ፋኖ ጨፋ ሮቢት ከተማ ላይ ጦርነት ከፍቶ ምስኪኑ ህዝባችን ላይ መከራና ግፍ እያደረሰ ነው።

ዜና፡ #በኦሮሚያ ክልል ዘላቂ ሰላምን ለማስፈን መንግሥት "ከኦነሰ" ጋር የጀመረው ድርድር እንዲያስቀጥል ተጠየቀ

በኦሮሚያ ክልል ዘላቂ ሰላምን ለማስፈን መንግስት "ከኦነሰ" ጋር የጀመረውን የሰላም ድርድር አጠናክሮ ሊቀጥል እንደሚገባ #የአርሲ ዞን ዙወይ ዱግዳ ነዋሪዎች ከህዝብ ተወካዮች ምክር ቤት ተወካያቸው ጋር ባደረጉት ውይይት መጠየቃቸው ተገለጸ።

የዙወይ ዱግዳ ወረዳዋ ነዋሪዎች በህዝብት ተወካዮች ምክር ቤት ተወካያቸው ወ/ሮ ዛራ ቢፍቱ ጋር ባካሄዱት ውይይት በወረዳቸው የሰላም እጦት ከተከሰተ ሁለት ዓመት እንደተቆጠረ፣ በየቀኑ ሰዎች እንደሚገደሉ፣ እንደሚታገቱ እና እንደሚዘረፉ ገልጸው፤ በዚህ አንገብጋቢ ችግር ላይ መንግስት ለምን ዝምታ እንደመረጠ ጥያቄዎች ማንሳታቸውን ከምክር ቤቱ ያገኘነው መረጃ ያሳያል።

በክልሉ ብሎም በዞኑ ሰላም እንዲሰፍን መንግስት ከኦነግ ጋር የሰላም ድርድሩን ማስቀጠል እንዳለበት የጠየቁት የውይይቱ ተሳታፊዎች፤ በሰላም እጦት ምክንያት የልማትና የፕሮጀክት ስራዎች ሙሉ በሙሉ ቆመዋል ማለት እንደሚቻል እና ችግሩ በደንብ ትኩረት ሊሰጠው እንደሚገባ ማሳሰበቸውን መረጃው አካቷል።

የተከበሩ ወ/ሮ ዛራ በሰጡት ግብረ-መልስ ለወረዳዉ ሰላምና መረጋጋት አባገዳወችና ሃደ ሲንቄወችን፣ እንዲሁም ተሰሚነት ያላቸው ተዋቂ የአገር ሽማግሌዎችን በማስተባበር ሕዝቡን እንዲያወያዩ መደረግ እንዳለበት እና በየደረጃ ያሉት የመንግስትና የሕዝብ አደረጃጀቶችን በማጠናከር ለሰላም ሌት ተቀን በባለቤትነት መንፈስ መስራት አለባቸው ሲሉ ምላሽ መስጠታቸውንም መረጃው አስታውቋል።

================
የአዲስ ስታንዳርድ አማርኛ የማኅበራዊ ትስስር ገጾችን ይቀላቀሉ፡
ቴሌግራም: https://rb.gy/rekjr
ፌስቡክ: https://rb.gy/xwxb3
ትዊተር (X)፡ https://rb.gy/34uh4
ዩቲዩብ፡ https://rb.gy/bjcbg
ድረገጽ: https://rb.gy/5td6n
ቲክቶክ፡https://rb.gy/3bghek