የተሞከረና ሳይሞከር የተፍገመገመን እንለይ! አንድነት:ብዝሃነት:ሌላ መንገድ?
=======================
ቢያንስ ለ150 ዓመታት ተሞክሮ ወድቆ ተሞክሮ ወድቆ አሁንም ተሞክሮ ወድቆ አገርን ለውድቀት: ሕዝቦችን ለፍጅት የዳረገ ሥርዓትንና የአገር ግንባታ ሞዴልን እየደገፉ: ለ27 ዓመታት በወጉ(በዴሞክራሲያዊ አካሄድ) እንኳን ሳይሞከር እራሳቸው ያከሸፉትን የፌደራል አደረጃጀት ለ3000 ዓመት ችግራቸው መንስኤ እንደሆነ አድርገው ይገልፃሉ--የኢትዮ-አማራ ልሂቃን:: አሁን ይሄ ተገቢ ነው?

እውነት እነሱ እንደሚሉት የፌደራል አደረጃጀት ችግር ከሆነ: ብሔርተኝነት (የኢትዮጵያ ብሔርተኝነትም ጭምር) ጎጂ ከሆነ: ሌላ ጠቃሚ ነው የሚሉትን አማራጭ ለምን አይነግሩንም?

እነዚህ ልሂቃን: "የኢትዮጵያ [ማለትም የአማራ] ብሔርተኝነትንና "የሌሎቹን" ህዝቦች ብሔርተኝነት ማቻቻል አለብን: ጥያቄዎቻቸውንም መመለስ አለብን" ይላሉ:: ይሄ ሰሞነኛ አነጋገር: አዲሱ ማጭበርበሪያ መሆኑ ነው:: "ሶስተኛው መንገድ" የተባለው ይሄ አማራጭ ያልሆነ አማራጭ በእውነትም ሶስተኛ ሳይሆን ከብሉይ ጀምሮ የነበረው ያው "አንደኛው" የውሸት "አንድነት" መንገድ ነው::

ለመሆኑ የኢትዮጵያ [የአማራ] ብሔርተኞች ጥያቄ: ወይም እንዲከበር ሚጠይቁት መብት ምንድነው? አንድነት? አንድነት መብት አይደለም:: በተለያዩ ወገኖች ፍላጎት በመፈቃቀድ የሚፈጠር ሕብረት/ውህደት ነው እንጂ የአንድ ቡድን የብቻ እሴት: ወይም ጥቅም: ወይም መብት አይደለም::

የኢትዮጵያ ብሔርተኛ ነን ባዯቹ በውስጠ-ታዋቂነት የሚያስኬዱት የአማራ የበላይነት (የጠቅላይ-አግላይነት) ጥያቄ ከሆነ: ይሄም መብት አይደለም--የሰው ልጆችን የግልና የወል የእኩልነት መብትን የሚፃረር የእብሪተኞች መሻት ነውና::

ብሔርተኝነትን (አገራዊም ቢሆን) እንቃወማለን ግን ለኢትዮጵያ አንድነት እንታገላለን ማለትም ከራስ ጋር መጋጨት ነው:: ማንኛውንም ዓይነት ብሔርተኝነት ከተቃወምክ አንተ ኢንተርናሽናሊስት ስለሆንክ እጅህን ከኢትዮጵያ ብሔራዊ ጉዳይ ማውጣት ግድ ይሆናል:: ስለ አንዲት አገር አንድነትና ሉዓላዊነት: ስለ አንዲት አገር የግዛት ደህንነት: ስለአንዲት አገር "ብሔራዊ" ማንነት (ማለትም ስለ 'ኢትዮጵያዊነት'):አንዲትን አገር ከመፍረስ ለማዳን: ወዘተ በተደጋጋሚ በማንሳት አጀንዳ ማድረግ አይገባህም:: ይሄ ያንተ ጉዳይ አይደለምና:: ይልቅ: በአገሮችና በብሔሮች መካከል ያሉ ወሰኖችንና ድንበሮችን ሁሉ አፍርሰህ "ሉላዊዉን መንደር" (global village) ስለመመስረት ተጠበብ::

ብዝሃዊነትን እንቀበላለን እያሉ በአንፃሩ "ብዙዎቹ" (ወይም "ሌሎቹ" የኢትዮጵያ ሕዝቦች/ብሔሮች) የአንድነትን "መብት" ማክበር አለባቸው ማለትም ከራስ ጋር መቃረንነው:: አንድነት: "ብዙዎቹ" ለጥቅማቸው ሲሉ በፍላጎት የሚመሠርቱት የፖለቲካ ሂደት ውጤት ነው እንጂ በራሱ ከብዝሃነት ተለይቶ (በተናጠል) የተቀመጠ እሴት/መብት/ጥቅም አይደለምና::

#Hypocrites #Your3rdWay_is_no_way!

ሎሬት ፀጋዬ ገብረመድህን፤ ዘረኞቹ የኦሮሞን ህዝብ ከወጉትና ካቆሰሉት በኋላ እንኳ ለምን እረፍት እንደማይሰጡን እንዲህ በሚገርም ሁኔታ በግጥሞ ገልፆት ነበር። መሉ ለሙሉ አሸንፈን፤ ታርክ እስከ ሚሆኑ ድረስ ሰላም እንደማይሰጡን ግጥሙ ቁልጨ አድርጎ ያሳያል። የሚገርም ምስጥር ነው። አንብቡት።

እንቅልፍ ነው እሚያስወስድህ?
---------------

"ዝም አልኳቸው ዝም ይበሉኝ
ትቻቸዋለሁ ይተዉኝ
አልነካቸውም አይንኩኝ"
ብለህ ፥ ተገልለህ ርቀህ
እውነት ይተዉኛል ብለህ
እንዴት ተስፋ ታደርጋለህ?!....

ተስፋ አርገህስ ምን ልትሆን ፥ ወይስ ተስፋው ምን ሊሆንህ?
እንቅልፍ እንጂ እሚያስወስድህ ።

"አልጠራቸውም አይጥሩኝ
አይንኩኝ ስሜን አያንሱኝ"
ብለህ እንዴት ትመኛለህ ፥ እንደማይተዉህ ስታውቀው
የተወጋ በቅቶት ቢተኛ ፥ የወጋ መች እንቅልፍ አለው?
የጅምሩን ካልጨረሰው ?

የተበደለ ቢችልም
ቢሸሽግም ቢደበቅም
የበደለ ዝም አይልም ።

እንዴት አስችሎት ዝም ይበል? ለፍልፎ ከማስለፍለፉ
አደል እንዴ የሱ ቤዛ ፥ የበደሉ ጥቅም የግፉ
ሰላም መንሳት አደል ትርፉ? . . . .

ዝምማ ካለ ጉድ ፈላ
ነገር በጤና ሲብላላ
እያደር ሲጣራ ኋላ
ግፉ ይፋ ይሆናላ! . . . .

ሰላምማ ከለገሠህ
ሕመምህ እየታወሰህ
ትዝታ እየቀሰቀሰህ
የሕሊናም ሚዛን ረግቶ ፥ ጉዱ ሁሉ ኩልል ሲል
ያደፈረሰው ሲያጠልል
እግዜር ያሳያችሁ ብለህ ፥ ፍረዱኝ ዳኙኝ እንዳትል
ከነአካቴው ሳይጨርስህ
ምን ቢሆን ሰላም አይሰጥ ።

እሱስ ቢሆን ያለትክሉ ፥ ያላጥንቱ የሰላም ውርስ
ከቶ የማያውቀውን ቅርስ
ይስጠኝ ብትል የት ይሆናል
ያልተዘራ መች ይበቅላል? . . . .

የጓሮ ጐመን ሲያጠላ
አጥፊ ትሉን እንዲያፈላ
እንዲያው በነገር ቀደም ፥ እንደሱስ ስሙን ቢለፍፍ
ሰላምን የሰጠህ መስሎህ ፥ በጉጉት ስታሰፈስፍ
ተለሳልሰህ እንደቃተትክ ፥ ተስፋ አርገህ እንዳትል እርፍ ።
እና ዘበት ነው ጥረትህ
በከንቱ ተስፋ ማድረግህ
ላያዋጣ መመኘትህ
የሰላም ቅዠት ማየትህ
ምን ልትሆን? ምን ሊሆንህ? . . . .
ይቅርብህ ። በኔ ይሁንብህ
እንቅልፍ ነው እሚያስወስድህ ።

From Birhanemeskel Abebe Segni

በኢትዮጵያ የሽግግር ፍትህ ፖሊሲ አማራጭ ተብሎ ለ ፖለቲካ ፓርቲዎች በIntercontinental ሆቴል የተዘጋጀ መድረክ ከፓርቲዎች በቀረበ ጥያቄዎች መድረኩ ሙሉ ቀን የነበረ ለ10 ስዎች የተሰጠው የጥያቄ እና አስታይት ምንም ምላሽ ሳይ ሰጥ እስከ ምሳ ሰዓት ብቻ ቆይቶ ተበታትኖዋል።

ኬንያ ኦሮሞ