‏اسوء شخصية ممكن تقابلها البيشوف نفسه فوق مستوى الغلط وشايف نفسه دائما صح ومبدأ الاعتذار عنده معدوم مهما يغلط فيك عنده مبرر لكل حاجة ويطلعك انت الغلطان فى النهايه وينتظرك تعتذر ليهو
الشخصيات دى مرهقه جدا نفسيا والعتاب معاهم تضيع وقت بس

I see myself as being someone who can make a major impact in the world, And I just want to see who much of a foodprint I can leave on earth before I leave.

#MUHAMMED_ALFATIH

#مريوميات...

عندي واحده صحبتي شديد من زمن المدرسة
ما لميت فيها تاني ، إسمها ( ملاذ) ....

زولة شفتة خلاص ، وطيبة ورقيقة .. مع بعض
تقول اخوات... مع أنها قارفاني بمشاكلها...

هي اصلاً من كسلا كانت ساكنة مع عمتها
عشان المدرسة
وكده وانا كنت وقتها برضو قاعدة مع عمي ...
تقريباً قربتنا ظروفنا المتشابهه وبُعدنا عن اهلنا..

ياخ البت دي لمن تضحك قلبي برقص عديل
والله..!
دايماً جابرة خاطري ، طبعاً هي عاملة فيها (قايل
الفراق بفرق) اي والله حاسمة امورها مع ناس
البيت اشتقتوني تعالو ... الظريف امها كل ما
تعدي فترة بتجيب معاها اخوانا الصغار
وبجوها.... وانا اشوف لي بلد عشان حركات
ملوزة ( بتحسسني اني ابنة بالتبني😂)..

وقت الفطور بتجي تفتش الشنط تشوف جايبين
شنو .. يوم يكون فطورها ما عاجبها بتقول لينا
إلا نعمل فطورنا فتة ...!
(كل انواع النكهات في طبق واحد )
مع مرور الزمن بقت تستلم الفطور قبل حصة
الصباح...!!
وأول ما يضرب جرس الفطور ، بتبدأ في إعداد
الوليمة في الكنبة الاولى... طعمية ، اسود ، بطاطس ، طحنية ،
مربى.... وكلو في طبق واحد ( كيس واحد ان
صح التعبير)... لمن بقينا نجيب معانا صحن
الفطور ( كيس متين 😂)...

في البداية لم تلقى ترحيباً وسط جمهور الكنبة
حقتنا .. كنا انا وهي وشيماء بت عمي.. ودي
زولة هادية شديد ممكن لو مشت معاك مكان
عادي تنساها....!
بعد زمن كدة كلهم بدو يتلمو وياكلوا معانا...!
اكتسبنا شعبية في الفصل أ وبقينا بارزين ..
وقت الفطور بتلمو علينا يشوفو الوصفة
الجديدة شنو ...😂

طبعاً اهم حاجة كانت شيبس بركة...
(الهيروين)..

كنا بنقعد نتسول في ممر الكافية عشان
نلم قروش نشتري😂..
( ملاذ تحلف تقول إلا نمسح تراب في
وشنا عشان يحنو علينا😂)..
كل المدرسة بتعرفنا (الشحاتين 🌚)...
مرات يجينا كيس شيبس طاير بدون
شحدة 😂 ..
في الوقت الانا ببكي فية عشان نسيت
قلمي .. (في الحقيقة كنت كل ما أستاء أو
أشتاق لأمي اي سبب بنفقع بكى، الغربة حارة والله )..
هي بتكون جرت بيتهم ( بيت عمتها قريب
شديد للمدرسة ) وجابت لي قلم♥️ ... انطمي
خلاص ما تقرفينا جبت ليك قلم ..، هي لكن
عارفة اموري السخيفة دي 😂...
لم تمرض(وهي لا عيانه ولا شيء) ، الله يقدرنا
ما نمشي ليها..!
ذكريات حلوة ومُرة عشناها مع بعض ولي بعض
عملنا كل الممكن ومرات كمان الما ممكن زاتو..!

آخر يوم بكينا كأننا شفع صغار ، كأننا فاقدين
أم ولا أبو..
ما بتذكر اني حزنت ع فراق زول زي فراقها،
والأحزني اكتر اننا انقطعنا وما قدرنا نتواصل
وم بعرف عنها حاجة ، أذا كانت متذكراني ولا
نسيتني.... بس في البال علطول ..
الغريب في الموضوع ، اني عرفت صديقة تانية
بتشبهها في الملامح مبالغة ، لدرجة صوتها
نفسة..!
تقريبا كل الناس الحبيتهم شديد واتعلقت بيهم،
وهم اتقبلوني بكل عقدي ، الحياة اضطرتنا
نبعد .. حكمة ربنا ..
بس ذكراهم عالقة ، والقلب بتمنى لو يرجعوا
لحظة زمن ويختفوا ....

#مريم_محمد

تائهة بلا وجهة ولا عنوان أتخبط بالمارة علني اشبّهك فيطمئن فؤادي لملامح تشبهك ولو
قليلاً ،اطوف طويلاً بطرقات غيابك .. وأرتمي
بين يدي الفراق نهاية الأمر ..
أكان الأبد سريعاً هكذا ، ام إنه مجرد كذبة
أخترعها المحبين السُذج؟

أكتب إليك ما لم تستطع مذكراتي ان تحتمله
من ثرثرة..
أذكر يوماً أنك حاولت مراراً إستمالة شفتاي
إبتسامة ولكني كنت عازمة على اصطناع
تكشيرة جدية ، رغم أن قلبي يتراقص طرباً
سعيداً بك ، مُدعياً الحزن ان كنت ستوليه
إهتمامك ... ولكن مصير الأشياء المستعارة
أن تعود لأصحابها ليتني تيقنت حينها ما كنت لأتوهم ..
ومنذ ذاك اليوم م عدت أحزن لشيء ، أقابل كل
ألم وكسر بإبتسامة ساخرة ، انطبعت على ملامحي
مع الايام ، صارت الشاهد على كل هزائمي .. التي
كسبتها كلها ...
لم أعد أولي حزني إهتماماً ، حتى هو ما عاد يتربص بي ، يتركني لذكرياتي السعيدة .. وكأنه
يعاقبني لإستغنائي عنه ،أصبحت سعيدة بائسة..!

لا تحرقي المراحل عزيزتي ، لا تستعجلي زوجاً ومطبخاً وعائلة ،
إدرسي ، تعلمي شيئاً جديداً كل يوم ، اشعري
بالحياة وتنفسي حرية ...
لا تنقعي حياتك ، حينها ستمضين عمراً منقوعةً
في الغسيل كما الندم ...
عيشي تفاصيل حياتك ، ستنالين كل شيء لاحقاً.

#جبل_العمده
#ابوجبيهه

مهدئ الأعصاب ..

ياااااة ما أجمل العودة
برونو فرنانديز ♥️♥️

شكراً #قطوف 💙💙

ها انا من جديد ، أكتبك...
أتخلص من بقاياك العالقة بذاكرتي.. اتحرر منها ..
أنا التي أؤمن تماما ان الكتابة عن الفراق نفاق ، نحن من أختلق الفراق لأسباب قد لا يشوبها من المنطق شائبة ،ونحن من نشكو من أفعالة...

أن أكتبك هذا يعني أنني اتحرر من سطوة حبي لك ، وأجردك من إستحقاق مشاعري، أنتشل نفسي من إنتظارك، إنتظار ان تتكرّم علي بلقاء... وتجود على قلبي بفتات مشاعرك ليقتات عليها...
أتركك للورق للحبر ، ما عدت تعنيني ولا يشكل وجودك او عدمة فارقاً ..
إني أسلط عليك وحش الكتابة ليلتهمك مرة واحدة..ليخلصني من أشباح الفقد التي لا يطيبُ لها النسيان...
أنساك...!
ان انساك يعني ان أنسى كل لحظة أحببت نفسي فيها بسببك ، مع ذلك انا أتنازل عن حقي في الذكريات ان كان النسيان يجود علي ،
ببقايا كرامة .. !

#مريم_محمد

قرر الحاكم إصلاح الزراعة
عين الثور مديراً للإذاعة

قفزة نوعية في الاقتصاد
أصبحت بلدتنا الأولى
بتصدير الجراد
وبإنتاج المجاعة !

_احمد مطر

بسكويتة في شاي لبن😂😂😂

‏" كان يعيشُ في بلدٍ لم يكن بالإمكان فيه فعل شيءٍ آخر سوى الإستمرار بالمشي، والإستمرار بالتيه "

‏_كافكا

‏مستقبلك بيدك انت ما بيد الظروف ولا غيروا انت الوحيد المسؤول عنّو وعن تحقيق أهدافك عشان تصل للغاية الأسمى اللي هي إنك تكون فخور بنفسك وراضي عنها تماماً وإنك كفيت ووفيت وما كليت ولا مليت انجز على قدر ما ربنا أداك من قوة وصدقني ربنا بجزيك حقك كامل

• آخر صديقة لي كانت منقبة ، خلال وجودها في حياتي غيرت مفهومي للصفات البتمناها في الطرف الثاني بصورة جذرية .
شريكة حياتي ما بالضروري تكون منقبة لكن الأفضل إنها تكون مثفة في الدين و ملمة بالقدر الكافي من السنة النبوية و حافظة لكل أو لجزء من كتاب الله تعالي عشان حا أطلب منها تحفظني ❤️❤️.

أنا ميال للمرأة الطموحة العندها أحلام و أهداف هي ساعية في تحقيقها ، لأني ما حا اتزوج وحدة عشان تكون سجينة 4 جدران . بحب المرأة الشخصيتها قوية و بتفرض نفسها بقوة وسط مجتمعها سواء كان مجتمع الشغل أو الدراسة و حتي داخل الأسرة.

بتجذبني المرأة الحدودها واضحة و مبادئها لا تمس🙅🏽‍♀ ، المرأة البتقدم تنازلت مدروسة و عقلانية لأستمرار العلاقة ما مجرد تنازلات بدفع الحب و العشرة .
و #أخيراً تتفهم عملي و بيئتة سواء مع نسوان أو اخرين ، و إنها ما تتدخل أبدا في النقاشات الخارج نطاق علاقتنا البتجمعنا ، و إنها ما تدخل طرف ثالث في حل اي خلاف حيقع بينا✨.


- أيوة قد تكون لستة طويلة وعريضة لكن دي (من)
الصفات البفضل تواجدها في شريكتي .. وفي النهاية كلنا بشر و الكمال لله ( ليس كل مايتمناها المرء يدركة) .. و الحاجة الأنا واثقة منها إنو ربنا أكيد مابخيب ظني و شريكتي حتكون الأفضل 🌼✨.


#MUHAMMED_ALFATIH

مشاركة من كاتب اليوميات الظابطة (Black) كان نزلت ليكم مرة رابط قناتو فوق.

شكرا جداً لمشاركتك، أسعدتني
وربنا يرزقك كمان ب الأفضل كما تشاء. 💙

#رأس_السنة_الهجرية

‏عسى بداياتكم كلها خير 🌙 ✨

‏ واحد مشى يتقدم لواحدة HR أول ما قعد معاها قالت ليهو انت عايز تتزوجني ليه ؟