((الشاعرعلاء عبد الحسين الكربلائي ))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




( رئيسية لمولاتي ام البنين عليها السلام )

بعيني تسبيح البكـاء       كربــــلا يا كربـــــلاء
ياحبيبي ياحسين          شيبت أم البنين
&&&&&&
جان داري بكل مسه         يزدحــم بيه الضوه
ويختنك صدر الفضه        ومنه يستنشق هوه
هـــم ترد لمت امسه        هم نرد نكعــــد سوه
وصوت دكـات الكلب        نـيـنـوه يــا نـيـنــوه

اختنكت الروح وتريد       عطر من عطر الوريد
وارد اكلك جلمتين         شيبت أم البنين
&&&&&&





كتلك أبقه ولا تــــروح      اعليك اخاف امن الغدر
ما حجيت ونظرتــــــك      تقره أيــــــــــــات العذر
جنت احضنك كل مسه      ليل ويحاوط بـــــــــــدر
وهسه مسبية حـــــزن      والحزن مثــــــل الشمر

والله لو عندي بـــــراق         يصير معراجي العراق
وجان كتلك بالحنين            شيبت أم البنين
&&&&&&&&&&
انته ربــــــــك أنزلك        مصحف بأربــــع حروف
حاء سين ويـاء نون        بكل حرف روحي تطوف
ذابح اعيوني الدمــع        بلا ضواك شلـون اشوف
فدوه الك ابني الكمر        وسهم عينــــه والجفوف

دمعي ينزلك ألــــــــــم       وبيه شيب مخضبه دم
وبالكلب نبضت انين            شيبت أم البنين
&&&&&&
خبر موتك من أجه       روحي ما ظل الها روح
بشر ابن حذلم كعـد       يعدلي بجروحك وانوح
بي الف طعنه وبعد       تسعميـــه امن الجروح
خنصر ايمينه انبتر       وعــالرمح راسه يلوح

حسين سلبوا خاتمه      ضلوع جسمه مهشمه
وانه ناديت بونين         شيبت أم البنين
&&&&&&

يبــــني بعد الواقعه      حرمه اجتني محجبه
جفوفها بيهن جوي      تمشي كــــوه محدبه
اعليها اثــار السبي      والعبايـــــــــه متربه
منهو انتــي ناشدّت      اعليج اصحاب العبه

انــــــه زينب بت علي      ضيعت خدري وهلي
بنت امير المؤمنين         شيبت أم البنين
&&&&&&
طفلك الصابـــــه السهم       شكال كلبه ومنحره
برفعت اجفوفه استغاث       بعمه سبـع الكنطره
وصار كـــــاروك الطفل       ضلوعـك المتكسره
انت هـــــــم شايف ورد       ينزرع بـــــالمكبره

ياوسف راحـــن سبــي       كـــــل قـنـاديــل الــنــبــي
وانته مكطع الوتين         شيبت أم البنين
&&&&&&
خادم الزهراء ع
علاء عبد الحسين الكربلائي

بعيني تسبيح البكاء
كربلا. يا. كربلاء

كلمات الشاعر
علاء، عبدالحسين الكربلائي

بصوت. مسلم المطيري

ابوذيه للحسين ـ

عكشت احسين من زغري......بهاماي
اهيم واتنطوي اجروحي........بهاماي
على اجروف  النبع صلن........بهاماي

يكتبنك نجم فوك الثريه


▪️
خاصه لحضرتك ملا مسلم


عاش عاش هل صوت 😭😭😭💔💔
اسعد الله عين التشوف احروف اسمكم 🙏

بصوت. مسلم المطيري

ابوذيه للحسين ـ

عكشت احسين من زغري......بهاماي
اهيم واتنطوي اجروحي........بهاماي
على اجروف  النبع صلن........بهاماي

يكتبنك نجم فوك الثريه


▪️

كلمات الشاعر الرادود علي ابوسما الديواني


         روحي الله اوياچ يالعفتينه
         اطفال مانحمل يتم تدرينـه
    يالمشيتي وخذتـي ويــاچ الحنـان
    ذكرياتـچ يُمــه تضـوي بكـل مكـان
             يالحنينه      يالحنينه
         ..................................

    يُمـه ليش استعجليتي وگلبچ اشگال
    يالخذيتي ارواحنه بيوم النعش شال
    روحتچ يازهــره ماچانـت على البـال
    ويـاچ راحــت كل سعـادتنـا والامــال
          خيمه چنتي بحضنچ اتلمينه
           نـذوب ساعـت لمن اتشمينه
      چنتـي شمعـه وراد يطفيهـا الـزمـان
       ذكرياتـچ يُمــه تضـوي بكـل مكـان
             يالحنينه      يالحنينه
         ..................................

     روحـي الله ويـاچ مانحمل تره اوداع
     يمه شبساع السفر بس گولي شبساع
     ضاعـت اويـاچ الاماني والعمـر ضـاع
     بعـدچ انشوف العذاب اشكال وانواع
            هذا مو اول جرح مر بينه
            فراگ جدنه لسه ماناسينه
     معذبيـن انعيـش بـعــدچ لا امــان
    ذكرياتـچ يُمــه تضـوي بكـل مكـان
             يالحنينه      يالحنينه
         ..................................

    الباب صرنه انعاين الها بكت الادمـوع
    بيها اثر دم شفنه باقي اعليها مطبوع
    يحـرگ اگلـوب اليتامه كسر الاضلـوع
    والونين اعله المشوا كل ليله مسموع
             بعـد ياهالبــاب شتراوينه
             يومك الماينسي امبچينه
        صحنـه من اگلوبنـه الله المستعان
        ذكرياتـچ يُمــه تضـوي بكـل مكـان
             يالحنينه      يالحنينه
         ..................................
        بويه غير الباب صحنه ابداعة امنـه
         مـن نشوفـه ياعلــي يهمـل دمعنــه
         بشـوفــة البسمــار يتغيـر وضعـنــه
         چـي يذكرنـه بضلـع يشـبـه ضلعنـه
             بويه شيل الباب وارحم بينه
             آه چن محسن بچـه ايناغينه
        ذبلـت اسنيـن الـــورد گبـل الاوان
       ذكرياتـچ يُمــه تضـوي بكـل مكـان
              يالحنينه      يالحنينه
         ..................................
         نفــرش امصـلايتـچ كـل مغـربـيـه
         اعيونه اعله الباب يالزهره الزچيه
         انگول هسه اتعود امنـه ابهالمسيه
         ماتعــوف ازغــار وحدهـم خطـيـه
            ياهوا الـ بليـل الشته ايغطينه
            وهسه حال الظيم لو شفتينه
        يُمه دمـع ازغارچ اعله الوجنه بـان
        ذكرياتـچ يُمــه تضـوي بكـل مكـان
                يالحنينه      يالحنينه
        

             كلمات الشاعر الرادود
         ميرزا علي ابوسما الديواني

قصيدة في رثاء الأم


منبع الحُب والحنان.     راحه شوفتها وأمان
عدها مفتاح الجنان.      امي امي     امي امي
*

امي ياما ربّت وتعبت عليّه
تحمّلت من أجلي آهات واذيّه
احله شي غذّتني حُب حامي الحميه
من زغر نذرتني للزهره الزچيّه
سلوتي بذاك الظلام.      ليلة ما گدرت تنام
بينها وبيني انسجام.      امي امي.     امي امي
*

شلون اجازي الربّت وافنت عمرها
عجّب الأملاك حيل امي وصبرها
احله أيّـام العمر وآنـه بحجرها
امي وردة ودوم ترويني بعطرها
شما اوافيها قليل.       اوفي حقها مستحيل
رحمة الباري الجليل.   امي امي.    امي امي
*

امي شمعة بيتنه ويضوي بضواها
هيه خيمة علينه ونعيش بفياها
أختنگ لو ما أشم رحمة هواها
آنه صاحب بخت من احضه برضاها
تعبت عليّة السنين.     هاكثر تحمل حنين
خادمت ام الحُسين.     امي امي.    امي امي
*

ماكو مثل امّي ومحنّتها وگلبها
والله ما ينقاس گد الدنيا حبها
الدار اذا ما بيها امي شلون اطبها
عطر ورد الجوري اشتم من دربها
تندعي لربي القدير.       خادم المنبر اصير
چنها تعلم بالمصير.        امي امي.      امي امي
*

العنده أم خل يدعي ألله تبقه يمّه
من تضكّه الدنيا هيّه التجلي همّه
واليزعّل امّه ويسمّعها كلمه
آخره ودنيا اكيداً راح يعمه
ياهي مثل الأم تجود.     احله نعمه بهالوجود
علّمتني عله الصمود.       امي امي.      امي امي
*

واليفارگ امّه يامعظم مصابه
الدنيا ظلمه تصير بعيونه وخرابه
ما نلومه شما بچه وشتد عذابه
بلايه أم البيت مظلم بالكآبه
امي آية من الكتاب.      وسفه يحجبها التراب
تشفع بيوم الحساب.      امي امي.     امي امي

سيد زيد الفحام

منبع الحب والحنان
راحه شوفتها وأمان

كلمات الشاعر
سيد زيد الفحام

بصوت. مسلم المطيري

بلوعة الشام. والخيام.. ذبل دلالي

كلمات الشاعر
محمد حسن ضيغم

بصوت. مسلم المطيري

#ابوذيات

ابوذيات لاستشهاد السيدة الزهراء عليها السلام

،،،،،،،،،،،،،،،،،،،،،،،،،،،،،،،،،

تون واطفالهه ونو لونهه
مصايب هلدهر وسفه لونهه
تظل ويانه بس ليله لو انهه
بعد منريد كلشي وهاي هيه

،،،،،،،،،،،،،،،،،،،،،،،،،،،،
 

احلف الموت بيمن ما يمرهه
ينار الروح ماصح ماي يمرهه
يهل تنشد الدنيا ما يمرهه؟
اگلك فاطمه البعدت عليه

،،،،،،،،،،،،،،،،،،،،،،،،،،،،،،،

وسفه الصوت راح وبعد ون صار
تحت ذاك التراب اندفن ونصر
يهلتسأل عزيز الروح وين صار
خذاه الموت وسفه وگطع بيه

،،،،،،،،،،،،،،،،،،،،،،،،،،،،،،،،،،،،

عطشنه اوهام وانتي الماي يمنه
ونحس بالدنيا لو تبقين يمنه
سمعت اطفالچ يصيحون يمنآه
الحسين يگول لتعوفين اديه



،،،،،،،،،،،،،،،،،،،،،،،،،،،،،،،،،،

اوسدچ علرمال شلون بيداي
وضلعچ فاطمه يأذيچ بيه داي
يچف الشالت ام الحسن بيدي
ويجدمي اثگل جنازة كون بيه


،،،،،،،،،،،،،،،،،،،،،،،،،،،،

يدنيه الشال من عندچ ولي راح
مشت مني واجاني الهم واليراح
شنهي الباقي البعمري والي راح
الف يا حيف خلصت هاي هيه

كلمات الخادم   /  رعد الفريجي

#اللهم_عجل_لوليك_الفرج


(ليلة استشهاد مولاتي فاطمة الزهراء عليها السلام. ١٣/جمادي الأولى /١٤٤٤هج الروايه الثانيه)

ابوذيات بصوت. مسلم المطيري

الشاعر رعد الفريجي

ابوذيه


الباري بالموده گال بينه
وفضلنه اعله الخلائگ گال بينه
تالي اوليدي بالطف گالبينه
علوجهه وتسحگه اخيول ال اميه
.....
الشاعر محمد حسن ضيغم

اليوم  يمچ عدنه حاجه    نظره فاطمه
والمريض  انتي  علاجه   نظره  فاطمه
يا اللهي بفاطمه  ،، يا  اللهي  بفاطمه

***

ما تقصرين  ونعرفچ   وانتي اهلهه
اليوم هاي الناس جابت كل  حملهه
هذا  مجلس   فاطمه الماكو  مثلهه
الدعوه  توصل  للعرش والله قبلهه

هذا    خادم گلبه  يبچي   نظره  فاطمه
ما گدر   بدموعه يحچي  نظره   فاطمه

يا  اللهي  بفاطمه  ،،،  يا اللهي  بفاطمه

**


يا  شفاء  لكل    عليل   وكل  عليله
الليله جبنه حمولنه الصعبه الثجيله
وهيه     يمچ  فاطمه   كلش  قليله
اليوم كل طايح ضلع فاطم  يشيله

ندري   همچ  والله بينه     نظره  فاطمه
وحتى  نوحچ هم علينه    نظره  فاطمه

يا اللهي  بفاطمه  ،،   يا اللهي بفاطمه

**


نحضر بمجلس عزائچ  وانتي  رحمه
ياهوانه    شلون  نگدر    ما    نشمه
وانتي نبضات الگلب  كل مجره دمه
ما نسينه شلون   واحد  ينسى   أمه  ؟


يا   شفيعتنه  وحمانه      نظره فاطمه
انتي بالمحشر   لوانه       نظره  فاطمه

يا اللهي بفاطمه     يا اللهي بفاطمه

**

هذا  مجلس  بيه   شفاء  وبيه  كرامه
حسب  توقيت   الضلع  جرح  الامامه
حان  وقت   المغفره   وصارت  قيامه
قامت   الزهراء      تشفع       لليتامى  

ما تظل حسره بصدرنه   نظره فاطمه
بمجلسچ كلنه   حضرنه   نظره فاطمه

يا اللهي بفاطمه      يا اللهي بفاطمه

*

حسين باب الرحمه يبقى وانتي أنتي
الله   في  يوم  الحشر يسأل  قبلتي ؟
اخذي كل شيعة  علي  يامن  طلبتي
كل   موالي   الفاطمه   داخل رحمتي

ندخل افواج وننادي     نظره  فاطمة
ها هو الامر السيادي     نظره فاطمة

يا اللهي بفاطمة  ،،، يا اللهي بفاطمة


كلمات الخادم /  رعد الفريجي

✍رعد الفريجي