🌷 يمهدينه🌹
يمهدينه دخيلك نعلن التوبه
مشينه ابعيد كلمن شغلته اذنوبه
     باعدنه الآمل عنك
    العذر كل العذر منك
  يمهدبنه يمهدينه
🔸🔸🔸🔸🔸🔸🔸🔸🔸🔸

يمهدينه الذنوب اهواي
    لذلك انت ما تظهر
تمد اجفوفك النه بخير.
      ألك احنه نمدهه ابشر
ولمن نوگع ابشدات
      نريدك توگف وتحظر
يصاحبنه يغالينه
نعرفك ما تجافينه
يمهدبنه يمهدينه
🔸🔸🔸🔸🔸🔸

ناس وتيهت الدروب
         وهيه تندل المعبر
ظلت تمشي بالمگلوب
      عافت درب ابو الأكبر
غواهه المال والشيطان
       وتسابق على المنكر
وي الظالم يصيرون
       وتمجد ابهل الشر
عافت منهج العتره
بالدنيا أصبحت اسره
يمهدينه يمهدينه
🔸🔸🔸🔸🔸🔸🔸
بكل جمعه الك ندعي
            عجل بالفرج عجل
واحنه بكل صلافة عين
             من الغيبه لا منمل
هذا يطعن بذاك
    بعضنه اعلل بعض يشكل
والمؤمن عليه نحجي
       نفضحه لو لسانه ايزل
صارت سوله عد الناس
يغويهه حجي الخناس
يمهدينه يمهدينه
🔸🔸🔸🔸🔸🔸🔸🔸

       العذر كل العذر منك
          ولدك احنه ومقصرين
   ابونه انت وندگ بابك
        انت الهوى ونور العين
تلمنه اشما تشتتنه
      ما تتركنه  متفرقين
تدعي النه يبو صالح
    واحنه ندعي الك كل حين
  نحلفك بالگمر وحسين
أضهر حيل مشتاگين
يمهدينه يمهدينه
#الشاعر_هادي_الساعدي

🌹هوسات بحق الإمام المهدي عج 🌷
موالين ونحب المهدي عشاگه
ما بينه بعد ما نحمل افراگه
لهيب الانتظار ونار حراگه
ها🔹بأسمك نادينه مهدينه🔹
🔸🔸🔸🔸🔸🔸🔸🔸
نعوف أحزانه وخل نفرح الليله
وعجل بالفرج كل احنه ندعيله
ولبوه حسين نتعنه ونمشيله
🔹ونعاهد كل احنه اجنوده🔹
🔸🔸🔸🔸🔸🔸🔸🔸
نجي للحضره زوار ومحبين
ونجددله العهد والشاهد حسين
لبو صالح فداء وكلنه متحضرين
ها ها
لأخر لحظه واخر يوم
احنه اجنود المهدي

الشاعر،، هادي الساعدي

مشاهدة "شالو نعشها وينه عباس // الرادود باسم الكربلائي" على YouTube
https://youtu.be/wNOBE5GfruE

ما يُزار به مولانا صاحب الزمان عجل الله تعالى فرجه الشريف كلّ يوم بعد صلاة الفجر وهي:
اَللّـهُمَّ بَلِّغْ مَوْلايَ صاحِبَ الزَّمانِ صَلَواتُ اللهِ عَلَيْهِ عَنْ جَميعِ الْمُؤْمِنينَ وَالْمُؤْمِناتِ في مَشارِقِ الاَرْضِ وَمَغارِبِها، وَبَرِّها وَبَحْرِها وَسَهْلِها وَجَبَلِها، حَيِّهِمْ وَمَيِّتِهِمْ، وَعَنْ والِدِيَّ وَوَُلَدي وَعَنّي مِنَ الصَّلَواتِ وَالتَّحِيّاتِ زِنَةَ عَرْشِ اللهِ وَمِدادَ كَلِماتِهِ، وَمُنْتَهى رِضاهُ وَعَدَدَ ما اَحْصاهُ كِتابُهُ وَاَحاطَ بِهِ عِلْمُهُ، اَللّـهُمَّ اِنّي اُجَدِّدُ لَهُ في هذَا الْيَوْمِ وَفي كُلِّ يَوْم عَهْداً وَعَقْداً وَبَيْعَةً في رَقَبَتي اَللّـهُمَّ كَما شَرَّفْتَني بِهذَا التَّشْريفِ وَفَضَّلْتَنى بِهذِهِ الْفَضيلَةِ وَخَصَصْتَنى بِهذِهِ النِّعْمَةِ، فَصَلِّ عَلى مَوْلايَ وَسَيِّدي صاحِبِ الزَّمانِ، وَاجْعَلْني مِنْ اَنْصارِهِ وَاَشْياعِهِ وَالذّابّينَ عَنْهُ، وَاجْعَلْني مِنَ الْمُسْتَشْهَدينَ بَيْنَ يَدَيْهِ طائِعاً غَيْرَ مُكْرَه فِي الصَّفِّ الَّذي نَعَتَّ اَهْلَهُ في كِتابِكَ فَقُلْتَ: (صَفّاً كَاَنَّهُمْ بُنْيانٌ مَرْصوُصٌ) عَلى طاعَتِكَ وَطاعَةِ رَسُولِكَ وَآلِهِ عَلَيْهِمُ السَّلامُ، اَللّـهُمَّ هذِهِ بَيْعَةٌ لَهُ في عُنُقي اِلى يَوْمِ الْقِيامَةِ

▪️قصيده بحق الإمام علي ع ▪️
گلبك الينبض محنه
بويه بعدك ياهو النه
وداعة أمي فاطمه
الدنيا سوده ومعتمه
يل حنين
🔸🔸🔸🔸🔸🔸
وين ذيج أللمه والگعده الجميله
أنطي عمري كله بس ترجعلي ليله
سكته أنوح وعلى اخدود دمعي اسيله
المن أحجي اهمومي وياهو أشتكيله
أنت أقرب مني الي
ادگلي دوم ادللي
يل حنين
🔸🔸🔸🔸🔸🔸🔸🔸
يا خليل اليگدر ايفارگ خليله
اللحظه بغيابه عمر تصبح طويله
الشوگ يكتل والمحنه اتهدله حيله.
وأنه فارگت الأبو الماكوا مثيله
بويه يا اجمل ابو
ابد مثلك ما أكو
يل حنين
🔸🔸🔸🔸🔸🔸🔸🔸
من خذاك الموت ريته هم خذاني
أمنياتي اوياك أگعد لو ثواني
شوفتك صارت حلم طيفك أتاني
بس التفارگ ابو تعرف شعاني
مو جرح انزف جروح
الكون والوادم تنوح
يل حنين
🔸🔸🔸🔸🔸🔸🔸
هايه ايتامك تنادي بويه وينك
هسه حست باليتم فگدت حنينك
أمنيات العدهه ان اتقبله ادينك
أتريد من اسنينهه اتضيف السنينك
ايتامك الجنهم ورد
إيسوا لا ما ترد
يل حنين
🔸🔸🔸🔸🔸
أصعب من الموت افراگ الأحبه
اشحال ألتفارگ ابوهه هايه صعبه.
اعيونهه اترفرف تظل بس اعله دربه
حسبه بيهه اتروح وترد بيهه حسبه
لو جبل هم انهدم
يوم عن يوم انثلم
يل حنين
الشاعر،، هادي الساعدي

هوسات بحق الإمام الحسن ع🌹🌹
إذا عندك امر مستصعب اعليك
وإذا محد اجاك وينشد اشبيك
لوجه الله أخبرك راح ادليك
بس انخه الحسن شتريد ينطيك
،،، بس اومي بجفك وحجيله،،،،
🔸🔸🔸🔸🔸🔸🔸🔸
منو حاتم الطاىي يم ابو محمد
الكرم خجلان من الحسن يتودد
مواقف اله ما تنحسب لا تنعد
،،،، من حيدر ماخذ عنوانه،،،،،، 🔸🔸🔸🔸🔸🔸🔸🔸
إلى من تطاول ويحسب نفسه على أهل البيت▪️▪️
منو حضرة جنابك تفتي ابكيفك
امس داعش اجه ما حركت سيفك
بين للملئ احقادك وزيفك
،،، يبن الما رايد احجيهه،،،،
الشاعر،،، هادي الساعدي

ابوذيات بحق الإمام الحسن ع 🌹
كريم آل النبي معروف وصفاه
أنقى من الذهب معدنه وصفاه
للمعلول حبه دوه وصفاه
كرامات الحسن معروفه هيه
🔸🔸🔸🔸🔸🔸🔸🔸
عليه الدهر والأحزان مالن
عليل وردت للدكتور مالن
نخيت البلشدايد ابد مالان
الكريم ابن الكريم وحلهه ليه
🔸🔸🔸🔸🔸🔸🔸
دارميات
عاشك وحب وشتاگ خل تسمع الناس
بالمجتبى مجنون حد گطع الانفاس

انولد هذا اليوم  نور   الولايه
أعني الحسن معروف وبحسنه ايه

يا هو الذي باساه من فمه طاهه
منك اريد الجواب بيه انتباهه

للجنه سيد صار عنه النبي گال
هو وأخوه معروف جاوبني يالحال
الشاعر،،، هادي الساعدي

أخي قرة عيني▪️
أتمنيت نگعد سوه.
يابو سوالف دفو
راح الزمن مايرد
شيردهه كلمة الو
يللي ابطبعك عسل
مرهم دوه وهم حلو
صيتك علم ما نزل.
كلك شهامه وسمو
اعذرني لو قصرت.
منك اريد العفو
مو تدري بيه ينكسر
ظهره اليفارگ أخو
وشلون وانت الجنت
مو بس اخو هم أبو
بيرغ وبيه افتخر
ياخويه منك كفو
الشاعر، هادي الساعدي

نزله سريعه رباطات عن الإمام الصادق ع

سيدي با مظلوم
المهدي يني مرقدك
▪️▪️▪️▪️▪️▪️▪️

يا امام الجعفريه
  يا حبيب الهادي
مانعوفك للمنيه
الشيعه كلهه اتنادي
عل عهد يبن الزجيه
  ما يهمنه الحادي
احنه احبابك يجعفر
كل حزنه بادي
نمشي
ابنهجك مولانه نمشي
▪️▪️▪️▪️▪️▪️
من علومك  كلهه اخذت
اتعلمت منك دروس
انت استاذ المذاهب
شمسك اتنور الشموس
أمنيات العدنه يمتى
الشيعه شباجك تبوس
ومرقدك يصبح مناره
ابصحنك أتهيم النفوس
واجب
نبنيلك مرقد واجب
▪️▪️▪️▪️▪️▪️▪️
شيعتك نذرت عمرهه
لبنك المهدي جنود
نقسم ابحيدر ابونه
ارواحنه دونه نجود
ما نخذله للمنيه
أنصاره ونوفي الوعود
ياخذ ابحقكم امامي
والعدل بأسمه يسود
ابعدله
يحكمهه الدنيا ابعدله
▪️▪️▪️▪️▪️▪️▪️
وي ابو صالح نعاهد
أنصاره وكلنه فداء
انقيم مأتم بالبقيع
وننصب اهناك العزاء
المرقدك نمشي نزورك
ما يهمنه كل عناء
اجموع تتعنه المواكب
صرخة الحب والولاء
تهتف،،،،، بأسمك يل صادق ،، تهتف
▪️▪️▪️▪️▪️▪️▪️▪️▪️
والحسن والباقر ابنك
كل گببهم ترتفع
وياهم السجاد گبته
ايدورهه داير شمع
كلشي الكم هو يرجع
ويأخذ ابثار الضلع
وكل ظلمهم ماله باقي
بيده ايقلعه قلع

يحيي،، الدين واركانه،، يحيي

الشاعر،، هادي الساعدي

قصيده بحق السيد الشهيد محمد الصدر
      موتك فجعنه يا صدر
          يا فارس الجمعه

▪️▪️▪️▪️▪️
شيب وشباب اتعنتك.  يا فارس الجمعه
مرفوعه تبقه رايتك.   يا فارس الجمعه
هذا عهدنه وشيبتك. يا فارس الجمعه
       لجلك نضحي بالعمر.
       موتك فجعنه ياصدر
         يا فارس الجمعه
▪️▪️▪️▪️▪️▪️
سيدنه اجينه المرقدك  يا فارس الجمعه
اتباعك احنه انعاهدك  يا فارس الجمعه
خسران كلمن عاندك.    يا فارس الجمعه
      انت العشگ وانت النصر 
      موتك فجعنه يا صدر
        يا فارس الجمعه

▪️▪️▪️▪️▪️▪️▪️▪️
باگاك من عدنه الزمن. يا فارس الجمعه
وامالنه الحلوه انتهن. يا فارس الجمعه
والجمعه والكوفه بجن يا فارس الجمعه
      ويه الدمع حسره نجر. 
      موتك فجعنه يا صدر
       يا فارس الجمعه
▪️▪️▪️▪️▪️▪️▪️
منعوف ابنك مقتدى. . يا فارس الجمعه
مثلك امخوفهه العدى. يا فارس الجمعه
للوطن كل روحه افتدى. يا فارس الجمعه
         انشم محبته جن عطر 
          موتك فجعنه يا صدر
             يا فارس الجمعه
▪️▪️▪️▪️▪️▪️▪️
شمس الله انت الساطعه  يا فارس الجمعه
عل بعث سيفك قارعه   يا فارس الجمعه
موتك يسيد   فاجعه.   يا فارس الجمعه
        بعدك ترى عشنه ابعسر 
        موتك فجعنه يا صدر
          يآ فارس الجمعه

الشاعر،، هادي الساعدي