قصيدة لسيدتي و مولاتي ام البنين سلام الله عليها
ـــــــ
🏴🏴🏴🏴🏴
يــاللي تنــشد عالوفــه و زود و حنيــن
خلـّي ميــدان الحـــچــي لــم البنــيــن
ــــــ

خلـّي مــيدان الحــچــي لــم الــوفــاء
يالــلّي تســأل علــى الغيـره والــولاء
روح وتــعــنّه الـــأراضــي كــربــلــاء
اتــشوف عنــدالله أثــرها اشگـد ثـمين
ـــــــــ

مــن وفـاهــا ابـكــربــلا خــلّــت أثــر
امــنوريــن انــجـوم اثــلاثــه و گــمــر
حگهـــا ام عبـــاس تتــسمــّه ابـفــخــر
يــا مــره جــابــت مثـل ليــث العــريـن
ــــــــ

يـا مــره و جــابـــت مثـل عــبــاســهــا
و بــين كــل الدنـــيا رفــعــت راســهــا
عــفــيــه يــا ذاك الــربا و انـفاســـهـــا
الــهـچ ربّــت اخــو نــاصــر للحــسـيــن
ـــــــــ

عــفــيه يــا ذاك الــربــه و ذاك اللـــّبن
الــرضــع منّــه وفــه و غيـره انشحــن
انــتي درّه و عــلي الــيِعْــرف بالثّــمن
و يــدري مــن اخــذاچ راح اشتــنجبيـن
ـــــــــ

علــي يعــرف بيــچ شـنهـــي مـن مره
و رايــحه اتجيــبــيله سبــع الگنــطـره
و يــدري بــالــعــباس در و جــوهــره
وبْحـــماتــه باچــر ايسيــر  الضــعـين
ـــــــــــ

يـدري ابــزوده و حمــيتــه و غيـــرتــه
وبــس هــو اليــصــبح كفيــل ابــنيــّته
و يــوم عاشــر لــو نخــتّــه اوديــعتــه
يــنطــي اچفـــوفــه لــجلهــا و الوتـين
ـــــــــ

نســألــكم الــدعــاء
🏴🏴🏴🏴🏴
سيد موسى الجابري

ميمر كربلائي لخدمة الحسين ع

اتوسلك  واتوكلك
قد قامت الخدمه الك
لا تشكر التعبي وياك  يحسين تعبك راحه

حسين اول بكلبي ولا وصفته
شما امرض حسين الدوه وصفته
كالولي وصف عشكك و وصفته
طير انكسر ' جنحه وعثر
وبصحن الحسين استقر
ساعتها جنت اول طير ' يفرح بكسر جناحه

لحسين كلبي جن غصن حنيته
باب الله الحسين بدمع حنيته
الف وتسعمية عشك حنيته
حبيته حب ما ينحسب
لا ينقره  ولا ينكتب
كلبي قفلته اعله حسين  وانطيت اله مفتاحه

اقسم بعين التبجي من لاطمها
روحي بدونك سيدي لاطمها
جيش الخدم واتطوعت لاطمها
الجف والصدر  عشرة عمر
والحمد لله والشكر
ارد الطم لجتل حسين  وينه اليوسع الساحه
""""
كلبي المجالس فنه لو ملاها
بفيض الدمع جفني شكثر ملاها
يقره التعازي بخدمتك ملاها
هذا الامر  بيه نفتخر
نمشي على مسرى بشر
يا ايها الغالي الدوم  ساتر على مداحه

ارهه يدلالي الفخر شاعرها
ما دام  نضبك كربله شاعرها
كل كلمه ابو اليمه شكر شاعرها
بحبه نعز  من نرتجز
هو الصدر  هو العجز
ولغيره ما نسمع صوت  مهما يعلي صياحه

هيء اسباب الخدمه من هيئاتك
يحسين يالتسحر سحر هيئاتك
ان الذين آمنوا هيئاتك
اسمك اله  شكد منزله
وكل قلبٍ كربله
ما ننسه يومك يحسين  يا من بذلها ارواحه

#ميثاق_الحمداني

من عمري يا فاطم عله عمرچ
ماادري اصبر روحي لو صبرچ
گاطع نفسچ البسمار   اول مره اضل محتار

اول مشهد اذاني الزهره ماتت اگبالي
انحنيت ابمشيتي وتعبان ماعندي بعدوالي
راح الحيل وياهه وحالي يحن عله حالي
الله يعين المفارگ والدافن بدي غالي

ضلمه الحياطين عله شوفتهه
نور السمه چان ابعبايتهه
انتي رحمت الجبار     گاطع نفسچ البسمار

ثاني مشهد اليلچم من شيعتچ ورديت
حيره اشلون اطب بيتچ اضلم من بعيدالبيت
شگله الراح ينشدني ساكت بس دمع ضليت
لاگوني الحسن وحسين بدمعي للسمه صديت


يابويه  شو مارجعته  النه
منك  طلبن  ترجعلنه امنه

فگدك مايفيداعذار    گاطع نفسچ البسمار

ثالث مشهد الاثار حايط بي اثردمچ
يتصورلي من طحتي والمحسن غفه يمچ
ميت والحطب فوگه مالحگ يگول اسمچ
يابت النبي العدوان  ماعرفو قدرعلمچ

النارصعدت اعله من بيتچ
ودخان خانگ محسن وريتچ
بمحسن شفتي كل الصار    گاطع نفسچ البسمار

رابع مشهد عله الباب ماخله ضلع سالم
مووحده اندفع ياناس الله شاهد وعالم
هجمت ناس ماترحم وكلهه شافت الوادم
موصه حيدر يصيحون خل نهجم علي لازم

ثگل الوصيه الزمت اچفوفي
يشهد السيف ابكرم معروفي

عليچ اتجرئوا اشرار   گاطع نفسچ البسمار


خامس موقف الايتام عرفو ماتت الزهره
يحاچوني ابدمع وجروح وچانت تذبح النضره
زينب تبچي وياهم  يتيمه عاشت ابحسره
ماتنعرف من الضيم زينب حيل متغيره

دمعتهه عل خد ماتفارگهه
بهمهه وحزنهه من يشاركهه

عليهه الحزن ضل يندار    گاطع نسچ البسمار


المواقف ماتكفي ارقام مصيبة فاطمه اچبيره
كسرتي ضهري وضلوعي يفگدچ حيرته حيره
اليبچي اعليچ هنياله شكثر خليتي بي غيره
ضلمه الدنيه من دونچ بعيني وكلش ازغيره

يارحمت الله الماكو من عدها
يصل الضلع والسطره البخدها
رجعه ماالچ للدار     گاطع نفسچ البسمار


سلام ___ البهادلي

من عمري يافاطم على عمرچ
ما ادري اصبر روحي لو اصبرچ

كلمات الشاعر / سلام البهادلي

بصوت. مسلم المطيري

ميمر كربلائي لخدمة الحسين ع

اتوسلك  واتوكلك
قد قامت الخدمه الك
لا تشكر التعبي وياك  يحسين تعبك راحه

حسين اول بكلبي ولا وصفته
شما امرض حسين الدوه وصفته
كالولي وصف عشكك و وصفته
طير انكسر ' جنحه وعثر
وبصحن الحسين استقر
ساعتها جنت اول طير ' يفرح بكسر جناحه

لحسين كلبي جن غصن حنيته
باب الله الحسين بدمع حنيته
الف وتسعمية عشك حنيته
حبيته حب ما ينحسب
لا ينقره  ولا ينكتب
كلبي قفلته اعله حسين  وانطيت اله مفتاحه

اقسم بعين التبجي من لاطمها
روحي بدونك سيدي لاطمها
جيش الخدم واتطوعت لاطمها
الجف والصدر  عشرة عمر
والحمد لله والشكر
ارد الطم لجتل حسين  وينه اليوسع الساحه
""""
كلبي المجالس فنه لو ملاها
بفيض الدمع جفني شكثر ملاها
يقره التعازي بخدمتك ملاها
هذا الامر  بيه نفتخر
نمشي على مسرى بشر
يا ايها الغالي الدوم  ساتر على مداحه

ارهه يدلالي الفخر شاعرها
ما دام  نضبك كربله شاعرها
كل كلمه ابو اليمه شكر شاعرها
بحبه نعز  من نرتجز
هو الصدر  هو العجز
ولغيره ما نسمع صوت  مهما يعلي صياحه

هيء اسباب الخدمه من هيئاتك
يحسين يالتسحر سحر هيئاتك
ان الذين آمنوا هيئاتك
اسمك اله  شكد منزله
وكل قلبٍ كربله
ما ننسه يومك يحسين  يا من بذلها ارواحه

#ميثاق_الحمداني

ميمر بصوت. مسلم المطيري

الشاعر ميثاق الحمداني

مولاتي رقيه عليها السلام

***

بعد الدواوين ،، واحضان الحسيــن
هسه وي الاجناب ،، واتوسد تراب
تاليهه انام بنص خرابه

**-

آنه الچنت مثل الشمس بس اليتم طفـــــــاني
اغفه اعله ضحكة والدي وبچفوفه لو غطاني
يا بعد گلبي ويا هلا بچلماته لو حاچــــــــــاني
كل عمري يمه امدلله ويـــــــــن الدهر وداني

حد ما أجينه الكربله     وصاار
ممشانه بيهه أتعلعل     ونااااار
مختلفه عندي الدار مو دااااار

غير اهلي ويــــاي    شو روحي مو هـــاي ؟
مختنگه چا لـــــــيش؟    معقوله ما اعيش ؟

واضح تره الموت وكتابه
تاليهه انام بنص خرابه

****


بالعاشر بذاك الظهر ذبحولي كل احـــــــــــلامي
شفت الحسين اعله الرمل والجسد عاري ودامي
من الصدمه اركض للنهر والحيل كض اجدامي
ارد اسأل الماي شعجب ما تدري ياهو الضامي

تدري بولينه العطش اًذاااااه
جربة الكافل ميته     وياااااه
أهلي اعله تربة كربله هناااااه

كلهم بلا صوت        ماخذهم الموت
والرايه علگاع      وانه اصرخ بساع
اگعدلي ما تسمـــع يبابا
تاليهه انام بنص خرابه

****

نيران شبت بالخيم والرمح مـــــاخذ شوفي
كلما اگلهم والدي گالولي روحي وطــــوفي
منكم ولا واحد فزع خلصت كل حــــــــروفي
مسبيه صاحو والحبل ما يرهم اعله چفوفي

شدونه وحده بوحده بحباال
عمتي وتعبهه يهد    الجباااال
ما ينوصف يا حال الاطفااال

لوطاحت انطيح        عمتنه ونصيح
چا وينه عباس          يا ولية الناس

يا ضيم گلبي ويا عذابه
تاليهه انام بنص خرابه

**

ردت اوصل الراس الأبو واحچيله ضيم البيه
بس الرمح عالي وأنه الفوگ الهزل مسبيه
حاچيته بعيوني وبچه وگالالي ها عـــــلويه
أذاني منظر دمعتچ من جرو الترجــــــــــيه

ردت افزع وكضتني الرمااااح
المذبوح ميفهمونه لو صاااااح
صعبه الورد يمشي وي السلااااح

دم الوجه صار    ،،،     يبن الحمه الجار
حاچيته بهداي      ،،،     گدامنه هواي ؟

ارد اسمع حسين وجوابه
تاليهه انام بنص خرابه

***

مرونه بالشام وشفت ناس بحجر يرمـــونه
صاحو يبنت الخارجي وكل ظني ما عرفونه
غير انه بنت المـــــا سجد بس لله وينكرونه
تالي الدلال بلا سگف فوك الترب خلــــــونه

بتنه بخرابه وننحب بليييل
ثگل الدمع وعيونه تشيييل
يا حيل بويه مخلص الحيييل

فوگ الثرى أنام   ،،،    ونتغطى بأحلام
بلكت ترجعون      ،،،   ويانه تبقون

وين اليموت يرد شبـــابه
تاليهه انام بنص خـــرابه


رعد الفريــــــجي  

بعد الدواوين واحضان الحسين

كلمات الشاعر / رعد الفريجي

بصوت. مسلم المطيري

نعي إلى العقيلة زينب عليها السلام


لصوب النجف بالعين صدت
ومن البواجي العين رمدت
بت حيدره اعله الهزله صعدت
وراحت اسيره ابين عدوان

بنتك يحيدر يسروها
وبدروب غربه سيروها
راحو اخوتها وحيروها
انهضمت يحيف بلايا خولن
*---------------------*---------------------*
من غير خوان من غير خوان..محني الظهر من غير خوان
وتهل الأجفان وتهل الأجفان..يظلمونها وتهل الأجفان
تطمع العدوان تطمع العدوان..بالماله أخو تطمع العدوان
بالكلب نيشان بالكلب نيشان..تركو حزن بالكلب نيشان
*-------------------*-----------------------*
من أيدي راحو من أيدي راحو....الخاويتهم من أيدي راحو
أعله الموت طاحو اعله الموت طاحو..شجعان واعله الموت طاحو
ولصوبي صاحو ولصوبي صاحو..اوداعت الله لصوبي صاحو
ياخويه ناحو ياخويه ناحو..أولادكم ياخويه ناحو
*-------------------*-----------------------*
يكثر نحيبه يكثر نحيبه..الضل وحده يكثر نحيبه
راحت غريبه راحت غريبه من دونكم راحت غريبه
منين أجيبه منين أجيبه...حيدر اليوم منين أجيبه
منهو اليجيبه منهو اليجيبه...بنته بهضم منهو اليجيبه



محمد النوري

( نعي للزهراء ع )

شمضيع علي وعينك تصد ليفوگ
علي بهايه نضرتك رجفت السبعه


بصوت /
الملا مسلم المطيري


كلمات الشاعر /
هشام الشيباني

نعي بصوت. مسلم المطيري

الشاعر محمد النوري

ابوذيه

ياحادي الضعن بهداي چاوين
تريدانروح عن الهل چاوين
گفيلي واليباري الخدوچاوين
يخليني غريبه بين اميه
~~~~
------------------------
نعي مجرد👇🏻
شددضعونه وحمل حسين
وماخذ عياله والخواتين
الديره غريبه وين ماوين
~~~~~
اليوم ابواليمه شدالرحال
ولديارغربه حمل وشال
وماخذ اخوته وكل العيال
~~~~~
وزينب تعايله وحزينه
حسين وين تريد بيه
يخويه بالنزل ماتخلينه
~~~~~
يولاد هاشم لاتشيلون
ولديارالبعيده تروحون
وضليت اكول شلون وشلون
~~~~~
اليوم العقيله يهل دمعها
وعلى خوانه مكلف وضعها
لديارالغرب حمل ضعنها
~~~~~
حمل اضعونه ابيوم ثاني
وعرف يدوهني زماني
من شالوحمولي اخواني
~~~~~
شالوضعوني وسافرينه
ومانرد لديارالمدينه
نروح ابيسر وشلون بينه
~~~~~
من نوصل الديرت الغربه
هايه عليه شكثر صعبه
ابقه غريبه ومالي صحبه
~~
ام اسامه👆🏻
[١٨/‏٧ ١٣:٢٠] ام فاطمة:

كعده الباب

اضلم صاير البيت   يمه الوحدي ضليت
عكب الجرح ما طاب   تكتل كعدت الباب
..............

كل مغربيه اكعد وون...واعله الدرب عيني
يايمه حاجيني...يالنمتي بالمكبره


صار العمر ضيجه وخلك...شيردها لمتنه
ابجي اعله عشرتنه...عشرتنه حلوة تره


ضليت ابوس ابصورتج...والدمعه بعيوني
كل ساع اكللهم كمت...يم امي ودوني


كل ما اطيح اعله الوجه...كوه يشيلوني
ما اكدر اشتم الهوه...بلياها صدكوني




يمه وحته الكبور   تدري بضهري مكسور
تارس وجهي التراب   تكتل كعدت الباب
............

ياناس روحي اتعذبت...بله التموت امه
اشلون الهوه ايشمه...ويكضي راح العمر


من فاركتني شيبت...والشيب يبجيلي
وموحش صبح ليلي...وبين عليه الكبر


يايمه رحتي وحجرتج...بس ريحتج بيها
من رحتي روحي للكبر...وياج اخذتيها


نيران كلبي تستعر...كلي شيطفيها
والماله ام ضايع يضل...ودموعه يجريها




امي التعبت وياي   لعمي اعليها عيناي
يوجع فكد الاحباب   تكتل كعدت الباب
............

اشكد امي وياي اتعبت...وعليه سهرانه
والعين ذبلانه...وتفكر بنومتي


مني امي ما تزعل ابد...حته من ازعلها
ولمن اروحلها...تستانس بشوفتي


انه امي تتفايض وفه...متروسه حنيه
ادفيني جانت بالشته...وتخيم اعليه


وتتوسل برب السمه...وتدعيلي يوميه
وكل ما اريد امشي بسفر...ترش الدرب هيه




ولمن فركتي اطول   محروس بعلي اتكول
وجمر اشواكي لهاب   اضلم صاير البيت
...........

يايمه كل ذكره الج...كامت تبجيني
والدمعه تاذيني...موتني حيل الهجر


كل ما اطلع شيلتج...بالشيله اشم عطرج
واتعنه يم كبرج...واهناك اون شكثر


يايمه حاجيني صحت...مشتاكه اشوفنج
لتفكرين بكومتج...انه الاكومنج


تنزل دمعتي اعله الوجن...كل ما اذكرنج
يازهرت اسنين العمر...ليش انحرم منج




دارت بيه الايام   وراحت ذيج الاحلام
بس شيفيد العتاب   اضلم صاير البيت
...

تاليتي جاوين       حاجيني يحسين
انه العبد كدامك        اقبلني من خدامك

*
تمنيت من رب العرش        ريته يطول عمري          حته اذكر اسمك كل وكت   والشوك يشعل جمري
وكعد وتاني من يمر      عاشور دمي اليسري   واحظر عزاء  بمجلسك    وبحركة الطم صدري

     واكف ذليل ابابك     هلمنتظر جوابك
       دمعاتي بالعين     حاجيني يحسين
*

انه الا جيتك واعتذر     وادري بذنب تقصيري  منك فلا امل العشك      مذنب رغم تحذيري  لاجن وحك امك همت    بيك انته بس تفسيري    خليني ذره بسجتك   يسحكني زاي لويمرتقديري

   حاير وعض بديه     عطفك ردت علية
    ممدوده جفين       حاجيني يحسين
*

ارد اقسم عليك بعلي     وامك هذيج الزهره  انطيتي بر هان الا مل   جيتك اصب العبره
كل خادم انطيته بكرم     لمن كصد للحضر
وانه عله بابك منتظر     واترجه منك نظره

   هلبت تباوع حالي     حبك فطر دلالي
    تشعلني نارين       حاجيني يحسين
**

اخدم واحس ماتنقبل     لمن اشوف اعمالي  وتمايز بكل خدمتي         دزة رمل تصفالي  
ماشوف احصل جيتل    وكت الكبر تبرالي 
لو ما قبلت انت العذر    بالمحشر شتسوالي

  يلي شمل حنانك     كحته على عدو انك
  طاحن دمعتين       حاجيني يحسين
**

اصفن وشاهد هالخدم       لمن تجي زوارك 
حفاي تمشي اعله  الجمر    سميتهم احرارك 
يوم اربعبنك تنكلب   كل البشر خطارك 
وسجل حبيبك دفتره   كل مخلص وي انصارك

وانه اندعيت الخادم    اسمتني هاي الوادم
       بس العناوين     حاجيني يحسين
*×***

كدام روحي تحاسبت    وتمايزت بحسابي 
اطلعت بنتيجه سيدي     كد امل اقره كتابي 
ماكو عمل صافي ونقي    من خدمتي لحبابي  حاير شكلك بالحشر      لو طالبت جوابي

     يمك بعد مصيري       ياسيد واميري
     وبذمتي الك دين     حاجيني  يحسين

                  الشاعر الحسيني الشيخ 
                     محمد الخزاعي