لطميه للحسين عليه السلام

تدري اشتاكلك والشوك شيحمله
خويه حسين وعيني المدمع اتهمله

➖➖➖➖➖➖
خويه حسين شيحمله الهظم كلي
وانه اللي عفت كل اخوتي واهلي
نومه اعله لترابه من صبر مثلي
ابلياك العمر يحسين مايحله

✍️ جنان الحسناوي

➖➖➖➖➖➖
ياخويه العمر بعدك فلا اريده
وكلب الفاركك يحسين شيهيده
حملت ورحت لديار البعيده
افراكك يالحنين بحالي شخله

✍️ أم حسين العامري

➖➖➖➖➖➖➖
شللي بالعمر وانه بلا والي
هاظمني الافراك وصاب دلالي
هم افراك هم سبي وشده بالي
صارت بالكلب علات مو عله

✍️ هديل المياحيه

➖➖➖➖➖➖➖
جم عله البقت ابكلبي توجعني
من احن وشتاكلك خويه يخال ابني
افراكك مو سهل يحسين يكتلني
عليك النوح اجيمه وابد مامله

✍️ جنان الحسناوي

➖➖➖➖➖➖➖
ماملن ونيني والبجه الفركاك
محتام الكلب ويريد بس ملكاك
ضيعنه الفرح من يوم ضيعناك
عمت عين الزمان البينه ماخله

✍️ هديل المياحيه

➖➖➖➖➖➖➖
عمت عين الزمان الضيع الخوان
ضلت بالكلب لفراكهم نيران
ضيعنه النودهم نامو بتربان
ضيعنه الحنين وصاحب الملكه

✍️ ام حسين العامري



تمت بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير كلمات القصيده وينسبها https://www.tg-me.com/dchhtg

لطميه ثكيله للسبي

مشت زينب... اوضل اخوهه اعله لثره
مشت زينب....وبالعيال محيره

راس اخوهه اوياها
عليه تهل عيناها

مشت زينب.....مشت زينب

➖➖➖➖➖➖➖
اليوم زينب صعدت اعله لناكه
اوروحهه مثل الجمر حراكه
عل لغريب اليابسات ارياكه
حسين ماتكدر تحمله افراكه

كوه راحت بالغصب
حيل يوجعهه الكلب

مشت زينب.....مشت زينب

✍️ الشاعره جنان الحسناوي

➖➖➖➖➖➖➖
اليوم ياحال العقيله شلونهه
اليوم من سار الشمر بضعونهه
اعله الحياده بس تصد عيونهه
وسوط خولي خله اثر بمتونهه
عالنياك مجتفه
مادره راعي الوفه

مشت زينب....مشت زينب

✍️ الشاعره ام حسين العامري

➖➖➖➖➖➖➖
صاعده اعله الناكه اومجتوفه
اومرت اعله حسين اخيهه اشوفه
تريد تبقه شلون تمشي اتعوفه
والشمر حمل ضعنهه وغربت للكوفه
عل لجثث مرت تون
اشحالهه يم الحزن

مشت زينب...مشت زينب

✍️ الشاعره جنان الحسناوي

➖➖➖➖➖➖
صاعده اعله لنوك مايدري الكفيل
ضلت تون والدمع منهه يسيل
والحمل يراد والي من يميل
وانه ماعدي حرم بس وعليل
كومو يهل المرجله
شوفو حال العايله

مشت زينب....مشت زينب

✍️ الشاعره ام حسين العامري

➖➖➖➖➖➖➖
اه ياحال العقيله من ولوهه
ضلت تون وتحشم بس لخوهه
شوف زينب يبوفاضل جتفوهه
تدري عالناكه الهزيله اختك خذوهه

ترضه زينب يالكفيل
الشمر بيهه يعيل

مشت زينب....مشت زينب

✍️ الشاعره ام حسين العامري

➖➖➖➖➖➖
مشت للكوفه اودمعهه ايلالي
زينب ادكول اعله اخوهه الغالي
بعد عمري اخلافه مايحلالي
شلون اعيش اوراس اخيي اكبالي

حيلي لفراكه انهدم
والكلب مني الجم

مشت زينب....مشت زينب


✍️ الشاعره جنان الحسناوي



تمت بفضل الله وعونه بأقلام شاعرات رابطة قتيل العبرات غير
مبري الذمه من يحذف الاسم https://www.tg-me.com/dchhtg

لطميه للامام السجاد عليه السلام تنقره بعدة اطوار

اويلي اعله لكضه واثار بمتونه
كضه مسموم وسفه وغمض عيونه


➖➖➖➖➖➖➖

اويلي اعله لكضه محزون كل عمره

خلص كل حياته روحه متكدره

ليل انهار دمعه اعله لوجه يجره

علي السجاد يل كلكم تعرفونه


✍️ الشاعره جنان الحسناوي

➖➖➖➖➖➖➖

اويلي اعله العليل اللي كضت روحه

الحد الموت مابطل صدك نوحه

ولاطابت عليه بس تدي اجروحه

شبع ظيم وهظم تالي يسمونه


✍️ الشاعره ام حسين العامري


➖➖➖➖➖➖

شبع ظيم وهظم والام وي اهموم

ماناسي الجره واصار بالمظلوم

وعماته سبايا مشن وي الكوم

وعالناكه الهزيله من يركبونه


✍️ الشاعره ام حسين العامري


➖➖➖➖➖➖

ننصب هالعزه للعابد ويومه

كلهه شيعته صبحت مهظومه

مالومه المصابه حيل مالومه

وللمسموم هالماتم ينصبونه


✍️ الشاعره هديل المياحيه


➖➖➖➖➖➖➖

للسجاد بالله اللطمه اعدليهه

ضاهدته السلاسل من يجر بيهه

وزينب عمته كومن نعازيهه

وياها نون هاليوم خلونه


✍️ الشاعره ام علي السماوي


➖➖➖➖➖➖➖

وياها اون اليوم للسجاد

مهظومه وريد اليوم منه امراد

بخدر زينب احلفه و عمه الوراد

اخدم بالمجالس وانه ممنونه


✍️ الشاعره ام علي السماوي



تمت بفضل الله و عونه بأقلام شاعرات رابطة قتيل العبرات غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء https://www.tg-me.com/dchhtg

لطميه ثكيله للسيده رقيه عليها السلام



اشبيج تبجين ...عمه جبتي هالدرب

اشبيج تبجين ....حيل صوبتي الكلب


زينب اتكلهه بحزن

عمه عيوني عمن

يارقيه ... يارقيه


✍️ الشاعره جنان الحسناوي



➖➖➖➖➖➖

عمه حاجيني بجيتي اليا ألم

حيل ماعندي تره حيلي نهدم

على حسين اوكافلي راعي الشيم

عمج المستحي مارد للخيم

يارقيه اشيوجعج
حتى يهمل مدمعج

يارقيه....يارقيه


✍️ الشاعره جنان الحسناوي


➖➖➖➖➖➖
عمه شنهي اليوجعج عمه رقيه

خمداني مصاب ابوج اوي الشفيه

عمه من كثر الهظم ماحيل بيه

اه من نار اليسر والغاضريه

عمه شنهي ونتج

رحمي حالة عمتج

يارقيه....يارقيه


✍️ الشاعره ام حسين العامري


➖➖➖➖➖➖ 
يارقيه شيوجعج حتى تونين

عمه كليلي اذا من سطرت العين

خل اضمدهه الج   بلكت تطيبين

لو ذكرتي عمج العباس وحسين

عمه مابيه قهر

كل اهلنه بالسفر

يارقيه...يارقيه


✍️ الشاعره جنان الحسناوي 


➖➖➖➖➖➖➖

عمه كافي يارقيه من ونينج

بعد المن يالزغيره ادير عينج

عالتراب اهل الحميه ومن يجيلج

بعد من يفزع عليج وماهم اهلج

انتي هسه باليسر

عمه وبوليت زجر

يارقيه....يارقيه


✍️ الشاعره ام حسين العامري


➖➖➖➖➖➖

عمه من ياجرح كليلي انهضمتي

جرو الترجيه حيل انتي الجمتي

عمه من سوط الشمر كلش نحلتي

جنتي ورده مفتحه وهسه ذبلتي

عمه ماتحجيلي

شيوجعج كليلي

يارقيه....يارقيه


✍️ الشاعره ام حسين العامري


➖➖➖➖➖➖➖
طفله وتكلهه يعمه اذكريته

والدي شو مااجه لامن لكيته

عمه بويه حسين عمه ضيعيته

ودمعي لفراكه يعمه دم جريته

يشوف اذني والجرح

خذو ترجيتي الصبح

يارقيه....يارقيه



✍️ الشاعره جنان الحسناوي



تمت بفضل الله وعونه بأقلام شاعرات رابطة قتيل العبرات

غير مبري الذمه من يحذف او يغير اويتلاعب بكلمات القصيده وينسبها له

غير مبري الذمه مام الزهراءع
https://www.tg-me.com/dchhtg

لطميه للاربعين عند رجوع مولاتنا زينب الى قبور اخوتها

مشتاكه الهلي وياهو اليوديني

ارد اشوف حسين والكافل عمت عيني


➖➖➖➖➖➖
مشتاكه الهلي وارد اكعد اوياهم

ارد اشوفن من بجه اعليهم اودفناهم

عفتهم عالثره وبس رووس اخذناهم

واشوفنهم اويكثر هضمي وونيني


✍️ الشاعره جنان الحسناوي


➖➖➖➖➖➖➖

روحي مكدره اليوم وكثر ونهه

جيت  الكربله هالرووس اردنهه

ويه اجسادهم بالكبر انزلنهه

ادري حسين يبن امي امتانيني


✍️ الشاعره جنان الحسناوي


➖➖➖➖➖➖

مشتاكه اعله اخوي وجيت انه بهومه

حن كلبي اعله اخيي وذيجه ارسومه

اشوفه وين يامن ساكن الحومه

لايكعد واشوفه لايحاجيني


✍️ الشاعره ام حسين العامري


➖➖➖➖➖➖

كلبي اشتاك لهلي وروحي محتامه

اونن بالخرابه وليلي مانامه

للوالي اجيت وجايبه ايتامه

بلكت لوسمع يكعد يلاكيني


✍️ الشاعره ام حسين العيساوي


➖➖➖➖➖➖➖
بلكت لو سمعني يكوم والينه

وشكيله المرار اللي جره اعلينه

اكله شكد هضم واهموم شبعينه

يالوعت بناتك حيل كتلتني


✍️ الشاعره ام حسين العامري


➖➖➖➖➖➖➖

بلكت لوسمع بيه الولي يكعد

وعن خوله ورقيه خافن يناشد

اجاوب خال بزري والدمع عالخد

ماتن بالغرب يالوالي اعذرني


✍️ الشاعره ام حسين العيساوي



تمت بفضل الله وعونه بأقلام شاعرات رابطة قتيل العبرات

غير مبري الذمه من يحذف اويغير اويتلاعب بكلمات القصيده وينسبها له

غير مبري الذمه امام الله والزهراءعhttps://www.tg-me.com/dchhtg

لطمية للهجوم على دارالزهراء ع



من غاب النبي هجموا على الزهره
وحركوا دارهه العدوان والكفره
🏴🏴🏴♥️🏴🏴🏴


من غاب النبي العدوان اجوا ليهه
الزهره ام الحسن ماهوه واليهه
حركوا دارهه اوعالوا عليهه
عصروهه ابحقد وشلونهه العصره

🏴🏴🏴♥️🏴🏴🏴

عصروهه ابحقد اوطاح محسنهه
وكسروا منهه ضلعين وتجر ونهه
انغمه عليهه الزجيه حيل وجعنهه
طاحت فوك محسنهه علة الغبره

🏴🏴🏴♥️🏴🏴🏴

طاحت فوك محسنهه علة التربان
ماخافوا من الله والنبي العدوان
اولاهابو وليهه داحي البيبان
اوطگوا فاطمه اللي مالهه نصره

🏴🏴🏴♥️🏴🏴🏴

طگوا فاطمه بس غاب والدهه
سطروا عينهه اوورموا خدهه
ابدار المرتضى ام حسن وحدهه
من الضربه صارت عينهه حمره

🏴🏴🏴♥️🏴🏴🏴

حمرهه عيونهه صارت المهضومه
وبسمار بصدرهه اومنه مالومه
واه يمتونهه الصبحت مهشومه
تون من الالم والكسر شيجبره

🏴🏴🏴♥️🏴🏴🏴



مشكول الذمه كلمن ياخذ الكلمات اويغير بها اويتلاعب بالقصيدة
علما القصيدة مسجلة بدفتر الزهراء ع
https://www.tg-me.com/dchhtg

لطميه للزهراء سلام الله عليها

ياهو اللي كسر ضلعج يمهضومه

وتونين منه وحيل مالومه

➖➖➖➖➖➖
ياهو اللي كسر ضلعج او ونيتي

وحيدر موش يمج ياهو ندبيتي

شسوين يالوحدج ضليتي

من العصره روحج حيل مهدومه

✍️ جنان الحسناوي

➖➖➖➖➖
من العصره ذيج ومن كسر ضلعج

وعينج حمره صارت اويهل دمعج

يفضه اتعاي ليه اوفضه اسمعج

اجت ليج اوشافت ضلعج ادمومه

✍️ جنان الحسناوي

➖➖➖➖➖➖
ثكيله الباب عالزهره يدفعوهه

وعله لعين يايشعه يصطروهه

نحيله ابطكت البسمار خلوهه

ومن حقج يفاطم رحتي محرومه

✍️ ام علي السماوي

➖➖➖➖➖
مهضومه الزجيه وتجذب الونه

وزينب حايره ونكطعت الظنه

مكسور الضلع وشلون اشدنه

اسم الله يغيب وجهج وافكد ارسومه

✍️ ام ستار الكعبي

➖➖➖➖➖➖
من شدة العصره بس تجري اونين

رحتي يم حسن مكسورة الضلعين

اضلوع مكسره ومدميه ليش العين

شلتي للكبر وضلوع مهشومه

✍️ ام حسين العامري

➖➖➖➖➖➖

شلتي يم حسن وضلوع متكسره

شلتي بليل هايافاطمه الزهره

وزينب تنتحب منهه الدمع يجره

ياكسر الضلع ماينحمل يومه

✍️ ام حسين العامري



تمت بفضل الله وعونه بأقلام شاعرات

قتيل العبرة غير مبري الذمه من يحذف اويغير اويتلاعب بكلمات القصيده وينسبها https://www.tg-me.com/dchhtg

لطميه مربعه للزهراء سلام الله عليها

تون كوه الزجيه الضلع يوجعهه
اوتخفي اونينهه لحد اليسمعهه


💫💫💫💫💫💫
تون كوه الزجيه والالم بيهه
وعن اولادهه دمعتهه تخفيهه
وحمره عينهه اوكامت تغطيهه
وبهيده الزجيه تهل مدمعهه

✍️ جنان الحسناوي

💫💫💫💫💫💫
تهل عيونهه من تذكر السطره
اويوجعهه الضلع من شدت العصره

الله ايعينهه عاالالم والكسره
بمحسن هالعدو اليوم فاجعهه

✍️ جنان الحسناوي

💫💫💫💫💫
تون زينب على امهه وتهمل الدمعه
تلوج من الالم مانامت البضعه
تون ونينهه يازينب اسمعه
تكول بياكلب امي اودعهه

✍️ ام حسين العامري

💫💫💫💫💫💫
اويلاه يالزجيه اوعصرت البلباب
لكسر اضلوعهه منه الكلب لهاب
امصابج بالكلب مو بالضلع منصاب
يرفسهه النذل امي اويروعهه

✍️ ام علي السماوي

💫💫💫💫💫💫
خلف  الباب شفته يعصر الزهره 
خنكت كل نفسها اوضمت العبره
لاذت بيك ياهالباب منقهره
ولك يابين هاي امي درجعهه

✍️ ام علي السماوي

💫💫💫💫💫💫
صدك عالباب من ونت المهضومه
لاجل احجابها لاذت المحشومه
من العصره يويلي اضلوع مهشومه
روح ام الحسن بالباب لوعهه

✍️ ام حسين العامري


تمت بفضل الله وعونه بأقلام اتحاد شاعرات رابطة قتيل العبرات

غير مبري الذمه من يحذف اويغير اويتلاعب بكلمات القصيده اويحذف اسماء الشاعرات وينسب الكلام https://www.tg-me.com/dchhtg

سلام عليكم ورحمة الله وبركاته احبتي ومتابعين قناتي جزيل الشكر والتقدير والاحترام الحضراتكم الكريمه
لمتابعتكم قناتي اعتذر منكم هواي
هالايام ماانزل قصائد لضروف صعبة مريت بيهه اسال الله لي ولكم الصحة والعافية وحسن العاقبه اوعدكم راح انزل قصائد المحرم ان شاءالله تعجبكم وتنال رضاكم وفقكم الله لكل خير

خادمتكم جنان الحسناوي

سلام عليكم ورحمة الله وبركاته
راح انزل قصائد المحرم ان شاءالله
من الدواوين ملاتي المطبوعه والبعدهي مامطبوعه
بس ذمه على صاحب كل نفس ضعيفه يتلاعب بالقصائد وياخذ منهن

خادمتكم اني

لطميه للعباس علية السلام


نعزي ام البنين اونلطم اوياهه
علة الطايح على الشريعه واخته خلاهه


نعزي ام البنين أبروح حزنانه
على العباس المگطوعه ذرعانه
أوعاف الحرم والأيتام عطشانه
أوزينب العقيله اشكثر بچاهه


بچاهه أشكثر البالصفه معروف
عباس الگمر مگطوعه منه أچفوف
وسفه أصوب أوراسه خسف مخسوف
وعينه بالسهم العدوا طگاهه


ياحيف أبو فاضلگطعوا أزنوده
أوعينه صوبوهه أو وگعوا جوده
اونه عدل من يوصل أحدوده
الله أيعين زينب تهل عيناهه


الله أيعينهه هاليوم مفجوعه
كافلهه الگمر چفينه مگطوعه
ما تگدر تودعه الشوفه ممنوعه
وأگع على الشريعه أوحاطته أعداهه


وأگع على النهر وبهامته الطبره
خل أنگوم كلنه أنعزي الحره
زنيب بت علي ونگابل الزهره
على العباس راح أو بعد ما جاهه




مشكولة الذمه كلمن ياخذالكلام اوالرثاء وينسبه لة امانة العباس
https://www.tg-me.com/dchhtg

سلام عليكم احباب الزهراء ورحمة الله وبركاته
طبعن اني اعتذر منكم عشاق الحسين ع
مانزلت قصايد ابكثرة
لسبب ضروف صعبة اسأل الله ان يتقبل منا ومنكم خدمه سيد الشهداء ع



اختكم اوخادمتكم جنان الحسناوي