🇺🇸🇬🇪 АҚШ Давлат котиби ўринбосари Жеймс О'Брайен Тбилисидаги матбуот анжуманида қабул қилинган “хорижий агентлар” тўғрисидаги қонун Европа Иттифоқи ва НАТО меъёрларига зид равишда ҳозирги шаклида қолса, Қўшма Штатлар кўп миллион долларлик ёрдам дастурларини қайта кўриб чиқишини айтди.

О'Брайен, шунингдек, намойишчиларга қарши репрессияга алоқадорларга ва Грузия ҳукумати қарши санкциялар қўлланилишидан огоҳлантирди.

АҚШ Давлат котиби ўринбосари Вашингтон Тбилисига ҳарбий, иқтисодий, давлат институтларини ривожлантириш соҳаларида кўп миллионлик ёрдам кўрсатаётганини эслатди.

"Ҳукмрон “Грузия орзуси” партияси бошчилигида Грузия ўз конституциясига Европа Иттифоқи ва НАТОга аъзо бўлиш мақсадларини қайд этган. Шунинг учун Тбилисининг Ғарбдаги ҳамкорлари томонидан Европа Иттифоқи ва НАТОнинг демократик стандартларига риоя қилишга чақирувлари ҳеч қандай мажбурлаш ёки мамлакат ишларига аралашиш эмас", — дея таъкидлади О'Брайен.

“Грузия орзуси” раҳбариятининг таъкидлашича, партия Европа интеграцияси ғоясига содиқ қолади, “Хорижий таъсирнинг шаффофлиги тўғрисидаги” қонун грузин муҳолифати ва европалик сиёсатчилар айтаётганидек Европа Иттифоқининг демократик тамойилларига зид эмас.

🔥 @burchakostida

🇺🇦🇷🇺 Украина ҳарбийлари Россиянинг Ка-52 Аlligator ҳужум вертолёти йўқ қилингани ҳақида хабар берди. Унинг қиймати тахминан 16 миллион долларни ташкил қилади.

🔥 @burchakostida

🇺🇸🇮🇱 АҚШ президенти Жо Байден маъмурияти Исроил ҳукумати билан Ғазо сектори жанубидаги Рафаҳдаги амалиётлар президентнинг миллий хавфсизлик бўйича маслаҳатчиси Жейк Салливаннинг Исроилга ташрифигача сезиларли даражада кенгайтирилмаслигига келишиб олди, деб хабар бермоқда Ахios нашри.

Ахios манбаларга таяниб хабар берганидек, Салливан Ғазо сектори жанубидаги Рафаҳдаги ҳарбий амалиётлар билан боғлиқ кескинлик ортиб бораётган бир шароитда, шу ҳафтанинг охирида Саудия Арабистони ва Исроилга ташриф буюришни режалаштирмоқда.

🔥 @burchakostida

🇺🇸🇨🇳 АҚШ Хитойдан электромобиллар ва бошқа товарларга божларни оширади

Хитойдан электромобиллар импорти учун божлар тўрт баравар - 25 фоиздан 100 фоизгача оширилади. Тарифларнинг ошиши Хитойдан 18 миллиард долларлик товарларга таъсир қилади. Вашингтон бу қарорини америкалик ишчилар ва компанияларни ХХРнинг “адолатсиз савдо амалиётидан” ҳимоя қилиш истаги билан изоҳлади.

"Хитой жаҳон бозорларини сунъий равишда арзон нархлардаги экспорт билан тўлдирмоқда", — дейилади Оқ уй баёнотида.

Хитойдан АҚШга импорт божлари қиммат бўладиган товарлар рўйхатига қуйидагилар киради: электр транспорт воситалари, литий-ион батареялари, қуёш панеллари, баъзи турдаги пўлат ва алюминий маҳсулотлари, асосий минераллар, кранлар ва баъзи тиббий маҳсулотлар.

🔥 @burchakostida

🇪🇺 Европа Иттифоқи миграция ислоҳоти бўйича қонунни тасдиқлади

Қонун бошпана бериш қоидаларини сезиларли даражада кучайтиришни назарда тутади ва Европа Иттифоқига ноқонуний иммиграцияни чеклаши кутилмоқда.

Ислоҳот нисбатан хавфсиз мамлакатлардан келган муҳожирлар учун қоидаларни кучайтиради, шунингдек, ҳужжатсиз муҳожирлар бошпана сўровлари кўриб чиқилаётганда жойлаштириладиган чегара марказларини яратишни талаб қилади. Мезонларга жавоб бермаганлар ҳозиргидан анча тезроқ депортация қилинади.

Германия Ички ишлар вазири Нэнси Фезернинг айтишича, таъқибдан қочган одамлар ҳали ҳам бошпана олишлари мумкин, бироқ ҳужжат “ҳимояга муҳтож бўлмаганлар” Германияга кела олмаслиги ёки уларнинг мамлакатдан тезроқ чиқариб юборилишини аниқ кўрсатиш учун қабул қилинган.

Қонун Европарламентга сайловлардан бир ой олдин қабул қилинди. Европа Иттифоқида муҳожирлар ва қочқинлар сонининг ортиб бораётгани, шунингдек, уларга бошпана берилиши сайлов кампаниясининг асосий мавзуларидан бири ҳисобланади.

Янги қоидалар Европа Иттифоқининг расмий журналида чоп этилганидан кейин кучга киради. Европа Иттифоқи давлатлари эса икки йил ичида миллий қонунчилигини унга мувофиқлаштиришга мажбур бўлади.

🔥 @burchakostida

🇺🇸🇺🇦 Bloomberg: АҚШ Украинага яна Patriot батареясини юбориши мумкин

Агентлик бу ҳақда режалардан хабардор манбаларга таяниб хабар бермоқда.

Вашингтон ва унинг иттифоқчилари Россиянинг тобора кучайиб бораётган ҳужумларини қайтариш учун Киевнинг қўшимча ҳаво мудофаа тизимларига бўлган эҳтиёжини қондиришга ҳаракат қилмоқда, деб ёзади агентлик.

Анонимликни сўраган манбаларга кўра, АҚШ битта Patriot батареяси билан бирга радарлар ҳам юбормоқчи. Шунингдек, Украинанинг Европадаги иттифоқчилари ҳам Киевга ўз захираларидан қўшимча ҳаво мудофаа тизимларини юбориш режалари устида ишламоқда.

Аввалроқ Германия Украинага яна бир Patriot тизимини тақдим этишга рози бўлганлиги хабар қилинган эди.

🔥 @burchakostida

🇮🇱 Исроиллик генераллар Бинямин Нетаняҳунинг уруш тугаганидан кейин Ғазо секторини бошқариш режасини ишлаб чиқмаганидан норозилигини билдирди

Бу ҳақда Исроил ҳарбийларига таяниб The New York Times газетаси хабар бермоқда.

Қайд этилишича, исроиллик ҳарбийлар анклавнинг шимолий қисмидаги айрим ҳудудларга “иккинчи ёки учинчи марта қайтиб, уларни “ҲАМАСдан” яна бир бор тозаламоқда. Расмийларга кўра, генераллар ва ҳарбий Вазирлар Маҳкамаси аъзолари Нетаньяхунинг Ғазони бошқариш учун ҲАМАС ҳаракатига муқобил вариант яратиш жараёнини ишлаб чиқа олмаганидан “айниқса ҳафсаласи пир бўлган”.

"Курашда одатда “тозалаш, ушлаб туриш ва қуриш” амалиётидан фойдаланилади, Исроил эса “тозалаш жараёнида қолиб кетган”. Бироқ расмийларнинг қайд этишича, Нетаньяхунинг Ғазодаги кампаниянинг якуний босқичлари ҳақида жиддий суҳбат қуришни истамагани ҲАМАСнинг аввалги жанглар бўлиб ўтган ҳудудларга қайтишини осонлаштирган", — деб ёзади газета.

🔥 @burchakostida

🇹🇷 Туркия Mиллий партияси етакчиси Девлет Баҳчели давлат тўнтаришига уриниш эҳтимоли ҳақида огоҳлантирганидан сўнг Ражаб Тоййиб Эрдўғон разведка ва Адлия вазирлиги раҳбарлари билан фавқулодда йиғилиш ўтказди — Sabah.

🔥 @burchakostida

🇺🇦🇪🇸🇵🇹 Володимир Зеленский фронтдаги оғир вазият туфайли Испанияга жума куни режалаштирилган ташрифини бекор қилди

Бу ҳақда EFE агентлиги дипломатик манбаларга таяниб хабар бермоқда.

Сафар доирасида Зеленский Испания қироли Филипп VI ва бош вазир Педро Санчес билан учрашиши ва хавфсизлик шартномасини имзолаши режалаштирилган эди. Бундан тааҳқари Украина президенти Португалияга ҳам ташриф буюриши керак эди.

🔥 @burchakostida

🇷🇺 Парвозлар хавфсизлигини таъминлаш мақсадида Қозон ва Нижнекамск аэропортларида вақтинчалик чекловлар жорий этилди — Росавиация.

🔥 @burchakostida

🇺🇦🇺🇸 Украина Олий Радаси депутатлари шу ҳафта АҚШ расмийларини Россия Федерацияси ҳудудига Америка қуроллари билан зарбалар беришга рухсат беришга ишонтириш учун Вашингтонга боришди — Politico

Нашрнинг ёзишича, украиналик депутатлар бу масалада Оқ уйга босим ўтказиш учун АҚШ Конгрессидан ёрдам олишга ҳаракат қилмоқда. Бироқ АҚШ президенти Жо Байден маъмурияти ҳозирча ўз позициясини ўзгартириш ниятида эмас.

🔥 @burchakostida

🇹🇷 Анқара прокуратураси ҳукуматга қарши эҳтимолий давлат тўнтариши уюштирилиши ҳақидаги хабарларни текширмоқда —Hurriyet.

🔥 @burchakostida

🇺🇸🇮🇱 АҚШ Исроилга 1 млрд долларлик қурол етказиб беришни режалаштирмоқда — The Wall Street Journal

АҚШ президенти Жо Байден маъмурияти 14 май, сешанба куни АҚШ Конгрессига Исроилга қиймати 1 миллиард доллардан ортиқ бўлган янги қурол-яроғ пакетини етказиб бериш нияти ҳақида маълум қилди, деб ёзади нашр маъмуриятнинг исмини ошкор этмаган ходимига таяниб.

Бу маълумотларга кўра, пакетга зирҳли техникалар учун 700 миллион доллар (647 миллион евро), бошқа ҳарбий техника учун яна 500 миллион доллар (462 миллион евро) ва миномётлар учун 60 миллион доллар (55 миллион евро) киритилиши мумкин. Тахминларга кўра, маъмурият аллақачон бундай етказиб беришни тасдиқлаш жараёнини бошлаган.

Ўз навбатида, CNN телеканали АҚШ Конгрессидаги аноним манбаларга таяниб хабар беришича, Оқ уй Исроилга қурол етказиб беришда янги келишувни тасдиқлаш бўйича узоқ жараённи эндигина бошламоқда. Ушбу маълумотларга кўра, Давлат департаменти Вакиллар палатаси ва Сенатнинг тегишли қўмиталари билан музокараларни бошлаган, аммо Конгресс бўлажак келишув ҳақида расман хабардор қилиниши керак бўлган аниқ муддат йўқ.

🔥 @burchakostida

🇪🇺🇪🇪🇬🇪 Грузия парламенти томонидан қабул қилинган “хорижий агентлар” тўғрисидаги қонун Европа Иттифоқининг санкцияларига ва мамлакат фуқаролари учун визасиз режимдан маҳрум бўлишига олиб келиши мумкин — Эстония ТИВ раҳбари Маргус Цахкна.

🔥 @burchakostida

🇷🇺 Татаристон осмони узра Москва вақти билан тахминан 7:30 да дрон уриб туширилди — Россия Мудофаа вазирлиги

Росавиация маълумотларига кўра, Қозон аэропорти фаолиятидаги чекловлар олиб ташланди, иккита самолёт муқобил аэродромларга йўналтирилган.

🔥 @burchakostida

🇷🇺 Кеча тунда 2 та дрон Ростов вилоятидаги ёқилғи омборига ҳужум қилди — вилоят раҳбари

Рахбарнинг сўзларига кўра, Пролетар туманидаги база ҳудудида иккита портлаш содир бўлган, бироқ ёқилғига зарар етмаган.

Россия Мудофаа вазирлиги ҳужум бўйича ҳисоботида Ростов вилоятини тилга олмаган. Департамент маълумотларига кўра, ҳаво ҳужумидан мудофаа воситалари Белгород вилояти узра 2 та HARM ракетаси, 2 та Hammer бомбаси, 2 та "Ольха" MLRS снарядлари ва 9 та дронни уриб туширган, Брянск ва Курск вилоятлари узра эса 8 та дрон ҳужуми қайтарилган.

🔥 @burchakostida

🇸🇪🇺🇦 Швеция ўз аскарларини Украинага юбориш ниятида эмас

Бироқ, агар шунга ўхшаш таклиф бошқа давлатлар томонидан муҳокама қилинса, бу масала кўриб чиқилади, деди мамлакат Мудофаа вазири Пол Жонсон.

"Тушунишимча, бу масалада (февралдаги Париж йиғилишида иштирок этган мамлакатлар ўртасида) консенсус йўқ эди. Ҳозир ҳам, бу борада аниқ таклифимиз йўқ. Агар у пайдо бўлса, биз буни кўриб чиқамиз", — дея таъкидлади у.

🔥 @burchakostida

🇪🇺🇮🇱 Европа Иттифоқининг ташқи ишлар бўйича вакили Жозеп Боррел чоршанба куни Исроилни Рафаҳдаги ҳарбий операциясини зудлик билан тўхтатишга чақирди

"Ушбу операция Ғазо секторида гуманитар ёрдамнинг тақсимланишига янада путур етказади ва ички кўчиш, очлик ва одамларнинг азобланишига олиб келади", — дея таъкидлади Европа Иттифоқи дипломатияси раҳбари Брюсселда эълон қилган баёнотида.

🔥 @burchakostida