አምባሳደር ታዬ ከአሜሪካ ውጭ ጉዳይ ሚኒስቴር የአፍሪካ ጉዳይ ረዳት ሚኒስትር  ጋር ተወያዩ

አዲስ አበባ፣ መስከረም 15፣ 2017 (ኤፍ ቢ ሲ) የውጭ ጉዳይ ሚኒስትር አምባሳደር ታዬ አጽቀሥላሴ ከአሜሪካ ውጭ ጉዳይ ሚኒስቴር የአፍሪካ ጉዳይ ረዳት ሚኒስትር ሞሊ ፊ ጋር የጋራ ትኩረት በሚሹ ጉዳዮች ዙሪያ ተወያይተዋል።

አምባሳደር ታዬ ኢትዮጵያ እና አሜሪካ መካከል ጠንካራ ግንኙነት መኖሩን በመግለጽ በቀጣይ የጋራ ትኩረት በሚሹ ጉዳዮች ዙሪያ ቀጣይነት ያለው ውይይት አስፈላጊ መሆኑን አንስተዋል።

በአፍሪካ ቀንድ ወቅታዊ ጉዳዮች ዙሪያ ባደረጉበት ገለጻ በተለይ ኢትዮጵያ በቀጣናው ዘላቂ ሰላም እና መረጋጋት እንዲሰፍን እያደረገች ያለውን ጥረት ትኩረት ሰጥተው አንስተዋል።

ሶማሊያን በተመለከተም ኢትዮጵያ ሽብርተኞችን በመዋጋት ረገድ በምታደርገውን የተጠናከረ ጥረት ዙሪያ ገለጻ አድርገዋል።

ከድህረ አትሚስ በኋላ የሚኖረው የኃይል ሥምሪት ተግባራዊ ከመደረጉ አስቀድሞ የስምሪቱ ማዕቀፍ በጥንቃቄ መሠራት እንዳለበት ተናግረዋል።

ሞሊ ፊ በበኩላቸው፥ አሜሪካ ሽብርተኝነትን በመዋጋት እና አጠቃላይ በቀጣናው ሰላም እና መረጋጋት ከኢትዮጵያ ጋር ያላትን ትብብር አጠናክራ እንደምትቀጥል ማረጋገጣቸውን የሚኒስቴሩ መረጃ ያመላክታል።

ውይይቱ ኒውዮርክ እየተካሄደ ከሚገኘው 79ኛው የተመድ ጠቅላላ ጉባዔ ጎን ለጎን ነው የተካሄደው።

ለደመራና መስቀል በዓል መስቀል ዐደባባይን የማጽዳት ሥራ ተከናወነ

አዲስ አበባ፣ መስከረም 15፣ 2017 (ኤፍ ቢ ሲ) የአዲስ አበባ ከተማ አሥተዳደር የመስቀል ደመራ በዓልን ምክንያት በማድረግ በመስቀል ዐደባባይ የፅዳት ሥራ አከናወነ፡፡

በጽዳት ሥራው ላይም የአዲስ አበባ ከተማ አሥተዳደር የሥራ ኃላፊዎች፣ የተለያዩ ሃይማኖቶች መሪዎች እና ምዕመናን ተሳትፈዋል፡፡

የከተማ አሥተዳደሩ የዴሞክራሲ ሥርዓት ግንባታ ማስተባበሪያ ኃላፊ ሞገስ ባልቻ በዚሁ ወቅት÷ የመስቀል ደመራ በዓል ከሃይማኖትነቱ ባሻገር የኢትዮጵያውያን መገለጫና የጋራ ሀብታችን ነው ብለዋል፡፡

በኢትዮጵያ ኦርቶዶክስ ተዋህዶ ቤተክርስቲያን የአዲስ አበባ ሀገረ ስብከት ዋና ሥራ አስኪያጅ መምህር የማነ ዘመንፈስ ቅዱስ በበኩላቸው÷ የመስቀል በዓልን የምናከብረው በመስቀሉ የተሠራልንን ድንቅ ተዓምር ለመግለጽ ነው ሲሉ አስገንዝበዋል፡፡

ቤተክርስቲያኗ በመስቀሉ የምታስተምረው ሰላምን መሆኑን በመግለጽ÷ ይህንን ሰላም በትብብር ማፅናት የሁላችንም ኃላፊነት ነው ሲሉ አስገንዝበዋል፡፡

ከቤተክርስቲያኗ ጎን መሆናቸውን ለመግለጽ የተገኙትን ሁሉም በቤተክርስቲያኗ ስም አመስግነዋል።

https://www.fanabc.com/archives/263476

ወንጪ ሐይቅ- ዓለም አቀፍ ተመራጭ የቱሪዝም መንደር