يالي تسئل      گبري وين و ناشدت
             گبري مخفي    و انه ازورك لو ردت
                      من تسوي اقرايه  
                        اعتنيك اعنايه
                    و انه ازورك لو ردت
###############################
يالتريد  اتزور گبري  و هايه  كل  امنيتك
انت بس سويلي مجلس وانه اجيك البيتك
اعتبرني  بدارك  احضر  و اقبلت  تعزيتك
و  بسجل   خدام  فاطم   بالاسم   خليتك

                 وانتظرني     من بعد طول العمر
                  ثاني مره     راح ازورك بالكبر
                          اخذ مني احجايه
                             اعتنيك اعنايه
###############################
يالتريد   اتزور  گبري  عن  قرب  شمتاني
باب كل مجلس ضريحي وهذا هو امچاني
من   تطب   ال اي عزية   حاضرة   تلگاني
بدمعك اقرالي   الزيارة   و   العن  الاذاني

                  و لمصابي    اذكر و كسر الضلع
                   يمك اني     و  لكلامك   استمع
                            للعهد وفاية
                          اعتنيك اعناية
‏#####‎##########################
اعتني كل  المجالس  عهد  كاتبته   بدمه
ولو بده وگت المناحة گولو حضرت فاطمة
وياكم اسمعها النواعي و انه حيل امألمة
بچف اديه وي لطمكم اعله وجهي لاطمه


                  وي دمعكم      دمعي بالمجلس همل
                  و لو تعبتوا       انه   ارد   المستهل
                             من ترد  ويايه
                            اعتنيك اعنايه
###############################
ابد  لا  تنسوا  مصابي و انه ما انساكم
شيعتي احيوا عزائي  چف  علي  يرعاكم
من  ارض  طيبة  محمد  والدي  هالجاكم
و اثنعش معصوم حاضر هالمسية  وياكم


         بنتي زينب    حاضرة بهذا العزاء
        و الكفلها         شايل  بچفه  اللواء
                   فوگه رفت رايه
                    اعتنيك اعنايه
‏#####‎##########################
يالنويت اتقيم مجلس حٓسِب الها احسابك
الليلة ام عباس لازم  تسحك  اعله  اعتابك
العنده  حاجة خل يجيها وصي كل احبابك
هايه باب الله  الوسيعة گاعِدة  بصف  بابك

              
                  لو نخاها    من عليه ضاگ الفضى
                  بيده ياخذ    حاجته بطيبة و رضى
                         و انه اضمن هايه
                            اعتنيك اعناية
###############################
من تقيمون المجالس يشفى جرح  البيه
و الضلع ينجبر  كسره  بدكة  اللطمية
اتلاث روايات لمصابي مو قليلة  شوية
كون   كل  ليلية  مأتم   و العزه  يومية

          لاجل محسن      ذاك لضلوعي الحنه
           ريت مجلس       ينعقد  طول  السنه
                     كون ماله انهايه
                      اعتنيك اعنايه
###############################
علي حسين الكناني

لطميه للام مهداه إلى كل من فقد والدته ورحلت إلى جوار ربها
المستهل على طور امي كلش صافيه للرادود علي الساعدي

المستهل👇👇

راحت امي من ايدي/وعالمنيه شبيدي
وراح وياها الامان/امي يانبع الحنان
راحت امي من ايدي 2

.❥✿┈┈• °{🌼} • ┈•✿❥

يلي امك هسا يمك لاتاذيها بكلام
الام ابد ماكو مثلها وياها تشعر بالسلام
وإنه امي فارگتني وبالگلب خلت سهام
الموت اخذها من ايديه وبالگبر هسا تنام

سار نعشچ وابتعد/وگلبي مايحمل بعد
هذا من الله امتحان/امي يانبع الحنان
راحت امي من ايدي2

.❥✿┈┈• °{🌼} • ┈•✿❥

الف هنياله الي امه عايشه تشم الهوه
ولو دخل للبيت يگعد هو وياها سوه
لو يصب الدهر ضيمه يلگه حظن امه الدوه
صدرچ من الضيم والهم يالحنينه شگد حوه

ياحياتي ودنيتي/والطبيب لعلتي
وسفه بيچ الدهر خان/امي يانبع الحنان
راحت امي من ايدي2

.❥✿┈┈• °{🌼} • ┈•✿❥

چنت بوجودج ييمه اشعر بحب وارتياح
رحتي وراحت الفرحه والامل والخير راح
چنت من اسمع ضحكتچ كل الم بيه ينزاح
هسا مثل الطير صاير لچن مكسور الجناح

منهو يتلگاني/عگبج ويرعاني
كون يرجعلي الزمان/امي يانبع الحنان
راحت امي من ايدي2

.❥✿┈┈• °{🌼} • ┈•✿❥

چنت من اتمرض إنه تبقى هيه مساهره
ومن اسافر تندعيلي برزق دنيا واخره
شلون بيه وبحياتي عگب امي الطاهره
ريت كون الموت اخذني واندفن تحت الثره

ارد اروح وياها/مگدر بلياها
والحزن خيم وبان/امي يانبع الحنان
راحت امي من ايدي2

.❥✿┈┈• °{🌼} • ┈•✿❥

يمه صار البيت مظلم من رحلتي للگبر
انتي كل دنياي والله انتي اغلى من العمر
لحظه مااگدر بدونچ جزع من عندي الصبر
خاف صحت اعليچ مره منچ إنه اعتذر

نارچ بوسط الگلب/ودمعي مايبطل يصب
ماشفت مثلچ انسان/امي يانبع الحنان
راحت امي من ايدي2

.❥✿┈┈• °{🌼} • ┈•✿❥

✍ الخادمه ام زيد الشمري

نسال •اللّـہ‌ القبول
ونسالكم الدعاء بتعجيل فرج مولانا صاحب العصر والزمان

نعی  عن السان    مولاتنا  زینب  عند مارجع   امام  علی   من  دفن الزهرا




یابوى کلی من دفنته

وبلحد  یوم  النزلته

ماحچت لاوصت  بته

زينب  زغیره وضیعته





عله امی الگلب یابویه ‌ملچوم

راحت اتشيل وياي الهموم


خلت صورها و بس والهدوم







هدومج ییمه وین  اوده


بنتج یزهرا بقت  وحده


بعدج الدنیه ماتوده






صحت عله شال نعشج  یاحنینه

نعش امنه والمن  ماخذینه

محد رحمنه  ورد  علينه






لیش الدهر  عاداته   یغدر

والیتم  یمه هوای  یکسر

ولماکو امه من علیه یمر





الفاگد امها  من یمرا

والعیشه بعده صیر مرا

یکتل  صدک فکدتج یزهرا




متعودین  بحظنج انام

غربتی یمه وصرنه ایتام

وشلون  بعدج نگضی الايام



✍انتظار  الریاحی

#جمعه ـ قصیده فراق الوالده

الیله جمعه امعلمه اتمرلی الحنینه
وشلون لو صار العصر لا ما تجینه
یمته ترد      امی علیه
یمته ترد   نگعد سویه

الیله جمعه      الیله جمعه
ــــــــــــــــــــــــــــــ
جمعه هالليله العزيزه مااجتني
والله صار هواي ما يوم اعتنتني
وحشه صار البيت من يوم اتركتني
مظلم صفى    چا وينه نوره
مظلم صفى   محد يزوره

الیله جمعه    الیله جمعه
ــــــــــــــــــــــــــــــ
من بعد امی بقت روحی حزینه
اه من ظیم الدهر یلتم علینه
بعد مثلچ ماشفت یمی الحنینه
ابجي بدمع    واذكر حجيها
ابجي بدمع  واعمى عليها

الیله جمعه     الیله جمعه
ــــــــــــــــــــــــــــــ
یمه کل یوم العصر ایدی علی خدی
صفنه تاخذنی بعید اصفگ ابأیدی
بعد ماترجع ابد ياروحی هیدی
ریت العمر   يخلص بعدها
ریت العمر   افدي واردها

الیله جمعه      الیله جمعه
ــــــــــــــــــــــــــــــ
یمه من حضنج ابد لا ماشبعنه
حضنج الدافی امس ليلم شملنه
والزمن ما يسوى لو عنچ  بعدنه
واتعودت  جفج يضمني
واتعودت  تنهين حزني

الیله جمعه    الیله جمعه
ــــــــــــــــــــــــــــــ
گومي یایمه عباتج اعتنيها
ريت اشوفج لابسه وملفوفه بيها
يلي بس طولج اليترهم عليها
ايس بعد   ما الها رجعه
ایس بعد   وگليبي ينعه

الیله جمعه    الیله جمعه
ــــــــــــــــــــــــــــــ

تمت بعون الله

✍ #علویه ام فاضل

❌لایـجـیز حذف اسم الشاعره

قصيدة
بين فاطمه و فاطمه

بدمعــــــــــــي و ونيني ... انه وبنيني
يا مرحبا بموتي لوَّن يمهم يوديني
فدوه الابـــن .. حامي الحمه
آنه وبنيني
1
يا فاطمه عهد الوفه ويـّــــه اليحب ميروح
ام البنين انه و إلج افدي الضــــنه والروح
كَلبي مثل كَلبج صبح من الدهـــر مجروح
مني خطف ضي النضر ضامي كَظه مذبوح
حسينج حُسيني ... بدمعي و ونيني
جمر الذي كَلبج جوه بنيرانه جاويني
فدوه الابن .. حامي الحمه .. آنه وبنيني
2
يا فاطمه الليل الذي للـــــــــــــعيله سلبوهه
فجره ابتده ابابج لمـــــــــــن نيرانه شبوهه
ولوما جنينج ما نـَــــــحر عبد الله صابوهه
ولو ما كسر ضلعج فلا اضلاعه سحكوهه
بهمومي عينيني .. بدمعي و ونيني
طف كربله بيه الدهر بهواله راميني
فدوه الابن .. حامي الحمه .. آنه وبنيني
3
يا فاجعه يحــــــــملهه كَلبي يا الم يا راي
حالي احن عَلـّي مضوا حن الشجر للماي
شلي بعُمر دون الدرر ما ضل صبر وياي
شجايه للباري اضل ارفـــــع جمر شكواي
يادنيه عيفيني .. بدمعي و ونيني
طف كربله و جور الدهر بسهامه راميني
فدوه الابن .. حامي الحمه .. آنه وبنيني
4
هذا العمر ما يسوه من بعدك ينور العين
بفكَدك ثمر عمري ذبل يا ريحــة الطيبين
انطي الوجه باصرني يبن المرتضه لاوين
انته الجنـــــت يا غايتي كل الامل يحسين
يوليدي تانيني .. بدمعي و ونيني
منهو يبعد امك بعد فكَدك يداريني
فدوه الابن .. حامي الحمه .. آنه وبنيني
5
اعتب على هذا الزمن من فاركَـ الاحباب
بسهامه راسي و الكَلب من المصايب شاب
لسيفه جعل بجبود اهل بيت الرساله اكَراب
يفريهه جـــنهم مو عرب جنهم سبايه اجناب
يادهري داويني ... بدمعي و ونيني
يامن ابد ماتنمحي صورتــهم ابعيني
فدوه الابن .. حامي الحمه .. آنه وبنيني
6
يا كربله اشلون الوكَع فوكَـ الترب عطشان
هم باقي من دم السبط عد تربتــــج نيشان
يا كربله شكَال السبط من حركَوا الصيوان
يا كربله او وين الكَمر من سلبوا النسوان
يا زهره واسيني ... بدمعي و ونيني
جفينه طاحن علنهر يا زهره عذريني
فدوه الابن .. حامي الحمه .. انه و بنيني


سيد زكي الياسري النجفي
اداء مسعود النصاري

رحمة الله فاطمة رحمة الله
••••••••>>>
إسم فاطم حرز بيد المساكين
ومثل مجره الدمة بنص الشرايين
أنه بگلبي بقن ذني الچلمتين
يروح الكون فدوه لأم الاحسين

نزلت النه امن السمة .. رحمة الله
رحمة الله فاطمة .. رحمة الله
••••••••••••>>>
اشتريد امن الله ينطي بدون تأخير
عزيزه والعزيز اشيطلب ايصير
تره اللوح الحُفَظ كل المقادير
صدرها اللوح چي لاگه البسامير

سرها ربها الكاتمة .. رحمة الله
رحمة الله فاطمة .. رحمة الله
•••••••••••••>>>>>
اگلكم ليش باب الزهره مدفوع
لإن ساق العرش مبني امن الاضلوع
وعرفت ابنار بيت الزهره موضوع
على النار اشكثر متعوده الاشموع

وانچفه بچفها الدمة .. رحمة الله
رحمة الله فاطمة .. رحمة الله
•••••••••••>>>
أعرّف نفسي آنه البيه كسرة
أنه امي فاطمة الما عدها حظرة
أنه العنده قضية وحيل خطرة
البروحة خدر كّتاله نظرة

لازم احچي المظلمة .. رحمة الله
رحمة الله فاطمة .. رحمة الله
••••••••••••>>>>>
اگل لاهل السقيفة وللتعدة
الشائوا أَم أبَوْا زهرتنه وحدة
القتل أم وابنها اشلون ردة؟
اشلون اينام راسة اعله المخدة؟

نصبت الهم محكمة .. رحمة الله
رحمة الله فاطمة .. رحمة الله
•••••••••••>>>>
لليدافع عليهم كلمتي اتجيس
ولا ألتقي وياهم (جنة وابليس)
بشر رادت علي اويه الاول اتقيس
اشجاب الظلمة يم ضي الفوانيس؟

وادم اتحب العَمَة .. رحمة الله
رحمة الله فاطمة .. رحمة الله
•••••••••••••••
علي هادي الخزعلي

قصيدة من وصايا  الزهراء ع
لعلي عليه السلام 


ليل الهجر ماينتهي ضلامه
شحاله علي من ينضر اليتامه
منهه الدهر حرمهم... انت الابو وانت امهم
.. ليل الهجر ماينتهي ضلامه
.....................................

ماينتهي ليل الهجر بعد الصبح مايطلع
تنظر اطفال ام الحسن وگلبك علي يتگطع
هود يگلبي امن البجي بعد البجي ماينفع
هود وخليلك صبر بعد المشه مايرجع

گلبك بعد شيصبره....عندك يتامه الزهره

ليل الحزن ماينتهي ضلامه
........................................

شيخلصه ليلك ياعلي انوب ابغياب البضعه
وعليك المقدر صبح ليل الاحزان اتجرعه
ايامك الحلوه كظن بعد المحب شيرجعه
واليذكر احبابه المشو باليل يجري الدمعه

للفركه يجري ادموعه... ايعيش بضلام ولوعه

ليل الهجر ماينتهي ضلامه
.........................................

عندك امانه ياعلي وهاي المانه اثگيله
وصت وصيتهه وبچت الدمع گام اتسيله
محني الظهر يمهه گعد اوصيتهه هدت حيله
يدري الزجيه امودعه ماتبقه بس هل اليله

والي يودع احبابه....ايفت الگلب مصابه

ليل الهجر ماينتهي ضلامه
........................................

الله يعينك ياعلي بوصيت المظلومه
والي يغسلونه شرط لازم يشگو اهدومه
شرط الزچيه يختلف لحد علي يلومه
مارادته ايشوف الصدر واضلوعهه المهشومه

حيدر جرن دمعاته.... من ودع لحياته

ليل الهجر ماينتهي ضلامه
.......................................

اليله الزچيه ام الحسن اوصاياها كلش كلفه
عدهه وصيه اخفي الگبر ماريد خصمي تعرفه
لاتضن تنسه الي جره وكسر الضلع مايشفه
باليل خلي دفنتي يابا الحسن تتخفه

ماريدهم عدواني... ايشيعون ألي جثماني

ليل الهجر ماينتهي ضلامه
...........................................

اخر وصيه ياعلي خلي اعله زينب عينك
خليهه متحس ابيتم لاتستمع ونينك
اسمعني يابعد الچبد عينك على بنينك
لاطفهم بحچي العدل وربيهم بحنينك

اخر وصيه اسمعها....يابالحسن واجمعها

ليل الهجر ماينتهي ضلامه

.........................................
الشاعرة المبدعه ام ابراهيم الحلفي

(للبقيع)

دمع اشتياكَي بلهفتي ايتجاره   كون آنه يمهم واقره بالزياره

وكل التحبهم حاضره    بأرض البقيع الطاهره

كون آنه يمهم واقره  بالزياره

***

خلصت حياتي والعمـــر  وآنه اطحن بآهـــاتي

اتجوى بالجمـــره واون   خافن دنت ســـاعاتي

وبكلبي ظلت امنيـــــــه   تجاره وي دمعــــاتي

أذكرهه من ادعي الفجر  رب استجب دعواتي

بجاه الرسول وفاطمه الزجيه   وفقني ربي ادعي كل مسيه

ريت المجالس عامره  بأرض البقيع الطاهره

كون آنه يمهم و اقره بالزياره

****

متمني اكصد للحســـــن   متعنـــي وي احبابه

عد كبره ابجيله بحــزن   واكعد واقبــل اترابه

وموحجر الكه لا صحن   خاطر اشـــــم بعتابه

هذا الكريم الا ابــــــــــد   ماخاب الي ايدك بابه

ديوانه جود ومكرم البريا    هوه الرئيس بدولة العطايا

وعيوني ظلت ناظره   بأرض البقيع الطاهره

كون آنه يمهم اقره بالزياره

***

والزين العباد اعتنــــي   وبابــــه اذرف دمــــعه

اقراله والطم عالصــدر   وبكبــــــره اعلك شمعه

اذكر رزيته اوي الاهل   من راحت الكل صرعه

عاش اعله ذكراهم يون   اليوم الأجل ظل ينــــعه

شاف الذبيح وشاف المسنايه    ورافك يتامه برحلة السبايه

منهوالي يجبر خاطره  بأرض البقيع الطاهره

كون آنه يمهم واقره بالزياره

****

وللباقر امشي ابكل ادب   ودمع الألــــم يجاره

هيج آنه واحظى بشوفته   ويجعلني من زواره

اعتب واكله ســــــــيدي   شوف الدلــيل وناره

اشتاكينه وأذانه البجــي   يهل البخـت والشاره

اشجي همومي وعبرتي الجريحه    كون بجواره واكعد بظريحه

وانصب عزيه بمنبره   بأرض البقيع الطاهره

كون آنه يمهم واقره بالزياره

***

والصحن ابو الكاظم اجي  واركع واطول السجده

للباري اصلـــــي واحمده  هذا الفضل من عـــنده

واتعنه ام الأربعـــــــــــه   اليكصدهه لا متـــرده

أم الكفيل العالنـــــــــــهر   لحسينه كطــــع زنده

باب الحوائج روحي تعتنيهه    ام البنين بشدتي انتخيهه

روحي تحط  مسافره     بأرض البقيع الطاهره

كون آنه يمهم واقره بالزياره

***

وقبر الزجـــيه فاطمه   اتعنه ليـــــــــه ابمدمع

ادخله من باب الذهب  بعتابه اســـــجد واركع

ومنبر جبير انظر بعد  وصوت النعاوي اسمع

هالصوت جني سامعه  ايكسر الخواطر يفجع

هالسيد اليقره النعي عرفته   المهدي هو الرجعه الخدمته

الناعي جاسم هالقره    بأرض البقيع الطاهره

كون آنه يمهم واقره بالزياره

***

 

 

***

 

ابو علي الركابي

‏فایل صوتی از طرف ام محمدعلی