🇺🇦🇷🇺 Харков учун жанг урушнинг натижаси учун ҳал қилувчи бурилиш нуқтаси бўлади — Politico

Газетанинг ёзишича, бу нафақат Киевнинг Украинанинг иккинчи йирик шаҳри Харков устидан назоратини давом эттираётгани, балки Ғарбнинг Украинани қўллаб-қувватлашга бўлган қатъиятини ҳам ифодалайди.

"Россия армиясининг Украина мудофаасини ёриб ўтишга уринишларининг кучайиши Кремлнинг Ғарб қуроллари Украинага етиб келгунига қадар имконият фойдаланиш истагидан далолат беради", деб ёзади Politico.

Журналистларнинг фикрига кўра, Россия армиясининг Харков йўналишидаги муваффақиятлари Европа сиёсатчиларининг Киевни Москва билан музокара олиб боришга мажбурлаш учун босимини ошириши мумкин.

"Россиянинг янги муваффақиятли ҳужуми содир бўлган тақдирда, фронт чизиғининг қулашини инкор этиб бўлмайди", — дея маълум қилди украиналик юқори мартабали зобитлар нашрга.

🔥 @burchakostida

🇷🇺 Генерал Юрий Кузнецов жуда катта миқдорда пора олганликда гумон қилинмоқда

"Россия Мудофаа вазирлигининг кадрлар бўлими бошлиғи тижорат тузилмалари вакилларидан ўз фойдасига муайян ҳаракатлар қилгани учун пора олган", —дея хабар беради Тергов қўмитаси.

Терговчиларнинг хабар беришича, тинтувлар чоғида қўлга олинган шахсдан 100 миллион рублдан ортиқ пул, шунингдек, олтин тангалар, коллекцион соатлар ва бошқа қимматбаҳо буюмлари топилган.

Ҳозирда Кузнецовга нисбатан жиноий иш очилган ва амалдор суд томонидан ҳибсга олинган.

🔥 @burchakostida

🇬🇪 Тбилисидаги хавфсизлик кучлари намойишни тарқатишни тўхтатиб, Грузия парламентидан узоқлашди ва намойишчиларнинг бинога яқинлашишига рухсат берди.

🔥 @burchakostida

🇩🇪🇺🇦🇷🇺 Германия канцлери Швейцариядаги тинчлик саммитига катта умид боғламасликка чақирди

Олаф Шолц бу ҳақда Stern журналига берган интервьюсида айтиб ўтди.

Канцлернинг сўзларига кўра, Украина бўйича глобал тинчлик саммити энг яхши ҳолатда Украина ва Россия ўртасида тўғридан-тўғри музокараларга олиб келиши мумкин бўлган жараённинг бошланишини билдиради.

"Таҳминан 80-100 та давлат вакиллари иштирок этадиган Швейцария саммитида биз атом электр станцияларининг хавфсизлиги, дон экспорти, Россия ва Украина ўртасида маҳбуслар алмашинуви, шунингдек, ядровий қуролдан фойдаланишни тақиқлаш ҳақида музокаралар олиб борилади", — дея қайд этди Шолц.

Шу билан бирга, Германия канцлери Киевга қурол етказиб бериш бўйича унинг чақириғига Европа давлатлари етарлича амал қилмаётганидан ҳафсаласи пир бўлганини айтди.

"Украина зудлик билан қўшимча ҳаво ҳужумидан мудофаа тизимларига муҳтож. Путин Украина инфратузилмасини йўқ қилиш ниятида, шунинг учун биз Киевга кўпроқ ёрдам беришимиз керак", — дея қўшимча қилди Шолц.

🔥 @burchakostida

🇺🇦🇺🇸 АҚШ Давлат котиби Энтони Блинкен Украинага ташрифи давомида Киев политехника институтида нутқ сўзлади

Блинкеннинг нутқидан асосий иқтибослар:

◾️ Урушнинг ҳозирги босқичи Киев учун жуда муҳим;

◾️ АҚШнинг ёрдам пакети доирасидаги янги ҳарбий техника ва қуроллар яқин кунларда Украинага етказилади;

◾️ Қўшма Штатлар Украинани НАТОга яқинлаштирмоқда ва уни иттифоққа аъзо бўлишига ёрдам бермоқда;

◾️ Украиналиклар Альянсга кўп нарсани ўргатиши мумкин. Агар сизлар бизга яқин бўлсангиз, НАТО хавфсизроқ бўлади;

◾️ АҚШнинг Киев ва НАТО ўртасидаги ҳамкорликни мустаҳкамлаш бўйича қадамлари Украина тегишли талабларга жавоб берса, альянсга тезда қўшилиш имконини беради;

◾️ Қўшма Штатлар ҳамкорлари билан Украинани қўшимча ҳаво ҳужумидан мудофаа тизимлари билан таъминлаш масаласида ишламоқда;

◾️ АҚШ маъмурияти Конгрессдан олинган ваколатлардан Россиянинг музлатилган активларини мусодара қилиш учун фойдаланмоқчи;

◾️ Украинадаги сайловлар фуқаролар розилиги ва зарурий шароитлар мавжуд бўлганда ўтказилади.

🔥 @burchakostida

🇬🇪 Грузия президенти Саломе Зурабишвили “хорижий агентлар” тўғрисидаги қонун лойиҳасига вето қўйишини маълум қилди.

🔥 @burchakostida

🇺🇸🇬🇪 Агар мамлакатда демократияга путур етказилса, Қўшма Штатлар Грузия ҳукуматига қарши санкциялар жорий этади — АҚШ Давлат котиби ёрдамчиси.

🔥 @burchakostida

🇫🇷🇺🇦 Франция президенти Эммануэл Макрон сешанба куни украиналик ҳамкасби Володимир Зеленский билан телефон орқали мулоқот ўтказди

Елисей саройининг хабар беришича, икки давлат раҳбарлари суҳбат чоғида Киевга ҳарбий ёрдам етказиб бериш тафсилотларини муҳокама қилишган.

"Франция президенти Зеленскийни Париж ва унинг ҳамкорлари Киевга ҳар қандай зарур ёрдамни кўрсатишга тайёрлигига ишонтирди", — дейилади хабарда.

Макрон, шунингдек, Киев ва Москва ўртасидаги музокаралар халқаро ҳуқуқ ва Украинанинг қонуний манфаатларига риоя қилинган ҳолда ўтказилиши кераклигини таъкидлади.

🔥 @burchakostida

🇬🇪 Тбилисидаги Парламент биноси олдида ва шаҳарнинг бошқа ҳудудларида “хорижий агентлар” тўғрисидаги қонунга қарши намойишлар давом этяпти.

Шунингдек, Грузиянинг бoшқа бир йирик шаҳри Батумида ҳам ушбу қонуннинг қабул қилинишига қарши митинг бўлиб ўтмоқда.

🔥 @burchakostida

🇺🇸🇬🇪 АҚШ Давлат котиби ўринбосари Жеймс О'Брайен Тбилисидаги матбуот анжуманида қабул қилинган “хорижий агентлар” тўғрисидаги қонун Европа Иттифоқи ва НАТО меъёрларига зид равишда ҳозирги шаклида қолса, Қўшма Штатлар кўп миллион долларлик ёрдам дастурларини қайта кўриб чиқишини айтди.

О'Брайен, шунингдек, намойишчиларга қарши репрессияга алоқадорларга ва Грузия ҳукумати қарши санкциялар қўлланилишидан огоҳлантирди.

АҚШ Давлат котиби ўринбосари Вашингтон Тбилисига ҳарбий, иқтисодий, давлат институтларини ривожлантириш соҳаларида кўп миллионлик ёрдам кўрсатаётганини эслатди.

"Ҳукмрон “Грузия орзуси” партияси бошчилигида Грузия ўз конституциясига Европа Иттифоқи ва НАТОга аъзо бўлиш мақсадларини қайд этган. Шунинг учун Тбилисининг Ғарбдаги ҳамкорлари томонидан Европа Иттифоқи ва НАТОнинг демократик стандартларига риоя қилишга чақирувлари ҳеч қандай мажбурлаш ёки мамлакат ишларига аралашиш эмас", — дея таъкидлади О'Брайен.

“Грузия орзуси” раҳбариятининг таъкидлашича, партия Европа интеграцияси ғоясига содиқ қолади, “Хорижий таъсирнинг шаффофлиги тўғрисидаги” қонун грузин муҳолифати ва европалик сиёсатчилар айтаётганидек Европа Иттифоқининг демократик тамойилларига зид эмас.

🔥 @burchakostida

🇺🇦🇷🇺 Украина ҳарбийлари Россиянинг Ка-52 Аlligator ҳужум вертолёти йўқ қилингани ҳақида хабар берди. Унинг қиймати тахминан 16 миллион долларни ташкил қилади.

🔥 @burchakostida