نعي للامام علي عليه السلام

صلى الله عليك يارسول الله. صلى الله عليك يا اباعبدلله يارحمة الله الواسعه وياباب نجاة الأمة ماخاب من تمسك بكم وامن من لجأ اليكم سادتي. السلام على الراس المطبور السلام على الشيب الخضيب السلام على الدماء الزاكيه السلام عليك ياامير المومنين
لما انضرب الامام على راسه واخذت الدماء تصب على جبينه واغشى على الامام من شدة الضربه المسمومه
اخذت مولاتنا زينب تنظر الى اباها وهو في هذه الحاله صرخت بصوتا حزين وتقول

تكله
بويه...بوووويه. ياااابويه
شفتك يبويه وروحي راحت
شلون اعمامتك عالكاع طاحت
وادمومك على التربان ساحت
@@@@@@@@@
راسك يبويه يوم شفته
كلش ضاهده بويه طبرته
وصوتك يحيدر ماسمعته
@@@@@@@@@
شفتك يبويه ادمومك تسيل
من الضربه المضهده تهدم الحيل
تون ياعلي ومانايم الليل

تمت ✍️ الشاعره والمله ام حسين العامري

@@@@@@@@@@
شلون ليلك ماتنامه
تلوج من طبرت الهامه
بيك شلون ياوالي اليتامه
@@@@@@@@@@
شلون باجر بويه شلون
على الباب ايتامك يسألون
وينه التكفلنه يكولون
@@@@@@@@
شلون لو نشدوني باجر
منهم تهل بويه النواضر
يتامه ياعلي وتكسر الخاطر

تمت✍️ الشاعره والمله جنان الحسناوي

غير مبري الذمه من يحذف اسم الشاعرات اويغير الكلمات وينسبها له علما انه سجل في دفتر الزهراءع https://www.tg-me.com/dchhtg

لطميه ندبه للامام علي عليه السلام

علي يكضي الكلافه....لليندبونه
بالشدات ابو الحسنين....تلكونه
=============
ابو الحسنين هذا والنم منه
حاضر بالشدايد دوم تلكنه
يجبر كل كسر ولله اوخواطرنه
حيدر مايرد كاصد تعرفونه

✍️ ام علي السماوي
===============
مهمومين اجينه اليوم كصاده
ندري مايرد هالحيد وفاده
ماخاب الكصد واتعنه للساده
وحيدر باب للحاجات تدرونه

✍️ ام حسين العامري
==================
حضري مجلسه ومنه اطلبي امراد
حلفيه بالحسن وحسين ابو السجاد
يجلي اهمومنه ويستر على الويلاد
والطالب ابد ميخيب اضنونه


✍️ ام ازهر المناذره
===============
اليوم انخاك يابو حسين يعيوني
وبحزن ام طهر لتخيب اضنوني
جثيره اهموم مرن هدلن امتوني
ماخيب اضنون اللي يكصدونه

✍️ ام ازهر المناذره
================
ابوالحسنين يوكف بالشدد تلكاه
اذا عدك طلب بس روح وتعناه
حلفه بالضلع وي الكسر ودماه
مارد الكصد والصاح احضرونه

✍️ ام حسين العامري
=================
مارد الكصد واللي اعتنه الحضره
يقضي حاجتك بس شافك بعبره
حلفه بالزجيه فاطمه الزهره
ياباب الكرم حيدر يسمونه

✍️ جنان الحسناوي


تمت بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر
الزهراء ع https://www.tg-me.com/dchhtg

لطمية الوحشة رمضان
➖➖➖➖➖
اليوم احبابنه ماهمه ويانه
عافونه بحزن والروح حزنانه
➖➖➖➖➖➖
اليوم احبابنه طولت فركتهم
اجة رمضان وتذكرنه لمتهم
ننساهم شلون اوحلوة عشرتهم
كل واحدنشوفة خالي امجانه

✍️جنان الحسناوي
➖➖➖➖➖➖
ماردو علينه ورحمو الحاله
خلونه نون والعين هماله

جم واحدچفانه ويتم اعياله
وجم دارالبكت ياوسف حزنانه

✍️هديل المياحيه
➖➖➖➖➖➖➖
جم دار البقت بالاه والونه
اخلاف الحملو وحشه منازلنه
من اهل المحنه نكطع الظنه
وهاي العين للحملو عميانه

✍️ ام حسين العامري
➖➖➖➖➖➖➖
عميانه العيون اوبيتهم مسدود
اجة رمضان لينه اوحشة للمفكود
بعد ايامنه ماضن ترد وتعود
اوماينطب نزلهم تنعى بيبانه

✍️جنان الحسناوي
➖➖➖➖➖➖➖
اخلاف اهل المحنه الدار ماطبهه
عليله الروح والفركه تعذبهه
فكدكم ياهلي للروح ماردهه
روحي اعله المشو لليوم دوهانه
✍️ام علي السماوي
➖➖➖➖➖➖➖
دوهانه يروحي اخلاف أهاليها
اجه رمضان بانت وحشته عليها

حگهه الفاكده تكثربواجيها

على ملگه أهلها الروح عطشانه

✍️هديل المياحيه

================
ماهمه وبعد هيهات نلكاهم
نامو بالنجف والرمل غطاهم
يرتاح الكلب من يمر طرواهم
ردو خل ترد الروح فرحانه

✍️ ام حسن الشعيبي



بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء
https://www.tg-me.com/dchhtg

لطميه لفقد لام لوحشه رمضان

هل رمضان يمه وغوركت عيني
وحسبالي يالحبيبه تمرني

@@@@@@@@@@@@@
شفت اهلال رمضان وصحت يمه
شملنه اخلاف عينج ياهو اللي لمه
كعدنه نريد نفطر والنزل ضلمه
وسفه الموت فرك بينج وبيني

✍️ ام حسن الشعيبي
@@@@@@@@@@@
امي الغاليه وشلون اجازيهه
شالت والمباني مااطب ليهه
اخلافج يالبنيه من يمر بيهه
صحت ويلاه يمه لاتخليني

✍️ ام علي السماوي
@@@@@@@@@@@
خذاج الموت يمه ونمتي بالحفره
مره فركتج يمه صدك مره
عليج الحيف يايمه وجر عبره
يازهرة حياتي وشمعة اسنيني

✍️ جنان الحسناوي
@@@@@@@@@@
ماتتعوضين وبيش اعوضنج
يالرحتي من اديه منين اجيبنج
مشتاكه اعله حضنج ورد اشمنج
واذكرج من كبل جنتي تغطيني

✍️ جنان الحسناوي
@@@@@@@@@@
تغطيني ييمه وياي سهرانه
حملتي ييمه وماهي اويانه
دارج موحشه وصبحت حزنانه
هايامن تعبتي ودليليتيني

✍️ جنان الحسناوي
@@@@@@@@@@
تعبج يالحنينه بيش اعوضنه
وذاك ارباج يمه شلون اردنه
وجهج ضاع مني وين اشوفنه
نمتي بالكبر مابعد تلفيني

✍️ ام حسين العامري


تمت بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء ع
https://www.tg-me.com/dchhtg

لطميه مربعه للامام علي عليه السلام

شايل ياعلي والدار حزنانه
من صوتك يبويه صفت خلوانه
🌙🌙🌙🌙🌙🌙🌙
شايل ياعلي ودارك مخليهه
بس هم وكدر هاليوم غاطيهه
تنوح اعليك وتريدك يراعيهه
ضل البيت خالي وموحشه اركانه

✍️ ام حسين العامري
🌙🌙🌙🌙🌙🌙
محزونه الديار ويون محرابه
عساها انشلت ايده الكافر الصابه
ناره بالكلب تسعر ولهابه
داره خاليه ومهجور ديوانه

✍️ الحجيه ام علي
🌙🌙🌙🌙🌙
داره مضلمه اوحشه وتبجيني
اكلهه وين ابوي اوماتحاجيني
اطبهه شلون وشايل يانضر عيني
حمل من وكت ضل خالي امجانه

✍️ جنان الحسناوي
🌙🌙🌙🌙🌙🌙🌙
لون بيدي الرفك وياك يحلالي
خيمتنه يبويه وسورنه العالي
ضلمه البيت عكبك والنزل خالي
وروحي اعله لمشو هاليوم دوهانه

✍️ ام علي السماوي
🌙🌙🌙🌙🌙🌙
دوهانه يروحي وحيل مابيهه
شايل ياعلي ودارك مخليهه
بعد هاي اليتامه من يمر بيهه
بجو والعيد كالو عسن لاجانه

✍️ ام حسن الشعيبي
🌙🌙🌙🌙🌙
شايل حيف حيدر غمض عيونه
الف وسفه المثل شخصك يدفنونه
قسيم النار والجنه يعرفونه
انهدم ركن الهدى جبريل نادانه

✍️ ام حسن الشعيبي


تمت بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء عhttps://www.tg-me.com/dchhtg

لطميه للامام علي عليه السلام
تنقره بالطور الموشح

بالفجر صوبو حماي الحمه
وتنعى لمصابه بقت ارض وسمه

🎤🎤🎤🎤🎤🎤🎤
بالفجر صوبو حماي الدخيل
طاح بالمحراب دمه ضل يسيل
والحسن شافه وبعد ماعنده حيل
هامته مطبوره ويسيل الدمه

✍️ جنان الحسناوي
🎤🎤🎤🎤🎤
هامته مطبوره ويلوج الولي
اليوم بالمحراب طايح ياعلي
على امصابه النوح خله يعتلي
روح ابو الحمله تون ومألمه

✍️ ام حسين العامري
🎤🎤🎤🎤🎤🎤
روحه تتوجع ومايكدر يهيد
هاي زينب تبجي والونه تزيد
عنهه خاف يشيل حيدر يالعميد
تكله تدري اعليك بويه معلمه

✍️ ام حسن الشعيبي
🎤🎤🎤🎤🎤🎤
تكله روحي اعليك ماتقبل تعن
شلون اسمعك ياعزيزي من تون
بويه روحي اعليك ضلت بالحزن
روحي لغيابك تون ومهدمه

✍️ ام حسن الشعيبي
🎤🎤🎤🎤🎤

شلون ابو الحمله على الراس انضرب
والدمه من راس حيدر ضل يصب
دمه الطاهر نزل فوك الترب
اليوم هاي اصدور لاجلك لاطمه

✍️ أم حسين العامري
🎤🎤🎤🎤🎤🎤
صوبو بالمسجد ودمه جره
صاح جبرائيل صابو حيدره
واليتامه دموعهم متناثره
صارت الدنيا لمصابه مضلمه

✍️ هديل المياحيه


تمت بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء ع
https://www.tg-me.com/dchhtg

هوسات للامام علي عليه السلام

شايل ياعلي لاوين ولزينب مخليهه
ضلت بس تجر ونات لغيابك يواليهه
غيابك يوجع اادلال تدري وحيل ياذيهه
ياذيهه// وفراكك يصعب

🎤🎤🎤🎤🎤🎤
افراكك يوجع الدلال يابويه ويبز عيني
ماتنشف دمعتي اعليك ولامن يبطل اونيني
يالشايل اخذني اوياك بدارك لاتخليني
روحي الحزنانه// تون اعليك وتنحب

✍️ ام حسين العامري
🎤🎤🎤🎤🎤
اون اعليك ماطول النفس بيه
يالعني رحت ماترجع اعليه
ماحسبت بويه عدك ابنيه
تخليهه، // بالدار تون

✍️ جنان الحسناوي
🎤🎤🎤🎤🎤
شال الجان خيمه وصدر للديوان
الكوفه مضلمه مسدده البيبان
صحنه ياعلي مغرب يعالي الشان
تون اعليه// الكوفه بحدهه

✍️ ام علي السماوي
🎤🎤🎤🎤🎤🎤
تون اعليه والكوفه بكدر وحزان
من شال الصميده داحي البيبان
محزونه وتون اعليه انس وجان
من شال الهيبه// الكل احزن وتكدر

✍️ ام حسين العامري
🎤🎤🎤🎤🎤🎤
غمرتني المعاني لذروت الجلمات
واشعر برتجال الصاحب الحملات
حيدر عدل ياهو الكال حيدر مات
تعنه الحاجه ودك الباب// الجان تريد تصدك

✍️ ام حسن الشعيبي


تمت بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير الكلمات وينسبها له
https://www.tg-me.com/dchhtg

لطميه حماسيه للامام علي عليه السلام

حملت عنه...لاتفاركنه... يحيدر
رد يوالدنه....انت مضمدنه....يحيدر
🌙🌙🌙🌙🌙🌙
عنه وين تريد شايل يالوصي
تبجي كلهه اعليك بويه ياعلي
اخلاف عينك تدري باجر ننولي
اعليك اليتامه...لطمت الهامه...يحيدر
رد يوالدنه...انت مضمدنه...يحيدر
🌙🌙🌙🌙🌙🌙🌙
منهو ينشد عاليتامه لو رحت
اجت للمحراب كلهه من طحت
وين عنهه تريد يابويه صحت
تبجي وتنادي...تصوب افادي....يحيدر
رد يوالدنه...انت مضمدنه...يحيدر

ام حسن الشعيبي
🌙🌙🌙🌙🌙🌙
وين شايل ياعلي هاي المسيه
تضل هالايتام دمعتهه جريه
من يمر بيهه يحماي الحميه
من يمر بيهه...وينشد اعليهه...يحيدر
رد يوالدنه...انت مضمدنه...يحيدر

✍️ ام حسين العامري

🌙🌙🌙🌙🌙🌙
عدي بويه اعتاب وياكم يهلنه
لاتشيل اليوم بويه من نزلنه
ابد مانحمل بعدكم يااملنه
روحي مالومه..... وحيل مهدومه....يحيدر
رد يوالدنه...انت مضمدنه....يحيدر

✍️ ام علي السماوي

🌙🌙🌙🌙🌙🌙
بويه ياحيدر عليك امعلمين
لاتيتمنه يبو كلب الحنين
وعلى امصابك هاليتامه مكدرين
تنعى بدارك...ضلت احبابك...يحيدر
رد يوالدنه....انت مضمدنه...يحيدر

✍️ ام ازهر مناذره
🌙🌙🌙🌙🌙
الدار تنعى والحزن بين عليهه
راح ابو الحمله علي ومارجع ليهه
وتبجي زينب واليتامه مايجيهه
صاحو ابونه...خابت الضنه...يحيدر
رد يوالدنه...انت مضمدنه...يحيدر

✍️ جنان الحسناوي



تمت بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير الكلمات وينسبها له علما ان القصيده سجلت في دفتر الزهراء
https://www.tg-me.com/dchhtg

لطميه للامام علي عليه السلام

حيدر ماسمعنه....اذانه الليله
ولايتام تنطر...حامي ادخيله

➖➖➖➖➖➖➖➖
حيدر ماسمعنه اذانه ليش اليوم
زينب حايره ومنهه الكلب مالوم
ركن الدين طاح اعليه ضل مهدوم
يروحي اليوم حيدر حيل ونيله

✍️ جنان الحسناوي

➖➖➖➖➖➖➖
اليوم الدار ضلت خاليه وضلمه
نصيح احا يمصابك وياعضمه
راح البيه محنه وشايل الهظمه
ومن شفت الولي مهدوم كل حيله

✍️ ام علي السماوي

➖➖➖➖➖➖
من شفته يون وغمض عيونه
روحي اعله الابو صبحت محزونه
وكلبي اليوم خابت منه اظنونه
بس هم وكدر والمدمع انسيله

✍️ ام حسين العامري

➖➖➖➖➖➖
ونسيل الدمع والعين عميانه
عالحمل اوماهو اليوم ويانه
حزنانه يروحي اعليه حزنانه
راح الجان اكعد يمه وشكيله

✍️ جنان الحسناوي

➖➖➖➖➖➖➖
شال وجلمت البويه مشت وياه
والكله محنه شال وين الكاه
يضل للموت ذكره بالكلب منساه
يبويه الروح عكبك صايره انحيله

✍️ ام علي السماوي

➖➖➖➖➖➖
ترثيهه ام علي الابيات للطيبين
تريد امراد من اجفوف ابو الحسنين
تحل انت الشدد وتقر اليه العين
يم بابك اجيت اليوم وعليله

✍️ ام علي السماوي



تمت بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير الكلمات وينسبها له علما ان القصيده سجلت في دفتر الزهراءع

https://www.tg-me.com/dchhtg

اليلة وحشة الليلة يازينب عليج
ابوج حيدر شال اوماضن يجيج


عظم الله لنا ولكم الاجر
بستشهاد يعسوب الدين
امير المؤمنين ع

لطميه للاحباب

اجانه العيد واهلنه جوه التراب
وين انشوفهم ونعيد الاحباب

➖➖➖➖➖➖➖
اجه العيد واهلنه ماهم اويانه
نامو عالثره والدار خلوانه
نهدم حيلي وتون الروح خلصانه
على لشالو وسدو عتبت الباب

✍️ جنان الحسناوي

➖➖➖➖➖➖
من يوم الجفونه ومضلمه الديران
الف ياحيف نامو سدو البيبان
مشلوع الكلب ودموعنه غدران
عالنامو غفل عندي الهم اعتاب

✍️ ام علي السماوي

➖➖➖➖➖➖➖
اجيت اعتب عليهم ليش ناسيني
وحشه اخلافهم محد يشكيني
غريبه انه اصبحت محد يواسيني
يانار المشو بالكلب لهاب

✍️ ام علي السماوي

➖➖➖➖➖➖➖
على الشالو اهلن دمعت عيوني
بلكي اللي جفونه كلت يلفوني
صحت يعزاز كلبي ماتحاجوني
شيرد المشو نامو بسرداب

✍️ام حسين العامري

➖➖➖➖➖➖➖
يانار المشو تجويني كل ليله
الله يعين كلمن فاكد ابجيله
اجانه العيد وانه روحي انحيله
شتاكينه لهلنه الجانو اطياب

✍️ ام علي السماوي

➖➖➖➖➖➖➖➖➖
اه ياعيد لتهيجلي اجروحي
تراني دوم لهلي مابطل نوحي
وضلت بالملامه والحزن روحي
نعتب عالمشو والدمع سجاب

✍️ام ازهر مناذره


تمت بفضل الله وعونه بأقلام شاعرات رابطة قتيل العبرات غير مبري الذمه من يحذف الاسم اويغير الكلمات وينسبها له
https://www.tg-me.com/dchhtg