كيف ارمي جروحي ورى
ظهر المشاريه .. وأنام

كل ما بكى صمتي طرى
صوتك .. على بال الكلام

نفس النمونه ..

اسهري بين ذكراك ودفا حلمك
ودلّي النوم لامرّك .. على عيني

لين وجه الظلام يذكرّك ظلمك
ولين شمس الصباح تذكرك فيني

شكراً على الجرح الندي و الهدايا
جرحك .. بقت هديّتك تعتني فيه

كل ما ذبَل جرحك ما بين الحنايا
كنّي و أنا ارشّ العطر فوقه أسقيه

‏ولو ان السهر دربٍ غدت من كثر ماتمشيه
‏توقف خطوةٍ .. ماتشتكي للتيه عن حالي

تعال بيوم .. مايطري على بالي تجيني فيه
‏وش تفيد الطواري لو تجيبك بس في بالي

بعد السهر في جفني المرتاب
الشمس طلت تربك نعاسي

طارت من كفوف الصباح اسراب
وانا عجزت .. اطيّر عماسي

اشتقت لك و لصوتك الحطاب
اللي كسر بفراقنا .. باسي

عذر الجروح اللي بدون اسباب
ماتمسح دموعي .. ولا تواسي

ولا على صمتي معاك عتاب
حبيبي انت المخطي الناسي

اشعلت لك شمع الكلام وذاب
مدري طفى من ريحك القاسي

كيف اتنفس والهوى غلاب ؟
اباخذك .. ولا اخذ انفاسي

تخيل اني صرت ياكذاب
اصدقك اكثر من احساسي

حطيتك بقلبي وظني خاب
ياليتني .. حطيتك براسي

شبابيك وحدايد

اخذي مني كل شي
الا انتي ..

- سعد المويهي

Snap : di7iii

الجرح يبرى لو انك كنت متعمد
اللي معورّني ان الجرح بالصدفه

الاغاني ..
تقول اللي ما نقدر نقوله !

‏ادري ان العمر لولاك ، وش زينته ؟
‏لا تعاتب قسا قلبي .. وتنسى غلاي

‏ويوم اجي بيتك .. اللي ياثقل طينته
‏خطوتي علمتني كيف احس بخطاي

ماورى الضحكه .. الا حزن والام
ليت قلبك .. مثل طعنتك وافي

خايف ان رحت عنك القاك قدام
وخايف ارجع ولا اشوفك خلافي

لا يطول الزعل .. وتمّل الايام
من وصالك ومن جرح التجافي

ولا تعوّد عيوني .. تقدر تنام
وانت ماقلت لي نوم العوافي

زي الهوى ..
في بروفات حفلة باريس

من الخيال الى الحقيقه ..

في مثل اللحظة اللي غنّت فيها ذكرى :
"هذي أول مرة أشوفك بعيني كنت أشوفك بقلبي"
قال عبدالعزيز العبلان :
"غسّل الدمع عيني لين شفتك عدل
أثر بعض العيون ان مابكت ماتشوف".

‏من عرفت ان ما لجرحي غير طبك
‏رحت ابشر ضيقة النفس بسعدها

‏وقلت لك كل الكلام .. الا احبك
‏كنت اخاف اقولها واسكت بعدها