8 верасня ў Берасці пройдзе гульня “Палявы бой”, якая сумяшчае ў сабе марскі бой і пешаходны квэст ✨

Гульня ў руху падыдзе аматарам марскога бою і доўгіх прагулак.

Для гульні неабходны смартфон з выхадам у інтэрнэт, асадка і добры настрой!📱

Паспаборнічаць можна камандай з двух чалавек. Аднак паўдзельнічаць можна і большай кампаніяй, але ў такім выпадку ваш час праходжання залічвацца не будзе.
———
Зарэгістравацца і знайсці падрабязную інфармацыю можна тут.

Распрацавана VR-рэканструкцыя адной з найбольш прыгожых драўляных сінагог у гісторыі.

Цяпер ёсць магчымасць віртуальна наведаць Вялікую сінагогу ў Воўпе (Ваўкавыскі раён) 18 стагоддзя, якая была цалкам знішчана нацыстамі падчас Другой Сусветнай вайны.

Ужо даступныя для спампоўвання VR-тур, а таксама бясплатны 3D-тур для дэкстоп прылад.

Даследаваць сінагогу можна ў двух рэжымах:

1️⃣Свабодны, у якім можна самастойна атрымаць асалоду ад архітэктуры, унутранага ўбрання і адноўленымі роспісамі.

2️⃣Экскурсія з аўдыёгідам, дзе вы зможаце азнаёміцца з гісторыяй і значэннем сінагогі. Экскурсія даступна на англійскай, французскай і рускай мовах.

Распавядаем, калі ў Берасці ў верасні можна будзе паслухаць жывую музыку ў Касцёле ⛪️🎶

Гучанне аргана і інструментаў у сценах Касцёла Узвядзення Святога Крыжа (вул. Леніна, 34) дазволяць вам паглыбіцца ў свет класічнай музыкі і атрымаць сапраўдную асалоду ад кожнай ноты.



🎹 8 верасня ў Касцёле пройдзе канцэрт Арганнай музыкі.

У слухачоў ёсць магчымасць правесці вечар з магутнымі і хвалюючымі гукамі аргана, дзе прагучаць шэдэўры Баха, Ліста і Франка.

🎹 19 верасня ў Касцёле выступіць камерны аркестр з адкрыццём цыкла канцэртаў “Музыка выбітных”, які падорыць спалучэнне велічы аргана, камернага аркестра і чароўны голас сапрана. Вас чакае выкананне твораў Баха, Моцарта, Вівальдзі і іншых выбітных кампазітараў.

🎹 25 верасня пройдзе Канцэрт «Ад Баха да П’яццолы».

Гэта будзе захапляльнае музычнае падарожжа ад барока да XX стагоддзя. Кларнет, сапрана і арган раскрыюць усю прыгажосць і запал шэдэўраў Баха, П’яццолы, Мендэльсона і Гершвіна.

У самым цэнтры Берасця ўзвядуць новы жылы комплекс. Глядзіце, як ён будзе выглядаць!

ЖК “Цэнтр” забудоўшчыка “Палессежылбуд” размешчаны на перасячэнні вуліц Фаміна і Гогаля.

Жылы комплекс будзе складацца з 5 шматкватэрных дамоў і ўключае у сябе ўсю неабходную інфраструктуру: камерцыйныя памяшканні, зоны адпачынку, дзіцячую пляцоўку, велабоксы і іншыя элементы.

Усе ўваходы ў пад’езды будуць на адным узроўні з зямлёй, а ў кожным лобі будзе пакой для захоўвання вазкоў. Адным з ключавых элементаў архітэктуры другога плана з’яўляецца дзіцячая пляцоўка, створаная з ўнікальных экалагічных элементаў 🛝

На продаж выстаўленыя двух- і трохпакаёвыя кватэры, некаторыя з якіх маюць столь да 3 метраў і па 2 санвузла ў вялікіх кватэрах.

💵 Кошт за квадратны метр – 1,4 тысячы даляраў.
———
Ці набылі бы сабе кватэру ў такім жылым комплексе?