"Бітва Масленіцы і Посту". 1559 г. Пітэр Брэйгель Старэйшы.
Брэйгель меў цікавасць да народнай тэматыкі. Рэнесанс злучыўся ў творчасці мастака з нацыянальнымі традыцыямі. На карціне свята, якое праводзілася ў сярэднявечных Францыі і Галандыі ў апошні дзень карнавала перад Вялікім постам і якое складалася з жартоўнай бітвы світы Масленіцы і прыхільнікаў Посту.
Тоўсты чалавек, які сядзіць на бочцы з віном, увасабляе Карнавал. У руках у Карнавала знаходзіцца яго зброя - вяртлюг, на які нанізана мяса.
Правей худая фігура Посту, якая сядзіць на крэсле, і якога цягнуць манах і манашка. На галаве ў Паста пчаліны вулей - знак умеранасці і вернасці царкве.
Мастак накіраваў сваю ўвагу на чалавечы натоўп, дынамічны і жывы. Тут няма нічога нерухомага. Скурпулёзны этнограф Брэйгель старанна пералічвае ўсіх дзеючых асоб, дэталёва прапісвае ўсё, чым жылі яго сучаснікі, складае мазаіку з фрагментаў рэчаіснасці, уласных жывых уражанняў і піша энцыклапедыю гарадскога жыцця.
#жывапіс #Брэйгель #Адраджэнне
Брэйгель меў цікавасць да народнай тэматыкі. Рэнесанс злучыўся ў творчасці мастака з нацыянальнымі традыцыямі. На карціне свята, якое праводзілася ў сярэднявечных Францыі і Галандыі ў апошні дзень карнавала перад Вялікім постам і якое складалася з жартоўнай бітвы світы Масленіцы і прыхільнікаў Посту.
Тоўсты чалавек, які сядзіць на бочцы з віном, увасабляе Карнавал. У руках у Карнавала знаходзіцца яго зброя - вяртлюг, на які нанізана мяса.
Правей худая фігура Посту, якая сядзіць на крэсле, і якога цягнуць манах і манашка. На галаве ў Паста пчаліны вулей - знак умеранасці і вернасці царкве.
Мастак накіраваў сваю ўвагу на чалавечы натоўп, дынамічны і жывы. Тут няма нічога нерухомага. Скурпулёзны этнограф Брэйгель старанна пералічвае ўсіх дзеючых асоб, дэталёва прапісвае ўсё, чым жылі яго сучаснікі, складае мазаіку з фрагментаў рэчаіснасці, уласных жывых уражанняў і піша энцыклапедыю гарадскога жыцця.
#жывапіс #Брэйгель #Адраджэнне
"Купідон скардзіцца Венеры". Каля 1526 г. Лукас Кранах Старэйшы.
На карціне маленькі крылаты Купідон, які пакутуе ад укусаў пчол пасля таго, як скраў мёд з вулля, і яго маці Венера, якая не суцяшае яго, а нагадвае яму пра тое, што ён таксама прычыняе боль людзям сваімі стрэламі. Сюжэт заснаваны на вершы грэцкага паэта Феакрыта "Мядовы злодзей".
На карціне прысутнічаюць і элементы сучаснасці Кранаха: Венера носіць капялюш і ўпрыгажэнні, якія былі моднымі ў Саксоніі ў XVI ст., а на фоне бачныя нямецкі замак і рачны краявід.
Карціна - алегорыя на блізкасць задавальнення і болю, а таксама на небяспеку сэксуальных пошукаў.
Карацей:
- Ну ма-а-ам!
- Не мамкай!
#жывапіс #Кранах #Адараджэнне #Рэнесанс
На карціне маленькі крылаты Купідон, які пакутуе ад укусаў пчол пасля таго, як скраў мёд з вулля, і яго маці Венера, якая не суцяшае яго, а нагадвае яму пра тое, што ён таксама прычыняе боль людзям сваімі стрэламі. Сюжэт заснаваны на вершы грэцкага паэта Феакрыта "Мядовы злодзей".
На карціне прысутнічаюць і элементы сучаснасці Кранаха: Венера носіць капялюш і ўпрыгажэнні, якія былі моднымі ў Саксоніі ў XVI ст., а на фоне бачныя нямецкі замак і рачны краявід.
Карціна - алегорыя на блізкасць задавальнення і болю, а таксама на небяспеку сэксуальных пошукаў.
Карацей:
- Ну ма-а-ам!
- Не мамкай!
#жывапіс #Кранах #Адараджэнне #Рэнесанс
"Нацюрморт з палявымі кветкамі і ружамі". 1887 г. Вінцэнт Ван Гог.
Карціна здавалася спецыялістам непадобнай на іншыя работы Ван Гога. Мастацтвазнаўцам здавалася, што палатно занадта вялікае, стыль напісання, выбар фарбаў і кампазіцыя - усё было не падобна на Ван Гога. Подпіс "Vincent" таксама знаходзілі спрэчным.
Рэнтген выявіў пад нацюрмортам іншую карціну - двух барцоў, аголеных па пояс. Высветлілася, што пра карціну Ван Гог пісаў брату: "На гэтым тыдні я намаляваў вялікую рэч з двума аголенымі торсамі - двума барцамі[...]. І мне вельмі падабаецца".
Вялікае палатно было стандартным фарматам для карцін у Акадэміі мастацтваў Антвэрпэна, куды мастак паступіў. Нацюрморт Ван Гог напісаў ужо ў Парыжы, куды прыехаў да свайго брата, і таму нічога яму пра яго не пісаў. А каб "перакрыць" старую выяву мастак выкарыстаў тую самую пышнасць колераў, стыль, выбар фарбаў і кампазіцыю, якія так бянтэжылі экспертаў.
#жывапіс #ВанГог #постімпрэсіянізм #нацюрморт
Карціна здавалася спецыялістам непадобнай на іншыя работы Ван Гога. Мастацтвазнаўцам здавалася, што палатно занадта вялікае, стыль напісання, выбар фарбаў і кампазіцыя - усё было не падобна на Ван Гога. Подпіс "Vincent" таксама знаходзілі спрэчным.
Рэнтген выявіў пад нацюрмортам іншую карціну - двух барцоў, аголеных па пояс. Высветлілася, што пра карціну Ван Гог пісаў брату: "На гэтым тыдні я намаляваў вялікую рэч з двума аголенымі торсамі - двума барцамі[...]. І мне вельмі падабаецца".
Вялікае палатно было стандартным фарматам для карцін у Акадэміі мастацтваў Антвэрпэна, куды мастак паступіў. Нацюрморт Ван Гог напісаў ужо ў Парыжы, куды прыехаў да свайго брата, і таму нічога яму пра яго не пісаў. А каб "перакрыць" старую выяву мастак выкарыстаў тую самую пышнасць колераў, стыль, выбар фарбаў і кампазіцыю, якія так бянтэжылі экспертаў.
#жывапіс #ВанГог #постімпрэсіянізм #нацюрморт
"Абацтва ў дуброве". 1809-1810 г. Каспар Давід Фрыдрых.
Гэта адзін з самых вядомых і містычных твораў рамантызму.
Вачам патрэбны час, каб прывыкнуць да змяркання на карціне. Не адразу разумееш, што на палатне сапраўды ёсць фігуры. Чарада манахаў у расах утварае пахавальную працэсію з труной.
Тое, што калісьці было вялікім абацтвам, цяпер уяўляе сабой толькі руіны з высокім стральчатым вакном. Малаверагодна, што гэта быў рэальны пейзаж. Фрыдрых часта пісаў свае карціны, злучаючы некалькі эскізаў з розных месцаў у адну выяву. Карціна заснавана на выглядзе руін абацтва Эльдэна ў Германіі - будынка, які з'яўляўся і ў іншых карцінах майстра. Абацтва моцна пацярпела падчас Трыццацігадовай вайны. Месца, здаецца, мела для Фрыдрыха сентыментальную каштоўнасць.
#жывапіс #Фрыдрых #рамантызм
Гэта адзін з самых вядомых і містычных твораў рамантызму.
Вачам патрэбны час, каб прывыкнуць да змяркання на карціне. Не адразу разумееш, што на палатне сапраўды ёсць фігуры. Чарада манахаў у расах утварае пахавальную працэсію з труной.
Тое, што калісьці было вялікім абацтвам, цяпер уяўляе сабой толькі руіны з высокім стральчатым вакном. Малаверагодна, што гэта быў рэальны пейзаж. Фрыдрых часта пісаў свае карціны, злучаючы некалькі эскізаў з розных месцаў у адну выяву. Карціна заснавана на выглядзе руін абацтва Эльдэна ў Германіі - будынка, які з'яўляўся і ў іншых карцінах майстра. Абацтва моцна пацярпела падчас Трыццацігадовай вайны. Месца, здаецца, мела для Фрыдрыха сентыментальную каштоўнасць.
#жывапіс #Фрыдрых #рамантызм
Панядзелак - дзень цяжкі. Таму вось вам коцік🐈
"Фламандскія прыказкі" (фрагмент). 1559 г. Пітэр Брэйгель Старэйшы.
Прымаўка "Вешаць званочак на ката" азначае здзяйсняць небяспечны і неразумны ўчынак.
Коцік маркоціцца😉
#жывапіс #Брэйгель #Адраджэнне #кот
"Фламандскія прыказкі" (фрагмент). 1559 г. Пітэр Брэйгель Старэйшы.
Прымаўка "Вешаць званочак на ката" азначае здзяйсняць небяспечны і неразумны ўчынак.
Коцік маркоціцца😉
#жывапіс #Брэйгель #Адраджэнне #кот
Ядзвіга Раздзялоўская🎨
Польска-беларуская мастачка. Нарадзілася ў Бяле Падляскай. У дзяцінстве і юнацтве жыла ў Замасці, скончыла мясцовую гімназію. Навучалася ў Прамыслова-мастацкай школе ў Любліне, скончыла Варшаўскую мастацкую школу.
У часы 2-й сусветнай вайны жыла на радзіме мужа ў Баранавічах. Працавала ў баранавіцкім фотаатэлье рэтушоркай, адначасова займалася жывапісам. Брала ўдзел у выставах падчас нямецкай акупацыі ў Баранавічах і Менску, удзельнічала ў працы баранавіцкай мастацкай суполкі "Маладая Беларусь". За гэта пасля вайны саслана ў Казахстан.
Пасля вяртання ў Беларусь жыла ў Маладзечне. Выкладала ў студыі выяўленчага мастацтва. Прымала ўдзел у выставах. Член Беларускага саюза мастакоў.
#жывапіс #Раздзялоўская #Беларусь #Маладзечна
Польска-беларуская мастачка. Нарадзілася ў Бяле Падляскай. У дзяцінстве і юнацтве жыла ў Замасці, скончыла мясцовую гімназію. Навучалася ў Прамыслова-мастацкай школе ў Любліне, скончыла Варшаўскую мастацкую школу.
У часы 2-й сусветнай вайны жыла на радзіме мужа ў Баранавічах. Працавала ў баранавіцкім фотаатэлье рэтушоркай, адначасова займалася жывапісам. Брала ўдзел у выставах падчас нямецкай акупацыі ў Баранавічах і Менску, удзельнічала ў працы баранавіцкай мастацкай суполкі "Маладая Беларусь". За гэта пасля вайны саслана ў Казахстан.
Пасля вяртання ў Беларусь жыла ў Маладзечне. Выкладала ў студыі выяўленчага мастацтва. Прымала ўдзел у выставах. Член Беларускага саюза мастакоў.
#жывапіс #Раздзялоўская #Беларусь #Маладзечна
"Луўр, зімовае сонца, раніца". 1901 г. Каміль Пісаро.
У маладосці Пісаро сцвярджаў, што лепшы спосаб прасунуць французскае мастацтва - гэта спаліць Луўр дашчэнту, тым самым знішчыўшы ўплыў мастацтва мінулага. Напрыканцы жыцця яго погляды памякчэлі, і ён стварыў серыю відаў Луўра пры розным асвятленні і пагодных умовах. На дадзеным палатне адлюстравана мяккае сонечнае святло зімовага Парыжскага ранку.
#жывапіс #Пісаро #імпрэсіянізм #пейзаж #Луўр
У маладосці Пісаро сцвярджаў, што лепшы спосаб прасунуць французскае мастацтва - гэта спаліць Луўр дашчэнту, тым самым знішчыўшы ўплыў мастацтва мінулага. Напрыканцы жыцця яго погляды памякчэлі, і ён стварыў серыю відаў Луўра пры розным асвятленні і пагодных умовах. На дадзеным палатне адлюстравана мяккае сонечнае святло зімовага Парыжскага ранку.
#жывапіс #Пісаро #імпрэсіянізм #пейзаж #Луўр
"Святы Ян Хрысціцель". 1513 г. Леанарда Да Вінчы.
На момант смерці ў 1519 г. Да Вінчы валодаў толькі трыма сваімі працамі. І ўсе тры карціны - "Мадонна з Немаўляці і Святой Ганнай", "Джаконда" і дадзеная праца - мастак ніяк не мог скончыць. Леанарда пастаянна дапрацоўваў іх, наносячы ўсё новыя і новыя тонкія пласты фарбы, дадаючы дэталі і даводзячы да абсалютнай дасканаласці эфект сфума́та (італ. sfumato - затуманены, невыразны, расплывісты, ад лац. fumus - дым, туман).
Дадзеную карціну, якую прынята лічыць апошняй працай Да Вінчы, мастацтвазнаўцы прызнаюць вяршыняй майстэрства мастака ў гэтай тэхніцы.
Карціна, акрамя іншага, уяўляе сабой яшчэ і ўзор дзіўнай гульні святла і цені. Яна Хрысціцеля быццам бы ахінае цемра, якая падступае з усіх бакоў. Пры гэтым сама фігура святога, здаецца, напоўнена унутраным ззяннем.
#жывапіс #ДаВінчы #Адраджэнне #Рэнесанс
На момант смерці ў 1519 г. Да Вінчы валодаў толькі трыма сваімі працамі. І ўсе тры карціны - "Мадонна з Немаўляці і Святой Ганнай", "Джаконда" і дадзеная праца - мастак ніяк не мог скончыць. Леанарда пастаянна дапрацоўваў іх, наносячы ўсё новыя і новыя тонкія пласты фарбы, дадаючы дэталі і даводзячы да абсалютнай дасканаласці эфект сфума́та (італ. sfumato - затуманены, невыразны, расплывісты, ад лац. fumus - дым, туман).
Дадзеную карціну, якую прынята лічыць апошняй працай Да Вінчы, мастацтвазнаўцы прызнаюць вяршыняй майстэрства мастака ў гэтай тэхніцы.
Карціна, акрамя іншага, уяўляе сабой яшчэ і ўзор дзіўнай гульні святла і цені. Яна Хрысціцеля быццам бы ахінае цемра, якая падступае з усіх бакоў. Пры гэтым сама фігура святога, здаецца, напоўнена унутраным ззяннем.
#жывапіс #ДаВінчы #Адраджэнне #Рэнесанс
Вось такая вось будзе нядзеля💀
"Барацьба шкілетаў за вэнджаны селядзец". 1891 г. Джэймс Энсар.
Праца мастака, які пакінуў глыбокі след у гісторыі мастацтва. Ні аднаго афіцыйнага вучня, але дзясяткі паслядоўнікаў. На піку актыўнасці, у канцы 1880-х - пачатку 1890-х гадоў, ён апярэдзіў экспрэсіянізм і сюррэалізм. Пражыўшы да 1949 г., Энсар стаў "бацькам авангарда" родам з XIX стагоддзя. Мала хто з яго сучаснікаў быў такі ж радыкальны. Прызнанне да Энсара прыйшло позна. Ён аказаў уплыў на станаўленне экспрэсіянізму, яго называюць папярэднікам сюррэалізму і сучаснага фантастычнага мастацтва.
#жывапіс #Энсар #сюррэалізм #экспрэсіянізм
"Барацьба шкілетаў за вэнджаны селядзец". 1891 г. Джэймс Энсар.
Праца мастака, які пакінуў глыбокі след у гісторыі мастацтва. Ні аднаго афіцыйнага вучня, але дзясяткі паслядоўнікаў. На піку актыўнасці, у канцы 1880-х - пачатку 1890-х гадоў, ён апярэдзіў экспрэсіянізм і сюррэалізм. Пражыўшы да 1949 г., Энсар стаў "бацькам авангарда" родам з XIX стагоддзя. Мала хто з яго сучаснікаў быў такі ж радыкальны. Прызнанне да Энсара прыйшло позна. Ён аказаў уплыў на станаўленне экспрэсіянізму, яго называюць папярэднікам сюррэалізму і сучаснага фантастычнага мастацтва.
#жывапіс #Энсар #сюррэалізм #экспрэсіянізм