Анры Марэ🎨🖼

Французскі мастак-постімпрэсіяніст. Ён быў членам Понт-Авенскай групы, якая аб'ядноўвала мастакоў, натхнёных Полем Гагенам і яго стылем, што добра бачна па некаторых работах Марэ.

Асноўнай тэмай творчасці мастака былі прыбярэжныя пейзажы Брэтані, якія ён адлюстроўваў яркімі і чыстымі колерамі і жывой фактурай. На яго жывапіс таксама ўплываў Клод Манэ і імпрэсіянізм, што таксама можна заўважыць на асобных карцінах.

Адной з асаблівасцяў творчасці Марэ было яго імкненне да сінтэзу колеру і формы. Ён выкарыстоўваў кантрасныя і насычаныя колеры для перадачы атмасферы і настрою прыроды Брэтані. Таксама ўжываў тэхніку дывізіянізма, разбіваючы фарбы на дробныя кропкі або мазкі, каб стварыць ўражанне каляровага пераліву. Яго пейзажы адрозніваліся ад імпрэсіянісцкіх тым, што ён не імкнуўся да імгненнага ўражання ад змены часу або надвор'я, а хутчэй да выказвання свайго асабістага бачання і пачуццяў.

#жывапіс #Марэ #постімпрэсіянізм #імпрэсіянізм #Гаген #Манэ #пейзаж

"Партрэт Маціса". 1905 г. Андрэ Дэрэн.

"Партрэт Дэрэна". 1905 г. Анры Маціс.

Дэрэн напісаў Маціса, а Маціс напісаў Дэрэна. Гэта адбылося ў папярэдняе нараджэнню фавізму лета 1905 г. Дэрэн па запрашэнні старэйшага таварыша гасцяваў у Мацісаў. У размовах, у працы, у шаленстве прыроды і колеру нараджалася "мастацтва дзікіх".

#жывапіс #Маціс #Дэрэн #фавізм #партрэт

Іван Козел🎨🖼

Нарадзіўся ў в. Нёўда Наваградскага р-на Гродзенскай вобласці. Скончыў Беларускую Акадэмію мастацтваў. Працуе ў розных жанрах станковага жывапісу, пераважна ў пейзажы. Член Беларускага саюза мастакоў. Пастаянны ўдзельнік рэспубліканскіх і міжнародных выстаў. Творы знаходзяцца ў гісторыка-культурным музеі-запаведніку "Заслаўе", доме-музеi А. Мiцкевiча ў Наваградку, лiтаратурным музеi М. Багдановiча ў Менску, Дзятлаускiм гісторыка-краязнаўчым музеi, Крычаўскім гістарычным музеі, прыватных зборах Беларусі, Расеі, ЗША і інш.

#жывапіс #Козел #пейзаж #Беларусь