ከንቲባ አዳነች ካዛንቺስን በትብብር መልሶ ማልማት በሚቻልበት ሁኔታ ላይ ከባለሃብቶች ጋር ተወያዩ

አዲስ አበባ፣ ሕዳር 6፣ 2017 (ኤፍ ቢ ሲ) የአዲስ አበባ ከተማ ከንቲባ አዳነች አቤቤ ካዛንቺስን በትብብር መልሶ ማልማት በሚቻልበት ሁኔታ ላይ ከአካባቢው ባለሃብቶች ጋር ተወያይተዋል።

ከንቲባ አዳነች አቤቤ በዚህ ወቅት እንዳሉት፥ አዲስ አበባን ምቹ የመኖሪያ አካባቢ ለማድረግ በተጀመረው የኮሪደር ልማት ሥራ እንደ መጀመሪያው ሁሉ የሁለተኛውንም የኮሪደር ልማት ሥራ ህብረተሰቡንና ባለሃብቱን በማሳተፍ  በጥራትና በፍጥነት ለማጠናቀቅ በትኩረት እየተሰራ ነው ።

የካዛንቺስ አካባቢ ባለሃብቶች በበኩላቸው ፥ በኮሪደር ልማትና በመልሶ ማልማት ሥራው እጅግ ደስተኛ መሆናቸውን ገልጸዋል።

የከተማው ጽዳትና ውበት ለኢኮኖሚ መነቃቃት ከፍተኛ አስተዋጽዖ እያበረከተ በመሆኑ በሚችሉት ሁሉ ከከተማ አስተዳደሩ ጎን በመቆም አካባቢውን እንደሚያለሙ ቃል መግባታቸውን የከንቲባ ጽ/ቤት መረጃ አመልክቷል።

ባለሃብቶች ያሏቸውን የልማት ጥያቄዎች በማቅረብ ለመልሶ ማልማት ሥራው በቀረበላቸው ጥሪ ደስተኛ መሆናቸውንም ተናግረዋል።

የአፋር ፌዴራላዊ ዴሞክራሲ ፓርቲ ታጣቂዎች ለክልሉ ሰላም ለመሥራት ተስማሙ

አዲስ አበባ፣ ሕዳር 6፣ 2017 (ኤፍ ቢ ሲ) የአፋር ፌዴራላዊ ዴሞክራሲ ፓርቲ ታጣቂዎች ትጥቃቸውን ለአፋር ክልል መንግሥት አስረክበው ለክልሉ ሰላም እና ልማት በጋራ ለመሥራት ተስማሙ።

የትጥቅ ርክክብ ሥነ-ሥርዓቱ በክልሉ አብአላ ከተማ መካሄዱን የመከላከያ ሠራዊት ማኅበራዊ ትስስር ገጽ መረጃ አመላክቷል፡፡

የክልሉ ርዕሰ መሥተዳድር አወል አርባ በዚሁ ወቅት እንዳሉት÷ ታጣቂዎቹ የሠላምን መንገድ መምረጣቸው ለክልሉ ብሎም ለሀገራዊ ሠላም እና አንድነት ያለው ጠቀሜታ ከፍተኛ ነው።

በክልሉ ሠላም እና ልማት ላይ በንቃት መሣተፍ እንዲችሉም አስፈላጊውን ድጋፍ እንደሚደረግ አረጋግጠዋል፡፡

https://www.fanabc.com/archives/271020