.​‏❨﷽❩قصيده للحجه لمنتظر ع ┈‏​‏​‏​‏​​‏•‏✬​
💚

يا عذاب اتحمل وهـــجرك عذاب
رمشي يمطر بالدمع مثل السحاب
⊰᯽⊱┈──✾✾╌─┈⊰᯽⊱
جم كسر بالروح تركت فرگتــك
والـــگلب مشتاگ ينظر هيــبتك
شصار بيه مادريت ابروحـــــتك
انشد عليك النجم مامش، جواب

✍🏻الشاعره مريم العبوديه اسيرة الاحزان 💔
⊰᯽⊱┈──✾✾╌─┈⊰᯽
انشد اعليك النجم ويلي ابحزن
وگلبي الدربك يبو  صالح  يحن
اعمارنه بالمحن صارت  تندفن
وابغيابك كل حلم أصبح سراب

✍ام زهراء الزيداويه البصراويه
⊰᯽⊱┈──✾✾╌─┈⊰᯽⊱
يا ألم بالروح ما يهده ويطـــــــيب
يزول من يرجع الغالي من المغيب
بدنيتي عايش أنه مثل الغريـــــب
تردلي يا كل هلي يمته من الغياب

✍أزهار جبار الجياشي
⊰᯽⊱┈──✾✾╌─┈⊰᯽⊱
ياامامي والله مليـــــــنه الصبر
گلي جم دوب لظهــــورك منتظر
نحلفك بفاطم وخدهه االمنسطر
ندري يامولاي يفجع هالمـــصاب

✍ام حسين الفريداوي
⊰᯽⊱┈──✾✾╌─┈⊰᯽⊱
عجل اظهورك يمولى الثائرين
اشفي علة فاطمه والطاهرين
تماده ويانه جــــــف الظالمين
جيت يامهدي ابدمعه وانتحاب

✍🏻امامه الشاخوري ام علي
⊰᯽⊱┈──✾✾╌─┈⊰᯽⊱
جارت اعلينه  يمهدي النايبات
بغيبتك ياسيدي صـرنه شتات
والعيون اعليك ضلت هاملات
عل فراگك هالگلب جرحه ماطاب

✍سهــــام المالــــكي
⊰᯽⊱┈──✾✾╌─┈⊰᯽⊱
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصیده لسید الشهدا الامام الحسین علیه السلام 🌱
وزن بحر طویل👇🏼

كفيت اهمومي...  يالغالي وجيتك
ياكهف آمالي...  بدمع اتعنيتك
حسين... حسين... غريب
⊰᯽⊱┈──╌❊╌──┈⊰᯽

اجيتك منخطف لوني.  وشخصك بي احس يمي
احط ايدي عله شباجك  وسولف وحجي كل همي
يمن دمك ركن بية. فدوه ايروح الك دمي
اجيتك يا ملاذ الروح.  يالحبك يظل حتمي

ناري المستعره..  تطفيها الحضره
يالشخصك غالي...  بدمع اتعنيتك

. ✍🏻الشاعره مریم العبودیه اسیرة الاحزان 💔
⊰᯽⊱┈──╌❊╌──┈⊰᯽

أجيت امحمل بآهات بس آهات لمصابك
اشوف الجسد الموذر من اوكف على بابك
اشم دخان حرك خيام من انحني بعتابك
وتسيل ادموعي يالغالي متلونه من اخضابك

ذكرك يوميه       يالعايش بيه
طفك يبرالي       بدمع اتعنيتك

✍أزهار جبار الجياشي
⊰᯽⊱┈──╌❊╌──┈⊰᯽

يبو الاكبر حزن گلبي وچانون الجمر بيه
اجيت الحضرتك عناي انوح بدمعه مسبيه
تراوى بخاطري يحسين حره بحزن محنيه
تلم أيتام بين الخيل بحريگ اخيام معميه

اسئلت ادموعي .. محنيه اضلوعي
طيفك مر اگبالي .... بدمع اتعنيتك

✍خادمة الزهراء // ليلى زغيب
⊰᯽⊱┈──╌❊╌──┈⊰᯽

محتاره تلم أيتام..  زينب تگسر الخاطر
وحيده بكربلاء.. مولاي ماكو معين ومناطر
گافلها عليل أيسير.. أبن خولي اله يساطر
تتلفت بگت مولاي..  يسايره غده الگافر

تـدمع هالعینین.  بسمک اه احسین
مشدوه أيتامي... بدمع أعتنيتك

رمــ✍ـاد الخيام
⊰᯽⊱┈──╌❊╌──┈⊰᯽


اجي بابك دمع بالعين صور ذبحك تجي ابعيني    
واعاين منظر اوليدك رضيع ابدم يبجيني
بعد  نار الخيم خوبه  توج كلبي وتطفيني
مصابك سيدي من سنين جمر يسري ابشراييني

احـزان  البيه   لچل المـسبیه
حبك يحلالي.  بدمع اتعـنيتك

✍ام اسعد الشمري
⊰᯽⊱┈──╌❊╌──┈⊰᯽

يبو السجاد احلفنك.بمك فاطمه الزهره
نضره لخادمك مولاي كون الحبك تحضره
اجيت وهمي ثكل اجيال ونارابكلبي متوجره
اريدن وكفتك وياي وكلبي الكاصدك جبره

اطفي نيراني . و تجبر احزاني
يــمك امالي  بدمع اتعــنيتك

✍ام حسين الفريداوي
⊰᯽⊱┈──╌❊╌──┈⊰᯽

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
وام مهدي العيداني
نسألكم الدعاء
بتعجيل الفرج لصاحب الزمان (( ع))

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد
آآآه يا زينب

قصيده لمولاتنا زينب عليها السلام

ذاب كلبي من الجفه
عمري شمعه وانطفه
آ يالحباب        آ يالحباب
تهد حيلي حسرتي
وحدي اموت بغربتي
آ يالحباب        آ يالحباب

     ◆━━━━◆❃◆━━━━◆

ظلت عيوني الدربكم بالدمع مشبوحه
وكلبي يترجه تجوني بونته وبنوحه
بالعتب والامنيات مهجتي مجروحه

جفني لحظه ما غفه
ذاب كلبي من الجفه
آ يالحباب        آ يالحباب

✍أزهار جبار الجياشي

     ◆━━━━◆❃◆━━━━◆

ماغفه جفني واناطر بلجن تردولي
فراكم  ماينحمل يالشايلين حمولي
ريت ساعه اوياكم اكعد يلأهل وحجولي

ارويحتي متلهفه
ذاب كلبي من الجفه
آ يالحباب     آيالحباب

✍🏻الشاعره ام علي الامارة

     ◆━━━━◆❃◆━━━━◆

من بعد ذبح الاحبهم ما بقه كل غالي
روحي معلوله عليهم والدمع يبرالي

دنيتي صارت حزينه وحزن تارس بالي
صحت عالدنيه العفه
ذاب كلبي من الجفه
آ يالحباب    آ يالحباب

✍ام حسين الفريداوي

     ◆━━━━◆❃◆━━━━◆

علعلاني الهجر هذا والهجر شيحمله
دمعة الفارگله غالي دمعه ماهي سهله
حته فص عيني بچيته مو دمع ونهله
بالي مالحظه صفه
ذاب كلبي من الجفه
ا يالحباب ا يالحباب

✍️ام نور الزهراء الزينبيه

     ◆━━━━◆❃◆━━━━◆

لحظه ماهود دليلي من  بعد  فرگاکم
من اهد يوم الغاضريه خذتوا حيلي وياكم
أيام وشهور وليالي   وروحي تترجاكم
بحزني دومي مچتفه
ذاب گلبي من الجفه
ایالحباب. ایالحباب

✍ام زهراء الزيداويه البصراويه

     ◆━━━━◆❃◆━━━━◆

من بعدكم ماشفتهه الراحه شنهي لونهه
انه ذيچ  الي عمتهه من البواچي عيونهه
روحي ماتسه اهلهه وانتو لاتنسونهه

بغــربتــي و متكلفه
ذاب گلبي من الجفه
آ يالحباب.   آ يالحباب

✍ الشاعرة رقية العامري

     ◆━━━━◆❃◆━━━━◆

تمت بعون الله تعالى
بـ✍ــاقـ✍ــلام خـادمـات أهل البيت عليهم السلام في كروب جبل الصبر زينب عليها السلام
👈بأشراف ومتابعة
ازهار جبار الجياشي
مريم العبوديه أسيرة الاحزان💔
دكتوره فرح الساعدي الملقبه( بالدره الفاطميه )

نسألكم الدعاء
بتعجيل الفرج لصاحب الزمان عجل الله تعالى فرجه الشريف وسهل مخرجه
https://www.tg-me.com/dtyruFteRqejkvuccdsqiopkm

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده لمولاتنا زينب عليها السلام لسان حال الشاعر

حزني عليج مو مثل اليحزنون
ما ابجي دمع ابجيلج عيون

       *•──≪✿᯽✿≫──•*

يظل حزنج يزينب عايش بروحي
من اذكر مصابج تنزف جروحي
وني الغربتج ضاهدني او نوحي
الاجلج حسرتي تخنكني يم عون

✍أزهار جبار الجياشي

       *•──≪✿᯽✿≫──•*

وناتج  يزينب تلجم  حشاي
واصفن من يمر طرواچ بالماي
اضل للموت گلبي اعليچ بي داي
ودوم ألطم الچ ويه اليلطمون

✍🏻خاتمة أهل البيت ام ابراهيم الحلفي

       *•──≪✿᯽✿≫──•*

حزني عليج حدكطع النفس بيه
مو هين مصابج ها يعلويه
يا اخت النشامه والسباعيه
موتج بالغرب واهلج ميدرون

✍🏻الشاعره  ام علي الامارة

       *•──≪✿᯽✿≫──•*

غــريبه متي وعشتي غـــريبه
مصــــابچ بالكلب أعظم مصيبه
عجيبه قصتـــچ والله عجيبه
وهايه مصيبتج لا والله  متهون

✍ الشاعرة رقية العامري

       *•──≪✿᯽✿≫──•*

حزنج  مايهون  اعلينه  للدوم
مو مدمع نصب لمصابج ادموم
لجلج كل محب مولاتي مهموم
عزه بنص الكلب لجلج ينصبون

✍ ام زهراء الزيداويه البصراويه

       *•──≪✿᯽✿≫──•*

مصابج بالكلب ابدن مننساه
يالعمرج خلص بالنوح والآه
على هظمج يزينب صحنه ويلاه

متي بالغرب لا من يشيعون

✍ام حسين الفريداوي

       *•──≪✿᯽✿≫──•*


تمت بعون الله تعالى

بـ✍ــاقـ✍ــلام خـادمـات أهل البيت عليهم السلام في كروب جبل الصبر زينب عليها السلام

👈بأشراف ومتابعة
ازهار جبار الجياشي
مريم العبوديه أسيرة الاحزان💔
الدكتوره فرح الساعدي الملقبه ( بالدره الفاطميه )

نسألكم الدعاء
بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه
https://t.me
/dtyruFteRqejkvuccdsqiopkm

مولاتنا زينب عليها السلام تخاطب الزمان القاسي

راحه ماشفت بزماني
ماتت بروحي الاماني
لياوكت ابقه اعاني

آنه زينب        آنه زينب

          ᯽<<>><᯽><<>>᯽

من الحزن يادهري اريدن فرصه وحده
انه زينب خلصت كل  عمري شده
وگلبي من کثر  المواجع من يسنده
والجرح  لبروحه  كلف بيمن  يشده

وبسهم غادر رماني
راحه ماشفت بزماني
انه زينب    انه زينب

✍ام زهراء الزيداويه البصراويه

          ᯽<<>><᯽><<>>᯽

ريت بس لحظه اشوفن بيهه أخُوتي
بشوفهم تفرح عيوني كبل موتي
وجم مصاب المرني ما عليت صوتي
وغدرك اليذبح ابكلبي وي سكوتي

خاب ظني والاماني
راحه ما شفت بزماني 
آنه زينب    آنه زينب

✍أزهار جبار الجياشي

          ᯽<<>><᯽><<>>᯽

يادهر كافي عذابي اتعده الحدود
اصبر وكلما اكولن الله موجود
صار حالي بس دمع يجرح بلخدود
اني يم اهل الحميه كلبي مشدود

يادهر سهمك گضاني
راحه ماشفت بزماني
أنه زينب    انه زينب

✍️خادمة أهل البيت ام ابراهيم الحلفي

          ᯽<<>><᯽><<>>᯽

عيني مشبوحه  البابي مساهره اليوم
نفس خانكني  لخوتي وكلبي مالوم
من طفوف الغاظريه ادموعي ادموم
ابد  ماشفت  بحياتي  راحه لا نوم

الدهر  وليه ولاني
راحه ماشفت بزماني
آنه زينب    آنه زينب

✍الشاعره ام حسين الفريداوي

          ᯽<<>><᯽><<>>᯽

خابت اظنوني بعد عين الاحبهم
اليا وكت ابقه اعاني وموش يمهم
اتمنه بلحضة وفاتي بحضني اظمهم
وليه يلفون أخوِتِي الغرب ظعنهم

بشوك اظمهم وبحناني
راحه ماشفت بزماني
انه زينب    انه زينب

✍الشاعره ام ليث العمشانيه

          ᯽<<>><᯽><<>>᯽

يادمع عيني اليصب مانشف ساعه
نوحي للظل عالثره وداسوا اضلاعه
بروحي عايش محله ملكاه وطباعه
صابره  واصبر  بعد  امراً وطاعـه

بموتي ماواحد اجاني
راحه ماشفت بزماني
انه زينب    انه زينب

✍🏻الشاعره ام علي الامارة

          ᯽<<>><᯽><<>>᯽

تمت بعون الله تعالى

بـ✍ــاقـ✍ــلام خـادمـات أهل البيت عليهم السلام في كروب جبل الصبر زينب عليها السلام

👈بأشراف ومتابعة
ازهار جبار الجياشي
مريم العبوديه أسيرة الاحزان💔
الدكتوره فرح الساعدي الملقبه (بالدره الفاطميه )

نسألكم الدعاء
بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه

https://www.tg-me.com/dtyruFteRqejkvuccdsqiopkm

قصيده للأمام الحسين عليه السلام كأني بلسان حال مولاتي زينب عليها السلام 

ولج ياخيل ميلي عن الحسين
بعزيز  الروح  بطلي  لاترفسين

ابد مالج حميه
يخيل الغاضريه
انه زينب انشدج ماتردين

     ⊰᯽⊱┈──❊╌─┈⊰᯽⊱

ابد مابيج رحمه وحيل صلفه
ترفسين السبط  وطحنتي جفه
اخويه  منطرح يابس الشفه

اشربه دموعي مو ماي
شلج ياخيل وياي
انه زينب انشدج ماتردين

✍الشاعره مريم العبوديه اسيرة الاحزان 💔
     ⊰᯽⊱┈──❊╌─┈⊰᯽⊱

يخيل ابحقد خيالج سحكتي
على صدر الاخو بقسوه صعدتي
وكل اعظامه بالحافر طحنتي

ولا كلتي خطيه
هذا ابن الزجيه
أنه زينب أنشدج ما تردين

✍أزهار جبار الجياشي

     ⊰᯽⊱┈──❊╌─┈⊰᯽⊱

ماگلتي خطيه  وحيل دستيه
ابن بنت  النبي  لا مارحمتيه
ياصدر الذي   ذاكه الصعتيه

صدره صدر الاسلام
وحوافر جدمج اسهام
انه زينب انشدج ماتردين

✍ام زهراء الزيداويه البصراويه

     ⊰᯽⊱┈──❊╌─┈⊰᯽⊱

يخيل الاعوجيه عوفي صدره
تشوفين  الشمر حزاله نحره
متوذر  وذر  ابن امي انظره

يخيل بهونج اعليه
اخيي لا تسحكيه
انه زينب انشدج ماتردين

✍ام حسين الفريداوي

     ⊰᯽⊱┈──❊╌─┈⊰᯽⊱

أ  ياخيل صدر حسين عوفي
بسج من سحگ صدره اشتطلبي
عطشان الولي بدموعي انه اسكيه


عميه مني العين
بروحي انتي تدوسين
انه زينب انشدج ماتردين

✍🏻خادمة أهل البيت ام ابراهيم الحلفي

     ⊰᯽⊱┈──❊╌─┈⊰᯽⊱

دوسين عله اخيي شلون ياخيل
ركيتي اعظامه وعل الارض حيل
تعنيت ارد اشوفه بتالي الليل

لكيت موذر اعظام
وظليت الطم الهام
انه زينب انشدج ماتردين

✍الشاعره ام ليث العمشانيه

     ⊰᯽⊱┈──❊╌─┈⊰᯽⊱

تمت بعون الله تعالى

👈بأشراف ومتابعة
ازهار جبار الجياشي
مريم العبوديه أسيرة الاحزان💔
الدكتوره فرح الساعدي الملقبه (بالدره الفاطميه)

نسألكم الدعاء
بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه

https://www.tg-me.com/dtyruFteRqejkvuccdsqiopkm

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد
آآآه يا زينب

قصيده لمولاتنا زينب عليها السلام

ذاب كلبي من الجفه
عمري شمعه وانطفه
آ يالحباب        آ يالحباب
تهد حيلي حسرتي
وحدي اموت بغربتي
آ يالحباب        آ يالحباب

     ◆━━━━◆❃◆━━━━◆

ظلت عيوني الدربكم بالدمع مشبوحه
وكلبي يترجه تجوني بونته وبنوحه
بالعتب والامنيات مهجتي مجروحه

جفني لحظه ما غفه
ذاب كلبي من الجفه
آ يالحباب        آ يالحباب

✍أزهار جبار الجياشي

     ◆━━━━◆❃◆━━━━◆

ماغفه جفني واناطر بلجن تردولي
فراكم  ماينحمل يالشايلين حمولي
ريت ساعه اوياكم اكعد يلأهل وحجولي

ارويحتي متلهفه
ذاب كلبي من الجفه
آ يالحباب     آيالحباب

✍🏻الشاعره ام علي الامارة

     ◆━━━━◆❃◆━━━━◆

من بعد ذبح الاحبهم ما بقه كل غالي
روحي معلوله عليهم والدمع يبرالي

دنيتي صارت حزينه وحزن تارس بالي
صحت عالدنيه العفه
ذاب كلبي من الجفه
آ يالحباب    آ يالحباب

✍ام حسين الفريداوي

     ◆━━━━◆❃◆━━━━◆

علعلاني الهجر هذا والهجر شيحمله
دمعة الفارگله غالي دمعه ماهي سهله
حته فص عيني بچيته مو دمع ونهله
بالي مالحظه صفه
ذاب كلبي من الجفه
ا يالحباب ا يالحباب

✍️ام نور الزهراء الزينبيه

     ◆━━━━◆❃◆━━━━◆

لحظه ماهود دليلي من  بعد  فرگاکم
من اهد يوم الغاضريه خذتوا حيلي وياكم
أيام وشهور وليالي   وروحي تترجاكم
بحزني دومي مچتفه
ذاب گلبي من الجفه
ایالحباب. ایالحباب

✍ام زهراء الزيداويه البصراويه

     ◆━━━━◆❃◆━━━━◆

من بعدكم ماشفتهه الراحه شنهي لونهه
انه ذيچ الي عمتهه من البواچي عيونهه
روحي ماتسه اهلهه وانتو لاتنسونهه

بغــربتــي و متكلفه
ذاب گلبي من الجفه
آ يالحباب.   آ يالحباب

✍ الشاعرة رقية العامري

     ◆━━━━◆❃◆━━━━◆

تمت بعون الله تعالى
بـ✍ــاقـ✍ــلام خـادمـات أهل البيت عليهم السلام في كروب جبل الصبر زينب عليها السلام
👈بأشراف ومتابعة
ازهار جبار الجياشي
مريم العبوديه أسيرة الاحزان💔
دكتوره فرح الساعدي الملقبه( بالدره الفاطميه )

نسألكم الدعاء
بتعجيل الفرج لصاحب الزمان عجل الله تعالى فرجه الشريف وسهل مخرجه
https://www.tg-me.com/dtyruFteRqejkvuccdsqiopkm

وزن تجليبه 👇🏻
قصيده للكاظم ع

رغم جور الزمان وكلبي الملجوم
ماخذني الحنين وكاصد المسموم

*✿────↻✿...✿↺────✿

يردد كلبي باسمه وعاگد النيه
وشوكي للضريح اليسري بالريه
انسه  هموم كلبي والجره عليه

يم باب الحوائج ما تظل اهموم
ماخذني الحنين وكاصد المسموم

✍🏻الشاعره مريم العبوديه اسيرة الاحزان💔

*✿────↻✿...✿↺────✿

أله مديت اديه وجيت انا البابه
وبدموع الحزن امسحهن اعتابه
ودري مـايرد  مـولايـه طــّلابـه

اجروحي من الألم مثل الحمامه اتحوم
ماخذني الحنين وكاصد المسموم

✍🏻الشاعـرة ام مهـدي العيـداني

*✿────↻✿...✿↺────✿

وسط هلروح تلهب ظلت الجمرات
ورغم ضيم الحياة وكثرة اللوعات
گصدته والدرب رشيته بالدمعات

او بابه  للحوائج  منفتح  للدوم
ماخذني الحنين وكاصد المسموم

✍🏻ام زهراء الزيداويه البصراويه

*✿────↻✿...✿↺────✿
ملهوفه كصدت لموسى ابن جعفر
همومي بكلبي منهه ذاب وتفطر
حلفته بعزيزه حسين والمنحر

اريدن حاجتي يكظيها هذا اليوم
ماخذني الحنين وكاصد المسموم

✍🏻ام حسين الفريداوي

*✿────↻✿...✿↺────✿
بدمعات الهظم للكاظم اترجاه
وبفاطمه الزهره اتوسل وانخاه
شِفه للعله اريدن آنه من ادواه

يفرح كل كلب  من عدنه مالوم
ماخذني الحنين وكاصد المسموم

✍🏻أزهار جبار الجياشي

*✿────↻✿...✿↺────✿
إلَه رايه  التشبه راية العباس
 ابن الطهار موسى ألبي رفع الراس
ابوجوده منوره بغداد باني الساس

مستشفى الشفه دكتور يامعلوم
ماخذني الحنين وكاصد المسموم

✍🏻 الشاعره ام نادين المحمداويه

*✿────↻✿...✿↺────✿

تمت بعون الله تعالى

بـ✍ــاقـ✍ــلام خـادمـات أهل البيت عليهم السلام في كروب جبل الصبر زينب عليها السلام

👈بأشراف ومتابعة
ازهار جبار الجياشي
مريم العبوديه أسيرة الاحزان💔
الدكتوره فرح الساعدي الملقبه( بالدره الفاطميه )

نسألكم الدعاء
بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه
https://www.tg-me.com/dtyruFteRqejkvuccdsqiopkm

•‏​‏​​‏•❥ًً❀(•«﷽»•)❀❥ •‏​‏•‏​‏

قصيده لمولانا الحسين عليه السلام كأني بلسان حال مولاتنا زينب عليها السلام


بشيلة الزهره ارد اشد جروح الحسين
ادري من يشتم عطرها ايبطل  الونين

دم الاخو هالمسفوح
خلوني اشدن لجروح
للحنين      للحنين

᯽<<>><᯽><<>>᯽

اجروحك اهواي وتون شاهدت دمك
جايبه الشيله واجيت ابخت امك
اوصالك اعله الكاع خويه شلون المك

بتربان اخيي مطروح
خلوني اشدن لجروح
للحنين        للحنين

✍أم نادين المحمداويه

᯽<<>><᯽><<>>᯽

ابعباية امي أريد الجثه اغطيها
وبعطرها الزاكي آنه اجروحه اداويها
اوصاله من الكاع المهه وكل كتر بيها

بلكت ترد بي الروح
خلوني اشدن الجروح
للحنين         للحنين

✍أزهار جبار الجياشي

᯽<<>><᯽><<>>᯽

شلون الم اعظامك المتروسه تربان
وصال متكطع يخويه وظال عريان
وچبدك الضامي يخويه ومتت عطشان

ريحة مسك منه تفوح
خلوني اشدن الجروح
للحنين    للحنين

✍ام علي الامارة

᯽<<>><᯽><<>>᯽

بالله جاوبني اعله بختك ياولينه
وين خويه خنصرك يحسين وينه
كلوبهم لا رحمه بيها وكاطعينه

ياوسفه خويه مذبوح
خلوني اشدن الجروح
للحنين    للحنين

✍ام حسين الفريداوي

᯽<<>><᯽><<>>᯽

بدموعي جيت أرويك يالمذبوح ضامي
وبالشيله اشدن منحرك   ذاكه  الدامي
من عاينت جسمك وذر  زادت   الأمي

صديت.اله.وزادالنوح
خلوني اشدن الجروح
للحنين      للحنين

✍ ام زهراء الزيداويه البصراويه

᯽<<>><᯽><<>>᯽

متكطع  الكيته وذر ويسيل دمه
احتاريت يوم الوصلت ياكتر  المه
ناديته اكعد يالاخو حاجيني جلمه

بعدك  فلا اريد الروح
خلوني اشدن لجروح
للحنين     للحنين

✍🏻ام باقر السراي

᯽<<>><᯽><<>>᯽

تمت بعون الله تعالى

بـ✍ــاقـ✍ــلام خـادمـات أهل البيت عليهم السلام في كروب جبل الصبر زينب عليها السلام

👈بأشراف ومتابعة
ازهار جبار الجياشي
مريم العبوديه أسيرة الاحزان💔
الدكتوره فرح الساعدي الملقبه ( بالدره الفاطميه )

نسألكم الدعاء
بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه

https://www.tg-me.com/dtyruFteRqejkvuccdsqiopkm

.​‏❨﷽❩┈‏​‏​‏​‏​​
قصيده للامام الكاظم عليه السلام


مشايه اعتنيناك    مثل حسين اجيناك
ياباب الحوائج      ياباب الحوائج

᯽<<>><᯽><<>>᯽

رفت راية الروح    يمك رادت تروح
يا موطن املنا
باسمك ياضوه العين   چن انواسي لحسين
يامسموم صحنا
ونجدد عزانه     ياحصن الديانه
بهالخدمه فلحنا

طلسم النه شفناك 
مثل حسين اجيناك
ياباب الحوائج

✍🏻 الشاعره مريم العبوديه اسيرة الاحزان💔

᯽<<>><᯽><<>>᯽

جينه يمك انلوع    نهل لمصابك ادموع ياروح الزجيه
نواسي الزهره هاليوم  جينه بكلب مهموم ونتنه شجيه
ندك الصدر والهام   نرفع سود الاعلام وننصبلك عزيه

يموسى مانسيناك
مثل حسين اجيناك
ياباب الحوائج

✍ام حسين الفريداوي

᯽<<>><᯽><<>>᯽

ابد مايوم ننساك   نجدد دوم ذكراك
يلي ارحلت مسموم
كل عام اليمرنه   يتجدد حزنه
ونصب المدمع ادموم
آ ياباب المراد   حزنك بينه ماهاد
يظل بالروح للدوم

بصوته المحب ناداك
مثل حسين اجيناك
ياباب الحوائج

✍ام زهراء الزيداويه البصراويه

᯽<<>><᯽><<>>᯽

اجيتك يبن جعفر   بدليلي نار تسعر 
ودمعي اعليك جاري 
يهل دمعي من دموم  وكلبي اعليك مالوم
وبروحي انكساري 
مصابك من يمرنه     يشب بينه جمرنه
وابد ما تطفه ناري

عايش بينه ذكراك
مثل حسين اجيناك
يا باب الحوائج

✍أزهار جبار الجياشي

᯽<<>><᯽><<>>᯽

بدمع العين اجينه    وعلى مصابك بجينه
لفگدك نجر ونات
نعزي القائم اليوم     ونادي يمسموم
وندگ على الهامات
نصيح بعالي الصوت  اعليك الگلب مفتوت
وجمراتك مسعرات

وسفه العدو غدراك
مثل احسين اجيناك
ياباب الحوائج

ســـ✍️ـــهـام  المـالكي

᯽<<>><᯽><<>>᯽

نهمل دمعة العين      للنايمله يومين
على جسر الرصافه
وين اهل العمايم      بشمس نايم الكاظم ومغيره اوصافه
يشيلونه ويغسلوه     وبكبره يدفنوه
محد اجه وشافه

الشيعه اليوم تنعاك 
مثل حسين اجيناك
ياباب الحوائج

✍🏻ام علي الامارة

᯽<<>><᯽><<>>᯽

تمت بعون الله تعالى
👈بأشراف ومتابعة
ازهار جبار الجياشي
مريم العبوديه أسيرة الاحزان💔
الدكتوره فرح الساعدي الملقبه( بالدره الفاطميه )

نسألكم الدعاء
بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه
https://www.tg-me.com/dtyruFteRqejkvuccdsqiopkm

وزن عكيلي 👇🏻👇🏻

شيخلص عمري ولوعاتي
مثل السيل اتهل دمعاتي
★--------✾-❀✾--------★
ماينفع دمع ولا  صوايح
دوهني امصاب ابني الطايح
غركان بدم ويلي وسابح
تتعثر صارت خطواتي

. ✍🏻مريم العبوديه
★--------✾-❀✾--------★
بطيحة ابني روحي الطاحت
بكلبي جروح التنزف صاحت
ابدالك أمك ريت الماتت
راح اكظي سنيني بوناتي

✍أزهار جبار الجياشي
★--------✾-❀✾--------★

بالون تخلص.  كل  سنيني
معميه اعله  افراگك. عيني
بس ذكرك  ظل  يواسيني
ذابت.       بالمدمع.   اهاتي

✍ ام زهراء الزيداويه البصراويه
★--------✾-❀✾--------★
أكضي سنيني بوني ونوحي
يوليدي ويامهجة روحــي
بفراگك  شـيطيب جروحي
ومخلصه الليل بحسراتي

✍🏻زهراء الحربي
★--------✾-❀✾--------★
اكظي ايامي بنوح وحسره
وبصدري مشتعله الجمره
ودمعي هليته انه بعبره
موحش ليلي وي مأساتي

✍🏻ام زين العابدين لمحمداويه
★--------✾-❀✾--------★
يبني  امصابك شيب راسي
ضاكت من عكبك انفاسي
دهري اعليه اشكد قاسي
مهظومه وابقه ابعبراتي

✍🏻العلويه امامه ام علي
★--------✾-❀✾--------★
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده للامام الكاظم عليه السلام

وزن عگيلي
🖊️📙

نشيع هالليله مولانه
لمصابه انعلي مبجانه

★-----------✾-❀✾------------★
انصيح بحسره يامسموم
عل المات بسجن مظلوم
ونواسي الزهره  هاليوم
امصابه الكاظم  اذانــــه

✍ سهام المالکـی

★-----------✾-❀✾------------★

نعشه فوك الراس نشيله
والمدمـــع من دم انســـيله
اليوم انعزي حامي ادخيله
والـــرضا انعــينه بأحــــزانه

✍أزهار جبار الجياشي

★-----------✾-❀✾------------★

واجـــب نتعـــنه مشايه
للكاظم نرفعـــهه الرايــه
فوگ الجسر ندگ الثايه
وانواسي ابنه بأشجانه

✍خادمة الزهراء// ليلى زغيب

★-----------✾-❀✾------------★

للكاظم  نلــطم عالهامه
الخلصهه بالسجن ايامه
هارون ايلعنه  وازلامه
وبسم الظالم فجعانه

✍ام حسين الفريداوي

★-----------✾-❀✾------------★

هالليله   تنعاه احبـابه
ولعین منهم  سجــابه
ويلي عالكاظم ومصابه
بطاموره سموه عدوانه

*مــــــــ✍ــــريم الحجيمي*

★-----------✾-❀✾------------★

كل شيعي نار اتوج كلبه
يصرخ عالمظلوم أبغربه
دمعاته وشكواته الربه
ايصيح ابحركه يامولانه

✍ام اسعد الشمري

★-----------✾-❀✾------------★

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
https://www.tg-me.com/dtyruFteRqejkvuccdsqiopkm

قصيده للامام الكاظم عليه السلام.

نوحـــو اويـانـه.. المــولانه
سلطـــان وحــــير ســجانه
★••══✼┅┄••★.ا

ليــــل المظــلم ذاك الهنــدس
ايناجي الباري بصوته اليهمس
لوجــــه الله الكاظــم متــحمس

ويخلص من جمرات احزانه
نـــوح اويــانـــه.. الــــمولانه
سلطــــان وحــــير ســجانــه

. ✍🏼الشاعره مريم العبوديه اسيرة الاحزان 💔
★••══✼┅┄••★.ا

ايناجي ربه ابسجده اطويله
من غــــدر الظـالم يشكــيلــه
من الســــم بايــد كل حيــله

وراعـــبهم صــوته بــقرآ نه
نــــوح اويانـــه المــــولانـه
سلـــطان أو حير سجـــانـه

✍أزهار جبار الجياشي
★••══✼┅┄••★.ا

امكطع جبده موسى اشحاله
لايمــــه انـصاره ولا اعــياله
اعلــيه مجمــــوعه العـــياله

بـطاموره امضيع عنوانه
نــــوح اويانه المـــولانـه

. ✍🏼الشاعره نور الزهراء
★••══✼┅┄••★.ا

لا خايــف هارون وسجــنه
وخيـــب اماله وكل ظـــنه
والســندي متخوف مـــنه

او هـــذا الفعل الأذآنــــه
اويانـــه نوح المــــولانه
سلــــطان وحير سجــانه

✍ام حسين الفريداوي
★••══✼┅┄••★.ا

ياويلي بجبده يســـمونه
ولدمــعات اجوي اعيــونه
ياوسفه اعداه يرهـــبونه

والكاظـــم خوف عـدوانه
نـــوح اويانه ...المولانــه
سلطــان وحــير سجـــانه

✍️ام زهراءالفاطميه
★••══✼┅┄••★.ا

سمـو جبدته وغابت روحــه
وعينـه. عله احبابه مشبوحه
الكاظــم جثه و مطــروحــه

وهـــذا الحال الي بجانه
نـــوح ويانه المولانه
سلطان وحيـــر سبــحانه

✍️ام باقر السراي
★••══✼┅┄••★.ا

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))