ابوذيه بحق الإمام الحسن العسكري ع🔹
ألم فگدك حزن جتال هدنه
مثل بركان ما فد يوم هدنه
ابد ماننطي للظلام   هدنه
عهد يل عسكري وي ابنك سويه
الشاعر،، هادي الساعدي

ابوذيات بحق رسول الله ص 🌹
طاهه ابدعوته الأمه هداهه
و للإسلام كل روحه  هداهه
هد الظلم وعروشه هداهه
رحمه من الإله لهل البريه
🔹🔹🔹🔹🔹🔹🔹
محمد هو ملهمنه وابينه
غيره ابد ما ردنه وابينه
گال الأمر من بعدي ابينه
مولاكم علي حامي الحميه
🔹🔹🔹🔹🔹🔹🔹🔹
منو غيره عرج لله وأسره
ابهواه جنينه كل احنه واسره
وصرنه اخوان في حبه واسره
ابونه المصطفى سيد البريه

ةالشاعر،، هادي الساعدي

افراح قصيده بحق رسول الله محمد ص🌹
الحمد لله والشكر  بزغ نورك يافجر
يا ابو الزهراء. يا ابو الزهراء
    🔹🔹🔹🔹🔹🔹🔹🔹
روحك الطيبه    من السمه رحمه
        ياحبيب الله
أخلاقك الحلوه    هادي الامه 
        ياحبيب الله
وي عبير الروح.  حبك انشمه
       يا حبيب الله
بكل وكت وبكل عصر   بزغ نورك يا فجر
           يا ابو الزهراء
   🔹🔹🔹🔹🔹🔹🔹🔹
صادق الكلمه . من زغر سنك 
    يا حبيب الله
الامين انت.      اتعلموا منك.
    يا حبيب الله
مضرب الأمثال  سولف عنك
       يا حبيب الله
ما يوصفك كل شعر. بزغ نورك يا فجر
      يآ ابو الزهراء
🔹🔹🔹🔹🔹🔹🔹🔹
العاطفه والحب     مصدر الرأفه
     ياحبيب الله
ابو الحنيه.     الكل جرح وصفه
        يا حبيب الله
يا حبيب الكل   الحاروا ابوصفه
        يا حبيب الله
شافع وحبك أجر.    بزغ نورك يا فجر
         يا ابو الزهراء
    🔹🔹🔹🔹🔹🔹🔹🔹🔹
اتحملت ألام.      من أجل ناسك
      يا حبيب الله
وانت تدعوا الهم  حتى بأنفاسك
       ياحبيب الله
ياعظيم الشأن.     قمه احساسك
      يا حبيب الله
يل قضيت اعلل كفر. بزغ نورك يا فجر
        يا ابو الزهراء
   🔹🔹🔹🔹🔹🔹🔹🔹
   ابحيدره وصيت . هو من بعدي
        يا حبيب الله
والحسن وحسين   فرحتي وولدي
       يا حبيب الله
وبعدي منقذكم    آبني المهدي
       يا حبيب الله
بأيده رايات النصر   بزغ نورك يا فجر
   يا ابو الزهراء

الشاعر،،،، هادي الساعدي

قصيده بحق مولاتي فاطمه الزهراء ع🔹   الراضيه والعالمه.
  يا جنة الله فاطمه
الباري يرضى في رضاج  
نور الدنيا ضواج
          ياجنة الله فاطمه
🔹🔹🔹🔹🔹🔹🔹🔹🔹
انا يا هو حتى اوصفج يابتول
وانت نورج دله درب التائهين
انت كوكب بيه محتاره العقول
وگف عقل العلم خابوا حائرين
طلسم اسرارج لغز حله محال
ألهسه ما كشفوا أسراره الباحثين
انت سر الله على مر العصور
مثل سر المرتضى وطه الامين
      منزلتكم عاليه.
    يا شفيعه وغاليه
     ياجنة الله فاطمه
🔹🔹🔹🔹🔹🔹🔹🔹
النجوم الساطعه خجلن حياء
وكل مجرات السمه والارضين
ينحن بآداب ويقدمن سلام
ألفاطمه الزهراء ام قلب الحنين
ام ابوهه وبالفضل سيدة نساء
الكل محب اهناك تشفعله ومعين
هيه نسمة هوى بل نسمة عبير
يا نسيم الطيب هب للعاشگين
       تنتعش بيج النفوس.
انت يا شمس الشموس
          ياجنة الله فاطمه
🔹🔹🔹🔹🔹🔹🔹🔹
يا گلب لله ينبض ما يموت
يا نبض في قلب كل المؤمنين
يا شمع ما يطفه في ليل الظلام
يحترگ ويذوب لجل الآخرين
يا شروق ألما عرف معنى الغروب
يا نهار الما عرف ليل السنين
يا عيون وابصرت لله شوق
لطريق الحق تنظر كل حين
   حاربوج الظالمين 
  وخالفوا طاهه الامين
  يا جنة الله فاطمه
🔹🔹🔹🔹🔹🔹🔹🔹
الكل تعرفج فاطمه يا هو ابوج
رحمه للعالم شفيع المذنبين
ويا هو زوجج حيدر الليث الهمام
الما شرك بالله ولو طرفة عين
انت ام الحسن سيد النجباء
المجتبى كاشف زيف الغادرين
انت ام حسين سيد الشهداء
ابدمائه  هو ذل الظالمين
  شاهده ارض وسماء
    الج ياخير النساء
   يا جنة الله فاطمه
الشاعر،،، هادي الساعدي

نعي
شهم كلك مراجل منبعك غيره
عليك أتون حزينه الناس والديره
يهيبه وفجتك صعبه وجبيره
انكسر ظهر العشيره اعليك يامزيون
يبو طبع الحلو والهلا والمرحب
يبو خلگ الطويل وابد ماتتعب
يبو احجايات حلوه ابكلشي مرتب
يمسكت الشماته ابنضره من يحجون
يشلال الوفه الما عفت خوانك
كريم وبالكرم معروف بأحسانك
بس بالغانَمه من يحجي السانك
امهيل بالمحاجي وكلهم ايعرفون
مشينه للنجف وياك دفانه
صدگ تحت التراب الجان ويانه
افراگك ياعلمنه حيل اذانه
شنگل العمامك لمن ايسيرون

هذا اخر كلام وبعد منشوفك
ولا عطرك نشمه ونشم بجفوفك
ما ننساك ابد ما ننسه معروفك
بفعالك الزينه كل هلك يحجون
الشاعر،، هادي الساعدي

جرح السنين ام الحسين
مرقدج وين روحي أقدم لليدليني
•••••••••••○•••••••••••
مثل طير بكل وكت انا انذبح
كبرج المخفي يظل أكبر جرح
كبتج لازم تكون اجمل صرح
وبضريحج ندعي كل ظهر وصبح
كل محب فاز ام الاعزاز
مرقدج وين روحي اقدم لليدليني
••••••••••••••••••
كل موالي يحزن ادري وكل محب
مرقدج مخفي عليه اشكد صعب
شوك والام وحزن عينه تصب
وعل يضدج مثلي يعلنهه حرب
كل محب صاح رغم الجراح
ومرقدج وين روحي اقدم لليدليني
•••••••••••••••••••
قسم بحسين ودمائه ومصرعه
ابنج المذبوح بأعظم فاجعه
ونحر عبدالله الرضيع ومدمعه
اي وحق أم البنين الاربعه
انتي الانفاس وتصرخ الناس
مرفدج وين روحي اقدم لليدليني
••••••••••••••••••
اشكد شبه ما بينج وبين الإمام
نفس كسرة ضلعج امنهل الظلام
نفس حرك الدار حركوهه الخيام
ما يحبون البشر يبقه ابسلام
والكلب هام كل سنه وعام
مرقدج وين روحي اقدم لليدليني
••••••••••••••••••
ابو صالح فدوه أظهر يا ضوه
ضاكت الدنيا الوسيعه والهوه
وطيب اجروح التحبك يا دوه
ومرقد امك فاطمه نبنيه سوه
وطيب الجروح ذابت الروح
مرقدج وين روحي اقدم لليدليني


الشاعر. ..... هادي الساعدي

ابوذيه بحق ام البنين والعباس ع🔹
شهم ما خالفت يوليدي وعداك
بالف فارس احسبنك وعداك
صگار العدى ايسموك وعداك
يشوفونك علي حامي الحميه
الشاعر،، هادي الساعدي

نعي عن فقد الاحباب🔹🔹
الله اوياك يل رحت من ادينه
صدگ راحل يغالي وما تجينه
يبو الوگفات  ارجع فدوه لينه
الدنيا اخلاف عينك سوده كلهه
متعلمين تسأل عنه دومك
أگعد مو محله هسه نومك
ياحلو المعاني نشم بهدومك
هايه رحلتك لا مو محلهه
وي الكل سمح هذا  شعارك
مشيت وبالگلب مشتعله نارك
عليك أتون خليه هايه دارك
وشل كل دمع بعيون اهلهه

هلج يادار غياب
المن نفتح الباب
راحوا أغلى الاحباب
صبح گلبي عطاب
ابد ما حاسب احساب
خدك جوه التراب

الشاعر،،، هادي الساعدي

نعي عن فراق الاحباب، ▪️◾
مرة سنه اعله افراكم
هلبت ذكرتوا احبابكم
بالنجف شنهوا اخباركم
هنياله كلمن  شافكم
اوف اوف
يغالين وتعالوا شوف حالتنه
ما نشفت أبد سجابه دمعتنه
البعد جتال حيل الفرگه أذتنه
مابينه بعد عل بعد ما بينه

شباب وما شبعنه شوف من عدكم
غفله الموت منه أبسرعه يخطفكم
يطيبين ونحن دوم السوالفكم
وذيج أيامكم لا ما  نسينه

علينه الدنيا اوف أمحزمه احزام
خذت وين العزيز وزين ألزلام
شوفتهم فقط صارت بالأحلام
ما ينفع حزنه ولا بجينه
الشاعر هادي الساعدي

🌹 نبي الرحمه والانسانيه
ابوذيات بحق رسول الله ص 🌹
طاهه ابدعوته الأمه هداهه
و للإسلام كل روحه هداهه
هد الظلم وعروشه هداهه
رحمه من الإله لهل البريه
🔹🔹🔹🔹🔹🔹🔹
محمد هو ملهمنه وابينه
غيره ابد ما ردنه وابينه
گال الأمر من بعدي ابينه
مولاكم علي حامي الحميه
🔹🔹🔹🔹🔹🔹🔹🔹
منو غيره عرج لله وأسره
ابهواه جنينه كل احنه واسره
وصرنه اخوان في حبه واسره
ابونه المصطفى سيد البريه

ةالشاعر،، هادي الساعدي

https://youtu.be/Ugs6hqrcRdo
اشتراككم ودعمكم للقناة من أجل التواصل معكم في كل ما هو جديد

أفراح إلى الإمام المهدي عج
    
   عايش ابأنفاسنه       يل  ملكت احساسنه
             اغلى من كل ناسنه
                ○○○○○○○▪○○○○

      يابو صالح    يا املنه      يا عزيز   الروح
     يابو صالح    أظهر النه     وشافي كل مجروح
     يا بو صالح    يا سندنه    حبنه الك ممدوح
       يل سكنت ارواحنه    اغلى من كل ناسنه
       
               ○○○○○○○○○○○○
     نبقه نربح     لا منخسر     شي اكيد  انفوز
     نبقه نربح     گلب منسر     بس الك محجوز
    نبقه نربح       منتحسر       والجنان انحوز
     يل صرت عنوانه      اغلى من كل ناسنه
          ○○○○○○○○○○○○○
    احنه ننجح    شي مؤكد      ننصر   الموعود
  احنه ننجح    كلنه نسعد     بالأرواح انجود
   احنه ننجح    ربنه يشهد      والعطاء  ممدود
    لجله نفدي اولادنه       اغلى من كل ناسنه
          ○○○○○○○○○○○○○○
    ندعي الله    ايعجل النه   تظهر النه الساعه
   ندعي الله    يا    املنه     بالولاء   والطاعه
   ندعي الله     يا حلمنه     حبك اغلى ابضاعه
     فدوه كل اموالنه    اغلى من كل ناسنه
           ○○○○○○○○○○○○○
  يا ضوانه       النورانه     اشكد جميله احروفك
  يا ضوانه       الما نسانه    أمنيات   انشوفك
  يا ضوانه        ويارجانه    كعبه انت انطوفك
      علمونه اجدادنه       اغلى من كل ناسنه

   الشاعر /هادي الساعدي

💔 موال بحق الامام المهدي عج 💔
انت عاشگ لو ولهان
            يا هو محبوبك يفلان
لاتخجل واحجيهه صراحه
             مبين بعيونك. سهران
  بيه اتفكر هم گلنه
           واليعشگ ندريه حيران
وگلتلهم عاشگ مهدينه
           وكلمن حبه مو خسران
هو النور وكل آمالي
         وانا ابهذا الحب ربحان
هو العايش وي انفاسي
        عطر الجوري والريحان
وتنطر كل لحظه اهلاله
          هو العيد وبيه فرحان
دگة گلبي تنبض مهدي
      بالدم يسري ويه الشريان
وخل يسمعني هذا العالم
            هو منقذ كل  انسان
من حباه حب طاهه وربنه
             حبه معناه. الأيمان

الشاعر،،،،هادي الساعدي