₲૦੮૦૦Բ🐼💕:
عادي
طالما في حب وتفاهم

MUHAMMED 🍉:
😂😂يرضيك أرتبط بي خالة

₲૦੮૦૦Բ🐼💕:
اربعينات ؟؟

MUHAMMED 🍉:
😂ما قدر دا

₲૦੮૦૦Բ🐼💕:
تلتينات

MUHAMMED 🍉:
اي ممكن

₲૦੮૦૦Բ🐼💕:
انت حبيتها اصلا شكلك

كر عجزت

😂😂😂

Thε Cσммεηтs ...:
ايوة عادي

MUHAMMED 🍉:
يعني هسي أرتبط بي خالة عادي و اقوليها يا بيبي 😂😂😂😂؟

Thε Cσммεηтs ...:
انت قلت واحدة أكبر مني يعني اكيد حتكون في حدود سنة أو اتنين

اكتر من كدا هي زاتها ما حتعاين ليك

واذا حصل يعني مثلا اي عادي قول ليها ي بيبي ما انت ربطت معاها وانتهيت

MUHAMMED 🍉:
البت الولد الفي عمرها بتشوفو شافع و اكبر من سنتين دي بتستحقرني😂😭

Thε Cσммεηтs ...:
دا المفروض يحصل

اتقي شر الاستحقار وربط مع الأصغر منك

البراعم 🌚

#مريوميات..
#قوليهو ي المرسال
عساهو يراعي ملهوفو♥️....

بعد الزيادة الجنونية في أسعار كل حاجة تقريباً..قررت أرجع لأيام زماان... أيام الرسائل
والبريد.. والمرسال...!

وأساساً عاجبني موضوع كتابة الرسايل، وتنميق
المحتوى من (شمارات) وأخبار..!
أيام ما كان الواحد في الغربة وبعيد عن أولادو وبيته ، بيكتب رسايلة بحنين وشجن ..

زمان لما أمي كانت في المدرسة ، وأبوها مغترب..
كانت بتكتب ليه الرسايل.. وبتوصل طلبات أخوانها
الأصغر منها وكيف يقعدوا يبكوا لما تصلهم منه رسالة، كمية مشاعر في ورقة تتنقل من بلد لبلد،
والمسافة تزيدها بريق💙...

المسافة الوجدانية بتولد المحنة، أو بالأحرى بتضاعفها✨...
بتحس انو الكلمات منتقاة بحبّ ، ومرتبة بحنيّة...
أصغر التفاصيل مهمة، والجميل طبعاً مع الخطاب بتكون مرفقة صورة ...

الحياة كانت عندهم فعلاً ليها طعم ونكهة خاصة..
اما إحنا فرسايلنا تتكتب وتتمحي في غمضة عين ..ومستصعبنها.. ومستكترينها جداً .

المهم قررت أحارب شركات الإتصال واراسل ، ناس بيتنا.. 😂( كلام زولة مفلسة😂💔)..
واكتب ليهم واعيش احساس الكتابة الي عاشتة، أمي وأخوانها زمان ...!
لكن حيرانة في رسايلي الكتبتها دي ، إلا كان اشيلا معاي لما أرجع البيت لأني ما هقدر ارسلها لأسباب عدة( اولها ما في بريد )😂😂أوبس...
غايتو هسى بكتب ليهم في رسالة وأحتمال انتو زاتكم تاني اكتب ليكم بالبريد 😂 .

اها ودعتكم الله..🌸
#مريم_محمد

شعور ساي اتبسطت تب ، أكتبي لي أنا و بجي اشيلا منك في الجامعة 💌❤️‍🔥❤️‍🔥

في رأيي العمر ما عائق ابداً ، الأهم التفهم والمراعاة ورمي كلام الناس بعيد ، وفي كتيير من الأمثلة على مرّ الزمن ..
إيمانويل ماكرون أهله بعدوه عن باريس عشان يكمل دراسة وينسى الأستاذة اللي في عمر أمة ..
كمل دراستة ورجع واتزوجها رغم كل حاجة..
وفي كتيير اللي ما وثّق التاريخ تجاربهم...

هسي مالقيتي مثال بين كل الامثلة غير ماكرون الكااافر دا ، يعني انا هسي لو سافرت بالسمبك برجع اتزوج ريتشل دكتورتي الخواجية الاسترالية🌚😂😂؟

😂😂😂ما عارفه لي زول من البلد المسلم أهلها دي والله 🌚

نكمل بعد تضبط المزاج ..
شاي الواحة شاي بمزاح سوداني♥️🌿

جربت يوماً أن تفتح عيناك فجأة لتجدك مشلولاً تماماً ... أجربت أن يعوج عمودك الفقري أو ينكسر تماماً حينماً تفقد والدك ؟!..، ذلك الشلل... ليس أن لا تستطيع الحركة !! ، بل تستطيع ... ولكن الشلل أن لا يعود لقدماك اي معنى لا فائدة منهما لأنهما لن يقدران على حملك لعناق أبيك ابداً .. مهما فعلت لن تستطيع ..ذلك هو الشلل ..
أن تفقد قدرتك على رؤيتة يوماً ، أن تفقده فجأة ، وانت الذي قد خططت مراراً لما سيحدث تالياً لكنه لم ينتظر حتى يرى ما تخبئة من أحداث، الشلل أن تتسارع أفكارك داخل عقلك ولكنك لا تستطيع اللحاق بها !
فقدك أكبر من أن يستوعبه هذا العقل التالف وأقسى من أن يتحمله هذا القلب الخرِب ...

لسة حاضر
في المحطات القديمة في الشوارع الشايلة ريحتك و في المعابر ❤️.

ياا الله اححححححححا 🌑🖤...

It's okay - Nightbird 🎶
One of the unusual voices I had ever listen to.

- Never Enough Lyric Video
- Audible and Visual relaxation 🎶
Try not to cry 🎶

ممكن ترجع للاكس ؟!

ممكن تلقي باركن في إي حتة في السوق العربي أسرع من إنك تلقي بينش فاضي في كلية العلوم ..

فضلنا واقفين و منتظرين ثنائي يقوم عشان نقعد محلهم و برضو ما حصل إلا دخلنا قاعة🥲💔 ..

#شكرا علي اليوم الجميل و الوقفة الطويلة 😂

#مريوميات..
#حال كليتنا زي حال البلد واقف (وإحنا واقفين معاهم لحد ما نلقى حته نقعد فيها😅)..

يومية مميزة ... زي أصحابها طبعاً😌💙..

_مع أجواء الخريف والشوارع التي تعرفونها حق المعرفة 🙂... والمواصلات الحنينة..
(موية إيفري وير 🌚).. وشمسنا الحرّاقة✨
والله ما بنعشقها دي لصقها لينا الراجل داك ساي ربنا يطيب مرقدة أينما كان😂..

مع ذلك يوم رهيب.. مع مشية من المول للإستاد برجلي💔 ( عضيماتي شكوا وبكوا😂😂😂)..

لافة من الصباح و شارع المعهد موية ما عارفه بالحال ده هتكمل متين ، النيل الأزرق ي ربي يكون اتحول عندهم 🤔.
اوريكم الرهابة وين ، بغض النظر عن المسافة المشيتا وكل شوية يتصل لي يسرعني لامن
نسيت الشارع...
آي إنه جاكي المتذاكي(القافية طبعاً😁) ..
كان عنده محاضرة ، زول مجتهد غايتو ربنا يوفقة
ويعبر وينتصر في الإمتحانات... ادعو ليه معاكم اتفقنا✨
مع أنه شرير وعايزني أشيل لي مادة.. 🙂
ما شفتو الشحاطه والشعر (مع ذلك وسيم 😅،ورينا السر شنو) ...!
"جاكي اللي هو بلاك.. "
لاقيتو جمب المعهد وهو داخل المحاضرة ، وكل شوية يجي زول يسلم عليه(ي ربي يكون هو الهيدرسهم ،..دا في راسي😂)
بس كانت تشحتفه ساي ...

المحاضرة بدت، وانا مشيت الكلية ...
على نفسها جنت براقش😂.
لقيت جزء من دفعتي قاعدين وآخر ونسه، اخدت لي لفه كده ... بس اسمع رئيس القسم يتكلم عن النتيجة ،فصلت خلاص وضغطي ارتفع وانخفض السكر وعيوني طششت ، "انا لو سمعت خبر طلاقي بعد الشر علي ما بتأثر كده " ..!

ولا كضبتا قلت اهبط براي....!
، مشيت للشلة الكريمة فكيت فيهم الخبر، خليتهم زي نسوان البكا🤭..
من شلاقتي العلي مشيت لرئيس قسمنا؛ قلت ابرد رويحتي حبه واعرف هيطلعها لينا متين ... (حبيبنا الموقع ساتر حالنا دايماً ما زي ناس البورتات البختفو مع ظهور النتيجة😂😂) ..

المهم الراجل ده عليه جنس برود والله أبرد من تلاجتنا 🙂.. قال لي النتيجة يوم الأحد ومعاها نظرة كدة تُفسر في معجم النظرات... أمشي من هنا ي خايبة والله أعلم🌚 ..

هو منو الداير نتيجتك دي ، خ ليها تنفعك ما دايراها زاتي ..🙂💔

فصل لي مودي حرفياً..
المهم بعد شوية جاكي جا كليتنا وشمع شويه لحد ما لقى مكان يقعد فيه ..
وما في اي مكان فاضي تاني طبعاً..
إلا بعد مشينا القاعة ... ما هي كمان قاعاتنا حلوه وجميلة😂..
لما نكون عايزين نقعد برة ، تقيف متأهب جمب أقرب ثنائي بتحس بيه هيغادر سرعه (لعبة الكراسي)😂😂 ..
ماشين بمنطق المرونة والتغيير المستمر..


#يتبع...🔽
#مريم_محمد

#مريوميات..

سكينه بت اللذينا😂😂💔

(سكينة ) وكما يُشاع عنها ، إنها كانت نابغة في مدرستها، ومجتهدة شديد بس لظروف قسرية
ما قدرت تواصل تعليما...
قالوا سكينة دي لو واصلت تعليمها كان بقت من ساسة البلد الكبار ونفعتنا...

اهاا سكينة الحنينة دي مره ما شاء الله عليها قاهرة وناهرة ودايما مع الحق وما بتخاف...

محنكة وبتفهم في السياسة، وإحنا السياسة الوحيدة الفاهمنها انو الموية مقسمة على الغربية يوم والشرقية يوم ... وكده وصلنا التوب...

وكمان المره دي عاد ساكنة الخرتوم😅.. وضاربة الهم بالفرح وعارفه تعيش بسياستها دي التقول علي...!

بتجي الحله كل فترة ، عندها أخوها زول طيبان وفي حالو عايز يكسب رزقة بتعبه ، ما متشدد زي اللخت دي ..

يوم كده من أيام الصيف الحارق ، والشمس دي تلهلهب...
نسمع ليك ، الصوت من المسجد تتكلم مره ، الناس دي كلها مهجومة (والنسوان : ي ربي بعد الحرية الحاصلة دي تاني هتأذن مره.. وكثُر القول) ..
ناس شفقانه ما صبروا يسمعوا أيقونة الحلة دي
بتدور تقول شنو...!

بعد ما سكتنا الشفع والتلفزيون والغنماية😅..
حتى عرفنا صوتها ...
قالت عايزة ناس الحلة يقيفوا وقفة رجل واحد ويعرفوا ناس التجمع ديل( بجمعوا في شنو)😂😂..

بتذكر آخر وقفه وقفوها ناس الحله الخريف الفات...
كل زول قفل المجرى بشارع بيتو وخلو ليك
الحلة دي تعوم (والشفع يجلبقو زي السمك) ...!
عارفين وقفتهم ما فيها خير.. 🙂💔

قال يقيفوا قال والله ديل لو وقف واحد الباقين يعفصوه..
اها وقفنا ي السمحة شن بتدوري، قالت دايرة الناس تراقب حصة الغاز والدقيق والسكر ويعرفوا حقهم كويس عشان ما يضيع ..
(تلقاهم الحصة الوحيدة البعرفوها حصة المدرسة)..!!
اخدينا على قدر عقلنا ي أستاذة سكينة لو ما في مانع واتكلمي واضح، إحنا ما في الخرتوم🌚..

اهاا قالت السكر دا انتو ما قاعد يجيكم بشيلوا الجماعة ديل وببلعوه، اللخت دي دايرة تصل لشنو
والغاز عندكم ب 1000 وهناك ب 700 طالبوا بحقكم...
(هي اااا يمة بي ألف ما بركة اللمينا فيه ، وليداتنا يجرو من هنا لهنا ) قالت إحدى السيدات المراعيات😂..كتر خيرها نصرت شباب الحله..!

ياخ الناس ديل أبدو إصرار عجيب في وقفتهم مع الشباب وتقديرهم للبعملو فيه ✨...
اختنا ما اقتنعت ومصرة على موقفها وهي ناسية إنها بتخاطب قرية ... والعجيب فيهم انهم ما بقيفوا للماديات دي خالص ..

ياخ الناس دي افقرهم بتلقاه عايش حياة اكرم من كريمة بسبب اهلة وناسه الداعمين ليه في كل وقت ... والله فيهم بالذات صدق القال :أقيف في الساحة وسط الساحة وأتنكر واقول للدنيا ديل اهلي ..محل قبلت ألقاهم معايا معايا زي ضلي♥️ ..

والله ديل الواحد يحس بالفخر لأنتماءة ليهم..
والشعب السوداني عموماً جميل ومراعي 💙..
وبحب الخير ...

اهااا سكينة الأمينة ما اقتنعت ولا وقع ليها في رأسها شيء من البقولوه، فاكراهم خايفين..!

يخافوا من شنو من شفع التجمع ، ديل الواحد عادي تلقى امة ساكة بالمفراكة عشان اتأخر في الكورة لكن سكة بحنية ...!

جمعت ليها كم شافع ( بتكون لحست عقلهم بكلامها الثوري ده ... ده لو في عقل أساساً!!)

وتسقط تسقط تسقط بس ، ي كيزان تسقط بس
وكان جينا للحقيقه كلّنا كيزان هم الكيزان ديل جو من وين مش مننا وفينا... ولا عندهم مصنع بجو منه....!
نبطل قصص الكيزان ، الناس دي تابت
واستغفرت تقريباً...!!
المهم قطعت نفس الشفع بالكواريك،
والجري وراها ..
وزول قال ليها بتقولي في شنو ما في ..
الناس عارفه النظام كويس ومبسوطين على
كده وبالهم رايق ...

لكن الشفع بعد ما رجعوا شحطوهم شحط جد ..
كل والد اتحول لكيم جونق ولا جونق كيم ما عارفه بالضبط... !!

دقايق ورجعنا الشعب المحب الحنون وعايشين الحياة بمنتهى البساطه.. شفتو امثال سكينة دي ما بنفع معانا...
وناس الحله زاتهم ما كانو موافقين على موضوع الثورة ده من اساسه و لا لهم فيه ناقة ولا جمل ..!

حالهم ياهو سواء قامت ثورة ولا قيامة
هم ما متأثرين شديد ،دا لو ما زادو تهميش...!

عشان كده سكينة الحزينة استسلمت، وفهموها حال المعيشة وظروف الترحيل والتخزين للمواد البتتكلم عنها وطلعوا افهم ما يكون بس عاملين رايحين عشان صحتهم ووليداتهم..

#مريم_محمد

في كل مرة أقرا يومية أو منشور لي( هـــادية ) بشعر بالسعادة و إلاطمئنان أكتر و أكتر .
أهداء القناة لي هـــادية (مريومة♥️) كان من أكثر القرارت الأيجابية الانا اتخذتها في السنة دي أو من انشئت كشكول🍁سوداني .

و أي زول فينا لو لقي الدعم من الشخص - الطريقة - و الزمن المناسب حيبدع و يبهر العالمين 😌.

بالجد ما قادرة اوصف مدى امتناني كوني أصبحت أدمن في كشكول سوداني ولا هقدر أعبر عن شكري على الهدية القيّمة .. ومن هنا لسنين قدام ما بوصل إمتناني للدعم اللقيته من بلاك 💙🥺..

" HOW TO ROLL A BLUNT "

West coast in western Sudan😂♥️


لما تمشي امريكا بالسمك و صحبك يعزمك حفلة 😂😂😂😂

لاني أخاف من نسيانك

أخاف جدًا أن أنساك، أن تصبحي عابرة ك لحظة، أُقاتل من أجل أن أشعر بشيء تجاهك، حتى لو كان ألمًا أو خوفًا، لا أُريد أن تمضي السنوات بعد رحيلك، أُريدها أن تظل عالقة حتى تعود في ذاكرتي
لا أرغب بنسيانك ، ولا أستطيع تخيل فكرة محو وجهكي ، وتفاصيلك الصغيرة
أُقسم لك يا حبيبتي أنني لا أخافُ من شيء تجاهك عدا النسيان 💔.
لا تجعليني اغادر 💔.
لا مُشكلة إن رحلت من جانبي، لكن لا أُريد رحيلك من ذاكرتي، أُريدكي أن تلبثي طويلًا فيها، أن تبقى في داخلي أعوامًا مديدة، فكرة نسيانك قاتلة جدًا
فأنا أنسى فقط كُل من ينساني ، ولا أرغب بعيش هذا الشعور أبدًا معك...