#звязда
Выдаткі пераходу на метрычную сістэму.
Абвестка з газеты "Звезда" №120 1924 года (знайшла Т.Агеенка).

На днях сур'ёзна абнавіўся сайт "LuftBild.by", на якім можна параўнаць сучасныя спадарожнікавыя гугл-здымкі вялікай колькасці беларускіх гарадоў і вёсак з нямецкімі аэрафотаздымкамі гэтых жа мясцін часоў Вялікай Айчыннай вайны:
- зменены дызайн сайта;
- дададзены пашыраны спіс населеных пунктаў, якія трапілі на нямецкія АФЗ;
- дададзена магчымасць праглядаць некалькі гістарычных аэрафотаздымкаў перыяда 1941-44 гг., замест толькі аднаго, як было раней (як гэта выглядае, можна паглядзець на прыкладзе Баранавічаў).
Дадам яшчэ, што на "LuftBild.by" актыўна публікуюцца набытыя каналам "Беларускі піонэр" нямецкія аэрафотаздымкі беларускіх мясцін.

Мой лонгрыд з вялікай колькасцю ілюстрацый пра сёняшняе свята 11 ліпеня - Дзень вызвалення Савецкай Беларусі ад белапалякаў - якое ў міжваенныя гады ў БССР святкавалася амаль як Дзень Незалежнасці цяпер:
https://telegra.ph/Zabytae-svyata-11-l%D1%96penya---Dzen-nezalezhnasc%D1%96-%D1%9E-davaennaj-BSSR-07-11

#советскаябелоруссия
Шапка святочнага нумара газеты "Советская Белоруссия" №157 1939 года, прысвечанага святкаванню 19-й гадавіны "Вызвалення Беларусі ад белапалякаў" 11 ліпеня - аднаго з галоўных дзяржаўных святаў міжваеннай БССР.

#чырвонаязьмена
Лозунг да 5-й гадавіны вызвалення Беларусі ад белапалякаў у камсамольскай газеце "Чырвоная зьмена" №41 1925 года, надрукаваны на 4-х дзяржаўных мовах БССР таго часу: беларускай, рускай, польскай і ідыш.

#беларускаяработніца
Вокладка святочнага ліпеньскага нумара часопіса "Работніца і калгасніца Беларусі" №12 1934 года, прысвечнага 14-й гадавіне вызвалення Беларусі ад белапалякаў.

#звязда
Апошняя перадваенная згадка пра свята "Вызвалення Беларусі ад белапалякаў" на першай старонцы газеты "Звязда" ад 11 ліпеня 1940 года.

#фотабсср
Даследчык гісторыі шашак у Беларусі Віталь Аніська піша пра першую знойдзеную даваенную фатаграфію з шашачнага спаборніцтва ў БССР (да гэтага часу ў яго быў знойдзены здымак за 1947 год).
На фота шашысты Дзяніс Гардзевіч з Менска і Ісаак Храпуновіч з Віцебска на чэмпіянаце БССР 1933 года.
Цалкам артыкул чытайце па спасылцы.

#савецкаябеларусь
"Не хачу быць Іванам Шутом з вёскі Хлюпічы, хачу быць Апалонам Джольгеньні з... вёскі Хлюпічы."
Абвестка з газеты "Савецкая Беларусь" №67 1928 года (знайшоў В.Аніська).

#савецкаябеларусь
Раней і трава была зелянее, і піўныя бутэлькі большага аб'ёму...
Пастанова эканамічнай нарады пры СНК БССР аб устанаўленні ёмістасці піўных бутэлек у 0,6 літраў, надрукаваная ў газеце "Савецкая Беларусь" №66 1928 года (знайшоў В.Аніська).
Эх, а сёння ёмістасць у 0,45 літраў лічыцца нармальнай(

Да папярэдніх пастоў пра свята "Вызвалення Беларусі ад белапалякаў" - тут Антон Дзянісаў знайшоў дакладную пастанову, калі дзень 11 ліпеня стаў рэспубліканскім святам:
https://www.tg-me.com/Sovietbelarus1920/1273

У нашым музеі захоўваюцца дзве фатаграфіі, якія даследчык шашак Віталь Аніська лічыць старэйшымі знойдзенымі на дадзены момант здымкамі шашачных турніраў у БССР. Падрабязней даведацца пра тое, што адбывалася на здымках, вы можаце ў артыкулы па спасылцы - https://tinyurl.com/yrtaazx7
А мы пакажам яшчэ адзін здымак, які ў музей перадала Ала Малыхіна, унучка знакамітага беларускага шашыста Дзяніса Гардзевіча. Гэта памятны здымак, які прапаноўвалася зрабіць наведвальнікам Першай Усебеларускай выстаўкі сельскай гаспадаркі і прамысловасці 1930 года, якая праходзіла на усходнім баку горада у раёне сучасных вуліц Калініна, Кнорына і Кедышкі. З левага боку Дзяніс Ігнацьевіч, з правага – драўляны павільён працы і быту і надпіс: “На ўспамін аб 1-й Усебеларускай выстаўцы сельскай гаспадаркі і прамысловасці. 10/VIII – 1/X 30 г. Менск”.