‏(فَانكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ).
ماف مبرر للانفتاح البحصل او اي شك في حكم الصداقه بين الولد والبنت وغيره كله حرام وغير جائز للناس البقولو نحب قبل العرس اتقو الله.

9 نقاط للفرنسية
6 للاسبانية
4 للڪورية و اليابانية
3 للالمانية
2 للغة الصينية 🥲

ڪل الصوتو ما عندڪم علم باهمية اللغة الصينية ، هل ڪنت عارف إنو 14% من سڪان العالم بتحدثوها و هي اللغة الاڪثر طالبا في العالم ؟
اظنڪ لا تعلم والله
حسمت أمري ( عايز إتعلم اللغة الصينية 🇨🇳)

اليوم ( زبد البحر ❤️😂) ڪان في لقاء مباشر علي التلفزيون القومي بعنوان ( التعايش السلمي 🤍 ) .
فا إن شاء الله لما يرسلو اللقاء مقطع فيديو حاشارڪم اياه ، و بالإضافة للقاء آخر بث في الاشهر الماضية في إحدي القنوات العالمية عن ( فض إعتصام القيادة ) ...

اذا قررت أڪتب عن الوالد حتتبهرو والله بس خلوها للزمن 😎😂...

⭕️ نرحب كذلك

" بالأستــــــاذ و الصحفــــي التشكيلــــي و صانع الأفـــــلام و الكاتـب و الناشـط في مجـــــــال الســـلام #الفاتح_زبد_البحر " .

المقدمة القالها مقدم البرنامج المستضيف أبوي في برنامج وطن السلام 😌❤️❤️❤️❤️❤️❤️❤️.
#SO_PROUD 💛💛

قد يعتبرة البعض نوع من التفاخر و فعلا هو كدا ، ايوا دا ابوي و يومي في وشئ بس لما شفته في القناة القومية كان شعور مختلف .
كل الاسره حتي الصغار مساهرين بس عشان نحضر البرنامج المستضيفنه فيه 💛 ، شعور رهيب مابتوصف و في كل كلمة كان بقولها نحن بنعلق و نتبسم و عيونا قلوب قلوب و ماباقي الا ندخل جوة الشاشة 🙂💛.
اخر مرة كل الاسرة اتلمت عشان تشاهد برنامج كانو مستضيفين فيه ابوي كان قبل 5 سنين ، بس البرنامج كان صدمه في حياتنا كلنا 💔💔😔 و دا كان واحد من الاسباب الخلتني اغير جنسيتي ك مواطن سوداني و اكره السودان و ما يكون عندي ليه حاجة حدث حصل 2015 و تحديدا في #مسابقة_الطيب_صالح ابوي كان مشارك في المسابقة دي و فاز بالمركز الثاني .
باقي التفاصيل انتظروها في #يومياتي

مؤسس مركز زبد البحر للإنتاج الإعلامي والفني و أيضاً المؤسس و المدير العام لقناة بادر الفضائية 💙💙💙🎉.

مافي اسواء من إنك كفرد من أي عائلة تعامل بصورة مختلفة عن أفراد عائلتك ، و ما أي تعامل ، تعامل مليء بالحقد و الكراهية ، التهميش .
تعمد المضايقات المستمرة بالكلام المباشر و غير المباشر و سط اخوتك ، و حتي الغرباء ..
و الاسواء سيل الدعوات البتفطر القلب البتفضل تسمعها بين كل جملتين 💔

اتقوا الله في ابنائكم 💔

الدورة الشهرية

ما تكرفس وشك دا ، ماهو مافي حاجة هنا مقرفة أو كريهه في الموضوع ، شنو يعني أول مرة تسمع بالاسم دا ( #الدورة_الشهرية ) ولا عيب يعني انا كشاب اتكلم عنها !
دي دورة الحياة الطبيعية ، بتحصل لكل إمرأة وفتاه وصلت سن البلوغ .

و لأنها مرحلة مفصلية و مهمة جداً في حياتها ، سوا كانت ( الزوجة ، الإبنه ، الأخت ، زميلة الدراسة و العمل ) هي بتمر بعدة تغيرات جسدية ، نفسية و غيرها أثناء فترة الدورة الشهرية ، نحن كرجال و بنشاركهم نفس المنزل ، مكان العمل وفصول الدراسة لازم نفهم و نعرف كيف نتعامل مع المرأة أثناء الأيام القليلة دي ، لأنو الفترة دي هي بتمر بعدة إضطرابات و حالتها النفسية بتكون غير مستقرة ...

تڪملة للدورة الشهرية ..
رڪشة !!

أكتر كلمة ممكن تسعد و تبسط أي سواق ركشة لما يسمعها 😂 ، يعني في مشوار يعني قروش 🤑...

عملت يوتيرن و دخلت معاها لجوة السوق ، الشارع كان ضيق جداً و البت اصرت علي أدخل معاها ، سكت و واصلت طريقي وسط نقة أصحاب المحلات و الحركة كانت بالملي من الزحمة..
اصرار البت إني أدخل معها للمحل بالركشة خلاني أتأكد إنو يا أما معها زول عيان و ما بقدر يتحرك أو هي اشترت ليها حاجات كتيرة🛍 و ما بتقدر تشيلها وتطلع بيها من السوق ...

وصلت البنت نزلت و طلعت معاها بنت تانية من المحل و مستندة على كتفها ، و المصادفة إنها كانت زميلتي في المدرسة ... راقبتها لما ركبت و بعدها مشيت ، في الطريق ما كانت طبيعية نهائي ، ملامح وشها ما بتتفسر ، و فضلت ضاغطة علي بطنها طوال الطريق و تصدر اصوات من الألم ، دا حتي جسمها بدا يعرق إلا المعاها بتمسح ليها .
في لحظة عيونا إتلاقن لما كنت بعاين ليها بالمراية . إبتسمت لا إرادياً و سلمت عليها ... و سفهتني 😕 ..

مسكت عيوني علي تاني و بالوصف وصلت البيت و رفضت أشيل منها أي قروش لأنها زميلتي في النهاية ... والغريبة رغم إننا زملاء دراسة سنتين في مدرسة مختطلة ما قالت لي ولا حرف كأني غير موجود . كلامي كلو مع البنت المعاها .
و اصلت طريقي وقبل أصل للسوق اشرو علي شباب كدة و قبل اقيف نطو جوة الركشة 🤾🏽‍♂. اللحظة النطو فيها واحد منهم كورك ( دقيقة دقيقة يا زول اقيف )
أنا اتخلعت و طوالي فرملت نص الشارع قلت الولد وقع أو اللستك طلع في رجلو 😮‍💨😭.
وقفت و نزلت مخلوع في شنو يا زول اتعوقت ؟!
الشاب: دم دم و كان مغطي نص وشو 🤭 .
و خلاص قلت الشاب دا ضرب اي حته في وشو 😨 يومك أسود يا ( بلاك )
و خلاص راسي ضرب بقيت أسأل أتعوقت وين لا حولة ولا قوة إلا بالله .
الشاب قالي يا زول أنا كويس الدم دا في المقعد قبل نحن نركب 😶
أنا 😳😳😳
و سألني الركب معاك منو قبلنا ؟
أنا : والله بتين و أبداً ما إنتبهت لما نزلن ، وحده منهم ما كانت طبيعية بس ...
الشاب : اها بتكون أما حامل و اجهضت أو جاتها الدورة الشهرية ...
استأذنت منهم و أقرب دكان إشتريت صابون سائل كبيتو في المقعد عسي ولعل الريحة الكريهه دي تختفي بس فضلت عالقة ، كنت طاير عشان أصل البيت من الطمام و الريحة الكريهه .
وصلت البيت و نزلت من الركشة و ناديت ( المرحوم ) يغسل الركشة ، اديتو قروش ممكن تشتري ليهو نص دستة صابون سائل و قلت ليهو بعد تغسلها إشتغل بيها و صرف نفسك ❤️ ...

المعلومة الوحيدة الكنت بعرفها إنو المرأة لما تجيها ( اللبيريود ) بتكون نجسه و ماعليها لا صيام و لا صلاة و إنو زوجها ممنوع يأتيها للجماع ، و إنها بتستخدم فوط صحية حتي دم ( الحيض ) ما يلوث ليها جسمها و ملابسها و بس .. و اعتقد نص الشاب الهنا لو ما كلهم معاي بنفس المركب 😂🥲.
كبرت و أصبحت أكتر وعي و معرفة بكثير من الأمور و ضمنهم موضوع ( الدورة الشهرية ) و الغريب إني ما بحثت أو سألت عن أي من المعلومات العرفتها و الكتبتها هنا بصورة مباشرة أو غير مباشرة 😅🙊.

و الخلاصة يا عزيزي:-

إنو الدورة الشهرية( اللبيريود ) هي دلالة إنو المرأة مستعدة للحمل بحياة جديدة🤰، لإنجاب مولود جديد 💓 ، فرصة للتكاثر و لإعمار الأرض طاعاً لأوامر رسولنا الكريم - صل الله علية و سلم - ( تزوجوا الودود الولود؛ فإني مكاثر بكم الأمم يوم القيامة) .
الفرصة دي بتحصل كل شهر ، يعني 12 مرة في السنة لمدة 30 سنة أو أكثر ❤️..

الدورة الشهرية هي تحدي عظيم بتمر بيه كل ( إمراة ) شهرياً و سنوياً طوال حياتها ، فإتخيل معاي كم يوم في السنة هي بتعاني و بتستحمل إضطرابات و الآلآم عظيمة ، حتي إنها بتفقد وعيها في كثير من الأحيان نتيجة لفقدان الدم المستمر .

و رغم ذلك 💔 ... و لانها #قوية ♥️💪🏽 بتكافح ، تجتهد ، لا تستسلم و تواصل عيش حياتها بشكل طبيعي و إنها ما تحسس الحولها بالتقصير منها أو تظهر كشخصية سلبية خلال الأيام دي .. يا إلاهي كم ( أنت عظيمة ❤️❤️) .

يوميات جوڪي (جـ4)
#يومياتي ❤️❤️

اليومية الفوق كتبتها و المكيف جايب لي ريحة بنقو 🌿 فما عارف الموضوع دا خطر علي بالي كيف و لا دي مجرد خارجيات بسبب عدم الموضوع 😂😅!!.

‏تخيل انك تكون مؤذي لدرجة تخلي شخص كل ما يتذكرك او يشوفك صدفه نفسيته تتعب ويتضايق من فكرة وجودك بس؟
قال صلّى الله عليه وسلم : "يا عائشة إن شر الناس منزلة عند الله يوم القيامة من ودعه او تركه الناس اتقاء فُحشه".

لما تلقي الوظيفة المناسبة في السودان و تصرف أول مرتب وتمشي تشتري الملابس الكنت حافظها اسكرين في تلفونك😂🌞.

قاعدين ‏بتعشي ولاحظت لي أبوي مركز معاي قال لي إنت في شنوو ما بتاكلو يا !!
قلت ليه مال الييتم قال هسي انا ما يتيم وماكل قروشي كلها 😂😂😭😂😂😭

اذا كان اليومية الأخيرة كتبتها بسبب ريحة .. يبقي اليومية الجاية حتكون بكامل قواي و إرادتي العقلية ...
LGBT TQIA
مجتمع الميم الشذوذ 🏳‍🌈 ..
#قريباً...

#MALAZ
" لا تهمني كل تلك الانتقادات
لا بل تهمني سأنهار منها قليلا لكنها ستقوني حتما الي مبتغااي ستكون مصدر قوة بالنسبة لي لكي اتحدي بيها واثبت وانحج ."

"ضهر الوجع مكسور، بس كتف الاماني بشيل💙🥀

بتاع الطشت يليق بكِ😂😂😂😂😂

26 | NOV
بكــــــــرة بكمل 3 سنين من اخر دخول لي للواتساب 😱😱👍🏼>

ودا بدل علي انة ممكن تتنازل عن بعض الحاجات الانت متمسك بيها و مستميت في تمسكك بيها وخصوصا مواقع التواصل الاجتماعي و بعض الرفاهيات الغير مهمه .
لانه الحاجات دي قد يكون ضررها أكبر من نفعها بالنسبة لك - وقفت إستخدام الواتس طوال الفترة دي لكمية من الأسباب - بعض اصحابي وناس البيت قالوا لي ماحتقدر تكمل الاسبوع من غيرو ..
انا هسي بقول ليهم : اها ي اصحاب و قرايب قدرت كمان أكمل 3 سنين من غير م أدخل الواتس ، الفيس ، الانستا و بالنسبه للماسنجر قربت أقفل الاربعة سنين من أخر إستخدام .
مهما الحولك استخفوا بيك و استهتروا بي قراراتك اوع تتاثر بي كلامهم المحبط و خليك واثق في نفسك و إنك قدر القرار دا ، حتي لو وصل بيك القرار دا لطريق مسدود ما تحبط لانك فشلت .. لأ إتفائل ... إتفائل لانك قدرت تتخذ قرار و كملته حتي النهاية و الفشل عمرو ما كان رمز لعدم النجاح .

WTF ...
عامل الحساب تجاري عشان اتجنب الدردشة و إنو احد من تعاملي مع الأخرين و الصراحة رجعت الواتس بسبب الاشعارات وبس🥲💔.

دا بتاع دكان اداني كاش قبل شهر .. اظن لو ما رسلتها لي أشخاص حقيقين بتحول لحمار وحشي 🙂🙂.

‏"ومن الأرزاق ما تُعرف بإسم "الأرزاق المنسية".. مثل سكينة الروح، وصحة الجسد، ودعوة الوالدين، ولقاء الأحبة، ووجود الإخوة والعائلة حولنا، وضحكات الأطفال، والصديق الصالح، وصلاح النفس، والصلاة في وقتها، وعين ترى، ولسان ينطق، ونوم هنيء، والعافية نعيم مُترف.. فالحمدلله دائمًا وأبدًا."