.​‏❨﷽❩┈‏​‏​‏​‏​​
قصيده للامام الكاظم عليه السلام


مشايه اعتنيناك    مثل حسين اجيناك
ياباب الحوائج      ياباب الحوائج

          ᯽<<>><᯽><<>>᯽

رفت راية الروح    يمك رادت تروح
يا موطن املنا
باسمك ياضوه العين   چن انواسي لحسين
يامسموم صحنا
ونجدد عزانه     ياحصن الديانه
بهالخدمه فلحنا

طلسم النه شفناك 
مثل حسين اجيناك
ياباب الحوائج

✍🏻 الشاعره مريم العبوديه اسيرة الاحزان💔

           ᯽<<>><᯽><<>>᯽

جينه يمك انلوع     نهل لمصابك ادموع ياروح الزجيه
نواسي الزهره هاليوم   جينه بكلب مهموم ونتنه شجيه
ندك الصدر والهام   نرفع سود الاعلام وننصبلك عزيه

يموسى مانسيناك
مثل حسين اجيناك
ياباب الحوائج

✍ام حسين الفريداوي

          ᯽<<>><᯽><<>>᯽

ابد مايوم ننساك   نجدد دوم ذكراك
يلي ارحلت مسموم
كل عام اليمرنه   يتجدد حزنه
ونصب المدمع ادموم
آ ياباب المراد   حزنك بينه ماهاد
يظل بالروح للدوم

بصوته المحب ناداك
مثل حسين اجيناك
ياباب الحوائج

✍ام زهراء الزيداويه البصراويه

          ᯽<<>><᯽><<>>᯽

اجيتك يبن جعفر   بدليلي نار تسعر 
ودمعي اعليك جاري 
يهل دمعي من دموم  وكلبي اعليك مالوم
وبروحي انكساري 
مصابك من يمرنه     يشب بينه جمرنه
وابد ما تطفه ناري

عايش بينه ذكراك
مثل حسين اجيناك
يا باب الحوائج

✍أزهار جبار الجياشي

          ᯽<<>><᯽><<>>᯽

بدمع العين اجينه    وعلى مصابك بجينه
لفگدك نجر ونات
نعزي القائم اليوم     ونادي يمسموم
وندگ على الهامات
نصيح بعالي الصوت  اعليك الگلب مفتوت
وجمراتك مسعرات

وسفه العدو غدراك
مثل احسين اجيناك
ياباب الحوائج

ســـ✍️ـــهـام  المـالكي

          ᯽<<>><᯽><<>>᯽

نهمل دمعة العين      للنايمله يومين
على جسر الرصافه
وين اهل العمايم      بشمس نايم الكاظم ومغيره اوصافه
يشيلونه ويغسلوه     وبكبره يدفنوه
محد اجه وشافه

الشيعه اليوم تنعاك 
مثل حسين اجيناك
ياباب الحوائج

✍🏻ام علي الامارة

          ᯽<<>><᯽><<>>᯽

تمت بعون الله تعالى
👈بأشراف ومتابعة
ازهار جبار الجياشي
مريم العبوديه أسيرة الاحزان💔
الدكتوره فرح الساعدي الملقبه( بالدره الفاطميه )

نسألكم الدعاء
بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه
https://www.tg-me.com/dtyruFteRqejkvuccdsqiopkm

هوسات للأمام جعفر الصادق


امام الجعفريه امفسر الآيات
بنهجه ومذهبه كاتب روايات
يستاهل مناحه ولطم هوسات

( الليله امغرب ٠٠ يارمز الشيعه )


هذا الشيد الدين بصدق قوله
امام المعرفه اجداده يشهدوله
المنهج جعفري وبرايه كتبوله

( الدين اتعله بأسمه ٠٠ ورفت راياته)

✍🏻ام علي الأماره

✹✭┈✺ ✺---- ​​‌༄✹✭​​​​◌‌*

تعله الدين بأسمه من رفع ايــــده
اله تنحني الشيعه وصاحت نريده
علي جده وعنه هاي مــــــوابعيده

(يشبه اجداده ٠٠الصادق من يتكلم)



أول مدرسه الصادق يشيدها
عقيده والفقه واحكام منهجها
ابشريعة نبي الاسلام أسسها

(يوم السموا جبده ٠٠ الكون اختلت اركانه)

✍أزهار جبار الجياشي

✹✭┈✺ ✺---- ​​‌༄✹✭​​​​◌‌*
اختل الكون يوم السمموا جبده
والكاظم يون اعله الابو وحده
شِده امصيبتك يبن النبي شِده

(الدين الفگدك ٠٠ ينحب يالمسموم)


حزين الدين ظل اليوم لمصابك
واعلام الحزن نشرتها طلابك
يالصادق صعب عالشيعه افراگك

(امصابك يبن الباقر ٠٠ يلهب وسط الروح)


✍ام زهراء الزيداويه البصراويه

✹✭┈✺ ✺---- ​​‌༄✹✭​​​​◌‌*

مصابك سيدي بالروح ظل حسره
يـبو الكاظم عليك الدمعه والعبره
يـمـتـه نوصلك ونـشـيـد الحضره

( نبني المرقد ٠٠ ونعلگ رايه)


نبني المرقد وننصب عزيه ونوح
نبچي اعليك ياسيدي وللمذبوح
ولـعـمتـك غريبه بالدليل اجروح

( ظلت محتاره ٠٠ زينب بالطف )

أم عــ✍🏻ــلــي الـحـلـفـي

✹✭┈✺ ✺---- ​​‌༄✹✭​​​​◌‌*

لو رحت البقيع انظر الى گبره
أسلم من خلف لسوار وبحسره
امام الجعفريه وامـه الـزهـره

( الزهره اتنوح اعليه ... الميت بالسم )

وين المنتظر مهدينا يالموعـــود
عجل بالفرج اضهر يراعي الجود
وشيد هالگبر والعدل خله ايسود

( الحظره بأيدك ٠٠ يالمهدي ابنيهه )

✍🏻العلويه امامه ام علي

✹✭┈✺ ✺---- ​​‌༄✹✭​​​​◌‌*


تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

للقاسم ابن الكاظم عليه افضل الصلاة والسلام ☘️

ابن المسموم... ميت ياحيف بغربه
وسفه بهاليوم... محد ياويلي بگربه
ابنيته الطفله وياه
تبجي وظلت تنعاه
ابن المسموم... ابن المسموم

√√√√√√√√√√√√√√√√√√√√

الحزن نوخ يطر بالروح . ولوعات الجرح راسم
وبنص الكلب والاه نصين الكلب جاسم
بقيه من نسل عدنان. كرامه ومنزله القاسم
هالليله الاجل محتوم. الروحه وهل الاجل قادم

وبلايه اخوان.. يتلفت ظل ابعينه
بلوعه واحزان.. محد ياوسفه ايعينه

ياويلي ويا ويلاه
تبجي وظلت تنعاه
ابن المسموم.... ابن المسموم

. ✍🏻الشاعره مريم العبوديه اسيرة الاحزان 💔

√√√√√√√√√√√√√√√√√√√√

حزين القاسم ابهليوم وين اهله يحضرونه
بس بنته تون يمه. تريد. الي. يشيلونه
ابهيبه ابن المكارم. هذا يعالم من تشيعونه
هذا شبل أسد بغداد ابهيبه من تدفنونه

بين الاغراب. القاسم خلصت أيامه
وين الاحباب تدك وتلطم. الهامه

رابح كلمن واساه
تبچي وظلت تنعاه
ابن المسموم. ابن المسموم


✍الشاعرة ام زهراء الزيداويه البصراويه

√√√√√√√√√√√√√√√√√√√√

بغربه خلصت ايامه.... وحيد ولا اهل يمه
عيونه اعله عالأهل تربي. ويسيل المدمع بهمه
حسره التخنك انفاسه لا خوانه لا أمه
بي امكسره العبرات وحزنه منهو اليلمه

آه وحسرات.. غمضت عينه بالغربه
من الونات.. اتفسر يا ويلي قلبه

من دم تهمل عيناه
تبجي وظلت تنعاه
أبن المسموم أبن المسموم

✍الشاعره أزهار جبار الجياشي

√√√√√√√√√√√√√√√√√√√√

مات بغربته القاسم.. ياويلي والف ياويل
بن موسى يويلي آه امصابه يهدم الحيل
يتيمه بنييته ازغيره مانامت تون بالليل
ماتهجع على الوالي تبچي ولدموع تسيل

بالغربه شلون...خلص عمره وسنينه
والله متهون...يالقاسم وتبجينه

مهظومه تون باآه
تبجي وظلت تنعاه
ابن المسموم.......ابن المسموم

✍️~الحاجه ام احمد الحچامي

√√√√√√√√√√√√√√√√√√√√

ينوح بغربته وحده. ابن الكاظم وينحب
يسعر جمر دلاله.. من عينه الدمع يسجب
عينه شابحه لبنته.. ولحظات الاجل تقرب
فز خاطره لرض الطف وذكر ايتام تتسلب

حاير بأفكار ..رقيه وسكنه يذكرهن
تلهب هالنار ..يا دمع اليكت منهن

جمره وتلهب بحشاه
تبجي وظلت تنعاه
ابن المسموم .....ابن المسموم


✍خادمة الزهراء// ليلى زغيب

√√√√√√√√√√√√√√√√√√√√

غريب ولا اهل واحباب. تشيل اجنازته هاليوم
وين اهله وبني عدنان. يوصلهم يريد اعلوم
تمنه الدفنته أيحظرون. يجون أيشيعو المظلوم
كضه ذايب كلب والروح. تسيل الدمعه من أدموم

يذكر الحسين. وتنزف بالهم اجروحه
صبت هالعين.روحه الليله مذبوحه

فالح كلمن زاراه
تبجي وظلت تنعاه
أبن المسموم أبن المسموم


. ✍🏻الشاعره أم أسعد الشمري
√√√√√√√√√√√√√√√√√√√√

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
وام مهدي العيداني
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

وزن تجليبة قصيدة للامام (الكاظم عليه افضل الصلاة والسلام) 🍃

⊰᯽⊱┈─╌❊╌─┈⊰᯽⊱

يمن بيك المعاجز مو عجب صارن
زغير الكون لو بنوارك اتقارن

⊰᯽⊱┈─╌❊╌─┈⊰᯽⊱

زهت هاي الديار ونالت الامجاد
بفضل ذيج القباب الزاهيه الاوتاد
عبر نور السجين وما كفة بغداد

وانظار الكتب من وصفه يحتارن


✍🏻الشاعره مريم العبوديه اسيرة الاحزان 💔
⊰᯽⊱┈─╌❊╌─┈⊰᯽⊱

بغداد بوجودك بيهه قدسيه
لو ما حظرتك ما تنذكر هيه
يشع نور الظريح انواره مزهيه

وصعبات العلل الحظرتك سارن


✍الشاعره أزهار جبار الجياشي
⊰᯽⊱┈─╌❊╌─┈⊰᯽⊱

يحير القلم لويكتب لابن جعفر
وكلمات الـمـدح مـحنـيه تتعذر
مـعـاجـزكم ابـد مـاتَنعد باسطر

وايـام الـشـداد ابصبرك اندارن

أم عـ✍ـلـي الـحـلـفـي
⊰᯽⊱┈─╌❊╌─┈⊰᯽⊱

يمطيب العليل الجايلك ماخاب
يدكتور اعله بابك تطفى جمر الهاب
مااحتار من اكصد وادك الباب

يمن بيك المعاجز سيدي صارن

✍بقلم الشاعره ام علي الاماره
⊰᯽⊱┈─╌❊╌─┈⊰᯽⊱

يحلال العگد والحاجه تگضيها
ونيران الگلب وصلك يطفيها
الظلم والجور شمسك مايغطيها

اعروش الكفر يم صبرك انهارن


✍الشاعرة ام زهراء الزيداويه البصراويه
⊰᯽⊱┈─╌❊╌─┈⊰᯽⊱

تعنه للامام وصاحب الشارات
يحل اصعب مصيبه يداوي العلات
معروف أبن جعفر ها ابو لگلفات

والخادم عيونه الليله يتجارن


رمـ✍ـآدٍ آلَخــيــآم
⊰᯽⊱┈─╌❊╌─┈⊰᯽⊱
تمت بعون الله تعالى
بـ✍ــاقـ✍ــلام خـادمـات
كروب جبل الصبر زينب ع..
👈بأشراف ومتابعة
ازهار جبار الجياشي
مريم العبوديه أسيرة الاحزان💔
ام مهدي العيداني

نسألكم الدعاء

بتعجيل الفرج لصاحب الزمان (( ع))

┈•┈┈★•$ ✿ $••★┈┈•

https://www.tg-me.com/dtyruFteRqejkvuccdsqiopkm

اللهم صل على محمد وال محمد
السلام على راهب بني عدنان*

هوسات*👇*
❧✥═══❢❢✺■✺❢❢═══✥❧

يم باب المراد اليوم واكف وانتخي ابابك
اريدن تجزي هالشدات الظلت لازمه احبابك
وحكك ياكظيم الغيظ . وحكَ الدمعه ومصابك

((جروح الما طابت تدريها))*
❧✥═══❢❢✺■✺❢❢═══✥❧
كصدنه بشوك متعنين . اهموم الكلب كثرانه
عليك حسين يامولاي والي اكطعوا ذرعانه
الدهر وهموم يامولاي ما تتهاون اويانه

((بحماك انسلم انفسنه))*

.✍مريم العبوديه أسيرة الاحزان💔
❧✥═══❢❢✺■✺❢❢═══✥❧
من كربله يالكاظم .نخيتك يا ابو الكلفات
مسدوده الطرق ما جيت. ازورك وحضر العزيات
سلام وي الهوى وديت. إلك يا منبع الطيبات

((الحسين بيومك عزينه)) *
❧✥═══❢❢✺■✺❢❢═══✥❧
سلامي بي حزن وآهات . بي ريحة تراب حسين
بي حسره على المذبوح.. ودموع الكطعة الجفين
صرخنه بألم يالمسموم . عليك نهل دموع العين

((عزياتك منصوبه بروحي))*

✍أزهار جبار الجياشي
❧✥═══❢❢✺■✺❢❢═══✥❧
من ابعيد يا مولاي اجيتك بيه كثره هموم
يومك يشبه اهوايه مصاب المنذبح مظلوم
صرخه من الگلب تطلع وي دمعي اليهل دموم

((بمصابك عاشر. جددنه))*

✍خادمة الزهراء /ليلى زغيب
❧✥═══❢❢✺■✺❢❢═══✥❧
بروحي الك مولاي. نصبت هاليوم تعزيه
وحظور العزه بيها الگلب واعضاي والريه
ولساني الناعي يالمسموم يصيح بصرخه ثوريه

((جرح مصابك يلجم بينه))*

✍زهراء الحربي.حسينية الهوئ
❧✥═══❢❢✺■✺❢❢═══✥❧
نتعذر نريد اليوم . من عندك يمولانه
تون ألروح لمصابك. وعليك شكثرحزنانه
حزنان الكلب مولاي. والدمعات عنوانه

((الروح اشتاكت لترابك ))*
❧✥═══❢❢✺■✺❢❢═══✥❧
مازورك يماي العين كلبي شلون يتصبر
وسط روحي أحس. جمرات يالمسموم تتو جر
اتنخاك يامولاي.. ها لغمه العلينه اتمر

((ونروح انزورك. مشايه ))*

✍أم زهراء الزيداويه البصراويه
❧✥═══❢❢✺■✺❢❢═══✥❧
كلبي بالحنين يفوح.ياباب المراد اليوم
منعونه نزور اليوم .وگلبي سيدي مهضوم
ردت بس اوصل الحضره.وطوف بيها يالمسموم

((احضر تشييعك ، ملهوفه))*

✍ام سجاد العسكري
❧✥═══❢❢✺■✺❢❢═══✥❧
بهمومي يبو طلبه اجيتك سيدي محتار
وسولفلك على حالي بحركه والكلب بي نار
واريدن حاجتي منك دخيلك يبن حامي الجار

((یمک مشکلتی وتگظیها ))*

✍المیرزا ام لیلی الخاقانی
❧✥═══❢❢✺✺❢❢═══✥❧
ملهوف الگلب ويريد.... يزورك ها يمولانه
نريد امراد منك كون.... تشيل المرض هالجانه
تعبنه وبس حزن نجرع.... هوايه قسة دنيانه

(( تنجينه .من ظيم البينه))*

✍ أم علي الحلفي
❧✥═══❢❢✺■✺❢❢═══✥❧
اريد احجي على الكاظم ..كلام ولا تلوموني
مجرب يكظي الكلفات.. يستاهل ضوه عيوني
اريد الطم عليه اليوم ..زيدو الونه عينوني

(( خلونه نلطم على الزين))*

✍ ام نادين زينب المحمداويه
❧✥═══❢❢✺■✺❢❢═══✥❧

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

قصيده للأمام موسى ابن جعفر.عليه السلام.......

يالكاظم اجيت انخاك هليله
كضيت الضريح بحسره وشكيله
┄┉❈❥ًً❀(«»)❀❥❈┉┄
جيت انخاك وبروحي الف حسره
ضاكت بيه ونخه والدمع يجره
وبصدري تضل متكسره العبره
وجت هاي الخلك هليله تبجيله
يالكاظم اجيت انخاك هالليله
🍃الشاعره مريم العبوديه اسيرة الاحزان💔
┄┉❈❥ًً❀(«»)❀❥❈┉┄
اجيت انخاك ومصابك يعذب الروح
دخلت الحظرتك مني الدمع مسفوح
ناديتك دخليك وبقلب مجروح
وعلى الشباج نازل دمعي امسيله
يالكاظم اجيت انخاك هالليله
🍃 الشاعره أزهار جبار الجياشي
┄┉❈❥ًً❀(«»)❀❥❈┉┄
تظل للموت ابد ما تنطفي نارك
اجت هاي الخلك متعنيه الدارك
احفظ ياامامي اليوم. زوارك
متعنين اجينه النعشك انشيله
يالكاظم اجيت انخاك هالليله
🍃الشاعره ام زهراء الزيداوية البصراويه
┄┉❈❥ًً❀(«»)❀❥❈┉┄
ياباب الحوائج جيت انه طلاب
سجل حاجتي انت ابن الاطياب
اشم بحظرتك مسك وهو ابهاب
كلبي من بالحزن زايد غليله
يالكاظم اجيت انخاك هالليله
🍃 الشاعره ام نادين المحمداويه
┄┉❈❥ًً❀(«»)❀❥❈┉┄
اجيتك سيدي جيت الملهوف
الطم عالصدر بثنين الجفوف
اقبل بالضريح ودمعي مذروف
وروحي معلعله وكلش نحيله
يالكاظم اجيت انخاك هالليله
🍃 الشاعره خادمة السيده رقيه ع سهام المالكي
┄┉❈❥ًً❀(«»)❀❥❈┉┄
ياباب الحوائج جيت اريد مراد
ناجيتك ابحسر بجاه ابو السجاد
اجيت ابحاجتى ومني الگلب وگاد
ياموسى بن حعفر جاچتي ثجيله
يالكاظم اجيت انخاك هالليله
🍃الشاعر ام يحيى العبودي
┄┉❈❥ًً❀(«»)❀❥❈┉┄
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))






مريم العبوديه اسيرة الاحزان 💔
✍🏻✍🏻
تختص بنشر القصائد الحسينيه المشتركه
https://www.tg-me.com/dtyruFteRqejkvuccdsqiopkm

يالكاظم اجيت انخاك هليله
كضيت الضريح بحسره وشكيله

بصوت ( مسلم المطيري)

وزن تجليبه 👇🏻
قصيده للكاظم ع

رغم جور الزمان وكلبي الملجوم
ماخذني الحنين وكاصد المسموم

*✿────↻✿...✿↺────✿

يردد كلبي باسمه وعاگد النيه
وشوكي للضريح اليسري بالريه
انسه  هموم كلبي والجره عليه

يم باب الحوائج ما تظل اهموم
ماخذني الحنين وكاصد المسموم

✍🏻الشاعره مريم العبوديه اسيرة الاحزان💔

*✿────↻✿...✿↺────✿

أله مديت اديه وجيت انا البابه
وبدموع الحزن امسحهن اعتابه
ودري مـايرد  مـولايـه طــّلابـه

اجروحي من الألم مثل الحمامه اتحوم
ماخذني الحنين وكاصد المسموم

✍🏻الشاعـرة ام مهـدي العيـداني

*✿────↻✿...✿↺────✿

وسط هلروح تلهب ظلت الجمرات
ورغم ضيم الحياة وكثرة اللوعات
گصدته والدرب رشيته بالدمعات

او بابه  للحوائج منفتح للدوم
ماخذني الحنين وكاصد المسموم

✍🏻ام زهراء الزيداويه البصراويه

*✿────↻✿...✿↺────✿
ملهوفه كصدت لموسى ابن جعفر
همومي بكلبي منهه ذاب وتفطر
حلفته بعزيزه حسين والمنحر

اريدن حاجتي يكظيها هذا اليوم
ماخذني الحنين وكاصد المسموم

✍🏻ام حسين الفريداوي

*✿────↻✿...✿↺────✿
بدمعات الهظم للكاظم اترجاه
وبفاطمه الزهره اتوسل وانخاه
شِفه للعله اريدن آنه من ادواه

يفرح كل كلب  من عدنه مالوم
ماخذني الحنين وكاصد المسموم

✍🏻أزهار جبار الجياشي

*✿────↻✿...✿↺────✿
إلَه رايه  التشبه راية العباس
 ابن الطهار موسى ألبي رفع الراس
ابوجوده منوره بغداد باني الساس

مستشفى الشفه دكتور يامعلوم
ماخذني الحنين وكاصد المسموم

✍🏻 الشاعره ام نادين المحمداويه

*✿────↻✿...✿↺────✿

تمت بعون الله تعالى

بـ✍ــاقـ✍ــلام خـادمـات أهل البيت عليهم السلام في كروب جبل الصبر زينب عليها السلام

👈بأشراف ومتابعة
ازهار جبار الجياشي
مريم العبوديه أسيرة الاحزان💔
الدكتوره فرح الساعدي الملقبه( بالدره الفاطميه )

نسألكم الدعاء
بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه

✨ نزف أســـــــــــمى آيـــــــات التـــــــهاني والتبريكات إلى مقام النبي الاعظم صلى الله عليه وآله وسلم , وإلى أهل بــــــيته الطيبين الطاهرين , و اليكم يا موالــــــين, بمناسبـــــــــة   ✨ #ذكرى_ميلاد_ســـــــــيد_الوجود إمام العصـــــر والزمان الإمام الحجة بن الحسن العسكري عجل الله فرجه الشــــــــــــريف    ✨جعلنا الله واياكم من المتمسكين بحبلهم المطيعين لأوامرهم السالكين دربهم والمنتهجين بنهجهم وحشرنا اللــــه واياكم في زمرتهم حــــــــــتى تأنس نفوســــــــــنا وتــــقر أعيننا برؤيتهم المقدســـــــــــة   ♡ اللهم انا نرغب إليك في دولة كريمة تعز بها الاسلام واهله وتذل بها النفاق واهله وتجعلنا فيها من الدعاة الى طاعتك والقاده الى سبيلك وترزقنا بها كرامة الدنيا والاخره   كل عام وانتم بالف خير.🎉

قصيدة الزيارة الامام الحسين عليه السلام

وزن تجليبه

ازورك بالجروح وتهمل الدمعه
محلاها الزياره بليلة الجمعه


يالشامخ تضل جن شجرة الصفصاف
بين اسوار نورك گلبي صـله وطاف
جدمي زيارتك مولاي ابـــد ماعاف
واليمشي بطريجك ياهو ايرجعه


✍🏻الشاعره مريم العبوديه اسيرة الاحزان💔
......................•❀•.......................
......................•❀•.......................

اليمشي ابطريجك مايرد هيهات
يدوس اعله المنايا ويعبر الصعبات
الك هليوم جينه ونرفع الــــرايات
بحبك يالولي كل خادم اتـــرفعه

. ✍🏻 الشاعره ام حيدر الزينبية
......................•❀•.......................
......................•❀•.......................

كل خــــــادم بحبك شأنه يتعله
كل صعبه تصير بحظرتك سهله
بدربك لو تمــــوت ارواح منمله
على حبك ربينه وبالگلب طبعه

. ✍🏻الشاعره أزهار جبار الجياشي
......................•❀•.......................
......................•❀•.......................

گــبرك كعبه يامولاي ونطوفــــه
على حبك مشينه دوم منعوفــه
الك موقف تجسد خالد نشوفه
هنيئاً لليخدمك يقرأ وينعــــه

. ✍🏻الشاعره رماد الخيام
......................•❀•.......................
......................•❀•.......................

نرتاح بضريحك من نجي ونزور
من ابعيد نتعنه بگلـــب مسرور
ازورك واعتنيلك والدمع منثور
بُعدك سيدي مانگــــدر نجرعه

. ✍🏻الشاعره ام علي الأماره
......................•❀•.......................
......................•❀•.......................

بينه سيدي حبك يضل مطــــبوع
اذا ما ازور گبرك أبقه أهل أدموع
الك هالروح تلهج سيدي وتلوع
أفديلك عمر ياوالـــــــد التسعه

.✍🏻الشاعره سهـام المالكي
......................•❀•.......................
......................•❀•.......................
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
ام رقيه الموسوي

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

يتوفر في دار الزهراء للطباعه والنشر والتوزيع ديوان خيمة زينب عليها السلام خاص عاشوري
(الجزء الاول)
لخادمة اهل البيت عليهم السلام الشاعره مريم العبوديه اسيرة الاحزان
نسأل الله القبول عد مولاتي فاطمه الزهراء عليها السلام