هووووي يا مره ما تعملي لي فيها جايه من زمن الصحابه ودايره تحلي اي مشكله للناس.... نحنا ناس على قدر حالنا اما هم لو لي سعاد حقتك دي ابوها شيخ القريه يعني لو سمعوا الكلام دا منك حا ندخل في ستين داهيه وعادي الكلام لو طلع كذب يودونا ورا الشمس ولو لي راجلها فتحي زي ما شايفه ناس معروفين في المدينه وهمو كمان لو عرفوا ردت فعلهم ما حا تكون اقل من ردت فعل اهل سعاد عشان كدا فكينا منهم ووالله عارفنك زوله بتحبي الخير مافي داعي للإثبات
- اصلا الكلام معاك ما بيجيب فايده غلطانه انا القلت ليك ( ودخلت جوه وخلتو)
+ اي ازعلي واهدي وبعدين تعالي لأنو انا والله ما ناقص مشاكل
_____

*بعد مرور ١٢ يوم من الموضوع*

(بدر وفتحي حصلت بيناتهم مشكله والسبب انو فتحي و بدر اراضيهم جنب بعض بس فاصلاها حيطه صغيره وبدر اشترى غنم وبدل ما يخلي الغنم ياكل من ارضو بيوديها تاكل من ارض فتحي لحد ما فتحي عرف الموضوع وعمل مشاكل مع بدر )

ملحوظه: فتحي وسعاد وفاطمه وبدر ساكنين قريب من القريه وكل واحد منهم عندو ارض في المكان داك واراضيهم الزراعيه جنب بعض)

- طيب انت عامل ارضك دي عشان ترقص فيها وترقص غنمك... مدام ما داير تاكل الغنم من ارضك مشتريهم لي
+ دا غنمي ويأكل من الارض الهو دايرها انت ما خصاك
- والارض دي ما ارض ابوك عشان تقول غنمك ياكل من الحته الهو دايرها ولا انت زارعها فيستحسن انك تسكت.... الواحد زاتو ما عارف عامل في حياتو شنو عشان ربنا يبتليهو بي اشكال زيكم ( واشتد النقاش بينهم لحد ما بدر جاب موضوع علاقة سعاد بي عبدالله)
+ هو انت لو بجد راجل وعندك عزة نفس ما كان عرست مره بتحب ليها راجل غيرك
- احسن ليك يا بدر كل شي ولا مرتي سامع ولا لا....... وبعدين من وين ألفت القصه دي والله المفروض تكون مؤلف
+ انا ما بقول حاجه ما متاكد منها يا استاذ فتحي ( وحكى ليهو قصة سعاد وعبدالله)
- كذاب..( وطق اتذكر سعاد وانها دائما بتناديهو بي عبدالله والكذبه الكذبتها طوالي مشى بيتو وخلى بدر واقف ) سعاااااد.... يا سعااااد
+ ايوا فتحي خير ان شاء الله
- من وين يجي الخير والحي كلو عارف بي علاقتك انتي والأستاذ عبدالله وانا اخر من يعلم.... عبدالله دا بيكون حبيبك ولا لا
+ يا فتحي الموض.....
- انا ما قلت ليك داير تبرير عبدالله دا حبيبك ولا لا
+ ايوا هو حبيبي وانا عرستك غصبا عني
- طيب من البداية ليه ما اتكلمتي ( وكان في كرسي قدامو شلتو وسعاد كانت واقفه ومصدومه من البيحصل قدامها) لو اتكلمتي من البدايه على الاقل كان عرفت كيف احل المشكله... بس انتي فاضيه انك تقولي لي..... ما انا قاعد طرطور في البيت دا الا اسمع الكلام من الناس برا
+ طيب يا فتحي ليه ما داير تفهمني ( وبتبكي) هسي انت لو كنت مكاني كنت حا تسوي شنو؟ كنت حا تسوي اكتر من كدا
- ما داير كلام كتير معاك ومن هسي عشان ما نختلف انا ما بقدر اكمل معاك بعد العرفتو وانتي *طالق طالق طالق بالتلاته*
_____

*جزئيه معلقه ١*
( امي وابوي ماتو حسره عليك وبعد ما كملتي خمسه سنوات جايه تاني لي شنو)

*جزئيه معلقه ٢*
( يحيى ما تسوي كدا..... يحيى لاااااااااا)


*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#مجزرة عائلتين~《09》*
*#بقلم~محبة~الغموض~🤎*
*♥︎ــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♥︎*‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏( كدا بكون فصلتها من زوجها وابوها لو عرف ما حا يخليها..... ولسه يا سعاد الجاييك اكتر دي البدايه وبس😉)
_____

*في بيت شيخ حسن*

+ خلاص حرام عليك يا حسن البت دي بتقتلها كدا.... يا حسن خلاص خلي البت
- ما حاخليها سودت وشي مع الناس الله يسود وشها ( ومواصل ضرب فيها)
سعاد كانت بس بتعاين لي ابوها مصدومه وتقول في نفسها معقول دا ابوي ما قادره تبكي ولا تتكلم.... حسن واصل فيها دق لحد ما اغمى عليها بعدين مشى خلاها
+ ربنا حا يسألك من العملتو في بتك يا حسن ( وبتبكي) ما عافيه ليك حق بتي يا حسن ( وحسن ولا سألها قعد تقولي شنو طلع وخلاها)
_____

*في مكان اخر*
- يا ولدي سنه كامله ما داير تطلع من الغرفه دي... عشان خاطري يا ولدي اطلع
+ ما طالع يا ابوي خليني في حالي... الحياة بقى ما ليها طعم من دون سعاد
- حتى لو قلت لي انو سعاد اطلقت وحاليا قاعده في بيت ابوها
+😳😳 انت جادي يا ابوي ( وطلع من الغرفه طوالي ) متين حصل الكلام دا يا ابوي
- سمعت الناس بيتكلمو انو اطلقت حتى انا انصدمت
+ ياخ يا ابوي احلى خبر جبتو الليله ( كان مبسوط شديد وعينو فيها لمعه من شدة الفرح) ابوي انا طالع اسوق الغنم وأجي
- والله يا ولدي لو سعادتك مع سعاد انا حا اسوي المستحيل عشان اشوفك مبسوط
( عبدالله واخيرا طلع الشارع بعد سنه كامله كلها حزن وهم.... طلع مبسوط وطاير من الفرحه اي زول يشوفو يسلم عليهو والناس كلها ما عرفت عبدالله لأنو اتغير شديد... بقى ضعيف وشعرو بقى كتير وظهرت ليهو هالات تحت عينو زي الزول المدمن..... بس بعد ما عرف انو سعاد اتطلقت قال يغير نفسو ويمشي يتقدم ليها مره تانيه🩶)

*بعد مرور ثلاثه اشهر*

~بلسان عبدالله~
مرو تلاته شهور وانا كل يوم بطلع على امل انو اشوف سعاد بس نهائي ما طلعت لحد ما فقدت الأمل وقلت انو ابوها حا يكون ضبحها خلاص💔 بس في يوم من الأيام وانا قاعد ومدنقر راسي سمعت صوت بيقول لي: عبدالله... اشتقت ليك شديد🩷 انا دخلت في صدمه وقلت يمكن تخيلات ومن شدة ما اشتقت ليها قعد اسمع صوتها بس لمن قالت عبدالله انت سامعني انا رفعت راسي طوالي وكانت هي.... ايوا هي كانت بتعاين لي وتبكي ومن دون ما احس انا كمان بكيت معاها ومن غير سابق انذار حضنتها وكانت بتبكي بحرقه وانا كمان كنت ببكي معاها... وبعد ربع ساعه بكا اتكلمت

+ ما بتعرف يا عبدالله قدر شنو اشتقت ليك..... انا صح عرست بس العرس من غيرك ما سمح الحياة بقت ما ليها طعم من غيرك يا عبدالله ( ورجعت تبكي تاني)
- اشش خلاص حبيبتي ما تبكي واهو ربنا كتب لينا نجتمع مره تانيه.... والله يا سعاد انا في السنه الإنتي كنتي بعيده عني فيها اتعذبت شدييد انا ما بقدر من دونك يا سعاد ( ونزلت دمعه منو) ربنا ما يحرمني منك.... وانا ان شاء الله الجمعه الجايه حأجي اتقدم ليك مره تانيه والمره دي لو ما ادوني ليك بالغصب حا تكوني لي
+ وانا معاك في اي قرار تتخذو🩶
_____

~بلسان فتحي~
مرو تلاته شهور على طلاقنا ولي هسي ما قادر انسى الخيانه العملتها مع انو امي اختارت لي بت تانيه وانا عشان انساها وافقت من غير ما اشوف البت او اتعرف عليها...... مرت الأيام عاديه وجا يوم حفل الزفاف ومشيت عشان اجيبها وكانت الصدمه

- سعاد😳.... يعني انتي البت الإختارتها لي امي مرره تانيه.... انتي ما عندك كرامه يعني لا وبكل وقاحه واقفه قدامي بعد السويتيهو
- لو سمحت يا فتحي اولا انا العرفني سعاد دي منو.... وثانيا انا ما اسمي سعاد انا اسمي *سهاد* وثالثا لو انت اصلا ما متحمل انك تعرس موافق علي ليه
- انا آسف سامحيني ما كنت قاصد..... بس الصدمه مؤثره علي عشان كذا
- هسي ممكن نطلع الناس راجيانا بره
- ارح يلا
( وطلعوا مشو للصاله وتمت الحفله بخير و مشوا الفندق باتو فيهو واليوم الثاني سافرو لفرنسا)
_____

*صباح يوم الجمعه*

( لبس واتشيك وطلع سلم على امو وابوهو وطلب منهم يدعوا ليهو بالتوفيق...... وهو طالع اتذكر نفسو قبل سنه لمن مشى اتقدم ليها ورفضوه او بالأصح طردوه ودعا من كل قلبو انو المره دي اهلها يوافقو..... وقف قدام الباب واخذ نفس ودق الباب وفتح ليهو يحيى )

+ السلام عليكم ورحمه الله وبركاته
- وعليكم السلام ورحمه الله
+ الشيخ حسن موجود
- ايوا موجود...... بس معليش ما عرفتك
+ انا عبدالله الطاهر جاركم والجيت اتقدمت لي سعاد المره الفاتت
- اهاا... اتفضل ... وهو بقول في نفسو ( معقول دا عبدالله..... الولد اتغير شديد لدرجة ما عرفتو) وبعدها دخل البيت

(شيخ حسن جا وسلم على عبدالله وبعدوا طوالي عبدالله اتكلم)
+ يا عمي جيتكم المره الاولى ورفضتوني وهسي جيتكم مره تانيه... وانا داير اطلب يد بتك سعاد على سن.... ( وفجأة جاهو كف من حيث لا يحتسب)
- بكل عين قويه كمان جاي تطلب يد بتي.... ما اكتفيت انو بتي اتطلقت بس سببك لا وكمان جاي تطلب يدها... اطلع من بيتي قبل ما ارتكب فيك جريمه هسي وقسما بالله اقتلك وادفنك هنا ومافي زول يعرف... اطلع ناس ما عندها دم في وجهها ( وطردو للمره الثانيه وعبدالله لسه ما فاهم كيف هو السبب في طلاق سعاد بس ما ادى للموضوع اهميه وقال:
+ طيب يا عمي ما وافقت علي بالتي هي أحسن مافي مشكله شكلي حا استخدام معاك *طريقه ثانيه*
_____

*مكالمه هاتفيه بين شخصين*
- اسمع انا متأكده انو حا يجيك لازم تقول ليهو القلتو ليك وهو حا يسمع منك والباقي خليهو علي
- اعتبري كلامك اتنفذ
_____

الكانو بتكلمو منو والمتصله قالت شنو؟؟؟
كلو حا يتكشف في الجزء الأخير

*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏

*#مجزرة عائلتين~《10》*
*#الاخــــــــــــــــــــــــــــــيرة*
*#بقلم~محبة~الغموض~🤎*
*♥︎ــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♥︎*‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‏*~في مكان بعيد~
- والله يا عمر انا خلاص تعبت..... دي المره الثانيه امشي اتقدم ليها وابوها يرفضني
- والله يا عبدالله زي ما قلت ليك كلم سعاد واهرب معاها واتزوجوا وبعدين ارجعوا وختوهم في الأمر الواقع بس
- والله انا شايف الموضوع فيهو خطوره... بس حا أسوي المستحيل عشانك يا سعاد 🩶
_____

*صباح يوم جديد*
- سعاااد..... سعاااد
- ايوا يا عبدالله مالك
- اسمعيني قبل ما زول يجي يشوفنا ويعمل لينا مصيبه انا اتقدمت ليك يوم الجمعه و..
- وابوي رفض عارفه..... هسي انت حا تسوي شنو
- متأكده انك حا تكوني معاي في الحا اقولوا
- انا معاك في كل حاجه 🩶
- معناها على الساعه ١١ كوني جاهزه *حا نهرب من القريه*
_____
- شغلك تم يا استاذه بعد كذا الباقي عليك
- ما قصرت نهائي وقروشك حا تصلك😉 ( وفصلت المكالمه) اهربي ساي يا سعاد وعيشي حياتك لانو الجاييك صعب🤭

_____
*عند الساعه الحاديه عشر*
( بعد ما البيت كلو نام طلعت وكانت شايله معاها شنطه فيها شويه من ملابسها وحاجاتها المحتاجه ليها..... وصلت المكان الإتفقوا يتلاقو فيهو وطلعو من القريه)
_____

~بعد مرو خمسه سنوات~

+ يا ولد سالم تعال نوم بعد دا.... شوف اخوك سليم نام من قبيل ووفر دمو وانت السهر ما داير تخليهو
- بس انا داير انتظر بابا ما داير انوم🥺
+ بابا لو جا انا بصحيك هسي انت امشي نوم شاطر حبيبي
- خلاص تمام بمشي انوم لكن لمن يجي بابا صحيني
+حاضر حبيبي يلا امشي ( وباستو في خدو ومشى)

طيب تعالوا نفهم الحصل في الخمسه سنوات شنو
سعاد وعبدالله بعد ما هربوا مشوا مدينه.... واتزوجوا وعبدالله ربنا فتحها عليهو لقى ليهو شغل وشغال وربنا رزقوا بي سالم وعمرو ٤ سنوات وسليم ٣ سنوات وحياتهم ماشه حلوه شديد.... بس زي ما بقولوا الحلو ما يكمل
عبدالله رجع من الشغل وسعاد جهزت ليهو العشاء واتعشى
- العيال نامو خلاص
+ اي والله.... سليم دا ما عندو مشكله بنوم طوالي لكن سالم هو اليقول الا ينتظرك
- ربنا يحفظهم يارب ويحفظك انتي كمان ويخليك لينا يارب 🩶
+ ويخليك لينا يا غالي وما يحرمنا منك..... عبدالله بعد كدا ما شايف انو احسن نرجع القريه كملنا خمسه سنوات واكيد هسي بكونوا نسو كل حاجه ولو شافونا مع بعض وشافوا عيالنا يمكن قلوبهم تلين علينا ويسامحونا
- والله يا سعاد سبحان الله كنت داير افاتحك بالموضوع وانتي فاتحتيني.... ان شاء الله انا باخد إجازه من الشغل ونمشي ليهم وربنا يسهلها ان شاء الله
+ ان شاء الله ( ومشوا ناموا)
_____

*صباح الخميس*
( جهزت وجهزت عيالها وكانت متشوقه تشوف امها وابوها واهل القريه.... ركبوا العربيه وهموا مبسوطين وما عارفين الراجيهم شنو.... وصلوا الساعه ٢ الظهر ووقفوا قدام باب شيخ القريه.... ايوا بيت شيخ حسن ودقوا الباب وفتح ليهم ولد في عمر ٢٢ سنه وكان يحيى)
- انتي😠 الجابك شنو تاني
+ يحيى اخوي ( وعيونها كانو مليانين دموع وجات دايره تحضنو بس وقفها)
- لا ولسه عندك عين تجينا.... خمسه سنوات وما عارفه الحصل علينا شنو.... امي وابوي ماتو حسره عليك وبعد ما كملتي خمسه سنوات جايه تاني لي شنو ( وجاهو صوت من وراهو بيقول ليهو :
- دي منو يا يحيى
- دي حضرة اختك المصونه سعاد بعد ما امي وابوي ماتو حسره عليها وكملت خمسه سنوات جايه تاني
- كدي استهدى بالله يا يحيى... اتفضلي ادخلي يا سعاد
+ عباس 🥺
- ما داير معاك كلام.... وما عشان قلت ليك ادخلي معناتها مسامحك ( ودخلت سعاد وعبدالله واولادهم وسعاد كانت بتبكي لانو امها وابوها ماتو حسره عليها ومن معاملة اخوانها ليها)
- قايله نفسك منو يا سعاد بالسهوله دي جايه..... لالالا انتي كمان لازم تاخدي نصيبك ( وشال سكين ودخلها في جيبو ومشى ليهم في الصالون)
+ يحيى عليك الله سامحني يا اخوي بس انت شايف ابوي ما خلا لي اي طريقه غير الطريقه دي وانا سعادتي مع عبدالله..... ولو انت مكاني يا يحيى مش كان حا تسوي زي.... عشان كذا اتمنى انك تتفاهم.... ( وقبل ما تكمل يحيى جا عليها وطلع السكين وبدا يطعن في اختو)

- بي سببك امي وابوي ماتو.... وزي ما هم ماتو بي سببك انت كمان لازم تموتي( وقعد يطعن فيها لحد ما ماتت.... واولاد سعاد كانو بيبكوا وعبدالله من الصدمه ما قادر يعمل حاجه... وماهي الا ثواني معدوده ويحيى بقى يطعن فيهو هو كمان لحد ما مات وبدا يطعن في سالم كمان وفي اللحظه دي عباس جا داخل وشاف المنظر)
- يحيى دا شنو السويتو ليه قتلتهم ليه ( وعاين يمينو ولقى سليم بيبكي ويرجف من المنظر طوالي شالو وبقى يجري بيهو)
- تعال هنا يا عباس ( وبقى جاري وراهو)
- يحيى دا ولد صغير ذنبوا شنو عليك الله خليهو ( ويحيى لحق عباس وشال سليم وبقى يطعن فيهو) يحيى ما تسوي كدا.... يحيى لاااااااااا ( ويحيى خلص طعن من سليم وقبل على عباس وعلطول طعنو وماهي الا ثواني معدودة وعباس وقع على الأرض ميت.... ويحيى ما اكتفى بالقتلهم وبس... لا مشى لي ابو وام عبدالله وقتلهم كمان ومشى سلم نفسو للشرطه وسجنوهو لي يوم المحكمه وحكمو عليهو بالإعدام واعدموهو)
*وبكذا ماتت العائلتين عائلة عبدالله وعائلة سعاد..... بس كلكم حا تقولوا سهاد دي منو ودورها في القصه شنو؟؟ تعالو نشوف قصتها*
_____

سهاد بتكون بت شيخ حسن الكبيره.... ايوا ما تستغربوا بس هي اخت سعاد من الأب وبس..... شيخ حسن كان متزوج قبل ام سعاد مره اسمها ساره وجاب من ساره سهاد.... بس بعد ما سهاد كملت اربعه سنوات حسن شاف ام سعاد وحباها وقرر يترك ساره..... ساره دخلت في إكتئاب شدييد لحد ما فارقت الحياة وخلت بتها سهاد وعمرها ٤ سنوات..... ومن هنا سهاد كبرت وكبر معاها حقدها وقررت انها تنتقم من ابوها ومرة ابوها الكانت سبب في موت امها مع انو كل شي قضاء وقدر..... وما اكتفت انها تدمر حياة مرة ابوها وابوها بس قررت تنتهي من اخوانها كمان.... هي الخلت فتحي ينفصل من سعاد واتزوجوا..... بس كيف؟؟ ومافي زول عارف بي قصة سعاد غير أهلها وفاطمه؟؟ بإختصار سهاد هي فاطمه وبدر ما بيكون راجلها لا بدر واحد من الناس الكانو معاها في الخطه.... بعد ما انفصلت سعاد من فتحي مشت لي عمر صديق عبدالله تتذكرهوا؟ قالت ليهو انو يقول لي عبدالله انو يهرب مع سعاد لانها كانت متأكدة انو عبدالله حا يجي لي عمر..... بعد ما اتفقت مع عمر ونفذوا الخطه وبعد مرور الخمسه سنوات سهاد كانت مراقبه سعاد وعرفت انها حا تجي القريه عشان كذا طوالي مشت لي يحيى وعشان يحيى زول متهور ملت ليهو راسو على سعاد وانو سعاد ابوك وامك ماتو بي سببها وهو كمان سمع كلامها وقرر انو يقتل سعاد و عبدالله..... بس الشيطان لعب عليهو وقتل اسرتين بدل نفرين.... وكذا سهاد تكون حققت انتقامها
بس بعد سنتين من الحادثه اكتشفت الشرطه انو سهاد ورا الحاجات دي كلها وحكمو عليها بالسجن المؤبد🥱

النهايه🩶
_____

*دي اول روايه اكتبها واتمنى انها تنال إعجابكم🤎 واذا عجبتكم الروايه ان شاء الله الروايه الجايه بعنوان*
*الخادمه انتالين*🩷

مع تحياتي

*غموض*🤎
*ألـنـهـــــــأيــــــــــــTHE ENDـــــــــــــــﻬـﮧ'ة*

الان روايه #الامواج_الفيروزيه حصريا علي 📚رواياتي الوسام 3

https://www.tg-me.com/+QWl6saM-SrXQyJV0

حلقات يوميه #اكرر  حلقات يوميه

*#شتاء_العشاق《01》*❤️

*By:Hadeel_Nabil*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الهواء عليل والنسيم يداعب خصلات شعرها جلست لكي لا تفوت روعة مشاهدة الغروب..كانت تنظر الى السماء بكل اريحية نظرات اعجاب واضحة..وتتأمل لون السماء الذي يتحول تدريجيا للون الاحمر❤..ممسكة في يدها اليمنى جريدة وضعت الجريدة بكل هدوء في المنضدة وهي تنظر لاعلان لوظيفة لاكبر شركات الاعمال .. سرعان ما امسكت بسماعة الهاتف الارضي واتصلت بشركة ولحسن حظها حصلت على موعد..وضعت السماعة وهي تتأمل كوب القهوة الموضوع على المنضدة ويخرج منه دخان دليل على حرارتة..ظلت مستلقية طويلا الى ان سمعت طرق الباب فقالت:ادخل.
الخادمة:انسة ريل عاوزنك في الطابق السفلي.
ريل:حاضر اخبريها بأنني قادمة..خرجت الخادمة واغلقت الباب..سرعان ما تغيرت ملامحها للغضب..واخزت تردد في همس هل علي تلبيت رغبات اهل هذا المنزل ماذا تريد تلك المرأة مني؟! لا اريد الزواج اخبرتها بذالك.

خرجت من غرفتها بخطوات ثقيلة لا تريد النزول للطابق السفلي..مشت في ممر طويل علية سجاد بالون الاحمر و الاعمدة الضخمة المصممة بأحترافية و مطلية بالابيض نظرت الى الاسفل وكان حدسها يخبرها بأن هنالك شاب اتى لرؤيتها،،لم تكلف نفسها عناء الاجتهاد،،خرجت بشعرها الفوضوي تنتعل شبشب حريري ناعم وفستان اسود كأنها على حداد نظرت الى النجفة الكرستالية الضخمة التي تتلالا كقطرات المياة وتمنت ان تسقطها على رأس تلك المراة الحمقاء التي تريد تزوجيها،،نزلت من السلم اللذي علية سجاد فخم ممسكة بحافتة المصممة بأتقان فني يوضح براعة المصمم وغرامة للاشياء الفخمة،،وصلت الصالة وكانت الانظار عليها خصوصا زوجة ابيها التي غضبت من تصرفاتها الطفولية وحالتها الاقل من عادية كيف لها ان تفعل ذالك،،ابتسمت لها ابتسامة باهتة اللون مزيفة مصتنعة ثم قالت:اخبرتني خديجة انك طلبتيني،،ولم تكلف عناء النظر للشاب الذي يقابلها ولم تلقي له حتى السلام وتمنت لو يكون من النوع المتفهم ويعرف انها مجبرة.
سيدة{زوجة ابيها}:القي التحية على نادر واجلسي بقربي،،زهبت الية بخطوات كسولة واعين غائرة تدعي التعب وامدت يدها للمصافحة،،رد عليها الشاب التحية على مضدد واستغراب..وجلست بالقرب من زوجة ابيها.
سيدة:حبيبتي ريل هذا نادر صديق اخيك وجاء ليطلب يدك حبيبتي لقد كبرتي كثيرا عليك الزواج،،تخرجتي من الجامعة من سنة ونصف.
وقبل ان تقول شيئا واصلت سيدة:ساترككم لتتعرفوا علي بعض ارجو ان تتأقلما سويا،،زهبت سيدة وهي ترمق ريل بنظرات حادة مضمونها اياك ثم اياك والرفض..عمت لحظة صمت بين ريل ونادر ثم اخيرا قررت هي المبادرة بالحوار قائلة:اتمنى بأن ترفضني فأنا لا اريد زوجا ولا بيتا ولست مناسبة لاجلك فأنت شاب وسيم تستحق الافضل.
نادر:اريدك انت تقدمي لي اعذار لاقوم برفضك.
ريل:نادر،،ارجوك ان تفعل فلا استطيع انا الرفض سأقع في المتاعب
نادر:اي متاعب؟!

تمنت لو انها تخبرة انها تريد رفضة لانة يعمل بدوام كامل ومخلص كل الاخلاص لعملة،،في الحقيقة لم يكن هنالك سبب سوى انة رجل اعمال ناجح في حياتة وسوى انها لا تريد الزواج منه بتحديد رد عقلها مصحح او الزواج من مهنتة فنادر رجل من اسرة مرموقة كأسرتها تماما يدير مجموعة من الشركات باحترافية مطلقة وسيم المظهر ولكنها تخاف من الوسماء خصوصا ورجال الاعمال عموما وتكن للرجال جميعا بغض وكره،،ولكنها سرعان ما طردت تلك الافكار من راسها و قررت تغير اجابتها فردت قائلة:انت تعرف الاهل جيدا

سيلموني كثيرا سيقولون:{الشاب جميل،،مهذب}وغير ذالك.

نادر:استأذن الان لدي اجتماع بعد نصف ساعة من الان سأترك رقم هاتفي مع ماما سيدة او انا سأخذ رقمك من غيث الى ذالك الوقت فكري في الامر.
ريل:نادر ارجوك لا تفعل ذالك
ابتسم لها ثم قال:استأذنك عذرا..متجاهلا نظراتها المترجية في رفضها..نزلت سيدة ومبتهجة وقالت: بشروني هل تأقلمتا؟
نظر نادر الى ريل اثناء التحدث مع زوجة ابيها قائلا:نريد القليل من الوقت لنتعرف على بعضنا اكثر فالوقت ضيق ولدي اجتماع بعد قليل.
سيدة:افرحتماني ارجو ان يتم الزوج على خير.
نادر:ان شاء الله،،استأذنك امي.
سيدة:لما العجلة؟!اجلس قليلا.
نادر:اعتذر حقا،،لدي الكثير من العمل،،قد سرقت قليلا من وقتي لاجل {السنيورة}.
سيدة:حسنا،،اوصل سلامي لاهل بيتك.
نادر:سافعل بأذن الله.
خرج نادر رافقتة سيدة الى الحديقة الامامية و ودعتة واتت مسرعة الى ريل غاضبة منها حد الانفجار ثم قالت: هل جننتي؟! حتى اتيتي بهذا المنظر الم يكن بأمكانك ترتيب شعرك وضع القليل من الحمرة الم تستطيعي غسل وجهك تبدين مثل العجوز الخرفة،،الا يكفي بأني اصرف عليك من مالي؟! هذا اخر رجل ان لم يرضى الزواج بك فستصرفين على نفسك حتما،،حمقاء.

كانت ريل هادئة تستمع الى كلمات زوجة ابيها الجارحة التي لمست شيء ما في قلبها،،لسبب ما كانت تكره ابيها منعزلة عن العالم في غرفتها فلم تتودد لاخواتها الثلاثة التي تكبرهن ولا لاخيها التي تكبرة بسنتين..HN
--------------------------------------
---------------------
*☆نتــــــــــــــــلاقيH. N☆☆*