مربوعه للزهراء عليها السلام(( أشتاكينه الأمنه ))


يحيدر ياعلي أشتاكينه على أمنه
نريد أنشوفهه الجانت تدللنه


يحيدر ياعلي صار النزل وحشه
أخلاف أمنه الخذاها الحادي من غبشه
أوهيه أستعجلت وياهه للممشه
وأطاهه الكلب أحنه تفاركنه


وأطاهه الكلب وأصبحت مفكوده
حزينه الدار بيهه موش موجوده
ماتنراد أبد ضلمه أو مسدوده
وعليهه من نصد أهواي تهظمنه


عليهه من نصد أدموعنه تجري
ونكلهه وين أمنه أتكول ماادري
زينب أنه يمه يابعد عمري
ومشتاكه الصدرج يمه أشمنه


أبصدرج أشمن يمه مشتاكه
وأزيل أهموم كلبي أوروحي حراكه
كتلتني الفركه أشوكت نتلاكه
وأشيلن جف أديج بيدي أبوسنه


أشيلن جف أديج أوتكمل الفرحه
أوكلبي يالحنينه أيطيب من جرحه
وتروح أهمومي أومن المرض أصحه
ولان جدامي اشوفن ريحه الجنه


أنتي الغاليه أعليه أبد ماأنسه
ويالفركاج كطع كلبي أومسه
أريدن يم حسن تجيني أوهسه
وعزمي ينهدم أوبيش أشدنه


أنهدم عزمي ييمه أومابقت راحه
وأبنج من أشوفه أشبع أنياحه
كلبي أيصوبه أويشلع أبسباحه
ويكسر خاطري حسين أمن أشوفنه


*تمت*
*بقلم✍شاعره آهل البيت عليهم السلام*
*المله جنان الحسناوي صاحبه ديوان زينب والمصائب والفاجعه الحسينيه ومجالس الزهراء*
*مشكول الذمه كلمن يغير أويتلاعب بالقصيده والأسم*

https://www.tg-me.com/dchhtg

مربوعه للقاسم عليه السلام أهداء الى شباب وشهداء العراق(( ماأجه البيته ))


جاوين الولد شو ماأجه البيته
أزفه أو يالولد أبني تمنيته


جاوين الولد شو ماأجه للدار
أوروحي أعليه ضلت شابه بالنار
عاف أمه غريبه والكلب محتار
أورمله أدكول راح الربه الربيته


رمله أتكول جاسم عذبت حالي
نسيت أرباك جنك والربه غالي
عفتني بالهظم مفطور دلالي
وذاك التعب يبني أبساع أنسيته


نسيت أرباك يبني أوماتحاجيني
وأخلافك الونه يمه تكظيني
شيريد الزمان أعليك باليني
وللعازات أسمك يبني خليته


من عيني اليوم الولد فاكدته
حسبت حساب ليام الكبر ردته
حته بثوب عرسه أوليدي ماشفته
وأثاري بالغلط أحسابي حسبيته


بحسابي ييمه أنه غلطانه
كلت عريس أوليدي أويصدقانه
نكعد سوه يبني أوتكعد أويانه
وماصدكت طولك يبني طميته


طميت الولد أونايم أبتربان
رد ليه يجاسم والكلب خلصان
تروح الروح مني لو تمر شبان
وأذكر أبني أبحضني الربيته


ربيته أوسهرت أيام والليالي
ياجاسم تعبت أوبهذلت حالي
راح الحيل مني أوخابت أمالي
وبسهر الشته يايمه تعبيته


*تمت*
*بقلم✍شاعره آهل البيت عليهم السلام*
*المله جنان الحسناوي صاحبه ديوان زينب والمصائب والفاجعه الحسينيه ومجالس الزهراء*
*مشكول الذمه كلمن يغير أويتلاعب بالقصيده والأسم*

https://www.tg-me.com/dchhtg

نواعي للزهراء عليها السلام


لدار العده أمي أمن أجوهه
ركضوا عله الباب أدفعوهه
يدرون وراه أمي أعصروهه
وضلوعهه المهظومه أكسروهه


أضلوعهه كسروهن الكوم
أوطاحت على الثره ماتكدر أتكوم
البسمار أبصدرهه أوتجري الدموم
وتون الزجيه من ضلع مهشوم


أتون الحنينه من وجعهه
والبسمار نابت أبضلعهه
أبهيده أتلوج أوتجري دمعهه
أومحد المهظومه سمعهه


محد سمعهه أوزاد ونهه
أم المحنه راح أبنهه
أوممروده الروح منهه
أوجلثوم أوفضه أتلاحكنهه


فضه تنادي أتعاي ليهه
أمج يالحنينه أنغمه أعليهه
أجيت أركض ودموعي أجريهه
صحت الزجيه أمي أشبيهه


شويه والحنينه أمي فاقت
آه أمن الضلع يوجعني صاحت
يفضه العلي خبريه كالت
وأيمهه أكعدت وأسمعهه نادت


نادت اليه أبلون مخطوف
لزمت أيدي أوطالت الشوف
أرد أوصيج أوكلبي ماخذة الخوف
على دهرج والزمن أيصفن أصفوف


وصيه يمه أرد أوصيج
مصايب راحت تجري أعليج
تروحين الكربله أوحيل مابيج
أيفاركج حسين أويخليج


*تمت*
*بقلم✍شاعره آهل البيت عليهم السلام*
*المله جنان الحسناوي صاحبه ديوان زينب والمصائب والفاجعه الحسينيه ومجالس الزهراء*
*مشكول الذمه كلمن يغير أويتلاعب بالقصيده والأسم*

https://www.tg-me.com/dchhtg

لطمية ثگيلةللزهراء ع وتقر بعدة اطوار مختلفة


يمة يمة ماابطل نوحي
يمة يمة يااعز من روحي
انتي بعيوني ضوة وانتي كل شمة هوة
يمة يمة يمة يمة


كلبي مايحمل قهر أهنا يزهرة
ضاع حلمي من مشيتي اوخلص صبرة
أخلاف عينج هالوكت مارحم دهرة
هضم گلبي اوسوه اله الأف كسرة
هضمة هضمة والدمع بعيوني
هضمة هضمة من العده فجعوني
يمة يمة يمة يمة


يمة فجعوني العدة ودموعي اسيل
واني ابدي اذكرج لوجلجل الليل
يمة مايبقة فكر لا يبقة الي حيل
ماهي انتي اوين اشكي همي الثگيل
ظلمة ظلمة الدار ماتنطب بعد
ظلمة ظلمة وانتي نمتي بالحد
يمة يمة يمة يمة


اني عندي عتاب مو وياامي للبين
ارد اگلة ليش تاخذ ام الحسين
اني من اشتاك اجيها واهمل العين
الشوك ماحملة عليها ام گلب الحنين
همة همة گلبي ياهو ايشيلة
همة همة صاب حتئ ادليلة
يمة يمة يمة يمة


ليش يالبين احرمتني او گلبي ممرود
من الزغر علئ الزجية امي لابسة السود
اوبعد ذاك طولهة مايرد ويعود
اومن اطب الدارهاماضنة مو جود
زحمة زحمة علية انة ازغيرة
زحمة زحمة اضل وحدي ابحيرة
يمة يمة يمة يمة


امي راحت اوبعد لية اشيردهه
بالگبر علئ الرمل خلوة خدهه
جانت امي خيمة او اگعد ابسدهه
اوهسة نامت عينهه عني الوحدهه
طمة طمة الثرة ياطولهه
طمة طمة هم ترد گلولهه
يمة يمة يمة يمة


هم ترد گلولهه اونگعد سوية
مثل ماجنة گبل ابگعدت الفية
اني مشتاگة اهوايه مو شوية
علئ الحنينة الغالية امي الزجية
اضمة اضمة كون طولج بالگلب
اضمة اضمة اودمعي انشفة لايصب
يمة يمة يمة يمة




لخدمة العترة الطاهرة الشاعرة جنان الحسناوي
صاحبة ديوان زينبوالمصائب والفاجعه الحسينية
مشكولة الذمة كلمن ياخذ الكلمات وينسبها لة بالعباس وامير المؤمنين عليهم السلام

https://www.tg-me.com/dchhtg

لطميه للقاسم عليه السلام



رمله اتعنت الجاسم تبجي أو تجر بالونه
اتكله ليش عايفني اوطولك وين ادورنه


رمله اتعنت الجاسم اوشافت تنزف أجروحه
اتكله ابرفيع الصوت اوهوه رايحه روحه
اهدومك وين اخليها يبني ليشم مطروحه
نايم ليش ياجسام اوعمتك تعجن الحنه


نايم ليش يوليدي أوماتكعد للزفه
اخدودك ناعمه يبني أوماتحمل ترب ترفه
حار الرمل منه كوم صعبه نومته أوكلفه
عمك كال بيدي اني اوليدج ازفنه


كوم بساع يوليدي يروحي انته وضوه عيوني
كلها الناس اجت لينه وابعرسك يهنوني
أشكثر اعتب انه وياك لتخيبهن اضنوني
اوبالخيمات عماتك الشمع يردن يوجنه


ليه كوم ياجسام ياهو لزعلك واشبيك
إذا زعلان من عندي أنه جايه أراضيك
الليله زفتك يبني اوزعلك مايلوك اعليك
اجوا ربعك يكلولك امبارك جاسم امهنه


رمله ايست منه اوكامت منه مذلوله
العماته مشت تبجي تكلهن من شفت طوله
نايم ماحجه وياي وانه العين مهموله
منه ايست كلش اوكلبي كاطع الضنه


جاسم عافني اوراح اجرن ونتي ابهيده
ردت افرح وعرسنه واحطن حنته بيده
هسه راح من عندي اوصارت شوفته ابعيده
ماصدك يرد هيهات وبعيني اشوفنه


____________________ه

*تمت*
*بقلم✍شاعره آهل البيت عليهم السلام*
*المله جنان الحسناوي*
*القصيده من ديوان الفاجعه الحسينيه الجزء الاول*
*مشكول الذمه كلمن يغير اويتلاعب بالقصيده*

https://www.tg-me.com/dchhtg

لطميه لأم البنين عليها السلام


اليوم أم البنين الدمعه أبخدهه
تريد أولادهه أيحظروهه أوعدهه


اليوم أم البنين الدمعه هماله
وحدهه غريبه أوصعبه الحاله
حسين التذكره أوأخته وأعياله
وللعباس للمنصاب دلاله
وخلاهه حزينه أوتون وحدهه


خلاهه حزينه أبن علي الضرغام
حيل أشتاكت أومنهه الكلب محتام
أتلوج أوماتغمض عيونهه وتنام
أبعوز أولادهه أيحظرونهه جدام
ويشيل النعش والكافل أيمدهه


أم عباس تبجي الدهر فاجعهه
رادت أبو فاظل يجي أيودعهه
ومن أتموت أبأيده يطلعهه
وأيشيل النعش بمتونه شيعهه
وينزل بالكبر بيده يوسدهه


اليوم أم البنين أتموت وأبحسره
هاي الطاهره والوافت الزهره
النصرته السبط أبكل ولد عشره
وكبل حسين طاحوا همه عالغبره
وضلت يوم أبو السجاد ضاهدهه


هاي أم البنين الكضت مهضومه
عله حسين الغريب الطاح بالحومه
وأخته اللي مشت للشام مظلومه
وعافت كل آهلهه عالثره نومه
وتمشي أويه الحرم أوزلم ماعدهه


أم طاهر نعزيهه بالوفايه
هاي أم الكمر أوصاحب الرايه
عباس البطل الراح عنايه
صوت النهر حته أيجيب كل مايه
ويروي أسكينه اللي العطش ماردهه


*تمت*
*بقلم✍الشاعره المله جنان الحسناوي*
*لايجوز شرعا وغير مبرء الذمه ليحذف أسم الشاعره والمحامي أبا الفضل(ع)*

https://www.tg-me.com/dchhtg

لطميه للحسين عليه السلام


آنه ردت الأحبهم مايعوفوني
صعب فراكهم ويذلن عيوني
❤️
أنه ردت أخوتي وياي يوميه
أونكعد سوه كلنه احنه العصريه
ويسألني الجبير وينشد عليه
أدري بيكم انتو اشكد تحبوني
❤️
أنه ردت أخوتي يضلون ويانه
مو يمشون ويخلوني حزنانه
واشوفن بيتهم مسدوده بيبانه
وعلى شالوا اون أوحدي خلوني
❤️
صعب أفراكم وأنتم تعرفونه
يشوف أوجوهكم ياألف خيعونه
بس أنه البكيت بهظم محزونه
ردوا ياهلي أوياكم أخذوني
❤️
خصوص الكعد ويه حسين هنياله
يسولف يم أخي ويضحك كباله
شنهوا اللي يريده أيحقق أماله
ألوأه الفرد ساعه يودوني
❤️
مشتاكه لرسوم حسين أشوفنها
ماالكاه بداره من اطبنها
دارك ليش يبن أمي شلت عنها
ليك ألجيت ومراويتك أمتوني
❤️
أطب للدار وبالدار ماهوه
بعد خلاف أخوي حسين ماتسوه
مايرجع بعد بو الملكه الحلوه
من كثر المناحه عاميه عيوني
❤️
ريت حسين أيردلي واشبكنه
لئن بيه ريحت أمي من أشمنه
بعد هيهات يرجع أو أشوفنه
والله عزاز كلبي حيل بجوني
❤️❤️❤️

*تمت*
*بقلم✍شاعره آهل البيت(ع)*
*جنان الحسناوي*
*الطميه من ديوان زينب والمصائب الجزء الأول*
*مشكول الذمه بالعباس وأمير المؤمنين كلمن يغير او يتلاعب بالأبيات وينسبهه اله*

https://www.tg-me.com/dchhtg

مربعه للسيده زينب عليه السلام


يازينب هاي يابت السلاطين
ابوه امثبت القران والدين

مهيوبه وجليله ام الخدرهاي
ومن عباس زينب طلبت الماي
اريدالماي يبوفاضل يارواي
واضحيلج ياخويه انه بالعين

ام زهراء خادمة الزهراء والسيده رقيه ع



زينب هاي وصت وياهوه الهاب
اريدادكل لخوتي وكل الاحباب
ام طاهرتون والدمع سجاب
خل يلحك عليها البطل وحسين

الشاعره جنات حسين الحسناوي



عدعيناج خويه احنه اجينه
لاتكولين نمنه وهم نسينه
خذانه الموت ياخويه شبدينه
هايم عون بسج لاتونين

ام زهراء خادمة الزهراء والسيده رقيه ع


بطلي ونتج ياماي العيون
خوانج فده الشخصج ايروحون
ناديتي علينه واحنه بالكون
اوبجينه عليج يابت الميامين

الشاعره جنات حسين الحسناوي


اصيله وبلشجاعه مثل عباس
الحره اختك يبوفاضل ينوماس
وهاي البلمعارك رفعت الراس
يا وسفه وحسافه اطب دواوين


ام زهراء خادمة الزهراء والسيده رقيه ع



وسفه علئ الحنينه ماتت اليوم
الكضت العمر بحزان وهموم
عباس البطل مااجه الجيدوم
منها مستحي ابلايه جفين


الشاعره جنات حسين الحسناوي


اسم الكتاب
لبيكي يازهراء


خادمةالزهراء والسيده رقيه ع
ام زهراء لايجوز حذف الاسم


https://www.tg-me.com/AAAAAFCTP6mH2egqJ1qA

السلام عليك ياسيد الشهداء

مربوعه للسيده زينب عليها السلام(( كومي شوفيها ))


يم حسين بتج كومي شوفيها
ماتت بالغرب اومحد بجه أعليها


يم حسين كومي البتج أبلهفه
ماتت بالغرب ياحيف ياوسفه
ومن كثر الحزن يبست تره الشفه
لحكي يم حسن أو أنتي غسليها

بتج يم حسن بالشام مدفونه
وماكوا أعزاز مأتمهه ينصبونه
وليبجي عله أم طاهر يواسونه
تعاي أبساع والفاتحه نصبيها


تعاي أبساع يم أضلوع مالومه
ونصبي فاتحه لبتج المهضومه
بطه أعليهه الكمر وحسين بالحومه
بعدهه جبدته ألعده أمصوبيها


تعاي أبساع خل نلطم سوه أعليهه
ومحد فاتحه سوه أمن أهاليهه
ياشيعيه كومي الزهره عزيهه
وبيتج فاتحه أعله أم طهر سويها


هاي الزهره التحضر مجالسهه
اليوم أبمجلس أبنيتهه نهيسهه
نعزيهه عله المكسور وأهسهه
وأعله زينب اللي كل هظم كاظيها


عله زينب اليوم وياهه نتعازه
ومابيناتنه أنخليهه الجنازه
اليذكرهه مثل مايذكر أعزازه
اتخلي فاطمه أيدج أبئيديها


تاخذ بيدج أوتشفعلج الزهره
هناكه بالكبر لو نمتي بالحفره
بعد لامال اينفعچ ولابزره
وبس هيه تجي الكمتي تعزيها


*تمت والحمد الله تعالى*
*بقلم✍الشاعره المله جنان الحسناوي*
*مشكول الذمه بالعباس وأمير المؤمنين كلمن يغير او يتلاعب بالأبيات وينسبهه اله ويغير الأسم*

https://www.tg-me.com/dchhtg

لطميه حماسيه للسيده زينب عليها السلام


آه يزينب آه يزينب آه يزينب اه
آه يزينب آه يزينب آه يزينب اه


يازينب المحزونه
كلبج الليله أشلونه
وجهج أمغير لونه
أوعباس يالمحزونه
نامت يوسفه عيونه
ومكطعات أمتونه
آه يزينب آه يزينب آه يزينب اه


ذكرت هظمهه الي صار
وحسين أبن الكرار
يوم العاشر محتار
بالحرم وأطفال أزغار
لاخيمه عدهه أولادار
مابين كوم الأشرار
آه يزينب آه يزينب آه يزينب اه


ليله العاشر صعبه
حسين وحده بغربه
أيريد ماي أيشربه
من العطش يابس كلبه
أودمع عينه أيصبه
والشمر راد ايعذبه
آه يزينب آه يزينب آه يزينب اه


ذكرت تودع الوالي
والدمع صاير هالي
أدكول بهذل حالي
وأنكطعت أمالي
من شفته طاح الوالي
والشمر يتروالي
آه يزينب آه يزينب آه يزينب اه


أحتاريت بيتام حسين
وأخواني نومه على الطين
وياهم أولادي أثنين
على الوجه أمنومين
أشسوه اولعب بيه البين
عفنه أهلنه أوماشين
ضلوا ضحايه السبعين
آه يزينب آه يزينب آه يزينب اه


أبهالقصه خلص عمري
اومن طاح كافل خدري
ضليت دمعي يجري
وللشام صاير يسري
من السوط محني ضهري
منين أجيبه صبري
آه يزينب آه يزينب آه يزينب اه


*تمت والحمد الله تعالى*
*بقلم✍الشاعره المله جنان الحسناوي*
*مشكول الذمه بالعباس وأمير المؤمنين كلمن يغير او يتلاعب بالأبيات وينسبهه اله ويغير الأسم*

https://www.tg-me.com/dchhtg

لطميه للأمام الكاظم عليه السلام


معصومه اليوم يالنسوان عزنهه
وعالكاظم أبوهه أبجن أوندبنهه


يالنسوان عزنهه الحنينه اليوم
وعالكاظم أبوهه اللي كضه مسموم
من سجن السجن ويلي شكثر مضلوم
والله أيعينهه الوالي رحل عنهه


أندبنه الكاظم راعي الفزعات
وكلمن بجه عليه يقضيله الحاجات
والمهموم يحظرله أبكل شدات
وخصوص أبحظرته لمن تطبنهه


كومي أنخي السجين اللي أنمرد جبده
وشكي هموم كلبج والحزن عنده
يكضي أبساع كل مشكله أوكل شده
والعله أومرض طبتي أبعجل منهه


أبو طلبه الطلبتي منه أمرادج
ويقضي حاجتج ويحفظ أولادج
اذا مهضومه هوه أيبرد أفادج
أشكد نسوان كبلج هنه جربنهه


هذا الكاظم اللي كال سمعوني
وياشيعتي أشما ردتوا أطلبوني
بالسهلات والصعبات تلكوني
وكل زاير كصد ليه أعرفنهه


أعرف حاجته اللي أجه بيهه
بس ينوي النيه أنه أكضيهه
خصوصن لو شفت دمعته يجريهه
وجم طلبه أيطلب هيهات أردنهه


جم طلبه يريد أثنين لو وحده
أكله الخير عندي هواي يتبده
أوبابي بكل وكت مفتوح ماسده
اولحبابه يرد أوروحه أفرحنهه


*تمت والحمد الله تعالى*
*بقلم✍الشاعره المله جنان الحسناوي*
*مشكول الذمه بالعباس وأمير المؤمنين كلمن يغير او يتلاعب بالأبيات وينسبهه اله ويغير الأسم*

https://www.tg-me.com/dchhtg

الطميه للامام الكاظم عليه السلام



سجليه ادخيل يالزهره الزجية
نلطم ابليالي الكاضمية



سجلينة ادخيل نبجي اونجر بالونه
على الكاضم البتة ايست منه
ابسجن ابن الرشيد اوكطعت الضنه
اودمعت عيونها على الخد مجرية



جنان حسين الحسناوي



وخل نروح وياها ونعازيها
وندري بلمصاب الحيدماذيها
وتون عله الابووكل حيل مابيها
وتكله اخلاف عينك روحي مكظية



ام زهراء الفاطميه



تكلة الروح مكضية اشيصبرهة
والنوب الدهر اجمالة كاسرهة
ابنيتك العزيزة كسر خاطرهة
وامصيبتك اكثر اثرت بية



جنان حسبن الحسناوي



فراكك بويه صابني وعماني
ويمن ظليت يتيمه بعدك اني
اشلون اتروح بويه اشلون تنساني
ولجري الدمع والعين معمية



ام زهراء الفاطميه



تكلة الروح مكضية اشيصبرهة
والنوب الدهر اجمالة كاسرهة
ابنيتك العزيزة كسر خاطرهة
وامصيبتك اكثر اثرت بية



جنان حسين الحسناوي



ومعصومه تون وتصيح يايابه
وامااحمل الفركه ابويه بغيابه
وحزنانه بكلبهه نارالهابه
وتعاي انعاون ابنيته اشوية



ام زهراء الفاطميه



تمت بعون الله تعالئ عمل مشترك
بين الشاعرات لايجوزحذف الاسم

@AAAAAFCTP6mH2egqJ1qA

ممكن الأشتراك