بدايةً انا م كنت بحب اقرا حاجة اسمها روايات ولا اي حاجة .
محمد كان ادمن في قناة ترامدول رويات كان بنشر روايات وانا كنتا م بقراهم بس يوم اصر علي انا اقرا رواية وكانت رواية #بنات_الزمن_دا
قريت منها حلقتين ومن كتر م عجبتني خليتو يحولا لي كاملة وحولا بعد تحانيس وزلة ومحادثتي معاهو في الواتس تشهد بـ ذالك💦
بعدها شوية شوية بقت احب اقرا روايات. في الفترة ديك محمد قرر يعمل ليهو قناة حقت روايات قام عملا واضافني ادمن معاو والقناة كانت ماشة زي الفل و ف فترة وجيزة الاعضاء حقنها وصلو 300 وحاجة لحدي م جا اليوم اللي محمد ل يوم الليلة كارهو ودا كان يوم 1/3 الفات دا بلا وعي قام حذف القناة لاسباب 😬وكان بادي ف رواية و م خلصا فـ قمتا انا عملت قناة تانية اللي هي عامل ليها اعادة توجيه دي وبقيت بفتش ل اعضاء وتعب عناء القناة وصلت لعدد القناة الاولي نشرتها فيا زي 3 روايات تاني محمد رجع واستلم القناة وبقي هو البنشر فيها وبقت حقتو لانو هو صاحب الفكرة ف الاول 😹😹 تقول عملنا الفيسبوك بس 😂😂💔
ولحدي اللحظة ياهو مستمرين وعايش والحمد لله والسلام ❤️😁

اليومية الجاية مفڪر أڪتب عن أول قناة مشترڪة أنشئتها مع صديق و ڪيف إننا ڪنا طموحين في إننا نوصلها للالف مشترك و باقي القنوات العملناها 😂😂...

أڪتب عنهم ولا أڪسر الحنك .؟

ما عيب إنو الواحد يدرك غلطة ويرجع يعتذر ، أكثر حاجة كانت مؤرقاني الشهور المضت إني قطعت التواصل مع كل الحولي من أصحابي المقربين ، معارفي ، زملاء الدراسة و حتي الأهل لاسباب و بدون أسباب ، حتي أسبابي ما كانت مبررة لتصرفاتي الطائشة دي .
بعدها بي مدة حسيت بحجم المشكلة الانا خلقتها ومفروض ارجع أصححها بس كبريائي كان مغرور شديد 💔💔.

الحمدلله حالياً ممكن اقول إني اتجاوزت الموقف دا و إتصلت علي كل جهات إتصالي دون إستثناء و الأرقام الحذفتها إتصلت لبعض الاصحاب شلتها منهم و ضربت لاصحاب الارقام دي ✅..

أغلبيتهم ما ردو علي و أنا متفهم موقف كل واحد فيهم و أبداً ما بلوم زول غير نفسي ؛ لأني السبب في كل السؤء و الفجوة الحاصلة دي .. الردو منهم علي مكالماتي أبداً ما لاموني أو حسسوني بحجم غلطي .. بل إتقبلوا الموضوع بصدر رحب و طلبت منهم العفو والعافيه في نهاية المكالمة ...

ياااااة شعور غريب و مريح في نفس الوقت 🌻✨.

ضمن مكالماتي دي إتصلت علي ال (EX) و لما قلت ليها أنا عايز اكمل قرايتـي ما عايز أعرس ردت علي ..

ما عايز تعرس .! مالك صغير ولا لسة ما لميت لك قروش ، يا زول ما حنك بجازفها لك من مصروفي الجامعي😂😂😂

السر وراء صورة البروفايل شنو ؟

مجموعة من الشباب و الشابات رافعين علم السودان و متمسكين بيو بشدة ..
برغم سوء الادارة و الأوضاع الصعبة و الطاحنة في بلدنا إلا و إنو سودانا دا غالي علينا شديد ..
ونحن بإمكانا نغير السودان للأفضل لما نتكاتف مع بعض في سبيل إننا نطلع من الازمات الحاصلة دي بنفسنا دون طرف ثالث خارجي و نرضي بالواقع و أبدا ما نتسرع في إننا نلحق الدول الثانية ...
ما نبدا نقارن بلدنا بي البلدان الثاني لأنو الأوضاع مختلفة كلياً ..
ما يكون مجرد طموحنا إنو نلقي بيئة جاهزة عشان تحتضن طموحنا ، نحن البنصنع و البنخلق الجو المناسب لينا ..

و ذي ما نحن كنا دائما الاوائل و السباقين في الريادة ، مافي مانع إننا نرجع لمكانا الأول ..
كل فرد عارف مدي صعوبة البيئة هنا و إنها أبدا ما خصبة لبناء و تطوير المشاريع الشابة ، فا زي ما قلت سابقاً افكارنا هي حصاد أجيال المستقبل و بدل ما يستفيدو منها الأخرين نستفيد منها نحن بتمسكنا بيها و اخراجها لارض الواقع ..
ما تنتظر الزمن المناسب عشان تبدع ، اخلق البيئة الانت شايفها مناسبة لابداعك و أبدا من هسي و ما تنتظر باكر ...

صحبي أسمو همزة مسجل إسمو كدا (ء)
لما عرف حظرني😐😐.

ياااااة رجعت تاني بعد طول غياب ♥️♥️...

أول قناة مشترڪة .. اخدو فيها جولة و إنتظرو اليوميـة

ياااااة حاجة جميلة إنو تطبيق MUSICMATCH أضافوا ليه كلمات لبعض الأغاني السودانية الكلاسيكية ♥️🎼

الزول ده بكتب يوميات بطريقة ظريفة، تعالو شوفوها واحكمو براكم ♥️👇:

https://www.tg-me.com/MuDailies

#she 💓
‏عايزة اتزوج
عشان لمن راجلي يجي من الشغل صاري وشو اركب ف السرير فوووق واقول ليه اما بعد

راجلي الراسطه الممسح بالباسطه سان السان واخو الاخوان راجلي الشفت الممسسح بالزفت راجلي الكفو

اتفضل البيت بيتك والدار دارك خش يمنعنع يجميل خش ي الغالي ي الصاري طوالي😂❤❤❤❤❤

#Me
وأنا أرد ليها
مرتي الرزينة السمحة وفي ضيقي حنينة.
الحضن الدافئ والدواء الشافي.
الحب الكافي والزيو مافي.
و ادخلي كم مقطع راب كدا
You're my inspiration
You're my motivation
You're the reason that I'm moving it with no hesitation😍
والسلام عليكم ورحمة الله تعالى وبركاته ✋🏽.

عيد سعيد تقبل الله منكم كل صالحة وخصكم بعظيم الأجر ..
‏تقبّل الله منّا ومنكم♥️

من حيث انا ، من القاع "كان ليكون رائعاً لو
انه قاع الهامور😅" ... من أبعد نقطة في
مدينتي حيث كل شيء واللا شيء يحيط
بي ، صمت وضجيج ... وسكون وعاصفة..!
هنا حيث نرتعب لو هبت نسمة هواء باردة
وجميلة خوفاً من إنقطاع محتوم لتيار
الكهرباء
لبقية اليوم ، حيث عليك حينها أن تقف في
أعلى قمة في منزلك لإجراء مكالمة هاتفية ،
لتثرثر خالتك مع الوالدة المحبة لساعات ..!
هاضمة بها كل ذرة قرش من رصيد
زين او سوداني كان - "
اشك انهن يتواطئن مع شركات الاتصال على
هذة الفعلة الشنيعة😂"... - تاركة أياك تتذوق
طعم المر بكل قسوة😅💔.
هنا حيث كل أشكال الحياة ... حيث الرفاهية
والترف بغسل الأواني طوال اليوم بلا توقف.!
😂😂😂😂😅
المهم خليكم من الفارغة دي انا اشتقتكم جداً
جداً جداً ♥️ .

#مريم_محمد

#مريوميات.. من البلد💙

قاليك مرت المبروك مرضت ودوها دكتور
الحله قال عندها ألتهاب زايدة
، ونصحها تعمل عملية ..
لكن هي حلفت وجزمت كان توافق..
المهم رغم كل محاولات التملص ما في
فايدة ..
المبروك قال إلا يوديها المستشفى..
اها جاب بوكسيهو وقفو وكلم امها وناس
بيتو ..

الشفع تقول فكوهم بي نبلة ما فضل
شافع ساي حايم كلهم كنكشو في
البوكسي ( تقول نمل سكر في كباية 😅 )
ما شاء الله كترت شفع تبارك الله ..
زمان نحن كان سمعنا صوت عربية ساي
بنقوم بالين " جاريين😂😂" ..
لما اعزف عن شراب اللبن ، امي ولا بتلعب
بتنادي لي خالي ...
يجيب العربية عشان نمشي الدكتور
للحقنة😱
قبل ما يجي بلقاني كتحت الكباية كلها😂
من الغباء العلي ما بفكر 😂

اها وقت قاموا مارقين الحاج ود ابراهيم
جر ليه عود وشحطهم خلاهم يتوحوحو 🏌️‍♂️

ما فضل ولا نص شافع قريب .. وقفو بعيد
وعيونهم تلمع، إلا بخيته بت أحمد حلفت
ما بتخلي بنيتها وراها ما عندها غيرها!!
(عاد ما في شافع بطلع بره الحله إلا كان
عيان ودكتور الحله غلبتو الحيلة في علاجو
في الحاله دي بيودهو المستشفى وبالمرة
بشوف العربات الكتار🌚).
ااااايمه زمان في مرض هو !!
الواحد تلقى زي المكوى من الحمى، بس
قايم وحايم في شغلتو وماكل وشارب ...
لكن البغلبو الاكل دا خلاص بعد كده يجرب
العلاج البلدي ....وكان ما نفع بعداك يشوف
الدكتور ..
إلا الواحد يغمر ويبكو عليه
حتى يدبرو ليه طريقة علاج😂...
(كترت العلاجات بتتعب الجسم 🌚 )..
ها يمه ها ويني العلاجات ..
لكن بعد كل ده ما شاء الله صحتهم
فل وشايفين شغلهم ..

المهم زمن عرس التاج ود احمد ، حاج
عبد الله مرض مرض شديد ، إلا جابو ليه
قزازة بيبسي حتى شويه ارتاح😅.
كمان البيبسي ده إلا للزول العندو وجع
بطن والفريق كله بشرب معاه 😂 ...
والشفع من جمبه ما بزحو يتنعموا في
جاهو عصاير ومدايد طول اليوم....!
اها المبروكه مرت المبروك ساقوها
بالعربية ..
الفريق كله مشى ما فضل غير الشفع
وشوية نسوان ..، الرجال ديل للواجب
ما بتأخروا، كمان المبروك بستاهل ...
المبروكة بعد دخلت على الدكتور وأكد
ليها التشخيص وقال قوله...!
زولتكم نطرت عويناتها...
وقالت كده عملت فيها أشد زول ،
وحلفت شيطان ابوها ؛ كان يفتحو
بطنها.😂..
مشو يجيبو الادوية لقوها منتظراهم
بره في العربية 😂 .
ي زوله انتي عندك عمليه، عملية شنو اا
ناس ...
(امانه المبروكه ما استاذة ومتعلمة زي
المبروك)..
دي ما اعراض زايدة ، بكون من الأكل...
المهم رجعوها بي ي لطيف للدكتور
يكتب ليها علاج !
الدكتور : اها ي زوله انتي كويسه ..
المبروكه : أشد منك انا والله ..
الدكتور : هسى بتقدري تاكلي .
المبروكه : لو جبت لي تور باكله ..
خوفه بس ، خلتها تقوم زي الحصان 😅..
رجعوها البيت ومحنانين في حالها ..
بس حاربت ببساله واتشجعت وصبرت .
اها تاني تعبت ودوها المبروك حلف
كان يتراجع المره دي ..
بس برضو شوية ادوية ورجعو بخفي
حنين..😂😂

#مريم_محمد
#يتبع ... 🔽

المبروك 😃!!

القَبول ..
الشعور الوحيد الذي يجعلك تركض سنينًا خلف أشياء مُسمياتها مُبهمة بالنسبة لعقلك.. الشعور الوحيد الذي يجلب الآمان والوَنس،
أؤمن أن الآمان والأُنس بشخصٍ ما لا يأتي هكذا عبثي، دائمًا مَصحوب بقبول.. أن يُحبك أحدهم بما انت عليه.. -يتقبّلك- فَيمنحك مساحاتٍ هائلةٍ من الآمان والحرية لئن تكون انت.. بطبيعتك دون ادنى مجهودٍ منك في إخفاء جزءّ بك، أن يكون ملاذك الوحيد حيث تضل من نفسك، أن تعرف كيف تَبثهُ ما تريد وقتما تشاء لأنك تعلم أنه لَن يساء فهمك، وهو يعلم خبيئتك وما انت عليه فعلًا..
جَل ما يُريده المرء هو الشعور بأنه مرغوبٌ فيه حتى في اسوأ حالاته، ما نطمع به أن جميعنا أن نحظى بشحصٍ واحدٍ فقط نستطيع برفقتهِ أن نكون نحن، حقيقيون..
آمان المرء أن يعرف أنه محبوبٌ مقبول
فَيهدأ، ويزول عنه الارتباك ، فيصبح أكثر اتّزانًا، واثقًا من خُطاه .. لا يَهاب شيئًا!
يَظهر فجأةً منه إنسانًا آخرًا أكثر شجاعة وسلام!

إننا دون القبول والآمان ثِقال.. أقرب للوَحشة والاكتئاب والموت.. وبهم أقوياء نهزم الدنيا بقوّتهم دون أن يجرؤ أحد على الوقوف أمامنا.
#هدير_علاء

في الحقيقة انا متسامحة شديد مع اي حد
بيغلط فيني سوا بقصد ولا لا، زعلتني باخد
وقتي اللي احتمال ما يتعدى خمس دقايق
، برجع وبكون احلى من اول كمان ..!
ضحكت واتريقت وضحكت فيني غيرك ،
برضو تحلى الدنيا لما نضحك، بضحك
وكأني ما انا ..
تتجاهلني براحتك ي معلم ، ترجع تهتم
بمكانتي عندك اشيلك على رمش العين..

بحاول دايما ادي كل الفرص الممكنة
قدر ما اقدر بخت اعذار ..
بس كمان اي حاجة بتصل الحد ، وأول
ما توصل معاي آخري بفصلا منك ، ولا
كأنك كنت الوحيد/ة اللي بفتش لي
مواضيع وأفضل ازن ليك كانو ما في
غيرك وبنسى كل شيء وبرجع متسامحة
تاني بس مع غيرك..!