نزله سريعه رباطات عن الإمام الصادق ع

سيدي با مظلوم
المهدي يني مرقدك
▪️▪️▪️▪️▪️▪️▪️

يا امام الجعفريه
  يا حبيب الهادي
مانعوفك للمنيه
الشيعه كلهه اتنادي
عل عهد يبن الزجيه
  ما يهمنه الحادي
احنه احبابك يجعفر
كل حزنه بادي
نمشي
ابنهجك مولانه نمشي
▪️▪️▪️▪️▪️▪️
من علومك  كلهه اخذت
اتعلمت منك دروس
انت استاذ المذاهب
شمسك اتنور الشموس
أمنيات العدنه يمتى
الشيعه شباجك تبوس
ومرقدك يصبح مناره
ابصحنك أتهيم النفوس
واجب
نبنيلك مرقد واجب
▪️▪️▪️▪️▪️▪️▪️
شيعتك نذرت عمرهه
لبنك المهدي جنود
نقسم ابحيدر ابونه
ارواحنه دونه نجود
ما نخذله للمنيه
أنصاره ونوفي الوعود
ياخذ ابحقكم امامي
والعدل بأسمه يسود
ابعدله
يحكمهه الدنيا ابعدله
▪️▪️▪️▪️▪️▪️▪️
وي ابو صالح نعاهد
أنصاره وكلنه فداء
انقيم مأتم بالبقيع
وننصب اهناك العزاء
المرقدك نمشي نزورك
ما يهمنه كل عناء
اجموع تتعنه المواكب
صرخة الحب والولاء
تهتف،،،،، بأسمك يل صادق ،، تهتف
▪️▪️▪️▪️▪️▪️▪️▪️▪️
والحسن والباقر ابنك
كل گببهم ترتفع
وياهم السجاد گبته
ايدورهه داير شمع
كلشي الكم هو يرجع
ويأخذ ابثار الضلع
وكل ظلمهم ماله باقي
بيده ايقلعه قلع

يحيي،، الدين واركانه،، يحيي

الشاعر،، هادي الساعدي

قصيده بحق السيد الشهيد محمد الصدر
      موتك فجعنه يا صدر
          يا فارس الجمعه

▪️▪️▪️▪️▪️
شيب وشباب اتعنتك.  يا فارس الجمعه
مرفوعه تبقه رايتك.   يا فارس الجمعه
هذا عهدنه وشيبتك. يا فارس الجمعه
       لجلك نضحي بالعمر.
       موتك فجعنه ياصدر
         يا فارس الجمعه
▪️▪️▪️▪️▪️▪️
سيدنه اجينه المرقدك  يا فارس الجمعه
اتباعك احنه انعاهدك  يا فارس الجمعه
خسران كلمن عاندك.    يا فارس الجمعه
      انت العشگ وانت النصر 
      موتك فجعنه يا صدر
        يا فارس الجمعه

▪️▪️▪️▪️▪️▪️▪️▪️
باگاك من عدنه الزمن. يا فارس الجمعه
وامالنه الحلوه انتهن. يا فارس الجمعه
والجمعه والكوفه بجن يا فارس الجمعه
      ويه الدمع حسره نجر. 
      موتك فجعنه يا صدر
       يا فارس الجمعه
▪️▪️▪️▪️▪️▪️▪️
منعوف ابنك مقتدى. . يا فارس الجمعه
مثلك امخوفهه العدى. يا فارس الجمعه
للوطن كل روحه افتدى. يا فارس الجمعه
         انشم محبته جن عطر 
          موتك فجعنه يا صدر
             يا فارس الجمعه
▪️▪️▪️▪️▪️▪️▪️
شمس الله انت الساطعه  يا فارس الجمعه
عل بعث سيفك قارعه   يا فارس الجمعه
موتك يسيد   فاجعه.   يا فارس الجمعه
        بعدك ترى عشنه ابعسر 
        موتك فجعنه يا صدر
          يآ فارس الجمعه

الشاعر،، هادي الساعدي

قصائد الخدمه
        الخدمه مومعناهه تلطم
          لو تصيح الله اعد
     الخدمه أن ما تظلم احد
          ولبو صالح تستعد

*----------------*---------------------*

يللي تخدم كون تتواضع اكيد
الخدمه مو تكشخ ولابسلك جديد
هاك اخذ هاي النصيحه لو تريد
كون صادق وي ابو اليمه الشهيد
وشوف وضعك رتبه
منه تاخذ مرتبه
وبالخدامه اتصير قدوه
وكل رياء عنه ابتعد
*---------------------*--------------------*
ان تحافظ عل صلاه ابكل وكت
وتحمد الله عل امانه ألهه صنت
وما تغض العين لو منكر شفت
راح يرضى عنك حسين وفزت
وامشي ابنهج النبي
اتبره من كل ناصبي
لا تجامل لا تجامل
وافضح أرباب الحقد
*----------------------*--------------------*
ادري بيك انت حسيني وما تزل
مستقيم ابدربك وماشي عدل
واعي فكرك كل مراجعنه تجل
كفو منك ادري اتشيل الحمل
العدو لمن اجه
خرست صوته الحجه
للوطن گلت انه حاضر
أنه من جند الحشد
*--------------------*-----------------*
استمع شيگول من يقره الخطيب
وأخذ فكره وأصلح الشي المعيب
وعل رضيع ابجي وعلى الخد التريب. وألطم ابحرگه على حسين السليب
وللمجالس من تجي
اخذ مضمون الحجي
حسين عبره وهو عبره
مثله مصلح ماتجد
*---------------------*-----------------------*
صفي نيتك صير خادم للخدم
بالمجالس هيم خل يمشي الجدم
ألما يحب حسين هو والعدم
ما ينفعه باجر أيعض الندم

من تصير القارعه
كلشي لا ما ينفعه
العكس درب حسين يمشي
خاسر وخايب يرد

الشاعر،، هادي الساعدي

  قصائد الخدمه نزله
جنكم كواكب
يللي تخدمون     جنكم كواكب
حياكم الله       ياهل المواكب
▪️▪️▪️▪️▪️▪️▪️▪️

بالمجالس يا هلا وباليحضر
لوحه من حب و وفاء المنضر
بيرغ احمر بأيد بيرغ اخضر
عشگ ابو اليمه ابگلبكم  خضر
جن خليه من النحل   لمن تخدمون
كلهه تسعي كالنمل.  لا ما تملون
حياكم الله

▪️▪️▪️▪️▪️▪️▪️▪️▪️
تلث تنعام وكفو من عدكَم
كله غيره ومرجله  َواحدكم
الف رحمه لمكَم  و والدكم
جاهل وخسران كلمن ضدكم
عل مجالس يعترض    انگله خسران
ينترك طول أبعرض.   منحسبه انسان
حياكم الله
▪️▪️▪️▪️▪️▪️▪️▪️▪️
لللطم ياخوتي شدوهه  الحزم
ولو قره الرادود شدوه اللطم
على حسين الما بجوا لا مو زلم
وعلى اخوه الما خضع لأهل الظلم
عباس للباطل رفض     ضحى بالجفوف
ماشرب مايه ونهض    شي كله معروف
حياكم الله
▪️▪️▪️▪️▪️▪️▪️▪️▪️


انشوف بالموكب طفل بعده رضيع
جن عمر عبدالله ألبلطف صريع
حتى ما ننسه أشجره من شي فضيع
الناعي ينعه الواقعه ويبجي الجميع

وكلهه يمكم تجتمع.  والكل يعزون
بالنحيب وبالدمع.    اتسيل العيون
حياكم الله
▪️▪️▪️▪️▪️▪️▪️▪️▪️
ياشباب وبالعقيده امسلحين
للظلم وافعال اميه رافضين
شوكه بعين اليضد والحاقدين
ما رضختو للطغاة وثائرين
انتم ارجال الحشد   كلكم بطولات
بيكم انصول ونهد.  وكت الملمات
حياكم الله
الشاعر هادي الساعدي

قصائد الخدمه
الأسماء كلهه امسجله   ابدفتر الخدمه كامله
محسوبه حتى الانفاس  واللي يسجل عباس
        وإم البنين وفاطمه
          ٪٪٪٪٪٪٪٪٪٪٪٪٪٪٪٪٪٪٪
     يل تخدم حسين استمع 
        هنيالك ابهل. الخدمه

     عل صدر  جفك تنطبع   
          تشفع الك كل لطمه

      وكل آه تصبحلك قصر.  
        جنه  تصير  ورحمه

      ولو بايدك اتكسر الظلع  
        وترضرضه  وتحطمه
كل الفخر تدريهه   ودموعك التبجيهه
بالخدمه مرفوع الرأس  واللي يسجل عباس
        وإم البنين وفاطمه
  ٪٪٪٪٪٪٪٪٪٪٪٪٪٪٪٪٪٪٪٪٪٪٪
لو تدري منهو يدعي الك
               من تحظر بكل مجلس
ومنهوالذي حاظر نعم 
                 يلطم اوياك ويجلس
صاحب الامر  المنتظر. 
                 ويانه بس بيه منحس
ابجفينه ندري الطاهره
             يداوي الجرح من يلمس
هو الشفه والبلسم.   والعاشگه مايهتم
متهمه كل الارجاس  واللي يسجل عباس
       وإم البنين وفاطمه
    ٪٪٪٪٪٪٪٪٪٪٪٪٪٪٪٪٪٪٪٪
       بالك تهم لو تستمع
      حجي العواذل عوفه

    حسين كعبه الكل محب
     ابوسط الگلب ونطوفه

     هو العشگ هو الدين
       ضحيله و  لتعوفه

     ولو الك گطعوا جفين
   أذكر  الگمر  وجفوفه
من گال نفسي هوني    هوالنضر لعيوني
من بعد اخوي النبراس  واللي يسجل عباس
        وإم البنين وفاطمه،
        ٪٪٪٪٪٪٪٪٪٪٪٪٪٪٪٪٪
    من تبجي اتواسي النبي
    عل منذبح من نحره

   ومرفوع راسه عل رمح
  ايرتل. آيات   ويقره

   وتعيش انت الواقعه
   وتنادي اه يازهره.

وعل رأس تلطم والصدر
وتجري المدامع حمره

وتصيح يا مولاتي     ميت أنه بحسراتي
ياريت ضلعي المنداس واللي يسجل عباس
       وإم البنين وفاطمه
    ٪٪٪٪٪٪٪٪٪٪٪٪٪٪٪٪٪٪
  لا مال ينفع لاولد
بس الأعمال اتنفعك

اخلص ابنيتك بالعمل
الإخلاص هو ايرفعك

وبالك تغرك شهرتك
تالي الغرور ايوگعك

ولحسين رخص دمعتك
ولاتبخل اسجب دمعك

أملاك السمه تبجيله    صبوا دمه هل الليله
مفجوع حتى الاحساس اللي يسجل عباس
     وإم البنين وفاطمه

✍️  الشاعر/ هادي الساعدي
            

    🔸🔸  فاطمه العليله🔸🔸
فارگيتوني ومشيتوا
بتكم انا  لو نسيتوا
گلتوا جم يوم ونرد
و انا يوميه اعد
باجر يرجعون باجر يرجعون
🔸🔸🔸🔸🔸🔸🔸

يوم يوم احسبهن  يعذبني الأيام
والليالي اشگد طويله اعيوني متنام
زادن اهمومي عليه امشگبنه الام
يا زماني شو دگلي اشعندك اشظام

ناري سكته   ودمعي سكته   وحدي انوح
وين أبويه    وين اخويه     وحدي انوح
   روحي سلاهه البعد
      وانا يوميه اعد
    باجر يرجعون
🔸🔸🔸🔸🔸🔸🔸
   هلبت الايام ذيجه اتعود اليه
   بويه وترجعون وشبگم بأديه.
صارت احلام وأماني انرد سويه
  احترگ و طفه إذا مرت مسيه
ها يروحي  اتفز جروحي   ماتجون
والأماني. . بكل ثواني.      ماتجون
     بس صدى صوتي يرد
     وانا يوميه اعد
     باجر يرجعون
🔸🔸🔸🔸🔸🔸🔸🔸
حگهه البنيه لون ونتهه زادت
من يروح ألهه عزيز وباسمه نادت
نارهه لا ما طفت لا لحظه هادت
بالعمر لجله تضحي بكلشي جادت
ياعيوني صدگوني   ياضواي
ما املكم.  وبقه احبكم. ياضواي
بكل صباح أقره الحمد
وانا يوميه اعد
باجر يرجعون
🔸🔸🔸🔸🔸🔸🔸
يا مرض هذا الذي يبعدني عنكم.
وهيه ما شبعانه عيني شوف منكم
اوف يا لحظه اشم ريحة عطركم
. ونذر  سنيني شمع فدوه العمركم
امنياتي    كل حياتي    أن اكون
  ابقه يمكم  كون ظلكم   أن أكون
   وباب احزاني اسد
      وانا يوميه أعد
   باجر يرجعون

🔸🔸🔸🔸🔸🔸🔸🔸🔸
موتى أهون من بقائي وانتم ابعاد
صدگوني اخلافكم مايحلى كل زاد
حالي مثل الورقه من تتحول ارماد
وجرحى كل طب ما إله وما ينفع اضماد
     يا شفائي  يا دوائي.  ياهواي
فدوه الكم    والعمركم . ياهوتي
     عزمي يل بيكم أشد
      وانا يوميه اعد
       باجر يرجعون
باجر يرجعون
الشاعر،، هادي الساعدي
الوادم بعالم تسولف ❣️❣️
وانا سالفتي الحسين 🌹🌹
رابط قناتي على التلگرام
لليحب يشترك
https://www.tg-me.com/had_jaa

قصيده عن عبدالله الرضيع
ضامي عبدالله انذبح بأيد الحسين
دامي هذا الموقف أيگطع الوتين
واحسيناه واحسيناه
*---------------*------------------*
خلي هذا الموقف اگبالك يصير
يا حلاته ويا جماله جنه طير
اشلون ذبحوه هلطفل مات الضمير
مشهد ايلحي الصخر جدا خطير
هذا يا گلب اليحمله
ينذبح بجفوفه طفله
جرحه ينزف يبقه مطيبه السنين
واحسيناه واحسيناه
*------------------*----------------------*
رافع ابجفه البرائه والجمال
طفل ضامي وهو جن ماي الزلال
راد يروي جبده ما جابه القتال
وبفغلهم بينوا لا مو رجال
عل زلم لا ما نعدهم
عل كفر نعرف بعدهم
وبفعلهم هذا يعني بلايه دين
واحسيناه واحسيناه
*--------------*--------------------*
عمره ست اشهور ذبحوله الوريدذولي لادين
مو گلب عدهم اشد من الحديد
حرمله؛ العنه الف مره  ومزيد
ونلعن ابن ازياد والطاغي يزيد
ذولي لا دين وعقيده
ذبحوا اولاد الصميده
يشهد التاريخ عنهم حاقدين
واحسيناه واحسيناه

*-----------------*--------------------*

طير جنه وروحه صعدت للسماء
ابلا نب ذبحو وريده ابلا حياء
وعلى جف حسين ابو ه سألت دماء
صرخت أمه روحي الك يمه فداء
يل ولد يبني يغالي
البعد عذبلي حالي
يمه يا يمه يهد گلبي الحنين
واحسيناه واحسيناه
*----------------*-------------------*
كل ظمايرهم سحيخع ولا تزال
احفادهم نفس ألحقد نفس الفعال
اتوارثوهه اطباعهم نفس الخصال
َما نجاملهم ولا ننطي مجال
ولازم الكل تدري بيهم
ويا جرم فعلت اديهم
هاي وصمة عار تبقى اعلل جبين
واحسيناه واحسيناه
الشاعر،،، هادي الساعدي

قصيده إلى عبدالله الرضيع

أرق من جنح الفراشة     ترف ما يحمل لمس
نحره واحه من الحنان.   موسهم بيه ينغرس
،،،،،،،،،،،،،،،،،،،،،،
ذولي لا لا موبشر     أقسى حتى من الصخر
       ذبحوا الطفل الرضيع
احساسهم ميت اكيد   اشلون صابوه بالوريد
            هل الأمر جدا فضيع
اگماطه اتقبل بأديه.       شابگه ومحني عليه
          اينادي ياربي السميع
ريت اتحول نهر.          وريت عندي اني نحر
        وبدل عبد الله صريع
فز شعوري من رموه      انا  بألامه  أحس
نحره واحه من الجنان  مو سهم بيه ينغرس

🔸🔸🔸
ارد اسولف هل الأمر      بكل محرم من يمر
            وينه اصيح اوليدي
أنه مشتاگه اشمه     اشمحله من ايگلي يمه
             هو فرحة عيدي
بگلبي موش بحضني اظمه حرز اشيل احروف اسمه
          وأيده اريد ابأيدي
ابني ايه من الجمال.   اشلون ما شبعه دلال
          ناري لا  تهيدي
والضوه أصبح ظلام   وماتت احلام الامس
نحره واحه من الجنان مو سهم بيه ينغرس
،،،،،،،،،،،،،،،،،،،،،،،،،،،،،،،،،،،،،،،
ها دللو بعده ألمن   احجيهه انه اعيوني يبجن
            اشتاگن النظراته
شوف ما شبعانه منه   فقط ست اشهور سنه
              وانتظر جلماته
اشحلاة الابن لمن         لوكبر أيامه يحلن
            ولذه احجاياته
يوم يوم انتظره انه.      أشعر ابحبه وحنانه
             اوليدي اشمحلاته
ابعده عني الزمان.  ابصوت اصيح ومو همس
نحره واحه من الجنان  مو سهم بيه ينغرس
،.،،،،،،،،،،،،،،،،،،،،،،،،،،،،،،،،،،،،،،،،،
الأم إذا فگدت ابنهه.     ردلي اتحلفه ابلبنهه
     لئن هوالهه أمل
ابذاك سهر اللي تسهره. ابكل بروده وذاك حره
وذاك طعمه الجن عسل
وياظهرهه المحني خيمه    من تلوليله ابعزيمه
   يمه نام احلى الجمل
هو عمري وهو روحي.  والدوه اليشفي جروحي
        جسمي بغيابه نحل
كل تعب مني يزول   لحظة لو جفه امس.
نحره واحه من الجنان  مو سهم بيه ينغرس
      ،،،،،،،،،،.،،،،،،،،،،،،،،،،،،،،،،،،،،،،،،١
روحي صحره وانت غيمه. والهوى انت ونسيمه
          رد عليه ماترد
يبس كلشي وحزني خضر   وهالحزن يوميه يكبر
           وانا ليامك اعد
ساعه ساعه بلكي ترجع  الحضني وتمسح المدمع
          حلمي ولليقضه ارد
وكل شعوري وكلشي بيه    ينادي ارجع يمه ليه
           ازرع ادروبك ورد
كلشي اتحول رماد.     ونگطع حتى النفس
نحره واحه من الجنان    مو سهم بيه ينغرس
@had_jaa

الشاعر الحسيني،،،،، هادي الساعدي