Ужо заўтра ў Берасці распачнецца міжнародны фестываль кароткаметражнага кіно 🎬🍿

🎥 27-ы штогадовы Манхэтанскі фестываль пройдзе з 26 верасня па 6 кастрычніка.

У праграме MANHATTAN SHORT 2024 прадстаўлена 9 фільмаў з 8 краінаў свету, аб’яднаных адной тэмай – наш унутраны свет.

Кожны год аматары кіно з усяго свету збіраюцца ў кінатэатрах сваіх гарадоў, каб абраць лепшы кароткаметражны фільм. Фіналісты, у сваю чаргу, аўтаматычна атрымліваюць кваліфікацыю на “Оскар”.
———
🎞 У Берасці кінастужкі, прадстаўленыя ў рамках фестывалю, можна паглядзець у кінатэатры Беларусь.

А з раскладам сеансаў можна азнаёміцца тут 👈🏽

Мінскі брэнд выпусціў цішоткі з вядомымі беларусамі.

Брэнд Ani.minsk выпусціў дроп пад назвай “Беларускі гэнг”. На прынце цішотак можна знайсці Караткевіча, Купалу, Коласа, Шагала і Мулявіна разам.
———
Кошт цішоткі – 105 р, а замовіць яе можна тут.

На сваёй старонцы стваральнікі таксама адзначаюць, што “Беларускі гэнг” зачыняе эпоху цішотак у гісторыі брэнда.

У гэту суботу ў Берасці пройдзе сустрэча на тэму беларускай вышыўкі.

На сустрэчы Наталля Мартысюк прадставіць свае працы, а таксама распавядзе, як з’яўляюцца ідэі для вышыўкі, якім сюжэтам аддае перавагу ў сваіх працах, а таксама шмат-шмат іншага!

Вышыўка – традыцыйны від народнага беларускага мастацтва. Вышытымі ўзорамі ўпрыгожвалі адзенне, прадметы побыту і інтэр’ера. Беларуская вышыўка, як від рамёства, не згубіла сваёй актуальнасці, жыве і развіваецца ў нашыя дні, у тым ліку дзякуючы такім майстрам, як Наталля Мартысюк.

Дарэчы, з Наталляй у нас нядаўна выйшаў падкаст, дзе яна распавяла пра свой клуб вышывальшчыц, творчасць і дызайн.

Дата і час: 5 кастрычніка а 12:00

Адрас: Бібліятэка імя А. С. Пушкіна (бул. Шаўчэнкі, 3)
———
✨ Дзецікава — канал пра Берасце і берасцейцаў.