🇩🇪 Германия мажбурий ҳарбий хизматни қайта жорий этиш вариантларини кўриб чиқмоқда — Welt am Sonntag

Газета бу ҳақда ишлаб чиқилган таклифлар лойиҳасига таяниб ёзмоқда.

Аниқлик киритилишича, Германия Мудофаа вазирлиги экспертлари фавқулодда вазиятларда кўнгиллилар ёрдамида ҳарбий хизматчилар сонини кўпайтириш иложсизлигини билдиришган. Шу сабабли мамлакат Мудофаа вазирлиги раҳбари Борис Писториус Германияда мажбурий ҳарбий хизматни жорий қилиш фикрини илгари сурмоқда.

🔥 @burchakostida

🇨🇿🇺🇦🇷🇺 Украина 1991 йилги чегараларига ета олмаслиги мумкин — Чехия президенти Петр Павел

"Украина яқин келажакда ўзининг халқаро тан олинган чегаралари доирасидаги бутун ҳудудини қайтариб олиши даргумон. Ҳозирда украиналиклар бундай натижага эришиб бўлмаслигини тан олишмоқда", — дея фикр билдирди Павел Die Presse газетасига берган интервьюсида.

🔥 @burchakostida

🇬🇧🇺🇦 Лондон Киевга "тарихдаги энг йирик" ҳарбий ёрдам пакетини топширди

Бу ҳақда Буюк Британия Мудофаа вазирлиги хабар берди.

Ҳарбий ёрдам пакетига Киевнинг ҳарбий эҳтиёжлари учун 500 миллион фунт стерлинг маблағ ажратилган. Шунингдек, ўқ-дорилар ва ҳарбий техникалар: турли қуроллар учун 4 миллион ўқ-дори, 1600 дан ортиқ ракеталар, шунингдек, 400 та ҳарбий транспорт, жумладан, 160 та Husky зирҳли техникаси киради.

🔥 @burchakostida

🇹🇷 Туркияда ТikTok оилавий қадриятларга таъсир қилгани учун блокланиши мумкин

Бу ҳақда Туркия парламентининг Рақамли оммавий ахборот воситалари комиссияси раҳбари Ҳусайн Яйман NТV телеканали эфирида айтиб ўтди.

Ижтимоий тармоқниннг блокланиш эҳтимоли унинг Туркияда оилавий қадриятларга салбий таъсири билан боғлиқ.

"ТikTok АҚШда тақиқланган, биз бу тақиқга қаршимиз, аммо Туркияда вазият қонунчилик томонидан тақиқланиш даражасига етиши мумкин", — дея огоҳлантирди Яйман.

Бундан ташқари, у Х ижтимоий тармоғини юзага келган қарама-қаршиликларни бартараф этиш учун Туркияга ўз вакилини юборишга чақирди. Шунингдек, Туркиянинг сиёсий ҳаётига салбий таъсир кўрсатадиган “троллар” хавфи ҳақида гапирди.

🔥 @burchakostida

🇺🇸🇮🇱 Байден Ғазо секторида ўт очишни тўхтатиш шартларини айтди

АҚШ президенти Жо Байден Вашингтон штатидаги сайловолди ташвиқоти чоғида, агар ҲАМАС гаровга олинган исроилликларни озод қилса, эртаси куниёқ сулҳга эришиш мумкинлигини маълум қилган.

Бир кун аввал The Washington Post газетаси АҚШ ҳукумати Исроилга миллионга яқин фаластинликлар жойлашган Рафаҳдаги кенг кўламли операциядан воз кечишни таклиф қилгани ҳақида хабар берган эди. Оқ уй бунинг эвазига Исроилга ҲАМАС ҳаракати етакчиларини топишда ёрдам таклиф қилди, шунингдек, Ғазо секторида ҲАМАС томонидан фойдаланиладиган туннеллар хариталарини тақдим этишга ваъда берган.

🔥 @burchakostida

🇬🇹 Гватемалада Сантьягито вулқони ҳаракатга келди, маҳаллий ҳокимият вакиллари ҳозирча ҳудуд яқинидаги аҳоли эвакуация қилиниши ҳақида эълон қилгани йўқ — маҳаллий ОАВ.

🔥 @burchakostida

🇷🇺🇰🇵🇺🇦 Россия томонидан фойдаланилган КХДРнинг КN-23 ракеталарининг қарийб ярми йўналишидан четга чиқиб, ҳавода портлаган

Бу ҳақда Reuters агентлиги Украина Бош прокурори Андрей Костинга таяниб хабар бермоқда.

Умуман олганда, Россия армияси Украина бўйлаб 50 га яқин шундай турдаги ракеталарни учирган.

🔥 @burchakostida

🇬🇪 Тбилисида 100 мингдан ортиқ одам “хорижий агентлар” ҳақидаги қонунга қарши намойишга чиқди

Акция иштирокчилари 11 май оқшомида бешта нуқтадан Тбилисининг тарихий марказида жойлашган Европа майдонига йўл олди. Дастлабки ҳисоб-китобларга кўра, акцияда 100 мингдан 200 минггача одам иштирок этган.

Ҳукмрон “Грузия орзуси” партиясининг парламентдаги фракцияси етакчиси Мамука Мдинарадзе “Imedi” телеканалида, ўзининг ҳисоб-китобларига кўра, “митингга ҳатто 20 минг киши ҳам келмаганини” айтди. Мдинарадзе Европа майдонининг ўлчамидан келиб чиқиб шундай фикр билдирган. Шу билан бирга, намойишдан олинган кадрлар намойишчилар нафақат майдонни, балки унга туташ кўчаларни ҳам эгаллаб олганини кўриш мумкин.

Митингда грузиялик фаоллар ва мусиқачилар сўзга чиқди. Намойишчиларни президент Саломе Зурабишвили қўллаб-қувватлади. "Бу халқнинг иродасини ҳеч нарса ва ҳеч ким тўхтата олмайди", деб ёзди у Х ижтимоий тармоғида.

Мухолифат 12 май куни Грузия парламенти биноси яқинида бўлиб ўтадиган янги митингни эълон қилди ва у тун бўйи давом этади. 13 май куни эрталаб парламентда йиғилиш бўлиб ўтиши режалаштирилган, унда депутатлар “хорижий агентлар” тўғрисидаги қонун лойиҳасини яна кўриб чиқадилар, деб ёзади Formula телеканали.

Маълумот ўрнида, Грузия парламентида “чет эл таъсирининг шаффофлиги” тўғрисидаги қонун лойиҳаси кўриб чиқилаётгани фонида норозилик намойишлари 20 кундан ортиқ вақтдан бери давом этмоқда. Хавфсизлик кучлари намойишчиларни тарқатиш учун бир неча бор қалампир гази, сув пуркагичлар ва резина ўқлардан фойдаланган. Ўтган ҳафтада Тбилисида яшовчи бир неча фаол номаълум кимсалар томонидан калтаклангани ҳақида хабар берган эди.

🔥 @burchakostida

🇩🇪🇷🇺 DPA агентлиги буюртмаси бўйича YouGov жамоатчилик фикрини ўрганиш институти томонидан ўтказилган сўровнома натижаларига кўра, Ғарб сиёсатчилари Россиянинг яқин келажакда НАТОга ҳужум қилиши мумкинлигини даъво қилаётганларига қарамай, Германия аҳолиси бунинг амалга ошиш даргумон деб ҳисоблайди.

Тадқиқот натижаларига кўра, респондентларнинг 48 фоизи 2030 йилгача Россиянинг НАТОга ҳужумини эҳтимолдан йироқ ёки тўғрироғи содир бўлмайдиган сценарий деб ҳисоблашини айтган. Шу билан бирга, 36% бу ҳужум эҳтимоли мавжуд дея фикр билдирган бўлса, 15% бу саволга жавоб беришга қийналган.

🔥 @burchakostida

🇷🇺 Белгороддаги ўн қаватли бинода портлаш юз берди

Бу шаҳарда ҳаво ҳужуми ҳақида огоҳлантириш ва ҳаво ҳужумидан мудофаа операциялари ҳақида хабар берилгандан сўнг содир бўлган.

"Украина қуролли кучлари ҳужуми натижасида 19 киши жароҳатланган, уларнинг иккитаси болалардир", — дея маълум қилди губернатор Гладков.

Ҳозирда маҳсус ҳизматлар томонидан эвакуция операцияси тугатилган ва бино ичида қолиб кетган бўлиши мумкин бўлган ўн кишини қидирув ишлари давом этмоқда.

🔥 @burchakostida

🇷🇺 Санкт-Петербургдаги дарёга қулаган автобус ҳайдовчиси икки ойга ҳибсга олинди

Санкт-Петербургдаги Октябр райони суди 10 май куни Мойка дарёсига тушиб кетган автобус ҳайдовчиси Раҳматшоҳ Қурбоновни 9 июлга қадар ҳибсга олди. У эҳтиётсизлик оқибатида икки ёки ундан ортиқ одам ўлимига сабаб бўлган йўл ҳаракати қоидаларини бузишда айбланмоқда.

Қурбонов маҳаллий вақт билан эрталабки соат саккизларда йўналишга чиққан. Уч соат вақт ўтганидан кейин у автобус тормозидаги носозликни пайқаб қолган. Ҳайдовчининг айтишича, автобус дарҳол тўхтамаган — фақат қўшимча бир неча метр юрганидан кейин тўхтаган.

Тергов қўмитасининг маълум қилишича, автобус ҳайдовчисидан ташқари одамларни ташиш хизматини кўрсатган “Такси” МЧЖ автоколоннаси бошлиғи ушланган. Унинг шахси очиқланмаган.

"Лавозимига кўра, ушбу шахс меҳнат ва транспорт интизоми, жумладан, “Такси” МЧЖда ишловчи ҳайдовчиларнинг меҳнат ва дам олиш режимига риоя этилишини назорат қилишга масъул бўлган. Тергов маълумотларига кўра, дарёга қулаган автобус ҳайдовчиси бир неча кун мобайнида зарур дам олиш вақти берилмаган", — дейилади Тергов Қўмитаси пресс-релизида.

10 май куни кундузи Петербургда йўналишли автобус Поцелуев кўпригидан Мойка дарёсига қулаган, натижада етти киши ҳалок бўлганди. Тергов қўмитаси иккита жиноий иш қўзғатган: икки ёки ундан ортиқ шахснинг ўлимига сабаб бўлган йўл ҳаракати ёки транспорт воситаларидан фойдаланиш қоидаларини бузиш ҳақидаги модда (РФ ЖК 264-моддаси 5-қисми, максимал жазо — етти йилга озодликдан маҳрум этиш) ва хавфсизлик талабларига жавоб бермайдиган хизмат кўрсатиш ҳақидаги модда бўйича (РФ ЖК 238-моддаси 3-қисми, максимал жазоси — ўн йилга озодликдан маҳрум этиш) бўйича. Тергов доирасида автобус ҳайдовчиси икки йил муқаддам Россия фуқаролигини олган 44 ёшли тожикистонлик Раҳматшоҳ Қурбонов қўлга олинганди.

🔥 @burchakostida