‏من الدروس البحاول أتعلمها الفترة دي في سبيل الراحة النفسية الاقتناع بفكرة إنه ( أنا ) في كثير من الأحيان غير مرغوب بل البعض يراني ناقصاً وآخر لا يعترف بقيمتي أصلاً ..

I can't fulfil all the aspects of all people
‏من وجهة نظري سبب صدماتي وحزني وخذلاني المتكرر في كثير من الأحيان سببه برجع لإني بنتظر من الناس ( التقييم والمكانة الأنا خاتيها لنفسي ) .
فلما التقييم والتقدير دة ما يجي على النحو ( الأنا ) واضعة لنفسي بحزن و بتأثر ؛ بل في بعض الأحيان قد يصل بيي الحال لوجع بلقلب وفقدان الثقة كما الان.

في ناس ممكن تشوفك ناقص وناس تانية دمك تقيل وناس تانية حتجي تشوفك العكس وناس تانية بترى إنك ما بتفهم أصلآ ، وناس تانية على النقيض بتقدرك تمام التقدير ، في شخص آخر قد يشوفك تصلح لعلاقة وآخر لأ ..‏في شخص قد يشوفك جميل وآخر قد لا يتفق ، ممكن شخص يستعين بيك في مشكلة وآخر يشوفك لا تصلح أصلآ ، فمنظار الناس مختلف ومتباين ودة بيرجع لإختلاف ثقافات الناس وإختلاف معرفتها وطبعها وطريقة تربيتها ومنظورها وجودة عشرتها ... لذلك كل ما تعايشت مع الحقيقة دي كل ما حترتاح ومؤشر صدماتك حيقل‏

أخيرآ :- لو كل إنسان وطن نفسه على الحقيقة دي ووجد طريقة للتعايش معاها دة من شأنه يحفظ سلامته النفسية ويديهو خاتمة لحاجات كتيرة ممكن يكون لازال بيبحث ليها عن تفسير ، وإنه تقييم الناس وقبولهم لينا في كثير من الأحيان قد يأتي مخالف لأهوائنا لذلك وجب ضرورة أن لا نقسوا على أنفسنا!

- إذا تهذّبَت نفس الإنسان بالفضائل، تسامَت أخلاقه وطباعه، ذلك أن أقواله وأفعاله ستكون مُرتكزة على جذور راسخة في أعماقه، فالجميل لا يصدر منه إلا كل فِعل جميل، والعليل لا تتوقّع أن يصدر منه فِعلاً نبيل؛ فإذا عرفت الجذور والمنابِت والمنابِع صَحّ لك القياس والتعليل💕

إذا جاتك الفرصه تتعلم لغة غير الإنجليزية حتختار أي لغة.. ؟

أرجوڪ لا تتغيري إني احبڪ هڪذا بعباءة و حجابِ 🖤

"قم للنقاب ووفه التبجيلا امسي النقاب علي العفاف جميلا
قلْ للعفيفةِ في النقابِ بأنَّها
باعتْ متاعًا في الشبابِ لربها
و اللهِ لو جَعلوا الجمالَ عبارةً
لصرختُ أنَّ حروفَهُ بنقابِها 💙🧕🏼

حجابها هو عفافها ، عفتها هي حجابها لا ترضى بالذل والهوان

هذا الصباح ..
اول حاجة شكلكم ما فاقدني ولا معبرني🌚
It's ok
اصلا اصلا انا زاتي ما فقدتكم🙂
لكن الحقيقة والله العكس تماما🥺

المهم كشكول التي أحب 💜مريوميات جديده😂🐸 .
رغم المعاناة والتعب الحاصل، والامتحانات الما
بتكمل .. والدكاترة الغت**ين 😂😂
لكن تظل ابسط الأمور بتدخل في نفوسنا البهجة💙.

من الصباح وكترة بكا وجرسة وووب علينا،
ونفسيات بالكوم
😂😂
وانا قلبي الميت نسيت البكا زاتو كيف على
الإمتحانات..!
امتحان الساعة اتنين اكره حاجة ممكن تلاقيك
بعد قطعة الكهرباء🙂وعلى سيرة الكهرباء.. امتحان وكهرباء قاطعة ديل سوا مفروض ما يتلمو😐..
لكن نعمل شنو نحن في بلد كل حاجة مقلوبة..
دكاترة يضربو ويجو يعتبرو عقل الطالب زي الفلاشه اول ما يدخل الإمتحانات مفروض
يكون متذكر حاجات ليها سبعة شهور بحالها🙂..

المهم ما علينا بيهم دي هموم دنيا ساي ..
باكر نتخرج ونبقى نشكي من تعب الشغل
ونقعد نتجرس كل أحد ونقول يا ريت لو لسه
في الجامعة كان مصروفك ماشي وامورك سليمه🤭.
ما لا نهاية من الشكاوي ..
تشكي لامن تموت ..
ولو عايش معانا هنا ح تنسى اصلا تتشكى
لأنو ح تشكي شنو ولا شنو🤐.

امس كان آخر إمتحان عملي ، وان شاء الله آخر الأحزان..
بعد ما خلاص قرفت من الشيت طلعت الجامعة قبل زمن من الامتحان اللي هو في وقت ينفع
لأي شيء إلا امتحان🙂..
وصلت الجامعة وبدعي يا رب ما اشوف زول
بعرفو عشان حرفيا ، مافي اي شيء غير
الشكاوي😂😂.
الواحد يمسك التاني اشكي لي واشكي ليك😅
نحن بنمشي الجامعة لشنو غير الفطور ؟!😂😂
طبعا إلا أيام الإمتحانات 🌚
من قبل ادخل قلت لصحبتي يا بتنا لو ما أكلت
ما بقرأ ولا بمتحن زاتو😂😂
اتذكرت كل ده ، خزان أحزان 😢
لكن اتذكرت علي🤤
علي ده منو والله ما عارفه😂😂😂
المهم لاقيتو امس كان حايم في الكلية😂
وقبضنا في بعض ونسيت الإمتحان وسنينو😢
قاعدين وآخر ونسه وضحك وكان عايز يأكل وهو
اصلا ما بخلوه ياكل اكل من بره😂😂.
وما بياكل اكل سبايسي😂😂.
وانا كنت تقريبا قاعده اكل شطه🙂
فما ينفع اعزمو معاي😭💔
قلت لوفاء تأكلو معاها وهو اتبسط 😂
اديتو مخلاليه خلت عيونو مدمعين😂😂.
ما تفكرو انو ده شنو الولد العولاق ده
لأنو علي عمرو سنة ونص😂😂😂.
وامو كانت شغاله امتحان وقاعد معاه خالو
الصغير 😂😂.
شافع مسئول عن شافع😂😂😂.
واصلا الناس كلها بتجي تسلم على علي😍
بقى مشهور في الكليه😂😂
الظريف ما عايز زول يأكلو بيشيل وياكل
براه😂😂 خرب الدنيا حرفيا الأرض قدامنا
بقت مبالغة ولا عبايتي حسيت اني أصغر منو
لأنو هو كل شويه يخمش مكان في العبايه🙂😂😂😂😂 ..
بقينا انا وهو نفس الهيئة😂😂.
وكل ما ياكل شويه يمشي يعاين لي خالو ويضحك
ويخبط بيدينو😂😂😂.
زي كأنو بقول ليه شوف انا اكلت😂😂
انتصار عظيم😂
طبعا امه منقبه ، كل ما تجي منقبة ماره ينزل
يجري عليها ويمسك رجلينا ويحاول يتسلق😂😂😂😂.
بعد تتكلم يعرف دي ما امو يجي راجع😂😂😂😂يحليلو😂😂😂
تقريبا لف على كل منقبات الكلية😂
كل ما اتذكر الإمتحان اعاين لي علي وعيوني تبقى
قلوب قلوب واعمل رايحة😁😅
في الاخير هو زهج لأنو الإمتحان ساعتين..
وهو عايز امه بعد كده.. وقعد يبكي🥺
حتى وهو ببكي عندو خفة روح بوزع ابتسامات
للناس😂
في بت كانت ماشه طوالي لحقها وقال إلا يمشي
معاها😂وبكوري خالو احتار😂😂😂
قالت ليه خلاص انا طالعه فوق ح اسوقو معاي
هو كان مهموم لما اختو تجي يقول ليها شنو😂😂😂😂😂😂😂.
يقول ليها علي مشى مع منو😂🤷‍♀
غايتو ضحكنا فيهو ضحك😹😹
طمناه انو بنعرفها واصلا الكلية ضيقه إحتمال اختو تلاقيها فوق وتشيلو منها ..
حس بالراحه شويه لكن قلب الخال 💜
طلع لحقو وخلى حاجاتهم دليل على أنهم قاعدين
لسه في نفس المكان الخلتهم فيه..
ودخلت الإمتحان وراسي لافي يا ربي انا من قبيل
معدياها فارغه ولعب مع علي🙂🙂💔😢
والبل راجيني🙂🔥
لكن الحمد لله الإمتحان جا ما معروف من وين اصلا🙂💔 .
ولا الأستاذة قادرة تقول لينا هي قاصدة شنو
ولا نحنا قادرين نفهم..
وكل شويه تشرح سؤال بطريقة مختلفه🙂
المهم قررت اشرح لنفسي لرأي بما يتماشي
مع الحاجات الفي راسي ونشوف ح يطلع شنو🙂
اي ده تهور لكن مافي اي حل تاني🙂💔

وطلعنا من الإمتحان وكل زول فاهم حاجه😂😂.
دفعة كامله ساطت الدنيا وطلعت🙂😢.
لا نقول الا ما يرضي الله ..
لا حول ولا قوة إلا بالله..
ربنا يهون على الناس الممتحنين كلهم..
وحب كبير للناس البيقرو الخرمجه دي🌚❤️.

#مريوميات.

جرسة في كل تطبيق 😏

حاشا لله لم نكن يوما سببا لأذى
بل كنا بكل الطرق نحاول أن نطيب خاطر
نطبب جرحا ، لكنّا لم نختر ان نكون ألما
ولا كسرا لأحد ..
كل ما نفعله ان لم نستطع اننا نغادر ،
نغادر أماكن، وأشخاص..
لا نبتغي أذى ولا نتقبل الأذى بإي شكل
لانه إذا تقبلت أذى شخص أصبح فرضا
عليك تحمل كل شيء ، لأنك سمحت بذلك..
مافي سبب يخليك تحاول مع إنسان كل
مره وفي كل مره تلقى نفسك خسران وفاقد
جزء مهم منك ..
ما ممكن تسمح لأي كان يعبث بيك ويخليك
تظن الظنون في نفسك..

انا ما بحب اسبق الحوادث واقول انو علاقتي مع فلان حتستمر طويل ، بس هو بالذات انا حكمتا على علاقتي معاهو بالابدية على الرغم من انو معرفتي بيهو ما تتعدى البضع لقائات ومحادثات ، بس بتعرفو شعور انو الزول ده بتعرفوهو ليكم سنين ومتمنين انكم تعرفوهو للابد وعلاقتكم بيهو تكون دائما كويسة ، بس ده احساسي بالضبط ،
زي ما قال واحد من الفنانين ديل " يا مزاجي يا عدال جوي " هو بعدل المزاج حرفيا ،.لمن اتكلم معاهو بلقى نفسي تلقائيا ابتسمتاا ولمن يرسل لي حتى لو كان موشن انا بنبسط جدا وبكون طايرة من الفرح ..
علاقتي بيهو نوع العلاقات الصافية صاحب بنكهة روح، وجودو جميل في حياتي مديها لون غير البلاك ، انا عارفة انو خاتيني في مكان عالي شديد ، بزعلوا بالليل وبلقى منو رسالة الصباح ، بتجاوز كل اغلاطي عشان عايز يحتفظ بي وبشدة 💙 انا عارفة انو زعلان مني حد الزعل فعايزة اقول ليك 9 معليشات و2 اسفة تنفع 🙊💙 ما ممكن يكون في عرض مغري اكتر من كده 😂🙊
هو عارف نفسو ولمن يقرا الكلام ده حيحاول محاولة فاشلة من انو يمنع نفسو من انو يبتسم لانو زعلان 😂😁
#white💙🌸

السمستر ده محتاجه كل الدعوات الممكنة البحبوني والبكرهوني زاتو ادعو لي 😭😭😔

‏مُلاحظ أنه كثير من الشباب بيفكروا لما يقارنوا عائلاتهم بغيرها ، عن أنه والدينهم كان بالامكان يوفروا ليهم حياة مادية أفضل من واقعهم الحالي ، لكن نجاح الوالدين الحقيقي مافي الجانب المادي ؛ بل في تربيتك بالصورة الأنت عليها الآن وهو دا الاستثمار الحقيقي للأسرة الناجحة في اعتقادي ‏ثم حكمك على تجربتهم المادية فيها إجحاف كبير ، لأنك إتجاوزت كل الظروف الكانت محيطة بيهم في صغرك وطيلة فترة نموك ، إضافة إلى أنه ما كل الرزق مال ، في من يرزق بمال ومن يرزق بصحة ومن يرزق بزرية صالحة ‏ثم انك شفت من حياة الأغنياء الجانب المادي فقط ودا طبيعي لأنه دا جانب نقصك و "الانسان يرى بعين نقصه" لكن غفلت عن مشاكل كتيرة عندهم أنت بمنأى عنها ، على سبيل المثال لا الحصر ، مشاكل الورث في عائلات كبيرة أحدثت قطيعة دائمة بين الأخوان ، مشاكل المخدرات والتعاطي غالبها لدى الأغنياء ‏معظم العائلات الغنية فيها مشكلة تفكك أسري ، معظم حوادث الإنتحار تصدر من أشخاص فاحشي الثراء.
الخوف من الفقر ؛ فالغني حريص على زيادة غناه أكثر من حرص الفقير على ايجاد قوت يومه.
قد تقل ساعات نومه في سبيل ذلك ، قد يهمل علاقاته ، أسرته.
‏أفتخروا بوالديكم وأشعروهم بفخركم وحبكم ليهم ، مهما كان تقييمنا لمجهوداتهم تجاهنا ، ما حنقدر نتخيل كم العصوبات والتحديات الواجهتهم خلال حياتهم عشان يوصلوا الأسرة لبر الأمان ، وكمية المشاكل الاتجاوزوها وتضحيتهم بسعادتهم ورغباتهم وعمرهم عشان الأسرة ما تتفكك ويوفروا بيئة سليمة لنمونا.

‏شوف مهما حصل ليك في حياتك م ترمي اللوم ع البلد او حياتك او بتاع حاول اتقبل اخطائك عشان تعرف تنجح في النهايه لو رميت اللوم على اي وضع او اي عزر مافي شي بتغير وانت المُلام لانها ببساطه دي حياتك انت وعشان كده دايما بنقول خليك زول واضح في قرارتك وم تخلي الظروف المحيطه بيها تأثر عليك

‏اللهم قبولاً في الارض بين خلقك وقبولاً في عنان السماء بين ملائكتك وقبولاً بيني وبينك يجعلني القاك وانت راضٍ عني.

‏الاهتمام عدموا مابقتل ولابقلل منك بحاجة بس احساس انو في ناس بتهتم بيك وتسألك عنك بزرع فيك المودة وبلون دواخلك

‏أقداركم تؤخذ من أفواهكم، فإن دعوت الله بالنجاح ستنجح، وإن دعوته بالتيسير سييُسِّر لك أمورك كلها، كما أنَّ الله لن يلهمك الدعاء بشيء لا يريده لك ولا ليمنعك أجره؛ بل يلهمك لأنه يريدك أن تأخذ ما تتمنّى بإذنه، فتفاءل بالخير تجده، واعلم أنَّ مادام الله ألهمك الدعاء، فأمنيتك لك.💙🌻

الطلاب الممتحنين ادعوا بالدعاء دا

" يارب ليس بُجهدي و لا إجتهادي إنما بتوفيقك وتيسيرك..اللهم وفقني فإن التوفيق من عندك وسهل امري فإن التسهيل من لُطفك".

أخواني و اخواتي و كل طالب ممتحن الشهادة السودانية

اصمدوا و اصبروا وحافظوا على راحتكم النفسية مهما كان كل شيء حولكم صعب.
اتاكدوا انكم حتنتصرو وتتفوقوا و تجيبوا اعلي نسب في البلد دي 👌🏻 حتجيبوها لأنكم قوين ومؤمنين بنفسكم و ماعايزين تخسرو احلامكم زي ما بعضكم خسر كل اسرته و ممتلكانة ، وانا واثق انكم حتحققوا احلامكم لأنكم صبرتوا علي كل الصعاب الواجهتكم و كل الضغوطات الحاصلة في البلد دي ، و تأكدوا انو التوفيق من ربنا عز وجل و مهما ضاقت أكيد حتفرج لأنو مافي حل تاني غير انها تفرج و إن طالت .

نحن خلفكم و حنفضل ندعمكم للنهاية
و حندعي لكم قبل و بعد كل جلسة وانتو اثبتوا لينا انكم قدر الثقه الخاتنها فيكم ❤️❤️.