قائمة تضم كتب في علم النفس و علم الاجتماع و تطوير الذات (للمبتدئين و غير الاختصاصين) : 💛

- لا بطعم الفلامنكو ✅
- الخروج عن النص ✅
ـ ذكر شرقي منقرض ✅
ـ أبي الذي أكره ✅
ـ عقدك النفسية سجنك الأبدي ✅
ـ أهم 50 كتاب في علم النفس ✅
ـ ربما عليك أن تكلم أحداً
ـ التخلف الاجتماعي (كتاب ثقيل شوي لكن مهم جداً جداً) ✅
ـ التحليل النفسي الفوري ✅
ـ العادات الذرية
ـ العادات الـ7 للناس الأكثر فعالية
ـ دليل النجاة الفردية ✅
ـ سيكولوجية الجماهير ✅
ـ سيكولوجية السعادة
ـ منطق ابن خلدون
ـ مدخل إلى التحليل النفسي
ـ الكبت ✅
ـ العقل فوق العاطفة ✅
ـ تفسير الأحلام لفرويد ✅
ـ فكر فرويد
ـ حيونة الإنسان ✅
ـ انتصارات التحليل النفسي ✅
ـ المجتمع السوي
ـ الذكاء العاطفي ✅
ـ الإنسان المهدور
ـ الإنسان و علم النفس لـ د. عبد الستار ابراهيم
ـ أصول علم النفس لـ د.احمد راجح
ـ مهزلة العقل البشري ✅
ـ علاقات خطرة ✅
ـ اغتصاب العقل
ـ الصحة النفسية لـ مصطفى حجازي
ـ ما وراء مبدأ اللذة لـ فرويد ✅
ـ محاضرات تمهيدية لعلم النفس لفرويد
ـ علم نفس الجماهير
- مُحاط بالمرضى النفسيين ✅
- مُحاط بالحمقى ✅
- الهشاشة النفسية ✅

لو أنت إنسان عنده قلب و عقل بتقدر : 💕🕊
ـ تتعلم
ـ تربي نفسك
ـ تنتج

بحب لما حدا يميزني بشي الباقي ما بعرفوه و مجهول بالنسبة إلهم♥️
لهيك من الأشياء يلي بتخلي مشاعري عالية و بتلمع و حاسة بالحب هي "الأسرار"
_ لما شخص يحكيلي شي و بعدها جملة"ما حدا بعرف غيرك لا تقولي لحدا"
_ لما بنت تعطيني وصفة سرية لشي معين مع أنو بالعادة ما بتشارك هالشي مع أي إنسان
ـ لما حدا يعطيني ملفات و كورسات و روابط بتسهل عليّ شغلي و يحكيلي لا تخبري حدا عنهن
ـ لما حدا يعطيني سر مهني أو طريقة مختصرة لعمل شي ما
كلها أفعال بتحسسني بمشاعر دافية و حلوة ♥️♥️♥️✨🦋

- الرساله ؛ شو هاد التطبيق الي عم يكون تابع مسلسلك التلفزيوني المفضل ؟؟؟

صباح الخير 🪄☀️🌱

مهامي لليوم:
قراءة أذكار الصباح +أذكار المساء ✅
٣ ساعات بدون هاتف (١١ ساعة 😁)✅
درس لغة (استماع)
تدوين ✅
دراسة لمدة ساعة ✅
تحضير درس ليوم الأحد
قراءة ✅
تسميع سورتين ✅♥️

المنشور طويل بس مهم كثير كثير♥️
من كم سنة قررت صير أحفظ قرآن وأحضر دروس بالجامع، ورحت على أقرب جامع على بيتي (وهالشي تكرر مرتين بحياتي وكان نفس الوضع)

ما بعرف ليش هيك بس كان الجو مو مريح، الآنسات عندهن غرور ولما وحدة تحكي معي بتحكي بطريقة مزعجة وكأنها أحسن مني، كانت أختي الصغيرة عم تصلي وبالغلط نزل حجابها لما ركعت وبينت رقبتها سمعت آنسة عم تحكي لطالباتها شوفوا هالبنت شلون بتصلي ورقبتها مبينة وصاروا يضحكوا عليها، مشرفة الجامع بتصرخ عالبنات وعالناس بسبب وبلا سبب، ولما آنسة تعطي درس بخص المرأة تعطي مثال على بنت عاملة شي غلط بشكلها أو بلبسها بطريقة بشعة وتفرجي الكل عليها.
داومت كم يوم وتركت (نفرت)
وضلت بنفسي يكون في عندي حلقة بجامع وآنسة تعلمني وتسمعلي وتشرحلي بشكل مباشر، بس وقتها قلت هاد جو الجوامع وما بدي ياه لأنو عم يكرهني بالدين وأني ما بدي يصير هيك 🤷🏻‍♀

حتى قبل كم شهر سمعت في جامع فتح حلقات جديدة بس بعيد عن بيتي شي نص ساعة وبهالفترة كنت مكتئبة وحزينة كثير، ضليت مترددة أروح وخايفة يطلع الوضع مثل التجارب السابقة ولأني كنت بوضع مأساوي قررت ما أخاطر حتى ما أوصل لليأس ولمرحلة نفسية ودينية سيئة.
بس فجأة قررت أروح أشوف وأجرب، مع إني كنت شبه متأكدة ما رح ألاقي اختلاف بس ما بعرف ليش غيرت رأيي ورحت.
بس كل شي كان بهالجامع مختلف، سبحان الله
تنظيم ونظام حلقات حسب الفئة العمرية
رتابة ونظافة وريحة المسك بتجنن 😁
وجوه بشوشة ومنورة ومبتسمة ومرحبة بالكل
تشجيع ومسابقات للصغار والكبار ومدح شو ما كان الإنجاز عادي
ومشرفة الجامع لطيفة وطلعت آنسة الرياضيات يلي كانت تعطيني بالبكلوريا 😂♥️
ولا مرة حدا عامل حدا بطريقة سيئة أو فيها تقليل وإهانة وأسلوب لا يمت للإسلام بصلة بحجة الأمر بالمعروف.
وحالياً بستنى يوم السبت بالدقيقة حتى أروح عالجامع.

مبارح كتبت مهامي وفطرت وطلعت على شغلي وقررت شو لازم أعمل باقي اليوم.
بالطريق كان في وحدة كبيرة ماشية بنفس الشارع يلي ماشية فيه بس سبقتها بكم خطوة وطلعت عالرصيف، قربت على مكان شغلي وبدي أقطع عالشارع الثاني، خلال ثواني ما شفت غير سيارة ضربتها والمخلوقة صارت بنص الشارع وعم تصرخ وكل الناس صاروا حواليها ونزل صاحب السيارة يسعفها وبعدين صوتها اختفى وماعد قدرت أشوف شو صار بسبب تجمع الناس عند الحادث
كل هاد وأني واقفة بمكاني مصدومة ومتجمدة.
فكرت إني كان ممكن أكون مكانها لولا فارق لحظات بسيط
وقديش الإنسان كائن ممكن يختفي وما يضل موجود بأي لحظة وبدون سابق إنذار
وقديش ممكن ما يكون في باقي ليومي، وممكن يخلص بنصه أو بدايته.