Парламентлараро иттифоқ ассамблеясининг 150-сессияси ўтказилиши муносабати билан 4−9 апрель кунлари Тошкентнинг марказий кўчалари бўйлаб юк машиналарининг ҳаракати тўлиқ чекланади.

https://www.gazeta.uz/uz/2025/04/03/tashkent/

Telegram | Instagram | YouTube

Қурол ёки ўқ-дориларни ихтиёрий топширганлик учун мукофот миқдори БҲМнинг 5 дан 500 фоизигача этиб белгиланди. Агар қурол шикастланган бўлса, мукофот миқдори икки баравар камаяди.

https://www.gazeta.uz/uz/2025/04/03/gun/

Telegram | Instagram | YouTube

Пойтахт метросининг «Буюк ипак йўли» бекатида санитария хоналари очилди ва ногиронлиги бор шахслар учун электрон кўтаргичлар ўрнатилди. Йил охиригача яна 16 та бекатда шундай кўтаргичлар пайдо бўлиши керак.

https://www.gazeta.uz/uz/2025/04/03/metro/

Telegram | Instagram | YouTube

Шавкат Мирзиёев Самарқанддаги саммит олдидан Туркманистон, Қирғизистон, Тожикистон ва Қозоғистон президентлари билан икки томонлама учрашувлар ўтказди. Улар савдо, саноат, энергетика ва инфратузилма соҳаларида ҳамкорликни мустаҳкамлаш, шунингдек, минтақавий масалалар юзасидан фикр алмашди.

https://www.gazeta.uz/uz/2025/04/03/meetings/

Telegram | Instagram | YouTube

Кутилаётган ёмғирлар сабабли 4−7 апрель кунлари Ўзбекистоннинг тўққизта вилоятидаги тоғли ҳудудларда сел-сув тошқинлари юз бериши мумкин.

https://www.gazeta.uz/uz/2025/04/03/sel/

Telegram | Instagram | YouTube

3 апрель куни эълон қилинган энг муҳим янгиликлар дайжести

🇺🇸 «АҚШда ноқонуний яшаётган Ўзбекистон фуқароларига ўз ихтиёрлари билан қайтишни маслаҳат бераман» — элчи.

📄 Бельгия телекоммуникация соҳасидаги коррупция иши бўйича мусодара қилинган 108 млн долларни Ўзбекистонга ўтказади.

🗣 «Ўзбекистон ва Марказий Осиё мамлакатлари Европа учун ишончли ҳамкорлардир» — Урсула фон дер Ляйен.

🚗 Бизнес омбудсман электромобиллар импортидаги чекловлар бўйича тушунтириш беришни сўради.

🌤 Ўзбекистонда апрелда об-ҳаво қандай бўлади?

🧮 Трамп «барча мамлакатлар», жумладан, Ўзбекистон учун божларни эълон қилди.

Батафсил: www.gazeta.uz/uz/2025/04/03/dayjest/

Telegram | Instagram | YouTube

Иқтисодчи Миркомил Холбоев АҚШ божларининг Ўзбекистон иқтисодиётига таъсирини баҳолади. Тўғридан-тўғри таъсир сезиларли бўлмайди — Ўзбекистоннинг АҚШга экспортининг атиги 14 фоизи тарифлар таъсирига тушади. Бироқ савдонинг глобал секинлашуви экспорт даромадларига салбий таъсир кўрсатиши мумкин.

https://www.gazeta.uz/uz/2025/04/03/trade-war-uzbekistan/

Telegram | Instagram | YouTube

2024 йил солиқ органлари томонидан харид чеки бермаслик бўйича салкам 38 минг ҳолатда солиқ текшируви ўтказилди. Натижада ҳуқуқбузарлик содир этган тадбиркорлик субъектларига нисбатан 135 млрд сўмлик жарима қўлланилди. «Ҳозиргача бунинг 100 миллиарддан ортиғи ундирилди», — дейди қўмита вакили.

https://www.gazeta.uz/uz/2025/04/04/xarid-cheki/

Telegram | Instagram | YouTube

Марказий Осиё ва Европа Иттифоқининг биринчи саммити якунлари бўйича қабул қилиниши кутилаётган Самарқанд декларацияси икки минтақа ўртасидаги муносабатларни стратегик шериклик даражасига кўтаради. Ҳужжат лойиҳаси кеча кечқурун келишилди, деди Ўзбекистон президенти матбуот котиби Шерзод Асадов.

https://www.gazeta.uz/uz/2025/04/04/ca-eu-relations/

Telegram | Instagram | YouTube

4 апрель соат 11:00 дан 18:00 гача Учтепа, Чилонзор, Олмазор ва Шайхонтоҳур туманларининг баъзи ҳудудларида газ етказиб бериш тўхтатилади. Таъмирлаш ишлари тугатилгандан сўнг, табиий газ таъминоти қайта тикланади.

https://www.gazeta.uz/uz/2025/04/04/gaz/

Telegram | Instagram | YouTube

АҚШ божларида Ўзбекистон қиёсий устунликка эга тармоқларнинг ривожланишига имкониятни кўриш мумкин, деди президентнинг ЖСТ бўйича махсус вакили Азизбек Урунов. Унинг сўзларига кўра, тўқимачилик ва тикувчилик саноати янги инвестицияларни жалб қилиши ва экспортни кенгайтириши мумкин.

https://www.gazeta.uz/uz/2025/04/04/wto/

Telegram | Instagram | YouTube

«Украина атрофидаги вазиятни тинч йўл билан ҳал этиш бўйича музокаралар жараёни бошланганини олқишлаймиз ва тўлиқ қўллаб-қувватлаймиз», — деди Ўзбекистон президенти «Марказий Осиё — Европа Иттифоқи» биринчи саммитида.

https://www.gazeta.uz/uz/2025/04/04/ukraine/

Telegram | Instagram | YouTube

Шанба ва якшанба кунлари ҳудудларда қисқа муддатли ёмғир ёғиши, момақалдироқ бўлиши мумкин. Кундуз кунлари ҳаво +23…+28, баъзи жойларда +30 даражагача исийди.

https://www.gazeta.uz/uz/2025/04/04/ob-havo/

Telegram | Instagram | YouTube

Жанубий Корея Конституциявий суди президент Юн Сок Ёлга нисбатан тўрт ой олдин эълон қилинган импичментни тасдиқлади. Юзлаб одамлар бу янгиликни «Ғалаба қозондик!» деган қичқириқлар билан кутиб олди. Энди мамлакатда президент сайловлари 60 кун ичида ўтказилиши керак.

https://www.gazeta.uz/uz/2025/04/04/south-korea/

Telegram | Instagram | YouTube

Ўзбекистондаги масжидлар бўйлаб техник ва ёнғин хавфсизлиги талаблари, иссиқ сув ҳамда иссиқлик энергияси билан таъминлаш тизимлари назоратдан ўтказилмоқда. Аввалроқ Избоскан туманидаги масжид таҳоратхонасидаги портлаш ортидан ёнғин хавфсизлиги қоидаларини бузиш моддаси билан жиноят иши очилганди.

https://www.gazeta.uz/uz/2025/04/04/masjid/

Telegram | Instagram | YouTube

Ўзбекистонда тўлов хизматлари мижозларни мобиль иловаларда ҳисобварақ очиш, электрон терминаллар чиқариш, 11,25 млн сўм миқдоридаги пул ўтказмаларини жўнатиш, қабул қилишда тегишли текширувдан ўтказиши шарт. БҲМнинг 30 бараваридан ошган ўтказмаларда жўнатувчининг маълумотлари кўрсатилиши шарт.

https://www.gazeta.uz/uz/2025/04/04/transfers/

Telegram | Instagram | YouTube

Ўзбекистон президенти Марказий Осиё — Европа Иттифоқи саммитида шериклик ва ҳамкорлик тўғрисида тўлақонли битим имзолашни таклиф қилди. У, шунингдек, Европа Иттифоқи билан муҳим хомашё бўйича ишлашга қизиқиш билдирди, бироқ жараён самарали транспорт йўлакларининг йўқлиги туфайли қийинлашмоқда.

https://www.gazeta.uz/uz/2025/04/04/uzbekistan-eu/

Telegram | Instagram | YouTube

Ўзбекистон президенти жаҳон ҳамжамияти Афғонистон ҳудудидан келаётган таҳдидларга етарлича баҳо бермаётганини айтди. У мамлакатни минтақавий лойиҳаларга жалб қилишга чақирди ва халқаро ҳамжамиятнинг Афғонистон расмийлари билан мулоқотини йўлга қўйишига умид билдирди.

https://www.gazeta.uz/uz/2025/04/04/afghanistan/

Telegram | Instagram | YouTube

Фурқат туманида оралиқ масофани сақламаган Damas юк машинаси билан тўқнашди. ЙТҲ оқибатида икки киши ҳалок бўлди, яна бир киши реанимация бўлимига ётқизилди.

https://www.gazeta.uz/uz/2025/04/04/yth/

Telegram | Instagram | YouTube

Ўзгидромет агентлиги 2025 йилнинг март ойи иқлимий меъёрга яқин бўлганини маълум қилди. Республика ҳудудининг катта қисмида март ойи учун ёғингарчиликнинг умумий миқдори ойлик меъёр атрофида ва ундан кам бўлди. Тоғли ҳудудларида қорнинг жадал эриши кузатилди.

https://www.gazeta.uz/uz/2025/04/04/mart/

Telegram | Instagram | YouTube