نزله  سريعه على الإمام القاسم ع◾
رد علي فدوه يغالي    صوتي راح من الانين
صورتك مافارگتني.   مرعد اگليبي الحنين
▪️▪️▪️▪️▪️▪️▪️▪️▪️
قطعه من الجبد ونياط الگلب
نسمة اعذيبي عشگ طيبك يهب
صعبه ما صدگ الگمر جوه الترب
يبني ما وجد گمت حتى الدرب
انت العيون.    يمزيون   يبني يل ولد
بعدك اشلون   يسألون    عنك يل سند
عذبت حالي الليالي  ونتي ابطور الحزين
صورتك مافارگتني  مرعد اگليبي الحنين
▪️▪️▪️▪️▪️▪️▪️▪️▪️
اهناه مجانك يبني َ من نگعد  سوه
ليش طفوا شمعتك آه يا ضوه
ياغصن گلبي حزن گلبي  حوه
أنه والميته ترى أخلافك سوه
گلبي مذبوح.    يمملوح   ياضي الگمر
ينزف اجروح.   بلا روح   صاحبت السهر
والصخر ون اعله حالي   ايعيني ربي المعين
صورتك مافارگتني.  مرعد اگليبي الحنين
▪️▪️▪️▪️▪️▪️▪️▪️▪️▪️
اَمنين اجيبك يل خذت روحي ورحت
رد عليه يا  ذخر شيبي  صحت
اتلم كبرتي جان كل ضني ردت
امك الميته ترى لمن   متت
خذني وياك.   يمحلاك. ياروحي وهلي
ذبل َورداك.     بلياك.   حزني معتلي
يا بعد روحي ودلالي. ما ترد ذيج السنين
صورتك ما فارگتني    مرعد اگليبي الحنين
▪️▪️▪️▪️▪️▪️▪️▪️▪️
اشلون اليه اعيون أشاهد موتتك
وانت وسط اصبيهه عيني ظمتك
أمك انه وبقى دوم   ابعازتك
ما فرحت وصار دمك حنتك
عرسك هناك.  يحياك    رافع هامتك
انذلت اعداك. بيمناك.   تسطر ضربتك
ماخفت وكت النزالي. ابزود ناصرت الحسين
صورتك مافارگتني. مرعد اگليبي الحنين
▪️▪️▪️▪️▪️▪️▪️▪️▪️
صارت الجنه الك يبني مهر
والنبي جدك يباركلك حظر
والسمه َواهل السمه الكل ابتشر
طبقتهه للوصيه ابكل فخر

رافع الهام     يمقدام       عمك ناصرت
يبن الإكرام   للأسلام      ابروحك خاطرت
ترجز ولا ما مبالي.   كلك ايمان ويقين
صورتك ما فاركتني  مرعد اگليبي الحنين
الشاعر هادي الساعدي

قصيده سريعه عگيلي هوسات عن الانصار▪️
انصار حسين اشمحلاهم

▪️▪️▪️▪️▪️▪️▪️
اجتمعوا كلهم با العاشر
واتفقوا لحسين اناصر
بالروح وبالدم انخاطر
اتفقوا ونطوه احجايه
وكلهه اترفرف بالرايه
والرابه اتهوس حياهم
▪️▪️▪️▪️▪️▪️▪️
يا غيره البيهم يا غيره
موقفهم واضح تفسيره
كل واحد معروف السيره
ذلوهه الدنيا وعافوهه
والموته اعلل حق يشروهه
ذموهه وعافوا دنياهم
▪️▪️▪️▪️▪️▪️▪️▪️
شيخ الانصار الشد حيله
وشحده أليگرب يا ويله
واليلعب ويانه ابذيله
أله انخليه يكره يومه
ما يلحگ يختل بهدومه
يسراهم تردم يمناهم
▪️▪️▪️▪️▪️▪️▪️▪️
   أجنن عابس شگ ثوبه
بالروح ايضحي  المحبوبه
ضمأن ألكاسه ومشروبه.
اتشرف بتراب اجدامه
گللهم وگع  گدامه
وعدائه ابصدره أتلگاهم
▪️▪️▪️▪️▪️▪️▪️

جون اتحزم بگرابه
وحسين الوقعله اكتابه
فرسان اتحدى ونشابه

مولايه وافديك  ابعمري
گل لحسين وطيب عطري
ويه انصارك سجلني اوياهم
▪️▪️▪️▪️▪️▪️
مرعوبه أعداهم مذهوله
من عدهم ترجف مشلوله
فرسان اتخاف ومسلوله
وأحدهم الاف ايعادل
شجعان اتهابه َومتنازل
أصحابه حسين وعداهم
الشاعر،، هادي الساعدي

قصيده عن زينب ع
زينب قرة العين   احتارت بين الاثنين
تطفي نار الخيام.   مدري اتسكت الايتام
*-----------------*------------------*
عفيه بل عقيله حملت اهموم
جرح ما ينحمل كل لحظه ملجوم
يتجدد حزنهه هيه كل  يوم
واضح هل امر للناس معلوم
تسمى ام الأحزان
عمر تبجي اعللخوان
ما رحمتهه الايام
زادت بيهه الألام
*----------------*--------------------*

على اخيمهه يوسفه هجموا  انذال
تصبر بالحرم وتسكت الاطفال
وينك يا علي وتشاهد الحال
ولو عباس حاضر سوه زلزال
من صوته تخافون
وبالشرده تحيرون
جريمه انتم ازلام
يا اولاد الاقزام
*------------------------*-------------------*

عمه وين أبويه خلصت الروح
أريدآ هسه اشوفه يداوي الجروح
رقيه وذبلت من الفرگه والنوح
مثل ام عون ياهو گلبه مجروح
اخوتهه مجاتيل
وصدرهم رضته الخيل
وهمه ولد الإكرام
َوجدهم نبي الإسلام
*---------------------*-------------------*

بالطف جم بدر ذبحوه الارجاس
وذبحوه للرضيع ابلايه احساس
وهو بجفوف ابوه گطعوله الانفاس
جريمه آل اميه تنحسب ناس
لا ذمه ولا دين
صاروا ضد الحسين
بالطف سوو اجرام
ذبحوا أجمل احلام
*-----------------------*---------------------*
نعم ناخذ تحيه لأخت الابطال
مدرسة الصبر ومعلمه الاجيال
من خطبت عليهم شبه الارجال
ظل يرجف يزيد وربعه الانذال
رفعت راية الدين.
هاي اخت الميامين
هيبه ورفعه للهام
شجاعه وذلت الشام
الشاعر،، هادي الساعدي

قصيده إلى الأمام العباس ع
سلام الله عليك وعلى اجفوفك
على اعيونك سلام وعلى احروفك
يبو فاضل  سلام   يبو فاضل. سلام
*------------------*---------------*
عبد صالح مطيع الخالق الكون
وبطاهه رسوله ابحبه مفتون
ومطيع ألحيدره كلك يمزيون
ألك ياما مواقف بيهه يحجون
لذلك مثله طالع   عن الحق تدافع
علي وهيبة علي كلهه تشوفك
*-----------------*------------------*
نقرا ازيارتك بيهه انتمعن
عندك منزله أفعالك يلمعن
سبع وجفوفك ألباطل يصفعن
عليك اعيونه مو بس يدمعن
نعميهه يغالي.  ونبجيلك ليالي
مثمره ودانيه بالحب قطوفك
*----------------*---------------*
ابخزرة عينك الفرسان تشرد
تفر اجيوش منك لمن اتصد
مثل حيدر شجاع وما ألك ند
بالميدان منك كلهه تلبد
من اتهد عليهم   يطب الموت بيهم
جيش الوحدك وترعب صفوفك
*-------------*------------------*
يبو الغيره الشهم يل جفك أهلال
يبو طول الحلو يا حلو الأفعال
جفك لو سطر العدى جتال
من اتصول ترعب جيش الانذال
رأس ابراس ينطگ  وأحدهم ميلحگ
يكافل زينب اعلل حره خوفك
*-----------------*----------------–*

نافذ البصيره الصادق ايگَول
نعم أعلى المراتب حتمآ اتنول
الوفه عنوانك وحيرت العقول
يسبع الگنطره يمبجي الفحول
أشما نحجي احنه عنك ثلث تنعام منك
متعني الوفه الشخصك يطوفك
*------------------*----------------*
نجي ألشباجك ونبجي احنه يمه
ونتمنه ابحلم   جفك   نشمه
يل مضحي ابجفوفك لبو اليمه
مجد تاريخك وبالخوه  قمه
شعر عنك كتبنه  ومن حبك شربنه
يل متعوفنه لا ما نعوفك
الشاعر،، هادي الساعدي

قصيده رباطات على الإمام العباس ع
الكافل طب بالميدان   زلزلهه اعلل عدوان
             هذا ابو فاضل
*-----------------*----------------------*

يا زينه عباس الشهم. لمن يطب للحومه
مخطوفه اوجوه الزلم  تتراجف ومهزومه
بس حرك اجدامه ومشه   أعدائه بقت مصدومه
لا ساكن الهم حركوا  كلمن شرد بهدومه

هذا منين النبراس.   گطعوا حتى الانفاس
         بنظراته    زلزلهه اعدائه
*-----------------*--------------------*
عباس حمال اللوه. فوگ النجم ساريته
يمنة علي ما تنلوي. جف حيدره َوكل صيته
تسطر سطر جف يمنتك  جم فارس الذليته
للعلگمي لمن رحت.  جيس العدى أتحديته

مذهولين من الخوف. واحدهم ظل ميشوف

ومرعوبه ،، محتاره الگوم  ومرعوبه
*---------------*----------------------*
يا زينب اختي ادللي.   انطه عهد وحجايه
قريهه عينج يا ضوه     يا بعد هاي وهايه
بس گولي انتي وداعتج   هذا النهر وي مايه
گالاهه ابو فاضل بعد    ما يوم يخلف رايه
ظل يمشي وحده ابزود  مملي جاباه الجود

ايهابونه،،،،، والجيش ابكبره   ابهابونه
*-----------------*-----------------*
كض جوده بيده وانتفض للمشرعه لا ماهم
وعدائه جانوا جم الف  ابزوده مشه ويتقدم
حيد و وصل يم النهر  ولحسين ظل يتألم
مد جفه ابوالغيره الشهم ماضوگ كل ماي
أقسم
وبجوده جاب الماي.  نعمين من السقاي
ايسمونه.،،،،،، عباس الساقي.   ايسمونه
*-------------------*--------------------*
هايه نهايتنه ترى      واحد يشاور واحد
هذا اليسمونه الكلف   انظر أفعاله وشاهد
متروس غيره ومرجله   قائد على كل قائد
تتطافر منين ألنقر  . الفارس بيهم لابد

ختلو جنهم نسوان  ما جانت بالحسبان
ايلاگونه،،،،، لوهمه ازلام.    ايلاگونه
*---------------*--------------------*
الميمنه والميسره   يتادسون أبسكته
لا قائد البيهم برز  كلمن يلوذ ابصمته
لا حنظله لا أبن سعد حتى الشمر جن شفته
راجع الف مره وره. ايدور ترى اعلل فلته
من شافوه العباس  تترادم راس  ابراس
تتباجه،،، وتصيح ادخيلك،،، تتباجه

الشاعر،، هادي الساعدي

قصيده عن الإمام العباس ع  سريعه
هلا بالناصر احسينه
ورخص اله جفينه
هلا بعباس    ابو النوماس
*----------------*----------------*
هلا بالبجه  عدوانه
الوفه والزود عنوانه
سمح معروف بأحسانه
وثابت عزمه وإيمانه

بعد ترباة ابو الحسنين.
كل انفاسه لجل الدين
هلا بعباس. ابو النوماس
*-------------------*----------------*
على العدوان موت احمر
من يغير  لو   كبر
الفارس وحده يتعثر
يخاف ويرجف العسكر

لوسمعو اسم عباس
يوكر الطير فوگ الراس
هلا بعباس. ابو النوماس
*----------------------*---------------------*
الزينب روحه يفديهه
اشحده الجاب طاريهه
ويغثهه ويحاجيهه
وهو الگمر حاميهه

السابع جد أله ايرده
يذله ويصفعه ابخده
هلا بعباس  ابو النوماس
*----------------------*------------------*
حلو والبدر منه ايغار
كلمن شافه ظل محتار
اسد مغوار ابن مغوار
فده عمره لبو الاحرار

عظيم الشان منزلته
مقامه عالي مرتبته
هلا بعباس ابو النوماس
*------------------*-----------------*،
نهر خالد وفه كله
ابعدوه خله الف عله
ابرعب عيشهم وذله
ذكرهم بابو الحمله

خزرة عينه ترعبهم
وسطرة جفه ترهبهم
هلا بعباس ابو النَوماس
*--------------*-------------------*
مدرسة الوفه معروف
وللخوه نطاهه اجفوف
عدوه من اسمه يرجف خوف
يعثر  وحده وميشوف
يسأل گولوا هذا منبن
جنه حيدرهرابصفين
هلا بعباس ابو النوماس
الشاعر،، هادي الساعدي

١

قصيده عن الخدم  والخدامه
خادمك وتشرف   يبن طاهه الهادي
حسين يا محبوبي  كلشي بيه ينادي
*---------------*----------------*
ما امل الخدمه.   خدمتك محلاهه
هيه رفعة راسي   وبيهه انه اتباهه
ما ألومه البحجي. وماعرف معناهه
يا حلاة الخدمه    عاشگ وأهواهه
حسين يا محبوبي كلشي بيه ينادي
هيه نور ادروبي . كلشي بيه ينادي
*--------------*--------------—----*
ألما يحبك يندم.    خل يراجع أصله 
خله لازم عنده.       دربه ما. يندله
خل يراجع نفسه.   لا يطيح ابذله
و اليحبك فايز.  رحمة الله اتشمله
ياشفيع اذنوبي     كلشي بيه ينادي
*- - - - - - - - - - - - *- - - - - - - - - *
للمجالس   آخذ.     من الزغر اولادي
بيهم اغرس حبك   علموني اجدادي
انت نور اعيوني.    جنة الله وزادي
امنياتي كلهه.     ويه الخدم تعدادي 
اتوقع ابمكتوبي. كلشي بيه ينادي
*- - - - - - - - - - *- - - - - - - - - - *
ريت اخلص عمري    بالمواكب خادم
واصرخ بكل صوتي  يا هلا بالقادم
خادم  الزوارك.       الكل ملذه هادم
اجندت للخدمه     الما يخدمك نادم
اسود البس ثوبي كلشي بيه ينادي
، *- - - - - - - - - - *- - - - - - - - - - *
فضلك وتضحيتك  َوداعتك يحسيني
ابد ما انساهه.      يل مثبت ديني
يبقى خالد طفك. يللي ساكن عيني
المرقدك اتعنه. أشواگي ألتوديني
زادي ومشروبي. . كلشي بيه ينادي
الشاعر،، هادي الساعدي

قصيده عن زينب والإمام العباس ع🔸
بيه أفتخر كافلني    وسط الجفن شايلني
معروف اخوي بغيرته. تارس الجود بجربته
       بيه أفتخر كافلني
🔸🔸🔸🔸🔸🔸🔸🔸
أسمه يرعب العدوان  يسمونه الگمر عباس
يشبه حيدره الكرار    كله مرجله ونوماس
منه ترجف الظلام    يرعب سيفه الأرجاس

تتهيب اعداه منه.   أشحده الگرب ودنه
شمرة أبونه شمرته. تارس الجود بجربته
  بيه أفتخر كافلني
    🔸🔸🔸🔸🔸🔸🔸🔸🔸
من شاف الحرم تصرخ  وتنادي يبو الحملات
بيك احنه تنخينه      وتنزل سكته الدمعات
صوب العلگمي اتعنه  جاب الماي ابوالكلفات

لا مو زلم ناداهم.  وبطلعته اتحداهم
كاشخ بزوده ولامته  تارس الجود بجربته
       بيه افتخر كافلني
   🔸🔸🔸🔸🔸🔸🔸
يتلئلئ بدر ضاوي.  من نوره الشمس غارت
ومن طب ساحة الحومه  فرسان العدى انهارت
جم فارس يصيح أدخيل  امنين الشرده أحتارت

من حرك اذراعه وصاح.
من خوفه قائدهم طاح
يرعبهم اسمه ونظرته  تارس الجود بجربته
بيه افتخر كافلني
🔸🔸🔸🔸🔸🔸🔸🔸🔸
عباس الكرم والجود.  والطيبات بيه كلهن.
كافلني ونعم منه     الحرم ويايه كافلهن
ابجفه رافع الرايات   اجفوف أعدائه ايذلهن
أگبل عليهم وحده. للجيش كله أتحده
للماي يمشي براحته. تارس الجود بجربته
  بيه افتخر كافلني
🔸🔸🔸🔸🔸🔸🔸🔸
وحق كل يوم بيه عشنه وذيج الخوه واللمه
يظل عايش نفس بيه. الهوى هو الذي اشتمه
جرح فرگاه لا ميطيب. هو وجرح ابو اليمه

همه العمر والآمال   فرگاهم يهز اجبال
وعيوني كلشي شافته  تارس الجود بجربته
          بيه افتخر كافلني

الشاعر،، هادي الساعدي

     ابوذيه بحق ام البنين والعباس ع🔹
شهم ما خالفت يوليدي وعداك
بالف فارس احسبنك وعداك
صگار العدى ايسموك وعداك
يشوفونك علي حامي الحميه
هادي الساعدي

ابوذيه عن الامام العباس
ابو فاضل ابد لا ما نسه أخته
ما يوجد نضيره ولا نسخته
حبه ابروحي وگلبي نسخته
عشگته والعشگ حد المنيه
الشاعر،، هادي الساعدي ؛

ابوذيات عن الام 😭😭
كلمات الشاعر هادي الساعدي

🌹   ياحسين نور عيني🌹
مسألة عندي وأريد ألهه
وانا اعرف زين حل المسألة
اليموت ويندفن تحت التراب
جم سنه تبجي عليه ناسه وهله
عشره لو عشرين لا روح اربعين
وزين إذا  الفاتحه يقروهه إله
مو لغز هذا ولكن ارد اگول
الف  وربعمية عام   الكامله
حسين جن ميت أمس هاك الدليل
ابمحرم  شوف جم  مأتم  إله
الشاعر،، هادي الساعدي

ابوذيات حسينيه

لبو اليمه نذر عمري وقف له
سكن حبه وسط گلبي وقفله
أقف لحسين هم انت وقف له
واقره الفاتحه لبن الزجيه

الأنصار
وي حسين  محلاهه الشهاده
نجحنه بحبه ونطانه شهاده
خير أصحاب يكفينه شهاده
وسام اعلل صدر واعظم هديه

الشاعر،، هادي الساعدي

🔸ابوذيات حسينيه🔸🔸🔸
اصيح حسين هذا حسين يماي
سليب وخنصره مگطوع يماه
ويگلولي اشربي الماي يا ماي
وعطاشا كل هلي راحوا سويه
🔸🔸🔸🔸🔸🔸🔸🔸
أنه زينب مشت روحي وراهم
همي اشما خلص يرجع وراهم.
صدگ ماشوف خواني وراهم
حلم ياناس شوفتهم عليه
🔸🔸🔸🔸🔸🔸🔸
ابو فاضل الهذا اليوم يراد
سيفه ابز ود جالفقار يرد.    
مشه للماي جن اعداه يراد
بس اگبل اشو فروا سويه
🔸🔸🔸🔸🔸🔸🔸🔸
الحز نحرك يبو السجاد حزنه
وكل شيعي يظل للموت حزنه
يل أعلى المراتب بيك حزن
تظل للأمه عنوان وهويه
الوادم بعالم تسولف 🌹
وانا سالفتي الحسين ❣️❣️،،،

https://www.tg-me.com/had_jaa:

نعي عن العليله ع
طفلة انا وضيعتكم
       ليش عفتوني شجاكم
حاولت اقتنع انسه
    كلشي ظل يمشي َوراكم
أبحرت والدنيا ليل
      اشراعي هل يتبع هواكم
والنهار ايمر عليه
      ظلمه وتناطر ضواكم
ها نسيتوني بعدكم
         ورده ذبلهه جفاكم
ضحكة الشمات توجع
     ميته من تسمع نساكم
وجادر الأحزان باقي
    مأتم الحد ما اراكم
كل جرح بيهه مدينه
      وفقط اشفه من دواكم
الشاعر،،،، هادي الساعدي

ابوذيه هاجن
عليه الناس خل ادگول ها جن
اجروحي اغماج وسط الروح هاجن
بنات حسين من الخيم هجن
سكينه والحرم تبجي ورقيه
الشاعر،، هادي الساعدي

     ابوذيات حسينيه
لبو اليمه نذر عمري وقف له
گلبي حسين مفتاحه وقفله
أقف لحسين هم انت وقف له
واقره الفاتحه لبن الزجيه
- - - - - - - *- - - - - - - -
غير حسين ما عندي وسيله
ووشل دمع البعيني وسيله
مذنب واعترف يمه وسأله
شفيعي يكون من تثگل عليه
- - - - - - - - *- - -  - - -
ابوذيه عن الإمام العباس ع
ابو فاضل ابد لا ما نسه أخته
ما يوجد نضيره ولا نسخته
حبه ابروحي وگلبي نسخته
عشگته والعشگ حد المنيه

- - - - - - - - - *- - - - - - -
   ابوذيات للأنصار
وي حسين  محلاهه الشهاده
نجحنه بحبه ونطانه شهاده
خير أصحاب يكفينه شهاده
وسام اعلل صدر واعظم هديه
*---------—-*---------------*
وي حسين لا منعوف ونصر
واحنه احبابه ابد للموت وانصار
آخر لحظه بوداعه  ون صار
لئن وحده يظل بالغاضريه
*---------------*----------------*
تهاب  الموت  حاشا وعدهه الحسين
لجل الدين صالت   عدهه الحسين
واحد وسبعين صاحب عدهه الحسين
خبر أصحاب همه اعلل وطيه
خادم أهل البيت ع
الشاعر،، هادي الساعدي

   
نعي فصيح ام البنين ع
أبكي على فراقكم   يا قرة العينِ
أشتاق اليكم صفوتي ويهزني الحنين
بدورُ نوركم واضح ساطعُ كل حينِ
نعم الأخوة كلكم  فداءً للحسين
يا من بذلتم روحكم لله والدين
سيبقى  ذكركم خالد وتشهد السنين
رأسي بكم مرفوعةً يا خيرة البنين

الشاعر،، هادي الساعدي