قصيدة من وصايا  الزهراء ع
لعلي عليه السلام 


ليل الهجر ماينتهي ضلامه
شحاله علي من ينضر اليتامه
منهه الدهر حرمهم... انت الابو وانت امهم
.. ليل الهجر ماينتهي ضلامه
.....................................

ماينتهي ليل الهجر بعد الصبح مايطلع
تنظر اطفال ام الحسن وگلبك علي يتگطع
هود يگلبي امن البجي بعد البجي ماينفع
هود وخليلك صبر بعد المشه مايرجع

گلبك بعد شيصبره....عندك يتامه الزهره

ليل الحزن ماينتهي ضلامه
........................................

شيخلصه ليلك ياعلي انوب ابغياب البضعه
وعليك المقدر صبح ليل الاحزان اتجرعه
ايامك الحلوه كظن بعد المحب شيرجعه
واليذكر احبابه المشو باليل يجري الدمعه

للفركه يجري ادموعه... ايعيش بضلام ولوعه

ليل الهجر ماينتهي ضلامه
.........................................

عندك امانه ياعلي وهاي المانه اثگيله
وصت وصيتهه وبچت الدمع گام اتسيله
محني الظهر يمهه گعد اوصيتهه هدت حيله
يدري الزجيه امودعه ماتبقه بس هل اليله

والي يودع احبابه....ايفت الگلب مصابه

ليل الهجر ماينتهي ضلامه
........................................

الله يعينك ياعلي بوصيت المظلومه
والي يغسلونه شرط لازم يشگو اهدومه
شرط الزچيه يختلف لحد علي يلومه
مارادته ايشوف الصدر واضلوعهه المهشومه

حيدر جرن دمعاته.... من ودع لحياته

ليل الهجر ماينتهي ضلامه
.......................................

اليله الزچيه ام الحسن اوصاياها كلش كلفه
عدهه وصيه اخفي الگبر ماريد خصمي تعرفه
لاتضن تنسه الي جره وكسر الضلع مايشفه
باليل خلي دفنتي يابا الحسن تتخفه

ماريدهم عدواني... ايشيعون ألي جثماني

ليل الهجر ماينتهي ضلامه
...........................................

اخر وصيه ياعلي خلي اعله زينب عينك
خليهه متحس ابيتم لاتستمع ونينك
اسمعني يابعد الچبد عينك على بنينك
لاطفهم بحچي العدل وربيهم بحنينك

اخر وصيه اسمعها....يابالحسن واجمعها

ليل الهجر ماينتهي ضلامه

.........................................
الشاعرة المبدعه ام ابراهيم الحلفي

قصيدة
بين فاطمه و فاطمه

بدمعــــــــــــي و ونيني ... انه وبنيني
يا مرحبا بموتي لوَّن يمهم يوديني
فدوه الابـــن .. حامي الحمه
آنه وبنيني
1
يا فاطمه عهد الوفه ويـّــــه اليحب ميروح
ام البنين انه و إلج افدي الضــــنه والروح
كَلبي مثل كَلبج صبح من الدهـــر مجروح
مني خطف ضي النضر ضامي كَظه مذبوح
حسينج حُسيني ... بدمعي و ونيني
جمر الذي كَلبج جوه بنيرانه جاويني
فدوه الابن .. حامي الحمه .. آنه وبنيني
2
يا فاطمه الليل الذي للـــــــــــــعيله سلبوهه
فجره ابتده ابابج لمـــــــــــن نيرانه شبوهه
ولوما جنينج ما نـَــــــحر عبد الله صابوهه
ولو ما كسر ضلعج فلا اضلاعه سحكوهه
بهمومي عينيني .. بدمعي و ونيني
طف كربله بيه الدهر بهواله راميني
فدوه الابن .. حامي الحمه .. آنه وبنيني
3
يا فاجعه يحــــــــملهه كَلبي يا الم يا راي
حالي احن عَلـّي مضوا حن الشجر للماي
شلي بعُمر دون الدرر ما ضل صبر وياي
شجايه للباري اضل ارفـــــع جمر شكواي
يادنيه عيفيني .. بدمعي و ونيني
طف كربله و جور الدهر بسهامه راميني
فدوه الابن .. حامي الحمه .. آنه وبنيني
4
هذا العمر ما يسوه من بعدك ينور العين
بفكَدك ثمر عمري ذبل يا ريحــة الطيبين
انطي الوجه باصرني يبن المرتضه لاوين
انته الجنـــــت يا غايتي كل الامل يحسين
يوليدي تانيني .. بدمعي و ونيني
منهو يبعد امك بعد فكَدك يداريني
فدوه الابن .. حامي الحمه .. آنه وبنيني
5
اعتب على هذا الزمن من فاركَـ الاحباب
بسهامه راسي و الكَلب من المصايب شاب
لسيفه جعل بجبود اهل بيت الرساله اكَراب
يفريهه جـــنهم مو عرب جنهم سبايه اجناب
يادهري داويني ... بدمعي و ونيني
يامن ابد ماتنمحي صورتــهم ابعيني
فدوه الابن .. حامي الحمه .. آنه وبنيني
6
يا كربله اشلون الوكَع فوكَـ الترب عطشان
هم باقي من دم السبط عد تربتــــج نيشان
يا كربله شكَال السبط من حركَوا الصيوان
يا كربله او وين الكَمر من سلبوا النسوان
يا زهره واسيني ... بدمعي و ونيني
جفينه طاحن علنهر يا زهره عذريني
فدوه الابن .. حامي الحمه .. انه و بنيني


سيد زكي الياسري النجفي
اداء مسعود النصاري

مقدمه للزهراء ع

ظلعچ يم الحسن
نبچيله ابكل زمن
سلاماً سلاماً    سلاماً عالظلع
©©©©©©©©©©©

الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً    سلاماً عالظلع
©©©©©©©©©©©

ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً    سلاماً عالظلع
©©©©©©©©©©©

صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً    سلاماً عالظلع
©©©©©©©©©©©

شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً    سلاماً عالظلع
©©©©©©©©©©©

بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً    سلاماً عالظلع
©©©©©©©©©©

الخادم
كامل السعيدي

يازهراء....عليكِ مني سلامُ الله

نويت وبالسلام اعليچ...هاي التعزيه ابديهه
وصلاة اعله النبي وآله...الچ مولاتي أهديهه
جيت الليله لمصابچ...رايد دمعتي اجريهه
أصرخ ويلي يازهراء...والصرخه تسمعيهه

بلكي اتخفف آلآمچ...هاي الليله وَنَّاتي
متيقن تسمعيني...من أندب يمولاتي
يازهراء...عليكِ مني سلام الله

يازهرة علي الكرار...يابِت سيد العتره
ننحب كل عمرنه اعليچ..والحسره ابأثر حسره
مراقد تگصد الهه الناس...وكل واحد واله حظره
يايوم اليجي وايصير...(مرقد فاطمه الزهره)

خَلَّصنه العمر بالنوح...واحلام العمرهه اسنين
كلهه اتصيح يمته انشوف...گبر ام الحسن وحسين
يازهراء...عليكِ مني سلام الله

عالصار وجره وياچ...تبقه الروح مالومه
بضعة سيد الاكوان...وسفه اتموت مهظومه
من يومچ لحد اليوم...بينه اگلوب ملچومه
نعيش انموت نبقه انصيح...واويلاه يمضلومه
والآخر نفس وياچ...وانهل لجلچ العبره
وبحرگة گلب ننعاچ...يامضلومه يالزهره
يازهراء....عليكِ مني سلام الله

دعواتي ومناجاتي...يامولاتي وفقيني
خادمكم ردت نظره...من عينچ ترزقيني
أخدمكم أضل للموت...هاي الخدمه تحييني
وبجاه الحسن وحسين...بس وياچ خليني
بس وياچ احس گلبي...دوم ايحقق امراده
صحت خيعونه واشكبره...حظه اليخدم اسياده
يازهراء...عليكِ مني سلام الله

سيد علي الموسوي

مقدمه للزهراء ع

ظلعچ يم الحسن
نبچيله ابكل زمن
سلاماً سلاماً    سلاماً عالظلع
©©©©©©©©©©©

الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً    سلاماً عالظلع
©©©©©©©©©©©

ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً    سلاماً عالظلع
©©©©©©©©©©©

صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً    سلاماً عالظلع
©©©©©©©©©©©

شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً    سلاماً عالظلع
©©©©©©©©©©©

بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً    سلاماً عالظلع
©©©©©©©©©©

الخادم
كامل السعيدي

سيد علي الموسوي
واضح المعنـــه..وكلهه تسمعنـــه
مانعوفچ فاطمه..مانعوفچ فاطمه
ـــــــــــــــــــــــــــــــــــــــــــــ
احنه واعدنه علي وانطينه كلمـــــه
واليخون الوعد مايتسمــه زلمــــــه
غصبا اعلـــه الخانكم يم الأئمــــــه
شمس دوم انشوفچ الميشوفچ اعمه
بيضه رايتنه..وتعله صرختنه
مانعوفچ فاطمه..مانعوفچ فاطمه
ـــــــــــــــــــــــــــــــــــــــــــــ
لا وحگ محسن علي المات ابضلامه
مانعوفچ فاطمه وحبـــــــچ كرامــــــه
حبچ ايبيض الوجـــــــه يوم القيامــــه
المايحبچ خاســــــر ويشبع ندامـــــــه
يابدايتنــــــه..يانهايتنـــــه
مانعوفچ فاطمه..مانعوفچ فاطمه
ـــــــــــــــــــــــــــــــــــــــــــــ
نشكر الله اوياچ صرنه امن البدايــه
والخدمتچ هاي ماشفنـــــه نهايــــــه
ساعه بيهه اتصير ونه اعله السبايه
وساعه عالساتر حشدنه ايشيل رايه
ناسچ اهوايه..كلهه وفايه
مانعوفچ فاطمه..مانعوفچ فاطمه
ـــــــــــــــــــــــــــــــــــــــــــــ
مانعوفچ لا وحگ دمعة رقيـه
لو تصير الدنيه كلهه ناصبيــه
بالمنيه هددونــــه يالزچيـــــــه
مادرو كشختنه صارت بالمنيه
علي ربانه..حسين وصانه
مانعوفچ فاطمه..مانعوفچ فاطمه
ـــــــــــــــــــــــــــــــــــــــــــــ
والله نعمه خدمتچ ماكـــــــو مثلهه
رحمه للرايــــــــد نجاة الله جعلهه
وفقينه ابجاه ابـــــو السجاد الهــــه
ونظره منچ تسوه هاي الدنيه كلهه
فدوه لجدامچ..واحنه خدامچ
مانعوفچ فاطمه..مانعوفچ فاطمه

سيد علي الموسوي

(موشح)


أيـعـينـك الله يا علي فـحـل الـفـحـول
يـوم عــينـك شـاهـدَت ضـلـع الـبـتـول

*----------------------*------------------*

أشـكبر صبـرك سـيـدي يا بو الحسن
أخـذ مـنـك فـاطـمـة بـسـاع الــزمـن
فـتـح باب اعـليـك حزنـك والـمـحـن

وصار دمع العين بخدودك هَطول

*---------------------*-------------------*

ادري هــد حـيلـك يـكــرار الــضـلــع
وخـتـلـط مـاي الـغـسـل وي الـدمـع
راحت الچـانـت ضوه البيتـك تـشـع

ولتهب گلبك على بنت الرسول

*----------------------*------------------*

اثمنطعش عـام الـعـمــر مـثـل الـورد
خـلـوا بخدهه عـلامـه اهـل الـحـقـد
اشـلـون لـو خـليّـتهـه بـوسـط اللحد

وتدري بحزانك بعد ما ضن تزول

*-----------------------*------------------*

يا علي بـحزنـك تـره ايطول العمر
مـن بـدايـات الـضلـع حـد الـطـبـر
ألبس بفـگـد الـطـهـر ثـوب الصبـر

اسنين عمرك بالجرح والهم تطول

*---------------------*------------------*

الـفـاطـمـة گـلبـك حـمـل نـار وألـم
وصـار بـسمـار الضلع مـثـل السهم
أصـبـر ورب الـعُلـى هـوه الـحـكـم

بغير صبرك سيدي ماكو حلول

*------------------------*-------------------*

انـت حـامـي ادخيلهه وليث الحرب
الصـار شـفتـه والـجـره كلش صعب
بـاقـي بـالـزهـره أثــر مــن الـضـرب

وما رضت ام الحسن يمك تگول

*----------------------*------------------*

الـلـه يلـعـنـهـم تــره الـگـالـوا وأن
الـخلـوا بـروحـك يـكـرار الـحـزن
بعينك الدنيه صفت تـشبه سجن

والسبب كلمن اجه الدارك جهول

*-----------------------*------------------*

✍خادم الـزهـراء ع
الشاعر رعد الجريخي

گلبي بغيابج يشتعل.    جمر جمر
بلكت اشوفج والحلم    يمر يمر
رحتي عني   وتشب جمره
يمه وينج.   هايه حسره
==========
يمه موت مصابج.  هذا حال احبابج
عالدرب مشبوحه عين وعين للباب
شوفي هاي اجروحي.  يمه تطلع روحي
يمه جرحي بغيبتج يالزهره ماطاب

اني زينب يالزجيه أو وحدي ظليت
رحتي عني وبألم ياييمه ونيت
كلشي مستاحش عليج استاحش البيت

باب وودمه وأصرخ.   علي علي
الرد الشمس ماردهها.   الي الي
يمه صوتي.  بيه كسره
يمه وينج.   هايه حسره
==========
كلها سوده ايامج   واني احس بآلامج
واني ياييمه وريثه لهاي الآلام
ابابج اتشب نارج.  يمه تحرگ دارج
وهاي نفس النار بأجر تحرگ خيام

يمه يالزهره المصاب اشسوه بيه
باب والنار وخيم والغاضريه
ثنينهن حسره وبقيت اصفگ بديه

دمعي على عيوني.  نزل. نزل
ياگلبي المفارگ      اهل   اهل
بيه شبت.   نار كبره
يمه وينج.  هايه حسره
==========
گلبي شاب وراسي.  وشيبت انفاسي
بلا طعم صار الهوه وشنهو الهوه
يمه عمري الضائع   گلبي صار اينازع
بعيني ظلمه وماشفت خيط الضوه

هاي ليلة وحشتج والباقي جم ليل
ليل عاشر واهدعش شيخلي بالحيل
يمه بغيابج دمه هالمدمع ايسيل

محتاره وبعيني.     صور. صور
ظلع انكسر كطعوا.  نحر.  نحر
حسين اخويه.   هناك احظره
يمه وينج.         هايه حسره
==========
عندي سبحه ودمعه.  وروحي اوجن شمعه
عيني تتفايض دمع وأگليبي من نار
خلص عمري بنوحي   واشيخلص اجروحي
كبالي بسمار ودمه والباب تذكار

ذكريات گبالي سوده وتنزف دموع
شكد ثكيل الباب يمه ورض الظلوع
لسه اسمع ونتج والمحسن ايلوع

طفلين اشوف بوكعته.  طفل طفل
عبدالله وابنحره شفت   نبل. نبل
گبالي گطعوا.   يمه نحره
يمه وينج.     هايه حسره
==========
والله شيب حالي.  يمه عشتي أبالي
شنهو اصعب عالبنت واتروح امها
بيش اصبر روحي.  شلون اسكت نوحي
زينب ازغيره وكُبَرْ كلش ألمها

خمسه الاسنين وشفت دم الوديعه
يمه بالخمسين أشيب عالشريعه
من اشوف اجفوف ابو فاضل گطيعه

يمكن اموت بشوفته. قهر قهر
حال السمه مضيعه.   كمر كمر
إبلا يمينه    وماكو يسره
يمه وينج     هايه حسره
==========
تمت ولله الحمد المقصر مع الحسين
          ✍  علي النائلي

✍علي النائلي

يالي تسئل      گبري وين و ناشدت
             گبري مخفي    و انه ازورك لو ردت
                      من تسوي اقرايه  
                        اعتنيك اعنايه
                    و انه ازورك لو ردت
###############################
يالتريد  اتزور گبري  و هايه  كل  امنيتك
انت بس سويلي مجلس وانه اجيك البيتك
اعتبرني  بدارك  احضر  و اقبلت  تعزيتك
و  بسجل   خدام  فاطم   بالاسم   خليتك

                 وانتظرني     من بعد طول العمر
                  ثاني مره     راح ازورك بالكبر
                          اخذ مني احجايه
                             اعتنيك اعنايه
###############################
يالتريد   اتزور  گبري  عن  قرب  شمتاني
باب كل مجلس ضريحي وهذا هو امچاني
من   تطب   ال اي عزية   حاضرة   تلگاني
بدمعك اقرالي   الزيارة   و   العن  الاذاني

                  و لمصابي    اذكر و كسر الضلع
                   يمك اني     و  لكلامك   استمع
                            للعهد وفاية
                          اعتنيك اعناية
‏#####‎##########################
اعتني كل  المجالس  عهد  كاتبته   بدمه
ولو بده وگت المناحة گولو حضرت فاطمة
وياكم اسمعها النواعي و انه حيل امألمة
بچف اديه وي لطمكم اعله وجهي لاطمه


                  وي دمعكم      دمعي بالمجلس همل
                  و لو تعبتوا       انه   ارد   المستهل
                             من ترد  ويايه
                            اعتنيك اعنايه
###############################
ابد  لا  تنسوا  مصابي و انه ما انساكم
شيعتي احيوا عزائي  چف  علي  يرعاكم
من  ارض  طيبة  محمد  والدي  هالجاكم
و اثنعش معصوم حاضر هالمسية  وياكم


         بنتي زينب    حاضرة بهذا العزاء
        و الكفلها         شايل  بچفه  اللواء
                   فوگه رفت رايه
                    اعتنيك اعنايه
‏#####‎##########################
يالنويت اتقيم مجلس حٓسِب الها احسابك
الليلة ام عباس لازم  تسحك  اعله  اعتابك
العنده  حاجة خل يجيها وصي كل احبابك
هايه باب الله  الوسيعة گاعِدة  بصف  بابك

              
                  لو نخاها    من عليه ضاگ الفضى
                  بيده ياخذ    حاجته بطيبة و رضى
                         و انه اضمن هايه
                            اعتنيك اعناية
###############################
من تقيمون المجالس يشفى جرح  البيه
و الضلع ينجبر  كسره  بدكة  اللطمية
اتلاث روايات لمصابي مو قليلة  شوية
كون   كل  ليلية  مأتم   و العزه  يومية

          لاجل محسن      ذاك لضلوعي الحنه
           ريت مجلس       ينعقد  طول  السنه
                     كون ماله انهايه
                      اعتنيك اعنايه
###############################
علي حسين الكناني

#یــا_زهرا


نــصـــرخ ابــعــبـــره   بــالــگــلــب جــمـــره
الــضــلــعــچ وڪســره یــمـــّه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
یــالــزچــیــّه آنــه الــحــســن یــمــّه فــتــحــي اعــیــونــچــ
تــڪســر الــخــاطــر تــصــب دمــعــتــي مــنــدونــچــ
بــعـــدچ ابــعــمـــر الـــورد مـــنــهو غــیـــّر لــونــچــ
گــومــي یــل ڪلـــّچ وفـــه عــیــلــِتــچ یــردونــچــ

گــومــي حــاچــیــنــي   ولــا تــیـــَتــمــیــنــي
شــمــعـــة اســنــیــنــي  یــمـــّه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
طــحــتــي وایــدچ عــالــضــلــع وآنــه تــجــري ادمــوعــي
شــمــعــة الــبــیــت وطــفــوا یــمـــّه ڪل اشــمــوعــي
واســمــع ابــصــرخــة حــزن صــحــتــي آیــضــلــوعــي
فــضـــّه لــحــگــیــلــي ابــعــجــل خــفــفــّي مــن لــوعــي

فــضـــّه ســنـــدیــنــي  طـــایــح اجــنــیــنــي
تــجــري دم عــیــنــي  یــمـــّـه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
عــمــرے ســبــع اســنــیــن أنــه والــمــصــیــبــه اگــبــالــي
تــنــضـــرب بــنــت الــنـــبــي الــزهـره اوّل تــالــي
هجــمــوا اعــلــیــهه ابــغـــدر حــرمـــه وبـــلــاوالــي
اشــبــیــدي وآنـــه ابــهالــعــمــر بــس دمــوعــي اتــلــالــي

اســـمــع اتــنــادي   بــویـــه یــالــهادي
ذایـــب افـــّادي   یــمـــّه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
إلــحــرگ بــاب الــنــبــي بــیـــده یــســـطــر عــیــنــچــ
طــاغــي والــلــه یــلــعــَـنــه مــن ڪســر ضــلــعــیــنــچــ
عــالــجــنــیـــن و طــیــحــتـــه یــمـــّه الــلــه ایــعــیــنــچــ
امــن الــألــم ســـابــع ســمـــه یــنــصــدع لــونــیــنــچــ

مــن الــم ضــلــعــچ  دم یــصــب دمــعــچــ
ونــّتــے الــوضــعــچ   یــمـــّـه یــالــزهــره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
ابــغــیـــبــة الــهادي الــنــبــي اوصــیــتـــه مــا راعــوهه
وابــرحــیــلـــه امــن الــبــچــي بــضــعــتـــه ایــمــنــعــوهه
یــنــچــتــف حــامــي الــحــمـــه وفــاطــمـــه ایــظــلــمــوهه
و بــالــیــتــم مـــن الــزغــر عـــیــلــتـــه ایــفــجــعــوهه

صــرنـــه ایــتــامــچ  نــجــرع آلــامــچــ
راحــت ایــامــچ   یــمـــّه یــالــزهـره

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
بــقــلــم الــرادود یــعــقــوب الــبــوغــبــیـــشــ