‏حتى واذا ماتت الاحلام مامتّي
‏انا معاناتي .. اكبر من معاناتك

‏لا عاد تبكين باقي شوي ونشتّي
‏وتبكين تحت المطر وتضيع دمعاتك

‏صوتية :
‏
‏في دروبك كثر ما كنت ادوّر عليك
‏واضحه فوق شارع بيتكم جرتـي ..!!
‏
‏https://youtu.be/DQ61Y0bTvP8

كل مانامت عيون المشاعر تفيق
من كوابيس خطواتك وهي راحله

بعد عينك حبيبي ما لعيني رفيق
غير دمعٍ يتعبها .. وترتاح له

‏تحية لمن لم يتأثر بموجة السخف التي إجتاحت هذا العالم و حولت الكثير لناس تهوى المظاهر والتقمص بأتفه الأمور ، تحية لمن إختار أن يكون حقيقياً.

نار العشق جنّه

مثل يوسف جمالك ما لقوا لك جُب
مع ان حساد زينك كيدهم .. اكبر

هجرتك لين قلتي .. ما يعرف يحب
وصلتك لين قلتي .. ما عرف يصبر

مانوّمت عين انتظاري .. وعودك
ياما بكت دمع و حنين و ليالي

تدري .. مع اني ما احس بوجودك
في غيبتك .. حسيت نفسي لحالي

تسيلين .. من ديم المواعيد
على الوقت وتطول الثواني

تجيني واحس ان المسا عيد
واشوفك .. واحس بشي ثاني

كل ما هبّني ريح الغياب الشرس
طيّر الياس من غصن الاماني حمام

خطوتين الحنين اللي بصدري تعس
لا تجي في محلٍ شد منه الملام

من حبس ؟ صوتي اللي بالمدى منحبس
ليت ماني بشاعر .. كل ماضاق هام

لو عقد حاجبه وجه الحياه وعبس
عشت عمري بقلب ابيض وضحكة سلام

اه من وجهك الكذاب .. لامن لبس
ثوب صدق الملامح وابتسم للغرام

صوتك اللي حرث بين الضلوع وغرس
خايف بغيبته .. تذبل ورود الكلام

ليت لك عذر يغفر لك عشان التمس
وليت لي بال مايذكر على شان انام

حس ياللي سنين اقول بكرا تحس
من عرفت اني احبك جهلت المنام ..

المطر لو من عيون السما طاح
انت للحين .. شايلتك عيوني

تغريب

غيمة الياس

إرتجفتي
وطاح صمتك
وانكسر كل الكلام
وماعرفتي
إني غصه وقفت خلف الحناجر
مارضى صوتي يضايقني عليك
وحزم حروفه وهاجر
وماعرفتي
إن دمعك يسقي الذكرى بجفونك
من عيونك
تنزل أمطار
ورياحك تعزف أوراق الشجر
فصل الرحيل
وغاب لونك
ولا لأنك ما رضيتي صار ليل
خفت لا أسأل شلونك
ترحلين وتتركيني مثل صوتي
ماله ذنب بكل كلمه
قالها لسان الظروف
قلت أدور لي عذر ثاني واشوف
وما لقيت الا إرتباكي
وارتجافات الشوارع
يمكن إن الأرض حسّت
إني قبل شوي باكي
ولا لأني كنت ظلّك
ماقدرتي تبعدين
وتبعديني عن طريقك
هذا ضيقك
انا خايف لا أروح وما أشوفك
لكن أنتي من غيابك
ليش خفتي

انا حتى لـ الله منك ماشكيت .

ماصاد رمح الكلام افكاري الشرد
وش ذنب صمتي سنين وذنب خوفي

بيد المشاعر بصدرك كم لها جرد ؟
وانا سحاب الندم .. يمطر بجوفي

حبيبي اللي قسيت اكثر من البرد
ما لحف الدمع يوم اقفيت شوفي

مابين اودعك واكسر خاطر الورد
لوحت في كل شي .. الا كفوفي

‏ماللسهر عذر تلتمسه .. يدين الليال
‏لو كان عيني على كثر الخطا دامحه

‏هب الهوى غصن روحي بانتظارك ومال
‏ياليتني قبل اعاتب جرحك .. مسامحه !

صوتك الصبح
ياطعم الشروق
بعد ليلة شتاء برد وظلام ..

- سعد الحريص