Режиссёр Валишер Юнусов оналаримизга бағишлаб ажойиб шеър айтибдилар.

Оналарингиз тирик бўлса, уларни қадрига етинг, ҳар тонг дуо олишни унутманг, булар ҳам ғанимат онлар.

tme.to/tentakminds #mothersevgiforever

​​Уолтер Айзексоннинг "Стив Жобс" китоби учинчи марта нашрдан чиқди. Бугун сизга айнан нима учун шу китоб зарарга сотилиши аниқ бўлсада, таржима қилиб чоп этилиши учун охиригача курашганлигимни айтиб бермоқчиман.

Ман 2013 йил Францияда «Халқаро алоқалар» факультетида ўқирдим. Ҳаётда энг катта орзуйим ўша вақтда Ташқи ишлар вазирлигида ишлаш ва қайсидир Европа давлатида элчи бўлиш эди. Бошқа томондан хаёлдан қайта-қайта Францияда қолиш режаси ҳам ўтарди. Кейин, қўлимдан бирин-кетин учта китоб ўтди ва қатъий тарзда Ўзбекистонга қайтишга қарор қилдим.

Ўша учта китобдан биттаси Уолтер Айзексоннинг “Стив Жобс” китоби эди. Шу китоб мени дунёга тадбиркор кўзи билан қарашга мажбур қилган ва китобни ўқиб тугатган вақтимда энди фақатгина тадбиркор бўлишим мумкинлигини ҳис қилганман. Шу китобсиз балки "Asaxiy UZ" лойиҳаси ҳеч қачон пайдо бўлмасди.

Эсимда бор, китобни ўқишимга Франциянинг France O телеканалида Стив Жобснинг ҳаёти ҳақида намойиш этилган ҳужжатли филм сабаб бўлганди. Фильмдан сўнг, Стив Жобс ҳақида Googleдан маълумотлар қидириб бошладим ва бир неча ойдан бери New York Times бестселлерлари рўйхатидан тушмаётган Стив Жобснинг биографиясига дуч келдим. Китобни харид қилиб француз тилида ўқиб бошладим.

Китобни манга бошқача таъсир қилгани, баъзи жабҳаларда Стив Жобс билан ўхшаш эканлигимиз бўлди. Масалан, Стив Жобснинг ота-онаси ташлаб, бутунлай бошқа ота-она катта қилган бўлса, мани ҳам отам 3 ёшимда оламдан ўтиб онам ва бобом катта қилишганди. Манда ҳам мана шу етимлик характеримга жуда кучли таъсир ўтказган, мактабда яхши ўқишимга ҳам манимча айнан шу сабаб бўлган. Чунки доим ўзимни бошқалардан кам эмаслигимни исбот қилишга ҳаракат қилганман ва вазиятдан чиқиб кетишни ягона йўли яхши ўқиш деб билганман.

Ота-онаси томонидан ташлаб кетилган Стив Жобс бир кун келиб ўзи орзу қилганидек дунёни ўзгартиришига кимдир ишонган бўлсами? Бугун деярли ҳаммамиз Стивни улкан таланти эвазига дунёга келган смартфон, планшет ва компютерлардан фойдаланамиз. Унинг ҳаёти давомида замонавий технологиялар соҳасида қилган «революциялари» инсоният ҳаётини бутунлай ўзгартирди, уни осонлаштирди.

Лекин, у ўз-ўзидан Стив Жобс бўлиб қолмаган. Умрининг охирига етиб келганда, рак касаллиги туфайли дастлабки операциясидан чиққан Стив Жобс фарзандлари, атрофидагилари уни, унинг кечинмаларини, ўйларини яхшироқ, борича тушунишсин учун “Time” журнали редактори Уолтер Айзексондан ҳаётлиги вақтида унинг биографиясини ёзишни илтимос қилади. Ушбу ғайриоддий талант эгасининг ҳаётини 40дан ортиқ одамлар билан қилинган интервьюлар, тарихий маълумотлар, Стив Жобс билан суҳбатлар асосида Уолтер Айзексон унинг ўлимидан кейин чоп этди.

Ушбу китобнинг менга ёққан жиҳатларидан бири Стив Жобсни борича талқин қилинганлигидир. Аслида, Стив Жобс ҳаммамиз каби оддий инсон бўлганлиги, у ҳам ҳаётдаги камчиликлардан ҳоли бўлмаганлиги, ҳаётда идеал инсон аслида йўқлигининг яна бир исботидир. Муҳими ҳар қандай лаҳзада ҳаётдан гўзалликни излаш, иштиёқ ва меҳнат инсонни бахт сари элтиши мумкинлигига Жобснинг ҳаёти ёрқин мисол бўла олади.

Менимча, китоб бизнесга энди қадам қўяётган талабалар, тадбиркорлар, раҳбарлар, дизайнерлар, умуман ҳаммамиз учун ажойиб «ҳаёт дарсидир».

Хуллас, бугун китобни қайта-қайта қўлга ола туриб, китобни ўзбек тилида чиқиши учун охиригача ҳаракат қилганлигимдан яна ва яна хурсанд бўламан. Китоб қайсидир юртдошимизнинг дунёқарашида ниманидир ўзгартиришига, қайсидир юртдошимизни тадбиркор бўлишга ва яна кимнидир ўз севган ишини чин кўнгилдан қилишга ундашига ман ишонаман.

Бир китоб инсон ҳаётини ўзгартириши мумкинми? Бошқаларни билмадим, манда мана шу китоб ҳаётимни ўзгартиролган. Балки, ўша вақтда шу китобни ўқимаганимда ҳозирда Францияда яшаб, қайсидир француз компаниясида ишлаб юрган бўлар эдим. Балки, костюм-шим ва галстукда давлат ишхонасида ўтирган бўлар эдим. Китобни айнан керакли вақтда ўқиб қолганлигим бўлса фақат ва фақат омадимдир.

Чин кўнгилдан #тавсую

https://www.tg-me.com/allaevuzb

Премьера бошладим

Жасорат!

Айтишларича, Х-вариант ёдлатиш бошланиб кетибди. Кўпчилик коттакон ўқитувчилар 500-1000$ атрофида пул олиб Х-вариант ёдлатишга киришиб кетишибди.

Схема ўша-ўша, ўқитувчи ўзи ёки шогирдларини ДТМга эксперт қилиб киритади, бутун йил давомида тест тузиш жараёни тестлар битта-битта чиқиб келаверади ва охирида мана шундай соққа қилинади.

Таклиф: Келинг, бу ишга бутун жамият бўлиб биргаликда курашамиз, ДТМ бу иллатни йўқота олмайди, чунки бошқача тизимни ўйлаб топа олмайди.

Қандай курашамиз?

Сиз бу ишга алоқадор кимни билсангиз ёки шундай иш қилаётган ўқитувчи, ўқитувчилар жамоаси ҳақида билсангиз, хабар беринг, уни барча блоггерлар, каналлар орқали жамоатчиликка олиб чиқамиз, халқ ўз “қаҳрамонларини” таниб қўйиши керак. Сиз билан биз бу иллатга қарши курашмасак, эртага ўша х-вариант ёдлаб ўқишга кирган думбуллар сиз билан бизни бошқаришга тушади, натижа эса кимнингдир ўлими билан тугайди. Бу ўлим айнан сизга алоқадор бўлиши мумкин.

Жим турманг, қўрқманг, келажак авлод сизни кечирмайди, ҳеч бўлмаса, ўшалар учун қўлингиздан келганча жанг қилинг.

Келажак авлод сиздан жасорат кутади.

P.S. Менга [email protected] орқали мурожаат қилишингиз мумкин. instagram.com/tentakminds орқали директга ҳам мурожаат қилишингиз мумкин.

Барча блогер дўстларим, танишларим, умуман ўз фикрини қўрқмасдан баралла айта оладиган ёш-у қарини бу иллат билан курашга чорлайман.

@tentakminds #dontkeepjimjitlik

Маданият соҳаси вакиллари яхши ташаббус бошлашибди. Карантин сабабли эътибордан четда қолган касбдошлари ҳолидан хабар олишмоқда.

Шунчаки пинҳона... шунчаки пиардан холи...

Мавлуда опани мана шундай хайрли иш устида учратиб уйга таклиф қилсам йўқ демадилар. 😊

Респект санъат аҳли!
@hamzajumayev

Карантинигаям, тестигаям, коронавирусигаям...

Болалар барибир ростини айтишади. Ота-она уларга кўп вақт ажратадими, телефонигами? Агар телефонга кўп вақт ажратсангиз, карантинда буни тўғрилашга имкон бор...

https://youtu.be/T4W4IzbXUkU

www.tg-me.com/bobur_bobomurod

Мана, яна карантин. Ҳамма уйида. Лек қурилишлар тўхтагани йўқ (худди аввалги 3 ойлик карантин пайтидаги каби). Майли, ҳозир гап бу мавзуда эмас.
Демоқчи бўлганим йўллар яна нисбатан бўш. Модомики бошқа қурилишлар тўхтатилмаган бўлса, айни пайтда йўл қурилишини олиб боришга нима тўсқинлик қилади?! (олдинги карантинда ҳам бу ҳақда ёзгандим).

Ps. Суратни ўзи гувоҳи бўлган ҳолат бўйича камина олган. Тўғрига (суратда ўнг томонга) ўз йўлида ҳаракатланиб кетаётган (маълум бўлишича ижарага олинган) "Дамас" ҳайдовчиси йўл ўртасидаги чуқурдан қочмоқчи бўлиб, тормозни босади. Машина айланиб кетиб, ҳайдовчи ўтирган томони билан йўл четида қолдирилган яп-янги (маълум бўлишича ҳали кредити тўланмаган) "Ласетти"нинг ён орқа томонига зарб билан урилади... Воқеа куппа-кундузи серқатнов катта йўлда ("Юнусобод" бозоридан Себзор томон йўналиш) юз берди. Менимча, ушбу йўл-транспорт ҳодисасида йўл ҳолатига масъул ташкилотлар (масалан, ҳокимлик) ҳам айбдор.
Яхшиям йўл четида одам йўқ эди...

@bobur_bobomurod

O'zbek tadbirkorlari orasida TRENDGA aylangan 5 ta kitob

1. Biznesda xodimlarni boshqarish va sotuvlarni oshirish;
2. Biznesda marketingni to'g'ri yo'lga qo'yish;
3. Biznesda avtomatlashitirish va sistemalashtirish;
4. Biznesda pullarni to'g'ri boshqarish;
5. Biznesmen psixologiyasi

Javon - qaror qabul qiluvchilar uchun sara kitoblar

Instagram | Telegram

Сиз ҳам шундай ҳолатга гувоҳмисиз? Ботга ёзинг.
@hamzajumayev

Ўзбекнинг яна бир донишманди, ҳақиқий жонкуяр фарзанди, ёзувчи Шукрулло охират сафарига кетди... Аллоҳ раҳмат қилсин! Яқинларига сабр.

@hamzajumayev

- Yosh bolalarim bor, meva ham olib kelib beringlar…
- Iloji bo‘lsa bir quti sigaret ham…
- Uy xayvonlari uchun ham ozuqa “zakaz” bersak bo‘ladimi?
- Mol go‘shtimi, qo‘y go‘shtimi?...
Yuqorida so‘ralayotgan narsalarsiz ham, hayot kechirish mumkin!

Liniyani behuda band qilmang! Iltimos, kim uchundir o‘ta muhim bo‘lgan vaqtni bekorga sarflamang!

(2020 yil 14-iyul kunidan boshlab "1197" Call markazi qayta faoliyatini boshlaganini eslatib o‘tamiz)

Ijtimoiy rolik Yoshlar ishlari agentligi Toshkent shahar boshqarmasi axborot xizmati tomonidan tayyorlandi.

https://www.tg-me.com/yoshlar_agentligi_rasmiy

Одатдагидек, якшанба 19:00 да яна болалар ички дунёсига назар соламиз. Бу гал депутат, ҳоким, маҳалла раислари ҳақида гаплашдик.

Ю туб каналимга обуна бўлинг ва «Кичик катта суҳбат» ларни кузатинг!

https://youtu.be/f62zMeGm4OI